Зиннат® гранулы 125 мг/5 мл

5 мл суспензияның құрамында: белсенді зат - 0.150 г цефуроксим аксетилі (125 мг цефуроксимге сәйкес), қосымша заттар: стеарин қышқылы, сахароза 3.062 г, «Tutti Frutti» хош иістендіргіші, калий ацесульфамы, аспартам 0.021 г, повидон К30, ксантан шайыры. Сыртқы түрінің, иісінің, дәмінің сипаттамасы Оральді суспензияға арналған түйіршіктер. Ақ немесе ақ дерлік түсті түйіршіктер. Пайдалануға дайын суспензия. Ақ немесе ақ дерлік түсті суспензия.

Препаратқа сезімтал микроорганизмдерден туындаған инфекциялық-қабыну ауруларын емдеуде: • жоғарғы тыныс алу жолдарының инфекциялары (мысалы: отит, синусит, жедел стрептококкты тонзиллит және фарингит сияқты құлақ, мұрын және тамақ инфекциялары) • төменгі тыныс алу жолдарының инфекциялары (мысалы: пневмония, өкпенің созылмалы обструкциялық ауруының өршуі) • несеп-жыныс жолдарының инфекциялары (мысалы: пиелонефрит, цистит және уретрит) • терінің және жұмсақ тіндердің инфекциялары (мысалы, фурункулез, пиодермия, импетиго) • соз, жедел асқынбаған гонококкты уретрит және цервицит • Лайм ауруының ерте сатыларын емдеу және Лайм ауруының кейінгі сатыларының профилактикасы Бактерияға қарсы заттарды тиісінше пайдалану жөніндегі ресми ұсынымдарды қарау қажет.

Әсер ету механизмі Зиннат – II буын цефалоспоринді антибиотик. Оның әсер ету ауқымы кең. Цефуроксим аксетилі белсенді цефуроксим антибиотигіне дейін эстераза ферменттерімен гидролизденеді. Көптеген β-лактамазалардың әсеріне төзімді, сондықтан ампициллинге төзімді немесе амоксициллинге төзімді штаммдарға қатысты белсенді. Бактерицидтік әсер етеді, негізгі мақсатты ақуыздармен байланыстыру нәтижесінде бактериялардың жасуша жақтауының синтезін бұзады. Резистенттілік механизмі Цефуроксимге бактериялық резистенттілік келесі механизмдердің бірімен немесе бірнешеуімен шартталуы мүмкін: • бета-лактамазалардың гидролизі; аэробты грамтеріс бактериялардың белгілі бір түрлерінде индукциялануы немесе тұрақты түрде басылуы мүмкін кеңейтілген ауқымды бета-лактамазаларды (КАБЛ) және AmpC ферменттерін қоса (бірақ олармен шектелмей); • пенициллинді байланыстыратын ақуыздардың цефуроксимге тектестігінің төмендеуі; • цефуроксимнің грамтеріс бактериялардың пенициллинді байланыстыратын ақуыздарына қол жетімділігін шектейтін сыртқы жарғақшаның өткізбеуі; • бактериялардың кері ағуына арналған сорғылар. Басқа инъекциялық цефалоспориндерге резистенттілік дамыған микроорганизмдер цефуроксимге төзімді болады деп күтілуде. Резистенттілік механизміне байланысты пенициллиндерге жүре пайда болған резистенттілігі бар организмдер цефуроксимге төмен сезімталдықты немесе резистенттілікті көрсетуі мүмкін. Цефуроксим аксетилінің шекті мәні Микробқа қарсы препараттарға сезімталдықты айқындау жөніндегі Еуропалық комитет (EUCAST) 2023 жылғы 1 қаңтардан бастап қолданыста болған 13-нұсқада белгілеген ең төмен тежейтін концентрацияның (ЕТК) шекті мәндері мынадай (9-кесте): Микроорганизмдер — Шекті мәндер (мг / л) С< — Р> Enterobacteriaceae 1 2 — 8 — 8 Staphylococcus spp. — Ескертпе3 — Ескертпе3 Streptococcus A, B, C және G — Ескертпе4 — Ескертпе4 Streptococcus pneumoniae — 0,25 — 0,25 Moraxella catarrhalis — 0,001 — 4 Haemophilus influenzae — 0,001 — 1 1 КАБЛ және AmpC плазмидамен байланысқан. Бета-лактамазалар өндіретін кейбір штаммдар осы шекаралық мәндер бойынша 3-ші немесе 4-ші буын цефалоспориндеріне қатысты сезімтал немесе аралық болып табылады және оларды анықталған ретінде хабарлаған жөн, яғни КАБЛ болуы немесе болмауы өз бетімен сезімталдықты санаттауға әсер етпейді. Көптеген салаларда инфекциялық бақылау мақсаттары үшін КАБЛ анықтау және сипаттау ұсынылады немесе міндетті болып табылады. 2 Тек несеп шығару жолдарының асқынбаған инфекциялары НШЖ (цистит) E. coli, Klebsiella spp. (K. aerogenes қоспағанда), Raoultella spp. және P. Mirabilis ( 4.1-бөлімін қараңыз). 3 staphylococci цефалоспориндерге сезімталдығы цефиксим, цефтазидим, цефтазидим-авибактам, цефтибутен және цефтолозан-тазобактамды қоспағанда, цефокситинге сезімталдығымен анықталады шектік мәні жоқ және staphylococcal инфекцияларында қолдануға болмайды. Пероральді препараттар үшін инфекция орнына талапқа сай әсер ету үшін сақ болу керек. Метициллинге сезімтал стафилококктар үшін цефотаксим мен цефтриаксон туралы хабарлау кезінде оларды «сезімтал, экспозицияның жоғарылауы» деп хабарлау керек. Кейбір метициллинге төзімді S. aureus цефтаролин мен цефтобипролға сезімтал. 4 A, B, C және G топтарының streptococci цефалоспориндеріне сезімталдығы бензилпенициллинге сезімталдық негізінде анықталады. С-сезімталдық, Р-резистенттілік. Микробиологиялық сезімталдық Штаммдардың резистенттілігі географиялық орналасуына және уақытына байланысты. Ауыр инфекцияларды емдеу үшін жергілікті резистенттілік деректерін қолданыңыз. Егер жергілікті резистенттілік цефуроксим аксетиліне жеткілікті таралған болса және оның тиімділігі кейбір инфекцияларды емдеу кезінде күмән келтірілсе, онда тиісті маманға жүгіну ұсынылады. Цефуроксим келесі микроорганизмдерге қатысты тиімді Грамоң аэробты бактериялар: Staphylococcus aureus (метициллинге сезімтал изоляттар) * Коагулазонегативті staphylococcus (метициллинге сезімтал) Streptococcus pyogenes Streptococcus agalactiae Грамтеріс аэробты бактериялар: Haemophilus influenzae Haemophilus parainfluenzae Moraxella catarrhalis Спирохеттер Borrelia burgdorferi Цефуроксимге ықтимал резистенттілігі бар микроорганизмдер Грамоң аэробты бактериялар: Streptococcus pneumoniae Грамтеріс аэробты бактериялар: Citrobacter freundii Enterobacter aerogenes Enterobacter cloacae Escherichia coli Klebsiella pneumoniae Proteus mirabilis Proteus spp. (P. Vulgaris қоспағанда) Providencia spp. Грамоң анаэробты бактериялар: Peptostreptococcus spp. Propionibacterium spp. Грамтеріс анаэробты бактериялар: Fusobacterium spp. Bacteroides spp. Цефуроксимге төзімді Грамоң аэробты бактериялар: Enterococcus faecalis Enterococcus faecium Грамтеріс аэробты бактериялар: Acinetobacter spp. Campylobacter spp. Morganella morganii Proteus vulgaris Pseudomonas aeruginosa Serratia marcescens Грамтеріс анаэробты бактериялар: Bacteroides fragilis Басқалар Chlamydia spp. Mycoplasma spp. Legionella spp. * Барлық метициллинге төзімді S. aureus бактериялары цефуроксимге төзімді.

Дозалау режимі Емдеу әдетте жеті күнге созылады (бірақ бес күннен он күнге дейін созылуы мүмкін). Жеке инфекцияны емдеу үшін таңдалған цефуроксим дозасы мыналарды ескеруі керек: • күтілетін патогендер және олардың цефуроксим аксетилге ықтимал сезімталдығы • инфекцияның ауырлығы мен орналасуы • пациенттің жасы, салмағы және бүйрек қызметі (төменде қараңыз) Инфекция түріне және пациенттің реакциясына байланысты терапияның ұзақтығы әдетте ұсынылған дозадан аспауы керек. 1-кесте. Ересектер мен балалар (≥40кг) Қолданылуы — Доза Жедел тонзиллит және фарингит, жедел бактериялық синусит — Күніне екі рет 250 мг Жедел ортаңғы отит — Күніне екі рет 500 мг Созылмалы бронхиттің өршуі — Күніне екі рет 500 мг Цистит — Күніне екі рет 250 мг Пиелонефрит — Күніне екі рет 250 мг Асқынулармен қатар жүрмейтін тері және жұмсақ тіндер инфекциялары — Күніне екі рет 250 мг Лайм ауруының алғашқы сатыларын емдеу — 14 күн бойы күніне екі рет 500 мг (10 күннен 21 күнге дейін) Пациенттердің ерекше топтары 2-кесте. Балалар (<40 кг.) (сондай-ақ 3 және 4 кестелерді қараңыз) Қолданылуы — Доза Жедел тонзиллит және фарингит, жедел бактериялық синусит — Тәулігіне екі рет 10 мг/кг-ден күніне екі рет ең көбі 250 мг-ге дейін Жедел ортаңғы отит — Күніне екі рет 15 мг/кг, бірақ күніне екі рет 250 мг-ден көп емес. Жедел бактериялық синусит — Тәулігіне екі рет 10 мг/кг-ден күніне екі рет ең көбі 250 мг-ге дейін Цистит — Күніне екі рет 15 мг/кг, бірақ күніне екі рет 250 мг-ден көп емес. Пиелонефрит — Тәулігіне екі рет 15 мг/кг-ден тәулігіне екі рет ең көбі 250 мг-ге дейін, 10-нан 14 күнге дейін Асқынулармен қатар жүрмейтін тері және жұмсақ тіндер инфекциялары — Күніне екі рет 15 мг/кг, бірақ күніне екі рет 250 мг-ден көп емес Лайм ауруының алғашқы сатыларын емдеу — Күніне екі рет 15 мг/кг-ден 14 күн бойы күніне екі рет ең көбі 250 мг-ге дейін (10-нан 21 күнге дейін) 3 айға дейінгі балаларда Зиннат® препаратын қолдану тәжірибесі жоқ. Ішке қабылдау үшін суспензия дайындауға арналған таблеткалар немесе түйіршіктер түріндегі цефуроксим аксетилі биобаламалы емес, олар 1 мг/1 мг арақатынасы негізінде өзара алмастырылмайды. Суспензияны жеңілдетіп қолдануға арналған нұсқаулық ретінде (мысалы, 125 мг/5 мл немесе 250 мг/5 мл үшін өлшеуіш қасық (5 мл)) суспензия, жас топтарына бөлінген келесі екі кесте ұсынылады. 3-кесте. 3 айлық және одан үлкен жастағы және дене салмағы < 40 кг балаларды емдеуге арналған 10 мг/кг мөлшеріндегі доза Жасы — Тәулігіне 2 рет (мг) — Көлемі мл-мен 125 мг/5мл — 250 мг/5мл 4-тен 6 айға дейін — 40 – 60 — 2.5 — - 6 айдан 12,5 жасқа дейін — 60 – 125 — 2.5-5 — - 12,5-тен 25 жасқа дейін — 125 - 250 — 5 - 10 — 2.5 - 5 25 жастан асқан — 250 — 10 — 5 4-кесте. 3 айлық және одан үлкен жастағы және дене салмағы < 40 кг балаларды емдеуге арналған 15 мг/кг мөлшеріндегі доза Жасы — Тәулігіне 2 рет (мг) — Көлемі мл-мен 125 мг/5мл — 250 мг/5мл 4-тен 6 айға дейін — 60 – 90 — 2,5 -5 — - 6 айдан 12 жасқа дейін — 90 – 180 — 5-7.5 — 2.5 - 5 12-ден 16 жасқа дейін — 180 – 240 — 7.5-10 — 5 16 жастан асқан — 250 — 10 — 5 Өте кішкентай балаларда дозалаудың күрделілігі мен дәлдігін арттыру үшін дозалау шприці көп дозалы құтымен жиынтықта берілуі мүмкін. Қажет болса, дозалау шприцін үлкен жастағы балаларда да қолдануға болады (дозалау үшін төмендегі кестелерді қараңыз). 125 мг/5 мл суспензияны пайдалана отырып, 10 мг/кг дозаны бір реттік қабылдауды есептеу үшін баланың салмағына (W) кг, мл-дегі суспензияның қажетті көлемі мына формула бойынша есептеледі: (10 х W х 5) / 125. 250 мг/5 мл суспензияны пайдалана отырып, 10 мг/кг дозаны бір реттік қабылдауды есептеу үшін баланың салмағына (Ш) кг, мл-дегі суспензияның қажетті көлемі мына формула бойынша есептеледі: (10 х Ш х 5) / 250. Төмендегі кестеде баланың дене салмағына (кг-ге) байланысты мл немесе мг-де көрсетілген балаларға арналған шприц-дозатор үшін есептелген дозалардың кейбір мысалдары келтірілген. 5-кесте. 10 мг/кг/доза (Балаларға арналған шприц-дозатор) Доза үшін қалпына келтірілген суспензия көлемі (мл) Баланың салмағы (кг) — Тәулігіне екі рет (мг) — Тәулігіне екі рет 125 мг/5 мл доза — Тәулігіне екі рет 250 мг/5 мл доза 4 — 40 — 1,6 — 0,8 6 — 60 — 2,4 — 1,2 8 — 80 — 3,2 — 1,6 10 — 100 — 4,0 — 2,0 12 — 120 — 4,8 — 2,4 14 — 140 — 5,6 — 2,8 125 мг/5 мл суспензияны пайдалана отырып, 15 мг/кг дозаны бір реттік қабылдауды есептеу үшін баланың салмағына (Ш) кг, мл-дегі суспензияның қажетті көлемі мына формула бойынша есептеледі: (15 х Ш х 5) / 125. Төмендегі кестеде баланың дене салмағына (кг-ге) байланысты мл немесе мг-де көрсетілген балаларға арналған шприц-дозатор үшін есептелген дозалардың кейбір мысалдары келтірілген. 6-кесте. 15 мг/кг/доза (Балаларға арналған шприц-дозатор) Доза үшін қалпына келтірілген суспензия көлемі (мл) Баланың салмағы (кг) — Тәулігіне екі рет (мг) — Тәулігіне екі рет 125 мг/5 мл доза — Тәулігіне екі рет 250 мг/5 мл доза 4 — 60 — 2,4 — 1,2 6 — 90 — 3,6 — 1,8 8 — 120 — 4,8 — 2,4 10 — 150 — 6,0 — 3,0 12 — 180 — 7,2 — 3,6 14 — 210 — 8,4 — 4,2 Бүйрек жеткіліксіздігі Бүйрек жеткіліксіздігі бар пациенттерде цефуроксим аксетилінің қауіпсіздігі мен тиімділігі анықталмаған. Цефуроксим негізінен бүйрекпен шығарылады. Бүйрек функциясы бұзылған пациенттерде баяу экскрецияны түзету үшін дозаны төмендету ұсынылады. Цефуроксим диализбен тиімді шығарылады. 7-кесте. Бүйрек жеткіліксіздігі кезіндегі Зиннат® препаратының ұсынылатын дозалары Креатинин клиренсі — T½ (сағат) — Ұсынылатын доза ≥30 мл/мин/1.73 м2 — 1.4 – 2.4 — Дозаны түзету қажет емес (стандартты доза күніне екі рет 125 – 500 мг) 10-29 мл/мин/1.73 м2 — 4.6 — Әр 24 сағат сайын стандартты бір реттік доза <10 мл/мин/1.73 м2 — 16.8 — Әр 48 сағат сайын стандартты бір реттік доза Гемодиализ емшарасы кезінде — 2-4 — Диализ емшарасының соңында жекелей қосымша бір рет Бауыр жеткіліксіздігі Бауыр жеткіліксіздігі бар пациенттер туралы деректер жоқ. Цефуроксим ең алдымен бүйрекпен шығарылатындықтан, бауыр функциясының бұзылуы цефуроксим фармакокинетикасына әсер етпейді деп болжанады. Қолдану тәсілі Ішке қабылдауға арналған. Оңтайлы сіңірілу үшін препаратты тамақтану кезінде қабылдау керек. Дозасына байланысты басқа дәрілік түрлері де бар. Қабылдау алдында суспензияны дайындау жөніндегі нұсқаулық: • Дәрілік затты қолданар алдында ішіндегісін жұмсарту үшін құтыны бірнеше рет қарқынды шайқаңыз. Құтыдағы барлық түйіршіктер сусымалы болуы керек. Қақпақ пен қорғаныс жарғақшасын шешіп алыңыз. Егер жарғақша зақымдалған немесе жоқ болса, препаратты пайдаланбаңыз. • Суспензия құтысымен бірге жеткізілетін өлшеуіш стақанда көрсетілген белгіге дейін бөлме температурасындағы су құйып алыңыз. Егер су алдын ала қайнатылған болса, оны қоспас бұрын бөлме температурасына дейін суыту керек. Пероральді суспензия түйіршіктерін ыстық немесе жылы сұйықтықтармен араластырмаңыз. Суспензия тым қою болмас үшін суық суды пайдалану керек. • Бөлме температурасындағы судың өлшенген мөлшерін құтыға құйып, қақпақпен жабыңыз. Түйіршіктер сумен әбден қанығуы үшін құтыны тұндыра тұрыңыз; бұл шамамен бір минутты алуы керек. • Препаратты толығымен араластыру үшін құтыны төңкеріп, оны қатты сілкіңіз (кемінде 15 секунд). • Құтыны тік қалыпқа аударыңыз және барлық түйіршіктер сумен араласқанға дейін бір минут бойы тағы да қатты сілкіңіз. • Егер Сіз суспензияны сұйылтқаннан кейін бірден қолдануды жоспарламасаңыз, құтыны дереу тоңазытқышқа қойыңыз (2ºС-ден 8ºС-ге дейін, мұздатып қатырмаңыз) және алғашқы дозаны қабылдағанға дейін кем дегенде бір сағат тұндыра тұрыңыз. 2 ºС-ден 8 ºС-ге дейін салқындаған кезде дайын суспензияны 10 күнге дейін сақтауға болады. Дәріні қабылдар алдында құтыны әрдайым жақсылап шайқаңыз. • Препаратты қабылдаған кезде суспензияның әрбір бөлігіне қосымша жеміс шырынын немесе бөлме температурасындағы сүтті қосуға болады. Осылайша қосымша сұйылтылған суспензияны дереу қолдану керек. Суспензияның барлық көлемін шырын немесе сүтпен бірден сұйылтпаңыз. Дайын суспензияны немесе түйіршіктерді ыстық сұйықтықтармен араластыруға болмайды. Емдеу ұзақтығы Препаратты қолдану ұзақтығы орта есеппен 7 күнді құрайды (5-тен 10 күнге дейін).

• цефалоспориндік антибиотиктерге, цефуроксимге немесе қосымша заттардың кез келгеніне белгілі аса жоғары сезімталдық • анамнездегі аса жоғары сезімталдықтың ауыр реакциялары (мысалы, анафилаксиялық реакциялар) кез келген түрдегі бактерияға қарсы бета-лактамды дәрілерге (пенициллиндер, монобактамдар және карбапенемдер). • 3 айға дейінгі балалар • фенилкетонурия

Цефуроксимге жағымсыз реакциялар әдетте өтпелі және жеңіл ағымға ие. Ең көп таралған жағымсыз реакциялар - бұл Candida-ның шамадан тыс өсуі, эозинофилия, бас ауыру, бас айналуы, АІЖ бұзылысы және бауыр ферменттерінің орташа жоғарылауы. Жиі • Candida тектес төзімді микроорганизмдердің қатты көбеюі • эозинофилия • бас ауыруы, бас айналуы • диарея, жүрек айну, іштің ауыруы • бауыр ферменттері белсенділігінің уақытша жоғарылауы Жиі емес • оң Кумбс реакциясы, тромбоцитопения, лейкопения (кейде күрт білінетін) • құсу • тері бөртпесі Жиілігі белгісіз • Clostridium difficile шектен тыс көбеюі • гемолиздік анемия • Коунис синдромы • дәрілік этиологиядағы қызба, сарысу құю ауруы, анафилаксия, Яриш-Герксгеймер реакциясы • жалған жарғақшалы колит • сарғаю (негізінен холестаздық), гепатит • есекжем, қышыну • полиморфты эритема, Стивенс-Джонсон синдромы, уытты эпидермалық некролиз (экзантематозды некролиз), ангионевроздық ісіну эозинофилиямен және жүйелік симптомдармен (DRESS) жүретін дәрілік реакция Жекелеген жағымсыз реакциялардың сипаттамасы Цефалоспориндер класс ретінде әдетте эритроциттер жарғақшасының бетіне сіңеді және препаратқа қарсы бағытталған антиденелермен реакцияға түседі, бұл оң антиглобулиндік тестті (бұл қанның үйлесімділігіне арналған айқаспалы сынамаға кедергі келтіруі мүмкін) және сирек жағдайларда гемолиздік анемияны көрсетеді. Қан сарысуындағы бауыр ферменттері деңгейінің қысқа мерзімді жоғарылауы байқалады, ол әдетте қайтымды болады. Балалар Балалардағы цефуроксим аксетилінің қауіпсіздік бейіні ересектердегі бейінге сәйкес келеді. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК. http://www.ndda.kz Егер Сізде қандай да бір жағымсыз реакциялар пайда болса, емдеуші дәрігермен кеңесіңіз. Бұл ұсыным кез келген ықтимал жағымсыз реакцияларға, оның ішінде қосымша парақта келтірілмегендерге де қатысты. Жағымсыз реакциялар туралы хабарлау арқылы Сіз ДП қауіпсіздігі туралы көбірек ақпарат алуға көмектесесіз.

Симптомдары: ОЖЖ тарапынан бұзылыстар (энцефалопатия), олар қозу, құрысу арқылы білінеді және команың дамуына әкелуі мүмкін. Егер бүйрек жеткіліксіздігі бар пациенттер үшін дозасына тиісті түзету жүргізілмесе, артық дозалану симптомдары туындауы мүмкін. Шұғыл процедуралар: симптоматикалық. Зиннат® препараты гемодиализ немесе перитонеальді диализ кезінде шығарылады.

Анамнезінде бета-лактамды препараттарға айқын емес аса жоғары сезімталдығы бар пациенттерге цефуроксим тағайындау кезінде сақ болу керек. Арнайы ескертулер Аса жоғары сезімталдық Зиннат® препаратын анамнезінде пенициллиндерге немесе бета-лактамдық басқа антибиотиктерге аллергиялық реакциялар туралы мәліметтер бар пациенттерге аса сақтықпен тағайындайды, өйткені айқаспалы сезімталдық қаупі бар. Барлық бета-лактамды бактерияға қарсы препараттар сияқты, ауыр және кейде өліммен аяқталатын аса жоғары сезімталдық реакциялары туралы хабарланған. Коунис синдромына (миокард инфарктісіне әкеп соғуы мүмкін жедел аллергиялық коронарлық артериоспазм, 4.8 бөлімін қараңыз) дейін өршуі мүмкін аса жоғары сезімталдық реакциялары туралы хабарламалар болды. Аса жоғары сезімталдықтың күрделі реакциялары туындаған жағдайда цефуроксиммен емдеуді дереу тоқтатып, талапқа сай шұғыл шараларды бастау керек. Емдеуді бастар алдында пациенттің анамнезінде цефуроксимге, басқа цефалоспориндерге немесе бета-лактамдық дәрінің кез келген басқа түріне аса жоғары сезімталдық реакцияларының ауыр болғанын болмағанын анықтау керек. Цефуроксимді анамнезінде бета-лактамдық басқа дәрілерге ауыр емес аса жоғары сезімталдығы бар пациенттерге тағайындаған кезде сақ болу керек. Терінің күрделі жағымсыз реакциялары (SCARS) Цефуроксиммен емдеу кезінде Стивенс-Джонсон синдромын (SJS), уытты эпидермалық некролизді (TEN) және өмірге қауіп төндіретін немесе өліммен аяқталуы мүмкін эозинофилиямен және жүйелік симптомдармен (DRESS) дәрілік реакцияларды қоса алғанда, терінің күрделі реакциялары хабарланды. Препаратты тағайындау кезінде пациенттер белгілер мен симптомдар туралы хабардар болуы және мұқият бақылауда болуы керек. Егер осы реакцияларды көрсететін белгілер мен симптомдар пайда болса, цефуроксимді дереу тоқтатып, балама емдеуді қарастырған жөн. Егер цефуроксимді қолдану кезінде пациентте SJS, TEN немесе DRESS сияқты күрделі реакция дамыса, бұл пациентті цефуроксиммен емдеуді ешбір жағдайда қайта жаңғыртуға болмайды. Яриш-Герксгеймер реакциясы Лайм ауруын Зиннат® препаратымен емдеу кезінде кейде Яриш-Герксгеймер реакциясы байқалады. Бұл реакция Зиннат® препаратының ауру қоздырғышы – Borrelia burgdorferi спирохетіне бактерицидтік әсерінің тікелей салдары мен емдеудің жиі кездесетін және әдетте өздігінен өтетін салдары болып табылады. Пациенттерге оның арнайы емдеуді талап етпейтін Лайм ауруы кезінде антибиотиктермен жүргізілген емнің әдеттегі салдары екенін түсіндіру қажет. Резистентті микроогранизмдердің өсуі Басқа антибиотиктермен болған жағдайдағы сияқты, препаратпен ұзақ уақыт емдеу кезінде сезімтал емес микроорганизмдердің (Candida, Enterococci, Clostridium difficile) қатты көбеюі болуы мүмкін, бұл емдеуді тоқтатуды талап етеді. Антибиотиктерді, оның ішінде Зиннат® препаратын қолдану аясында диарея пайда болған кезде ауырлығы елеусіз колиттен өмірге қауіп төндіретінге дейін ауытқуы мүмкін жалған жарғақшалы колиттің даму мүмкіндігін ескерген жөн. Осылайша, емдеу аясында немесе емді тоқтатқаннан кейін пайда болған диареямен ауыратын пациенттерде осы патологияның болуын қарастырған жөн. Пациентте ұзаққа созылатын немесе айқын білінетін диарея болса немесе абдоминальді түйілулер болса, емдеу дереу тоқтатылуы тиіс және пациент әріқарай зерттеуге жіберілуі тиіс. Сондай-ақ, Clostridium difficile бактерияларының көлемін азайту мақсатында арнайы емдеуді қолдануды қарастыру қажет. Ішек перистальтикасын тежейтін препараттарды тағайындауға болмайды Зертханалық диагностикадағы дәрілік интерференция Цефуроксимді қолданумен байланысты Кумбс сынамасының оң нәтижесі қанның үйлесімділігіне айқаспалы сынаманың нәтижесін бұрмалауы мүмкін. Феррицианид сынағында жалған теріс нәтиже беруі мүмкін болғандықтан, цефуроксимаксетил қабылдайтын пациенттер үшін қандағы/плазмадағы глюкоза деңгейін анықтау үшін глюкозооксидазалы немесе гексокиназалы әдістерді қолдану ұсынылады. Қосымша заттар туралы маңызды ақпарат Қант диабетімен ауыратын пациенттерге суспензия құрамында сахарозаның болуын ескеруі керек. 5 мл көлемдегі дозада 3 г сахароза бар. Фенилкетонуриямен ауыратын пациенттерге Зиннат® препаратын тағайындау кезінде фенилаланин көзі болуы мүмкін препараттың құрамында аспартамның болуын ескеру қажет. Педиатрияда қолдану 3 айлық жасқа дейінгі балаларды емдеу тәжірибесі жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат бас айналуды туындатуы мүмкін болғандықтан, пациенттерге көлік құралын басқару немесе қозғалатын механизмдермен жұмыс істеу кезіндегі сақтық шаралары туралы ескерту қажет.

Жүкті әйелдерде цефуроксимді қолдану тәжірибесі шектеулі. Жануарларға жүргізілген зерттеулер жүктілікке, эмбриональды немесе ұрықтың дамуына, босану ағымына немесе босанғаннан кейінгі дамуға ешқандай жағымсыз әсер етпеді. Ана үшін емнің болжамды пайдасы шарана үшін ықтимал қауіптен асып кеткен жағдайларда ғана қолдануға болады. Цефуроксим аз мөлшерде емшек сүтіне енеді. Емдік дозаларда препараттың теріс әсері күтілмейді, дегенмен диарея мен шырышты қабықтың зеңдік инфекциясы қаупін жоққа шығаруға болмайды. Егер мұндай әсерлер пайда болса, бала емізуді тоқтату қажет болуы мүмкін. Аллергиялық реакцияның пайда болу мүмкіндігін ескеру қажет. Цефуроксимді лактация кезеңінде емдеу үшін емдеуші дәрігер оң әсер мен қауіптердің арақатынасын бағалағаннан кейін ғана пайдалану қажет. Фертильділік Цефуроксимнің адамдардың ұрпақ өрбіту қабілеттеріне әсері туралы деректер жоқ. Клиникаға дейінгі зерттеулер жануарлардың репродуктивті функциясына қандай да бір әсерін ашпады.

Асқазан сөлінің қышқылдығын төмендететін препараттар Зиннат® препаратының биожетімділігін азайтуы мүмкін және тамақ ішкеннен кейін сіңіруді жеделдетуге кедергі келтіруі мүмкін. Басқа антибиотиктер сияқты, Зиннат® препараты ішек флорасына әсер етуі мүмкін, осылайша эстрогендердің реабсорбциясының төмендеуіне және біріктірілген пероральді контрацептивтердің тиімділігінің төмендеуіне әкеледі. Цефуроксим шумақтық сүзілу және өзекшелік секреция арқылы шығарылады. Пробеницидті бір мезгілде қабылдау ұсынылмайды. Пробеницидпен бірге енгізу Зиннат® препаратының AUC 50%-ға ұлғаюына әкеледі, осыған байланысты бірлесіп қолдану ұсынылмайды. Пероральді антикоагулянттармен бөлісу халықаралық қалыптасқан коэффициентінің жоғарылауына әкелуі мүмкін.

Сақтау мерзімі 2 жыл Жарамдылық мерзімі өткеннен кейін қабылдауға болмайды. Сақтау шарттары 30С-ден аспайтын температурада сақтау керек. Дайындалған суспензияны 10 күннен асырмай 2 С-ден 8 С-ге дейінгі температура аралығында тоңазытқышта сақтау керек. Балалардың қолы жетпейтін жерде сақтау керек!