Веракол порошок 1 г

Бір құтының ішінде белсенді зат - 1193.00 мг натрий цефтриаксоны (1000.00 мг цефтриаксонға баламалы). Еріткіші бар бір ампуланың ішінде: белсенді зат - 37.30 мг лидокаин гидрохлориді моногидраты (35.00 мг лидокаин гидрохлоридіне баламалы); қосымша зат - 3.5 мл-ге дейін инъекцияға арналған су. Сыртқы түрінің, иісінің, дәмінің сипаттамасы Препарат: өзіне тән иісі бар, ақ немесе сарғыш реңді ақ түсті ұнтақ. Еріткіш: түссіз, мөлдір сұйықтық.

Цефтриаксонға сезімтал қоздырғыштар туындататын инфекциялар: - тыныс алу жолдарының инфекциялары, әсіресе пневмония, сондай-ақ ЛОР- ағзаларының инфекциялары - абдоминальді инфекциялар (перитонит, өт жолдарының және асқазан-ішек жолының инфекциялары) - бүйрек және несеп шығару жолдарының инфекциялары - жыныс мүшелерінің инфекциялары, оның ішінде соз - сепсис - сүйектердің, буындардың, жұмсақ тіндердің, терінің инфекциялары және жара инфекциялары - иммунитеті төмен пациенттердегі инфекциялар - менингит - диссеминацияланған Лайм ауруы (II және III сатылар) Асқазан-ішек жолына, өт жолдарына, урогенитальді және гинекологиялық аумақтарға жасалатын операциялар кезінде инфекциялардың периоперациялық профилактикасы, бірақ ықтимал немесе дәлелденген контаминация жағдайында ғана. Бактерияға қарсы препараттарды тиісті түрде пайдалануға қатысты ресми басшылық нұсқауларды назарға алу қажет. Қолдану басталғанға дейін қажетті мәліметтер тізбесі

Әсер ету механизмі Цефтриаксонның бактерицидтік белсенділігі бактериялардың жасуша жақтауы синтезінің тежелуіне байланысты. In vitro цефтриаксон грамтеріс және грамоң микроорганизмдерге қатысты белсенділіктің кең аясына ие. Цефтриаксон грамоң және грамтеріс бактериялар өндіретін β-лактамазалардың көпшілігіне (пенициллиназалар да, цефалоспориназалар да) жоғары төзімді. Фармакодинамика In vitro цефтриаксон әдетте келесі микроорганизмдерге қатысты белсенді (4.1 бөлімін қараңыз): Грамоң аэробтар — Медианалық мәндер ЕТТК50* (мг/л) — ЕТТК90** (мг/л) Staphylococcus aureus (Метициллинге сезімтал) — 4 — 4 Staphylococci, coagulase-negative — 4 — 16 Streptococcus pyogenes (β-гемолиздейтін, А тобы) — 0.03 — 0.03 Streptococcus agalactiae (β-гемолиздейтін, В тобы) — ≤ 0.06 — 0.06 Streptococcus, β-гемолизік (А немесе В тобына жатпайтын) — ≤ 0.06 — 0.06 Streptococcus viridans — 0.125 — 0.5 Streptococcus pneumoniae — ≤ 0.06 — 0.06 *ЕТТК50 = зерттелетін штаммдардың 50%-ы үшін ең төмен тежейтін концентрация **ЕТТК90 = зерттелетін штаммдардың 90%-ы үшін ең төмен тежейтін концентрация Грамтеріс аэробтар — Медианалық мәндер ЕТТК50* (мг/л) — ЕТТК90** (мг/л) Acinetobacter lwoffi — 2 — 8 Acinetobacter anitratus1 (mainly A. baumanii) — 8 — 32 Aeromonas hydrophila — 0.25 — 4 Alcaligenes faecalis — 1 — 8 Alcaligenes odorans — ≤ 0.25 — 0.5 Alcaligenes-like бактериялар — ≤ 0.25 — 0.5 Borrelia burgdorferi — ≤ 0.06 — ≤ 0.06 Burkholderia cepacia — 2 — 16 Capnocytophaga spp. — ≤ 0.06 — 4 Citrobacter diversus (C. amalonaticusқоса) — 0.125 — 0.125 Citrobacter freundii1 — 0.125 — 16 Escherichia coli — ≤ 0.06 — 0.125 Enterobacter aerogenes1 — 2 — 16 Enterobacter cloacae1 — 0,5 — 16 Enterobacter spp. (басқалар) 1 — 0.25 — 32 Haemophilus ducreyi — 0.004 — 0.004 Haemophilus influenzae — ≤ 0.008 — 0.06 Haemophilus parainfluenzae — 0.016 — 0.06 Hafnia alvei — 0.125 — 2 Klebsiella oxytoca — ≤ 0.06 — 0.125 Klebsiella pneumoniae2 — ≤ 0.06 — 0.125 Moraxella catarrhalis (бұрынғы атауы Branhamella catarr.) — 0.125 — 0.5 Moraxella osloensis — ≤ 0.25 — ≤ 0.25 Moraxella spp. (басқалар) — ≤ 0.25 — ≤ 0.25 Morganella morganii — 0.06 — 1 Neisseria gonorrhoeae — ≤ 0.008 — 0.06 Neisseria meningitidis — ≤ 0.008 — 0.008 Pasteurella multocida — ≤ 0.06 — 0.06 Plesiomonas shigelloides — ≤ 0.06 — 0.06 Proteus mirabilis — ≤ 0.06 — 0.06 Proteus penneri1 — 1 — 64 Proteus vulgaris — ≤ 0.06 — 2 Pseudomonas fluorescens1 — 16 — 64 Pseudomonas spp. (басқалар) 1 — 8 — 16 Providencia rettgeri — ≤ 0.06 — 2 Providencia spp. (басқалар) — ≤ 0.06 — 0.5 Salmonella typhi — ≤ 0.06 — 0,125 Salmonella spp. (Enteritidis тобы) — ≤ 0.06 — 0,06 Serratia marcescens — 0.5 — 2 Serratia spp. (басқалар) — 0.25 — 16 Shigella spp. — 0.03 — 0.25 Vibrio spp. — ≤ 0.06 — 0.25 Yersinia enterocolitica — ≤ 0.125 — 0.125 Yersinia spp. (басқалар) — 0.25 — 2 Анаэробтар — Медианалық мәндер ЕТТК50* (мг/л) — ЕТТК90** (мг/л) Bacteroides spp.3 (өт сезімтал) — 2 — 16 Clostridium spp. (C. perfringens тобын қоспағанда) — 2 — 16 Fusobacterium nucleatum — 1 — 2 Fusobacterium spp. (басқалар) — 0.125 — 0.25 Gaffkia anaerobica (бұрыңғы атауы Peptococcus) — 0.125 — 1 Peptostreptococcus — 0.125 — 1 Цефтриаксонға сезімталдықты диско-диффузиялық әдіспен немесе агарда немесе сорпада сериялық сұйылту әдісімен Клиникалық және зертханалық стандарттар институты (КЗСИ) ұсынғанға ұқсас стандартты қарсылықты тексеру әдісін қолдана отырып, анықтауға болады. КЗСИ цефтриаксон үшін үлгі нәтижелерін бағалаудың келесі критерийлерін белгіледі: Сезімтал — Орташа сезімтал — Резистентті Сұйылту әдісі Тежейтін концентрация, мг/л — ≤ 8 — 16-32 — ≥ 64 Диск әдісі (30 мкг цефтриаксон дискісі) Бой өсуінің баяулау аймағының диаметрі, мм — ≥ 21 — 20-14 — ≤ 13 Анықтау үшін цефтриаксонмен дискілерді алу керек, өйткені in vitro зерттеулерде цефтриаксон цефалоспориндердің бүкіл тобына арналған дискілерді пайдалану кезінде тұрақтылықты анықтайтын жеке штаммдарда белсенді екендігі көрсетілген. Микроорганизмдердің сезімталдығын анықтау үшін КЗСИ стандарттарының орнына басқа жақсы стандартталған стандарттарды қолдануға болады, мысалы, DIN (Deutsches Institut fur Normung) неміс стандарттау институты және сезімталдық күйін талапқа сай түсіндіруге мүмкіндік беретін ICS (International Collaborative Study) халықаралық ұсынымдары. Резистенттілік Жоғарыда аталған микроорганизмдердің кейбір изоляттары хромосомалармен кодталған β лактамазалардың түзілуіне байланысты цефтриаксонға резистентті. 1. Кейбір Klebsiella pneumoniae изоляттары плазмамен байланысты β лактамазалардың тұтас қатарының түзілуіне байланысты цефтриаксонға резистентті. 2. Кейбір Bacteroides spp. изоляттары цефтриаксонға резистентті. 3. β-лактамаза түзетін Bacteroides spp. көптеген штаммдары (нақтырақ айтқанда, B. fragilis) цефтриаксонға төзімді. Clostridium difficile цефтриаксонға резистентті. Метициллинге резистенттіStaphylococcus spp. цефалоспориндерге, соның ішінде цефтриаксонға резистентті. Әдетте, Enterococcus faecalis, Enterococcus faecium және Listeria monocytogenes де резистенттілікке ие. Аминопенициллиндер мен уреидопенициллиндер, бірінші және екінші буын цефалоспориндері және аминогликозидтер сияқты басқа антибиотиктерге полирезистентті грамтеріс аэробтардың көптеген штаммдары цефтриаксонға сезімтал. Treponema pallidum in vitro және жануарларға жүргізілген эксперименттерде цефтриаксонға сезімтал. Клиникалық зерттеулер цефтриаксонның бастапқы және салдарлы мерезге қарсы тиімділігі жақсы екенін көрсетті. Сирек жағдайларды қоспағанда, Pseudomonas aeruginosa клиникалық изоляттары цефтриаксонға резистентті. Лидокаин гидрохлориді Лидокаин (бұлшықетішілік инъекцияға арналған еріткіштің құрамына кіретін) – жылдам басталатын және әсер ету ұзақтығы орташа анилидті типті жергілікті анестетик. Лидокаин инъекция орнына жақын жүйке өткізгіштігін қайтымды түрде бөгейді. Жергілікті анестезиялайтын әсер цефтриаксонды бұлшықет ішіне енгізгеннен кейін бірнеше минуттан соң пайда болады және 45-60 минутқа созылады. Клиникалық тиімділігі Қатысы жоқ.

Дозалау режимі Бұлшықетішілік енгізу үшін құрамында лидокаин бар еріткіш қолданылады. Цефтриаксонды бұлшықет ішіне енгізер алдында лидокаинге кез келген қарсы көрсетілімдерді жоққа шығару қажет. Қолдануға дайын ерітінділерді дайындау (вена ішіне, бұлшықет ішіне және дене салмағына байланысты дозалар) «Қолдану жөніндегі ұсынымдар» бөлімін қараңыз. Дозалар Ересектер мен 12 жастан асқан балалар Тәулігіне (әр 24 сағат сайын) бір рет 1-2 г. Ауыр инфекцияларда немесе орташа сезімтал микроорганизмдер туындатқан инфекцияларда тәуліктік бір реттік дозаны 4 г-ға дейін арттыруға болады. Жаңа туған нәрестелер, сәбилер және 12 жасқа дейінгі балалар Келесі тәуліктік бір реттік дозалар ұсынылады: Жаңа туған нәрестелер (жасы 14 күнге дейін) Тәулігіне бір рет кг дене салмағына 20-50 мг; тәуліктік доза 50 мг/кг аспауы тиіс. Препаратты 41 аптаға дейінгі шала туған (гестациялық жас және постнатальді мерзім қосындысы) нәрестелерде қолдануға болмайды. Препаратты цефтриаксон кальций тұздары преципитаттарының түзілу қаупіне байланысты парентеральді қоректену кезінде құрамында кальций бар препараттардың ұзаққа созылған инфузиясын қоса, құрамында кальций бар венаішілік ерітінділермен емдеуді қажет ететін (болжамды) жаңа туған нәрестелерге (≤28 күн) қарсы көрсетілімді. Жаңа туған нәрестелер, сәбилер және балалар (15 күннен 12 жасқа дейін) Тәулігіне бір рет кг дене салмағына 20-80 мг. Дене салмағы 50 кг немесе одан жоғары балаларға әдетте ересектерге арналған дозаны тағайындау керек. Сәбилер мен 12 жасқа дейінгі балаларда кг дене салмағы 50 мг венаішілік дозаларды кем дегенде 30 минут бойы баяу инфузия арқылы енгізу керек. Жаңа туған нәрестелерде билирубин энцефалопатиясының ықтимал қаупін азайту үшін инфузияның ұзақтығы 60 минуттан артық болуы керек. Егде жастағы пациенттер Бүйрек немесе бауыр функциясының ауыр бұзылулары болмаған жағдайда, ≥65 жастағы пациенттерде препарат дозасын түзету талап етілмейді. Емдеу ұзақтығы ауру көрсетілімдері мен ағымына байланысты Біріктірілген ем Цефтриаксон мен аминогликозидтердің көптеген грамтеріс бактерияларға қатысты синергизмге ие екендігі эксперименталды түрде дәлелденді. Бұл біріктірілімдердің жоғары тиімділігінің әрдайым болжана бермейтініне қарамастан, Pseudomonas aeruginosa туындатқан ауыр, өмірге қауіп төндіретін инфекциялар дамыған кезде оны қолдану мүмкіндігін қарастырған жөн. Химиялық үйлесімсіздік салдарынан екі дәрілік препаратты ұсынылған дозада бөлек енгізген жөн. Цефтриаксонның химиялық үйлесімсіздігі амсакрин, ванкомицин мен флуконазолды вена ішіне енгізгенде де байқалды («Басқа да ақпарат, үйлесімсіздік» бөлімін қараңыз). Дозалар бойынша ерекше нұсқаулар Менингит Сәбилер мен балалардағы бактериялық менингит кезінде препаратпен емдеуді тәулігіне бір рет 100 мг/кг (4 г аспайтын) дозадан бастайды. Қоздырғышты сәйкестендіріп, оның сезімталдығын анықтағаннан кейін дозаны сәйкесінше азайтуға болады. Ең жақсы нәтижелерге келесі ем ұзақтығында қол жеткізілді: Neisseria meningitidis — 4 күн Haemophilus influenzae — 6 күн Streptococcus pneumoniae — 7 күн Диссеминацияланған Лайм ауруы Балалар мен ересектерге ұсынылатын доза 14 күн ішінде тәулігіне бір рет 50 мг/кг (ең көбі 2 г) құрайды. Соз Созды емдеу үшін (пенициллиназа түзетін және түзбейтін штаммдардан туындаған) препаратты 250 мг дозада бір рет бұлшықет ішіне енгізу ұсынылады. Периоперациялық профилактика Инфекциялық қауіп дәрежесіне байланысты контаминацияланған немесе ықтимал контаминацияланған араласымдар кезінде операциядан кейінгі инфекциялардың профилактикасы мақсатында операция басталғанға дейін 30-90 минут бұрын препаратты 1-2 г дозада бір рет енгізу ұсынылады. Жуан ішек пен тік ішекке операция жасау кезінде препарат пен орнидазол сияқты 5-нитроимидазолды бір мезгілде енгізу тиімді. Бүйрек функциясының бұзылуы бар пациенттер Бауыр функциясының бұзылуы болмаған жағдайда препараттың дозасын түзету талап етілмейді. Бүйрек жеткіліксіздігі жағдайында ғана (креатинин клиренсі (кк) <10 мл/мин) препараттың тәуліктік дозасы 2 г аспауы тиіс. Цефтриаксон перитонеальді диализ немесе гемодиализ кезінде шығарылмайды. Диализдегі пациенттерге диализ аяқталғаннан кейін препараттың қосымша дозасын енгізу талап етілмейді. Диализдегі пациенттерде препараттың тәуліктік дозасы 2 г-нан аспауы тиіс. Бауыр функциясының бұзылуы бар пациенттер Бүйрек функциясының бұзылуы болмаған жағдайда препараттың дозасын түзету талап етілмейді. Бауырдың және бүйректің ауыр жеткіліксіздігі бар пациенттер Бауырдың және бүйректің ауыр жеткіліксіздігіне шалдыққан пациенттер препараттың қауіпсіздігі мен тиімділігін мұқият клиникалық бақылау ұсынылады. Қолдану тәсілі Вена ішіне, бұлшықет ішіне. Цефтриаксонның қалпына келтірілген ерітінділерін дайындалғаннан кейін бірден қолдану қажет. Концентрацияға байланысты ерітінділердің түсі ақшыл сарыдан сары-қоңырға дейін болады. Белсенді ингредиенттің осы қасиеті препараттың тиімділігі немесе көтерімділігі үшін маңызды емес. Бұлшықет ішіне Цефтриаксон ерітіндісін бір енгізу орнына 1 г аспайтын дозада ірі бұлшықетке терең енгізеді. Егер лидокаин еріткіш ретінде пайдаланылса, алынған ерітіндіні вена ішіне енгізуге болмайды. Венаішілік инъекция Вена ішіне енгізу үшін 500 мг цефтриаксонды 5 мл және 1 г цефтриаксонды 10 мл инъекцияға арналған суда ерітеді және енгізу кезеңінде екіден төрт минутқа ішінде вена ішіне енгізеді. Венаішілік инфузия Препаратты енгізу кем дегенде 30 минутқа созылуы тиіс. Венаішілік инфузия үшін 2 г цефтриаксонды құрамында кальций жоқ келесі 40 мл инфузиялық ерітінділердің бірінде ерітеді: натрий хлориді 0.9 %, натрий хлориді 0.45% + глюкоза 2.5 %, глюкоза 5 %, глюкоза 10 %, 5 % глюкозадағы 6% декстран, инъекцияға арналған су. Ықтимал үйлесімсіздікке байланысты құрамында цефтриаксон бар ерітінділерді басқа антибиотиктері бар ерітінділермен араластыруға немесе біріктіруге болмайды. Оларды жоғарыда айтылғандардан басқа, ешқандай инфузиялық ерітінділерге қосуға болмайды. Алайда, 2 г цефтриаксон мен 1 г орнидазол физикалық және химиялық тұрғыдан 250 мл натрий хлоридінің физиологиялық ерітіндісінде немесе глюкозада үйлесімді. Құрамында кальций бар еріткіштерді, мысалы, Рингер немесе Хартман ерітіндісін цефтриаксонды қалпына келтіру үшін немесе қалпына келтірілген ерітіндіні вена ішіне енгізу үшін одан әрі сұйылту үшін қолдануға болмайды, себебі тұнба түзілуі мүмкін. Кальций цефтриаксонының тұнбасы цефтриаксонды сол бір инфузиялық желіде құрамында кальций бар ерітінділермен араластырғанда да түзілуі мүмкін. Цефтриаксонды құрамында кальций бар инфузиялық ерітінділермен, соның ішінде құрамында кальций бар үздіксіз инфузиялармен, мысалы, парентеральді қоректену мәнмәтінде Y-тәрізді жалғағышы арқылы енгізуге болмайды. Алайда, жаңа туған нәрестелерді қоспағанда, цефтриаксон мен құрамында кальций бар ерітінділерді басқа пациенттерге бірізді түрде енгізуге болады. Дене салмағына байланысты дозалар 1 г цефтриаксонды алмастыру көлемі инъекцияға арналған суда және лидокаин гидрохлоридінің 1% ерітіндісінде 0.71 мл құрайды. Бұл салмаққа байланысты дозалауды жеңілдету үшін еріткіш көлемін алмастыруды қажет етеді (ең алдымен 12 жасқа дейінгі балаларда), егер алынған ерітіндінің бір бөлігі ғана өлшеніп, енгізілсе. Қажетті концентрациядағы ерітіндіні қалпына келтіру үшін қажетті көлемдер. Бұлшықетішілік инъекцияға арналған ерітінділер Веракол — Көлемі 1% лидокаин ерітіндісі — Алынған инъекцияға арналған ерітінді Көлемі — Концентрация 250 мг — 1.9 мл — 2.1 мл — 125 мг/мл 500 мг — 1.7 мл — 2.1 мл — 250 мг/мл 1 г — 2.9 мл — 3.6 мл — 285 мг/мл Венаішілік инъекцияға арналған ерітінділер Веракол — Инъекцияға арналған су көлемі — Алынған инъекцияға арналған ерітінді Көлемі — Концентрация 250 мг — 4.9 мл — 5.1 мл — 50 мг/мл 500 мг — 4.7 мл — 5.1 мл — 100 мг/мл 1 г — 9.4 мл — 10.1 мл — 100 мг/мл Инфузияға арналған ерітінділер Веракол — Құрамында кальций жоқ инфузияға арналған ерітіндінің көлемі — Алынған инфузияға арналған ерітінді Көлемі — Концентрация 2 г — 39 мл — 40.4 мл — 50 мг/мл Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Препаратты қолдану дәрігердің бақылауымен жүргізілуі тиіс.

- аса жоғары сезімталдық Препарат цефтриаксонға немесе кез келген басқа цефалоспоринге аса жоғары сезімталдығы белгілі пациенттерге қарсы көрсетілімді. Анамнезінде пенициллинге немесе басқа бета-лактамды препараттарға аса жоғары сезімталдығы бар пациенттерде цефтриаксонға аса жоғары сезімталдық қаупі жоғары болуы мүмкін. Құрамында лидокаин бар еріткіш пайдаланылатын Вераколды бұлшықетішілік инъекция кезінде, лидокаинді кез келген қолдануға болмайтын жағдайлар жоққа шығарылуы тиіс. - лидокаин белсенді ингредиентіне немесе анилидті типті жергілікті анестетиктерге аса жоғары белсенділігі белгілі. - құрамында лидокаин бар цефтриаксон ерітінділерін ешқашан вена ішіне енгізуге болмайды - лидокаинді 15 жасқа дейінгі педиатриялық практикада еріткіш ретінде қолдану - ауыр өткізгіштік бұзылыстары - жедел декомпенсацияланған жүрек жеткіліксіздігі. - шала туылған балалар Препарат 41 апталық мерзімге дейінгі (гестациялық жас + туғаннан кейінгі жас) шала туылған нәрестелерге қолдануға болмайды. - гипербилирубинемиясы бар жаңа туған нәрестелер Гипербилирубинемиясы бар жаңа туған нәрестелерді билирубиннің сарысулық альбумин цефтриаксонмен байланысуынан ығысуына байланысты билирубинді энцефалопатияның даму қаупіне байланысты препаратпен емдеуге болмайды. - жаңа туған нәрестелер және құрамында кальций бар вена ішіне енгізуге арналған ерітінділер Препарат цефтриаксон кальций тұздарының шөгуі нәтижесінде бүйрек пен өкпе ағзаларының өлімге әкелетін зақымдану қаупіне байланысты, парентеральді қоректену сияқты құрамында кальций бар үздіксіз инфузияларды қоса алғанда, құрамында кальций бар препараттармен парентеральді емдеу қажет болуы мүмкін жаңа туған нәрестелерге (≤28 күн) қарсы көрсетілімді. Сою өкпе мен бүйректе кристалдық материалды анықтаған өліммен аяқталған жағдайлардың аз саны цефтриаксон мен құрамында кальций бар ерітінділермен ем алған жаңа туған нәрестелерде тіркелді. Осы жағдайлардың кейбірінде цефтриаксон мен құрамында кальций бар ерітінділерді дайындау үшін сол бір инфузия желісі пайдаланылды, ал кейбір жағдайларда инфузия желісінде тұнба анықталды. Цефтриаксон мен құрамында кальций бар ерітінділерді әртүрлі уақытта және әртүрлі инфузиялық жүйелер арқылы берген жаңа туған нәрестеде кем дегенде бір өлім тіркелді. Сою кезінде осы жаңа туған нәрестеде кристалдық материал анықталған жоқ. Жаңа туған нәрестелерден басқа, пациенттер туралы ешқандай салыстырмалы есептер жоқ.

Цефтриаксонды жүйелі енгізуге тән және цефтриаксонды (лидокаинмен) бұлшықет ішіне енгізгенде де туындауы мүмкін жағымсыз әсерлер төменде атап көрсетілген. Келесі бөлімде лидокаинді пайдалану кезінде байқалған жағымсыз әсерлер сипатталған. Цефтриаксон мен лидокаинді бір мезгілде қолдану туралы ешқандай нақты деректер жоқ. Цефтриаксонға анағұрлым көп таралған жағымсыз реакциялар-эозинофилия, лейкопения, тромбоцитопения, диарея, бөртпе және бауыр ферменттері белсенділігінің жоғарылауы. Лидокаинмен/онсыз цефтриаксон (бұлшықетішілік инъекцияға арналған еріткіш құрамында бар) Цефтриаксонмен емдеу кезінде келесі жағымсыз реакциялар байқалды, олар өздігінен немесе препаратты тоқтатқаннан кейін жойылды. Өте жиі - балаларда өт қабында цефтриаксон кальций тұзының симптоматикалық шөгуі, балаларда қайтымды өт-тас ауруы; бұл ауру ересектерде сирек кездеседі Жиі - эозинофилия, лейкопения, тромбоцитопения, тромбопластиндік уақыттың ұзаруы - диарея, сұйық нәжіс (АЛТ, АСТ, сілтілі фосфатаза) - бауыр ферменттері деңгейінің жоғарылауы - бөртпе, ісіну Жиі емес - жыныс мүшелерінің зең инфекциялары - гранулоцитопения, анемия, коагуляция бұзылыстары, сарысу креатининінің жоғарылауы - бас ауыруы, бас айналу - жүрек айнуы, құсу - қышыну - флебит, енгізу орнының ауыруы (мысалы, ауыру, эритема, температураның жоғарылауы, қызару, флебит, экстравазация, ісіну, бөртпе, қышыну, қабыну, тығыздану, гематома, инфекция, инъекция орнындағы абсцесс), қызба - қандағы креатинин деңгейінің жоғарылауы Сирек - жалған жарғақшалы колит - энцефалопатия - бронх түйілуі - ядролық сарғаю - есекжем - олигурия, гематурия, глюкозурия*** - ісіну, қалтырау, анафилаксиялық немесе анафилактоидты реакциялар, вена жақтауының қабыну реакциялары; баяу (2-ден 4 минутқа дейін) инъекцияны қолдана отырып, оларды болдырмауға болады Өте сирек - жалғанжарғақшалы энтероколит Жиілігі белгісіз - сезімтал емес организмдердің суперинфекциялары - агранулоцитоз** - құрысулар - Коунис синдромы - панкреатит*, стоматит, глоссит - жедел жайылған экзантематозды пустулез (AGEP), терінің ауыр реакциялары (көп формалы эритема, Стивенс-Джонсон синдромы немесе Лайелл синдромы/уытты эпидермалық некролиз) - Яриш-Герксгеймер реакциясы - Кумбс тестінің жалған оң нәтижелері, галактоземияға жалған оң талдау нәтижелері, глюкозаны анықтаудың ферменттік емес әдістерінің жалған оң нәтижелері * өт жолдарының бітелуінен туындауы мүмкін. Зақымдануы бар пациенттердің көбінде өт шығару жолдарының обструкция қауіп факторлары және өт қабының қыспақ синдромы болды, мысалы, елеулі хирургиялық араласым, ауыр ауру немесе тек парентеральді қоректену. Цефтриаксон өтте преципитат түзілуінің кофакторы немесе іске қосу механизмінің рөлін атқаруы мүмкін. ** Агранулоцитоздың жекелеген жағдайлары байқалған (<500/мм³), олардың көбі 20 г немесе одан да көп жалпы дозалардан кейін байқалған. Ұзақ мерзімді емдеу кезінде жүйелі түрде толық қан талдауы жүргізілуі керек. Протромбиндік уақыттың шамалы ұлғаюы туралы хабарланды. *** Несеп шығару жолдарында цефтриаксонның шөгуі негізінен жоғары дозалар (мысалы, тәулігіне ≥ 80 мг/кг немесе жалпы дозасы 10 г-нан артық жалпы дозалар) алған және басқа қауіп факторлары бар (мысалы, сусыздану, төсек режимін сақтау және т.б.) балаларда байқалды. Бұл жағымсыз әсер симптомсыз немесе симптоматикалық болуы мүмкін және несепағардың обструкциясына және жедел постренальді бүйрек жеткіліксіздігіне әкелуі мүмкін, бірақ цефтриаксон қабылдауды тоқтатқанда әдетте қайтымды болады. Тіркеуден кейінгі бақылау Белгісіз: Терінің дәрілерге ауыр реакциялары (SCAR) Кальциймен өзара әрекеттесуі Цефтриаксон мен кальцийдің өзара әрекеттесуін зерттеу үшін екі in vitro зерттеуі жүргізілді: біреуі ересектердің плазмасымен, екіншісі - жаңа туған нәрестенің кіндік қанының плазмасымен. 12 мМ дейін кальцийдің концентрацияларымен (48 мг/дл) үйлесімде 1 мМ дейін цефтриаксон концентрациялары (30 минут ішінде in vivo 2 г цефтриаксон инфузиясымен жеткен артық концентрацияда) пайдаланылды. Цефтриаксонның плазмадан шығарылуы ересектер плазмасында 6 мМ (24 мг/дл) немесе одан жоғары және жаңа туған нәрестелердің плазмасында 4 мМ (16 мг/дл) немесе одан жоғары кальций концентрациясында төмендеді. Бұл кальций цефтриаксонының шөгуін көрсетуі мүмкін. Сойып тексеру өкпе мен бүйректе кристалдық материалды анықтаған өліммен аяқталған жағдайлардың аз саны цефтриаксон мен құрамында кальций бар ерітінділермен ем алған жаңа туған нәрестелерде тіркелді. Осы жағдайлардың кейбірінде цефтриаксон мен құрамында кальций бар ерітінділерді дайындау үшін сол бір инфузия желісі пайдаланылды, ал кейбір жағдайларда инфузия желісінде тұнба анықталды. Цефтриаксон мен құрамында кальций бар ерітінділерді әртүрлі уақытта және әртүрлі инфузиялық жүйелер арқылы берген жаңа туған нәрестеде кем дегенде бір өлім тіркелді. Сойып тексеру кезінде осы жаңа туған нәрестеде кристалдық материал анықталған жоқ. Жаңа туған нәрестелерден басқа пациенттерде өлім жағдайлары туралы ұқсас хабарламалар жоқ. Еріткіш құрамындағы лидокаин Жиі - күйгелектік, мазасыздық, эйфория, сананың шатасуы - бас айналу, парестезия, ұйқышылдық, жанасуға сезімталдықтың жоғарылауы, тремор, дизартрия, құрысулар, естен айырылу - көрудің бұлыңғырлануы, көзге қос көріну - құлақтағы шуыл - брадикардия, артериялық гипотензия, артериялық гипертензия - тыныстың тарылуы, тыныс алу жеткіліксіздігі - жүрек айнуы, құсу - бұлшықеттің тартылуы - ісіну, суықты және/немесе қызуды сезіну Жиі емес - гиперакузия Сирек - анафилаксиялық реакциялар - нейропатия - аритмиялар, жүрек-қантамыр коллапсы, жүректің тоқтап қалуы Жиілігі белгісіз - тері зақымданулары, есекжем Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Цефтриаксон Емі: Цефтриаксонның өте жоғары плазмалық концентрациясын шығару мақсатында гемодиализ немесе перитонеальді диализ тиімсіз. Артық дозалануды емдеу - симптоматикалық. Еріткіш құрамындағы лидокаин Симптомдары: Лидокаинмен артық дозалану кезіндегі уытты реакциялар негізінен орталық жүйке жүйесі мен жүрек-қантамыр жүйесіне әсер етеді. ОЖЖ тарапынан уыттылығы ауырлығы бойынша үдемелі симптомдар түрінде көріністеледі. Кездейсоқ тамырішілік инъекция кезінде төменде көрсетілген симптомдар дереу (яғни 1-3 минут ішінде) көріністеледі, ал артық дозаланған жағдайда олар 20-30 минуттан кейін пайда болады. Артық дозаланудың ерте симптомдары: есінеу, парестезия (әсіресе ауыз айналасында), ұйқышылдық, мазасыздық, бас айналу, құлақтағы шуыл, гиперакузия, көрудің бұзылуы, дизартрия және атаксия, жүрек айнуы мен құсу. Орташа уыттану кезінде бұлшықет жиырылуы немесе бұлшықеттің түйілуі туындауы мүмкін. Бұдан кейін естен айырылуға, тыныс алу жеткіліксіздігіне және комаға ұласуы мүмкін жайылған құрысулар болуы мүмкін. Ауыр жағдайларда (әдетте ОЖЖ тарапынан симптомдар дамығаннан кейін ғана) жүрек-қантамыр жүйесінің тарапынан бұзылулар пайда болады. Симптомдары: артериялық гипотензия, брадикардия және аритмия. Өте ауыр уыттану жағдайында толық атриовентрикулярлық блокада және жүректің тоқтап қалуы дамуы мүмкін. Емі: Жедел жүйелік уыттылық белгілері пайда болған жағдайда препаратты енгізуді дереу тоқтату керек. Спецификалық антидоты жоқ, емі - симптоматикалық. Жүрек тоқтап қалған жағдайда стандартты жүрек-өкпе реанимациясына, соның ішінде ацидозды тоқтатуға кіріседі.

Лидокаин Медицина қызметкерлері үшін лидокаин туралы барлық ақпараттың сипаты жалпы болып табылады және цефтриаксонды нақты бұлшықет ішіне енгізумен байланысты емес. Цефтриаксонның бұлшықетішілік инъекциясына арналған еріткіштің құрамында жергілікті анестетик (лидокаин) бар. Жергілікті анестетиктерді қолданатын дәрігерлердің тәжірибесі жеткілікті болуы тиіс және болуы мүмкін жағымсыз әсерлерді (жүйелік уыттылықты қоса) немесе асқынуларды диагностикалаумен және емдеумен таныс болуы керек. Реанимацияға қажетті жабдық пен дәрілер жақын жерде оңай қолжетімді болуы керек. Аса жоғары сезімталдық Барлық бета-лактамды антибиотиктер жағдайындағыдай, ауыр және кейде өлімге әкелетін аса жоғары сезімталдық реакциялары туралы хабарламалар болды. Ауыр аса жоғары сезімталдық реакциялары туындаған жағдайда цефтриаксонмен жүргізілетін емді дереу тоқтатып, тиісті кезек күттірмейтін шаралар қабылдау керек. Емдеуді бастамас бұрын пациенттің бұрын цефтриаксонға, басқа цефалоспориндерге немесе басқа бета-лактамды препаратқа аса жоғары сезімталдық реакциясы дамығанын-дамымағанын анықтау керек. Бета-лактамның басқа препараттарына аса жоғары сезімталдығы бар пациенттерге цефтриаксонды тағайындау кезінде сақтық таныту керек. Аса жоғары сезімталдық реакциялары (анафилаксиялық шокқа дейін) лидокаиннен туындауы мүмкін (бұлшықетішілік инъекцияға арналған еріткіштің құрамында бар). Бета-лактамды антибиотиктер, соның ішінде цефтриаксон қабылдаған пациенттерде Стивенс-Джонсон синдромы, уытты эпидермалық некролиз, эозинофилиямен және жүйелік симптомдармен дәрілік бөртпе (DRESS), көп формалы эритема және жедел жайылған экзантематозды пустулез (AGEP) сияқты терінің ауыр дәрілік реакциялары (SCAR) тіркелді. Аса жоғары сезімталдық реакциялары сонымен қатар Коунис синдромына әкелуі мүмкін - миокард инфарктісіне әкелуі мүмкін ауыр аллергиялық реакция. Мұндай реакциялардың алғашқы симптомдары бета-лактамды антибиотиктерге аллергиялық реакциямен байланысты кеуденің ауыруын қамтуы мүмкін. Мұндай реакциялар туындағанда, цефтриаксон қабылдауды дереу тоқтатып, баламалы емдеуді қарастыру керек. Тромбопластиндік уақыттың ұзаруы Цефтриаксон тромбопластиндік уақытты ұлғайтуы мүмкін. Сондықтан егер К дәруменінің тапшылығына күмән туындағанда, Quick мәнін тексеру ұсынылады. Гемолиздік анемия Иммунитпен байланысты гемолиздік анемия цефалоспорин класының антибиотиктерін, соның ішінде цефтриаксон қабылдаған пациенттерде байқалды. Ересектерде де, балаларда да емдеу кезінде гемолиздік анемияның ауыр жағдайлары, соның ішінде өліммен аяқталған жағдайлары туралы хабарланды. Егер пациентте цефтриаксонды қабылдаған кезде анемия дамыса, цефалоспоринмен байланысты анемия диагнозын қарастырып, себебін анықтағанға дейін цефтриаксонды тоқтату керек. Clostridium difficile байланысты диарея (CDAD) Clostridium difficile байланысты диарея (CDAD) цефтриаксонды қоса алғанда, барлық дерлік бактерияға қарсы препараттарды пайдаланғанда хабарланған және ол жеңіл диареядан өлімге әкелетін колитке дейін өзгеруі мүмкін. Бактерияға қарсы препараттармен емдеу жуан ішектің қалыпты флорасын өзгертеді, бұл C. difficile шамадан тыс өсуіне әкеледі. C. difficile CDAD дамуына ықпал ететін А және В токсиндерін өндіреді. Токсиндер өндіретін C. difficile штаммдары жоғары аурушаңдық пен өлім-жітімді туындатады, себебі осы инфекциялар микробқа қарсы емге сезімтал болмауы мүмкін және колэктомия жүргізуді қажет етуі мүмкін. Антибиотиктерді қабылдағаннан кейін диарея дамыған барлық пациенттерде CDAD қарастырылуы керек. Анамнезді мұқият жинау қажет, себебі CDAD бактерияға қарсы препараттарды қабылдағаннан кейін екі айға дейінгі мерзімде пайда болады деп хабарланған. CDAD күмән туындағанда немесе ол расталғанда, C. difficile-ға қатысты емес антибиотикті одан әрі пайдалануды тоқтату қажет болуы мүмкін. Тиісті гидратация мен электролиттерді қабылдау, ақуыздарды қосу, антибиотиктермен C. difficile емдеу және хирургиялық қарап-тексеру клиникалық практикаға сәйкес басталуы тиіс. Бұл жағдайда перистальтиканы басатын препараттар қарсы көрсетілімді. Суперинфекциялар Цефтриаксонды ұзақ уақыт бойы қолданған кезде сезімтал емес патогендер бақылаудан шығуы мүмкін. Сондықтан пациентті мұқият бақылау қажет. Егер емдеу кезінде суперинфекция туындаса, тиісті шараларды қабылдау қажет. Яриш-Герксгеймер реакциясы Цефтриаксонмен емдеуді бастағаннан кейін спирохеталар туындатқан инфекциясы бар кейбір пациенттерде Яриш-Герксгеймер (JHR) реакциясы туындауы мүмкін. Реакция әдетте өздігінен кетеді немесе симптоматикалық еммен тоқтатылуы мүмкін. Реакция туындаған жағдайда антибиотикпен емдеуді тоқтатуға болмайды. Цефтриаксон кальций преципитаттары Цефтриаксонды әсіресе тәулігіне 1 г немесе одан да көп дозада қабылдаған пациенттердің өт қабын ультрадыбыстық зерттеу цефтриаксон кальций преципитаттарын анықтады. Мұндай сәйкестіктің ықтималдығы педиатриялық пациенттерде анағұрлым жоғары. Тұнбалар цефтриаксонмен емдеуді тоқтатқаннан кейін қайтадан жоғалады және сирек симптоматикалық болады. Симптоматикалық жағдайларда консервативті опаерация жасалмайтын емдеу ұсынылады. Дәрігер сонымен қатар пайда мен қауіптің арақатынасын жеке бағалау негізінде цефтриаксонмен емдеуді тоқтатуды қарастыруы керек. Панкреатит Сирек жағдайларда цефтриаксон қабылдаған пациенттерде холестаздық ауру салдарынан болуы мүмкін панкреатит туралы хабарланды. Кеңеске келген пациенттердің көбінде холестаз бен өттің іркілу қаупінің факторлары анықталды, мысалы, алдын-ала ауқымды емдеу, ауыр ауру немесе толыққанды парентеральді тамақтану. Цефтриаксоннан туындаған өт қабындағы шөгінділер триггер немесе кофактор ретінде әсер етуі мүмкін. Цефтриаксон билирубиннің сарысулық альбуминмен байланысуын алмастыра алады. Сондықтан гипербилирубинемиясы бар жаңа туған нәрестелерді емдеу көрсетілмеген. Энцефалопатия Цефтриаксонды қолдану кезінде әсіресе, бүйрек жеткіліксіздігіне шалдыққан егде жастағы немесе орталық жүйке жүйесі тарапынан бұзылулары бар пациенттерде энцефалопатияның дамуы туралы хабарланды. Егер цефтриаксонды қолданумен байланысты энцефалопатияның дамуына күдік болса (симптомдар сананың бұзылуын, психикалық жағдайдың өзгеруін, миоклонусты, құрысуларды қамтуы мүмкін), цефтриаксонды тоқтату қажеттілігі қарастырылуы керек. Қан талдауының мониторингі Ұзаққа созылған емдеу кезінде белгілі бір уақыт аралығында жалпы қан талдауы жүргізілуі керек. Зерттеу нәтижелеріне әсері Препаратпен емдеу кезінде Кумбс сынамасының, галактоземияға сынаманың, глюкозаны анықтауға арналған ферменттік емес әдістердің жалған оң нәтижелері байқалуы мүмкін. Бүйрек функциясының бұзылуы Аминогликозидтер мен диуретиктерді бір уақытта қабылдайтын бүйрек функциясының бұзылуы бар пациенттерге цефтриаксонды сақтықпен тағайындау ұсынылады. Жаңа туған нәрестелер, балалар және жасөспірімдер Цефтриаксонды құрамында кальций бар ерітінділермен араластыруға немесе тіпті ерітінділер әртүрлі инфузиялық жолдар арқылы енгізілсе де, олармен бір уақытта енгізуге болмайды. Тіпті цефтриаксон мен құрамында кальций бар ерітінділер үшін әртүрлі инфузия желілер мен енгізу уақыты пайдаланылғанда, жаңа туылған нәрестелердің бүйрегі мен өкпесінде цефтриаксон кальций преципитатына байланысты өліммен аяқталатын реакция жағдайлары туралы хабарланды. Осы себепті жаңа туған нәрестелерге цефтриаксонның соңғы дозасынан кейін кем дегенде 48 сағат ішінде құрамында кальций бар венаішілік ерітінділерді енгізуге болмайды. Басқа жас топтарында цефтриаксонды және құрамында кальций бар венаішілік ерітінділерді бір мезгілде қолданғаннан кейін кальций цефтриаксонының тамырішілік преципитациясының жағдайлары белгісіз. Дегенмен, барлық пациенттер бір мезгілде қабылдауға жол бермеуі тиіс. Еріткіш құрамындағы лидокаинге қатысты сақтандыру шаралары Лидокаин сияқты жергілікті анестетиктердің ауыр жағымсыз әсерлерінің қаупі келесі жағдайларда артады: - Егде жастағы пациенттер - Жалпы хал-жағдайы нашар пациенттер - AV-блокада (себебі жергілікті анестетиктер стимулдардың өткізілуін бөгеуі мүмкін) - Бауырдың ауыр ауруы - Бүйректің ауыр жеткіліксіздігі Бұл жағдайларда цефтриаксонның бұлшықетішілік инъекциясы (лидокаин еріткішімен) аса сақтықпен жүргізілуі тиіс. III класының аритмияға қарсы препараттарын (мысалы, амиодарон) қабылдайтын пациенттер бақылануы тиіс және ЭКГ мониторингінің мүмкіндігін қарастырған жөн, себебі жүрек әсерлері жиынтықты болуы мүмкін. Бас және мойын аумағына құрамында лидокаин бар ерітінділердің кездейсоқ артерия ішіне инъекциясы, тіпті аз мөлшерде орталық жүйке жүйесі тарапынан симптомдарды туындатуы мүмкін. Натрий Веракол препаратының әрбір грамм құрамында 3,6 ммоль натрий бар, мұны натрий бақыланатын диетаны ұстанатын пациенттер ескеруі тиіс. Арнайы сақтандырулар Емдеуші дәрігерге міндетті түрде хабарлаңыз, егер: - Сіз жақында құрамында кальций бар өнімдерді алсаңыз немесе алатын болсаңыз. - Жақында антибиотик қабылдағаннан кейін Сізде диарея болса. Сізде бір кездері колит кезінде (ішектің қабынуы) ішек кінәраттары болған болса. - Сізде бүйрек немесе бауыр жеткіліксіздігі болса («Жағымсыз реакциялардың сипаттамасы» қараңыз). - Сізде өт қабында немесе бүйректе тас бар болса. - Сізде гемолиздік анемия (қызыл қан жасушалары санының азаюы, теріңізді бозғылт, сарғыш етіп, әлсіздікті немесе ентігуді туындатуы мүмкін) сияқты басқа аурулар бар болса. - Сіз натрий мөлшері төмен диетаны ұстансаңыз. - Сіз келесі симптомдардың кез келгенінің үйлесімін сезінсеңіз немесе бұрын сезінсеңіз: бөртпе, терінің қызаруы, еріндегі, көздегі және ауыздағы күлдіреуіктер, терінің қабыршақтануы, жоғары температура, тұмауға ұқсас симптомдар, қан талдауларында байқалатын бауыр ферменттері деңгейінің жоғарылауы, лейкоциттер санының ұлғаюы (эозинофилия) және лимфа түйіндерінің ұлғаюы (терінің ауыр реакцияларының белгілері, «Жағымсыз реакциялардың сипаттамасы» қараңыз). Егер Сізде пенициллинге немесе ұқсас антибиотиктерге (мысалы, цефалоспориндер, карбапенемдер немесе монобактамдар) кенеттен немесе ауыр аллергиялық реакция болса, Сізге препаратты қабылдамау керек. Симптомдар тамақтың немесе беттің кенеттен ісінуін қамтиды, соның салдарынан тыныс алудың немесе жұтудың қиындауы, қолдың, аяқтың және тобықтың кенеттен ісінуі, кеуденің ауыруы және жылдам дамитын қатты бөртпе. Лидокаинді қолдану Лидокаин қолданылмайтын бұлшықетішілік инъекция ауырсынады. Препаратты енгізер алдында лидокаинді қолдануға қарсы көрсетілімдерді міндетті түрде ескеру қажет. Лидокаинді еріткіш ретінде пайдаланған кезде алынған цефтриаксон ерітіндісін вена ішіне енгізуге болмайды. Егер лидокаин ерітіндісі еріткіш ретінде қолданылса, цефтриаксонды тек бұлшықет ішіне енгізуге болады. Лидокаинді еріткіш ретінде пайдаланған кезде 15 жастан асқан адамдарда лидокаинге тері ішіне аллергиялық сынама жүргізу ұсынылады. Ерітіндіні енгізер алдында лидокаинді еріткіш ретінде пайдаланған кезде пациентте лидокаинді қолдануға қарсы болмайтын жағдайларды жоққа шығару керек, сондай-ақ анамнездегі лидокаинге аллергиялық реакциялар ескерілуі тиіс. Лидокаинді 15 жасқа дейінгі балаларға препараттарға арналған еріткіш ретінде қолдануға тыйым салынады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Тиісті зерттеулер жүргізілген жоқ. Цефтриаксонмен емдеу кезінде автомобильді басқару және механизмдермен жұмыс істеу қабілетіне әсер етуі мүмкін жағымсыз әсерлер (мысалы, бас айналу) туындауы мүмкін. Пациенттер көлік құралдарын немесе механизмдерді басқару кезінде сақ болу керек.

Цефтриаксон плацентарлы бөгет арқылы өтеді. Бақыланатын клиникалық зерттеулер жүргізілген жоқ. Тератогендік әсер клиникаға дейінгі зерттеулерде анықталмағанына қарамастан, жүктілік кезінде, әсіресе бірінші триместрде, препаратты тек қатаң көрсетілімдер бойынша тағайындау керек. Еріткіш құрамындағы лидокаин плацентарлы бөгет арқылы енеді. Осылайша, цефтриаксонның бұлшықетішілік инъекциясын жүктілік кезінде (әсіресе бірінші триместрде) тағайындауға болмайды. Егер цефтриаксонды қолдану аса қажет болса, оны лидокаинсіз тағайындау керек. Босану кезінде лидокаин сияқты жергілікті анестетиктерді қолдану анада және/немесе шаранада жағымсыз реакцияларды (мысалы, брадикардия) туындатуы мүмкін. Тіпті төмен концентрациядағы цефтриаксон және еріткіш құрамындағы лидокаин емшек сүтімен бөлінетіндіктен, препаратты бала емізу кезінде қолдануға болмайды. Егер ем жүргізу аса қажет болса, бала емізуді тоқтату керек. Үйлесімсіздік Цефтриаксонды құрамында кальций бар ерітінділермен, мысалы, Хартман немесе Рингер ерітіндісімен араластыруға болмайды. Цефтриаксон амсакринмен, ванкомицинмен, флуконазолмен және аминогликозидтермен үйлеспейді. Цефтриаксонды тек «қолдану жөніндегі нұсқаулықта» көрсетілген препараттармен араластыруға болады. Диагностикалық әдістерге әсері Цефтриаксонмен емдеу кезінде Кумбс тесті жалған оң нәтиже беруі мүмкін. Цефтриаксонмен галактоземияға тесттер, басқа антибиотиктер сияқты, жалған оң болуы мүмкін. Сол сияқты, несептегі қантты анықтаудың ферментациялық емес әдістері жалған оң нәтиже беруі мүмкін. Сондықтан цефтриаксонмен емдеу кезінде несептегі қант деңгейін ферментациялық түрде анықтау қажет. Цефтриаксон кейбір қандағы глюкозаны бақылау жүйелерінің қандағы глюкозаның мәндерін қате хабарлауына әкелуі мүмкін. Тиісті өлшеу жүйесін пайдалану жөніндегі нұсқаулықты сақтау қажет. Қажет болса, баламалы сынақ әдістерін қолдану керек Егер басқа антибиотиктің Веракол препаратымен біріктірілімімен емдеу қажет болса, енгізу сол шприцте немесе сол инфузиялық ерітіндіде жүргізілмеуі тиіс.

Диуретиктер Фуросемид сияқты күшті әсер ететін диуретиктермен цефтриаксонның жоғары дозаларын бір мезгілде қолданғанда бүйрек жеткіліксіздігі байқалмады. Цефалоспориндермен қолданған кезде аминогликозидтердің бүйрек уыттылығының ықтимал артуына қатысты қарама-қайшы дәлелдер бар. Мұндай жағдайларда клиникалық практикада аминогликозидтер деңгейін және бүйрек функциясын бақылау бойынша ұсынымдарды мұқият орындау керек. Дегенмен, екі препаратты да бөлек-бөлек енгізу керек. Алкоголь Цефтриаксонды қабылдағаннан және алкогольді тұтынғаннан кейін «дисульфирам тәрізді» әсерді көрсету мүмкін болмады. Цефтриаксонның құрамында басқа цефалоспориндер сияқты этанолға жақпаушылық пен қан кету кінәраттарын туындатуы мүмкін N-метилтиотетразол жоқ. Пробенецид Пробенецид цефтриаксонның шығарылуына әсер етпейді. Бактериостатикалық препараттар Бактериостатикалық препараттар цефалоспориндердің бактерицидтік әсеріне теріс ықпал етуі мүмкін. Хлорамфеникол Цефтриаксонның in vitro зерттеуінде хлорамфениколмен біріктірілімде антагонистік әсерлер байқалды. Құрамында кальций бар препараттар Құрамында кальций бар еріткіштерді, мысалы, Рингер немесе Хартман ерітіндісін цефтриаксонды қалпына келтіру үшін немесе қалпына келтірілген препаратты вена ішіне енгізу үшін одан әрі сұйылту үшін қолдануға болмайды, себебі тұнба түзілуі мүмкін. Кальций цефтриаксонының тұнбасы цефтриаксонды сол бір инфузиялық желіде құрамында кальций бар ерітінділермен араластырғанда да түзілуі мүмкін. Цефтриаксонды құрамында кальций бар вена ішіне енгізуге арналған ерітінділермен, оның ішінде Y-тәрізді жүйенің көмегімен, парентеральді қоректенуге арналған ерітінділер сияқты ұзақ мерзімді инфузияға арналған құрамында кальций бар ерітінділермен бір мезгілде енгізуге болмайды. Алайда, жаңа туған нәрестелерді қоспағанда, цефтриаксон мен құрамында кальций бар ерітінділерді, егер инфузиялық желілер инфузия арасындағы үйлесімді ерітіндімен мұқият жуылса, басқа пациенттерге дәйекті түрде енгізуге болады. Ересектер плазмасымен және жаңа туған нәрестелердің кіндік қанымен in vitro зерттеулері жаңа туған нәрестелерде кальций цефтриаксонының преципитация қаупінің жоғарылағанын көрсетті. Құрамында кальций бар пероральді препараттар Цефтриаксон мен құрамында кальций бар пероральді препараттар арасында немесе бұлшықетішілік цефтриаксон мен құрамында кальций бар препараттар (венаішілік немесе пероральді) арасында өзара әрекеттесу туралы хабарламалар болған жоқ. Пероральді антикоагулянттар Егер цефтриаксон К дәруменінің антагонистерімен бірге пайдаланылса, қан кету қаупі артуы мүмкін. Цефтриаксонмен емдеу кезінде де, одан кейін де коагуляция көрсеткіштерін үнемі тексеріп, антикоагулянт дозасын тиісті түрде түзету керек. Еріткіш құрамындағы лидокаинмен өзара әрекеттесу Фармакокинетикалық өзара әрекеттесулер: Лидокаин CYP450, CYP1A2 және CYP3A4 ферменттеріне арналған субстрат болып табылады. Осылайша, лидокаин метаболизмі CYP тежегіштерін (мысалы, итраконазол, вориконазол, флуконазол, кларитромицин, эритромицин, циметидин) бір мезгілде қабылдағанда тежелуі мүмкін және фермент индукторларын (мысалы, барбитураттар, карбамазепин, фенитоин, примидон, рифампицин) бір мезгілде енгізгенде жоғарылауы мүмкін. Фармакодинамикалық өзара әрекеттесу: амид типті жергілікті анестетиктермен (мысалы, мексилетин немесе токаинид сияқты аритмияға қарсы препараттар) құрылымдық түрде байланысқан белсенді ингредиенттерді бір мезгілде қолданғанда, жүйелік уытты әсерлер жиналуы мүмкін. Осылайша, цефтриаксонның бұлшықетішілік инъекциясы (құрамында лидокаин бар еріткішпен) осындай дәрілік препараттармен ем алатын пациенттерде аса сақтықпен қолданылуы тиіс. Миорелаксанттар әсерін лидокаинмен күшейтуге болады. Сондай-ақ, бір мезгілде енгізілетін дәрілер туралы ақпаратпен танысып шығу ұсынылады.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!