Вегацеф порошок 1000 мг

Бір құтының ішінде белсенді зат - 1193 мг натрий цефтриаксоны (1000 мг цефтриаксонға баламалы). Сыртқы түрінің иісінің, дәмінің сипаттамасы Ақ дерлік немесе сарғыш түсті кристалды ұнтақ.

Цефтриаксонға сезімтал қоздырғыштардан туындаған инфекциялар: • тыныс алу жолдарының инфекциялары, әсіресе пневмония, сондай-ақ ЛОР-ағзалардың инфекциялары • абдоминальді инфекциялар (перитонит, өт жолдарының, сондай-ақ асқазан-ішек жолының инфекциялары) • бүйрек және несеп шығару жолдарының инфекциялары • жыныс мүшелерінің инфекциялары, соның ішінде соз • сепсис • сүйектердің, буындардың, жұмсақ тіндердің, терінің инфекциялары, сондай-ақ жарақат инфекциялары • иммунитеті әлсіреген пациенттердегі инфекциялар • менингит • диссеминацияланған Лайм ауруы (II және III сатылары) Асқазан-ішек жолындағы, өт жолдарындағы, урогенитальді және гинекологиялық аймақтардағы инфекциялардың операция алдындағы профилактикасы, бірақ әлеуетті немесе дәлелденген контаминация жағдайларында ғана. Антибиотиктерді тиісті түрде пайдалану жөніндегі ресми нұсқауларға, әсіресе антибиотиктерге резистенттіліктің жоғарылауының алдын алу үшін қолдану жөніндегі нұсқауларға назар аудару қажет.

Әсер ету механизмі Цефтриаксонның бактерицидтік белсенділігіне бактериялардың жасуша қабырғасы синтезінің тежелуі түрткі болады. In vitro цефтриаксонның грамтеріс және грамоң микроорганизмдерге қатысты белсенділік ауқымы кең. Грамоң және грамтеріс бактериялар өндіретін β-лактамазалардың көпшілігіне (пенициллиназаларға да, цефалоспориназаларға да) қатысты цефтриаксонның төзімділігі жоғары. In vitro цефтриаксон, әдетте, келесі микроорганизмдерге қатысты белсенді (4.1 бөлімін қараңыз): Грамоң аэробтар — Медианалық мәні ЕТБК50*(мг/л) — ЕТБК90**(мг/л) Staphylococcus aureus (метициллинге сезімтал) — 4 — 4 Коагулаза-теріс стафилококтар — 4 — 16 Streptococcus pyogenes (β – гемолиздік, A тобы) — 0,03 — 0,03 Streptococcus agalactiae (β – гемолиздік, B тобы) — ≤ 0,06 — 0,06 ß- гемолиздік стрептококтар (A және B топтарына жатпайтындары) — ≤ 0,06 — 0,06 Streptococcus viridans — 0,125 — 0,5 Streptococcus pneumoniae — ≤ 0,06 — 0,06 *ЕТБK50 = зерттеудегі штамдардың 50%-ы үшін ең төменгі бәсеңдеткіш концентрациясы **ЕТБК90 = зерттеудегі штамдардың 90%-ы үшін ең төменгі бәсеңдеткіш концентрация Грамтеріс аэробтар — Медианалық мәні ЕТБК50*(мг/л) — ЕТБК90**(мг/л) Acinetobacter lwoffi — 2 — 8 Acinetobacter anitratus1 (көбінесе A. baumanii) — 8 — 32 Aeromonas hydrophila — 0,25 — 4 Alcaligenes faecalis — 1 — 8 Alcaligenes odorans — ≤ 0,25 — 0,5 Alcaligenes тобындағы бактериялар — ≤ 0,25 — 0,5 Borrelia burgdorferi — ≤ 0,06 — ≤ 0,06 Burkholderia cepacia — 2 — 16 Capnocytophaga spp. — ≤ 0,06 — 4 Citrobacter diversus (C. amalonaticus қоса) — 0,125 — 0,125 Citrobacter freundii1 — 0,125 — 16 Escherichia coli — ≤ 0,06 — 0,125 Enterobacter aerogenes1 — 2 — 16 Enterobacter cloacae1 — 0,5 — 16 Enterobacter spp. (басқа да)1 — 0,25 — 32 Haemophilus ducreyi — 0,004 — 0,004 Haemophilus influenzae — ≤ 0,008 — 0,06 Haemophilus parainfluenzae — 0,016 — 0,06 Klebsiella oxytoca — ≤ 0,06 — 0,125 Klebsiella pneumoniae2 — ≤ 0,06 — 0,125 Moraxella catarrhalis (бұрында Branhamella catarr.) — 0,125 — 0,5 Moraxella osloensis — ≤ 0,25 — ≤ 0,25 Moraxella spp. (басқа да) — ≤ 0,25 — ≤ 0,25 Morganella morganii — 0,06 — 1 Neisseria gonorrhoeae — ≤ 0,008 — 0,06 Neisseria meningitidis — ≤ 0,008 — 0,008 Pasteurella multocida — ≤ 0,06 — 0,06 Plesiomonas shigelloides — ≤ 0,06 — 0,06 Proteus mirabilis — ≤ 0,06 — 0,06 Proteus penneri1 — 1 — 64 Proteus vulgaris — ≤ 0,06 — 2 Pseudomonas fluorescens1 — 16 — 64 Pseudomonas spp. (басқа да)1 — 8 — 16 Providencia rettgeri — ≤ 0,06 — 2 Providencia spp. (басқа да) — ≤ 0,06 — 0,5 Salmonella typhi — ≤ 0,06 — 0,125 Salmonella spp. (enteritidis типi) — ≤ 0,06 — 0,06 Serratia marcescens — 0,5 — 2 Serratia spp. (басқа да) — 0,25 — 16 Shigella spp. — 0,03 — 0,25 Vibrio spp. — ≤ 0,06 — 0,25 Yersinia enterocolitica — ≤ 0,125 — 0,125 Yersinia spp. (басқа да) — 0,25 — 2 Анаэробтар — Медианалық мәні ЕТБК50*(мг/л) — ЕТБК90**(мг/л) Bacteroides spp.3 (өтке сезімтал) — 2 — 16 Clostridium spp. (C. perfringens тобынан басқасы) — 2 — 16 Fusobacterium nucleatum — 1 — 2 Fusobacterium spp. (басқа да) — 0,125 — 0,25 Gaffkia anaerobica (бұрында Peptococcus) — 0,125 — 1 Peptostreptocoques — 0,125 — 1 Цефтриаксонға сезімталдықты диск-диффузия әдісінің көмегімен немесе агарда немесе сорпада сериялап сұйылту әдісімен, мысалы, Клиникалық және зертханалық стандарттар институты (КЗСИ) ұсынған, резистенттілікті тестілеудің стандартты әдістемесін пайдалана отырып анықтауға болады. КЗСИ цефтриаксонға арналған сынама нәтижелерін бағалаудың келесі критерийлерін белгіледі: Сезімтал — Сезімталдығы орташа — Резистентті Сұйылту әдісі Бәсеңдеткіш концентрациясы, мг/л — ≤ 8 — 16-32 — ≥ 64 Диффузиялық тест (30 мкг цефтриаксонмен сіңдірілген диск) Өсуі тежелген аймақтың диаметрі, мм — ≥ 21 — 20-14 — ≤ 13 Анықтау үшін цефтриаксон жағылған дискілерді пайдалану керек, өйткені in vitro зерттеулерден, цефтриаксонның цефалоспориндердің барлық топтарына арналған дискілерді пайдаланғанда резистенттілік анықталған жекелеген штамдарға қатысты белсенді екендігі көрсетілді. КЗСИ стандарттарынан өзге, микроорганизмдердің сезімталдығын анықтау үшін басқа, мысалы, Неміс стандарттау институты мен Біріккен зерттеу тобының стандарттандырылған ұсынымдарын да пайдалануға болады. Резистенттілік 1) Жоғарыда көрсетілген микроорганизмдердің кейбір изоляттары хромосомалармен кодталған βлактамазалардың түзілетіндігі салдарынан цефтриаксонға резистентті. 2) Плазмид-түрткі болатын βлактамазалардың тұтас бір қатары түзілетіндігі салдарынан, Klebsiella pneumoniae кейбір изоляттары цефтриаксонға резистентті. 3) Bacteroides spp. кейбір изоляттары цефтриаксонға резистентті. β-лактамаза түзейтін Bacteroides spp. көптеген штамдары (атап айтқанда, B. fragilis) цефтриаксонға төзімді. Clostridium difficile цефтриаксонға резистентті. Метициллинге резистентті Staphylococcus spp. цефалоспориндерге, соның ішінде цефтриаксонға резистентті. Әдетте, Enterococcus faecalis, Enterococcus faecium мен Listeria monocytogenes-тің де резистенттілігі бар. Аминопенициллиндер мен уреидопенициллиндер, бірінші және екінші буын цефалоспориндері және аминогликозидтер сияқты басқа антибиотиктерге жартылай резистентті грамтеріс аэробтардың көптеген штамдары цефтриаксонға сезімтал. Treponema pallidum in vitro және жануарлардағы эксперименттерде цефтриаксонға сезімтал. Клиникалық зерттеулер, цефтриаксонның алғашқы және салдарлы мерезге қатысты тиімділігінің жақсы екендігін көрсетті. Сирек кездесетін жағдайларды қоспағанда, Pseudomonas aeruginosa клиникалық изоляттары цефтриаксонға резистентті. Клиникалық тиімділігі және қауіпсіздігі Қатысты емес.

Дозалау режимі Ересектер мен 12 жастан асқан балалар Тәулігіне бір рет 1-2 г (әр 24 сағат сайын). Ауыр инфекциялар немесе сезімталдығы орташа микроорганизмдерден туындаған инфекциялар кезінде, тәуліктік бір реттік дозасын 4 г дейін арттыруға болады. Жаңа туған нәрестелер, сәбилер және 12 жасқа дейінгі балалар Келесі тәуліктік бір реттік дозалар ұсынылады: Жаңа туған нәрестелер (өмірінің 14 күніне дейінгі) Тәулігіне бір рет дене салмағына 20-50 мг/кг; тәуліктік доза 50 мг/кг аспауы тиіс. Вегацеф препаратын етеккірден кейінгі 41 апта мерзімге дейін (гестациялық және постнатальді жасының жиынтығы) шала туған нәрестелерде қолдануға болмайды. Вегацеф препаратын цефтриаксон кальций тұздарының преципитаттарының, мысалы, парентеральді қоректендірілу кезінде, пайда болу қаупіне байланысты, құрамында кальций бар венаішілік ерітінділермен, соның ішінде құрамында кальций бар ұзаққа созылатын инфузияларымен қоса, емдеуді қажет ететін (болжам бойынша) жаңа туған (≤28 күн) нәрестелерге қолдануға болмайды. Жаңа туған нәрестелер, сәбилер және балалар (15 күннен бастап 12 жасқа дейін) 20-80 мг / кг дене салмағына тәулігіне бір рет. Дене салмағы 50 кг және одан жоғары балаларға ересектерге арналған дозаларды пайдалану керек. Сәбилер мен 12 жасқа дейінгі балаларға дене салмағының әр кг-на 50 мг немесе одан да көп венаішілік дозаларды кем дегенде 30 минут бойы баяу инфузия түрінде енгізу керек. Жаңа туған нәрестелерге билирубиндік энцефалопатияның ықтимал қаупін азайту үшін венаішілік дозаларды 60 минут ішінде енгізу керек. Егде жастағы пациенттер Бүйрек немесе бауыр функциясының ауыр бұзылулары болмаған жағдайда ≥65 жастағы пациенттерде Вегацеф препаратының дозасын түзету қажет емес. Біріктірілген ем Вегацеф препараты мен аминогликозидтердің көптеген грамтеріс бактерияларға қатысты синергизмі бар екендігі эксперимент жүзінде көрсетілді. Бұл біріктірілімдердің жоғары тиімділігі әрдайым болжанбайтынына қарамастан, оны Pseudomonas aeruginosa тудырған ауыр, өмірге қауіп төндіретін инфекциялардың дамуында қолдану мүмкіндігін қарастыру керек. Химиялық тұрғыдан үйлесімсіздігінің салдарынан, екі дәрілік затты ұсынылған дозада бөлек-бөлек енгізілуі тиіс. Цефтриаксонмен химиялық үйлесімсіздік амсакрин, ванкомицин және флуконазолды вена ішіне енгізгенде де байқалды. Ерекше пациенттер топтары Бактериялық менингит Бактериялық менингит кезінде сәбилер мен балаларда препаратпен емдеуді тәулігіне бір рет 100 мг/кг дозасынан (4 г аспайды) бастайды. Диссеминацияланған Лайм ауруы Балалар мен ересектерге ұсынылатын доза 14 күн бойы тәулігіне бір рет 50 мг/кг (ең көбі 2 г) құрайды. Соз Созды емдеу үшін (пенициллиназа түзетін және түзбейтін штаммдардан туындаған) 0,25 г дозадағы препаратты бұлшықет ішіне бір рет енгізу ұсынылады. Периоперациялық профилактика Контаминацияланатын немесе контаминациялануы ықтимал араласымдар кезінде операциядан кейінгі инфекциялардың профилактикасы мақсатында, инфекцияның қауіптілік дәрежесіне байланысты, 1-2 г дозадағы Вегацеф препаратын операция басталғанға дейін 30-90 минут бұрын бір рет енгізу ұсынылады. Бүйрек функциясы бұзылған пациенттер Бауыр функциясының бұзылуы болмаған жағдайда Вегацеф препаратының дозасын түзету қажет емес. Претерминальді бүйрек жеткіліксіздігі жағдайында ғана (креатинин клиренсі (КК) <10 мл/мин) Вегацеф препаратының тәуліктік дозасы 2 г аспауы тиіс. Цефтриаксон гемодиализ немесе перитонеальді диализ кезінде шығарылмайды. Диализдегі пациенттерге, диализ аяқталғаннан кейін препараттың қосымша дозасын енгізу қажет емес. Диализдегі пациенттерде препараттың тәуліктік дозасы 2 г аспауы тиіс. Бауыр функциясының бұзылуы бар пациенттер Бүйрек функциясының бұзылуы болмаған жағдайда, Вегацеф препаратының дозасын түзету қажет емес. Бауыр және бүйректің ауыр жеткіліксіздігі бар пациенттер Бүйрек пен бауырдың ауыр жеткіліксіздігі бар пациенттерде препараттың қауіпсіздігі мен тиімділігін мұқият клиникалық мониторингілеу ұсынылады. Енгізу әдісі және жолы Концентрациясына байланысты ерітінділердің түсі бозғылт-сарыдан янтарь түске дейін болуы мүмкін. Әсер етуші заттың бұл қасиеті оның тиімділігіне немесе төзімділігіне әсер етпейді. Бұлшықет ішіне енгізу 1 г Вегацеф препаратын инъекцияға арналған 3,5 мл 1% лидокаинде еріту қажет. Ерітіндіні ірі бұлшықеттерге терең бұлшықетішілік инъекция арқылы енгізу керек. Бір бұлшықетке 1 г-нан артық препаратты енгізуге болмайды. Құрамында лидокаин бар ерітіндіні вена ішіне енгізуге болмайды. Вена ішіне инъекция Вена ішіне енгізу үшін 1 г Вегацеф препаратын инъекцияға арналған 10 мл суда ерітеді және вена ішіне 2 - 4 минут ішінде енгізіледі. Вена ішіне инфузия Инфузия кем дегенде 30 минутқа созылуы керек. Вена ішіне инфузия үшін цефтриаксонның 2 г-ын кальцийді қамтымайтын келесі инфузиялық ерітінділердің бірінде 40 мл-да ерітеді: 0,9% натрий хлориді, 0,45% натрий хлориді + 2,5% глюкоза, 5% глюкоза, 10% глюкоза, 5% глюкозадағы 6% декстран, инъекцияға арналған су. Мүмкін үйлесімсіздікке байланысты, Вегацеф препаратының ерітінділерін басқа антибиотиктерді қамтитын ерітінділермен араластыруға немесе олармен біріктіруге болмайды. Сондай-ақ, оларды жоғарыда көрсетілгендерден басқа инфузиялық ерітінділерге қосуға болмайды. Алайда, 2 г цефтриаксон мен 1 г орнидазол 250 мл физиологиялық натрий хлориді ерітіндісінде немесе глюкозада физикалық әрі химиялық тұрғыдан үйлесімді. Дене салмағына байланысты дозалау Инъекцияға арналған су мен 1% лидокаин гидрохлориді ерітіндісінде цефтриаксон натрийінің 1 г ұнтағының ығыстыру көлемі шамамен 0,71 мл құрайды. Бұл препаратты дене салмағына қарай (әсіресе 12 жасқа дейінгі балаларға) дәл мөлшерлеу үшін еріткіш көлемін түзетуді талап етеді, егер жалпы ерітіндінің тек бір бөлігі ғана өлшеніп және енгізілетін болса. Керекті концентрациядағы дайын ерітіндіні алу үшін төмендегі 1-кестені қараңыз. 1-кесте: Қалпына келтіру үшін қажетті концентрацияларды дайындау көлемдердің жиынтық кестесі Бұлшықет ішіне инъекцияға арналған ерітінділер Вегацеф препараты (номиналды мөлшері) — 1% лидокаин ерітіндісінің көлемін қосыңыз: — Инъекцияға арналған дайын ерітінді Жуықтама көлем — Концентрация 1 г — 2,9 мл — 3,6 мл — 285 мг/мл Вена ішіне инъекцияға арналған ерітінді Вегацеф препараты (номиналды мөлшері) — Инъекцияға арналған су көлемі: — Инъекцияға арналған дайын ерітінді Жуықтама көлем — Концентрация 1 г — 9,4 мл — 10,1 мл — 100 мг/мл Вена ішіне инъекцияға арналған ерітінділер Вегацеф препараты (номиналды мөлшері) — Кальцийсіз инфузиялық ерітіндінің көлемін қосыңыз: — Инфузияга арналған дайын ерітінді Жуықтама көлем — Концентрация 2 г — 39 мл — 40,4 мл — 50 мг/мл

• цефтриаксонға, цефалоспориндерге немесе қосымша заттарының кез келгеніне аса жоғары сезімталдық • анамнездегі басқа бета-лактамды бактерияға қарсы препараттарға (пенициллиндер, монобактамдар және карбапенемдер) аса жоғары сезімталдықтың ауыр реакциялары (мысалы, анафилаксиялық реакциялар) • еріткіші – лидокаинге аса жоғары сезімталдық. Лидокаинді пайдалана отырып, цефтриаксонның бұлшықетішілік инъекциясын жүргізер алдында лидокаинге қарсы көрсетілімдердің бар-жоқтығын анықтау қажет. Құрамында лидокаин бар цефтриаксон ерітінділерін вена ішіне енгізуге болмайды • жүрек өткізгіштігінің бұзылуы • жедел декомпенсацияланған жүрек жеткіліксіздігі • 41 аптаны қоса алғанға дейінгі (гестациялық және постнатальді жастың қосындысы) мерзімі жетпеген жаңа туған нәрестелер • гипербилирубинемиясы бар жаңа туған нәрестелер, цефтриаксонның ықпалымен билирубиннің сарысулық альбуминмен байланысудан ығыстырылуы себебінен билирубиндік энцефалопатияның даму қаупіне байланысты • жаңа туған нәрестелер және құрамында кальций бар ерітінділер: цефтриаксонді, құрамында кальций бар ерітінділерді, оған қоса құрамында кальций бар препараттардың ұзаққа созылатын инфузияларын вена ішіне енгізу қажет немесе қажет болуы мүмкін жаңа туған нәрестелерге (жасы 28 күнге дейінгі), мысалы, парентеральді қоректендіру кезінде, өкпеде және бүйректе өлімге әкеліп соғатын цефтриаксонның кальций тұздары преципитаттарының түзілу қаупіне байланысты, қолдануға болмайды. • Цефтриаксонды және құрамында кальций бар ерітінділерді алған жаңа туған нәрестелерде өліммен аяқталған бірнеше оқиғалар тіркелді, бұл ретте өкпеде және бүйректе аутопсия кезінде преципитаттар анықталды. Осы жағдайлардың кейбіреуінде цефтриаксон және құрамында кальций бар ерітінділерді енгізу үшін бір ғана инфузиялық желі пайдаланылды, басқа жағдайларда инфузиялық желіде тұнба анықталды. Цефтриаксон және құрамында кальций бар ерітінділер әртүрлі уақытта және әртүрлі инфузиялық желілер арқылы енгізілген кезде кем дегенде бір неонатальді өлім оқиғасы туралы хабарланды; аутопсия кезінде преципитаттар анықталмады. Жаңа туған нәрестелерден басқа пациенттердің жас санаттарына қатысты осындай хабарламалар келіп түскен жоқ.

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес). Өте жиі • өт қалтасында цефтриаксон-кальций преципитаттарының симптоматикалық түзілуі, балалардағы қайтымды өттас ауруы. Жиі • қандағы эозинофилдер мөлшерінің артуы (эозинофилия), лейкоциттер мөлшерінің азаюы (лейкопения), тромбоциттер мөлшерінің азаюы(тромбоцитопения) • диарея, іш өтуі • бауыр ферменттері деңгейінің жоғарылауы • бөртпе, ісіну Жиі емес • жыныс мүшелерінің микоздары • гранулоциттер санының азаюы (гранулоцитопения), қан аздығы (анемия), қан ұюының бұзылуы (коагулопатия) • бас ауыруы, бас айналу • жүрек айнуы, құсу • қышыну • венаның қабынуы (флебит), енгізген орынның ауыруы, дене температурасының жоғарылауы (пирексия) Сирек • жалған жарғақшалы колит (жуан ішектің жедел ауруы) • энцефалопатия (қабынбайтын сипаттағы мидың органикалық зақымдануы) • бронх түйілуі (саңылаудың тарылуын тудыратын бронхтар мен бронхиолалардың бұлшықеттерінің жиырылуы) • ядролық сарғаю • несептегі қан (гематурия), несептегі қант (глюкозурия), олигурия • есекжем • ісіну, қалтырау, анафилаксиялық немесе анафилактоидтық реакция Белгісіз • сезімтал емес қоздырғыштармен суперинфекция • агранулоцитоз • құрысулар • Кунис синдромы • панкреатит, стоматит, глоссит • жедел жайылған экзантемалық пустулез (AGEP), ауыр тері реакциялары (мультиформалы эритема, Стивенс Джонсон синдромы немесе Лайелл синдромы/уытты эпидермалық некролиз) • Яриш-Герксгеймер реакциясы Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Емі: симптоматикалық. Артық дозалану кезінде гемодиализ және перитонеальді диализ тиімсіз.

Лидокаин Лидокаинді еріткіш ретінде қолданған кезде, ерітіндіні енгізер алдында пациентте лидокаинді қолдануға қарсы көрсетілімдердің бар-жоқтығын анықтау қажет, сондай-ақ анамнезіндегі лидокаинге аллергиялық реакцияларды ескеру қажет. Аса жоғары сезімталдық Басқа бета-лактамдық антибиотиктерді қолданғандағы сияқты, аса жоғары сезімталдықтың ауыр, соның ішінде өлімге соқтырған реакциялары тіркелді. Аса жоғары сезімталдық реакциялары (анафилаксиялық шокқа дейін) еріткіштің құрамында бар лидокаинді қолданудан туындауы мүмкін. Бета-лактамдық антибиотиктерді, соның ішінде Вегацеф препаратын немесе цефтриаксонды қабылдаған пациенттерде Стивенс-Джонсон синдромы, уытты эпидермалық некролиз, жүйелі симптомдармен дәріге байланысты эозинофилия (DRESS-синдром), Яриш-Герксгеймер реакциясы (JНR, Jarisch–Herxheimer reaction), мультиформалы эритема және жедел жайылған экзантематозды пустулез (AGEP, Acute Generalized Exanthematous Pustulosis) сияқты терінің ауыр жағымсыз реакциялары (SCAR, Severe Cutaneous Adverse Reactions) тіркелді. Аса жоғары сезімталдық Кунис синдромына, яғни миокард инфарктімен аяқталуы мүмкін ауыр аллергиялық реакцияға әкелуі мүмкін. Протромбин уақытының ұзаруы Цефтриаксон протромбин уақытын ұзартуы мүмкін. Гемолиздік анемия Иммунитет түрткі болған гемолиздік анемия жағдайлары Вегацеф препаратын қоса, цефалоспориндер класының бактерияға қарсы дәрілерін қабылдаған пациенттерде байқалды. Цефтриаксонмен емдеу кезінде ересектерде де, балаларда да ауыр, соның ішінде өлімге соқтырған гемолиздік анемия жағдайлары тіркелді. Clostridium difficile-астасқан диарея (CDAD, Clostridium Difficile-Associated Diarrhea) Вегацеф препаратын қоса, бактерияға қарсы дәрілердің барлығын дерлік қолданумен астасқан CDAD дамыған жағдайлар тіркелді; CDAD жағдайлары жеңіл диареядан өлімге соқтыратын колитке дейін ауытқып отыруы мүмкін. Ішек перистальтикасын бәсеңдететін препараттарды қолдануға болмайды. Суперинфекциялар Вегацеф препаратын ұзақ уақыт қолданғанда сезімтал емес қоздырғыштардың саны артуы мүмкін. Яриш-Герксгеймер реакциясы (JHR, Jarisch–Herxheimer реакциясы) Спирохеталардан туындаған инфекциялар, цефтриаксонмен емдеуді бастағаннан кейін Яриш-Герксгеймер реакциясын (JHR) тудыруы мүмкін. Цефтриаксон-кальций преципитаттары Цефтриаксон қабылдаған пациенттерде, әсіресе тәулігіне 1 г немесе одан да көп дозада өт қабының ультрадыбыстық зерттеуі цефтриаксон-кальций преципитаттарының болуын анықтады. Бұл преципитаттардың пайда болу ықтималдығы бала жастағы пациенттерде жоғары. Панкреатит Сирек жағдайларда Вегацеф препаратын қабылдаған пациенттерде өт шығару жолдарының обструкциясы салдарынан панкреатиттің даму жағдайлары тіркелген. Пациенттердің көпшілігінде тексеру кезінде өт іркілісі және билиарлы сладж қауіп факторлары анықталды, мысалы, алдыңғы ауқымды терапия, ауыр аурулар және толық парентеральді қоректендіру. Энцефалопатия Цефтриаксонды қолдану кезінде, атап айтқанда бүйректің ауыр жеткіліксіздігі немесе орталық жүйке жүйесі тарапынан бұзылулары бар егде жастағы пациенттерде энцефалопатияның дамығаны туралы хабарланды. Цефтриаксонды қолданумен астасқан энцефалопатияға күдік туған кезде (симптомдары мыналарды қамтуы мүмкін: сананың бұзылуы, психикалық жай-күйдің өзгеруі, миоклонус, құрысулар) цефтриаксонды тоқтату қажеттілігін қарастыру керек. Қан талдауының мониторингі Ұзақ уақыт емдегенде қанның кеңейтілген талдауын жүйелі түрде жүргізіп отыру керек. Серологиялық зерттеулердің нәтижелеріне әсері Вегацеф препаратымен емдеу кезінде Кумбс сынамасының, галактоземия сынамасының, несептегі глюкозаны анықтауға арналған ферменттік емес әдістердің жалған оң нәтижелері байқалуы мүмкін. Бүйрек функциясының бұзылуы Бүйрек функциясының бұзылуы бар, аминогликозидтер мен диуретиктерді бір мезгілде қабылдап жүрген пациенттерде цефтриаксонды қолданғанда сақтық таныту керек. Жаңа туған нәрестелер, балалар және жасөспірімдер Цефтриаксонды құрамында кальций бар ерітінділермен, тіпті егер ерітінділер әртүрлі инфузиялық желілердің көмегімен енгізілсе де, араластыруға немесе бір мезгілде енгізуге болмайды. Тіпті әртүрлі инфузиялық желілерді пайдаланғанның және цефтриаксон мен құрамында кальций бар ерітінділерді әртүрлі уақытта енгізгеннің өзінде, жаңа туған нәрестелердің өкпесі мен бүйрегінде цефтриаксон-кальций преципитаттарының түзілуінің нәтижесінде өліммен аяқталған жағдайлар сипатталған. Сондықтан, құрамында кальций бар вена ішілік кальций ерітінділерін жаңа туған нәрестелерге, препаратты соңғы рет енгізгеннен кейін, кем дегенде 48 сағаттың ішінде енгізуге болмайды. Әртүрлі жас топтарындағы пациенттерде цефтриаксонды және құрамында кальций бар вена ішілік ерітінділерді бір мезгілде қолданудан кейін цефтриаксон-кальций преципитаттарының түзілу жағдайлары белгісіз. Дегенмен, оларды барлық пациенттерде бір мезгілде қолданудан аулақ болу керек. Лидокаинге қатысты сақтық шаралары Лидокаин сияқты жергілікті анестетиктерді қолданғанда ауыр жағымсыз реакциялардың даму қаупі артады: • егде жастағы пациенттерде • жалпы денсаулық жағдайы нашар пациенттерде • атриовентрикулярлық блокада болғанда (өйткені жергілікті анестетиктер атриовентрикулярлық өткізгіштікті бәсеңдетуі мүмкін) • бауырдың ауыр ауруы бар болғанда • бүйректің ауыр жеткіліксіздігі бар болған жағдайда. Аталған жағдайларда Вегацеф препаратының бұлшықетішілік инъекциясын сақтықпен жүргізу керек. Аддитивті әсердің болуы мүмкін болғандықтан, аритмияға қарсы III кластағы препараттарды (мысалы, амиодарон) қабылдап жүрген пациенттерді мұқият бақылау қажет, ЭКГ-мониторинг жүргізу мүмкіндігін қарастырған жөн. Құрамында лидокаин бар ерітінділердің бас және мойын аймағына салынған инъекциялары байқаусызда артерияғы түсіп кетіп, церебральді симптоматика дамуына алып келуі мүмкін (тіпті, төмен дозаларында да). Натрий Препараттың құрамында 1 грамм цефтриаксонға 83 мг натрий бар, бұл ересек адам үшін ДДҰ ұсынған ең жоғары тәуліктік 2 г натрий дозасының 4,2%-на баламалы. Арнайы сақтандырулар Егде жастағы пациенттер ≥65 жастағы пациенттерде бүйректің және бауырдың ауыр жеткіліксіздігі болмаған жағдайда, Вегацеф препаратының дозасын түзету қажет емес. Бүйрек функциясының бұзылуы бар пациенттер Бауыр функциясының бұзылуы болмаған жағдайда, Вегацеф препаратының дозасын түзету қажет емес. Цефтриаксон гемодиализ немесе перитонеальді диализ кезінде шығарылмайды. Диализ жүргізілетін пациенттерге, диализ аяқталғаннан кейін препараттың қосымша дозасын енгізу қажет емес. Бауыр функциясының бұзылуы бар пациенттер Бүйрек функциясының бұзылуы болмаған жағдайда, Вегацеф препаратының дозасын түзету қажет емес. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Цефтриаксонмен емдеу кезінде жағымсыз реакциялар (мысалы, бас айналуы) туындауы мүмкін, ол көлік құралдарын басқару және механизмдермен жұмыс істеу қабілетіне ықпал етуі мүмкін. Пациенттер көлік құралдарын басқарғанда немесе механизмдермен жұмыс істегенде сақтық танытуы керек.

Жүктілік кезінде, әсіресе бірінші триместрінде, Вегацеф препаратын тек қатаң көрсетілімдері бойынша ғана тағайындау керек. Егер Вегацеф препаратын қолдану аса қажет болса, оны лидокаинсіз тағайындау керек. Босану кезінде лидокаин сияқты жергілікті анестетиктерді қолдану, анасында және/немесе шаранада жағымсыз реакция (мысалы, брадикардия) туғызуы мүмкін. Препаратты бала емізу кезінде қолданбаған дұрыс. Егер емдеу аса қажет болса, бала емізуді тоқтату керек.

Вегацеф препаратының жоғары дозалары мен әсері күшті диуретиктерді (мысалы, фуросемидті) бір мезгілде қолданғанда бүйрек функциясының бұзылулары байқалмады. Аминогликозидтерді цефалоспориндермен бірге қолданғанда, олардың бүйректік уыттылығының арту ықтималдығына қатысты қарама-қайшы деректер бар. Аминогликозидтердің деңгейлері мен бүйрек функциясын бақылау жөніндегі ұсынымдарды қатаң сақтау керек. Дегенмен, екі препарат бөлек-бөлек қолданылуы тиіс (6.2 бөлімін қараңыз). Вегацеф препаратын енгізгеннен кейін алкогольді қолдану дисульфирам тәрізді реакцияның дамуы байқалмады, бұл цефтриаксонның құрылымында кейбір цефалоспориндерге тән этанол жақпаушылығы мен қанағыштық қаупін туғызуы мүмкін N-метилтиотетразол тобы болмауымен байланысты. Пробенецидті бірге қолдану цефтриаксонның шығарылуын төмендетпейді. Бактериостатикалық препараттар цефалоспориндердің бактерицидтік әсеріне жағымсыз ықпал етуі мүмкін. Цефтриаксонның in vitro зерттеуінде хлорамфеникол мен цефтриаксонды бірге қолданғанда антагонистік әсерлер байқалды. Вегацеф препаратын еріту үшін немесе вена ішіне тамшылатып енгізуге арналған құтының ішіндегісін қосымша сұйылту үшін Рингер ерітіндісі немесе Хартман ерітіндісі сияқты құрамында кальций бар еріткіштерді қолдануға болмайды, себебі бұл жағдайларда тұнба түзілуі мүмкін. Вегацеф препаратын вена ішіне енгізуге арналған құрамында кальций бар ерітінділермен араластырғанда да цефтриаксон-кальций тұнбасы түзілуі мүмкін. Цефтриаксонды құрамында кальций бар венаішілік енгізуге арналған ерітінділермен, соның ішінде Y-тәрізді жүйенің көмегімен парентеральді қоректендіруге арналған ерітінділер сияқты тұрақты инфузияға арналған құрамында кальций бар ерітінділермен бір мезгілде енгізуге болмайды. Алайда, жаңа туған нәрестелерден басқа барлық пациенттерге, егер инфузия арасында жүйені сәйкес сұйықтықпен мұқият шайса, цефтриаксон мен құрамында кальций бар ерітінділерді бірінен соң бірін енгізуге болады. Ересектер мен жаңа туған нәрестелердің кіндік қаны плазмасын пайдалана отырып жүргізілген in vitro зерттеулер жаңа туған нәрестелерде цефтриаксон-кальций тұнбасын түзу қаупі жоғары екенін көрсетті (4.2, 4.3, 4.4, 4.8 және 6.2 бөлімдерді қараңыз). Цефтриаксон мен құрамында кальций бар пероральды препараттар арасында, сондай-ақ бұлшықет ішіне енгізуге арналған цефтриаксон мен құрамында кальций бар (вена ішіне немесе пероральды қолдануға арналған) препараттар арасында өзара әрекеттесу туралы хабарламалар түспеген. Пероральды антикоагулянттармен бір мезгілде қабылдау K дәруменіне антагонизм әсерін күшейтіп, қан кету қаупін арттыруы мүмкін. Цефтриаксонмен емдеу кезінде және одан кейін қанның ұю көрсеткіштерін үнемі бақылау қажет, ал антикоагулянт дозасы тиісінше түзетілуі керек (4.8 бөлімін қараңыз). Лидокаинмен өзара әрекеттесуі, лидокаин CYP450, CYP1A2 және CYP3A4 ферменттерінің субстраты болып табылады. Сондықтан, CYP тежегіштері (мысалы, итраконазол, вориконазол, флуконазол, кларитромицин, эритромицин, циметидин) мен ферменттер индукторларын (мысалы, барбитураттарды, карбамазепинді, фенитоинді, примидонды, рифампицинді) қатарлас қолдану лидокаиннің метаболизмін тежеуі мүмкін. Құрылымы жағынан амидтік типті жергілікті анестетиктермен (мысалы, мексилетин немесе токаинид сияқты аритмияға қарсы дәрілер) ұқсас әсер етуші заттарды бірге қолдану жүйелі уытты әсерлерін ушықтыруы мүмкін. Сондықтан құрамында лидокаин бар еріткішіпен препараттың бұлшықетішілік инъекцияларын осы препараттармен емделіп жатқан пациенттерге ерекше сақтықпен тағайындау керек. Лидокаин қолданғанда миорелаксанттардың әсері күшеюі мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында 30 °С-ден аспайтын температурада сақтау керек. Балалардың қолы жетпейтін жерде сақтау керек!