Цитрамон-Боримед таблетки

Бір таблетканың құрамында: белсенді заттар: ацетилсалицил қышқылы – 220.0 мг, парацетамол - 200.0 мг, кофеин - 27.0 мг; қосымша заттар: какао-ұнтақ, лимон қышқылы моногидраты, картоп крахмалы, тальк, стеарин қышқылы, сусыз коллоидты кремнийдің қостотығы. Сыртқы түрінің, иісінің, дәмінің сипаттамасы Жалпақ беткейлі, какао иісі, сызығы мен ойығы бар ақ теңбілді ашық-қоңыр түсті таблеткалар.

- шығу тегі әр түрлі бас ауыруында

Цитрамон-Боримед біріктірілген препарат болып табылады, ол ауыруды басатын және ыстықты түсіретін әсерге ие. Әсер ету механизмі простагландиндер өнімін бұзуымен, сондай-ақ пуриндік A1 және А2А-рецепторларын бөгеуімен байланысты. Цитрамон-Боримед әдетте соматикалық сипаттағы әлсіз және орташа қарқынды ауыруларды: бұлшықет, буын, сіңір, жүйке діңіндегі ауыруларды, бас пен тіс ауыруларын басады. Висцеральді ауырулар (ішкі мүшелер қабынуы, бүйрек және бауыр шаншулары) кезінде апиындық анальгетиктерден әлсіз болады. Цитрамон-Боримед дененің жоғары температурасын төмендетеді, дененің қалыпты температурасына әсер етпейді.

Дозалау режимі Ересектер мен 15 жастан үлкен балаларға күніне 2–3 рет 1 таблетка дозасында тағайындайды. Препаратты қабылдау аралықтарындағы үзілістер кемінде 6–8 сағатты құрауы тиіс. Ең жоғарғы бір реттік дозасы – 2 таблетка, ең жоғарғы тәулікті дозасы – 4 таблетка. Ыстықты түсіретін дәрі ретінде дене температурасы 38,5°С-ден асқанда (анамнезінде фебрильдік құрысулары бар пациенттерде температура 37,5°С-ден асқанда) 1–2 таблетка дозасында тағайындайды. Енгізу әдісі мен жолы Ішке, дұрысы тамақтану аралықтарында немесе тамақтан кейін бірден қолданылады. Емдеу ұзақтығы Ауыруды басатын дәрі ретіндегі қолдану ұзақтығы 5 күннен, ыстықты түсіретін дәрі ретінде – 3 күннен аспауы тиіс. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Қолдану тәсілі туралы сұрақтар туындаған жағдайда емдеуші дәрігерге немесе дәріхана қызметкеріне жүгіну қажет.

- әсер етуші заттарға немесе қосымша заттардың кез келгеніне аса жоғары сезімталдық - глюкозо-6-фосфатдегидрогеназа тапшылығы - өршу фазасындағы АІЖ эрозиялық-ойық жаралы зақымданулары - асқазан-ішектен қан кетулер - «аспирин» демікпесі және «аспирин» үштігі - геморрагиялық диатездер (Виллебранд ауруында, тромбоцитопениялық пурпурада, телеангиоэктазияда), гипопротромбинемия, гемофилия - қолқаның қатпарланған аневризмасы - портальді гипертензия - К дәруменінің тапшылығ - метотрексатты аптасына 15 мг және одан көп дозада қабылдау - бүйрек және бауыр қызметінің жеткіліксіздігі - жүктілік және лактация кезеңі - подагра және подагралық артрит - 15 жасқа дейінгі балаларда вирустық аурулар аясындағы гипертермиямен қатар жүретін аурулар - III дәрежедегі артериялық гипертензия - созылмалы жүрек жетіспеушілігі - жүрек-қантамыр жүйесінің органикалық аурулары (оның ішінде атеросклероз) - қатты қозғыштық, ұйқының бұзылуы - глаукома - көп қан кетумен қатар жүретін хирургиялық араласулар

Жиі – күйгелектік; – бас айналу; – жүрек айнуы, іш аймағындағы жайсыздық. Жиі емес – ұйқысыздық; – тремор, парестезия, бас ауыруы; – құлақтағы шуыл; – аритмия, жүрек соғу жиілігінің жоғарылауы; – ауыздың құрғауы, диарея, құсу; – шаршау, қатты қозғыштық; Сирек – фарингит; – тәбеттің төмендеуі; – үрей, эйфориялық көңіл-күй, ішкі шиеленіс; – дәм сезуінің бұзылысы, зейінқоюдың бұзылысы, амнезия, қозғалыс үйлестіруінің бұзылуы, гиперестезия, мұрын жанындағы қойнаулары аймағындағы ауырсыну; – көру қабілетінің бұзылуы; – гиперемия, шеткері қан айналымының бұзылуы; – мұрыннан қан кету, гиповентиляция, ринорея; – кекіру, метеоризм, дисфагия, ауыз аймағындағы парестезия, сілекейдің қатты бөлінуі; – гипергидроз, қышыну, есекжем; – бұлшықет-қаңқа қаттылығы, мойынның ауыруы, арқаның ауыруы, бұлшықет спазмы; – астения, кеудедегі ауырлық. Тіркеуден кейінгі бақылау деректері Иммундық жүйе тарапынан бұзылулар: - аса жоғары сезімталдық. Психикалық бұзылулар: - мазасыздық. Жүйке жүйесі тарапынан бұзылулар: - бас сақинасы, ұйқышылдық Тері мен тері астындағы тіндері тарапынан бұзылулар: - эритема, бөртпе, ангионевроздық ісіну, мультиформалық эритема. Жүрек тарапынан бұзылулар: - жүрек соғу сезімі. Қантамырлар тарапынан бұзылулар: - артериялық қысымның төмендеуі. Тыныс алу жүйесі, кеуде қуысы және көкірек ортасы ағзалары тарапынан бұзылулар: - ентігу, бронх түйілуі. Асқазан-ішек жолының бұзылулары: • эпигастрийдегі ауырсыну, диспепсия, іштің ауыруы, асқазан-ішектен қан кету (оның ішінде асқазан-ішек жолының жоғарғы бөліктерінен, асқазаннан, асқазанның ойық жарасынан, он екі елі ішектің ойық жарасынан, тік ішектен қан кету), асқазан-ішек жолының эрозиялық-ойық жаралы зақымдануы (асқазан, он екі елі ішек, тоқ ішектің ойық жарасын, пептидтік ойық жарасын қоса). Бауыр және өт шығару жолдары тарапынан бұзылулар: - бауыр жеткіліксіздігі. Енгізу орнындағы жалпы бұзылулар және реакциялар: - дімкәстану, жайсыздықты сезіну. Дәрілік препараттың жалпы сипаттамасына сәйкес бекітілген комбинацияны пайдаланған кезде жекелеген заттардың жағымсыз реакциялары күшейеді немесе жағымсыз реакциялар спектрі кеңейеді деген ақпарат жоқ. Қан кету қаупінің жоғарылауы ацетилсалицил қышқылын қабылдағаннан кейін 4-8 күн ішінде сақталуы мүмкін. Ауыр қан кетудің дамуы өте сирек кездеседі (мысалы, миішілік қан кету), әсіресе артериялық гипертензиямен ауыратын пациенттерде, емделмеген жағдайда және/немесе антикоагулянттармен қатар емдеу. Кейбір жағдайларда өлім болуы мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ұсынылған дозаны және қолдану ұзақтығын арттырмаған жөн! Симптомдары: - жеңіл уыттануда: жүрек айнуы, құсу, асқазанның ауыруы, бас айналуы, құлақтағы шуыл; - ауыр уыттану кезінде: мәңгіру, ұйқышылдық, коллапс, құрысулар, тыныстың тарылуы, анурия, қан кетулер. Емі: белсендірілген көмірді пайдаланып асқазанды шаю, зат алмасу жағдайына байланысты симптоматикалық ем – натрий гидрокарбонатын, натрий цитратын немесе натрий лактатын енгізу, бұл несепті сілтілендіру есебінен ацетилсалицил қышқылының шығарылуын күшейтеді.

Арнайы ескертулер Цитрамон-Боримед дәрілік препаратын вирустық инфекциямен немесе ЖРА-мен бірге жүретін гипертермиясы (қызбасы) бар, 15 жастан кіші балаларға пайдаланған кезде, дәрілік препараттың құрамында ацетилсалицил қышқылы бар болғандықтан, Рейе синдромының (энцефалопатия және бауырдың жедел майлы дистрофиясының) даму қаупі жоғары. Пациенттердің осы тобында Цитрамон-Боримед дәрілік препаратын қолдануға болмайды. Хирургиялық араласу кезеңінде қолдану Операция барысындағы және операциядан кейінгі кезеңдегі қан кетудің даму қаупін азайту үшін, жоспарланған хирургиялық араласуға дейін 5-7 тәулік бұрын Цитрамон-Боримед дәрілік препаратын қабылдауды тоқтату қажет. Бронх-өкпе жүйесінің патологиясы бар адамдарда қолданылуы Бронх демікпесі, мұрын полипозы бар пациенттерде және пішен қызбасында Цитрамон-Боримед дәрілік препаратын қолдану аурудың өршуіне түрткі болуы мүмкін. Зертханалық көрсеткіштерге әсері Дәрілік препаратпен емдеу кезінде қан плазмасында глюкоза деңгейінің жоғарылауы және гликемиялық бейін нәтижелерінің бұрмалануы мүмкін.

Жүктілік кезінде және лактация кезеңінде қолдануға болмайды. Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Жоғары дозаларда ішке қабылдаған кезде Цитрамон-Боримед дәрілік препаратының құрамына енетін кофеин зейін қоюды қиындатады және зейін қою қажеттілігімен байланысты жұмыстарды орындау кезінде оператор қателерінің санын арттырады.

Бір мезгілде қолданғанда метотрексаттың, вальпрой қышқылының, барбитурат препараттарының уыттылығын, есірткілік анальгетиктердің, диабетке қарсы ішуге арналған препараттардың, сульфаниламидтік дәрілердің, ко-тримаксозолдың, трийодтирониннің, дигоксиннің әсерін күшейтеді. Біріктірілген ішуге арналған контрацептивтер, фенитоин, алкоголь, барбитураттар, рифампицин, фенилбутазон, трициклдық антидепрессанттар препарат құрамына енетін парацетамолдың гепатоуытты әсерін арттырады. Макролидтік антибиотиктер (клартромицин, эритромицин), интерферон препараттары мен зеңге қарсы дәрілер (кетоконазол, флуконазол) препарат компоненттерінің метаболизмін баяулатады және олардың плазмадағы концентрациясын жоғарылатады. Тікелей емес антикоагулянттармен, тромбоциттер агрегациясының тежегіштерімен, тромболитикалық дәрілермен бір мезгілде қолданғанда қан кету қаупін арттырады. АӨФ тежегіштері тобына жататын гипотензиялық дәрілердің, ілмектік және калий жинақтағыш диуретиктердің әсерін әлсіретеді. Глюкокортикостероидтар препарат компоненттерінің асқазан шырышты қабатына уытты әсерін күшейтеді, қан плазмасындағы ацетилсалицил қышқылының концентрациясын төмендетеді. 2-адреномиметиктермен (салметеролмен, сальбутамалмен, фенетеролмен) жоғары дозаларда бір мезгілде қолданғанда гипокалиемияның даму қаупін арттырады. Теофиллинмен, аминофиллинмен бір мезгілде қолданғанда,олардың қан плазмасындағы концентрациясының жоғарылауы мен уыттану қаупінің артуы байқалады. Плазмадағы литий иондарының концентрациясын арттырады. Урикозуриялық дәрілердің әсерін әлсіретеді. Алкогольдің асқазан-ішек жолының шырышты қабығына уытты әсерін күшейтеді.

Сақтау мерзімі 4 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25оС-ден аспайтын температурада сақтау керек. Балалардың қолы жетпейтін жерде сақтау керек!