Цитопросан® раствор 50 мг/мл

1 мл ерітіндінің құрамында белсенді зат – этилметилгидроксипиридин сукцинаты (сусыз затқа шаққанда) 50.0 мг қосымша заттар: натрий метабисульфиті, 1 М хлорсутек қышқылы, инъекцияға арналған су. Сыртқы түрінің, иісінің, дәмінің сипаттамасы Мөлдір, түссіз немесе аздап сарғыш ерітінді

• ми қан айналымының жедел бұзылуы • бассүйек-ми жарақаты, бассүйек-ми жарақатының салдарлары • дисциркуляторлық энцефалопатия • созылмалы ми ишемиясы • вегетативтік дистония синдромы • жеңіл (орташа) когнитивтік бұзылыстар • невроздық және невроз тәрізді жағдайлардағы үрейлі бұзылыстар • жедел миокард инфарктісі (алғашқы тәуліктерден бастап) кешенді ем құрамында • түрлі сатыдағы бастапқы ашықбұрышты глаукома, кешенді ем құрамында • невроз тәрізді және вегетативтік-қантамырлық бұзылыстары басым алкоголизм кезінде абстинентті синдромды басу • психозға қарсы дәрілерден жедел уыттану • құрсақ қуысының жедел іріңді-қабыну үдерістері (жедел некроздық панкреатит, перитонит) кешенді ем құрамында

Әсер ету механизмі Гипоксияға қарсы, жарғақшапротекторлы, ноотропты, құрысуға қарсы, анксиолитикалық әсер етеді, организмнің стреске төзімділігін арттырады. Цитопросан организмнің негізгі зақымдаушы факторлардың әсеріне, оттегіне тәуелді патологиялық жағдайларға (шок, гипоксия және ишемия, ми қан айналымының бұзылуы, алкогольден және психозға қарсы препараттардан (нейролептиктерден) уыттану) резистенттілігін жоғарылатады. Цитопросан ми метаболизмін және мидың қанмен қамтамасыз етілуін жақсартады, микроциркуляцияны және қанның реологиялық қасиеттерін жақсартады, тромбоциттер агрегациясын азайтады. Гемолиз кезінде қан жасушаларының жарғақшалық құрылымын (эритроциттер және тромбоциттер) тұрақтандырады. Гиполипидемиялық әсер көрсетеді, жалпы холестерин мен тығыздығы төмен липопротеидтер (ТТЛП) деңгейін төмендетеді. Жедел панкреатит кезінде қанның ферментативті токсемиясын және эндогендік уыттануды төмендетеді. Цитопросанның әсер ету механизмі оның антигипоксантты, антиоксидантты және жарғақша-протекторлық әсеріне байланысты. Ол липидтердің асқын тотығу үдерістерін тежейді, супероксиддисмутаза белсенділігін арттырады, липид-ақуыз арақатынасын жоғарылатады, жарғақша тұтқырлығын азайтады, оның ағымдылығын ұлғайтады. Жарғақшалы-байланысқан ферменттердің (кальцийге тәуелсіз фосфодиэстераза, аденилатциклаза, ацетилхолинэстераза), рецепторлық кешендердің (бензодиазепиндік, гамма-аминомай қышқылы (ГАМҚ), ацетилхолин) белсенділігін түрлендіреді, бұл олардың лигандтармен байланысу қабілетін күшейтеді, биологиялық жарғақшалардың құрылымдық-функционалдық ұйымдасуының сақталуына, нейромедиаторлар тасымалына және синапстық берілістің жақсаруына көмектеседі. Цитопросан мидағы дофамин мөлшерін арттырады. Аэробтық гликолиздің компенсаторлық белсенділігінің күшеюін және аденозинтрифосфат (АТФ), креатинфосфат мөлшерінің көбеюімен, митохондрияның энергия синтездеуші функцияларының белсенуімен, гипоксия жағдайында Кребс циклында тотығу үдерістерінің бәсеңдеу дәрежесінің төмендеуін, жасушалық жарғақшалардың тұрақтануын тудырады. Фармакодинамикалық әсерлері Антигипоксиялық, жарғақшапротекторлы, ноотропты, құрысуға қарсы, анксиолитиктік әсер етеді, организмнің стресске төзімділігін жоғарылатады. Препарат организмнің негізгі зақымдаушы факторлардың әсеріне, оттекке тәуелді патологиялық жағдайларға (шок, гипоксия және ишемия, ми қан айналымының бұзылуы, алкогольмен және психозға қарсы препараттармен (нейролептиктермен) улану) төзімділігін жоғарылатады. Гемолизде қан жасушаларының жарғақшалық құрылымдарын (эритроциттер және тромбоциттер) тұрақтандырады. Цитопросан ми метаболизмі мен мидың қанмен қамтылуын жақсартады, қанның микроциркуляциясы мен реологиялық қасиеттерін жақсартады, тромбоциттер агрегациясын азайтады. Гиполипидемиялық әсер етеді, жалпы холестерин мен тығыздығы төмен липопротеидтер (ТТЛП) деңгейін төмендетеді. Цитопросан ишемияланған миокардтағы метаболизмдік үдерістерді қалыпқа келтіреді, некроз аймағын азайтады, миокардтың электрлік белсенділігін және жиырылуын қалпына келтіреді және жақсартады, сондай-ақ ишемия аймағында коронарлық қан ағысын ұлғайтады, жедел коронарлық жеткіліксіздік кезінде реперфузиялық синдромның салдарын азайтады. Нитропрепараттардың антиангинальді белсенділігін жоғарылатады. Цитопросан себептері созылмалы ишемия және гипоксия болып табылатын үдемелі нейропатия кезінде тор қабықтың ганглиоздық жасушаларының және көру жүйкесі талшықтарының сақталуына ықпал етеді. Көру өткірлігін ұлғайта отырып, торқабық пен көру жүйкесінің функционалдық белсенділігін жақсартады. Жедел панкреатитте ферментативті токсемияны және эндогенді уыттануды азайтады. Клиникалық тиімділігі және қауіпсіздігі Жедел және ерте қалпына келтіру кезеңдеріндегі жарты шарында ишемиялық инсульт алған пациенттерде III фазалы (ЭПИКА) ұзақ бірізді ем кезінде этилметилгидроксипиридин сукцинатың тиімділігі мен қауіпсіздігін параллельді топтарда рандомизацияланған салыстырмалы жасырын плацебо бақыланатын зерттеу 40-тан бастап 79 жасқа дейінгі жастағы 150 пациенттің қатысуымен жүргізілді. Пациенттер 2 топқа рандомизацияланды: бірінші топ этилметилгидроксипиридин сукцинатымен тәулігіне 500 мг-ден в/і тамшылатып 10 күн бойы ем алды, содан кейін 8 апта бойы тәулігіне 3 рет 1 таблеткадан (125 мг) қабылдады. Этилметилгидроксипиридин сукцинатымен ем тобында плацебомен салыстырғанда симптомдар мен функциялық бұзылулардың нақты азайғаны көрсетілген. Этилметилгидроксипиридин сукцинатын қолдану кезінде плацебомен салыстырғанда тіршілік әрекетінің нақты айқынырақ жақсаруы байқалды: ем аяқталған сәтте өзгертілген түрлендірудің Рэнкин шкаласы (тРШ) бойынша орташа балл этилметилгидроксипири- дин сукцинатын қолдану тобында төмен болды (p = 0,04); сондай-ақ, бұл топта тРШ бойынша орташа баллдың азаю динамикасы айқынырақ болды (p = 0,023). Ем аяқталғанда тРШ бойынша 0-2 баллға сәйкес келетін қалпына келтіруге қол жеткізген пациенттердің үлесі этилметилгидроксипиридин сукцинатын қолдану тобында плацебо- мен салыстырғанда – 59 (96,7 %) және 53 (84,1%) сәйкесінше анық жоғары болды (p = 0,039). Ем аяқталған кезде неврологиялық тапшылық этилметилгидроксипиридин сукцинатымен ем тобында анық төмен болды: терапия аяқталғанда Ұлттық денсаулық институтының инсульт шкаласы бойынша тестілеу кезінде этилметилгидроксипиридин сукцинатымен ем тобында орташа мән төмен болды (p = 0,035). Этилметилгидроксипиридин сукцинатымен қолдану жақсы функциялық қалпына келтіруге ықпал етті: кеңістікте қозғалу проблемалары жоқ пациенттердің үлесі сенімді түрде жоғары болды (p = 0,022). Субанализ нәтижелері бойынша этилметилгидроксипиридин сукцинатының барлық қолданылатын шкалалардағы тиімділігі барлық жас топтарында тең болды. Екі топтағы пациенттерде жағымсыз реакциялардың жиілігінде нақты айырмашылықтар анықталған жоқ, этилметилгидрок- сидроксипиридин сукцинатымен ұзақ бірізді емнің қауіпсіздік бейіні әртүрлі жас топтарындағы пациенттердегі плацебомен салыстырарлық болды. Созылмалы ми ишемиясы бар пациенттерде этилметилгидроксипиридин сукцинатмен (в/і;б/і) және этилметилгидроксипиридин сукцинаты (250 мг, пероральді) III фазалы (МЕМО) бір ізді емнің тиімділігі мен қауіпсіздігін бағалауға арналған халықаралық көп орталықты рандомизацияланған жасырын салыстырмалы плацебо бақыланатын зерттеу 40–тан 90 жасқа дейінгі жастағы 318 пациенттің қатысуымен жүргізілді. Пациенттер 2 топқа рандомизацияланды: бірінші топ 10 мл –ден (500 мг) этилметилгидроксипиридин сукцинатмен емді тәулігіне 1 рет в/і тамшылатып немесе вена ішіне баяу сорғалатып 14 күн бойы қабылдады, содан кейін келесі 60 күн ішінде тәулігіне 3 рет 1 таблеткадан 250 этилметилгидроксипиридин сукцинатты қабылдады. Зерттеу нәтижелері бойынша ем аяқталған кезде пациенттер этилметилгидроксипиридин сукцинаты (в/і;б/і)/ этилметилгидроксипиридин сукцинаты (250 мг, пероральді) және Плацебо препараттары топтары арасындағы динамиканы салыстыру кезінде Монреаль когнитивті функцияны бағалау шкаласы (MоCA) бойынша баллдардың статистикалық елеулі өзгерістерін анықтады (p < 0,000001, тәуелсіз үлгілерге арналған t-критерий). Этилметилгидроксипиридин сукцинаты (в/і;б/і)/этилметилгидроксипиридин сукцинаты (250 мг, пероральді) және Плацебо препараттары топтарындағы орташа негізгі тиімділік көрсеткіштерінің айырмашылығы үшін 95% сенімділік аралығының төменгі шегі 1,51 құрады. Бұл шекара этилметилгидроксипиридин сукцинаты (в/і;б/і) және этилметилгидроксипиридин сукцинаты (250 мг, пероральді) плацебодан тиімділігінің жоғарылығын белгілеуге мүмкіндік беретін оң мән болып табылады. Сондай-ақ, пациенттің емді аяқтау сатысында Монреаль MоCA шкаласымен баллдың статистикалық елеулі өзгерістерінің зерттеу нәтижелері бойынша барлық жас топтары үшін субанализ жүргізуде пациенттер этилметилгидроксипиридин сукцинаты (в/і;б/і)/ этилметилгидроксипиридин сукцинаты (250 мг, пероральді) және Плацебо препараттары топтары арасындағы динамиканы салыстыру үшін анықталды, бұл барлық жас топтарында этилметилгидроксипиридин сукцинаты (в/і;б/і) және этилметилгидроксипиридин сукцинатының (250 мг, пероральді) бірдей тиімділігін айғақтайды. Этилметилгидроксипиридин сукцинаты (в/і;б/і)/ этилметилгидроксипиридин сукцинатының (250 мг, пероральді) тиімділігінің салдарлы соңғы нүктелерін бағалау нәтижелері бойынша ем барысында плацебомен салыстырғанда келесі көрсеткіштер бойынша статистикалық елеулі айырмашылықтар алынды: MoCA шкаласы бойынша когнитивтік бұзылулардың айқындылық динамикасы; цифрлық символдарды ауыстыру тесті бойынша когнитивтік бұзылулардың айқындылық динамикасы; MFI-20 астения шкаласы бойынша астениялық бұзылулардың айқындылық динамикасы; вегетативтік өзгерістердің Вейн сауалнамасы бойынша динамикасы; Бек шкаласы бойынша мазасыздық деңгейінің динамикасы; Тинетти шкаласы бойынша қозғалыс өзгерістерінің динамикасы; жалпы клиникалық әсер шкаласы бойынша жалпы клиникалық әсер динамикасы (The Clinical Global Impressions Scale); SF-36 сауалнамасы бойынша пациенттердің өмір сапасының динамикасы (денсаулықтың психологиялық компоненті). Жағымсыз құбылыстардың пайда болу жиілігін статистикалық талдау нәтижелері, зертханалық талдау, денесін ұстап, тыңдап тексеру көрсеткіштері негізгі қауіпсіздік көрсеткіштері бойынша салыстырылатын топтар арасында айтарлықтай айырмашылықтардың жоқтығын көрсетеді, бұл зерттелетін этилметилгидроксипиридин сукцинаты (в/і;б/і) және этилметилгидроксипиридин сукцинаты (250 мг, пероральді) және Плацебо препараттарының қауіпсіздік бейіндерінің салыстырмалы сипатын көрсетеді. Субанализ жүргізу кезінде әртүрлі жас топтарындағы пациенттерде этилметилгидрокси- пиридин сукцинаты (в/і;б/і) және этилметилгидроксипиридин сукцинаты (250 мг, пероральді) және Плацебо препараттарының қауіпсіздік бейіндерінің ұқсас сипаты дәлелденді. Балалар Қатысты емес.

Дозалану режимі Ересектер: ең жоғары тәуліктік доза 1200 мг-дан аспауы тиіс. Қолдану сызбасы ауруға байланысты. Ми қан айналымының жедел бұзылуында Цитопросан® алғашқы 10-14 күнде — вена ішіне тамшылатып тәулігіне 2-4 рет 200 - 500 мг, сосын бұлшықет ішіне 2 апта бойы тәулігіне 2-3 рет 200 - 250 мг қолданады, содан кейін пероральді дәрілік түрлерін қабылдауға ауысу ұсынылады. Бассүйек-ми жарақаты және бассүйек-ми жарақатының салдары кезінде Цитопросан® 10 - 15 күн бойы вена ішіне тамшылатып тәулігіне 2-4 рет 200 - 500 мг қолданады, содан кейін пероральді дәрілік түрлерін қабылдауға ауысу ұсынылады. Декомпенсация фазасындағы дисциркуляторлық энцефалопатия кезінде Цитопросан® 14 күн бойы вена ішіне сорғалатып немесе тамшылатып тәулігіне 1 - 2 рет 200 - 500 мг дозада тағайындау керек. Сосын келесі 2 апта бойы бұлшықет ішіне тәулігіне 100 - 250 мг , содан кейін пероральді дәрілік түрлерін қабылдауға ауысу ұсынылады. Дисциркуляторлық энцефалопатияның курстық профилактикасы үшін Цитопросан® 10 - 14 күн бойы тәулігіне 2 рет 200 - 250 мг дозада бұлшықет ішіне енгізеді , содан кейін пероральді дәрілік түрлерін қабылдауға ауысу ұсынылады. Жеңіл (орташа) когнитивтіқ бұзылыстар кезінде Цитопросан® 14 күн бойы тәулігіне 1 рет 10 мл-ден (500 мг) вена ішіне тамшылатып немесе вена ішіне баяу сорғалатып енгізуге тағайындалуы керек, содан кейін пероральді дәрілік түрлерін қабылдауға ауысу ұсынылады. Үрейлі бұзылыстар кезінде Цитопросан® бұлшықет ішіне 100 -300 мг тәуліктік дозада 14 - 30 күн бойы қолданылады, содан кейін пероральді дәрілік түрлерін қабылдауға ауысу ұсынылады. Жедел миокард инфарктісі кезінде кешенді ем құрамында Цитопросан® миокард инфарктісінің нитраттар, бета-адреноблокаторлар, ангиотензин өзгертуші фермент (АӨФ) тежегіштері, тромболитиктер, антикоагулянттар және антиагрегантты дәрілер, сондай-ақ көрсетілім бойынша симптоматикалық дәрілер қолданылатын дәстүрлі емі аясында 14 тәулік бойы вена ішіне немесе бұлшықет ішіне енгізіледі. Алғашқы 5 тәулікте, ең жоғарғы әсерге қол жеткізу үшін Цитопросан® вена ішіне енгізілгені жөн, келесі 9 тәулікте Цитопросан® бұлшықет ішіне енгізуге болады. Цитопросан® 30 - 90 минут бойы 100 - 150 мл көлемде натрий хлоридінің 0,9 % ерітіндісінде немесе 5 % декстроза (глюкоза) ерітіндісінде тамшылататын инфузия жолымен, вена ішіне баяу (жағымсыз әсерлерді болдырмау үшін) енгізіледі. Қажет болса Цитопросан® ұзақтығы кемінде 5 минут баяу сорғалатып енгізуге болады. Цитопросан® (вена ішіне немесе бұлшықет ішіне) әрбір 8 сағат сайын тәулігіне 3 рет енгізеді. Тәуліктік емдік доза тәулігіне дене салмағының кг-на 6 - 9 мг, бір реттік доза — дене салмағының кг-на 2 - 3 мг құрайды. Ең жоғарғы тәуліктік доза 800 мг-ден аспауы, бір реттік доза — 250 мг болуы тиіс. Түрлі сатыдағы ашық бұрышты глаукомада кешенді ем құрамында Цитопросан® тәулігіне 100 - 300 мг бұлшықет ішіне, 14 күн бойы тәулігіне 1 - 3 рет енгізеді. Абстиненттік алкогольдік синдром кезінде Цитопросан® 5 - 7 күн бойы тәулігіне 2 - 3 рет вена ішіне тамшылатып немесе бұлшықет ішіне 200 - 500 мг дозада енгізеді. Психозға қарсы дәрілерден жедел уыттану кезінде Цитопросан® 7 - 14 күн бойы тәулігіне 200 - 500 мг дозада вена ішіне енгізеді. Құрсақ қуысының жедел іріңді-қабыну үдерістері (жедел некроздық панкреатит, перитонит) кезінде Цитопросан® алғашқы тәуліктерде операция алдында, сондай-ақ операциядан кейінгі кезеңде де тағайындалады. Енгізілетін дозалар аурудың түріне және ауырлығына, үдерістің таралуына, клиникалық ағымының нұсқаларына байланысты. Цитопросан® оң клиникалық-зертханалық тұрақты әсерден кейін ғана біртіндеп тоқтатылуы тиіс. Жедел ісінулі (интерстициальді) панкреатитте Цитопросан® күніне 3 рет 200 - 500 мг, тамшылатып вена ішіне (натрий хлоридінің 0,9 % ерітіндісінде) және бұлшықет ішіне тағайындалады. Некроздық панкреатиттің ауырлығының жеңіл дәрежесі — 100 - 200 мг күніне 3 рет тамшылатып вена ішіне (натрий хлоридінің 0,9 % ерітіндісінде) және бұлшықет ішіне. Ауырлығының орташа дәрежесі — күніне 3 рет 200 мг, тамшылатып вена ішіне (натрий хлоридінің 0,9 % ерітіндісінде). Ауыр ағымы — алғашқы тәуліктерде 800 мг пульс-дозалауда, екі реттік енгізу режимімен; әрі қарай тәуліктік дозаны біртіндеп төмендетумен күніне 2 рет 200 - 500 мг. Аса ауыр ағымы — тәулігіне бастапқы 800 мг дозада панкреатогенді шок көріністерін тұрақты басқанға дейін, жағдай тұрақтанғанда тәуліктік дозаны біртіндеп төмендетумен күніне 2 рет 300 - 500 мг тамшылатып вена ішіне (натрий хлоридінің 0,9 % ерітіндісінде). Енгізу әдісі және жолы Бұлшықет ішіне немесе вена ішіне (сорғалатып немесе тамшылатып). Цитопросан® сорғалатып 5-7 мин бойы баяу, тамшылатып — минутына 40-60 тамшы жылдамдықпен енгізіледі Дәрілік препаратты қолдану тәсілін түсіну үшін медицина қызметкерінен кеңес алуға жүгіну жөнінде нұсқаулар Дәрілік препаратты қабылдар алдында кеңес алу үшін дәрігерге жүгініңіз.

• әсер етуші затқа немесе қосымша заттардың кез келгеніне аса жоғары сезімталдық • бүйректің жедел жеткіліксіздігі • бауырдың жедел жеткіліксіздігі • жүктілік, бала емізу (препараттың әсерін зерттеудің жеткіліксіздігіне байланысты) • балалар мен 18 жасқа дейінгі жасөспірімдер (препараттың әсерін зерттеудің жеткіліксіздігіне байланысты).

Жағымсыз әсерлердің туындауына жол бермеу үшін дозалау режимін және препаратты енгізу жылдамдығын сақтау ұсынылады. Өте сирек: • анафилаксиялық шок, ангионевроздық ісіну, есекжем • ұйқышылдық • бас ауыруы, бас айналуы (енгізу жылдамдығы шамадан тыс жоғары болуымен байланысты болуы мүмкін және ол қысқа мерзімдік сипатқа ие) • АҚ төмендеуі, АҚ жоғарылауы (енгізу жылдамдығы шамадан тыс жоғары болуымен байланысты болуы мүмкін және ол қысқа мерзімдік сипатқа ие) • құрғақ жөтел, тамақтың жыбырлап ашуы, кеуде қуысындағы жайсыздық, тыныс алудың қиындауы (енгізу жылдамдығы шамадан тыс жоғары болуымен байланысты болуы мүмкін және ол қысқа мерзімдік сипатқа ие) • ауыздың құрғауы, жүрек айнуы, жағымсыз иісті сезіну, ауызда металл дәмінің білінуі • қышыну, бөртпе, гиперемия • жылуды сезіну Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: ұйқышылдық, ұйқысыздық. Емі: уыттылығы аз болуына байланысты артық дозалануы екіталай. Әдетте емдеу талап етілмейді, симптомдар тәулік ішінде өздігінен жойылады. Көріністері айқын болғанда демеуші және симптоматикалық ем жүргізіледі. Дәрілік препараттың бір немесе бірнеше дозаларын өткізіп алғанда қажет болатын шаралар Ұмытып кеткен дозаның орнын толтыру үшін қосарлы дозаны қабылдамаңыз.

Жекелеген жағдайларда, әсіресе бронх демікпесімен бейімділігі бар пациенттерде сульфиттерге жоғары сезімталдық кезінде аса жоғары сезімталдықтың ауыр реакциялары және бронх түйілуі дамуы мүмкін. Үйлесімсіздік Цитопросанды® 0,9% натрий хлориді ерітіндісі және (немесе) 5% декстроза (глюкоза) ерітіндісі қоспағанда, басқа дәрілік препараттармен араластыруға болмайды. Арнайы сақтандырулар Натрий Цитопросан® құрамында 2 мл 0,48 мг (0,021 ммоль) 1 ампуланың ішінде және 5 мл 1,21 мг (0,053 ммоль) 1 ампуланың ішінде 1 ммольден (23 мг) аз натрий бар, яғни құрамында натрий жоқ. Педиатрияда қолдану Балалар 18 жасқа дейінгі пациенттерге Цитопросан® препаратын қабылдауға болмайды. Егде жастағы пациенттер Егде жастағы пациенттер үшін дозаны түзету қажет емес. Бауырдың жеткіліксіздігі бар пациенттер Бауырдың жедел жеткіліксіздігі бар пациенттерге Цитопросан® препаратын қабылдауға болмайды. Бүйректің жеткіліксіздігі бар пациенттер Бүйректің жедел жеткіліксіздігі бар пациенттерге Цитопросан® препаратын қабылдауға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты қабылдау кезеңінде психофизикалық реакциялардың жылдамдығын талап ететін жұмыста (көлік құралдарын, механизмдерді басқару және т.б.) сақ болу керек.

Этилметилгидроксипиридин сукцинатының жүкті әйелдердегі қолданылуы туралы деректер жоқ. Жануарлардағы репродуктивті уыттылықты зерттеу тікелей немесе зиянды әсерінің болуын анықтамайды. Цитопросан® препаратын жүктілік кезінде қабылдауға болмайды. Этилметилгидроксипиридин сукцинатының (метаболиттердің) бала емізетін әйелдің емшек сүтіне өткені туралы мәліметтер жоқ. Цитопросан® препаратын бала емізу кезеңінде қабылдауға болмайды.

Бензодиазепиндік анксиолитиктердің, құрысуға қарсы дәрілердің (карбамазепин), паркинсонизмді емдеуге арналған дәрілердің (леводопа), нитраттардың әсерін күшейтеді. Этил спиртінің уытты әсерлерін азайтады. Жекелеген жағдайларда, әсіресе бронх демікпесі бар әрі сульфиттерге жоғары сезімталдыққа бейім пациенттерде аса жоғары сезімталдықтың ауыр реакциялары және бронх түйілуі дамуы мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 25 С-ден аспайтын температурада сақтау керек. Балалардың қолы жетпейтін жерде сақтау керек!