ЦипроКаз раствор 0,2 %

100 мл препарат құрамында белсенді зат – 254.0 мг ципрофлоксацин лактаты (200.0 мг ципрофлоксацинге баламалы), қосымша заттар: натрий хлориді, иньекцияға арналған су. Сыртқы түрінің, иісінің, дәмінің сипаттамасы Мөлдір түссіз немесе түссіз дерлік ерітінді.

Емнің басқа нұсқалары болмаған жағдайларды қоспағанда, асқынбаған инфекциялары бар пациенттердің фторхинолондарды қабылдауына болмайды! Емдеуді бастар алдында ципрофлоксацинге төзімділік туралы бүкіл қолжетімді ақпаратқа ерекше көңіл бөлу керек. Бактерияға қарсы препараттарды тиісті қолдану жөніндегі ресми нұсқауларға назар аудару керек. Ципрофлоксацин, инфузияға арналған ерітінді, келесі инфекцияларды емдеуге көрсетілген. Ересектерде: - грамтеріс бактериялардан туындаған төменгі тыныс жолдарының инфекциялары: - өкпенің созылмалы обструкциялық ауруының өршуі; - муковосцидозда немесе бронхоэктаздар кезіндегі бронх-өкпе инфекциялары - пневмония - созылмалы іріңді ортаңғы отит - қатерлі сыртқы отит - созылмалы синуситтің өршуі (егер ол грамтеріс бактериялардан туындаса) - несеп-жыныс жүйесінің инфекциялары: - орхоэпидидимит, Neisseria gonorrhoeae туғызған; - кіші жамбас мүшелерінің қабыну аурулары, Neisseria gonorrhoeae туындаған асқазан-ішек жолының инфекциялары (мысалы, саяхатшылар диареясы) - интраабдоминальді инфекциялар - грамтеріс бактериялардан туындаған тері және жұмсақ тіндер инфекциялары - сүйек пен буындар инфекциялары - сібір ойық жарасының өкпелік түрі (қарым-қатынастан кейінгі профилактика және радикальді емдеу) Ципрофлоксацинді бактериялық инфекция салдары болып табылатын қызбалы нейтропениясы бар пациенттерді емдеуде пайдалануға болады.

Әсер ету механизмі Бактерияға қарсы басқа фторхинолонды дәрілер сияқты, ципрофлоксациннің бактерияға қарсы әсер ету механизмі бактериялардың ДНҚ репликациясы, транскрипциясы, репарациясы мен рекомбинациясына қажетті II типті топоизомераза (ДНҚ-гираза) мен IV типті топоизомеразаны бәсеңдету қабілетімен жүзеге асады. Фармакокинетикалық/фармакодинамикалық тәуелділігі Тиімділігі, негізінен, бактериялық патоген үшін ципрофлоксациннің қан плазмасындағы ең жоғары концентрациясы (Cmax) мен ең төменгі бәсеңдету концентрациясының (ЕТБК) арасындағы қатынасқа және фармакокинетикалық қисық астындағы аудан (AUC) және ЕТБК (ең төмен бәсеңдету концентрациясы) мәніне байланысты. Төзімділік механизмі Ципрофлоксацинге төзімділік ДНҚ-гираза мен IV типті топоизомераза екеуінде де белгілі бір бөлік мутациясының сатылы үдерісі нәтижесінде туындайды. Ципрофлоксацин мен басқа фторхинолондар арасында айқаспалы төзімділік дәрежесі ауытқуы мүмкін. Бірлі-жарым мутациялар клиникалық төзімділікке әкелмеуі мүмкін, бірақ бірнеше гендік мутациялар нәтижесінде класс ішіндегі көптеген белсенді субстанцияларға клиникалық төзімділік түзілуі мүмкін. Осындай жасуша өткізбеушілігі және/немесе белсенді субстанция эффлюксі сияқты төзімділік механизмдерінің фторхинолондарға сезімталдыққа әртүрлі әсерлері болуы мүмкін, ол класс ішіндегі әртүрлі белсенді субстанциялардың физикалық-химиялық қасиеттеріне және әрбір белсенді субстанцияның тасымалдау жүйелерінің афинділігіне байланысты болады. In vitro резистенттілігінің барлық механизмдері әдетте клиникалық изоляттарда байқалады. Басқа антибиотиктердің белсенділігін жоятын төзімділік механизмдері (Pseudomonas aeruginosa сипаттас) бөгеттер арқылы өту және эффлюкс механизмі сияқты ципрофлоксацинге сезімталдыққа әсер етуі мүмкін. Плазмид-астасқан төзімділігінің gnr-гендермен кодталу деректері бар. Бактерияға қарсы белсенділік ауқымы Бақылау нүктелері сезімтал штаммдарды орташа сезімтал штаммдардан, ал соңғылары төзімді штаммдардан бөліп алады. EUCAST (Еуропалық микробқа қарсы препараттарға сезімталдықты тестілеу комитеті) нұсқаулары Микроорганизмдер — Сезімтал түрлері — Төзімді түрлері Enterobacteriaceae — S ≤ 0.25 мг/л — R > 0.5 мг/л Salmonella spp. — S ≤ 0.06 мг/л — R > 0.06 мг/л Pseudomonas spp. — S ≤ 0.5 мг/л — R > 0.5 мг/л Acinetobacter spp. — S ≤ 1 мг/л — R > 1 мг/л Staphylococcus spp.1 — S ≤ 1 мг/л — R > 1 мг/л Haemophilus influenzae — S ≤ 0.06 мг/л — R > 0.06 мг/л Moraxella catarrhalis — S ≤ 0.125 мг/л — R > 0.125 мг/л Neisseria gonorrhoeae — S ≤ 0.03 мг/л — R > 0.06 мг/л Neisseria meningitidis — S ≤ 0.03 мг/л — R > 0.03 мг/л Түрлерге байланыссыз бақылау нүктелері* — S ≤ 0.25 мг/л — R > 0.5 мг/л 1Staphylococcus spp. - ципрофлоксацин үшін бақылау нүктелерінің жоғары дозалар қолданылатын емге қатысы болады. * Түрлерге байланыссыз бақылау нүктелері ең алдымен фармакокинетикалық және фармакодинамикалық көрсеткіштер қатынасы деректерінің негізінде анықталған және жекелеген түрлер үшін ЕТБК байланысты емес. Олар тек түрлік-спецификалық бақылау нүктелерін алмаған түрлерге арналған және сезімталдық тестілері ұсынылмайтын түрлерге пайдаланылмайды. Ерекшеленген түрлерінің жүре пайда болған төзімділігінің таралуы жергілікті мекенге және уақытқа қарай өзгеріп отыруы мүмкін; сондықтан, әсіресе, ауыр инфекцияларды емдеуде төзімділік туралы жергілікті ақпараттың маңызы зор. Егер төзімділіктің жергілікті таралуы дәрілерді қолдану пайдасының, ең болмаса, инфекциялардың кейбір түрлеріне қатысты күдікті деңгейіне жетсе, мамандардың кеңесіне жүгінген жөн. Ципрофлоксацинге (Streptococcus түрі үшін): сезімталдығына қарай бактериялардың сәйкес түрлерін жіктеу: Микроорганизмдердің сезімтал (әдеттегі) түрлері Аэробты грамоң микроорганизмдер: Bacillus anthracis (1) Аэробты грамтеріс микроорганизмдер: Aeromonas spp. Brucella spp. Citrobacter koseri Francisella tularensis Haemophilus ducreyi Haemophilus influenzae* Legionella spp. Moraxella catarrhalis* Neisseria meningitidis Pasteurella spp. Salmonella spp.* Shigella spp.* Vibrio spp. Yersinia pestis Анаэробты микроорганизмдер: Mobiluncus Басқа микроорганизмдер: Chlamydia trachomatis ($) Chlamydia pneumoniae ($) Mycoplasma hominis ($) Mycoplasma pneumoniae ($) Жүре пайда болған төзімділік дамуы мүмкін түрлер Аэробты грамоң микроорганизмдер: Enterococcus faecalis ($) Staphylococcus spp.*(2) Аэробты грамтеріс микроорганизмдер: Acinetobacter baumannii+ Burkholderia cepacia +* Campylobacter spp.+* Citrobacter freundii* Enterobacter aerogenes Enterobacter cloacae* Escherichia coli* Klebsiella oxytoca Klebsiella pneumoniae* Morganella morganii* Neisseria gonorrhoeae* Proteus mirabilis* Proteus vulgaris* Providencia spp. Pseudomonas aeruginosa* Pseudomonas fluorescens Serratia marcescens* Анаэробты микроорганизмдер: Peptostreptococcus spp. Propionibacterium acnes Ципрофлоксацинге бастапқы төзімді микроорганизмдер Аэробты грамоң микроорганизмдер: Actinomyces Enteroccus faecium Listeria monocytogenes Аэробты грамтеріс микроорганизмдер: Stenotrophomonas maltophilia Анаэробты микроорганизмдер: Жоғарыда аталғандарын қоспағанда Басқа микроорганизмдер: Mycoplasma genitalium Ureaplasma urealitycum * Клиникалық тиімділігі сезімтал изоляттар үшін бекітілген клиникалық көрсеткіштер бойынша көрсетілді. + ЕО бір немесе одан көп елдеріндегі төзімділік көрсеткіші ≥ 50%. ($) Жүре пайда болған төзімділік механизмі болмаған кездегі табиғи орташа сезімталдық. (1) Bacillus anthracis спораларының ингаляциясынан туындаған жануарлардың эксперименттік инфекцияларына зерттеулер жүргізілді; бұл зерттеулер әсер етуден кейін ерте қолданылған антибиотиктер, инфекциялық дозада ағзадағы споралардың санын азайту үшін жүргізілсе, аурудың басталуын болдырмайтынын көрсетеді. Адамдарда ұсынылатын қолдану, ең алдымен, in vitro сезімталдығына және жануарлардың тәжірибелік деректерімен бірге адамның шектеулі деректеріне негізделген. Ересектерде тәулігіне 500 мг дозада екі ай бойы ципрофлоксацинді пероральді қабылдау, адамдарда сібір жарасы инфекциясының алдын алуда тиімді болып саналады. Емдеуші дәрігер сібір жарасын емдеуге қатысты ұлттық және/немесе халықаралық келісілген құжаттарға жүгінуі тиіс. (2) Метициллинге төзімді S. aureus фторхинолондарға ко-төзімділігін өте жиі көріністейді. Барлық стафилококк түрлерінің метициллинге төзімділік көрсеткіші 20-50% жуық құрайды және нозокомиальді штаммдар үшін әдетте жоғары.

Дозалану режимі Доза инфекцияның типіне, ауырлығына және орналасқан жеріне, қоздырғыштардың ципрофлоксацинге сезімталдығына, пациенттің бүйрек функциясына сәйкес белгіленеді. Емдеу ұзақтығы аурудың ауырлық дәрежесіне, клиникалық және бактериологиялық нәтижелерге байланысты Венаішілік ем басталған соң ципрофлоксацинмен емдеуді клиникалық көрсетілімдерге және дәрігер нұсқауына қарай ішу арқылы қабылдауға (таблеткалар) немесе суспензияға ауыстыруға болады. Венаішілік емді мүмкіндігінше ертерек ішу арқылы қолдануға ауыстыру керек. Ауыр жағдайларда немесе пациенттің таблеткаларды қабылдау мүмкіндігі болмағанда (мысалы, энтеральді қорек алатын пациенттер) емдеуді ішу арқылы қолдануға көшу мүмкіндігіне дейін ципрофлоксацинді вена ішіне енгізуден бастау ұсынылады. Белгілі бір Pseudomonas aeruginosa, Acinetobacter немесе Staphylococci бактериялары туғызған инфекцияларды емдеу ципрофлоксациннің жоғарырақ дозаларын қолдануды және бактерияға қарсы басқа қажетті препараттарды бір мезгілде тағайындауды талап етуі мүмкін. Кейбір инфекцияларды (мысалы, кіші жамбас мүшелерінің қабыну ауруларын, интраабдоминальді инфекцияларды, нейтропениясы бар пациенттердегі инфекцияларды, сүйек пен буын инфекцияларын) емдеуде анықталған патогендер түрлеріне қарай бактерияға қарсы басқа қажетті препараттарды бір мезгілде тағайындауды талап етуі мүмкін. Ересектер Көрсетілімдер — Тәуліктік мг доза — Жалпы емдеу ұзақтығы (ципрофлоксацинді ішу арқылы қолдануға көшу қамтылатын) Төменгі тыныс жолдарының инфекциялары — 400 мг тәулігіне 2 рет - 400 мг тәулігіне 3 рет — 7-14 күн Жоғарғы тыныс жолдарының инфекциялары — Созылмалы синуситтің өршуі — 400 мг тәулігіне 2 рет - 400 мг тәулігіне 3 рет — 7-14 күн Ортаңғы құлақтың созылмалы іріңді отиті — 400 мг тәулігіне 2 рет - 400 мг тәулігіне 3 рет — 7-14 күн Қатерлі сыртқы отит — 400 мг тәулігіне 3 рет — 28 күннен 3 айға дейін Несеп-жыныс жүйесінің инфекциялары — Асқынған және асқынбаған пиелонефрит — 400 мг тәулігіне 2 рет - 400 мг тәулігіне 3 рет — 7-ден 21 күнге дейін; кейбір ерекше клиникалық жағдайларда (абцестер сияқты) емдеуді 21 күннен артық ұзартуға болады Простатит — 400 мг тәулігіне 2 рет - 400 мг тәулігіне 3 рет — 2-4 апта (жедел) Орхоэпидидимит және кіші жамбас мүшелерінің қабыну аурулары — 400 мг тәулігіне 2 рет - 400 мг тәулігіне 3 рет — 14 күннен кем емес Асқазан-ішек жолының инфекциялары және интраабдоминальді инфекциялар — Бактериялық патогендер, атап айтқанда, Shigella spp. туғызған, 1 типті Shigella dysenteriae басқа, диарея және саяхатшылардың ауыр диареясы эмпирикалық ем ретінде — 400 мг тәулігіне 2 рет — 1 күн 1 типті Shigella dysenteriae туғызған диарея — 400 мг тәулігіне 2 рет — 5 күн Vibrio cholerae туғызған диарея — 400 мг тәулігіне 2 рет — 3 күн Тифоидты қызба — 400 мг тәулігіне 2 рет — 7 күн Грамтеріс бактериялар туғызған интраабдоминальді инфекциялар — 400 мг тәулігіне 2 рет - 400 мг тәулігіне 3 рет — 5-14 күн Терінің және жұмсақ тіндердің инфекциялары — 400 мг тәулігіне 2 рет - 400 мг тәулігіне 3 рет — 7-14 күн Сүйек пен буындардың инфекциялары — 400 мг тәулігіне 2 рет - 400 мг тәулігіне 3 рет — 3 айға дейін Бактериялық инфекция салдарынан болуы жорамалданатын қызбалы нейтропениясы бар пациенттерді емдеу. Ресми нұсқауларға сай, ципрофлоксацинді бактерияға қарсы сәйкес препараттармен бір мезгілде қолдану керек — 400 мг тәулігіне 2 рет - 400 мг тәулігіне 3 рет — Емді бүкіл нейтропения кезеңі бойына жалғастырған жөн Егер бұл клиникалық тұрғыда қажет болса, парентеральді жолмен ем қабылдайтын тұлғаларда сібір ойық жарасының өкпелік түрін радикальді емдеу және қарым-қатынастан кейінгі профилактика. Препарат қолдануды күдік тудыратын немесе расталған қарым-қатынастан кейін мүмкіндігінше ерте бастау керек — 400 мг тәулігіне 2 рет — Bacillus anthracis-пен жанасу расталған күннен бастап 60 күн Егде жастағы пациенттер Егде жастағы пациенттер инфекция ауырлығына және креатинин клиренсіне сәйкес таңдалған дозаны қабылдауы тиіс. Бүйрек және бауыр жеткіліксіздігі Бүйрек функциясы бұзылған пациенттерге ұсынылатын бастапқы және демеуші дозалар: Креатинин клиренсі, мл/мин/1,73 м2 — Қан плазмасы креатинині, мкмоль/л — Венаішілік доза, мг > 60 — < 124 — Әдетте дозалануы 30-60 — 124-168 — 200-400 мг әр 12 сағатта < 30 — > 169 — 200-400 мг әр 24 сағатта Гемодиализдегі пациенттер — >169 — 200-400 мг әр 24 сағатта (диализден кейін) Перитонеальді диализдегі пациенттер — >169 — 200-400 мг әр 24 сағатта Бауыр жеткіліксіздігі бар пациенттерде дозаны түзету қажет емес. Қолдану тәсілі Ерітіндіні венаішілік инфузия арқылы қолдану керек. Ересек пациенттерге арналған инфузия уақыты Ципрофлоксацин 400 мг үшін 60 минут және Ципрофлоксацин 200 мг үшін 30 минут құрайды. Ірі венаға жасалатын баяу инфузия пациенттің жайсыздануын азайта түсуге және вена тітіркенуінің туындау қаупін төмендетуге мүмкіндік береді. Инфузияға арналған ерітіндіні тікелей немесе басқа үйлесімді инфузиялық ерітінділермен енгізуге болады. Басқа ерітінділермен үйлесімділігі Ципрофлоксацин, инфузияға арналған ерітінді Рингер ерітіндісімен, Рингер лактат ерітіндісімен, 5% және 10% декстроза ерітіндісімен, 10% фруктоза ерітіндісімен үйлесімді. Енгізу әдісі және жолы Вена ішіне, тамшылатып, баяу. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Осы препаратты қабылдау бойынша қандай да бір сұрақтар туындаса өзіңіздің емдеуші дәрігеріңізбен кеңесіңіз.

- ципрофлоксацинге немесе фторхинолондар тобының басқа препараттарына немесе кез келген қосымша заттарға аса жоғары сезімталдық - қан плазмасында тизанидин концентрациясының жоғарылауымен байланысты клиникалық мәнді жағымсыз әсерлерге орай (артериялық гипотензия, ұйқышылдық), ципрофлоксацин мен тизанидиндерді бір мезгілде қолдану - балалар мен 18 жасқа дейінгі жасөспірімдерге - құрысу шегінің төмендеуі бар орталық жүйке жүйесінің зақымдануы (бассүйек-ми зақымдануынан, инсульттен, ми және ми қабығының қабыну үдерістерінен кейін) - тендинит (оның ішінде және анамнезінде) - жүктілік (шаранадағы өсудің шеміршек нүктелерінің зақымдану қаупін толық жоққа шығаруға болмайды) - лактация кезеңі (балаларда сүйектегі өсудің шеміршек нүктелерінің зақымдану қаупін толық жоққа шығаруға болмайды) - фторхинолондармен бұрын жүргізілген емде сіңірдің зақымдануы • жалғанжарғақшалы колит - сіңір зақымдануы (тендовагинитті қоса), сіңір үзілуі, бұлшықет зақымдануы (рабдомиолиз) - глюкоза-6-фосфатдегидрогеназа тапшылығы

Жиі хабарланатын дәрілік препаратқа жағымсыз реакциялар (ДЖР) жүрек айнуы және диарея болып табылады. Төменде тізбеленген жағымсыз реакциялар келесі үлгіде жіктелген: өте жиі (≥ 10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (≤ 10000), жиілігі белгісіз. Маркетингтен кейінгі бақылаулар барысында ғана тіркелген және жиілігі бағаланбаған жағымсыз реакциялар «жиілігі белгісіз» болып белгіленген. Жиі - жүрек айнуы - диарея - инъекция және инфузия орнындағы реакциялар (тек вена ішіне енгізу) Жиі емес - зеңдік суперинфекциялар - эозинофилия - тәбеттің төмендеуі - психомоторлық аса жоғары белсенділік/ажитация - бас ауыруы, бас айналуы, ұйқының бұзылуы, дәм сезу бұзылуы - құсу, асқазан-ішек және іштің ауыруы, диспепсия, метеоризм - трансаминазалар деңгейінің жоғарылауы, билирубин деңгейінің жоғарылауы - бөртпе, қышыну, есекжем - сүйек-бұлшықет ауыруы (мысалы, аяқ-қол ауыруы, арқаның ауыруы, кеуденің ауыруы), артралгия - бүйрек жеткіліксіздігі - астения, қызба - қандағы сілтілік фосфатаза деңгейінің жоғарылауы Сирек - лейкопения, анемия, нейтропения, лейкоцитоз, тромбоцитопения, тромбоцитемия - аллергиялық реакциялар, аллергиялық ісіну/ангионевроздық ісіну - гипергликемия, гипогликемия - сананың шатасуы және бағдардан жаңылу, үрейлену, түс көру бұзылуы (түнгі шым-шытырық), депрессия (өзіне зақым келтіру мақсатындағы мінез-құлықтың күшеюі, суицидтік әрекеттер/ойлар сияқты, сондай-ақ суицид жасауға ұмтылыс немесе орындалған суицид), елестеулер - парестезия және дизестезия, гипестезия, тремор, құрысулар (эпилепсия ұстамаларын қоса), вертиго - көру бұзылыстары (диплопия) - құлақтағы шуыл, естімей қалу, естудің бұзылуы - тахикардия - қан тамырларының кеңеюі, гипотензия, естен тану - ентігу (астматикалық жағдайларды қоса) - антибиотиктермен байланысты колит (өте сирек жағдайларда өліммен аяқталуы мүмкін) - бауыр функциясының бұзылуы, сарғаю, гепатит (инфекциялық емес) - фотосезімталдық реакциялары - миалгия, артрит, бұлшықет тонусының артуы және құрысулар - бүйрек жеткіліксіздігі, гематурия, кристаллурия, тубулоинтерстициальді нефрит - ісінулер, қатты тершеңдік - амилаза деңгейінің жоғарылауы Өте сирек - гемолиздік анемия, агранулоцитоз, панцитопения (өмірге қауіпті), сүйек кемігінің бәсеңдеуі (өмірге қауіпті) - анафилаксиялық реакциялар, анафилаксиялық шок (өмірге қауіпті), сарысу ауруына ұқсас реакция - психоздық реакциялар (өзіне зақым келтіру мақсатындағы мінез-құлықтың күшеюі, суицидтік әрекеттер/ойлар сияқты, сондай-ақ суицид ұмтылысы немесе орындалған суицид) - бас сақинасы, координацияның бұзылуы, жүрістің бұзылуы, иіс сезу жүйкесінің бұзылуы, бассүйекішілік гипертензия және псевдотуморлы церебральды гипертензия - түрлі түсті айырып-ажырата алмау - васкулит - панкреатит - бауыр тінінің некрозы (сирек жағдайларда өмірге қауіпті болуға дейін үдейтін бауыр жеткіліксіздігі) - петехиялар, мультиформалы эритема, түйінді эритема, Стивенс-Джонсон синдромы (өмірге ықтимал қауіпті), уытты эпидермальды некролиз (өмірге ықтимал қауіпті) - бұлшықет әлсіздігі, тендинит, сіңір үзілуі (көбіне ахилл сіңірі), миастения симптомдарының өршуі Жиілігі белгісіз - мания, гипомания - шеткері нейропатия және полинейропатия - QT аралығының ұзаруы, қарыншалық аритмия, оның ішінде «пируэт» типті (QT аралығы ұзаруының дамуына бейімі бар пациенттерде жиі) - жедел жайылған пустулезді экзантема, эозинофилиясы және жүйелік білінулері бар (DRESS-синдромы) дәрілік реакциялар - халықаралық қалыптасқан қатынас (ХҚҚ) жоғарылауы (К дәруменінің антагонистерін қабылдайтын пациенттерде) - антидиуретикалық гормонның жеткіліксіз секреция синдромы (SIADH) - гипогликемиялық кома. Ішке қабылдаумен салыстырғанда вена ішіне енгізгенде және ципрофлоксацинмен сатылық ем қолданғандағы келесі жағымсыз реакциялардың даму жиілігі (соңынан ішке қабылданатын препаратты вена ішіне енгізгенде) жоғары: Жиі -Құсу, «бауыр» трансаминазалары белсенділігінің жоғарылауы, бөртпе Жиі емес - Тромбоцитопения, тромбоцитемия, сананың шатасуы және бағдардан жаңылу, елестеулер, парестезия және дизестезия, құрысулар, вертиго, көрудің бұзылуы, естімей қалу, тахикардия, вазодилатация, артериялық қысымның төмендеуі, бауыр функциясының қайтымды бұзылуы, сарғаю, бүйрек жеткіліксіздігі, ісінулер Сирек - панцитопения, сүйек кемігінің депрессиясы, анафилаксиялық шок, психоздық реакциялар, бас сақинасы, иіс сезу бұзылуы, естудің бұзылуы, васкулит, панкреатит, бауыр тіндерінің некрозы, петехия, сіңір үзілуі. Ұзақ (айлар немесе жылдар бойы) мүгедектікке әкелетін және ағзалар мен сезім мүшелері жүйесінің әртүрлі, кейде бірнеше кластарына әсер ететін ықтимал қайтымсыз ауыр дәрілік реакциялардың өте сирек жағдайлары тіркелген (тендинит, сіңір жыртылуы, артралгия, аяқ-қолдың ауыруы, жүрістің бұзылуы, парестезиямен, депрессиямен, шаршаумен, есте сақтау қабілетінің бұзылуымен, ұйқының бұзылуымен және есту, көру, дәм және иіс сезу бұзылыстарымен байланысты нейропатиялар), кейбір жағдайларда бұрын болған қауіп факторларына қарамастан хинолондар мен фторхинолондарды қолдануға байланысты. Фторхинолондарды қабылдайтын пациенттерде кейде үзіліспен асқынған (соның ішінде өліммен аяқталған), сондай-ақ жүрек клапандарының регургитациясы/жеткіліксіздігі, аорта аневризмасы мен қатпарлануы жағдайлары тіркелген. Педиатриялық популяция Жоғарыда аталған артропатияның жиілігі (артралгия, артрит) ересектермен жүргізілген зерттеулерде жиналған деректерге жатады. Артропатия балаларда жиі кездесетіні туралы хабарланады. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

12 г препаратты қабылдау салдарынан артық дозаланудың жеңіл уыттану симптомдарына алып келетіні хабарланған. 16 г қабылдау салдарынан жедел артық дозалану бүйректің жедел жеткіліксіздігінің дамуына әкелген. Симптомдары: бас айналу, тремор, бас ауыру, шаршау сезімі, құрысулар, елестеулер, сананың шатасуы, іштегі жағымсыз түйсіктер, бүйрек және бауыр жеткіліксіздігі, қайтымды нефроуыттану, кристаллурия және гематурия. Емі - арнайы антидоты жоқ. Науқастың жай-күйін мұқият бақылау, сұйықтықтың жеткілікті түсуін қамтамасыз ету және басқа шұғыл көмек шараларын жүргізу (мысалы, асқазанды шаю, артынан белсендірілген көмір енгізу) қажет. Бүйрек функциясын бақылау, атап айтқанда, несепте pH мөлшерін анықтау, қажет болса, кристаллурияны болдырмау үшін оның қышқылдылығын арттыру ұсынылады. Құрамында кальций немесе магний бар антацидтер ципрофлоксациннің сіңуін артық дозаланғанда теориялық тұрғыда азайтуы мүмкін. Гемодиализ немесе перитонеальді диализ көмегімен ципрофлоксациннің аздаған мөлшері ғана шығарылады (<10%). Артық дозалану жағдайында симптоматикалық ем жүргізген жөн. QT аралығының ұзару мүмкіндігіне орай, ЭКГ мониторингін өткізу керек.

Арнайы сақтандырулар Ауыр инфекциялар және грамоң әрі анаэробты бактериялар туғызған аралас инфекциялар Ципрофлоксацинмен монотерапия ауыр инфекцияларды және грамоң немесе анаэробты бактериялар туындатуы мүмкін инфекциялық ауруларды емдеуге сай келмейді. Атап көрсетілген жағдайларда ципрофлоксацин бактерияға қарсы басқа сәйкес препараттармен бір мезгілде тағайындау керек. Стрептококк инфекциясы (Streptococcus pneumonia қоса) Ципрофлоксацин жеткіліксіз тиімділігіне байланысты стрептококк инфекцияларын емдеуге ұсынылмайды. Жыныс-несеп шығару жолдарының инфекциялары Орхоэпидидимит және кіші жамбас мүшелерінің қабыну ауруларын фторхинолонға төзімді Neisseria gonorrhoeae туындатуы мүмкін. Орхоэпидидимит және кіші жамбас мүшелерінің қабыну ауруларын емдеу үшін ципрофлоксацин, ципрофлоксацинге төзімді Neisseria gonorrhoeae жоққа шығарылуы мүмкін жағдайларды қоспағанда, тек бактерияға қарсы басқа сәйкес препараттармен (мысалы, цефалоспорин) бір мезгілде тағайындалу керек. Егер 3 күн өткенде клиникалық жақсару басталмаса, емді қайта қарау керек. Несеп шығару жолдарының инфекцияларында ең көп таралған патоген – ішек таяқшасының фторхинолондарға төзімділігі Еуропалық Одақ шегінде ауытқиды. Ішек таяқшасының фторхинолондарға төзімділігінің жергілікті таралуын назарға алуға кеңес беріледі. Интраабдоминальді инфекциялар Ципрофлоксациннің операциядан кейінгі интраабдоминальді инфекцияларды емдеу тиімділігі туралы деректер шектеулі. Саяхатшылар диареясы Ципрофлоксацинді таңдау кезінде сапарлап барған елдегі сәйкес патогенді микроорганизмнің препаратқа төзімділігі туралы ақпаратты есепке алу қажет. Сүйек пен буындардың инфекциялық аурулары Микробиологиялық зерттеу нәтижелеріне қарай, ципрофлоксацинді микробқа қарсы басқа препараттармен біріктіріп тағайындау керек. Сібір ойық жарасының өкпелік түрі Емдеуші дәрігер сібір ойық жарасын емдеу бойынша ұлттық және/немесе халықаралық құжаттарды жетекшілікке алу керек. Несеп жолының асқынған инфекциялары және пиелонефрит Несеп жолының инфекцияларын ципрофлоксацинмен емдеу мәселесін басқа препараттармен емдеу мүмкін болмайтын жағдайларда қарастыру керек. Ол микробиологиялық зерттеу нәтижелеріне негізделуі тиіс. Басқа спецификалық ауыр инфекциялар Ципрофлоксацин қолдануды басқа емді қолдануға болмағанда немесе жалпы қабылданған ем тиімсіз болғанда, пайда/қаупін мұқият бағалаудан кейін немесе ресми нұсқауларға сай басқа ауыр инфекциялар тұсында микробиологиялық зертеу нәтижелері бойынша ақтап алуға болады. Жоғарыда аталғандарынан тыс, спецификалық ауыр инфекцияларда ципрофлоксацин қолдану бағаланбаған, клиникалық тәжірибе шектеулі. Демек, осындай инфекцияларға шалдыққан пациенттерді емдеуде сақ болуға кеңес беріледі. Препаратқа жоғары сезімталдық Препараттың бір реттік дозасын қабылдаудан кейін аллергиялық реакциялар және пациент өміріне қауіпті болуы мүмкін анафилаксиялық және анафилактоидтық реакцияларды қоса, аса жоғары сезімталдық реакциялары туындауы мүмкін. Атап көрсетілген реакциялар туындаған жағдайда ципрофлоксацин қабылдауды тоқтатып, тиісті дәрі-дәрмектік ем тағайындау қажет. Қаңқа-бұлшықет жүйесі Ципрофлоксацинді анамнезінде сіңір аурулары және анамнезінде фторхинолондар қолдануға байланысты бұзылулары бар пациенттерге қолдануға болмайды. Ципрофлоксацин қолданғанда ем басталғаннан кейін бірінші сағат ішінде тендинит немесе сіңірдің (көбіне Ахилл сіңірлері), кейде екі жақты үзілуі туындауы мүмкін. Қабыну және сіңір үзілуі ципрофлоксацинмен ем тоқтатылғаннан кейін бірнеше айдан соң да туындауы мүмкін. Егде жастағы пациенттерде және кортикостероидттарды бір мезгілде қолданатын пациенттерде және сондай-ақ бүйрек, жүрек немесе өкпе трансплантациясынан кейінгі пациенттерде тендинопатия қаупі жоғары болуы мүмкін. Тендиниттің кез келген белгілеріне (мысалы, ауырсынатын ісіну, қабыну) күдік туындағанда ципрофлоксацин қолдануды дереу тоқтатып, сіңір үзілу қаупі болғандықтан дене жүктемесін болдырмау керек. Зақымданған аяқ-қолға тыныштық қамтамасыз ету керек. Ципрофлоксацин гравис миастениясы бар пациенттерде симптомдар өршуі мүмкіндігіне байланысты абайлап қолданылу керек. Аорта аневризмасы және қатпарлануы, сондай-ақ жүрек клапандарының регургитациясы/жеткіліксіздігі. Эпидемиологиялық зерттеулерде, әсіресе егде емделушілерде аневризманың және аорта қатпарлануының, сондай-ақ фторхинолондарды қабылдағаннан кейін аорта және митральды қақпақшаның регургитациясының даму қаупі жоғары екені хабарланды. Фторхинолондарды қабылдау кезінде кейде үзіліспен (оның ішінде өліммен аяқталумен) асқынған аневризманың және қолқа қатпарлануының, сондай-ақ жүрек клапандарының кез келгенінің регургитациясының/жеткіліксіздігінің жағдайлары тіркелген Демек, фторхинолондарды пайда мен қауіп арақатынасын мұқият бағалағаннан кейін және жүрек қақпақшаларының аневризмасына немесе туа біткен кемістігіне қатысты ауыр отбасылық анамнезі бар пациенттерде, аневризмасы және/немесе аорта қатпарлануы не анамнезінде жүрек қақпақшаларының жеткіліксіздігі бар пациенттерде, сондай-ақ басқа да қауіп факторлары немесе алдын алу жағдайлары болған кезде басқа да емдік мүмкіндіктерді қарастырғаннан кейін ғана пайдалану керек Екі жағдайда да аневризмада және аортаның стратификациясында, сондай-ақ жүрек қақпақшасының регургитациясында/жеткіліксіздігінде (мысалы, Марфан синдромы немесе Элерс-Данлос синдромы, Тернер синдромы, Бехчет ауруы, гипертензия, ревматоидты артрит), сондай-ақ аневризмада және аортаның стратификациясында (мысалы, Такаясу артериті немесе алып жасушалық артерит немесе белгілі атеросклероз немесе Сьегрен синдромы сияқты тамырлы аурулар), регургитация/жүрек клапанының жеткіліксіздігі (мысалы, инфекциялық эндокардит). Жүйелі кортикостероидтармен бір мезгілде ем қабылдайтын пациенттерде аневризманың және аортаның қабыршақтану, сондай-ақ жыртылу қаупі артуы мүмкін. Іштің, кеуденің немесе Арқаның кенеттен ауыруы жағдайында пациенттерге шұғыл көмек алу үшін дереу дәрігерге бару ұсынылады. Пациенттерге жедел ентігу, алғаш рет жүрек соғысы пайда болған, сондай-ақ іш қуысының немесе аяқ-қолдардың ісінуі дамыған жағдайда дереу медициналық көмекке жүгіну ұсынылады. Фторхинолонды антибиотиктер қолданылмауы тиіс: - ауыр емес инфекцияларды емдегенде және бактерияға қарсы емсіз жүруі де мүмкін (мысалы, ауыз-жұтқыншақ инфекциялары); - бактериялық емес инфекцияларды емдегенде, мысалы, бактериялық емес (созылмалы) простатит; - саяхатшы дияреясын болдырмау үшін немесе төменгі несеп жолдарының қайталану инфекцияларын (қуық төңірегінен әрі қарай таралмайтын инфекциялар); - орташа бактериялық инфекцияларды емдеуде, егер әдетте ұсынылатын басқа бактерияға қарсы дәрілер пайдалану мүмкіндігі болмаса. Көру қабілетінің бұзылуы Көру қабілеті нашарлағанда немесе көру мүшесінің қызметінде кез келген бұзылулар білінгенде дереу окулист кеңесіне жүгінген жөн. Фотосезімталдық Ципрофлоксациннің фотосезімталдық реакциясын туындататыны дәлелденген. Ципрофлоксацин қабылдайтын пациенттерге емделу кезінде тіке түсетін күн сәулесінің әсерінен немесе УК-сәулеленуден сақтануға кеңес беру керек. Орталық жүйке жүйесі Ципрофлоксацин, басқа хинолондар сияқты, құрысу ұстамасын туындатады немесе құрысу шегін төмендетеді. Эпилепсиялық статус жағдайлары хабарланбаған. Ципрофлоксацин құрысу ұстамаларына түрткі болатын ОЖЖ аурулары бар пациенттерде сақтықпен қолданылу керек. Атап көрсетілген құбылыстар туындаған жағдайда ципрофлоксацин қолдануды тоқтату керек. Тіпті ципрофлоксацинді алғаш қабылдаудан кейін де психоздық реакциялар туындауы мүмкін. Өте сирек жағдайларда депрессия немесе психоз суицидтік ойларға және өзін-өзі өлтіру немесе оған талпыну сияқты әрекеттерге дейін үдеуі мүмкін. Осы жағдайларда ципрофлоксацин қабылдауды тоқтату керек. Ципрофлоксацин қабылдаған пациенттерде полинейропатия жағдайлары тіркелген (ауыру, ашыту, сенсорлы бұзылыстар немесе бұлшықет әлсіздігі сияқты неврологиялық симптомдар негізінде, жеке немесе біріктіріп). Нейропатия симптомдары бар, атап айтқанда, ауыру, ашыту, жағымсыз түйсіктер, ұйып қалу және/немесе әлсіздігі болған пациенттерде қайтымсыз жай-күйлер дамуын болдырмау мақсатында ципрофлоксацин қабылдауды тоқтату керек. Жүрек бұзылыстары Ципрофлоксацинді қоса, фторхинолондарды төмендегідей QT аралығын ұзартатын белгілі қауіп факторлары бар пациенттерде абайлап қолдану керек: - туа біткен QT аралығының ұзару синдромы - QT аралығын ұзартатыны белгілі дәрілік заттарды бір мезгілде пайдалану (аритмияға қарсы IA және III класс дәрілері, трициклді антидепрессанттары, макролидтер, нейролептиктер) - өзара байланыссыз электролиттер теңгерімсіздігі (гипокалиемия, гипомагниемия) - жүрек-қантамыр аурулары (жүрек жеткіліксіздігі, миокард инфарктісі, брадикардия). Егде жастағы пациенттер және әйелдер QT аралығын ұзартатын дәрілерге аса сезімтал болуы мүмкін. Сондықтан пациенттердің осы тобында, ципрофлоксацинді қоса, фторхинолондарды сақтықпен пайдалану керек. Гипогликемия Басқа хинолондар қолдану кезіндегідей, қандағы глюкоза деңгейінің бұзылуы, оның ішінде гипогликемия және гипергликемия жайлы , әдетте пероральді гипогликемиялық дәрілер (мысалы, глибенкламид) немесе инсулинмен қатарлас ем қабылдап жүрген, қант диабетімен ауыратын науқастарда өте жиі хабарланды. Гипогликемиялық кома жағдайлары тіркелген жоқ. Қант диабетімен ауыратын науқастарда қандағы глюкоза деңгейін мұқият бақылау ұсынылады. Асқазан-ішек жолы Препаратпен емдеу кезінде немесе одан кейін (емдеуден кейінгі бірнеше аптаны қоса) ауыр және персистирленетін диареяның болуы дереу емдеуді талап ететін антибиотиктер қолданумен байланысты колитті (өмірге қатерлі, өліммен аяқталуы мүмкін) көрсетуі мүмкін. Ондай жағдайларда ципрофлоксацинді дереу тоқтатып, тиісінше емдеуді бастау қажет. Аталған жағдайда перистальтикаға қарсы препараттарды тағайындау қарсы көрсетілімді. Бүйрек және несеп шығару жүйесі Ципрофлоксацин қолданумен байланысты кристаллурия хабарланған. Ципрофлоксацин қабылдайтын пациенттер жеткілікті мөлшерде сұйықтық ішу қажет. Несептің шектен тыс сілтіленуінен сақтану керек. Бүйрек функциясының бұзылуы Ципрофлоксацин негізінен организмнен өзгеріссіз күйде бүйрек арқылы шығарылатындықтан, бүйрек функциясы бұзылған пациенттерге ципрофлоксациннің жинақталуы салдарынан болатын жағымсыз реакциялар көбеюінен сақтану үшін, «Қолдану тәсілі және дозалары» бөлімінде сипатталғандай, дозаны түзету қажет. Гепатобилиарлы жүйе Ципрофлоксацин қабылдағанда бауыр некрозының және пациент өміріне қатерлі бауыр жеткіліксіздігінің даму жағдайлары хабарланған. Бауыр ауруларының қандай да бір белгілері мен симптомдары (анорексия, сарғаю, күңгірт несеп, қышыну немесе іштің кернеуі) білінген жағдайда емдеуді тоқтату керек. Глюкоза-6-фосфатдегидрогеназа тапшылығы Ципрофлоксацин қабылдағанда глюкоза-6-фосфатдегидрогеназа тапшылығы бар пациенттерде гемолиздік реакциялар хабарланған. Осындай пациенттерде ципрофлоксацин қолданбаған дұрыс. Төзімділігі Ципрофлоксацинмен емдеу курсы кезінде немесе одан кейін клиникалық тұрғыда анықталған асқын инфекциямен немесе онсыз ципрофлоксацинге төзімді бактериялар бөлініп шығуы мүмкін. Қауіп, әсіресе, ұзақ уақыт емдеу кезінде және нозокомиальді инфекцияларды және/немесе Staphylococcus және Pseudomonas түрлері туғызған инфекцияларды емдеген жағдайларда артады. P450 цитохромы Ципрофлоксацин CYP 1A2 бәсеңдетеді, сондықтан да осы ферментпен метаболизденетін, бір мезгілде тағайындалатын заттардың (мысалы, теофиллин, клозапин, оланзапин, ропинирол, тизанидин, дулоксетин, агомелатин) сарысулық концентрацияларының артуын туындатуы мүмкін. Сондықтан атап көрсетілген заттарды ципрофлоксацинмен бір мезгілде қабылдайтын пациенттер артық дозаланудың клиникалық белгілерін анықтау мақсатында медициналық бақылауда болуы тиіс. Сарысулық концентрацияларды (мысалы, теофиллин) анықтау қажеттілігі де туындауы мүмкін. Бір мезгілде ципрофлоксацин мен тизанидин тағайындау қарсы көрсетілімді. Метотрексат Ципрофлоксацин мен метотрексатты бір мезгілде тағайындау ұсынылмайды. Зертханалық талдаулар нәтижелеріне әсері Бактериологиялық тест нәтижелерін бағалау кезіндегі ципрофлоксациннің Mycobacterium tuberculosis қарсы in vitro белсенділігі ципрофлоксацин қабылдайтын пациенттерден алынған үлгілерде жалған-теріс нәтиже беруі мүмкін. Енгізген жердегі реакциялар Инъекция аумағындағы жергілікті реакциялар ципрофлоксацин вена ішіне енгізілгенде тіркелген. Ондай реакциялар, егер инъекция 30 минуттан аз уақытқа созылса, жиірек білінді. Аталған реакциялар инфузия аяқталған соң тез басылатын терінің жергілікті реакциялары ретінде көрініс беруі мүмкін. Егер жергілікті реакциялар қайта пайда болған немесе өршіп кеткен жағдайда, келесі жолы вена ішіне енгізу қарсы көрсетілімді емес. Педиатрияда қолданылуы Ципрофлоксацинді 18 жасқа дейінгі балалар мен жасөспірімдерге қолдануға болмайды.

Балада сүйектегі өсудің шеміршек нүктелерінің зақымдану қаупі бар болғандықтан жүкті және емізетін әйелдерге ципрофлоксацинді қолдануға болмайды. Дәрілік заттардың көлік құралдарын немесе қауіптілігі зор механизмдерді басқару қабілетіне әсер ету ерекшеліктері. Бас айналуы, бас ауыруы, ұйқышылдық және көрудің бұзылуы сияқты препараттың кейбір жағымсыз әсерлері психомоторлық реакцияларды және концентрацияға ықпалын төмендетуі мүмкін және осыған байланысты бұл әсерлері ерекше маңызды болатын (мысалы, автомобильді немесе басқа да механизмдерді басқаруда) жағдайлардағы қаупін арттыруы мүмкін. Алкоголь пайдаланғанда бұл жағымсыз әсерлер күшейеді.

Басқа препараттардың ципрофлоксацинге әсері: QT аралығын ұзартатын дәрілік заттар Ципрофлоксацин, басқа фторхинолондар сияқты, QT аралығын ұзартатын препараттарды (мысалы, аритмияға қарсы IA және III класс препараттары, трициклді антидепрессанттары, макролидтер, психозға қарсы препараттар) қабылдайтын пациенттерге сақтықпен тағайындалу керек. Пробенецид Пробенецид ципрофлоксациннің бүйректік секрециясына ықпал етеді. Бір мезгілде пробенецид пен ципрофлоксацин қолдану қан плазмасында ципрофлоксацин концентрациясының жоғарылауына алып келеді. Ципрофлоксациннің басқа дәрілік заттарға әсері: Тизанидин Тизанидинді ципрофлоксацинмен бір мезгілде қабылдауға болмайды. Бір мезгілде ципрофлоксацин мен тизанидин қабылдағанда тизанидиннің сарысулық концентрациясының жоғарылауы байқалады (Cmax 7 есе, диапазон 4-21 есе артады, AUC 10 есе, диапазон 6-24 есе ұлғаяды). Тизанидин сарысулық концентрациясының жоғарылауы артериялық қысымның төмендеу қаупін және тыныштану әсерінің көрініс беруін арттырады. Метотрексат Ципрофлоксацин бір мезгілде қолданылғанда метотрексаттың тубулярлы тасымалдануы баяулауы мүмкін, бұл қан плазмасында метотрексат концентрациясының жоғарылауына және метотрексатпен байланысты уыттану реакцияларының даму қаупінің артуына алып келуі мүмкін. Бір мезгілде тағайындау ұсынылмайды. Теофиллин Ципрофлоксацин мен теофиллинді бірге тағайындау қан плазмасында теофиллин концентрациясының қолайсыз жоғарылауына әкелуі мүмкін, осыған орай, сирек жағдайларда өмірге қатер төндіруі немесе өліммен аяқталуы мүмкін теофиллинмен байланысты жағымсыз реакциялар пайда болуы мүмкін. Атап көрсетілген біріктірілімді қолдану кезінде теофиллиннің сарысулық деңгейін тексеріп, қажет болса, оның дозасын азайту қажет. Басқа ксантин туындылары Ципрофлоксацин мен кофеин немесе пентоксифиллинді (окспентифиллин) бірге қолданғанда қан плазмасында осы ксантиндер концентрацияларының жоғарылауы хабарланған. Фенитоин Бір мезгілде ципрофлоксацин мен фенитоин қолдану фенитоиннің сарысулық деңгейінің жоғарылауына немесе төмендеуіне әкелуі мүмкін; сондықтан препарат деңгейіне мұқият мониторинг өткізу ұсынылады. Циклоспорин Ципрофлоксацин мен құрамында циклоспорин бар дәрілік препараттарды бір мезгілде қолданғанда қан сарысуында креатининнің қайтымды жоғарылауы байқалды. Сондықтан осы пациенттерде плазмалық креатинин мөлшерін жиі (аптасына екі рет) бақылау қажет. К дәрумені антагонистері Ципрофлоксацинді К дәрумені антагонистерімен бір мезгілде қолданғанда ципрофлоксациннің антикоагулянтты әсерінің күшеюін байқауға болады. Қауіп дәрежесі инфекцияның негізгі түріне, пациенттің жасына, жалпы жай-күйіне қарай өзгеруі мүмкін, сондықтан ципрофлоксациннің ХҚҚ (Халықаралық қалыптасқан қатынас) мәнінің артуына ықпалын дәл бағалау қиын. Ципрофлоксацин мен К дәрумені антагонистерін (мысалы, варфарин, аценокумарол, фенпрокумон немесе флуиндион) бір мезгілде қолдану кезінде және одан кейін бірден жиі ХҚҚ бақылауы керек. Дулоксетин Дулоксетинді флувоксамин сияқты CYP450 1А2 изоферменттері тежегіштерімен бір мезгілде қолдану дулоксетин AUC және Сmах артуына алып келуі мүмкін. Ципрофлоксацинмен болуы мүмкін өзара әрекеттесуі туралы клиникалық деректер болмаса да, бірге енгізгенде осыған ұқсас әсерлерін күтуге болады. Ропинирол Ропинирол мен ципрофлоксацинді - CYP450 1А2 изоферментінің орташа тежегішін бір мезгілде қолдану ропинирол Сmах және AUC, тиісінше, 60% және 84% артуына алып келеді. Ципрофлоксацинді бір мезгілде қолдану кезінде және одан кейін ропиниролмен байланысты жағымсыз әсерлерінің туындауын бақылап, қажет болған жағдайда, препарат дозасын түзету ұсынылады. Лидокаин Құрамында лидокаин бар дәрілік препараттар мен ципрофлоксацинді - CYP450 1А2 изоферменттерінің орташа тежегішін бір мезгілде қолдану вена ішіне енгізілген лидокаин клиренсін 22% азайтады. Лидокаинмен емдеу жағымдылығының қалыпты екеніне қарамастан, бір мезгілде қолданғанда жағымсыз әсерлері туындауы мүмкін. Клозапин 250 мг ципрофлоксацин мен клозапинді 7 күн бойы бірге қолданудан кейін клозапин мен N-дезметилклозапин сарысулық концентрациясының, тиісінше, 29% және 31% жоғарылауы білінген. Ципрофлоксацинді бір мезгілде қолдану кезінде және одан кейін пациенттің жай-күйін қадағалап, қажет болған жағдайда клозапин дозасын түзету ұсынылады. Силденафил Силденафил Сmах және AUC 50 мг силденафилді бір мезгілде 500 мг ципрофлоксацинмен ішке қабылдаудан кейін шамамен екі есе артады. Сондықтан ципрофлоксацин мен силденафилді бір мезгілде тағайындағанда сақтық шарасын қадағалап, қауіп/пайда арақатынасын ескеру керек. Агомелатин Флувоксамин, CYP450 1А2 изоферментінің қуатты тежегіші ретінде, агомелатин метаболизмін елеулі тежейді, бұл агомелатин әсерінің 60 есе артуына алып келеді. CYP450 1А2 орташа тежегіші – ципрофлоксацинмен болуы мүмкін өзара әрекеттесу деректері болмаса да, бірге енгізгенде осыған ұқсас әсерлерін күтуге болады. Золпидем Ципрофлоксацинді бірге енгізу қандағы золпидем деңгейлерін арттыруы мүмкін, сондықтан бір мезгілде пайдалану ұсынылмайды.

Сақтау мерзімі 2 жыл Жарамдылық мерзімі өткеннен кейін қолдануға болмайды Сақтау шарттары Құрғақ, жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!