Цианокобаламин (В12 дәрумені) раствор 0.05 %

1 мл ерітіндінің құрамында белсенді зат - цианокобаламин (100 % затқа шаққанда) 0.20 мг, 0.50 мг қосымша заттар: натрий хлориді, 0.1 М хлорсутек қышқылы, инъекцияға арналған су Сыртқы түрінің, иісінің, дәмінің сипаттамасы Әлсіз қызғылттан ашық қызыл түске дейінгі мөлдір сұйықтық

• Аддисон-Бирмер ауруын (В12-тапшылығы анемиясы) емдеу үшін • B12 дәруменінің тапшылығымен байланысты басқа макроцитарлық анемиялардың профилактикасы және емдеу үшін • Шиллинг тестісінде

ATХ коды В03ВА01 Әсер ету механизмі Цианокобаламин B12 дәруменінің бір түріне жатады. Организмде (негізінен бауырда) метилкобаламинге және 5-дезоксиаденозилкобаламинге айналады. Метилкобаламин гомоцистеиннің метионинге және S-а денозилметионинге айналу реакциясына – пиримидиндік және пуриндік негіздердің (демек, ДНҚ және РНҚ) метаболизмінің шешуші реакцияларына қатысады. 5-дезоксиаденозилкобаламин L-метилмалонил-КоА сукцинил-КоА-ға изомерленуінде – көмірсулар мен липидтер метаболизмінің маңызды реакциясында кофактор қызметін атқарады. В12 дәруменінің тапшылығы қан түзу тінінің және эпителийдің жылдам бөлінетін жасушаларының пролиферациясының бұзылуына, сондай-ақ нейрондардың миелин қабықшасы түзілуінің бұзылуына әкеледі. Фармакодинамикалық әсерлері B12 дәрумені суда еритін дәрумендер тобына жатады. Биологиялық белсенділігі жоғары болады және эритроциттердің жетілуіне жағдай жасайды. Трансметилдену үдерістеріне, сутек тасымалдануына, метиониннің, нуклеин қышқылдарының, холиннің, креатиннің жинақталуына қатысады. Құрамында сульфгидрильді топтар бар қосылыстардың эритроциттерде жинақталуына жағдай жасайды. Бауыр функциясына және жүйке жүйесіне қолайлы ықпалын тигізеді. Миелин қабықшасының түзілуіне қатысады, гемопоэзді стимуляциялайды, шеткері жүйке жүйесінің зақымдануына байланысты ауырсыну сезімдерін азайтады, фолий қышқылын белсенділендіру арқылы нуклеин алмасуын стимуляциялайды. Қанның ұю жүйесін белсенділендіреді, жоғары дозаларда сәйкесінше тромбопластиннің және протромбиннің белсенділігінің жоғарылауын туғызады.

Дозалау режимі Ересектер мен балаларға Аддисон-Бирмер ауруы (В12-тапшылығы анемиясы) және неврологиялық бұзылуларсыз жүретін басқа макроцитарлық анемиялар: Бастапқыда: бір аптадан екі аптаға дейін кез келген күндері 250-ден 1000 мкг дейін бұлшықет ішіне, содан соң, қан мөлшері қалыпты шектерге жеткенге дейін аптасына 250 мкг. Демеуші дозасы: айына 1000 мкг. Аддисон-Бирмер ауруы (В12-тапшылығы анемиясы) және неврологиялық бұзылулармен жүретін басқа макроцитарлық анемиялар: Бастапқыда: жақсару басталғанға дейін кез келген күндері бұлшықет ішіне 1000 мкг. Демеуші дозасы: айына 1000 мкг. Гастрэктомия нәтижесіндегі B12 дәрумені тапшылығымен байланысты макроцитарлық анемияның, кейбір мальабсорбция синдромдарының профилактикасы үшін және қатаң вегетариандық диеталарда: айына 250 мкг - 1000 мкг. Шиллинг тестісі (адамның ішектен В12 дәруменін сіңіруге қабілеттілігін анықтауға мүмкіндік беретін сынама) 1000 мкг цианокобаламиннің бұлшықетішілік инъекциясы бұл тестінің маңызды бөлігі болып табылады. Енгізу әдісі және жолы Бұлшықет ішіне енгізіледі. Дәрілік препараттың бір немесе бірнеше дозасын өткізіп алғанда қажет болатын шаралар Қабылданбай қалған дозаның орнын толтыру үшін қосарлы дозаны қолданбаңыз. Тоқтату симптомдарының қаупі бар екенін көрсету Қатысты емес

• әсер етуші затқа немесе кез келген қосымша заттарға аса жоғары сезімталдық • жүкті әйелдердегі мегалобласты анемия (В12 дәруменінің тапшылығы болмаған кезде)

Белгісіз (қолда бар деректер негізінде бағалау мүмкін емес) • тері реакцияларын (бөртпе, қышыну) қоса, аса жоғары сезімталдық реакциялары, анафилаксиялық шок • қызба, қалтырау, ысыну сезімі, бас айналуы, жалпы дімкәстік, • жүрек айнуы • безеу бөртпесі және буллездік бөртпелер • тремор және инъекция орнындағы ауыруды, тығыздану мен некрозды қоса, инъекция енгізілген орындағы жергілікті реакциялар • мегалобласты анемияны емдеудің алғашқы апталарындағы реактивті тромбоцитоз Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары - препараттың жағымсыз реакцияларының күшеюі. Емі – симптоматикалық.

«Қолдану жөніндегі нұсқаулар» бөлімінде көрсетілген дозаларын пайдаланғанда, қанды жүйелі түрде бақылап отыру ұсынылады. Егер мегалобласты анемия Цианокобаламинмен емдеуден кейін басылмаса, фолат метаболизмін анықтау керек. Күн сайын 10 мкг-ден асатын дозалары фолат тапшылығы бар пациенттерде гематологиялық жауаптың толық болмауына алып келуі мүмкін. Емдеу сызбасының талапқа сай болмауы нақты диагнозды бүркемелеуі мүмкін. Емдеудің тиімділігін қамтамасыз ету үшін, пациенттің гематологиялық және неврологиялық жағдайын жүйелі түрде бақылау қажет. Емдеудің бастапқы сатысындағы гипокалиемияның салдарынан, салдарлы сипаттағы жүрек аритмиясы туралы хабарламалар бар, сондықтан, аталған кезең ішінде қандағы калий деңгейін бақылап отыру керек. Мегалобластық анемия кезінде реактивті тромбоцитоз туындауы мүмкіндігіне байланысты, емдеудің алғашқы апталары ішінде тромбоциттер санын бақылау керек. Арнайы сақтандырулар Педиатрияда қолдану Препаратты балаларға қолдануға болады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді

Цианокобаламинді жүкті әйелдердегі мегалобласты анемияны емдеуде, тек B12 дәруменінің тапшылығын растайтын мәліметтер болған жағдайда ғана пайдалануға болады. Цианокобаламин балаға зиянын тигізуі екіталай дозаларда емшек сүтіне өтеді, бірақ, ана мен баладағы B12 дәруменінің тапшылығын емдеуде пайдалы болуы мүмкін.

Хлорамфеникол (левомицетин) қабылдап жүрген пациенттерде Цианокобаламинге реакциясы нашар болуы мүмкін. Оральді контрацептивтер цианокобаламиннің қан сарысуындағы концентрациясын төмендетуі мүмкін, бірақ бұл өзара әрекеттесудің елеулі клиникалық маңызы жоқ. Антиметаболиттер және антибиотиктердің көпшілігі қандағы B12 дәруменінің деңгейін бұрмалауы мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25ºС-ден аспайтын температурада сақтау керек. Балалардың қолы жетпейтін жерде сақтау керек!