Целкокс капсулы 200 мг

Бір капсуланың құрамында белсенді зат - целекоксиб 100 мг немесе 200 мг, қосымша заттар: лактоза моногидраты, натрий лаурилсульфаты, повидон К-30 (PVP K-30), натрий кроскармеллозасы, магний стеараты капсула қабығының құрамы: FD&C көгілдір 1 (Е133)*, FD&C қызыл 3 (Е127)*, титанның қостотығы (Е 171), желатин, капсула қақпағының құрамы: FD&C сары 5 (Е102)*, FD&C көгілдір 1 (Е133)*/ FD&C көгілдір 1 (Е133)**, FD&C қызыл 3 (Е127)**, кармин (Е120)**, титанның қостотығы (Е 171), желатин. *-100 мг құрамында **-200 мг құрамында Сыртқы түрінің, иісінің, дәмінің сипаттамасы Мөлдір емес жасыл қақпағы және қызыл күрең түсті мөлдір емес корпусы бар, өлшемі «3» қатты желатинді капсулалар; капсуланың ішінде ақ түсті ұнтақ бар (100 мг доза үшін). Мөлдір емес қызыл күрең қақпағы және мөлдір емес ақ түсті корпусы бар, өлшемі «1» қатты желатинді капсулалар, капсуланың ішінде ақ түсті ұнтақ бар (200 мг доза үшін).

Дәрілік препарат ересектерде симптоматикалық ем ретінде қолдануға арналған: - остеоартритте - ревматоидты артрит - шорбуынданған спондилиттің симптомдарын басуда ЦОГ-2 іріктелген тежегіштерін тағайындау туралы шешімді әрбір пациент үшін жалпы қауіпті бағалау негізінде қабылдау керек.

Әсер ету механизмі Целекоксиб пероральді түрде қолдануға арналған препарат, дозаның клиникалық ауқымы шегінде (тәулігіне 200-400 мг) қолданғанда ЦОГ-2 селективті тежегіші болып табылады. Статистикалық маңызды ЦОГ-1 тежелуі (тромбоксан B2 түзілуін тежеу ретінде бағаланады) дені сау еріктілерде осы доза ауқымы шегінде жүреді. Фармакодинамикалық әсерлері Циклооксигеназа простагландиндердің түзілуіне жауап береді. Изоформалардың екі түрі – COX -1 және COX -2 сәйкестендірілген. COX -2 қабынуға қарсы импульстармен индукцияланатын фермент изоформасы болып табылады және ауырудың, қабынудың және қызбаның простаноидты медиаторларының синтезіне жауап беретін негізгі фактор ретінде қарастырылады. Сондай-ақ COX -2 овуляция, имплантация және артериялық ағынның жабылуы, бүйректің және орталық жүйке жүйесінің функциясын реттеу (қызбаны, ауыру сезінуді индукциялау, когнитивті функция) үдерісінде әрекет етеді; сондай-ақ ойық жараның жазылуы үдерісіне қатысуы мүмкін. COX-2 адамның асқазандағы ойық жарасы төңірегіндегі тіндерде сәйкестендірілген, бірақ оның ойық жараның жазылуы үшін маңызы анықталмаған. ЦОГ-1 тежейтін кейбір ҚҚСП мен ЦОГ-2 селективті тежегіштері арасындағы тромбоэмболиялық реакциялардың даму қаупі бар пациенттерде клиникалық мәні болуы мүмкін. COX -2 селективті тежегіштері тромбоциттер тромбоксанына әсер етпей, жүйелік (және сәйкесінше эндотелиалды) простациклиннің түзілуін төмендетеді. Целекоксиб-бұл басқа ариламинсульфонамидтерге (мысалы, тиазидтер, фуросемид) химиялық жағынан ұқсас, бірақ ариламинсульфонамидтерден (мысалы, сульфаметоксизол және басқа сульфонамидті антибиотиктер) ерекшеленетін диарил алмастырылған пиразол. Целекоксибтің жоғары дозаларынан кейін дозаға тәуелді әсері TxB 2 түзілуі байқалды. Алайда, зерттеулер жүргізілген кезде тәулігіне екі рет 600 мг-нан бірнеше дозаларды (ең жоғары ұсынылған дозадан үш есе жоғары) қабылдаған сау адамдарда целекоксиб плацебоға қарағанда тромбоциттердің агрегациясы мен қан кету уақытына әсер етпеді. Клиникалық тиімділігі және қауіпсіздігі Остеоартрозда, ревматоидты артритте және шорбуынданатын спондилитте тиімділігі мен қауіпсіздігін растайтын бірнеше клиникалық зерттеулер жүргізілді. Целекоксибке тізе және жамбас буынының остеоартритінде қабыну мен ауыруды емдеу үшін шамамен 4200 пациентте плацебо және белсенді бақыланатын 12 аптаға дейін созылған зерттеулерде баға берілді. Сондай-ақ ревматоидты артритте қабыну мен ауыруды емдеу үшін шамамен 2100 пациентте белсенді бақыланатын 24 аптаға дейін созылған зерттеулерде баға берілді. Целекоксиб 200 мг-ден 400 мг дейінгі тәуліктік дозаларда қабылдағаннан кейін ауыруды 24 сағат бойы жеңілдетті. Целекоксибке шорбуынданатын спондилиттті симптоматикалық емдеу үшін 896 пациентте плацебо және белсенді бақыланатын 12 аптаға дейін созылған зерттеулерде баға берілді. Бастапқы ойық жаралануы жоқ шамамен 4500 пациентте асқазан-ішек жолының жоғарғы бөліктерінің жоспарланған эндоскопиясын қоса, бес рандомизацияланған салыстырмалы жасырын бақыланатын зерттеулер жүргізілді (целекоксибтің 50 мг-ден 400 мг дейінгі дозалары тәулігіне екі рет). Он екі апталық эндоскопиялық зерттеулерде целекоксиб (тәулігіне 100–800 мг) напроксенмен (тәулігіне 1000 мг) және ибупрофенмен (тәулігіне 2400 мг) салыстырғанда асқазанның және он екі елі ішектің ойық жаралы ауруының едәуір төмен қаупімен астасты. Деректер диклофенакпен (тәулігіне 150 мг) салыстырғанда қарама-қайшы болды. 12 апталық зерттеулердің екеуінде эндоскопиялық гастродуоденальді ойық жарасы бар пациенттердің үлесі бойынша плацебо және күніне екі рет 200 мг және тәулігіне екі рет 400 мг целекоксиб арасында сенімді айырмашылық болған жоқ. Қауіпсіздігінің проспективті ұзақ мерзімдік зерттеуінде (ұзақтығы 6-дан 15 айға дейін, CLASS зерттеуі), остеоартриті бар 5800 және ревматоидты артриті бар 2200 пациент тәулігіне екі рет 400 мг целекоксибті (остеоартриттің және ревматоидты артриттің ұсынылған дозалары сәйкесінше 4 және 2 есе жоғары), тәулігіне үш рет 800 мг ибупрофенді немесе тәулігіне екі рет 75 мг диклофенакты (екеуі де емдік дозаларда) алды. Тіркелген пациенттердің жиырма екі пайызы ацетилсалицил қышқылының (тәулігіне ≤325 мг) қатар жүретін төмен дозасын, ең алдымен жүрек-қантамыр ауруларының профилактикасы үшін қабылдады. Асқынған ойық жаралардың (асқазан-ішектен қан кету, тесілу немесе обструкция ретінде анықталған) бастапқы ақырғы нүктесі үшін целекоксибтің жеке-жеке алғандағы ибупрофеннен немесе диклофенактан елеулі айырмашылығы болған жоқ. Біріктірілген ақырғы нүкте, асқынған және симптоматикалық ойық жаралар үшін кездесу жиілігі ҚҚСП тобымен салыстырғанда целекоксиб тобында едәуір төмен болды, салыстырмалы қауіп 0,66, 95% СА 0,45-0,97, бірақ целекоксиб пен диклофенак арасында мұндай емес. Целекоксибті және ацетилсалицил қышқылының қатар жүретін төмен дозасын қабылдаған пациенттерде целекоксибті ғана қабылдағандарға қарағанда асқынған ойық жаралардың жиілігі 4 есе жоғары. Қайтадан тестілеу арқылы расталған гемоглобиннің клиникалық маңызды төмендеу жиілігі ҚҚСП тобымен салыстырғанда целекоксибті қабылдаған пациенттерде едәуір төмен болды. Целекоксибпен осы жағдайдың жиілігінің тым аздығы ацетилсалицил қышқылын пайдаланғанда немесе онсыз да сақталды. Целекоксибті және ацетилсалицил қышқылының қатар жүретін төмен дозасын қабылдаған пациенттерде целекоксибті ғана қабылдағандарға қарағанда асқынған ойық жаралардың жиілігі 4 есе жоғары. Жасы 60-тан асқан немесе анамнезінде гастродуоденальді ойық жаралары болған (ASA пайдаланушыларды қоспағанда) пациенттерде қауіпсіздігінің проспективті рандомизацияланған 24 апталық зерттеуінде гемоглобиннің (≥2 г/дл) және/немесе гематокриттің (≥10%) АІЖ тарапынан екені анықталған немесе болжанған төмендеуі бар пациенттер пайызы тәулігіне екі рет 75 мг диклофенак SR плюс тәулігіне бір рет 20 мг омепразол қабылдаған (N = 2246) пациенттермен салыстырғанда тәулігіне екі рет 200 мг целекоксибті қабылдаған (N = 2238) пациенттерде төмен болды (шығу тегі анықталған GI үшін 1,1%-ға қарсы 0,2%, р = 0,004; шығу тегі болжамды GI үшін 2,4%-ға қарсы 0,4%, р = 0,0001). Тесілу, обструкция немесе қан кету сияқты асқазан-ішек тарапынан клиникалық айқын асқынулар жиілігі өте төмен, емдеу топтары арасында айырмасыз болды (тобына 4-5). Жүрек-қантамырлық қауіпсіздік (спорадиялық аденоматозды полиптері бар пациенттердің қатысуымен ұзақ мерзімдік зерттеулер) Спорадиялық аденоматозды полиптер қатысқан екі зерттеу целекоксибпен жүргізілді, яғни АРС зерттеуі (целекоксибпен аденоманың профилактикасы) және PreSAP зерттеуі (өздігінен болған аденоматозды полиптердің профилактикасы). APC зерттеуінде 3 жыл емдеу барысында плацебомен салыстырғанда целекоксибпен жүрек-қантамыр ауруларынан, миокард инфарктісінен немесе инсульттен (сот шешімі бойынша) өлудің жиынтық ақырғы нүктесінің дозаға тәуелді ұлғаюы байқалды. PreSAP сынағы дәл сол құрама ақырғы нүкте үшін статистикалық мәні бар жоғары қауіпті көрсеткен жоқ. APC зерттеуінде жүрек-қантамыр ауруларынан, миокард инфарктісінен немесе инсульттен өлудің біріктірілген ақырғы нүктесі үшін (бағалаулар бойынша) плацебомен салыстырғандағы салыстырмалы қауіп тәулігіне екі рет 400 мг целекоксибпен 3,4 (95% СА 1,4–8,5) және тәулігіне екі рет 200 мг целекоксибпен 2,8 (95% СА 1,1 - 7.2) құрады. Осы біріктірілген ақырғы нүкте үшін жиынтық көрсеткіштер плацебо үшін 0,9%-бен (6/679 субъект) салыстырғанда 3 жыл ішінде сәйкесінше 3,0% (20/671 субъект) және 2,5% (17/685 субъект) құрады. Плацебомен салыстырғанда екі топ үшін де целекоксибтің дозасын арттыру негізінен миокард инфарктісінің жиілігі артуына байланысты болды. PreSAP зерттеуінде дәл осы құрама ақырғы нүкте үшін (бағалау бойынша) плацебомен салыстырғандағы салыстырмалы қауіп тәулігіне бір рет 400 мг целекоксибті қабылдаған кезде плацебомен салыстырғанда 1,2 (95% СА 0,6-дан 2,4 дейін) құрады. Осы біріктірілген ақырғы нүкте үшін жиынтық көрсеткіштер 3 жыл ішінде сәйкесінше 2,3% (21/933 субъект) және 1,9% (12/628 субъект) құрады. Миокард инфарктісінің жиілігі (бағалаулар бойынша) тәулігіне бір рет 400 мг целекоксибпен 1,0% (9/933 субъект) және плацебомен 0,6% (4/628 субъект) құрады. Ұзақ мерзімдік ADAPT зерттеу деректері (Альцгеймер ауруы кезіндегі қабыну ауруларының профилактикасы бойынша) 200 мг целекоксибті қабылдаған кезде плацебомен салыстырғанда жүрек-қантамыр ауруларының қаупі елеулі ұлғаюын көрсеткен жоқ. Осы сияқты біріктірілген ақырғы нүкте үшін плацебомен салыстырғандағы салыстырмалы қауіп (жүрек-қантамыр аурулары, миокард инфарктісі, инсульт) тәулігіне екі рет 200 мг целекоксибті қабылдаған кезде 1,14 (95% СА 0,61–2,15) құрады. Миокард инфарктісінің жиілігі тәулігіне екі рет 200 мг целекоксибпен 1,1% (8/717 пациент) және плацебомен 1,2% (13/1070 пациент) құрады. Целекоксибтің ибупрофенмен немесе напроксенмен салыстырғанда кешенді қауіпсіздігіне проспективті рандомизацияланған баға беру PRECISION зерттеуі жүрек-қантамыр ауруларының қаупі жоғары пациенттердегі жүрек-қантамыр жүйесі қауіпсіздігінің салыстырмалы жасырын клиникалық зерттеуі, онда Целекоксибті тәулігіне 200-400 мг), Напроксенді (тәулігіне 750-1000 мг) және Ибупрофенді (1800-2400 мг) қолдануды салыстырды. Бастапқы ақырғы нүкте жүрек-қантамырлық өлімге, өліммен аяқталмаған миокард инфарктісіне немесе өліммен аяқталмаған инсультке тәуелсіз баға беру болды. Зерттеу олқылықты 80% бағалау қабілетімен жоспарланды. Асқазан-ішек жолын қорғау үшін барлық пациенттерге эзомепразол (20-40 мг) тағайындалды. Аспириннің төмен дозаларын қабылдап жүрген пациенттерге емді жалғастыруға рұқсат берілді, бұл кезде пациенттердің жартысына жуығы аспирин қабылдады. Екінші және үшінші ақырғы нүктелер жүрек-қантамырлық, асқазан-ішектік және бүйрек бұзылыстарын қамтыды. Бастапқы нүктеге келетін болсақ, целекоксиб напроксенмен немесе ибупрофенмен салыстырғанда, алдын-ала анықталған барлық төрт талапқа сай болды, кестені қараңыз. Басқа тәуелсіз бағаланған екінші және үшінші нүктелерге жүрек-тамыр, асқазан-ішек және бүйрек нәтижелері кірді. Сонымен қатар, амбулаториялық бақылаумен (ABPM) өлшенген үш препараттың қан қысымына әсері туралы 4 айлық зерттеу жүргізілді. APTC құрама соңғы нүктенің алғашқы талдауы Емдеуге ниетті талдау (ITT, 30 айдан кейін) Целекоксиб 100-200 мг тәулігіне екі рет — Ибупрофен 600-800 мг тәулігіне үш рет — Напроксен 375-500 мг тәулігіне екі рет N — 8072 — 8040 — 7969 Оқиғалары бар заттар — 188 (2,3%) — 218 (2,7%) — 201 (2,5%) Жұптық салыстыру — Целекоксиб Напроксенге қарсы — Целекоксиб ибупрофенге қарсы — Ибупрофен Напроксенге қарсы ЖЖЖ (95% СА) — 0,93 (0,76, 1,13) — 0,86 (0,70, 1,04) — 1,08 (0,89, 1,31) Емдеу ниетінің модификацияланған талдауы (MITT, 43 айдан кейін емдеу) Целекоксиб 100-200 мг тәулігіне екі рет — Ибупрофен 600-800 мг тәулігіне үш рет — Напроксен 375-500 мг тәулігіне екі рет N — 8030 — 7990 — 7933 Оқиғалары бар субъект — 134 (1,7%) — 155 (1,9%) — 144 (1,8%) Жұптық салыстыру — Целекоксиб Напроксенге қарсы — Целекоксиб ибупрофенге қарсы — Ибупрофен Напроксенге қарсы ЖЖЖ (95% СА) — 0,90 (0,72, 1,14) — 0,81 (0,64, 1,02) — 1,12 (0,889, 1,40) Нәтижелер, әдетте, целекоксиб пен компаратор топтарында екінші және үшінші нүктелер үшін сандық жағынан ұқсас болды және қауіпсіздіктің күтпеген нәтижелері болған жоқ. Бірге алынған, PRECISION зерттеуі тәулігіне екі рет ең аз бекітілген 100 мг дозадағы целекоксиб тәулігіне үш рет 600-800 мг дозада ибупрофеннен немесе тәулігіне екі рет 375-500 мг дозада напроксеннен кем емес екенін көрсетеді. Күн сайын жүрек-қан тамырлары жанама әсерлеріне қатысты. Коксибтерді қоса алғанда, NSAID класының жүрек-қантамыр тәуекелдері дозаға байланысты, сондықтан біріктірілген жүрек-қантамыр соңғы нүктесінде тәулігіне 200 мг целекоксиб үшін нәтижелерді целекоксибтің неғұрлым жоғары дозаларын пайдалана отырып, дозалау режимдеріне экстраполяциялауға болмайды. Балалар Педиатриялық топта қолданудың клиникалық деректері жоқ.

Дозалау режимі Целекоксиб дозасына және қабылдау ұзақтығына қарай жүрек-қан тамырлары ауруының даму қаупі артатындықтан оны барынша қысқа курстармен және тиімді ең төмен тәуліктік дозаларда тағайындау керек. Пациенттің, әсіресе остеоартриті бар пациенттерде ауру симптомдарының айқындығын азайтуға және емге реакциясын азайтуға қажеттілігін мезгіл-мезгіл бағалау керек. Остеоартрит Әдеттегі ұсынылатын тәуліктік доза күніне бір рет немесе екі рет қабылданатын 200 мг құрайды. Кейбір пациенттерде симптомдар айқындылығы жеткіліксіз азайған жағдайда дозаны күніне екі рет 200 мг дейін көбейту препарат тиімділігін жоғарылатуы мүмкін. Екі апта емдеуден кейін емдік әсерінің жоғарылауы болмаса емнің мүмкін болатын басқа әдістерін қарастыру керек. Ревматоидты артрит Бастапқы ұсынылатын тәуліктік доза екі рет қабылданатын 200 мг құрайды. Қажет болғанда, қабылдауды күніне екі рет 200 мг дейін арттыруға болады. Екі апта емдеуден кейін емдік әсерінің жоғарылауы болмаса емнің мүмкін болатын басқа әдістерін қарастыру керек. Шорбуынданған спондилит (Бехтерев ауруы) Ұсынылатын тәуліктік доза күніне бір рет немесе екі рет қабылданатын 200 мг құрайды. Кейбір пациенттерде симптомдар айқындығының азаюы жеткіліксіз болған жағдайда дозаны күніне бір рет немесе екі рет қабылдауға бөлінген 400 мг дейін арттыру препарат тиімділігін жоғарылатуы мүмкін. Екі апта емдеуден кейін емдік әсерінің жоғарылауы болмаса емнің мүмкін болатын басқа әдістерін қарастыру керек. Ең жоғары ұсынылған тәуліктік доза, ұзақ уақыт қабылдағанда барлық көрсетілімдер үшін - 400 мг. Пациенттердің ерекше топтары Балалар Целекоксибті 18 жасқа дейінгі балаларға қолдануға тыйым салынады. Егде жастағы пациенттер Егде жастағы пациенттерде (> 65 жас): осы жастан жасырақ ересектердегі сияқты, бастапқы ұсынылатын доза тәулігіне 200 мг құрайды. Содан кейін, қажет болғанда, оны тәулігіне екі рет 200 мг дейін жоғарылатуға болады. Дене салмағы 50 кг дейінгі егде жастағы пациенттерде препаратты сақтықпен қабылдау керек. Бауыр жеткіліксіздігі бар пациенттер Бауыр жеткіліксіздігі бар пациенттер: қан сарысуындағы альбуминнің мөлшері 25-35 г/л, диагностикаланған орташа дәрежедегі ауырлықтағы бауыр жеткіліксіздігімен пациенттерде емді ұсынылған дозаның жартысынан бастау керек. Қолдану тәжірибесі бауыр циррозы бар пациенттермен шектеледі. Бүйрек жеткіліксіздігі бар пациенттер Бүйрек жеткіліксіздігі бар пациенттер: Целекоксибті орташа және бір қалыпты дәрежедегі ауырлықтағы бүйрек жеткіліксіздігімен емделушілерде қолдану тәжірибесі шектеулі, сондықтан осындай емделушілерге препаратты сақтықпен қабылдау керек. Енгізу әдісі және жолы Ішке қабылдауға арналған. Капсуланы сумен іше отырып, бүтіндей жұту керек. Целкокс препаратын ас қабылдауға байланыссыз қолдануға болады. Тоқтату симптомдарының бар екендігіне нұсқаулар Тоқтату симптомдар қаупі жоқ. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Сізде осы дәрілік препаратты қолдану бойынша қандай да бір қосымша сұрақтар туындаған жағдайда, өз дәрігеріңізге жүгініңіз.

- целекоксибке және қосымша заттардың кез-келгеніне аса жоғары сезімталдық - сульфонамидтерге белгілі аса жоғары сезімталдық - пептидтік жара және асқазан-ішектен қан кету - демікпе, жедел ринит, мұрын полипі, ангионевроздық ісіну, есекжем немесе ацетилсалицил қышқылын немесе басқа қабынуға қарсы стероидты емес препараттарды, оның ішінде ЦОГ-2 тежегіштерін қабылдағаннан кейінгі анамнезіндегі басқа аллергиялық реакциялар бар пациенттер - креатинин клиренсі < 30 мл/мин болатын бүйректің созылмалы жеткіліксіздігі - бауыр функциясының ауыр бұзылыстары (сарысудағы альбумин <25 г/л немесе Чайлд-Пью шкаласы бойынша >10) - жүректің созылмалы жеткіліксіздігі (NYHA II – IV дәрежесі) - клиникалық тұрғыдан расталған жүректің ишемиялық ауруы, шеткері артериялардың аурулары және айқын сатыдағы цереброваскулярлық аурулар - ішектің қабыну аурулары - аортакоронарлық шунттау операциялары және операциядан кейінгі кезең - тұқым қуалайтын лактоза жақпаушылығы, Lapp -лактаза ферменті тапшылығы, глюкоза-галактоза мальабсорбциясы - жүктілік және бала емізу кезеңі - 18 жасқа дейінгі балалар мен жасөспірімдер

Өте жиі - артериялық гипертензия Жиі - синусит, жоғарғы тыныс алу жолдарының инфекциялары, фарингит, несеп шығару жолдарының инфекциялары - аса жоғары сезімталдық - ұйқысыздық - бас айналуы, гипертония, бас ауыруы - миокард инфарктісі - ринит, жөтел, ентігу - жүрек айнуы, іштің ауыруы, диарея, диспепсия, метеоризм, құсу, дисфагия - бөртпе, қышыну - артралгия - тұмауға ұқсас ауру, шеткергі ісінулер/сұйықтық іркілуі - жарақаттану (кездейсоқ жарақат) Жиі емес - қан аздық - гиперкалиемия - үрейлену, депрессия, шаршау - церебральді инфаркт, парестезия, ұйқышылдық - көздің бұлдырауы, конъюнктивит - құлақтың шыңылдауы, есту қабілетінің жоғалуы - жүрек жеткіліксіздігі, жүрек соғысы, тахикардия - бронхтың түйілуі - іш қату, гастрит, стоматит, асқазан-ішек қабынуы (соның ішінде асқазан-ішек қабынуының өршуі), кекіру - бауыр функциясының бұзылуы, бауыр ферменттері деңгейінің жоғарылауы (соның ішінде SGOT және SGPT ұлғаюы) - есекжем, экхимоз (көгеру) - бұлшықет түйілулері (аяқ құрысуы) - қандағы креатининнің жоғарылауы, қандағы мочевинаның жоғарылауы - беттің ісінуі, кеуденің ауыруы Сирек - лейкопения, тромбоцитопения - сананың шатасуы, елестеулер - атаксия, дисгевзия - көзге қан құйылу - аритмия - өкпе артериясының эмболиясы, қан кернеулері - пневмонит - асқазан-ішектен қан кету, он екі елі ішектің ойық жарасы, асқазанның ойық жарасы, өңештің ойық жарасы, ішектің ойық жарасы, тоқ ішек жарасы, ішек тесілуі; эзофагит, мелена, панкреатит, колит - гепатит - ангионевроздық ісіну, алопеция, фотосезімталдық - бүйректің жедел жеткіліксіздігі, гипонатриемия Өте сирек - панцитопения - анафилаксиялық шок, анафилаксиялық реакция - бассүйек ішіне қан құйылу (оның ішінде өліммен аяқталатын), асептикалық менингит, эпилепсия, агевзия, аносмия - торқабық тамырларының окклюзиясы - васкулит - бауыр жеткіліксіздігі (кейде өліммен аяқталатын немесе бауыр ауыстырып салуды талап ететін), шұғыл дамыған гепатит (кейде өліммен аяқталатын), бауыр некрозы, холестаз, холестаздық гепатит, сарғаю - эксфолиативті дерматит, мультиформалы эритема, Стивенс-Джонсон синдромы, уытты эпидермалық некролиз, эозинофилиямен және жүйелі симптомдармен (DRESS) дәрілік реакция, жедел жайылған экзантематозды пустулез (AGEP), буллезді дерматит - миозит - тубулоинтерстициальді нефрит, нефроздық синдром, гломерулонефрит (аз зақымдалуы) - етеккір оралымының бұзылуы Белгісіз (қолда бар деректер негізінде бағалау мүмкін емес) - әйел бедеулігі (әйел фертильділігінің төмендеуі) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: әлсіздік, ұйқышылдық, жүрек айнуы, құсу, эпигастрий аймағындағы әдетте басылатын ауыру. Асқазан-ішектен қан кету туындауы мүмкін, соынмен қатар өте сирек жағдайда артериялық қысымның жоғарылауы, бүйректің желдел жеткіліксіздігі, тыныс алу жеткіліксіздігі және кома туындауы мүмкін. Емі: артық дозаланғанына күдіктенген кезде құстыру, белсендірілген көмірді тағайындау және сәйкесінше демеуші емнің жүргізілуін қамтамасыз ету қажет. Препараттың ақуызбен байланысу дәрежесі жоғары болғандықтан, диализ препаратты қаннан шығарудың тиімді әдісі болып табылмайды. Дәрілік препараттың бір немесе бірнеше дозаларын өткізіп алған кездегі қажетті шаралар Егер пациент препаратты қабылдауды ұмытып кетсе, препаратты есіне түсіре сала қабылдау керек. Екі еселенген дозаны қабылдауға болмайды.

Асқазан-ішек жолына әсері Целекоксибті қабылдаған пациенттерде, тесілу, ойық жаралану және асқазан-ішек жолынан қан кетудің аса сирек жағдайлары байқалған, кей жағдайлар өліммен аяқталған. Ол жағдайлар қабынуға қарсы стероидты емес препараттармен (ҚҚСП) емдеу кезіндегі аталған асқынулар қаупі аса жоғары пациенттерде: егде жастағы адамдарда, басқа ҚҚСП қабылдаған немесе ацетилсалицил қышқылын бір мезгілде қабылдаған пациенттерде, және анамнезінде асқазан-ішек жолының ойық жара, қан кету сияқты аурулары бар пациенттерде болған. Целекоксибті ацетилсалицил қышқылымен бір мезгілде қолданғанда (тіпті өте төмен дозаларда) асқазан-ішектік жағымсыз әсерлерінің одан әрі даму қаупі артуы мүмкін. Целкокс пен аспириндік емес ҚҚСП бір мезгілде қолданылуын болдырмау қажет. Жүрек-қантамыр жүйесіне әсері Целкокс, барлық ҚҚСП сияқты, жүрек-қантамыр жүйесі тарапынан болатын тромб түзілуі, миокард инфарктісі және инсульт сияқты күрделі асқынулар қаупін арттыруы мүмкін, олар өлімге әкеп соқтыруы мүмкін. Ол реакциялардың туындау қаупі препаратты қабылдаудың ұзақтығына қарай, сондай-ақ, жүрек-қантамыр жүйесінің аурулары бар пациенттерде артуы мүмкін. Бұл реакциялардың туындау қаупін азайту үшін, Целкоксты қабылдап жүрген пациенттерде, оны ұсынылған ең аз дозаларында және барынша қысқа мерзімге тағайындау керек. Жүрек-қантамырлық асқынулардың елеулі факторлары (мысалы, гипертония, гиперлипидемия, қант диабеті, шылым шегу) бар пациенттер мұқият баға беруден кейін тек қана целекоксибпен емделуі тиіс. Емдеуші дәрігер мен пациент, тіпті бұрын белгілі болған кардиоваскулярлық симптомдар жоқ болса да, мұндай асқынулардың туындау мүмкіндігін ескеруі тиіс. Пациенттер жүрек-қантамыр жүйесіне теріс әсер етуінің белгілер мен симптомдары және олар туындаған жағдайда қабылдануы керек шаралар туралы хабардар болуы тиіс. Целкоксты (басқа ҚҚСП сияқты) артериялық гипертензиясы бар пациенттерде сақтықпен қолдану керек. Целкокспен емдеудің басында, сондай-ақ емдеу курсы бойына, артериялық қысымды мезгіл-мезгіл бақылап отыру керек. СОХ-2 іріктелген тежегіштері антиагреганттық әсерлері жоқ болғандықтан жүрек-қантамырлық тромбоэмболиялық аурулардың профилактикасы үшін ацетилсалицил қышқылын алмастыра алмайды. Демек, антиагреганттық ем тоқтатылмауы тиіс. Сұйықтықтың іркілуі және ісінулер Простагландиндер синтезін тежейтін басқа дәрілік заттарды қолданғандағы сияқты, Целкоксты қабылдап жүрген пациенттердің бірқатарында, сұйықтықтың іркілуі мен ісінулер байқалуы мүмкін, сондықтан аталған препаратты сұйықтықтың іркілу мүмкіндігімен қатар жүретін аурулары бар пациенттерге тағайындаған кезде сақтық таныту керек. Анамнезінде жүрек жеткіліксіздігі, сол жақ қарыншаның дисфункциясы немесе артериялық гипертензиясы бар пациенттер мұқият қадағалауда болуы тиіс. Несеп айдайтын емді қабылдайтын немесе басқа да жағдаймен гиповолемия қаупіне ұшыраған пациенттерде де сақтық таныту қажет. Қан қысымының жоғарылауы Барлық ҚҚСП сияқты, целекоксиб гипертонияның пайда болуына немесе бұрыннан бар гипертонияның нашарлауына әкелуі мүмкін, бұл жүрек-қантамырлық асқынулар жиілігінің артуына жағдай туғызуы ықтимал. Демек, целекоксибты қабылдауды бастаған кезде және емнің бүкіл курсы бойында артериялық қысымды мұқият бақылау керек. Бауыр және бүйрек бұзылыстары Бүйрек немесе бауыр функциясының бұзылуы және әсіресе жүрек дисфункциясы егде жастағы адамдарда жиірек кездеседі, сондықтан да тиісті клиникалық бақылау жүргізу керек. Целекоксибті қоса, ҚҚСП бүйрек уыттылығын туғызуы мүмкін. Целекоксиб ҚҚСП қолданған кезде байқалғандарға ұқсайтын бүйректік әсерлер туғызатыны туралы деректер бар. Бүйрекке уыттылықтың ең көп әсеріне бүйрек функциясының бұзылуы, жүрек жеткіліксіздігі, бауыр дисфункциясы бар пациенттер, диуретиктерді, ангиотензин өзгертуші фермент (АӨФ) тежегіштерін, ангиотензин II рецепторының антагонистерін қабылдайтын пациенттер және егде жастағы адамдар бейім болады. Мұндай пациенттер целекоксибпен емдеу кезінде мұқият бақылауда болуы тиіс. Шұғыл дамыған гепатитті (кейбіреулері өліммен аяқталған), бауыр некрозын және бауыр жеткіліксіздігін (кейбіреулері өліммен аяқталған немесе бауыр ауыстыруды қажет еткен) қоса, бауырдың ауыр реакциялары пайда болған жағдайлар туралы хабарланды. Аурудың басталу уақыты хабарланған жағдайлар арасында бауыр тарапынан ауыр жағымсыз құбылыстардың көпшілігі целекоксибпен емдеуді бастағаннан кейін бір ай ішінде дамыған. Егер емдеу барысында пациенттерде жоғарыда көрсетілген ағзалар жүйесінің кез келген функциясы бұзылса, тиісті шаралар қолдану және целекоксибпен емді тоқтату мәселесін қарастыру керек. CYP2D6 тежелуі Целекоксиб CYP2D6 тежейді, ол осы ферменттің күшті тежегіші болмаса да, CYP2D6 көмегімен метаболизденетін жеке дозаланатын дәрілік препараттардың дозасын азайту қажет болуы мүмкін. CYP2С9 тежегіштерімен бір мезгілде қолданғанда сақтық таныту қажет. Целекоксибті генотипіне немесе басқа CYP2C9 субстраттарды бұрынғы анамнезіндегі/қолдану тәжірибесіне қарай CYP2C9 белсенділігінің белгілі немесе болжамды төмендеуі бар пациенттерде сақтықпен қолдану керек, өйткені дозаға тәуелді жағымсыз әсерлердің даму қаупі жоғарылайды. Бұндай пациенттерде дозаны ең төмен ұсынылатын дозаның жартысына дейін төмендету қарастырылады. Ыстықты түсіретін әсерін ескерсек, Целкокс қызба сияқты симптомның диагностикалық маңыздылығын төмендетуі, және инфекцияны диагностикалауды қиындатуы мүмкін. Тері және жүйелік жоғары сезімталдық реакциялары Целкоксты қабылдаған кезде аса сирек жағдайларда тері жабындары тарапынан эксфолиативтік дерматит, Стивенс-Джонсон синдромы және уытты эпидермалық некролиз сияқты күрделі реакциялар байқалған, олардың кейбіреулері өліммен аяқталған. Пациенттерде мұндай реакциялардың пайда болу қаупі емдеудің басында, көп жағдайда емдеудің алғашқы айында жоғарырақ. Тері бөртпесі, шырышты қабықтардағы өзгерістер немесе аса жоғары сезімталдықтың басқа белгілері пайда болса, Целкоксты қабылдауды тоқтату керек. Жалпы Целекоксиб қызбаны және қабынудың басқа белгілерін бүркемелеуі мүмкін. Варфаринмен және басқа антикоагулянттармен бірге пайдалану Варфаринмен немесе осыған ұқсас дәрілермен бір мезгілде емдегенде пациенттердегі күрделі қан кетулер туралы хабарланды (олардың кейбіреулері өліммен аяқталған). Протромбиндік уақыттың ұзарғаны туралы хабарланғандықтан, Целкокспен емдеудің басында немесе оның дозасын өзгерткен кезде антикоагулянттық белсенділік (гемостаз көрсеткіштері немесе коагулограмма) бақылануы тиіс. Антикоагулянттарды ҚҚСП-мен бір мезгілде қабылдау қан кету қаупін арттыруы мүмкін. Жаңа антикоагулянттарды (мысалы, апиксабан, дабигатран және ривароксабан) қоса, целекоксибті варфаринмен немесе басқа пероральді антикоагулянттармен біріктіргенде сақ болу керек. Ұрпақ өрбіту функциясы Целекоксибті қоса, ҚҚСП әсер ету механизмінің салдарынан, аналық бездер фолликулдарының жарылуын кідіртуі немесе олардың жарылуына кедергі келтіруі мүмкін, бұл кейбір әйелдерде қайтымды бедеулікпен қатар жүруі мүмкін. Бала көтеруде қиындықтарды бастан өткеріп жүрген немесе бедеулікке қатысты тексеруден өтіп жүрген әйелдерде целекоксибті қоса, ҚҚСП тоқтатуды қарастыру ұсынылады. Қосымша заттар Қосымша заттардың құрамында 46.60 мг мөлшерде, бір реттік дозада 45.00 мг мөлшерінде лактоза болуына байланысты, тұқым қуалайтын галактоза жақпаушылығы, Lapp (ЛАПП)-лактаза ферменті тапшылығы, глюкоза-галактоза мальабсорбциясы бар адамдарға қолдануға болмайды. Препараттың құрамында FD&C көгілдір 1 (Е133), FD&C қызыл 3 (Е127), FD&C сары 5 (Е102), кармин (Е120) бар, балаларға қолдануға тыйым салынады және аллергиялық реакциялар болуы мүмкін. Арнайы сақтандырулар Педиатрияда қолдануы 18 жасқа дейінгі балаларға қолдануға тыйым салынады.

Жүктілік Целекоксиб үшін анықталған жүктіліктер туралы клиникалық деректер жоқ. Репродуктивті уыттылықтың, соның ішінде дамудағы ақау белгілерін көрсететін деректер бар. Жүктілік кезінде адам үшін әлеуетті қаупі белгісіз, бірақ жоққа шығарылмайды. Целекоксиб, простагландин синтезін тежейтін басқа да препараттар сияқты, соңғы триместр кезінде жатыр инерциясын және артериялық арнаның мезгілінен бұрын жабылуын туғызуы мүмкін. Целекоксибті жүктілік кезінде және жүкті болуы мүмкін әйелдерге қолдануға болмайды. Егер әйел емделу кезінде жүкті болып қалса, целекоксиб қабылдауды тоқтату керек. Лактация кезінде Целекоксиб сүтпен бөлініп шығады. Целекоксибті бала емізетін әйелдердің шектеулі санына енгізу целекоксибтің емшек сүтіне өте аз мөлшерде өтетіндігін көрсетті. Целекоксибті қабылдайтын әйелдерге емшек емізуге болмайды. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Целекоксибті қабылдап жүрген, бас айналуы, вертиго немесе ұйқышылдығы бар пациенттер көлік жүргізуден немесе механизмдерді басқарудан бас тартуы тиіс.

Целекоксиб CYP2D6 субстраты болып табылмаса да, оның белсенділігін тежейді. Сондықтан метаболизмі CYP2D6 цитохромымен байланысты препараттармен (антидепрессанттар, нейролептиктер, аритмияға қарсы препараттар және т.б.) дәрілік өзара әрекеттесу ықтималдығы бар. Целекоксибпен бір мезгілде тағайындағанда CYP2D6 субстраттарының дозасын азайту қажет болуы мүмкін. Фармакодинамикалық өзара әрекеттесулер Варфарин және басқа антикоагулянттар Антикоагулянттық белсенділік варфарин немесе басқа антикоагулянттарды қабылдайтын пациенттерде әсіресе қолдануды бастағаннан кейінгі алғашқы бірнеше күн ішінде немесе целекоксибтің дозасын өзгерткеннен кейін бақылануы тиіс, өйткені бұл пациенттерде қан кетулердің асқыну қаупі жоғарылайды. Сондықтан, пероральді антикоагулянттарды қабылдайтын пациенттерде әсіресе целекоксибпен ем басталған алғашқы бірнеше күннің ішінде немесе целекоксибтің дозасы өзгертілгенде протромбиндік уақытты мұқият бақылау қажет. Қан кету жағдайлары көбінесе целекоксибті варфаринмен бір мезгілде қабылдаған егде жстағы пациенттерде тіркелген, олардың кейбіреулері өліммен аяқталған. Гипертензияға қарсы препараттар ҚҚСП АӨФ тежегіштерін, ангиотензин II рецепторларының антагонистерін, диуретиктерді және бета-блокаторларды қоса, гипертензияға қарсы препараттардың әсерін төмендетуі мүмкін. ҚҚСП қатысты алғанда, АӨФ тежегіштері, ангиотензин II рецепторларының антагонистері және/немесе диуретиктер целекоксибті қоса, ҚҚСП-мен біріктірілген кезде әдетте қайтымды болатын бүйректің жедел жеткіліксіздігінің пайда болу қаупі бүйрек функциясы бұзылған кейбір пациенттерде жоғары болуы мүмкін (мысалы, дегидратациясы бар пациенттерде, диуретиктерді қабылдаған пациенттерде немесе егде жастағы пациенттерде). Сондықтан біріктірілімді әсіресе егде жастағы адамдарда сақтықпен қолдану керек. Қатар жүретін ем басталған соң және одан кейін мезгіл-мезгіл бүйрек функциясын мониторингтеуге көңіл бөлу керек. Циклоспорин және такролимус ҚҚСП мен циклоспоринді немесе такролимусты бір мезгілде қолдану циклоспорин мен такролимустың нефроуытты әсерінің күшеюін туғызуы мүмкін. Аталған препараттарды бір мезгілде қолданған жағдайда бүйрек функциясы бақылауға алынуы тиіс. Ацетилсалицил қышқылы Целекоксибті ацетилсалицил қышқылының төмен дозаларымен қолдануға болады, бірақ ол жүрек-қан тамыр ауруларының профилактикасында ацетилсалицил қышқылын алмастыра алмайды. Басқа да ҚҚСП жағдайындағы сияқты, ацетилсалицил қышқылының төмен дозаларын бір мезгілде енгізу кезінде целекоксибтың өзін ғана қолданумен салыстырғанда асқазан-ішек жолының ойық жаралы ауруы дамуының немесе асқазан-ішек жолдары тарапынан басқа да асқынулардың жоғары қаупі бар. Фармакокинеткалық өзара әрекеттесулері Целекоксибтің басқа препараттарға әсері CYP2D6 тежелуі Целекоксиб CYP2D6 тежегіші болып табылады. Осы ферменттің субстраты болып табылатын дәрілік заттың плазмадағы концентрациясы целекоксибті бір мезгілде қолданған кезде ұлғаюы мүмкін. CYP2D6 арқылы метаболизденетін дәрілік препараттар мысалы антидепрессанттар, нейролептиктер, аритмияға қарсы дәрілік заттар болып табылады. Дозасын азайту талап етілуі мүмкін. 200 мг целекоксибты тәулігіне екі рет бір мезгілде қабылдау декстрометорфанның және метопрололдың (CYP2D6 субстраттарының) плазмадағы концентрацияларының сәйкесінше 2,6 есеге және 1,5 есеге ұлғаюына әкелді. Бұл ұлғаю целекоксибтің CYP2D6 субстратын тежеуімен байланысты. CYP2C19 тежелуі Целекоксиб CYP2C19 катализдейтін метаболизмді тежеуге қабілетті. CYP2C19 арқылы метаболизденетін дәрілік препараттар мысалы диазепам, циталопрам және имипрамин болып табылады. Метотрексат Ревматоидты артриті бар пациенттерде целекоксиб метотрексаттың (емдік дозаларында) фармакокинетикасына (плазмалық және бүйректік клиренсі) статистикалық елеулі әсер етпеді. Алайда осы екі дәрілік препаратты біріктіріп қолданғанда метотрексатпен байланысты уыттылығына талапқа сай мониторинг жүргізуді ескеру керек. Литий Целекоксибті литиймен бірге қолдану C max 16%-ға орташа ұлғаюына әкелді. Осылайша, литий қабылдайтын пациенттер целекоксибті қолдану кезінде немесе оны тоқтатқанда мұқият бақылауға алынуы тиіс. Оральді контрацептивтер Өзара әрекеттесулерін зерттеуде целекоксиб пероральді контрацептивтердің (1 мг норэтистерон / 35 микрограмм этинилэстрадиол) фармакокинетикасына клиникалық мәні бар әсерін тигізген жоқ. Глибенкламид/ толбутамид Целекоксиб толбутамидтің (CYP2C9 субстраты) немесе глибенкламидтің фармакокинетикасына клиникалық маңызды дәрежеде әсер етпейді. Басқа дәрілік препараттардың целекоксибке әсер етуі CYP2C9 CYP2C9 нашар метаболиздейтін және целекоксибтің жүйелі әсерінің жоғарылығын көрсететін пациенттерде флуконазол сияқты CYP2C9 тежегіштерімен қатарлас емдеу целекоксиб әсерінің одан әрі ұлғаюына әкелуі мүмкін. Мұндай біріктірілімдерден аулақ болу керек. CYP2C9 тежегіштері және индукторлары Целекоксиб негізінен CYP2C9 метаболизденетіндіктен, оны флуконазолды қабылдайтын пациенттерде ұсынылған дозаның жартысы түрінде пайдалану керек. Целекоксибтің 200 мг бір реттік дозасын және CYP2C9 күшті тежегіші флуконазолды тәулігіне бір рет 200 мг бір мезгілде қолдану целекоксибтің C max 60% дейін және AUC 130% дейін орташа ұлғаюына әкелді. Рифампицин, карбамазепин және барбитураттар сияқты CYP2C9 индукторларын бір мезгілде қабылдау целекоксибтің плазмадағы концентрациясын төмендетуі мүмкін. Кетоконазол және антацидтер Кетоконазол немесе антацидтер целекоксибтің фармакокинетикасына әсер етпейді. Балалар Өзара әрекеттесуін зерттеулер ересектерде ғана жүргізілді.

Сақтау мерзімі Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 30°C-ден аспайтын температурада сақтау керек. Балалардың қолы жетпейтін жерде сақтау керек!