Цефазон порошок 1 г

Бір құтының ішінде: белсенді зат - стерильді натрий цефтриаксоны 1000.0 мг сусыз цефтриаксонға баламалы Сыртқы түрінің, иісінің, дәмінің сипаттамасы Ұсақ кристаллды, аздап гигроскопиялы, ақ түстен ашық сары түске дейінгі ұнтақ.

Цефтриаксонға сезімтал қоздырғыштардан туындаған инфекциялар: • тыныс алу жолдарының инфекциялары, әсіресе пневмония, сондай-ақ ЛОР-ағзаларының инфекциясы • абдоминальды инфекциялар (перитонит, өт жолдарының, сондай-ақ асқазан-ішек жолдарының инфекциясы) • бүйрек және несеп шығару жолдарының инфекциялары • созды қоса, жыныс мүшелерінің инфекциясы • сепсис • сүйектің, буынның, жұмсақ тіндердің, терінің инфекциялары, сондай-ақ жарақаттық инфекциялар • иммунитеті әлсіз пациенттердегі инфекция • менингит • Лайм диссеминацияланған ауруы (ІІ және ІІІ сатылары) Асқазан-ішек жолындағы, өт жолдарындағы, урогенитальды және гинекологиялық аумақтардағы операциялар кезіндегі инфекциялардың периоперациялық профилактикасы, бірақ ықтималды немесе дәлелденген контаминация жағдайында ғана. Антибиотиктерді тиісті пайдалану бойынша ресми ұсынымдарды, әсіресе антибиотиктерге резистенттіліктің жоғарылауының алдын алу үшін қолдану жөніндегі ұсынымдарды ескеру қажет.

ATХ коды J01DD04 Әсер ету механизмі Цефтриаксонның бактерицидтік тиімділігі жасуша қабырғасының синтезі тежелуінің нәтижесі болып табылады. Цефтриаксон in vitro грамтеріс және грамоң микроорганизмдерге қарсы әсер етудің ауқымды спектрін дамытады. Бұл жасуша қабырғасы биосинтезінің үзілуіне әкеледі (пептидогликандар), нәтижесінде бактерия жасушасының лизисі мен өліміне әкеледі. Цефтриаксон әдетте in vitro және келесі микроорганизмдерге қарсы клиникалық инфекцияларда белсенді (көрсетілімдерді қараңыз): Грамоң аэробтар — Медианалық мәндер ЕТТК50*(мг/л) — ЕТТК 90**(мг/л) Staphylococcus aureus(Метициллин-сезімтал) — 4 — 4 Staphylococci coagulase-negative — 4 — 16 Streptococcus pyogenes(β-гемолиздік, А тобы) — 0,03 — 0,03 Streptococcus agalactiae(β-гемолиздік, В тобы) — ≤0,06 — 0,06 Streptococcus, β-hemolytic(А және В емес топ) — ≤0,06 — 0,06 Streptococcus viridans — 0,125 — 0,5 Streptococcus pneumoniae — ≤0,06 — 0,06 * ЕТТК50 = тестіленген штамдардың 50%-ы үшін ең төмен тежейтін концентрация. ** ЕТТК90 = тестіленген штамдардың 90%-ы үшін ең төмен тежейтін концентрация. Грамтеріс аэробтар — Медианалық мәндер ЕТТК50*(мг/л) — ЕТТК50*(мг/л) Acinetobacter lwoffi — 2 — 8 Acinetobacter anitratus1(негізінде A. baumannii) — 8 — 32 Aeromonas hydrophila — 0,25 — 4 Alcaligenes faecalis — 1 — 8 Alcaligenes odorans — ≤0,25 — 0,5 Alcaligenes-artige Bakterien — ≤0,25 — 0,5 Borrelia burgdorferi — ≤0,06 — ≤0,06 Burkholderia cepacia — 2 — 16 Capnocytophaga spp. — ≤0,06 — 4 Citrobacter diversus(соның ішінде C. amalonaticus) — 0,125 — 0,125 Citrobacter freundii1 — 0,125 — 16 Escherichia coli — ≤0,06 — 0,125 Enterobacter aerogenes1 — 2 — 16 Enterobacter cloacae1 — 0,5 — 16 Enterobacter spp. (übrige)1 — 0,25 — 32 Haemophilus ducreyi — 0,004 — 0,004 Haemophilus influenzae — ≤0,008 — 0,06 Haemophilus parainfluenzae — 0,016 — 0,06 Hafnia alvei — 0,125 — 2 Klebsiella oxytoca — ≤0,06 — 0,125 Klebsiella pneumoniae2 — ≤0,06 — 0,125 Moraxella catarrhalis(бұрын Branhamella catarr) — 0,125 — 0,5 Moraxella osloensis — ≤0,25 — ≤0,25 Moraxella spp. — ≤0,25 — ≤0,25 Morganella morganii — 0,06 — 1 Neisseria gonorrhoeae — ≤0,008 — 0,06 Neisseria meningitidis — ≤0,008 — 0,008 Pasteurella multocida — ≤0,06 — 0,06 Plesiomonas shigelloides — ≤0,06 — 0,06 Proteus mirabilis — ≤0,06 — 0,06 Proteus penneri1 — 1 — 64 Proteus vulgaris — ≤0,06 — 2 Pseudomonas fluorescens1 — 16 — 64 Pseudomonas spp. 1 — 8 — 16 Providencia rettgeri — ≤0,06 — 2 Providencia spp. — ≤0,06 — 0,5 Salmonella typhi — ≤0,06 — 0,125 Salmonella spp. (Группа Enteritidis) — ≤0,06 — 0,06 Serratia marcescens — 0,5 — 2 Serratia spp. — 0,25 — 16 Shigella spp. — 0,03 — 0,25 Vibrio spp. — ≤0,06 — 0,25 Yersinia enterocolitica — ≤0,125 — 0,125 Yersinia spp. — 0,25 — 2 Анаэробтар — Медианалық мәндер ЕТТК50*(мг/л) — ЕТТК50*(мг/л) Bacteroides spp.3 — 2 — 16 Clostridium spp.(ohne die C. perfringens-Gruppe) — 2 — 16 Fusobacterium nucleatum — 1 — 2 Fusobacterium spp. — 0,125 — 0,25 Gaffkia anaerobica(бұрын Peptococcus) — 0,125 — 1 Peptostreptokokken — 0,125 — 1 Цефтриаксонға сезімталдықты Клиникалық және зертханалық стандарттар институты (CLSI) ұсынған сезімталдықты тестілеудің стандартталған әдістерін қолдана отырып, диско-диффузиялық тест немесе агарда немесе сорпада сұйылту тесті көмегімен анықтауға болады. CLSI тесттерді интерпретациялау үшін цефтриаксонға келесі бақылау нүктелерін орнатты: Сезімтал — Қалыпты төзімді — Төзімді Сұйылтуға тест Тежейтін концентрациялар мг/л — ≤8 — 16-32 — ≥64 Диффузиялық тест (30 мкг цефтриаксон бар диск) Тежеу аймағының диаметрі мм — ≥21 — 20-14 — ≤13 Микроорганизмдерді цефтриаксон дискісінің көмегімен тестілеу керек, өйткені in vitro тесттері оның цефалоспориндер класындағы дискіге төзімді белгілі бір штамдарға қарсы белсенді екенін көрсетті. Резистенттілікті анықтау үшін CLSI ұсынымдарының орнына DIN немесе ICS сияқты басқа стандартталған нұсқаулықтарды қолдануға болады. Резистенттілік 1. Бұл түрдің кейбір изоляттары хромосомалық β-лактамазаның депрессиясына байланысты цефтриаксонға төзімді. 2. Кейбір Klebsiella pneumoniae изоляттары β-лактамазаның плазмидке тәуелді өніміне байланысты цефтриаксонға төзімді. 3. Кейбір Bacteroides spp. изоляттары цефтриаксонға төзімді. β-лактамаза өндіретін (әсіресе B. fragilis) Bacteroides spp. көптеген штамдары төзімді. Clostridium difficile төзімді. Метициллинге резистентті Staphylococcus spp. цефалоспориндерге, соның ішінде цефтриаксонға төзімді. Enterococcus faecalis және Enterococcus faecium, сондай-ақ Listeria monocytogenes әдетте төзімді. Амин- және уреидопенициллиндер, ескі цефалоспориндер және аминогликозидтер сияқты басқа антибиотиктерге бірнеше дәріге төзімділігі бар грамтеріс аэробтардың көптеген штамдары цефтриаксонға сезімтал. Treponema pallidum in vitro және жануарларға арналған эксперименттерде сезімтал. Клиникалық сынаулар бастапқы және салдарлы мерезді цефтриаксонмен емдеуге болатындығын көрсетеді. Сирек жағдайларды қоспағанда, Pseudomonas aeruginosa клиникалық изоляттары цефтриаксонға төзімді. Спецификалық патогендерге қарсы клиникалық тиімділігі Жүре пайда болған төзімділіктің таралуы географиялық жағынан және уақыт өте келе жекелеген түрлер үшін өзгеруі мүмкін және әсіресе ауыр инфекцияларды емдеу кезінде төзімділік туралы жергілікті ақпарат қажет. Қажет болған жағдайда, егер резистенттіліктің жергілікті таралуы цефтриаксонның пайдасы инфекциялардың кем дегенде кейбір түрлерінде күмәнді болса, маманнан кеңес алу керек.

Дозалау режимі Цефазон препаратының дозасы аурудың ағымының ауырлығына, орналасуына, микроорганизмнің түріне және оның цефтриаксонға сезімталдығына, сондай-ақ пациенттің жасына, бүйрек және бауыр функциясына байланысты жеке белгіленеді. Ересектер мен 12 жастан асқан балалар Тәулігіне бір рет (әрбір 24 сағат сайын) 1-2 г. Ауыр инфекцияларда немесе орташа сезімтал микроорганизмдерден туындаған инфекцияларда тәуліктік бір реттік дозаны 4 г дейін арттыруға болады. Жаңа туған нәрестелер, сәбилер және 12 жасқа дейінгі балалар Келесі тәуліктік бір реттік дозалар ұсынылады: Жаңа туған нәрестелер (14 күнге дейінгі) Тәулігіне бір рет дене салмағына 20-50 мг/кг; тәуліктік доза 50 мг/кг аспауы тиіс. Цефазон препаратын мерзімінен бұрын жаңа туған нәрестелерде 41 аптаға дейін етеккір тоқтағаннан кейінгі жаста (гестациялық және постнатальды жас жиынтығы) қолдануға болмайды («Қолдануға болмайтын жағдайлар» бөлімін қараңыз). Цефазон препаратын құрамында кальций бар препараттардың ұзақ инфузиясын қоса, құрамында кальций бар венаішілік ерітінділермен емдеуді қажет ететін (болжам бойынша) жаңа туған нәрестелерге (≤28 күн), мысалы, парентеральды тамақтану кезінде, цефтриаксон кальций тұздары преципитаттарының түзілу қаупіне байланысты қолдануға болмайды. Жаңа туған нәрестелер, сәбилер және балалар (15 күннен 12 жасқа дейін) Тәулігіне бір рет дене салмағына 20-80 мг/кг. Дене салмағы 50 кг және одан жоғары балаларға ересектерге арналған дозалар тағайындалады. Нәрестелер мен 12 жасқа дейінгі балалардағы дене салмағының кг-на 50 мг және одан жоғары венаішілік дозаларды кем дегенде 30 минут бойы баяу инфузия түрінде енгізу керек. Жаңа туған нәрестелерде билирубин энцефалопатиясының ықтимал қаупін азайту үшін, венаішілік дозаларды 60 минут ішінде енгізу керек. Егде жастағы пациенттер Бүйрек немесе бауыр функциясының ауыр бұзылулары болмаған жағдайда ≥65 жастағы пациенттерде Цефазон препаратының дозасын түзету талап етілмейді. Емдеу ұзақтығы аурудың көрсетілімдері мен ағымына байланысты Біріктірілген ем Цефазон препараты мен аминогликозидтердің көптеген грамтеріс бактерияларға қатысты синергизмі бар екендігі эксперименталды түрде көрсетілді. Бұл біріктірілімдер тиімділігінің жоғарылауы әрдайым болжанбайтынына қарамастан, оны Pseudomonas aeruginosa туындаған ауыр, өмірге қауіп төндіретін инфекциялардың дамуында оны қолдану ықтималдығын қарастыру керек. Химиялық үйлесімсіздік салдарынан екі дәрілік зат ұсынылған дозада бөлек енгізілуі керек. Дозалау жөніндегі айрықша нұсқаулар Бактериялық менингит Нәрестелер мен балалардағы бактериялық менингит кезінде препаратпен емдеу тәулігіне бір рет 100 мг/кг (4 г аспайтын) дозадан басталады. Қоздырғышты идентификациялап, оның сезімталдығын анықтағаннан кейін дозаны сәйкесінше азайтуға болады. Ең жақсы нәтижелерге келесі терапия ұзақтығы кезінде қол жеткізілді: Neisseria meningitidis — 4 күн Haemophilus influenzae — 6 күн Streptococcus pneumoniae — 7 күн Лайм диссеминацияланған ауруы Балалар мен ересектерге ұсынылатын доза 14 күн бойы тәулігіне бір рет 50 мг/кг құрайды (көп дегенде 2 г аспайды). Соз Созды емдеу үшін (пенициллиназа түзетін және түзбейтін штаммдардан туындаған) препаратты 250 мг дозада бір рет бұлшықет ішіне енгізу ұсынылады. Периоперациялық профилактика Инфекциялық қауіп дәрежесіне байланысты контаминацияланған немесе потенциалды контаминацияланған араласулар кезінде операциядан кейінгі инфекциялардың профилактикасы мақсатында операция басталарға дейін 30-90 минут бұрын 1-2 г дозада Цефазон препаратын бір рет енгізу ұсынылады. Жуан ішек пен тік ішекке операция жасау кезінде Цефазон препаратын және орнидазол сияқты 5-нитроимидазолды бір мезгілде енгізу тиімді. Бүйрек функциясының бұзылуы бар пациенттер Бүйрек функциясының бұзылуы болмаған жағдайда Цефазон препаратының дозасын түзету талап етілмейді. Бүйректің претерминальды жеткіліксіздігі жағдайында ғана (креатинин клиренсі (КК) <10 мл/мин) Цефазон препаратының тәуліктік дозасы 2 г аспауы тиіс. Цефтриаксон гемодиализ немесе перитонеальды диализ кезінде шығарылмайды. Диализдегі пациенттерге диализ аяқталғаннан кейін препараттың қосымша дозасын енгізу талап етілмейді. Диализдегі пациенттерде препараттың тәуліктік дозасы 2 г аспауы тиіс. Бауыр функциясының бұзылуы бар пациенттер Бауыр функциясының бұзылуы болмаған жағдайда Цефазон препаратының дозасын түзету талап етілмейді. Бауыр мен бүйректің ауыр жеткіліксіздігі бар пациенттер Бүйрек пен бауырдың ауыр жеткіліксіздігі бар пациенттерде препараттың қауіпсіздігі мен тиімділігін мұқият клиникалық мониторингтеу ұсынылады. Қолдану тәсілі Ұсынылған дозаны бұлшықет ішіне немесе вена ішіне енгізу тәсілін дәрігер клиникалық жағдайға байланысты шешеді. Цефтриаксонды венаішілік инфузия түрінде кем дегенде 30 минут (қолайлы жол), вена ішіне сорғалатып баяу 5 минут бойы немесе бұлшықет ішіне (терең инъекциялар) енгізу керек. Венаішілік сорғалатып енгізуді 5 минут бойы үлкен веналарға жүргізген дұрыс. Вена ішіне сорғалатып баяу 5 минут бойы: 1000 мг цефтриаксонды инъекцияға арналған 10 мл суда ерітеді. Препараттың дозасы аурудың ауырлығына, орналасуына, микроорганизмнің түріне және оның цефтриаксонға сезімталдығына, сондай-ақ пациенттің жасына, бүйрек және бауыр функциясына байланысты жеке белгіленеді. Нәрестелер мен 12 жасқа дейінгі балаларда венаішілік 50 мг/кг немесе одан да көп дозаны инфузия арқылы енгізу керек. Жаңа туылған нәрестелерде билирубин энцефалопатиясының ықтимал қаупін азайту үшін инфузия ұзақтығы 60 минуттан асуы тиіс. Лидокаинді еріткіш ретінде пайдаланған кезде цефтриаксон ерітіндісін тек бұлшықет ішіне енгізу керек. Құрамында лидокаин бар ерітіндіні вена ішіне енгізуге болмайды. Бұлшықетішілік инъекция үшін Цефазон препаратының 500 мг ұнтағы 2 мл-де, ал 1 г ұнтақ 3.5 мл 1% лидокаин ерітіндісінде ерітіліп, жеткілікті үлкен бұлшықетке (бөксе) терең енгізіледі. Бір бұлшықетке 1 г асырмай енгізу ұсынылады. Лидокаин дәрілік затын қолдану жөніндегі нұсқаулықта көрсетілген ақпаратты ескеру қажет. Микробиологиялық тұрғыдан қалпына келтірілген ерітіндіні дереу пайдалану ұсынылады. Қалпына келтірілген ерітінді өзінің физикалық және химиялық тұрақтылығын бөлме температурасында (немесе 2-8 ºC температурада 24 сағат) 6 сағат бойы сақтайды. Концентрацияға байланысты ерітіндінің түсі жасылдау-сарыдан қызғылт сарғыш-сарыға дейін өзгеруі мүмкін. Ерітіндінің түсі препараттың тиімділігіне немесе жағымдылығына әсер етпейді. Лидокаин Лидокаинді 15 жасқа дейінгі балаларда Цефазон препаратының ұнтағын еріткіш ретінде қолдануға тыйым салынады. 15 жасқа дейінгі балаларда Цефазон препаратының ұнтағын еріткіш ретінде соңынан бұлшықет ішіне енгізу үшін, инъекцияға арналған суды қолдану керек. Бұлшықет ішіне енгізу ірі бұлшықеттерге жасалуы, бір бұлшықетке 1 г асырмай енгізу керек. Лидокаинді еріткіш ретінде қолданған кезде алынған цефтриаксон ерітіндісін вена ішіне енгізуге болмайды! Лидокаинді 15 жастан асқан пациенттерде еріткіш ретінде қолданған кезде лидокаинге тері ішілік аллергиялық сынама жүргізу ұсынылады. Лидокаинді еріткіш ретінде қолданған кезде, ерітіндіні енгізер алдында пациентте лидокаинді қолдануға қарсы көрсетілімдердің бар-жоғын анықтау керек (лидокаин дәрілік препаратының қысқаша сипаттамасын қараңыз), сондай-ақ анамнездегі лидокаинге аллергиялық реакцияларды ескеру керек. Дәрілік препаратты қолдану тәсілін түсіндіру үшін медицина қызметкеріне консультацияға жүгіну бойынша ұсынымдар Препаратты қолдану жөнінде сұрақтар болса, емдеуші дәрігерге жүгініңіз.

Цефтриаксон цефтриаксонға, цефалоспориндерге немесе «Қосымша заттардың тізбесі» бөлімінде көрсетілген препараттың қосымша заттарының біріне аса жоғары сезімталдық -анамнездегі бета-лактамды бактерияға қарсы препараттарға (пенициллиндер, монобактамдар және карбапенемдер) аса жоғары сезімталдықтың ауыр реакциялары (мысалы, анафилаксиялық реакциялар) -жүрек өткізгіштігінің бұзылуы, жедел декомпенсацияланған жүрек жеткіліксіздігі Шала туылған нәрестелер: -41 аптаға дейінгіні қоса, шала туған балалар (жалпы гестациялық + хронологиялық жас) Мерзімі жетіп туылған нәрестелер (28 күндік жасқа дейін): - гипербилирубинемия (билирубиндік энцефалопатия қаупі) - нәрестелерге құрамында кальций бар ерітінділерді вена ішіне енгізу. Құрамында кальций бар ұзаққа созылатын инфузияларды қоса, құрамында кальций бар ерітінділермен вена ішілік емдеу тағайындалған немесе болжанатын жаңа туған нәрестелер (28 күнге дейін), цефтриаксон кальций тұздарының шөгуі салдарынан бүйрек пен өкпенің зақымдану қаупіне байланысты мысалы, парентеральды тамақтану кезінде. Лидокаин Ерітіндіні бұлшықет ішіне енгізер алдында еріткіш ретінде лидокаинді пайдаланған кезде пациентте лидокаинді қолдануға қарсы көрсетілімдер бар-жоғын анықтау керек («Қолдану кезінде қажетті сақтық шаралары» бөлімін қараңыз). Лидокаинді еріткіш ретінде пайдаланып алынған цефтриаксон ерітіндісін вена ішіне енгізуге болмайды.

Препаратқа жиі жағымсыз реакциялар: эозинофилия, лейкопения, тромбоцитопения, диарея, тері бөртпесі және бауыр ферменттері белсенділігінің жоғарылауы болып табылады. Жиі - стоматит, глоссит, жүрек айну, құсу, метеоризм, сұйық нәжіс, диарея Жиі емес - дәм сезудің бұзылуы - макулопапулезді бөртпе, экзантема, қышыну, дерматит, есекжем, ісіну, полиморфты экссудативті эритема Сирек - «бауыр» трансаминазалары мен сілтілі фосфатаза белсенділігінің жоғарылауы, гипербилирубинемия, гепатит, сарғаю - өт қабындағы кальций тұздары преципитациясы - эозинофилия, лейкопения, нейтропения, гранулоцитопения, анемия, гемолиздік анемия, тромбоцитопения, тромбоцитоз, лейкоцитоз, тромбопластин және протромбин уақытының ұзаруы - бас ауыруы, бас айналуы, құрысулар - анафилактоидты және анафилаксиялық реакциялар - флебит, венаішілік инъекция орнындағы ауырсыну - суперинфекция, оның ішінде жыныс жолдарының микоздары - олигурия, сарысу креатининінің ұлғаюы, глюкозурия, гематурия - қызба, қалтырау - аллергиялық пневмонит, бронхоспазм - ысынулар, жүрек соғуы, жоғары тершеңдік Өте сирек - негізінен Clostridium difficile туындатқан жалған жарғақшалы колит, панкреатит - эритема, Стивенс-Джонсон синдромы, Лайелл синдромы (уытты эпидермалық некролиз) - агранулоцитоз, қан ұюының бұзылуы - анурия, бүйрек функциясының жеткіліксіздігі, жедел тубулярлық некроз - цефтриаксон-кальцийдің бүйректе жиналуы - Кумбстың оң реакциясы Белгісіз жиілікпен - иммундық гемолиздік анемия - өліммен аяқталған гемолиз - Яриш-Герксгеймер реакциясы (JHR) - эозинофилиямен және жүйелі симптомдармен дәрілік реакция (DRESS-синдром) Инфекциялар мен инвазиялар Цефазон препаратымен емдеу кезінде Clostridium difficile туындатқан диареяның даму жағдайлары тіркелген. Клиникалық көрсетілімдерге сәйкес сұйықтық пен электролиттерді енгізе отырып, тиісті емдеу тағайындалуы тиіс. Цефтриаксонның кальций тұзы преципитаттарының түзілуі Цефазонды вена ішіне және құрамында кальций бар ерітінділерді қабылдаған жаңа туған нәрестелер аутопсиясының ( ˂ 28 күн) нәтижелері бойынша өкпе мен бүйректе преципитаттар түзілуінің сирек, ауыр, жекелеген жағдайларда фатальды көріністері сипатталған. Преципитаттардың түзілуінің жоғары қаупі ересек пациенттермен салыстырғанда қанайналымының төмен көлеміне және цефтриаксонның жартылай шығарылу кезеңінің ұзақтығына байланысты. Бүйректе преципитаттардың пайда болуы туралы көбінесе 3 жастан асқан балаларда жоғары дозаларды (мысалы, ≥ 80 мг/кг/тәул.) немесе 10 г асатын дозалар, сондай-ақ қауіп факторлары болған жағдайда (сұйықтықтарды енгізуге қарсы көрсетілімдердің болуы, төсек режимі) хабарланды. Сусыздану және төсек режимі кезінде преципитаттардың түзілу қаупі артады. Бүйректе преципитаттардың пайда болуы симптомсыз өтуі немесе клиникалық түрде көрінуі мүмкін, несепағардың тарылуына және бүйрек функциясының постренальды жедел жеткіліксіздігіне әкелуі мүмкін. Бұл жағымсыз құбылыс қайтымды сипатқа ие және препаратпен емдеуді тоқтатқаннан кейін жоғалады. Өт қабында цефтриаксонның кальций тұздары преципитаттарының түзілуі негізінен стандартты ұсынылғаннан асатын дозаларды қабылдаған пациенттерде байқалды. Өт қабында преципитаттардың пайда болуы симптомсыз өтуі немесе клиникалық түрде көрінуі мүмкін (ауырсыну, сирек: жүрек айну, құсу). Симптоматикалық емдеу ұсынылады. Өт қабында преципитаттардың түзілуі қайтымды болып табылады және емді тоқтатқаннан кейін жоғалады. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Цефтриаксон Цефтриаксонның өте жоғары плазмалық концентрациясын шығару мақсатында гемодиализ немесе перитонеальды диализ тиімсіз. Артық дозалануды емдеу симптоматикалық түрде. Еріткіштің құрамындағы лидокаин Артық дозаланудың ерте симптомдары: есінеу, парестезия (әсіресе ауыздың айналасында), ұйқышылдық, мазасыздық, бас айналу, құлақтағы шуыл, гиперакузия, көрудің бұзылуы, дизартрия және атаксия, сондай-ақ жүрек айну мен құсу. Орташа уыттану кезінде бұлшықет тартылуы немесе бұлшықет түйілуі пайда болуы мүмкін. Одан кейін естен тану, тыныс алу жеткіліксіздігі және комамен қатар жүруі мүмкін жайылған құрысулар болуы мүмкін. Ауыр жағдайларда (әдетте ОЖЖ тарапынан симптомдары дамығаннан кейін ғана) жүрек-қантамыр жүйесі тарапынан бұзылулар пайда болады. Симптомдары: артериялық гипотензия, брадикардия және аритмия. Өте ауыр уыттану жағдайында толық атриовентрикулярлық блокада және жүректің тоқтап қалуы мүмкін. Жедел жүйелік уыттылық белгілері дамыған жағдайда препаратты енгізуді дереу тоқтату керек. Спецификалық антидоты жоқ, емі симптоматикалық. Жүрек тоқтаған кезде стандартты жүрек-өкпе реанимациясына, соның ішінде ацидозды тоқтатуға кіріседі.

Аса жоғары сезімталдық реакциялары Барлық бактерияға қарсы бета-лактамдық дәрілерді қолданған кездегідей, кейде өліммен аяқталатын аса жоғары сезімталдықтың күрделі реакциялары туралы хабарланды. Аса жоғары сезімталдық реакциялары сондай-ақ миокард инфарктісіне әкелуі мүмкін күрделі аллергиялық реакция - Коунис синдромына дейін үдеуі мүмкін. Аса жоғары сезімталдықтың ауыр реакциялары дамыған жағдайда цефтриаксонмен емдеуді дереу тоқтатып, талапқа сай шұғыл шаралар қабылдау керек. Емдеу басталар алдында пациентте анамнезінде цефтриаксонға, басқа цефалоспориндерге немесе бета-лактамдық препараттардың кез келген басқа типіне аса жоғары сезімталдықтың ауыр реакциялары бар-жоғын анықтау керек. Анамнезінде басқа бета-лактамдық препараттарға ауыр емес аса жоғары сезімталдығы бар пациенттерге цефтриаксонды тағайындағанда сақ болу керек. Цефтриаксонмен емдеуге байланысты өмірге қауіп төндіретін немесе өлімге әкелетін, Стивенс-Джонсон синдромы, уытты эпидермалық некролиз, эозинофилиямен және жүйелік симптомдармен дәрілік реакция (DRESS), мультиформалы эритема және жедел жайылған экзантемалық пустулез (AGEP) сияқты терінің ауыр жағымсыз реакциялары (SCAR) байқалды; дегенмен, бұл құбылыстардың жиілігі белгісіз. Аса жоғары сезімталдық реакциялары сондай-ақ ауыр аллергиялық реакция Коунис синдромына әкелуі мүмкін. Протромбин уақытының ұзаруы Цефтриаксон протромбин уақытын арттыра алады. Егер К дәруменінің тапшылығына күдіктенген кезде протромбин уақытын бақылау ұсынылады. Гемолиздік анемия Басқа цефалоспориндерді қолданғандағыдай, Цефазон препаратымен емдеу кезінде аутоиммундық гемолиздік анемия дамуы мүмкін. Ересектер мен балаларда, оның ішінде өліммен аяқталған ауыр гемолиздік анемия жағдайлары тіркелген. Цефтриаксонмен емделіп жатқан пациентте анемия дамыған жағдайда, цефалоспоринмен астасқан анемия диагнозын жоққа шығаруға болмайды және себебін анықтағанға дейін емдеуді тоқтату қажет. Колит / сезімтал емес микроорганизмдердің шамадан тыс өсуі Бактерияға қарсы агенттермен байланысты колит және жалған жарғақшалы колит барлық дерлік бактерияға қарсы агенттермен, соның ішінде цефтриаксонмен тіркелген және ауырлық дәрежесі бойынша жеңілден өмірге қауіп төндіретін деңгейге дейін өзгеруі мүмкін. Сондықтан бұл диагнозды диареясы бар пациенттерде цефтриаксонды енгізу кезінде немесе одан кейін ескеру маңызды. Цефтриаксонмен емдеуді тоқтату және Clostridium difficile спецификалық ем тағайындау мүмкіндігін қарастыру керек. Ішек перистальтикасын тежейтін дәрілік заттарды қолдануға болмайды. Clostridium difficile- астасқан диарея (CDAD, Clostridium Difficile-Associated Diarrhea) Цефазон препаратын қоса алғанда, барлық дерлік бактерияға қарсы дәрілерді қолданумен астасқан CDAD даму жағдайлары тіркелген; CDAD жағдайлары жеңіл диареядан өлімге әкелетін колитке дейін өзгеруі мүмкін. Бактерияға қарсы препараттармен емдеу жуан ішектің қалыпты микрофлорасын бәсеңдетеді және С. difficile өсуіне түрткі болады. С. difficile CDAD патогенезінің факторлары болып табылатын А және В токсиндерін түзеді. Токсиндерді шамадан тыс өндіретін С. difficile штамдары асқынулар мен өлім қаупі жоғары инфекциялардың қоздырғыштары болып табылады, олардың микробқа қарсы еміне ықтимал төзімділігі салдарынан ем колоноэктомияны қажет етуі мүмкін. Антибиотиктерапиядан кейін диарея болған барлық пациенттерде CDAD диагнозын қарастыру керек. Анамнезді мұқият жинау қажет, өйткені бактерияға қарсы терапиядан кейін 2 айдан соң CDAD даму жағдайлары туралы хабарланған. Егер CDAD күдіктенсе немесе расталса, С. difficile-ге бағытталмаған ағымдағы антибиотикотерапияны тоқтату қажет болуы мүмкін. Клиникалық көрсетілімдер болған жағдайда сұйықтықтар мен электролиттерді, ақуыздық және С. difficile-ге қатысты тиімді бактерияға қарсы препараттарды енгізе отырып тиісті емдеу, хирургиялық ем тағайындалуы тиіс. Ішек перистальтикасын басатын препараттарды қолдануға болмайды. Суперинфекциялар Цефазон препаратын ұзақ уақыт қолданған кезде сезімтал емес қоздырғыштардың саны артуы мүмкін. Осыған байланысты пациентті мұқият бақылау қажет. Егер ем кезінде суперинфекция дамитын болса, тиісті шараларды қабылдау қажет. Құрамында кальций бар препараттармен өзара әрекеттесуі Мерзімі жетпей туған нәрестелер мен жасы 1 айлыққа дейінгі мерзімі жетіп туған нәрестелерде өкпе мен бүйректе кальций-цефтриаксонның бөлінуімен өлімге әкелетін реакциялардың жағдайлары сипатталған. Олардың кем дегенде біреуі цефтриаксон мен кальцийді әр түрлі уақытта және әр түрлі венаішілік желілер бойынша қабылдады. Қолда бар ғылыми деректерде цефтриаксон және құрамында кальций бар ерітінділермен немесе құрамында кальций бар кез келген басқа өнімдер қабылдаған жаңа туған нәрестелерден басқа, пациенттерде расталған тамырішілік шөгінділер туралы хабарламалар жоқ. In vitro зерттеулер жаңа туған нәрестелерде басқа жас топтарымен салыстырғанда цефтриаксон-кальций преципитациясының қаупі жоғары екенін көрсетті. Кез келген жастағы пациенттерде цефтриаксонды құрамында кальций бар вена ішіне енгізілетін қандай да бір ерітінділермен, тіпті инфузияның әртүрлі желілері арқылы, немесе әртүрлі орындағы инфузия болса да бір мезгілде араластыруға немесе енгізуге болмайды. Алайда, 28 күннен асқан пациенттерге цефтриаксон және құрамында кальций бар ерітінділер, егер инфузиялық желілер әртүрлі учаскелерде пайдаланылса немесе инфузиялық желілер ауыстырылса немесе құю арасында шөгінді түзілу қаупін алдын алу үшін физиологиялық ерітіндімен мұқият жуылса, бірінен соң бірі енгізілуі мүмкін. Құрамында кальций бар жалпы парентеральды қоректендіру (TPN) ерітінділерін тұрақты құюды қажет ететін пациенттерде медицина қызметкерлері шөгу қаупі болмайтын баламалы бактерияға қарсы емдеу әдістерін қолдану мүмкіндігін қарастыруы мүмкін. Егер үздіксіз тамақтануды қажет ететін пациенттерде цефтриаксонды қолдану қажет деп саналса, TPN ерітінділерін және цефтриаксонды әртүрлі инфузиялық желілерді қолдана отырып, әртүрлі орында бір уақытта енгізуге болады. Сонымен қатар, балама ретінде TPN ерітіндісінің инфузиясы цефтриаксон инфузиясы кезінде тоқтатылуы мүмкін және инфузия желілері ерітінділермен арасында жуылады. Балаларда қолдану Жаңа туған нәрестелерде, емшек еметін нәрестелерде және кішкентай жастағы балаларда Цефазон препаратының қауіпсіздігі мен тиімділігі «Қолдану тәсілі және дозалары» бөлімінде сипатталған дозалар үшін анықталды. Зерттеулер, цефтриаксонның басқа цефалоспориндер сияқты сарысулық альбуминмен байланыстан билирубинді ығыстыруы мүмкін екенін көрсетті. Цефазон препаратын жаңа туған нәрестелерде, әсіресе билирубин энцефалопатиясының даму қаупі бар шала туған нәрестелерге қолдануға болмайды. Ұзақ мерзімді емдеу Ұзақ мерзімді емдеу кезінде толық қан талдауы бірдей уақыт аралығында жүргізілуі керек. Бүйрек пен бауырдың айқын жеткіліксіздігі Бүйрек пен бауырдың ауыр жеткіліксіздігі кезінде қауіпсіздік пен тиімділікке мұқият клиникалық мониторинг жүргізу ұсынылады. Серологиялық зерттеулер Цефтриаксонмен емдеу кезінде Кумбс сынамасының, галактоземияға сынаманың, несептегі глюкозаны анықтау кезінде (глюкозурияны тек ферменттік әдіспен анықтау ұсынылады) жалған оң нәтижелер байқалуы мүмкін. Цефтриаксонның болуы қандағы глюкоза деңгейін мониторингтеудің кейбір жүйелері арқылы алынған қандағы глюкозаның бағалау мәндерін жалған төмендетуі мүмкін. Әрбір жүйе үшін пайдалану жөніндегі нұсқаулықты қараңыз. Қажет болса, тестілеудің балама әдістерін қолдану керек. Натрий мөлшері Цефазон препаратының 1 г құрамында 3.6 ммоль натрий бар. Мұны натрий бақыланатын диетадағы пациенттер ескеруі керек. Цефтриаксонның әсер ету спектрі Цефтриаксонның әсер ету спектрі шектеулі және Цефазон препаратымен монотерапия патогендік агент идентификацияланған жағдайларды қоспағанда, бактериялардың кейбір типтеріне қатысты тиімсіз болуы мүмкін. Цефтриаксонға төзімді штаммдар бар полимикробты инфекция кезінде Цефазонды басқа антибиотиктермен бір мезгілде тағайындау керек. Билиарлық литиаз Сонограммаларда көлеңкелер байқалған кезде, кальций цефтриаксонының бөліну мүмкіндігін ескеру қажет. Өтқалтадағы тастар ретінде қате қабылданған көлеңкелер өтқалта сонограммасында анықталды және цефтриаксонның күніне 1 г және одан жоғары дозаларында жиі байқалды. Педиатриялық популяцияда сақтық таныту керек. Мұндай преципитаттар цефтриаксонмен емді тоқтатқаннан кейін жоғалады. Сирек, кальций цефтриаксонның бөлінуі симптомдармен байланысты болды. Симптоматикалық жағдайларда консервативті хирургиялық емес емдеу ұсынылады және дәрігер нақты пайданың қаупін бағалау негізінде цефтриаксонмен емдеуді тоқтату мүмкіндігін қарастыруы тиіс. Билиарлық стаз Цефазон қабылдаған пациенттерде панкреатит, этиологиясы өт жолдары болуы мүмкін жағдайлары туралы хабарланды. Пациенттердің көпшілігінде билиарлы стаз және билиарлы шламның даму қаупі факторлары бар, мысалы, алдыңғы негізгі терапия, ауыр аурулар және толық парентеральды тамақтану. Цефазонмен байланысты өт шөгінділерінің триггерін немесе кофакторын жоққа шығаруға болмайды. Бүйрек литиазы Цефтриаксон қабылдауды тоқтатқаннан кейін қайтымды болатын бүйрек литиазының жағдайлары туралы хабарланды. Симптоматикалық жағдайларда сонография жасалу керек. Анамнезінде бүйрек литиазы бар немесе гиперкальциуриясы бар пациенттерде пайдалануды дәрігер нақты пайданың қаупін бағалау негізінде қарастыруы керек. Яриш-Герксгеймер реакциясы (JHR) Спирохетозды инфекциясы бар кейбір пациенттерде цефтриаксонмен емдеу басталғаннан кейін көп ұзамай Яриш-Герксгеймер (JHR) реакциясы пайда болуы мүмкін. JHR әдетте өзін-өзі шектейтін жағдай болып табылады немесе симптоматикалық еммен емделуі мүмкін. Егер мұндай реакция пайда болса, антибиотикпен емдеуді тоқтатпау керек. Энцефалопатия Цефтриаксонды қолдану кезінде энцефалопатияның дамуы, атап айтқанда, бүйректің ауыр жеткіліксіздігі немесе орталық жүйке жүйесі тарапынан бұзылуы бар егде жастағы пациенттерде хабарланды. Егер цефтриаксонды қолданумен астасқан энцефалопатияның дамуына күдік болса (симптомдарға мыналар кіруі мүмкін: сананың бұзылуы, психикалық жағдайдың өзгеруі, миоклонус, құрысулар), цефтриаксонды тоқтату қажеттілігін ескеру қажет. Лидокаин Құрамында лидокаин бар цефтриаксон ерітінділерін тек бұлшықет ішіне енгізу керек. Лидокаинді қолдануға болмайтын жағдайлар лидокаинді медициналық қолдану жөніндегі нұсқаулықта берілген. Лидокаин ерітіндісін вена ішіне енгізуге болмайды. Лидокаинді (бұлшықет ішіне енгізуге арналған еріткіште бар) миастениясы, эпилепсия, жүрек өткізгіштігінің бұзылуы, жүректің іркілісті жеткіліксіздігі, брадикардия немесе тыныстың тарылуы бар пациенттерге сақтықпен қолдану керек. Лидокаинды сондай-ақ агенттер лидокаинмен оның қолжетімділігін арттыру үшін немесе мысалы, фенитоин сияқты аддитивті әсерлер үшін өзара әрекеттесетіні немесе лидокаин метаболиттері жиналуы мүмкін бауыр немесе бүйрек функциясының жеткіліксіздігі сияқты оның жойылуын ұзартатыны белгілі болған жағдайларда сақтықпен қолданған жөн. Бұлшықет ішіне енгізілген лидокаин креатининфосфокиназа концентрациясын арттыруы мүмкін, бұл жедел миокард инфарктісін диагностикалауға кедергі келтіруі мүмкін. Лидокаин жануарларда порфириногенді екендігі дәлелденді және порфириядан зардап шегетін адамдар одан аулақ болу керек. Жаңа туған нәрестелерде құрысулар мен жүрек ырғағының бұзылуы сияқты уыттылықтың алдын алу үшін қажетті лидокаиннің сарысудағы оңтайлы концентрациясы бұл жас тобында белгісіз. Арнайы сақтандырулар Зертханалық талдау нәтижелеріне әсері Сирек жағдайларда науқастарда Цефазонмен емдеу кезінде Кумбс сынамасының жалған оң нәтижелері байқалуы мүмкін. Басқа антибиотиктер сияқты, Цефазон галактоземияға сынамаға жалған оң нәтиже бере алады. Жалған оң нәтижелерді несептегі глюкозаны анықтау кезінде де алуға болады, сондықтан Цефазонмен емдеу барысында глюкозурияны қажет болған жағдайда тек ферменттік әдіспен анықтау керек. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Цефазон препаратымен емдеу кезінде бас айналудың және көлік құралдары мен механизмдерді басқару қабілетіне әсер етуі мүмкін басқа да жағымсыз реакциялардың туындау мүмкіндігіне байланысты сақ болу керек.

Цефазон плаценталық тосқауыл арқылы өтеді. Жүктілік кезінде қолдану қауіпсіздігі анықталмаған. Жүкті әйелдерге ана үшін болжамды пайдасы шаранаға ықтимал қауіптен асып кеткен жағдайда препаратты қатаң көрсетілімдер бойынша ғана тағайындау керек. Цефазон емшек сүтіне өтеді. Анасы емдік дозаларда қолданған кезде цефтриаксонның емшек еметін балаға әсер етуі екіталай, дегенмен, диареяның, шырышты қабықтардың зеңді инфекцияларының және балада аса жоғары сезімталдық реакцияларының даму қаупін жоққа шығаруға болмайды. Бұл емшек емудің балаға тигізетін пайдасы мен ана үшін терапияның пайдасын ескере отырып, бала емізуді тоқтату немесе цефтриаксонмен емдеуді тоқтату/тоқтата тұру қажет. Цефтриаксон мен лидокаинды жүктілік кезінде және лактация кезінде қолдануға болмайды.

Цефтриаксон Рингер ерітіндісі немесе Гартман ерітіндісі сияқты құрамында кальций бар сұйылтқыштар цефтриаксон бар құтыларды сұйылту үшін немесе вена ішіне енгізуге арналған сұйылтылған құтыны одан әрі сұйылту үшін пайдаланылмауы тиіс, өйткені тұнба түзілуі мүмкін. Цефтриаксон-кальций тұнбасы цефтриаксон бір желінің құрамында кальций бар ерітінділерімен вена ішіне енгізу үшін араласқан кезде де пайда болуы мүмкін. Цефтриаксонды құрамында кальций бар вена ішіне енгізілетін ерітінділермен бір мезгілде, оның ішінде Y-сайт арқылы парентеральды тамақтану сияқты кальций бар үздіксіз инфузияларды қоса, енгізуге болмайды. Алайда, жаңа туған нәрестелерден басқа пациенттерде цефтриаксон және құрамында кальций бар ерітінділер, егер инфузия желілері үйлесімді сұйықтықпен инфузиялар арасында мұқият жуылса, бір-бірінен кезекпен енгізілуі мүмкін. Жаңа туылған нәрестелерде цефтриаксон-кальцийдің тұну қаупі жоғары. Пероральды антикоагулянттармен бір мезгілде қабылдау К дәруменіне қарсы әсерді және қан кету қаупін арттыруы мүмкін. Халықаралық қалыптасқан қатынасқа (ХҚҚ) сәйкес тұрақты мониторинг жүргізу және цефтриаксонмен емдеу кезінде де, одан кейін де К дәруменіне қарсы препараттың дозасын тиісінше түзету ұсынылады. Цефалоспориндермен бірге қолданған кезде аминогликозидтердің бүйрек уыттылығының жоғарылауы туралы қарама-қайшы деректер бар. Мұндай жағдайларда клиникалық практикада аминогликозидтер (және бүйрек функциясы) деңгейінің ұсынылатын мониторингін қатаң сақтау керек. Хлорамфениколмен және цефтриаксонмен үйлесімде антагонистік әсерлер байқалды. Цефтриаксон мен құрамында пероральды кальций бар өнімдер арасында өзара әрекеттесу туралы немесе бұлшықетішілік цефтриаксон мен құрамында кальций бар өнімдердің өзара әрекеттесуі туралы (вена ішіне немесе пероральды) хабарламалар болған жоқ. Цефтриаксон қабылдаған пациенттерде Кумбс тесті тесттің жалған оң нәтижелеріне әкелуі мүмкін. Цефтриаксон, басқа антибиотиктер сияқты, галактоземияның жалған оң тестілеріне әкелуі мүмкін. Сол сияқты, несептегі глюкозаны анықтаудың ферментативті емес әдістері жалған оң нәтиже бере алады. Осы себепті цефтриаксонмен емдеу кезінде несептегі глюкоза деңгейін анықтауды ферментативті жүргізу керек. Цефтриаксонның және күшті әсер ететін диуретиктердің (мысалы, фуросемидтің) үлкен дозаларын бір мезгілде қабылдағаннан кейін бүйрек функциясының бұзылуы байқалмады. Пробенецидті бір мезгілде енгізу цефтриаксонның элиминациясын төмендетпейді.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 °С-ден аспайтын температурада сақтау керек. Қалпына келтірілген ерітінді 25 °С-ден аспайтын температурада 6 сағат бойы немесе 2 °С-ден 8 °С -ге дейінгі температурада 24 сағат бойы тұрақты. Балалардың қолы жетпейтін жерде сақтау керек!