ТРОКСИГЕЛ® гель 2 %

100 грамм гельдің құрамында белсенді зат - троксерутин, 2.00 г, қосымша заттар: карбомер, троламин, динатрий эдетаты, бензалконий хлориді, тазартылған су. Сыртқы түрінің, иісінің, дәмінің сипаттамасы Иіссіз, сарыдан сарғыш-жасылға дейінгі біркелкі мөлдір гель.

• созылмалы веналық жеткіліксіздікке байланысты ауыру мен ісінулерде • аяқта ауырлық пен ауыруды сезінуде • жарақат сипатындағы ауырулар мен ісінулерде (оның ішінде бұлшықет жарақаты, созылулар немесе шығып кетулер) • веналар склеротерапиясынан кейінгі ауырсыну

Әсер ету механизмі Троксерутин - флавоноид (рутин туындысы), Р-дәрумендік белсенділікке ие; вена тонустық, вена протекторлық, ісінуге қарсы, антиоксидантты және қабынуға қарсы әсер етеді. Тотығу-тотықсыздану үдерісіне қатысады, гиалуронидазаны бөгейді, жасуша қабықтарының гиалурон қышқылын тұрақтандырады және капиллярлар өткізгіштігі мен сынғыштығын азайтып, олардың тонусын жоғарылатады. Тамыр қабырғалары тығыздығын арттырады, плазманың сұйық бөлігі экссудациясы мен қан жасушалары диапедездерін азайтады. Тамыр қабырғасында беткейіне тромбоциттердің жабысуын шектей отырып, қабынуды төмендетеді. Уытты емес, емдік әсерінің ауқымы кең.

Дозалау режимі Гельді таңертең және кешке теріге толық сіңгенге дейін төменнен жоғары қарай жеңіл уқалап, зақымданған аймаққа жағу керек. Пациент қандай да бір себеппен препаратты пайдалануды өткізіп алған жағдайда, екі емдеу сеансы арасында кем дегенде 10-12 сағат аралықты сақтап, кез келген уақытта жағуына болады. Препараттың дозасы зақымдалған беткейдің аймағына байланысты, бірақ 3-4 см гельден (1,5-2 г) аспауы керек. Қажеттілігіне қарай бинт немесе эластикалық шұлықтың астына жағуға болады. Емдеу курсы 2 аптадан 1-2 айға дейін. Аурудың қайталануы кезінде емдеу курсын жылына 2-3 рет қайталауға болады. Енгізу әдісі мен жолы Гель сыртқа қолдануға арналған.

• әсер етуші затқа немесе қосымша заттардың кез келгеніне аса жоғары сезімталдық • жүктілік (I триместр) • тері жабыны бүтіндігінің бұзылуында.

Сирек • терінің қызаруы, қышыну, бөртпе. Осы симптомдар емдеуді тоқтатқаннан кейін тез кетеді. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Байқамай гельдің көп мөлшерін жұтып қойған жағдайда, ауыз қуысы мен асқазанды шаю керек; қажет болғанда симптоматикалық ем тағайындалады.

Арнайы ескертулер Гельді тек зақымдалмаған беткейге жағу керек. Гельді ашық жараларға, шырышты қабықтарға, көзге тигізбеу керек! Препаратты қолданғаннан кейін қолды жуу керек. Созылмалы веналық жеткіліксіздігі бар пациенттерге аурудың бастапқы және кейінгі кезеңдерінде қолдану ұсынылады. Қан тамырларының өткізгіштігінің жоғарылауымен сипатталатын жағдайларда (оның ішінде скарлатина, тұмау, қызылша, аллергиялық реакциялар) әсерді күшейту үшін аскорбин қышқылымен бірге қолданылады. Қосымша заттар Осы дәрілік препараттың құрамында тері реакцияларын тудыруы мүмкін 0.20 г бензалконий хлориді бар. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты қолдану жоғары зейін қоюды және психомоторлық реакциялардың жылдамдығын талап ететін қауіптілігі зор қызмет түрлерін орындау қабілетіне әсер етпейді.

Шаранаға және жаңа туған нәрестелерге жағымсыз әсері туралы деректер жоқ. Дәрілік препаратты жүктіліктің екінші және үшінші триместрінде, сондай-ақ бала емізу кезеңінде қолдануға болады.

Белгісіз.

Сақтау мерзімі 5 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!