Тресиба® ФлексТач® раствор 100 единиц действия/мл

Нұсқаулықта көрсетілмеген.

Тресиба® ФлексТач® препараты инсулин деглудек деп аталатын ұзақ әсер ететін негіздік инсулин түрінде болады. Оны ересектер, жасөспірімдер және 1 жасқа толған және одан үлкен балаларда қант диабетін емдеуге қолданады. Тресиба® ФлексТач® препараты қандағы қант деңгейін төмендетуге көмектеседі. Ол тәулігіне бір рет қабылданады.

Нұсқаулықта көрсетілмеген.

Аталған дәрілік препаратты үнемі дәрігердің тағайындауына сәйкес қолданыңыз. Егер бір нәрсеге сенімсіз болсаңыз, дәрігеріңізбен, фармацевт немесе медбикемен кеңесіңіз. Егер көрмесеңіз немесе көруіңіз нашар болса және шприц-қаламдағы доза есептегіш көрсеткіштерін оқи алмасаңыз, осы шприц-қаламды бөгденің көмегінсіз пайдаланбаңыз. Алдын ала толтырылған ФлексТач® шприц- қаламын қолдануға арнайы үйретілген көру қабілеті жақсы адамның көмегін пайдаланыңыз. Алдын ала толтырылған шприц-қаламдағы Тресиба® ФлексТач® препараты екі түрлі дозалаумен шығарылады. Шприц-қалам заттаңбасына және қаптамасына «Тресиба® ФлексТач® 100 ӘБ/мл» таңбасы анық түсірілген. Тресиба® ФлексТач® 100 ӘБ/мл препаратының қаптамасы мен заттаңбасы ашық жасыл түсті, дәрілік түрінің дозалары қоршауда көрсетілген. Қажетті доза бірліктермен өлшенеді. Алайда, Тресиба® ФлексТач® препаратының әртүрлі дозалары үшін бірліктер санын өлшеп алатын доза есептегіш қадамдары бір-бірінен ерекшеленеді. 100 ӘБ/мл алдын ала толтырылған шприц-қалам көмегімен 1 бірлік қадаммен бір инъекция үшін 1–80 бірлік дозаны енгізуге болады. Алдын ала толтырылған шприц-қаламның дозалар дисплейінде енгізілу қажет инсулин бірліктерінің саны көрсетілген. Дозаны артық есептеп қоймаңыз. Әдетте,дозалаурежимінұстанаалмайтынжағдайларда,Тресиба® ФлексТач® препаратықандағы қант деңгейін төмендетуге ұзақ уақыт әсер ететіндіктен,препараттыенгізууақытынөзгертуге болады («Енгізу уақытын өзгерту» бөлімін қараңыз). Тресиба® ФлексТач® препаратын ас ішу кезінде енгізілетін жылдам әсер ететін инсулин препараттарымен қолдануға болады. 2 типті қант диабетінде Тресиба® ФлексТач® препаратын қант диабетін емдеуге арналған таблеткалармен немесе құрамында инсулин жоқ инъекцияға арналған гипогликемиялық дәрілік препараттармен біріктірілімде қолдануға болады. 1 типті қант диабетінде Тресиба® ФлексТач® препаратын үнемі ас ішу кезінде енгізілетін жылдам әсер ететін инсулин препараттарымен біріктіріп қолдану қажет. Дәрігеріңіз пациентпен бірге шешеді: • Тресиба® ФлексТач® препараты күн сайын қандай мөлшерде қажет болатынын • Қандағы қант деңгейін қашан тексеру керек екенін, ал өте жоғары немесе өте төмен дозаның қайсысы қажет болатынын. Енгізу уақытын өзгерту • Дозаны таңдау бойынша дәрігер нұсқауларын үнемі қадағалаңыз. • Тресиба® ФлексТач® препаратын, дұрысы, күн сайын белгілі бір уақытта тәулігіне бір рет қолданыңыз. • Тресиба® ФлексТач® препаратын белгілі бір уақытта қолдану мүмкін болмайтынжағдайлардаоныбасқауақыттаенгізугеболады. Препаратты енгізулер арасындағы үзілістің, кем дегенде, 8 сағат болғанына көз жеткізіңіз. Балалар мен жасөспірімдерде Тресиба® ФлексТач® препаратын енгізу уақытын өзгерту тәжірибесі жоқ. • Егер ұстанатын әдеттегі диетаны өзгерткіңіз келсе, диетаны өзгерту инсулин қажеттілігін өзгертіп жіберуі мүмкін екендіктен, дәрігермен, фармацевт немесе медбикемен кеңесу керек. Дәрігер қаныңыздағы қант деңгейі негізінде дозаны өзгерте алады. Басқа дәрілік препараттарды қолданғанда дәрігерден препарат дозасын өзгерту қажеттілігінің бар-жоғын сұрап біліңіз. Ерекше топтағы пациенттер Балалар мен жасөспірімдер Тресиба® ФлексТач® препаратын жасөспірімдер мен 1 жастан асқан балаларда қолдануға болады. Тресиба® ФлексТач® препаратын 1 жасқа дейінгі балаларда қолдану тәжірибесі жоқ. Егде жастағы (65 жастағы және одан асқан) пациенттерде қолдану Тресиба® ФлексТач® препаратын егде жастағы пациенттерде қолдануға болады, бірақ егде жастағы адам болсаңыз, қандағы қант деңгейін жиірек тексерту керек болуы мүмкін. Дозаны өзгертуге қатысты дәрігермен кеңесу керек. Егер бүйрек немесе бауыр кінәраттары болса Егер бүйрек немесе бауыр кінәраттары бар болса, қандағы қант деңгейін жиірек тексерту қажет болуы мүмкін. Дозаны өзгертуге қатысты дәрігермен кеңесу керек. Дәрілік препаратты енгізу Тресиба® ФлексТач® дәрілік препаратын алғаш қолданар алдында дәрігеріңіз немесе медбике алдын ала толтырылған шприц-қаламды қалай пайдалану керек екенін көрсетеді. • Тура сол 100 ӘБ/мл Тресиба® ФлексТач® препараты екеніне көз жеткізу үшін шприц-қалам заттаңбасындағы атауы мен дозасын тексеру керек. Тресиба® ФлексТач® препаратын қолданбаңыз • инсулинді инфузиялық помпа көмегімен • егер шприц-қалам бүлінген немесе ол талапқа сай емес жағдайларда сақталған болса («Сақтау шарттары» бөлімін қараңыз) • егер инсулин мөлдір немесе түссіз болып көрінбесе. Енгізу әдісі және жолы • Тресиба® ФлексТач® препараты инъекция түрінде тері астына енгізіледі (теріастылық инъекция). Венаға немесе бұлшықетке енгізбеңіз. • Препарат енгізуге арналған ең үздік орын жамбастың, иықтың алдыңғы бөлігі немесе құрсақ қабырғасының алдыңғы жағы (іш) болып табылады. • Терінің домбығып немесе ойылып кетуінің даму қаупін төмендету үшін енгізу аумағының шегінде күн сайын енгізілетін жерді өзгертіңіз («ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар» бөлімін қараңыз). • Әрбір инъекция үшін үнемі жаңа инені пайдаланыңыз. Инелерді қайта пайдалану олардың бөгеттеліп қалуына әкелуі мүмкін, бұл олардың нақты дозаланбауына алып келеді. Әр пайдаланудан кейін қауіпсіздік шараларын қадағалай отырып, инені жойып жіберіңіз. • Қате дозалауға және артық дозалану мүмкіндігіне жол бермеу үшін шприц-қаламнан ерітіндіні шығарып алу үшін шприцті пайдаланбаңыз. Қолдану жөніндегі толық нұсқаулықтар осы қосымша парақтың екінші жағында ұсынылған. Дәрілік препараттың бір немесе бірнеше дозасын өткізіп алу кезіндегі қажетті шаралар Дозаны өткізіп алған кезде препаратты енгізулер арасында, кем дегенде, 8 сағат үзілісті қамтамасыз ете отырып, өткізіп алған дозаны дереу енгізу қажет. Егер келесі дозаны енгізу қажет болатын тұста бұрынғы дозаны өткізу керек, өзіңізге әдеттегі енгізу кестесін ұстаныңыз, екі есе дозасын енгізбеңіз, ал препаратты тәулігіне бір рет енгізу кестесін жаңғырту керек. Тоқтату симптомдары қаупінің болуына көрсетілім Дәрігердің кеңесінсіз инсулинмен емделуді тоқтатпаңыз. Егер инсулин қолдануды тоқтатсаңыз, бұл қандағы қант деңгейінің өте жоғары деңгейіне және кетоацидозға (қанда қышқыл өте көп болатын жағдай) алып келуі мүмкін, ұсынымды «Қандағы тым жоғары қант деңгейі» деген бөлімде қараңыз.

• осы дәрілік препараттың әсер етуші затына немесе қосымша заттардың кез келгеніне аса жоғары сезімталдық («Дәрілік препарат құрамы» бөлімінде тізбеленген) • 1 жасқа дейінгі балалар.

Барлық дәрілік препараттар сияқты, аталған дәрілік препарат, олардың дамуы бәрінде бірдей болмаса да, жағымсыз әсерлер туғызуы мүмкін. Атап көрсетілген барлық жағымсыз реакциялар клиникалық зерттеулер барысында алынған деректерге негізделген және Медициналық реттеу қызметіне арналған сөздіктің (MedDRA) жүйе-ағза кластарына сәйкес топтастырылған. Кездесу жиілігінің санаттары келесі жіктеуге сәйкес белгіленеді: өте жиі (≥1/10), жиі (≥1/100-ден <1/10 дейін), жиі емес (≥1/1000-нан <1/100 дейін), сирек (≥1/10000-нан <1/1000 дейін), өте сирек (<1/10000), белгісіз (қолда бар деректер негізінде бағалау мүмкін емес). Инсулинмен емдеу кезінде гипогликемия (қандағы тым төмен қант деңгейі) өте жиі дамуы мүмкін (10 адамның 1-нен көп білінуі мүмкін). Бұл өте күрделі болуы мүмкін. Егер қандағы қант деңгейі тым төмен түсіп кетсе, есіңізді жоғалтуыңыз мүмкін. Күрделі гипогликемия ми зақымдануын тудыруы мүмкін және өмірге қатер төндіруі мүмкін. Егер қандағы төмен қант деңгейінің симптомдары білінсе, оны арттыру үшін шұғыл шаралар қабылдаңыз. Ұсынымдарды төмендегі «Қандағы тым төмен қант деңгейі» бөлімінен қараңыз. Егер инсулинге немесе Тресиба® ФлексТач® препаратының кез келген ингредиенттеріне күрделі аллергиялық реакция дамыса (сирек жағдайларда білінеді), осы дәрілік препаратпен емдеуді тоқтату керек, дереу дәрігерге қаралу керек. Күрделі аллергиялық реакция белгілері: • жергілікті реакциялардың басқа дене бөліктеріне таралуы • кенеттен шектен тыс терлеп кетумен болатын нашар хал-ахуал • жүрек айнудың (құсудың) пайда болуы • тыныстың тарылуы болса • жүректің жиі соғуы немесе бас айналу болса. Инъекция орнындағы тері өзгерістері. Инсулинді бір ғана бөлікке көп рет енгізу май тінінің жұқаруына (липоатрофия) немесе қатаюына (липогипертрофия) әкелуі мүмкін (1 000 пациенттің 1–10 бөлігінде дамиды). Бұдан бөлек, амилоид ақуызының жиналуынан тері астында тығыз қабаттар (даму жиілігі белгісіз терілік амилоидоз) түзілуі мүмкін. Тері астында тығыз қабаттарға, терісі жұқарып немесе қатайып кеткен жерлерге инсулин енгізу препарат тиімділігінің төмендеуіне әкелуі мүмкін. Осындай тері өзгерістерінің дамуын болдырмас үшін препаратты әр енгізу алдында инъекция орнын ауыстыру керек. Басқа жағымсыз реакцияларға қатысты: Жиі Жергілікті реакциялар: препаратты енгізетін орында жергілікті реакциялар дамуы мүмкін. Осындай белгілер ауыру, қызару, есекжем, ісіну және қышынуды қамтуы мүмкін. Осы реакциялар, әдетте, бірнеше күн өткен соң басылады. Егер олар бірнеше апта ішінде басылмаса, дәрігерге қаралыңыз. Реакциялар күрделі бола бастаса, Тресиба® ФлексТач® препаратын қолдануды тоқтатыңыз және дереу дәрігерге қаралыңыз. Толығырақ ақпаратты жоғарыдағы «Күрделі аллергиялық реакциялар» бөлімінен қараңыз. Жиі емес Буындардың ісіп кетуі: дәрілік препаратты алғаш қолдана бастасаңыз, организмде қажетті мөлшерден де көп су іркілісі болуы мүмкін. Бұл тізе- табан және басқа буындар аумағында ісінуді туындатады. Осындай әсер ұзаққа созылмайды. Сирек Аталған дәрілік препарат есекжем, тіл мен еріннің ісінуі, диарея, жүрек айну, қажу және қышыну сияқты аллергиялық реакциялар туғызуы мүмкін. Қант диабетін емдеудің жалпы әсерлері • қандағы тым төмен қант деңгейі (гипогликемия) Қанда қант деңгейі тым төмен болуы мүмкін, егер: • алкоголь тұтынсаңыз; • инсулинді тым көп қолдансаңыз; • дене жүктемесі әдеттегіден көп болса; • тым аз тамақтансаңыз немесе ас ішу уақытын өткізіп алсаңыз. Қандағы тым төмен қант деңгейінің хабаршы-симптомдары күтпеген жерден туындауы мүмкін және мыналарды қамтиды: Бас ауыру, түсініксіз сөйлеу, жүректің жиі соғуы, суық тер, терінің тоңазуы және бозаруы, талмаурауды сезіну, қатты ашығу сезімі, тремор немесе күйгелектік немесе мазасыздық сезімі, әдеттен тыс қалжырау, әлсіздік және ұйқышылдық, сананың шатасуы, зейін қоюдың қиындап кетуі, зейін қоюдың қысқа мерзімді бұзылуы. Егер қаныңызда қант деңгейі тым төмен болса, не істеу керек • Глюкоза таблеткасын немесе кәмпит, тоқаш сияқты қант мөлшері жоғары басқа тіскебасар дәмді жеңіз немесе жеміс шырынын ішіңіз (қандай жағдай үшін де жай ғана глюкоза таблеткасын немесе құрамында қант көп басқа тіскебасар дәмді үнемі өзіңізбен алып жүріңіз). • Егер бұл мүмкін болса, қандағы қант деңгейін өлшетіңіз және демалып алыңыз. Қандағы қант деңгейін бір реттен де көп өлшеу керек болуы мүмкін, өйткені, барлық негіздік инсулин препараттарын қолданған жағдайдағы сияқты, жақсару қандағы төмен қант деңгейі анықталған сәттен кешірек басталуы мүмкін. • Қандағы тым төмен қант деңгейінің белгілері басылатын сәтке дейін немесе қаныңызда қант деңгейі қалыпқа түскенше күте тұрыңыз. Артынан әдеттегі инсулин дозасын енгізіңіз. Егер естен танып қалсаңыз, басқалар не істеуі қажет Өзіңіз бірге уақыт өткізгендердің бәріне Сізде қант диабеті барын айтыңыз. Естен тану қаупін қоса, қант деңгейі тым қатты түсіп кетсе, не болуы мүмкін екенін айтыңыз. Егер естен танып қалсаңыз, оларға не істеу қажеттігін айтыңыз: • бүйір жақпен жатқызу • медициналық жәрдемге жедел жүгіну • тұншығып қалуыңыз мүмкін екендіктен, тамақ немесе сусын бермеу. Сіз глюкагон инъекциясы жасалған жағдайда тезірек өзіңізге келе аласыз. Оны қалай салу керегін білетін адам ғана жасай алады. • Егер Сізге глюкагон енгізсе, Сіз өзіңізге келген бойда, Сізге қант немесе қанты бар тіскебасар дәм керек болады. • Егер Сізде глюкагон инъекциясына жауап болмаса, Сізге ауруханада емделу қажет. • Егер қандағы қант деңгейінің ауыр төмендеуі ұзақ уақыт бойы емделмесе, бұл ми зақымдануына алып келуі мүмкін. Осы әсері қысқа мерзімді де, ұзақ мерзімді де болуы мүмкін. Ол тіпті өлімге де әкелуі мүмкін. Дәрігермен кеңесіну керексіз, егер: • қант деңгейі естен танып қалатындай сонша төмендеп кетсе • глюкагон инъекциясы жасалса • соңғы уақытта қандағы қант деңгейі тым қатты түсіп кеткен бірнеше жағдай болса. Бұл инсулин дозасын немесе инъекциялау уақытын, ас ішу немесе дене жүктемесін түзету керектігі себепті қажет. • Қандағы тым жоғары қант деңгейі (гипергликемия) Қандағы қант деңгейі тым жоғары болуы мүмкін, егер әдеттегіден көбірек жеп қойсаңыз немесе дене белсенділігін аз танытсаңыз; инфекция немесе қызба туындаса; инсулин жеткілікті мөлшерде енгізілмесе; инсулин енгізу әдеттегіден аз жалғасса; дәрігермен кеңесіп алмай, инсулин енгізу ұмытылса немесе инсулин енгізу тоқтатылса. Қандағы тым жоғары қант деңгейінің хабаршы-симптомдары күтпеген жерден туындауы мүмкін және мыналарды қамтиды: Бетке қан тебу, терінің құрғап кетуі, ұйқышылдық немесе қалжырау, ауыз кеберсуі, ауыздан шығатын шырын иісі (ацетон иісі), несеп шығарудың жиілеуі, шөлдеу сезімі, тәбет жоғалту, талмаураған күй (жүрек айну немесе құсу). Олар кетоацидоз деп аталатын өте ауыр жай-күй белгілері болуы мүмкін. Организм қант орнына майды ыдырататындықтан, ол қанда қышқыл түзілуі түрінде болуы мүмкін. Егер осы жай-күй емделмесе, ол диабеттік комаға, нәтижесінде өлімге әкелуі мүмкін. Егер қаныңызда қант деңгейі тым жоғары болса, не істеу керек • Қандағы қант деңгейін тексертіңіз. • Несепте кетон денелерінің бар-жоғын тексертіңіз. • Медициналық жәрдемге жедел жүгініңіз. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық жәнефармацевтикалықбақылаукомитеті«Дәрілікзаттармен медициналық бұйымдарды сараптау ұлттық орталығы» ШЖҚ РМК http://www.ndda.kz Қосымша мәліметтер Дәрілік препарат құрамы Бір мл ерітіндінің құрамында белсенді зат – инсулин деглудек*, 100 ӘБ/мл (3,66 мг баламалы) * SaccharomycescerevisiaeштаммпайдаланылатынрекомбинанттыДНҚ биотехнологиясын қолданумен өндіріледі. қосымша заттар: глицерол, метакрезол, фенол, мырыш ацетаты, хлорлы сутек қышқылы, натрий гидроксиді (рН мәнін түзету үшін), инъекцияға арналған су. Әр алдын ала толтырылған шприц-қалам/картридж (3 мл) ішінде 300 инсулин деглудек бірлігі (ӘБ) бар. Сыртқы түрінің, иісінің, дәмінің сипаттамасы Тресиба® ФлексТач® препараты алдын ала толтырылған шприц-қаламдағы (300 ӘБ/3 мл) мөлдір және түссіз ерітінді түрінде болады.

Егер инсулиннің тым көп мөлшерін енгізіп қойсаңыз, қандағы қант деңгейі өте қатты түсіп кетуі мүмкін (гипогликемия), «Қандағы тым төмен қант деңгейі» деген ұсыныстарды қараңыз.

Тресиба® ФлексТач® препаратын қолданар алдында дәрігермен, фармацевт немесе медбикемен кеңесіп алыңыз. Келесі жағдайларда сақтық шарасын қадағалаңыз: • Қандағы төмен қант деңгейі (гипогликемия) – егер қаныңызда қант деңгейі тым төмен болса, «ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар» бөлімінде сипатталған қанда қант деңгейі төмендеген жағдайға қатысты нұсқауларды қадағалаңыз. • Қандағы жоғары қант деңгейі (гипергликемия) – егер қаныңызда қант деңгейі тым жоғары болса, «ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар» бөлімінде сипатталған қанда қант деңгейі көтерілген жағдайға қатысты нұсқауларды қадағалаңыз. • Инсулиннің басқа дәрілік препараттарынан ауысу – егер басқа типті, сауда белгісі немесе өндірушісі басқа инсулиннен ауыссаңыз, инсулин дозасын түзету керек болуы мүмкін. Дәрігермен кеңесіңіз. • Тиазолидиндиондардыбірмезгілдеқолданғанда («Тиазолидиндиондар» бөлімін қараңыз). • Көру мүшесі тарапынан бұзылу – қандағы қант деңгейін бақылаудың жылдам жақсаруы қант тудыратын көру мүшесі тарапынан бұзылулардың уақытша нашарлауына әкелуі мүмкін. Егер көз кінәраттары бар болса, дәрігермен кеңесіңіз. • Инсулин типін дұрыс пайдаланғаныңызға көз жеткізу үшін Тресиба® ФлексТач® препаратының әртүрлі дозаларының, сондай-ақ басқа инсулин препараттарының арасындағы кездейсоқ шатасуды болдырмас үшін инсулин қаптамасындағы заттаңбаны үнемі тексеріңіз. Егер көруіңіз шамалы болса, «Қолдану жөніндегі нұсқаулар» бөлімін оқып шығыңыз. Инъекция орнындағы тері өзгерістері Терінің қатайып немесе жұқарып кетуіне әкелетін тері астындағы шелмай тінінің өзгерістеріне, тері астында тығыз қабаттар түзілуіне және басқа бұзылуларға жол бермеу үшін инъекция орнын мезгіл-мезгіл ауыстырып отыру керек. Тері астында тығызданған, терісі жұқарған немесе қатайған бөліктерге инсулин енгізу препарат тиімділігінің төмендеуіне әкелуі мүмкін («Қолдану жөніндегі нұсқаулар» бөлімін қараңыз). Инъекция орнындағы терінің кез келген өзгерістерінде дәрігермен кеңесіңіз. Егер қазіргі уақытта препаратты осылай зақымданған жерлерге енгізсеңіз, инъекция орнын ауыстырар алдында бұл жөнінде дәрігерге мәлімдеңіз. Дәрігер қандағы глюкоза деңгейін өте мұқият бақылау мен инсулин немесе басқа гипогликемиялық препарат дозасын түзетуді тағайындай алады. Арнайы сақтандырулар Тресиба® ФлексТач® препараты және алкоголь Егер алкоголь тұтынсаңыз, инсулин қажеттілігі өзгеруі мүмкін. Қаныңызда қант деңгейі не көтеріліп, не түсіп кетуі мүмкін. Сондықтан қандағы қант деңгейін әдеттегіден жиірек бақылап отыру қажет. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Қандағы қант деңгейінің тым төмен немесе тым жоғары болуы көлік құралдарын басқару немесе аспаптармен әлде механизмдермен жұмыс істеу қабілетіңізге жайсыз ықпал етуі мүмкін. Егер қандағы қант деңгейі тым төмен немесе тым жоғары болса, зейін қою немесе шапшаң назар аудару қабілетіңізге нұқсан келуі мүмкін. Бұл немесе айналаңыздағы адамдарға қауіпті болуы мүмкін. Дәрігеріңізден мынаны сұраңыз, көлік құралдарын басқара аласыз ба, егер: • қандағы қант деңгейінің тым төмендеп кетуі жиі болса • қандағы қант деңгейінің тым қатты түсіп кеткенін айыру қиын болса. Натрий мөлшері Тресиба® ФлексТач® препаратында 1 ммоль (23 мг) мөлшерінен аз натрий/доза бар, яғни оның құрамында натрий мүлде жоқ деуге болады.

Егер жүкті болсаңыз (жүкті болуыңыз мүмкін деп санасаңыз немесе бала тууды жоспарласаңыз) немесе бала емізіп жүрсеңіз, осы дәрілік препаратты қолданар алдында өз дәрігеріңізбен немесе фармацевтпен кеңесіңіз. Жүктілік кезінде және босанудан соң инсулин дозасын түзету қажет болуы мүмкін. Жүктілік уақытында қант диабетін мұқият бақылау қажет. Сәбиіңіздің саулығы үшін қандағы қант деңгейін тым қатты төмендетіп алмау (гипогликемия) ерекше маңызды.

Егер басқа дәрілік препараттарды қабылдап жүрсеңіз, таяуда қабылдасаңыз немесе қабылдауыңыз мүмкін болса, дәрігеріңізбен, фармацевт немесе медбикемен хабарласыңыз. Кейбір дәрілік препараттар қандағы қант деңгейіне ықпалын тигізеді, соның салдарынан инсулин дозасын түзету қажет болуы мүмкін. Инсулинмен еміңізге ықпал ете алатын ең кең таралған дәрілік препараттар төменде тізбеленген. Егер мыналарды қолдансаңыз, қаныңызда қант деңгейі күрт төмендеп кетуі мүмкін (гипогликемия): • қант диабетін емдеуге арналған басқа дәрілік препараттар (ішуге және инъекцияға арналған) • инъекциялық сульфаниламидтер • тестостерон сияқты анаболикалық стероидтар • бета-блокаторлар – жоғары артериялық қысымды төмендету үшін. Қандағы тым төмен қант деңгейінен сақтандыратын белгілерді айыру қиын болуы мүмкін («Қандағы тым төмен қант деңгейінің хабаршы- симптомдары» бөлімін қараңыз) • ацетилсалицил қышқылы (және басқа салицилаттар) – ауырсынуды жеңілдетуге және жеңіл қызбаға арналған • моноаминоксидаза (МАО) тежегіштері – депрессияны емдеу үшін • ангиотензин өзгертуші фермент (АӨФ) тежегіштері – кейбір жүрек ауруларын немесе жоғары артериялық қысымды емдеу үшін. Егер мыналарды қолдансаңыз, қаныңызда қант деңгейі күрт көтеріліп кетуі мүмкін (гипергликемия): • даназол – эндометриозды емдеу үшін • пероральді контрацептивтер – ұрықтануға қарсы таблеткалар • қалқанша без гормондары – қалқанша без ауруларын емдеу үшін • өсу гормоны – өсу гормоны тапшылығын жою үшін • глюкокортикоидтар, кортизонды қоса – қабынуды емдеу үшін • симпатомиметиктер,эпинефрин(адреналин),сальбутамолнемесе тербуталин сияқты – бронх демікпесін емдеу үшін • тиазидті диуретиктер – жоғары артериялық қысымды емдеу үшін немесе организміңізде тым көп мөлшерде сұйықтық кідірісі (сұйықтық іркілісі) болған жағдайда. Октреотид және ланреотид – өсу гормонының тым көп мөлшерде өндірілуіне (акромегалия) әкелетін сирек ауруды емдеуге қолданылады. Олар қаныңыздағы қант деңгейін көтеріп немесе түсіріп жіберуі мүмкін. Тиазолидиндиондар – 2 типті қант диабетін емдеуге қолданылатын ішуге арналған гипогликемиялық дәрілік препараттар. Тиазолидиндиондармен және инсулинмен емделіп жүрген ұзаққа созылатын 2 типті қант диабеті және жүрек ауруы бар әлде бұрын инсульт өткерген кейбір пациенттерде жүрек жеткіліксіздігінің дамуы болды. Егер әдеттен тыс ентігу, дене салмағын жылдам жинау немесе бір жерде шоғырланған домбығу (ісіну) сияқты жүрек жеткіліксіздігінің белгілері білінсе, дереу дәрігерге хабарласу керек. Егер жоғарыда сипатталғандардың қайсысы болса да, қатысты болса (әлде сенімді болмасаңыз), дәрігерге, фармацевт немесе медбикеге хабарласу керек.

Сақтау мерзімі 30 ай Аталған дәрілік препаратты шприц-қалам заттаңбасында көрсетілген жарамдылық мерзімі өткеннен кейін және картон қорапшадағы «дейін жарамды» деген сөзден кейін пайдаланбаңыз. Жарамдылық мерзімінің өткен күні көрсетілген айдың соңғы күні болып табылады. Сақтау шарттары Осы препаратты балалардың қолы жетпейтін жерде сақтаңыз. 2°C-ден 8°C-ге дейінгі температурада (тоңазытқышта) сақтау керек. Салқындататын элементтің қасында сақтауға болмайды. Мұздатып қатыруға болмайды. Жарықтан қорғау үшін шприц-қаламды жабық қалпақшамен сақтау керек. Алғашқы ашылуынан кейін Тресиба® ФлексТач® препаратын, алдын ала толтырылған шприц-қаламды (ФлексТач®) үнемі өзіңізбен бірге алып жүріп, оны бөлме температурасында (30°C-ден аспайтын температурада) немесе тоңазытқышта (2°C–8°C температурада) 8 аптаға дейін сақтай аласыз. Дәрілік препараттарды ешқашан кәріз жүйесіне немесе тұрмыс қалдықтарымен бірге тастамаңыз. Енді керек болмайтын дәрілік препараттарды қалай тастау керегін фармацевтіңізден біліңіз. Осы шаралар қоршаған ортаны қорғауға көмектеседі.