Теканафин спрей 10 мг/мл

1 мл препарат құрамында белсенді зат - нафтифин гидрохлориді 10 мг, қосымша заттар: этанол 96 %, пропиленгликоль, тазартылған су. Сыртқы түрінің, иісінің, дәмінің сипаттамасы Мөлдір түссіз ерітінді.

Ересектердегі табанның зеңдік инфекцияларын жергілікті емдеуде.

Теканафин спрей - сыртқа қолдануға арналған зеңге қарсы дәрі. Нафтифин дерматофиттерге (Trichophyton spp., Microsporum spp. және Epidermophyton spp. секілді), ашытқы зеңдерге (Candida spp., Pityriasis versicolor), өңезді зеңдерге (Aspergillus spp.) және басқаларына (мысалы, Sporothrix schenkii) қарсы тиімді. Нафтифин дерматофиттерге және Aspergillus spp. in vitro жағдайларында фунгицидтік әсер етеді. Дерматофиттер мен аспергиллге қатысты нафтифин фунгицидтік әсер етеді. Ашытқы зеңдерге қатысты препарат микроорганизм штаммына байланысты фунгицидтік немесе фунгистатикалық белсенділікті көрсетеді. Ол сондай-ақ микоздармен жиі қатар жүретін грамоң және грамтеріс микроорганизмдерге қарсы бактерияға қарсы белсенділікті көрсетеді. Клиникалық қолдану кезінде нафтифиннің қабынуға қарсы әсері байқалды, соның арқасында қабыну белгілері, әсіресе қышыну тез жоғалады.

Дозалау режимі Теканафин спрейін тазартылған және мұқият құрғатылған зақымдалған тері аумағына күніне 1 рет бүркиді. Спрейдің жеткілікті мөлшерін терінің өңделетін жерлеріне және зақымдалған аумақтың шегінен 2 см-ға ары дені сау теріге бүркиді. Инфекцияның қайталануын болдырмау үшін емдеу клиникалық қалпына келтіруден кейін кем дегенде 1-2 апта бойы жалғасады. Емдеудің жалпы ұзақтығы инфекцияны туындататын зеңдердің типіне, инфекцияның орналасуына және ауырлық дәрежесіне байланысты. Пациенттердің ерекше топтары Бүйрек немесе бауыр жеткіліксіздігі бар пациенттер: деректер жоқ. Егде жастағы пациенттер: деректер жоқ. Балалар мен жасөспірімдер: балалар мен 18 жасқа дейінгі жасөспірімдердегі нафтифиннің қауіпсіздігі мен тиімділігі дәлелденбеген (қолдану тәжірибесі жеткіліксіз). Енгізу әдісі және жолы Теканафин препараты тек теріге сыртқа қолдануға арналған. Қолданар алдында зақымдалған теріні немесе тырнақты жылы сумен жуып, мұқият кептіру керек. Қаптаманы алғаш ашқан кезде дәріні шашырату үшін бүріккіш саптамаға бірнеше рет басу керек. Емдеу ұзақтығы Егер Теканафин препаратымен емдеуді бастағаннан кейін 4 апта ішінде клиникалық жақсару байқалмаса, емдеуші дәрігерге барып, емдік тәсілді қайта қарастырған жөн. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Дәрілік препаратты қолдану туралы сұрақтар туындаған жағдайда дәрігермен немесе фармацевтпен кеңесу керек.

• әсер етуші затқа (заттарға) немесе қосымша заттардың кез келгеніне аса жоғары сезімталдық • балалар және 18 жасқа дейінгі жасөспірімдер

Тері және теріасты тіндері тарапынан: жиі - күйдіріп ашыту, шаншу, қышыну; жиілігі белгісіз - эритема, қышыну, терінің жоғары сезімталдығы. Жағымсыз реакциялар қайтымды және препаратты тоқтатуды қажет етпейді. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Арнайы ескертулер Препарат тек сыртқа қолдануға арналған. Тітіркену немесе аса жоғары сезімталдық реакциясы дамыған кезде емдеуді тоқтатып, қажетті сақтық шараларын қолдану керек. Препаратты қолданғаннан кейін, егер дәрігер басқа қолдануды ұсынбаса, зардап шеккен аумақты жабуға болмайды. Спрейді көзге және шырышты қабаттарға тигізбеу керек. Қосымша заттар Теканафин спрей препаратының құрамында 1 мл препаратта 400 мг этанол бар. Этанол зақымдалған теріге қолданған кезде күйдіріп ашыту сезімін туындатуы мүмкін. Теканафин спрей препаратының құрамында терінің тітіркенуін туындатуы мүмкін пропиленгликоль бар. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Препарат көлік құралдарын және қауіптілігі зор механизмдерді басқару қабілетіне әсер етпейді.

Жүктілік Жүкті әйелдердің нафтифинді қолдануы туралы деректер жоқ немесе шектеулі. Сақтандыру мақсатында жүктілік кезінде және бала емізу кезеңінде Теканафин препаратын қолданудан аулақ болу керек. Лактация Нафтифиннің емшек сүтіне енетіні-енбейтіні белгісіз, сондықтан әйелдер бала емізу кезеңінде Теканафин препаратын қабылдамауы керек.

Өзара әрекеттесу зерттеулері жүргізілген жоқ.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!