Этил спирті-DF раствор 70 %

1 мл препараттың құрамында: — 70% — 90% белсенді зат: 96% этанол — 0,665 г — 0,913 г қосымша зат: тазартылған су Сыртқы түрінің, иісінің, дәмінің сипаттамасы Мөлдір түссіз, ұшатын, өзіне тән спирт иісі және дәмі күйдіргіш жылжымалы сұйықтық. Оңай тұтанады, көгілдір аздаған алауы бар түтінсіз жанады.

• терінің инфекциялық этиологиядағы (фурункулдың, панарицийдің бастапқы сатылары) қабыну аурулары кезіндегі асептикалық өңдеуі; • тітіркендіргіш дәрі ретінде (ысқылау, компресс). Антисептикалық өңдеу: • дәрілік заттармен инъекция жасалған жердегі теріні; • терінің беткейлік зақымдануын, сызаттарды, тыртықтарды, жәндіктердің шағуын; • медицина қызметкерлерінің қол терісін, операциялық алаңды.

Әсер ету механизмі Этанолдың жергілікті және рефлекторлық әсері тітіркендіргіш, тұтқырлық және антисептикалық әсерімен байланысты. Фармакодинамикалық қасиеттері Этил спиртінің (70% және 90%) концентрацияланған ерітінділерінің тері жабындарына әсерінен кейін тіндердегі ақуыздар денатурациясына байланысты тұтқыр әсері пайда болады. Спирттің теріге иіткіш әсері ауыруды басуға және қышынуды тоқтатуға ықпал ете отырып, оның сезімталдығын және тер бөлінуін төмендетеді. Антисептикалық әсері микробты жасушалардың цитоплазмалық және жарғақшалы ақуыздарының денатурациясымен байланысты. Этанолға ең сезімталы бактериялық флора болып табылады. Бактерицидті әсері үшін оңтайлысы препараттың 70% концентрациясы болып табылады. Бұдан жоғары концентрацияларда этил спиртінің тіндік құрылымдарға иіткіш (тұтқыр) әсері оның диффузиясын қиындатады, әрі антисептикалық әсерінің тереңдігі төмендейді.

Дозалану режимі Теріні сыртқы өңдеу кезінде – 1 мл дәріні 1 см2 теріге: теріге мақта тампон, сүрткі көмегімен жағады. Қол терісін антисептикалық өңдеу кезінде - 10 мл ерітіндіні қолға жағады және 30 сек бойы ысқылайды. Инъекциялық алаңды өңдеу: инъекциялық алаңның терісін ерітіндіге молынан шыланған стерильді дәке тампондармен сүртеді; өңдеу аяқталғаннан кейінгі экспозиция - 2 мин. Хирургтің қолын операция алдында дезинфекциялау үшін 70 % ерітінді пайдаланады, компресс және ысқылау үшін (күйдіріп алмау үшін) 40 % ерітінді пайдалану ұсынылады. Қажет болғанда, 70 % ерітінді талап етілетін концентрацияларға дейін сұйылтылуы және көрсетілімдері бойынша пайдаланылуы тиіс. Енгізу тәсілі және жолы Тек сыртқа, сулап басу арқылы! Ішке қолдануға болмайды! Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Дәрігердің кеңесінсіз ұзақ уақыт бойы препаратты қолдануға болмайды.

• әсер етуші затқа немесе кез келген қосымша заттарға аса жоғары сезімталдық; • терінің тұтастығын бұзумен жедел қабыну процестері.

Жиі: • кері сорғыш жалпы уытты әсері болуы мүмкін • ОЖЖ бәсеңдеуі • компрессті қолдану орнындағы ауырсыну Жиі емес: • аллергиялық реакциялар • терінің, шырышты қабықтардың және тыныс алу жолдарының тітіркенуі және күюі Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жергілікті қолданғанда артық дозалану ықтималдығы аз.

Этанол сыртқа қолданғанда тері және шырышты қабық арқылы ішінара сіңіріледі, мұны балаларға, жүкті әйелдерге және лактация кезеңінде пайдаланғанда ескеру керек. Арнайы сақтандырулар Компресс жасау үшін (күйдіруді болдырмау үшін) этил спиртін 1:2 (70%, 90%) арақатынаста суға араластыру керек. Педиатрияда қолдану Балаларға компресс үшін сұйылтуды 1:4 (спирт және су) - 90% ерітінді үшін, 1:3 (спирт және су) - 70% ерітінді үшін қолдануға болады. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Әсер етпейді

Сақтықпен қолдану керек. Жүктілік және лактация кезеңінде қолдануға анасына келетін пайда шарана мен балаға төнетін потенциалды қауіптен басым жағдайда ғана жол беріледі.

Ішке қабылдағанда ОЖЖ бәсеңдететін препараттардың әсерін көтермелейді.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Жақсы тығындалған ыдыста, жарықтан қорғалған, оттан алыс жерде, 25ºС-ден аспайтын температурада сақтау керек. Балалардың қолы жетпейтін жерде сақтау керек!