Сорбит порошок 5 г

Бір пакеттің (5 г) ішінде белсенді зат - сорбитол 5 г Сыртқы түрінің, иісінің, дәмінің сипаттамасы Иіссіз кристалды ақ ұнтақ.

Кешенді терапия құрамында: - іш қату - билиарлы дисфункциялар - улану - қант диабеті

Фармакодинамикалық әсерлері Сорбит өт түзетін стимулятор, өт айдайтын, іш жүргізетін дәрі және қант алмастырғыш болып табылады. Әсер ету механизмі ішектегі осмостық қысымның жоғарылауымен байланысты, бұл нәжіс массасы көлемінің ұлғаюы мен жұмсаруына ықпал етеді. Сонымен қатар, Сорбит өт қабының жиырылуын, Одди сфинктерінің босаңсуын туындатады және өт ағынын жақсартады.

Дозалау режимі Іш қату ішке: 2-3 пакеттің ішіндегісі 100 мл суда ерітіледі және ұйықтар алдында немесе дәрігердің тағайындауы бойынша қабылданады; балаларға 2 жастан бастап көрсетілген дозаның жартысы тағайындалады; ректальді: 10 пакеттің ішіндегісі 200 мл суда ерітіледі және ұйықтар алдында клизма түрінде немесе дәрігердің тағайындауы бойынша енгізіледі; балаларға 2 жастан бастап көрсетілген дозаның жартысы тағайындалады. Билиарлы дисфункциялар Бір пакеттің ішіндегісі 100 мл суда ерітіледі және тамақтануға дейін 10 минут бұрын күніне 1-3 рет немесе дәрігердің тағайындауы бойынша қабылданады; балалар 2 жастап бастап ересектерге ұсынылатын дозаның жартысын қабылдайды. Улану Сорбит дене салмағының 1 г/кг есебінен 250 мл суға ерітіледі, белсенділендірілген көмірмен (дене салмағына 1 г/кг) араластырылады және ішке қабылданады немесе асқазан зонды арқылы енгізіледі; үлкен дәрет жүрмеген кезде жоғарыда көрсетілген дозаның жартысы 4-6 сағаттан кейін белсенділендірілген көмірмен үйлесімде қайта тағайындалады. Балаларға 2 жастан бастап ұқсас дозада тағайындалады. Қант алмастырғыш ретінде: дәрігердің тағайындауы бойынша. Пациенттердің ерекше топтары Балалар Дәрігермен кеңесті қоспағанда, 2 жасқа дейінгі балаларға қолдануға болмайды. Бауыр және бүйрек жеткіліксіздігі бар пациенттер Бауыр немесе бүйрек функциясының ауыр бұзылулары бар пациенттерге қолдану ұсынылмайды. Өт шығару жолдары бұзылған пациенттер Өт шығару жолдары бұзылған пациенттерге қолдануға болмайды. Енгізу әдісі мен жолы Ішке қабылдауға арналған

- препаратқа аса жоғары сезімталдық - өт шығару жолдарының бітелуі - бауыр және бүйрек функциясының айқын бұзылулары - тұқым қуалайтын фруктоза көтере алмаушылығы - асцит - колит - холелитиаз - тоқ ішектің тітіркену синдромы - 2 жасқа дейінгі балалар

- әлсіздік - жүрек айнуы - іштің ауыруы - іштің кебуі - дозаны төмендеткеннен кейін басылатын диарея Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз әсерлердің күшеюі. Емі: симптоматикалық ем.

Қант диабеті бар науқастарда гликемияны бақылау қажет. Іш жүргізгіш ретінде ұзақ қолдану ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді

Сорбитті, егер анасы үшін пайдасы шарана мен нәрестеге төнетін потенциалды қауіптен асып түсетін болса ғана, жүктілік және лактация кезеңінде қолдануға болады.

Нұсқаулықта көрсетілмеген.

Сақтау мерзімі 4 жыл Жарамдылық мерзімі өткеннен кейін қолдануға болмайды. Сақтау шарттары Құрғақ жерде, 25 ºС-ден аспайтын температурада сақтау керек. Балалардың қолы жетпейтін жерде сақтау керек!