Промедол раствор 2%

1 мл ерітіндінің құрамында: белсенді зат – тримеперидин 20 мг, қосымша зат – инъекцияға арналған су. Сыртқы түрінің, иісінің, дәмінің сипаттамасы Мөлдір түссіз сұйықтық.

- наркоз кезінде шокқа қарсы дәрі ретінде - нейролептанальгезияда (нейролептиктермен біріктіріп) - қатерлі жаңа түзілімдер, күйіктер, жарақаттар кезіндегі айқын ауыру синдромында - операцияға дайындауда (премедикацияда) - операциядан кейінгі кезеңде айқын ауыру синдромында - ішкі ағзалардың тегіс бұлшықеттерінің түйілуі, соның ішінде асқазан мен он екі елі ішектің ойық жаралары кезінде, ішек, бауыр және бүйрек түйілулерінде - тұрақсыз стенокардия, миокард инфарктісі, кардиогендік шокта - қуықтағы, тік ішектегі, уретрадағы бөгде денеде, парафимозда, жедел простатитте, жедел невриттерде.

Фармакодинамикалық әсерлері Әсер ету механизмі Әсер ету механизмі апиынды рецепторлардың мю-, дельта- және каппа- қосалқы түрлерін көтермелеуіне негізделеді. Мю-рецепторларға әсері супраспинальді анальгезияға, эйфорияға, физикалық тәуелділікке, тыныс алудың бәсеңдеуіне, кезбе жүйке орталықтарының қозуына түрткі болады. Каппа-рецепторлардың көтермеленуі жұлын анальгезиясын, тыныштандыратын әсерін, миозды туғызады. Фармакодинамикалық әсерлері Апиынды рецепторлардың синтетикалық агонисті. Айқын ауыруды басатын және орташа шокқа қарсы, ұйықтататын және түйілуді басатын қасиеттері бар, жатырдың жиырылу белсенділігін арттырады. Афференттік жолдың орталық бөлігіндегі ауыру импульстерінің нейронаралық берілісін бәсеңдетеді, орталық жүйке жүйесінің ауыру импульстерін қабылдағыштығын азайтады, ауырудың эмоционалдық бағалануын төмендетеді. Клиникалық тиімділігі және қауіпсіздігі Морфинмен салыстырғанда ауыруды басатын әсері әлсіздеу және қысқа болады. Сонымен қатар тыныс алу орталығын азырақ бәсеңдетеді, сондай-ақ кезбе жүйке орталығы мен құсу орталығын аз қоздырады, тегіс бұлшықеттің түйілуін туғызбайды (миометрийден басқа). Морфинге қарағанда жақсы көтерімді. Тері астына және бұлшықет ішіне енгізгенде әсері 10-20 минуттан соң басталады және 3–4 сағатқа және одан да ұзаққа созылады. Физикалық тәуелділік пен дағдыланудың дамуын туғызуы мүмкін.

Дозалау режимі Ересектерге тері астына және бұлшықет ішіне 0,5-1,5 мл-ден (10-30 мг тримеперидин) енгізеді. Егде жастағы және психикалық жағдайының бұзылуы бар пациенттерге, бауыр және бүйрек жеткіліксіздігімен науқастарға дозаны төмендету керек. Промедол онкологиялық ауруларда таңдалатын апиын болып табылады. Сәйкес дозаны ауыру айқындығының дәрежесіне қарай әрбір 12-24 сағатта тағайындайды. Ересектерге арналған ең жоғарғы доза: бір реттік – 2 мл (40 мг тримеперидин), тәуліктік – 8 мл (160 мг тримеперидин). 2 жастан үлкен балаларға препаратты жасына байланысты келесі дозаларда енгізеді: екі-үш жастағы балалар үшін бір реттік доза 0,15 мл (3 мг тримеперидин), тәуліктік – 0,6 мл (12 мг тримеперидин); 4-6 жас – бір реттік доза – 0,2 мл (4 мг), тәуліктік – 0,8 мл (16 мг); 7-9 жас – бір реттік доза – 0,3 мл (6 мг), тәуліктік – 1,2 мл (24 мг); 10-12 жас – бір реттік доза – 0,4 мл (8 мг), тәуліктік – 1,6 мл (32 мг); 13-16 жас – бір реттік доза – 0,5 мл (10 мг), тәуліктік – 2 мл (40 мг). Енгізу әдісі және жолы Тері астына және бұлшықет ішіне тағайындайды.

- тыныс алу орталығының бәсеңдеуі салдарынан тыныс алудың бұзылуы - жалпы арықтау - шығу тегі белгісіз іш ауруы (диагноз қойғанға дейін) - жедел алкогольдік уыттану - 2 жасқа дейінгі балалар - бір мезгілде моноаминооксидаза тежегіштерімен емдеу (соның ішінде, оларды қолданғаннан кейін 21 күн ішінде) - тримеперидинге жеке жоғары сезімталдық - 65 жастан асқандар - болжамданған босану уақытының алдындағы соңғы 3 сағат - инфекциялар (инфекцияның ОЖЖ өту қаупі) - цефалоспориндермен, линкозамидтермен, пенициллиндермен байланысты жалғанжарғақшалы колит аясындағы диарея - уытты диспепсия (токсиндердің шығарылуының баяулауы және соған байланысты, диареяның өршуі мен ұзаққа созылуы)

жиілігі белгісіз - аллергиялық реакциялар: бронх түйілуі, ларингоспазм, ангионевроздық ісіну; тері бөртпесі, терінің қышынуы, беттің ісінуі жиілігі белгісіз - елестеулер, көңіл-күйдің өзгеруі, эйфория, депрессия, дағдылану, дәріге тәуелділік. жиілігі белгісіз - сананың бұзылуы, бас айналу, бас ауруы, коматозды жай-күй (жоғары дозаларды қолданған кезде), ұйқышылдық, шым-шытырық түстер, ерекше түстер, мазасыз ұйқы, балаларда - парадоксальді қозу, мазасыздық, құлақтағы шуыл, психомоторлық реакциялардың баяулауы, бағдарсыздық, жайсыздық, ашушаңдық, шаршау жиілігі белгісіз - көзбен қабылдаудың бұлыңғырлығы, диплопия, миоз, қарашықтың дилатациясы, бұл гипоксияның дамуы туралы куәландырады жиілігі белгісіз - брадикардия, тахикардия, жүрек ырғағының бұзылуы, ортостатикалық гипотензия, бассүйекішілік қысымның жоғарылауы, АҚ төмендеуі, АҚ жоғарылауы жиілігі белгісіз - тыныс алу депрессиясы (жоғары дозаларды қолданғанда) жиілігі белгісіз - жүрек айнуы, құсу, іш қату, ауыздың құрғауы, АІЖ тітіркенуі, ішектің қабыну аурулары кезінде - паралитикалық ішек бітелуі және уытты мегаколон (іш қату, метеоризм, жүрек айнуы, асқазанның түйілуі, гастралгия, құсу), анорексия жиілігі белгісіз - гепатоуыттылық (күңгірт несеп, нәжістің бозаруы, склера мен тері жабындысының иктерикалығы), өт жолдарының түйілуі жиілігі белгісіз - бұлшықет сіресуі (әсіресе тыныс алу бұлшықеттері), құрысулар (әсіресе балаларда), тремор, бұлшықеттің еріксіз жиырылуы жиілігі белгісіз - бүйрек жеткіліксіздігі (жоғары дозаларды қолданғанда), диурездің төмендеуі, несепағардың түйілуі (несеп шығарудың қиындауы мен ауыруы, жиі несеп шығаруға деген ұмтылыс) жиілігі белгісіз - либидоның төмендеуі жиілігі белгісіз - гиперемия, ісіну, инъекция орнында күйдіріп-ашу, антипиретикалық әсер, әлсіздік, тершеңдік жиілігі белгісіз - бауыр ферменттерінің деңгейінің өзгеруі Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: ерте және қауіпті біліністері – тыныс алу орталығының бәсеңдеуі. Емі: жалпы реанимациялық шаралар, антагонистер мен апиынды рецепторлардың агонист-антагонистерін (налоксон, налорфин), тағайындау, симптоматикалық ем. Налоксон есірткілік анальгетиктермен туындаған тыныстың бәсеңдеуі мен анальгезияны қайтарады. Налорфин олардың ауыруды басатын әсерін сақтай отырып, есірткілік анальгетиктермен туындаған тыныстың бәсеңдеуін қайтарады.

Препараттың жоғары дозаларын, әсіресе егде жастағы науқастарға қолдану, тыныс алу жеткіліксіздігі, айналымдағы жеткіліксіздіктің дамуымен гипотензия мен кома жағдайының дамуына алып келуі мүмкін. Тыныс алудың жеткіліксіздігі респираторлық демеу жүргізуді және антагонисі – налоксонды енгізуді қажет етеді, бірақ налоксонды есірткіге тәуелді адамдарға қолдану тоқтату синдромының дамуына алып келуі мүмкін. Демеуші ем респираторлық демеуге және науқасты шок жағдайынан налоксонды енгізу арқылы шығаруға бағытталады. Препаратты енгізу жылдамдығы тыныс алу жеткіліксіздігі мен кома жағдайының дәрежесіне байланысты. Жағымсыз реакциялардың дамуы апиынды рецепторларға жекелей сезімталдыққа байланысты. 2 жастан асқан балаларда құрысулар дамуы мүмкін, жоғары дозаларда қолданғанда бүйрек жеткіліксіздігі үдеуі мүмкін. Кома жағдайлары қарашықтардың тарылуымен, тыныс алу бәсеңдеуімен білінеді, бұл артық дозаланғанын көрсетеді. Қарашықтардың үлкеюі гипоксияның дамығанын көрсетеді. Артық дозаланғаннан кейін өкпенің ісінуі өлімнің жалпы себебі болып табылады. Қайталап қолданғанда дағдылану және дәріге тәуелділік дамуы мүмкін. Эйфория болуы мүмкін. Тегіс бұлшықеттердің түйілуінен болған ауыруларда (бауыр, бүйрек, ішек шаншуы), тримеперидинді, науқастың жағдайын мұқият бақылай отырып, атропин тәрізді және спазмолитикалық ДЗ-мен біріктіру керек. Бауыр және бүйрек функциясының бұзылуында, гипотиреозда, простата гипертрофиясында, импотенцияда, шокта, миастенияда, асқазан-ішек жолының қабыну ауруларында, сондай-ақ 60 жастан асқан пациенттерге, АІЖ, несеп шығару жүйесіне хирургиялық араласуларда, бронх демікпесінде, ӨСОА, құрысуларда, аритмияда, артериялық гипотензияда, СЖЖ, бауыр және/немесе бүйрек жеткіліксіздігінде, микседемада, бүйрекүсті безінің жеткіліксіздігінде, ОЖЖ бәсеңдеуінде, бассүйекішілік гипертензияда, БМЖ, қуықасты безінің гиперплазиясында, суицидке бейімділікте, көңіл-күйдің құбылмалылығында, есірткіге тәуелділікте (оның ішінде анамнезінде), ішектің ауыр қабынбалы ауруларында, несеп шығару өзектерінің стриктураларында, ауыр науқастарға, әлсіреген науқастарға, кахексия кезінде, балаларға сақтықпен қолданады. Алкоголь қабылдауға болмайды. Арнайы ескертулер Педиатрияда қолдану Препарат 2 жасқа дейінгі балаларға қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Промедолмен емдеу кезінде психомоторлық реакция жылдамдығын талап ететін көлік құралын немесе қауіптілігі зор механизмдерді басқармаған жөн.

Препарат жүктілік және емшекпен қоректендіру кезінде қолдануға болмайды.

Орталық жүйке жүйесіне бәсеңдететін әсер беретін басқа препараттармен бір мезгілде қолданғанда, өзара әсерлерінің күшеюі мүмкін. Барбитураттарды (әсіресе фенобарбиталды) немесе есірткілік анальгетиктерді ұзақ уақыт қолдану айқаспалы төзімділіктің дамуын туғызады. Промедол нейролептиктермен (галоперидолмен, дроперидолмен), холинолитиктермен, миотропты спазмолитиктермен, антигистаминдік дәрілермен үйлесімді. АҚ төмендететін ДЗ (соның ішінде, ганглиоблокаторлардың, диуретиктердің) гипотензивтік әсерін күшейтеді. Антихолинергиялық белсенділігі бар ДЗ, диареяға қарсы ДЗ (соның ішінде лоперамид) ішектің бітелуіне дейінгі іштің қатуын, несептің іркілуі мен ОЖЖ бәсеңдеу қаупін арттырады. Антикоагулянттардың әсерін күшейтеді (плазма протромбинін бақылауға алу керек). Бупренорфин (соның ішінде алдыңғы емдеу) басқа апиынды анальгетиктердің әсерін төмендетеді; мю-апиынды рецепторлар агонистерінің жоғары дозаларын қолдану аясында тыныс алудың бәсеңдеуін төмендетеді, ал мю- немесе каппа-апиынды рецепторлар агонистерінің төменгі дозаларын қолдану аясында — күшейтеді; дәрі-дәрмекке тәуелділік аясында мю-апиынды рецепторлар агонистерін қабылдауды тоқтатқанда «тоқтату синдромы» симптомдарының пайда болуын жеделдетеді, оларды күрт тоқтатқанда бұл симптомдардың айқындығын ішінара төмендетеді. МАО тежегіштерімен бір мезгілде қолданғанда, болуы мүмкін гипер- немесе гипотензиялық криздердің туындауымен ОЖЖ қатты қозуының немесе тежелуінің кесірінен ауыр реакциялар дамуы мүмкін (МАО тежегіштерін қабылдау кезінде, сондай-ақ оларды қабылдау аяқталғаннан кейін 14-21 күн бойы тағайындамау керек). Налоксон тыныс алуды қалпына келтіреді, апиынды анальгетиктердің әсерін, сондай-ақ солардан туындаған тыныс алу мен ОЖЖ бәсеңдеуін төмендетеді; басқа апиындардың жағымсыз әсерін қайтару үшін тағайындалған буторфанол, налбуфин мен пентазоциннің әсерін нивелирлеу үшін жоғары доза талап етілуі мүмкін; есірткіге тәуелділік аясында «тоқтату синдромы» симптомдарының пайда болуын жеделдетуі мүмкін. Налтрексон есірткіге тәуелділік аясындағы «тоқтату синдромы» симптомдарының пайда болуын жеделдетеді (симптомдар препаратты енгізгеннен кейін 5 минуттан соң-ақ пайда болуы мүмкін, 48 сағат бойы жалғасады, тұрақтылығымен және оларды басудың қиындығымен сипатталады); апиынды анальгетиктердің әсерін (анальгетиктік, диареяға қарсы, жөтелге қарсы) төмендетеді; гистаминдік реакциядан болған симптомдарға әсер етпейді. Метоклопрамидтің әсерін төмендетеді.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!