ПИРФЕКТ таблетки 200 мг

Бір таблетканың құрамында белсенді зат - 200 мг пирфенидон, қосымша заттар: лактоза моногидраты, кальций карбоксиметилцеллюлозасы, натрий кроскармеллозасы, гидроксипропилцеллюлоза L, натрий стеарилфумараты, үлбірлі қабықтың құрамы: Kollicoat IR сары: колликоат IR, коллидон VA 64, титанның қостотығы (Е 171), каолин, натрий лаурилсульфаты, темірдің сары тотығы (Е 172), Kollicoat IR ақ II: колликоат IR, коллидон VA 64, титанның қостотығы (Е 171), каолин, натрий лаурилсульфаты. Сыртқы түрінің, иісінің,дәмінің сипаттамасы Дөңгелек пішінді, екі беті дөңес ашық-сарыдан сары түске дейінгі үлбірлі қабықпен қапталған таблеткалар.

- ересек пациенттерде өкпенің ауырлығы жеңіл және орташа дәрежелі идиопатиялық фиброзында

5.1 Фармакодинамикалық қасиеттері Фармакотерапиялық тобы: Иммуносупрессанттар. Басқа иммуносупрессанттар. Пирфенидон. АТХ коды L04AX05 Әсер ету механизмі Пирфенидонның әсер ету механизмі түбегейлі анықталмаған. Дегенмен, қолда бар деректер пирфенидон өкпе фиброзы кезінде фиброзға қарсы да, қабынуға қарсы да қасиеттерін танытады деп шамалауға мүмкіндік беріп отыр. Өкпенің идиопатиялық фиброзы (ӨИФ) – ісік некрозы альфа факторы (ІНФ-альфа) мен интерлейкин-1-бета (ИЛ-1-бета) қоса қабынуға ізашар цитокиндердің синтезі мен босап шығуының нәтижесінде туындайтын,өкпенің созылмалы фиброздық-қабыну ауруы. Пирфенидон түрлі стимулдарға жауап ретінде қабыну факторларының жинақталуын төмендетеді. Пирфенидон ақуыздармен цитокиндердің фиброзымен астасатын өнім фибробласттардың пролиферациясын баяулатады, цитокиндік өсу факторларына жауап ретінде трансформациялайтын өсу факторы-бета (ТӨФ-бета) мен тромбоциттік өсу факторын (ТцӨФ) қоса, жасушадан тыс матрикстің биосинтезі мен жинақталуын арттырады. Клиникалық тиімділігі мен қауіпсіздігі Пирфенидонның клиникалық тиімділігі ӨИФ бар пациенттерде көп орталықтық, рандомизацияланған, салыстырмалы жасырын, плацебо-бақыланатын, 3 фазадағы төрт зерттеуде зерттелді. 3 фазадағы үш зерттеу (PIPF-004, PIPF-006 және PIPF-016) көп ұлттық болды, және біреуі (SP3) Жапонияда жүргізілді. PIPF-004 және PIPF-006 зерттеуінде тәулігіне 2403мг пирфенидонмен емдеу плацебомен салыстырылды. Зерттеулер, PIPF-004 зерттеуіндегі аралық дозалары (тәулігіне 1197 мг) тобын қоса, аздаған шектеулері болмаса, іс жүзінде дизайны жағынан ұқсас болды. Екі зерттеуде де ем кемінде 72 апта бойы күніне үш рет тағайындалды. Екі зерттеуде де бастапқы ақырғы нүкте 72-нші аптаға қарай болжамды қарқынды тіршілік сыйымдылығының (ӨҚТС) бастапқы желісінен пайыздық өзгерісі болды. PIPF-004 зерттеуінде 72-нші аптаға қарай болжамды пайызының ӨҚТС базалық желісінен төмендеуі плацебо қабылдаған пациенттермен салыстырғанда (N = 174; р = 0,001),пирфенидонды қабылдаған пациенттерде (N = 174) төмен болды. Пирфенидонмен емдеу де 24 (р = 0,014), 36 (р <0,001), 48 (р <0,001) и 60 (р <0,001) аптадан соңболжамды ӨҚТСбастапқы деңгейінен азаюы пайызын едәуір төмендетті. 72-нші аптада ӨҚТС бастапқы мәнінен пайызбен алғанда болжамды ≥10% төмендеуі (ӨИФ кезінде өлім қаупін көрсетететін шек) плацебо қабылдаған 35%-бен салыстырғанда, пирфенидонды қабылдаған 20% пациентте байқалды (2 кесте) . 2 кесте. PIPF-004 зерттеуінде болжамды ӨҚТС 72-нші аптаға дейін бастапқы желісінен пайыздық өзгеру санаттары бойынша бағалау Пирфенидон тәулігіне 2403 мг (N = 174) — Плацебо (N = 174) ≥10%-дан аса төмендеуі немесе өлім немесе өкпені ауыстырып салу — 35 (20%) — 60 (34%) 10%-дан аз төмендеуі — 97 (56%) — 90 (52%) Төмендеуінсіз (ӨҚТС өзгеруі> 0%) — 42 (24%) — 24 (14%) Арнайы талдауда алдын ала белгіленген ANCOVA рангісі бойынша 6 минуттық жүріспен тестілеу (6 МWT) кезінде жүріп өткен қашықтықты өлшегенде, плацебомен салыстырғанда пирфенидонды қабылдаған пациенттер арасында ешқандай айырмашылық болмағанына қарамастан, пирфенидонды қабылдаған 37% пациент PIPF-004 зерттеуінде плацебо қабылдаған 47% пациентпен салыстырғанда, 6 МWT қашықтығының ≥50 м төмендегенін көрсетті. PIPF-006 зерттеуінде пирфенидонмен ем (N = 171) плацебомен салыстырғанда болжамды ӨҚТС 72 аптаға қарай базалық желісінен төмендеуін азайтпады (N = 173; р = 0,501). Дегенмен, пирфенидонмен емдеу 24 (р <0,001), 36 (р = 0,011) және 48 (р = 0,005) аптадан кейінгі бастапқы деңгейімен салыстырғанда, пайызбен болжанған ӨҚТС төмендеуін азайтты. 72-нші аптада ӨҚТС ≥10%-дан аса төмендеуі пирфенидонды қабылдаған 23% пациентте және, плацебо қабылдаған 27% пациентте байқалды (3 кесте). 3 кесте. PIPF-006 зерттеуінде болжамды ӨҚТС 72-нші аптаға дейін бастапқы желісінен пайыздық өзгеру санаттары бойынша бағалау Пирфенидон тәулігіне 2403мг (N = 171) — Плацебо (N = 173) ≥10%-дан аса төмендеуі немесе өлім немесе өкпені ауыстырып салу — 39 (23%) — 46 (27%) 10%-дан аз төмендеуі — 88 (52%) — 89 (51%) Төмендеуінсіз (ӨҚТС өзгеруі> 0%) — 44 (26%) — 38 (22%) PIPF-006 зерттеуінде плацебомен салыстырғанда, базалық желіден 72-нші аптаға қарай 6 МWT тестісі кезінде жүріп өткен қашықтықтың төмендегені байқалды (р <0,001, ранг ANCOVA). Бұдан өзге, рандомизацияланған талдауда, пирфенидонды қабылдаған 33% пациент 6 МWT тестісі бойынша PIPF-006 зерттеуінде плацебо қабылдаған 47% пациентпен салыстырғанда, ≥50 м төмендегенін көрсетті. Тірі қалу көрсеткішіне жүргізілген PIPF-004 және PIPF-006 біріктірілген талдауында плацебо тобындағы 9,8%-бен салыстырғанда, тәулігіне 2403 мг пирфенидонды қабылдаған топтағы өлім қаупі 7,8% құрады(HR 0,77 [СА 95%, 0,47–1,28]). PIPF-016: тәулігіне 2403 мг пирфенидонды плацебо тобымен салыстыру зерттеуі. Ем 52 апта бойы күніне үш рет тағайындалды. Бастапқы ақырғы нүктесі болжамды ӨҚТС 52-нші аптаға қарай бастапқы нүктесінен пайыздық өзгеруі болды. 555 пациенттің барлығында, болжамды орташа бастапқы пайызы ӨҚТС және және өкпенің көміртегі тотығының диффузиялық қабілетінің (%DLCO) өкпенің көміртегі тотығының диффузиялық қабілеті (%DLCO) тиісінше 68% (диапазон: 48–91%) және 42% (диапазон: 27–170%) құрады 2% пациентте ӨҚТС үшін болжамды пайызы 50%-ден төмен болды, ал 21% пациентте болжамды DL сО әуел бастан 35%-ға төмен болды. PIPF-016 зерттеуінде болжамды ӨҚТС емдеудің 52 аптасына қарай бастапқы деңгейінен төмендеуі плацебо қабылдаған пациенттермен салыстырғанда (N = 277; р <0,000001, ANCOVA дәрежелік ковариантты талдауы), пирфенидонды қабылдаған пациенттерде едәуір аз болды (N = 278). Пирфенидон тобында болжамды ӨҚТС 13-інші (p <0,000001), 26ншы (p <0,000001) және 39ыншы аптаға қарай бастапқы желісінен азаюы (p = 0,000002) елеулі болды. 52-нші аптада ӨҚТС мәнінің ≥10% төмендеуі плацебо тобындағы 32% пациентпен салыстырғанда, пирфенидонды қабылдаған 17% пациентте байқалды (4 кесте). 4 кесте. PIPF-016 зерттеуінде 52-нші аптаға дейін болжамды ӨҚТС пайыздық өзгерістеру санаттарын бағалау Пирфенидон тәулігіне 2403мг (N = 278) — Плацебо (N = 277) ≥10%-дан аса төмендеуі немесе өлім — 46 (17%) — 88 (32%) 10%-дан аз төмендеуі — 169 (61%) — 162 (58%) Төмендеуінсіз (ӨҚТС өзгеруі> 0%) — 63 (23%) — 27 (10%) PIPF-016 зерттеуінде плацебо тобымен салыстырғанда,6 МWT тестісі бойынша жүріп өткен қашықтықтың 52-нші аптаға қарай базалық желісінен азаюы едәуір төмендеген (р = 0,036, ранг ANCOVA); плацебо қабылдаған 36% пациентпен салыстырғанда, 6 МWT тестісі бойынша пирфенидонды қабылдаған 26% пациентте ғана ≥50 м азаюы орын алды. PIPF-016, PIPF-004 және PIPF-006 зерттеулерінің бастапқы біріктірілген талдауында 12-нші аптада барлық себептерден өлу плацебомен (6,7%, 624 пациенттің 42-сі) салыстырғанда, тәулігіне 2403 мг пирфенидонды қабылдағане дәуір төмен болды (3,5%, 623 пациенттің 22-і),алғашқы 12 ай ішінде барлық себептерден өлу қаупінің төмендеуі 48%-ында байқалды (ЖЖЖ 0,52 [95% СА, 0,31–0,87], р = 0,0107, логарифмдік дәреже сынағы). Жапониялық пациенттердегі зерттеуде (SP3) тәулігіне 1800 мг пирфенидон (PIPF-004/006 АҚШ популяциясында және еуропа популяцияларында стандартты дене салмағына шаққанда тәулігіне 2403 мг дозасымен салыстырылатын) плацебомен салыстырылды (сәйкесінше N = 110, N = 109). Пирфенидонмен емдеу плацебомен салыстырғанда, 52 аптада тіршілік сыйымдылығының (VC) орташа төмендеуін (бастапқы ақырғы нүкте) едәуір азайтты (-0,16 ± 0,02 л-ге қарсы сәйкесінше -0,09 ± 0,02 л, р = 0,042). Балалар Еуропаның дәрілік заттар жөніндегі агенттігі ӨИФ жағдайындағы педиатриялық популяцияның барлық қосалқы топтарында пирфенидонмен жүргізілген зерттеулердің нәтижелерін беру міндеттемесінен бас тартты (педиатрияда пайдаланылуы жөніндегі ақпаратты 4.2 бөлімінен қараңыз)

Дозалану режимі ПИРФЕКТ препаратымен емдеу ӨИФ диагностикасы мен емдеуде тәжірибесі бар дәрігердің қадағалауымен жүргізілуі тиіс. Дозалануы Ересектер Емдеу басталғаннан кейін дозасын 14 күн ішінде біртіндеп, ұсынылған, тәулігіне 2400 мг дозасына дейін келесі ретпен жоғарылату керек: • 1 - 7 күндер аралығында: бір таблеткадан (200 мг) тәулігіне төрт рет (тәулігіне 800 мг) • 8 - 14 күндер аралығында: екі таблеткадан (400 мг) тәулігіне төрт рет (тәулігіне 1600 мг) • 15-інші күннен бастап: үш таблеткадан (600 мг) тәулігіне төрт рет (тәулігіне 2400 мг) немесе төрт таблеткадан (800мг) тәулігіне үш рет (тәулігіне 2400 мг) ӨИФ бар пациенттерде ПИРФЕКТ препаратының ұсынылған тәуліктік демеуші дозасы: ас ішумен бірге үш таблеткадан (600 мг) тәулігіне төрт рет немесе төрт таблеткадан (800 мг) тәулігіне үш рет, яғни тәулігіне барлығы 2400 мг құрайды. Қажеттілігіне қарай ПИРФЕКТ препаратының дозасын арттыуға немесе азайтуға болады. Тәуліктік дозасын күніне 2400 мг-ден асыру ұсынылмайды. ПИРФЕКТ препаратымен емделуді қатарынан 14 немесе одан да көп күн өткізіп алған пациенттер, емделуді бастапқы 2 апталық, ұсынылған тәуліктік дозасына дейін титрлеуден қайта бастауы тиіс. Егер препаратты қабылдаудағы үзіліс қатарынан 14 күннен азды құраса, дозаларын қабылдауды титрлеусіз, препаратты жоғарыда көрсетілген ұсынылған тәуліктік дозасында қабылдаудан қайта бастауға болады. Енгізу әдісі мен жолы Таблеткаларды ішке тұтастай, аздаған мөлшердегі сумен ішіп қабылдау керек. Жүрек айнуы мен бас айналуының пайда болуы ықтималдығын азайту үшін, таблеткаларды тұтастай жұтып, су немесе тамақ ішумен бірге қабылдау қажет.

• әсер етуші затына немесе қосымша заттарының кез келгеніне аса жоғары сезімталдық • анамнездегі, пирфенидонды қабылдаудың нәтижесіндегі ангионевроздық ісіну • флувоксаминмен бірге қолдану - бауырдың ауыр жеткіліксіздігі немесе бауыр ауруының терминальді сатысы - бүйректің ауыр жеткіліксіздігі (креатинин клиренсі <30 мл/мин) немесе бүйрек жеткіліксіздігінің диализ жүргізуді қажет ететін терминальді сатысы - балалар мен 18 жасқа дейінгі жасөспірімдерге • тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы

Өте жиі • жоғарғы тыныс жолдарының инфекциясы • салмақ төмендеуі, тәбеттің төмендеуі • ұйқысыздық • бас ауыруы, бас айналуы • ентігу, жөтел • диспепсия, жүрек айнуы, диарея, гастроэзофагеальді рефлюкс ауруы, құсу, іш қату • бөртпе • артралгия • әлсіздік Жиі • несеп шығару жолдарының инфекциясы • ұйқышылдық, дисгевзия, шаршау • ысыну • қақырықты жөтел • іштің кебуі, іштегі жайсыздық сезімдері, іш ауыруы, іштің жоғарғы бөлігінің ауыруы, асқазандағы жайсыздық, гастрит, метеоризм • АЛТ, АСТ, гамма-глутамилтрансфераза деңгейлерінің жоғарылауы • фотосенсибилизация реакциясы, қышыну, эритема, терінің құрғауы, эритемалық бөртпе, макулалық бөртпе, қышынумен жүретін бөртпе • миалгия • астения; кеуденің экстракардиальді ауыруы • күнге күю Сирек • АЛТ және АСТ деңгейлерінің жоғарылауымен бірге сарысудағы жалпы билирубин деңгейлерінің жоғарылауы*, бауырдың дәріден зақымдануы Белгісіз • Стивенс-Джонсон синдромы*, уытты эпидермалық некролиз Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалануына күдіктенген жағдайда, өмірлік маңызы бар функциялардың көрсеткіштерін мониторингілеуді және пациенттің клиникалық жай-күйін мұқият қадағалауды қоса, медициналық демеуші көмек көрсету керек.

Асқазан-ішек жолы (АІЖ) тарапынан бұзылулар: АІЖ тарапынан жағымсыз әсерлердің себебінен ем жақпайтын пациенттерге, препаратты тамақпен бірге қабылдау қажеттігін еске салу керек. Егер симптомдары сақталып қалса, ПИРФЕКТ препаратының дозасын күніне 2-3 рет ас ішумен бірге 1–2 таблеткаға дейін азайтып, кейін жақпаушылығы болмаған жағдайда ұсынылған деңгейге дейін арттыруға болады. Егер симптомдары бұдан кейін де сақталса, симптомдар жойылуы үшін, пациенттерге емделуді 1-2 аптаға үзе тұруға кеңес беруге болады. Бауыр функциясы ПИРФЕКТ препаратын қабылдап жүрген пациенттерде АЛТ және АСТ деңгейлері қалыптың жоғарғы шегінен (ҚЖШ) 3 еседен артыққа дейін жоғарылағаны байқалуы мүмкін. Сирек жағдайларда ондай жоғарылаулар сарысудағы жалпы билирубиннің бір мезгілде жоғарылауымен байланысты болған. Бауырдың функционалдық сынамаларын (АЛТ, АСТ және билирубин) емдеу басталғанға дейін, содан соң емдеудің алғашқы 6 айы ішінде ай сайын, және ары қарай – әр 3 ай сайын жүргізу керек. Бауыр аминотрансферазаларының деңгейлері едәуір жоғарылаған жағдайда, төменде көрсетілген нұсқауларды басшылыққа ала отырып, препараттың дозасын төмендету немесе емдеуді толығымен тоқтату керек. Емдеу кезінде АСТ, АЛТ немесе билирубин деңгейлерінің жоғарылағаны расталған пациенттер үшін дозасын түзету қажет болуы мүмкін. АЛТ/АСТ деңгейлері жоғарылаған жағдайдағы ұсынымдар Емдеу басталғаннан кейін аминотрансферазалар деңгейлері ҚЖШ >3х – 5 есеге дейін жоғарылаған жағдайда, жүрген, ондай жоғарылауына ықпал ететін препараттарды бірге қабылдауды тоқтатып, болуы мүмкін басқа себептерін анықтау және пациентті мұқият қадағалауды бастау қажет. Клиникалық көрсетілімдері болған жағдайда, препараттың дозасын төмендетуге немесе емді тоқтатуға болады. «Бауыр» ферменттері қалыпқа түскеннен кейін, жақпаушылығы болмаған жағдайда, препараттың дозасын біртіндеп, ұсынылған тәуліктік деңгейіне дейін арттыруға болады. Аминотрансферазалар деңгейлерінің ҚЖШ >3х - <5 есеге дейін жоғарылауы гипербилирубинемиямен немесе бауырдың дәріден зақымдануының симптомдарымен немесе белгілерімен қатар жүретін жағдайда, препаратты қабылдауды толықтай, емді қайта бастамайтындай етіп тоқтату керек. Егер пациентте аминотрансферазалар деңгейлерінің ҚЖШ ≥5 есеге дейін жоғарылағаны байқалса, емді қайта бастамайтындай етіп толықтай тоқтату керек. Бауыр жеткіліксіздігі Бауырдың ауырлығы орташа дәрежелі жеткіліксіздігі (Чайлд-Пью бойынша B класы) бар пациенттерде, пирфенидонның жүйелі әсері 60%-ға жоғарылайды. Препаратты бауырдың ауырлығы жеңіл және орташа жеткіліксіздігі (Чайлд-Пью бойынша А және B кластары) бұрыннан бар пациенттерде сақтықпен қолдану керек. Ондай пациенттерде, әсіресе, егер пациенттер CYP1A2 тежегішін бір мезгілде қабылдап жүрсе, уытты реакциялардың дамуын мұқият қадағалау қажет. Бауырдың ауыр жеткіліксіздігі бар пациенттерде препараттың қауіпсіздігін зерттеу жүргізілмеген, сондықтан ондай пациенттерге ПИРФЕКТ препаратын тағайындауға болмайды. Фотосенсибилизация реакциясы және бөртпе ПИРФЕКТ препаратымен емдеу кезінде тікелей түсетін күн сәулесінің (күн сәулесі шамдарын қоса) әсерінен қорғану немесе әсерін азайту керек. Пациенттерге күннен қорғайтын құралдарды күнделікті пайдалануға, күннің әсерінен қорғайтын киім киюге, және фотосенсибилизация реакциясын туғызуға қабілетті басқа дәрілік препараттарды қабылдамауға кеңес беру керек. Пациенттер фотосенсибилизация реакциясы немесе бөртпе симптомдары туралы өзінің емдеуші дәрігеріне хабарлау қажеттігінен хабардар болуы тиіс. Фотосенсибилизацияның ауыр реакцияларының байқалуы жиі емес. Ауырлық дәрежесі жеңіл немесе орташа фотосенсибилизация реакциясы немесе бөртпе дамыған жағдайда, дозасын төмендету немесе емді уақытша тоқтата тұру қажеттілігі туындауы мүмкін. Терінің ауыр реакциялары Стивенс-Джонсон синдромы (СДС) және уытты эпидермалық некролиз (УЭН) өмірге қауіп төндіретін және өлімге соқтыруы ықтимал, олар туралы ПИРФЕКТ препаратымен емдеу кезінде маркетингтен кейінгі кезеңде хабарланды. Осы реакцияларды көрсететін симптомдар пайда болса, ПИРФЕКТ препаратын дереу тоқтату керек. Егер пациентте ПИРФЕКТ препаратын пайдалану кезінде СДС немесе УЭН дамыса, ПИРФЕКТ препаратымен емдеуді толықтай тоқтату керек, емдеуді қайта бастауға болмайды. Ангионевроздық ісіну ПИРФЕКТ препаратын қабылдағанда тыныстың тарылуы немесе бронх-өкпе обструкциясы аясында беттің, еріннің және/немесе тілдің ісінуін қоса, ангионевроздық ісіну (кейде ауыр дәрежелі) дамуы мүмкін. Сондықтан, препаратты қабылдағаннан кейін ангионевроздық ісінудің белгілері немесе симптомдары дамыған пациенттер емделуді дереу тоқтатуы тиіс. Ангионевроздық ісіну симптомдарын басу медициналық көмек көрсету стандарттарына сәйкес жүргізіледі. Анамнезінде пирфенидонды қабылдаудан туындаған ангионевроздық ісіну болған пациенттерге ПИРФЕКТ препаратын тағайындамайды. Бас айналуы ПИРФЕКТ препаратын қабылдап жүрген пациенттер, зейін қоюды немесе қимыл-қозғалыс үйлесімін қажет ететін әрекеттерге кірісердің алдында өздерінде препаратқа реакция болатындығын есте ұстауы тиіс. Егер бас айналуы басылмаса немесе оның симптомдары ушығып кетсе, дозасын емдеудің тоқтатылуына дейін төмендету қажет болуы мүмкін. Қажу Пирфенидон алатын емделушілерде шаршағыштық байқалғаны туралы хабарланды. Зейін қоюды немесе қимыл-қозғалыс үйлесімін қажет ететін әрекеттерге кіріспес бұрын, пациенттер өздерінде препаратқа реакция болатындығын есте ұстауы тиіс. Салмақ жоғалту Пациенттің салмағын бақылау және, қажет болса, егер салмақ жоғалтылуы клиникалық тұрғыдан елеулі болса, калория тұтынуын арттыру керек. Гипонатриемия Пирфенидонды қабылдаған пациенттерде гипонатриемия жағдайлары туралы хабарланған. Симптом ретінде, гипонатриемия елеусіз жүруі және қатарлас аурулардың болуымен бүркемеленуі мүмкін, тиісті зертханалық көрсеткіштерді, әсіресе, жүрек айнуы, бас ауыруы немесе бас айналуы сияқты белгілер мен симптомдар болған жағдайда жүйелі түрде тексеріп отыру ұсынылады. Қосымша заттар ПИРФЕКТ препаратының құрамында лактоза моногидраты бар. Тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактозаның мальабсорбциясы бар адамдарға қолдануға болмайды. Препараттың құрамында бір таблеткасында 1 ммольден аз натрий (23 мг) бар, ол клиникалық тұрғыдан маңызды болып есептелмейді. Арнайы ескертулер Балалар Пирфенидонның балаларда ӨИФ емдеу үшін қолданылғаны туралы деректер жоқ. Егде жастағы пациенттер 65 жас шамасындағы және одан үлкен пациенттерде дозасын түзету қажет емес. Бауыр жеткіліксіздігі бар паиенттер Бауырдың ауырлығы жеңіл және орташа дәрежелі жеткіліксіздігі (Чайлд-Пью жіктемесі бойынша А және B кластары) бар пациенттер үшін препараттың дозасын түзету қажет емес. Алайда, бауырдың ауырлығы жеңіл/орташа дәрежелі жеткіліксіздігі бар кейбір пациенттерде пирфенидонның плазмадағы деңгейі жоғарылауы мүмкін екендігін ескере отырып, ондай пациенттерді емдегенде сақтық таныту керек. Бауырдың ауыр жеткіліксіздігі немесе бауыр ауруының терминальді сатысы бар пациенттерге препарат тағайындалмайды. Бүйрек жеткіліксіздігі бар паиенттер Бүйректің ауырлығы жеңіл және орташа дәрежелі жеткіліксіздігімен пациенттер үшін препараттың дозасын түзету қажет емес. Бүйректің ауыр жеткіліксіздігі бар (креатинин клиренсі < 30 мл/мин) немесе бүйрек ауруының диализді қажет ететін терминальді сатысы бар пациенттерге ПИРФЕКТ препаратын тағайындауға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері ПИРФЕКТ бас айналуы мен қажуды туғызуы, олардың автомобиль басқару және механизмдермен жұмыс істеу қабілетіне орташа ықпалы болуы мүмкін, сондықтан, егер пациенттер аталған симптомдарды сезінсе, олар көлік жүргізу немесе механизмдермен жұмыс істеу кезінде сақтық танытуы тиіс.

Жүктілік ПИРФЕКТ препаратының жүкті әйелдерде қолданылғаны жөнінде деректер жоқ. Сақтық шарасы ретінде, ПИРФЕКТ препаратын жүктілік кезінде қабылдау ұсынылмайды. Бала емізу Пирфенидонның немесе оның метаболиттерінің емшек сүтімен бөлініп шығатын-шықпайтындығы белгісіз. Бала емізуді тоқтату немесе ПИРФЕКТ препаратын тағайындауды тоқтату туралы шешім емшек емудің бала үшін пайдасын және препаратпен емдеудің анасы үшін пайдасын ескере отырып қабылдануы тиіс. Фертильділік Клиникаға дейінгі зерттеулерде фертильділікке жағымсыз әсерлері байқалмады.

Шамамен 70–80% пирфенидон CYP1A2 цитохромының әсерінен, CYP2C9, 2C19, 2D6 және 2E1 қоса, CYP цитохромы жүйесінің басқа изоферменттерінің болар-болмас қатысуымен метаболизденеді. Грейпфрут шырынын ішу CYP1A2 белсенділігін тежеуімен байланысты және пирфенидонмен емделу кезінде оны қоспау керек. Флувоксамин және CYP1A2 тежегіштері Пирфенидон мен флувоксаминді (CYP2C9 күшті тежегішін, сондай-ақ, CYP басқа изоферменттеріне (CYP2C9, 2C19 және 2D6) тежегіштік әсер беретін) бірге қабылдау шылым шекпейтін пациенттерде пирфенидонның жүйелі экспозициясының 4 есе жоғарылауына алып келеді. Пирфенидонды флувоксаминмен бір мезгілде қолдануға болмайды. Пирфенидонмен емдеуді бастар алдында флувоксаминді қабылдауды тоқтату және пирфенидонмен емдеу кезінде флувоксаминді пирфенидон клиренсінің төмендеуінен пайдаланбау қажет. Іn vitro - in vivo экстраполяциялау, CYP1A2 күшті және селективті тежегіштері (мысалы, эноксацин) пирфенидонның әсерін шамамен 2-4 есе арттыруы мүмкіндігін көрсетіп отыр. Егер пирфенидонды CYP1A2 күшті және селективті тежегішімен бір мезгілде қолданбауға болмайтын болса, пирфенидонның дозасын күніне 800 мг (тәулігіне төрт рет 200 мг) дейін азайту керек. Пациенттерді пирфенидонмен емдеумен байланысты жағымсыз реакциялардың дамуына қатысты мұқият бақылау қажет. Қажет болған жағдайда, пирфенидон қабылдауды тоқтату керек. Пирфенидон мен 750 мг ципрофлоксацинді (CYP1A2 орташа тежегіші) бірге қолдану пирфенидонның әсерін 81%-ға арттырды. Егер тәулігіне екі рет 750 мг ципрофлоксацинді қабылдамауға мүмкіндік болмаса, пирфенидонның дозасын мүмкіндік болмаса, пирфенидонның дозасын тәулігіне 1600 мг (тәулігіне 400 мг рет) дейін азайту керек. Ципрофлоксацин күніне бір немесе екі рет 250мг немесе 500 мг дозада қолданылып жүрген кезде пирфенидонды сақтықпен қолдану керек. CYP1A2 басқа орташа тежегіштерін (мысалы, амиодарон, пропафенонды) қабылдап жүрген пациенттерде ПИРФЕКТ препаратын сақтықпен қолдану керек. Сонымен қатар, егер CYP1A2 тежегіштері CYP2C9 (мысалы, амиодарон, флуконазол), 2C19 (мысалы, хлорамфеникол) және 2D6 (мысалы, флуоксетин, пароксетин) сияқты пирфенидон метаболизміне қатысатын CYP басқа изоферменттерінің біреуінің немесе бірнешеуінің күшті тежегіштерімен бір мезгілде пайдаланылса, ерекше сақтық таныту керек. Шылым шегу және CYP1A2 индукторлары Өзара әрекеттесуіне жүргізілген 1 фазадағы зерттеуде темекі шегудің (CYP1A2 индукторы) пирфенидон фармакокинетикасына ықпалы бағаланды. Шылымқорларда пирфенидонның әсері шылым шекпейтіндерде байқалғанының 50%-ын құраған. Шылым шегу бауыр ферменттерінің өндірілуіне ықпал етеді және сәйкесінше, препараттың клиренсін арттырады және оның әсерін азайтады. Темекі шегу мен оның CYP1A2 индукциялауға қабілеттілігі арасындағы өзара байланысты қадағалау деректерін ескере отырып, пирфенидонмен емделу кезінде шылым шегуді қоса CYP1A2 күшті индукторларын бір мезгілде пайдаланбау керек. Пациенттерге пирфенидонмен емделуге дейін және емделу кезінде CYP1A2 күшті индукторларын қабылдауды тоқтатуға және шылым шегуді тастауға кеңес беру керек. Шылым шегу мен CYP1A2 ықтимал индукциясы арасындағы өзара байланыстылықты ескере отырып, шылым шегуді қоса, CYP1A2 күшті индукторларын бірге қолданбау керек. CYP1A2 орташа индукторлары жағдайында (мысалы, омепразол) бірге қабылдау теориялық тұрғыдан, пирфенидонның плазмадағы деңгейінің төмендеуіне алып келуі мүмкін. CYP1A2 күшті индукторлары ретінде әсер ететін дәрілік препараттардын және пирфенидон метаболизміне қатысатын CYP басқа изоферменттерін (мысалы, рифампицинді) бірге тағайындау пирфенидонның плазмадағы деңгейінің едәуір төмендеуіне алып келуі мүмкін. Мүмкіндігінше, мұндай препараттарды бірге пайдаланбаған дұрыс.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!