Паклитаксел-Келун-Казфарм концентрат 100мг/16.7 мл

1 құты концентрат (30 мг/5 мл доза үшін) құрамында: белсенді зат – паклитаксел 30.0 мг, қосымша заттар: сусыз лимон қышқылы, сусыз этил спирті, полиоксиэтилденген майсана майы EL 35. 1 құты концентрат (60 мг/10 мл доза үшін) құрамында: белсенді зат – паклитаксел 60.0 мг, қосымша заттар: сусыз лимон қышқылы, сусыз этил спирті, полиоксиэтилденген майсана майы EL 35. 1 құты концентрат (100 мг/16.7 мл доза үшін) құрамында: белсенді зат – паклитаксел 100.0 мг, қосымша заттар: сусыз лимон қышқылы, сусыз этил спирті, полиоксиэтилденген майсана майы EL 35. Сыртқы түрінің, иісінің, дәмінің сипаттамасы Мөлдір, түссіз немесе сәл сарғыш түсті сұйықтық.

Аналық без обырында - таралған аналық бездер обыры немесе бастапқы лапаротомия жүргізуден кейінгі 1 см-ден көп қалдық ісігі бар пациенттерді платина препараттарымен біріктірілген бірінші желіде емдеу; - стандартты емнен кейінгі оң нәтиже бермеген, метастаздары бар аналық бездер обыры бар пациенттері екінші желіде емдеу; Сүт бездерінің обырында - стандартты біріктірілген ем жүргізгеннен кейін лимфалық түйіндерінде метастаздары бар науқастарды адьювантты емдеу - антрациклиндік қатар препараттарын қоса, оларды қолдану үшін көрсетілім болмағанда, адьювантты емдеу жүргізуді бастағаннан кейін 6 ай ішінде ауру қайталанғаннан кейін обырдың кешеуілді сатысы немесе метастазды обыры бар пациенттерді бірінші желіде емдеу - оларды қолдануға қарсы көрсетілім болмағанда, антрациклиндік қатардың препараттарымен біріктірілімінде немесе HER-2 2+ немесе 3+ деңгейде экспрессиялануы иммуногистохимия арқылы анықталған пациенттерді трастузумабпен біріктірілімде, сүт безі обырының кешеуілдеген сатысындағы немесе метастаздық обыры бар пациенттерді бірінші желіде емдеу - біріктірілген химиотерапиядан кейін аурудың үдеуінде обырдың кешеуілдеген сатысындағы немесе метастаздық обыры бар пациенттерді екінші желіде емдеу. Алдыңғы ем, антрациклиндерді қолдануға қарсы көрсетілімдер болмаған кезде антрациклин қатарындағы препараттарды қамтуы тиіс Өкпенің ұсақ емес жасушалы обырында - хирургиялық емдеу және/немесе сәулелі ем жүргізу жоспарланбайтын пациенттерді ципластинмен біріктірілімде немесе монотерапия түрінде бірінші желіде емдеу; ЖИТС-пен шартталған Капоши саркомасы - екінші желіде емдеу.

Паклитаксел биосинтетикалық жолмен алынатын, ісікке қарсы препарат болып табылады. Әсер ету механизмі тубулиннің димерлік молекулаларынан микротүтікшелердің құрастырылуын стимуляциялайтын, деполимеризацияны бәсеңдету есебінен олардың құрылымын тұрақтандыратын ықпалымен байланысты және интерфазада динамикалық қайта құрылуын тежейді, бұл жасушаның митоздық функциясын бұзады. Бұдан басқа, паклитаксел аномальді жинақталудың түзілуін немесе жасушалық цикл бойында микротүтікшелер «байламын» индукциялайды және митоз кезінде микротүтікшелердің көптеген жұлдыздарының түзілуін туындатады. Эксперименттік деректер бойынша мутагендік және эмбриоуыттылық қасиеттері бар, ұрпақ өрбіту функциясының төмендеуін туындатады.

Дозалау режимі Аса жоғары сезімталдықтың ауыр реакцияларын болдырмау үшін барлық пациенттерге глюкокортикостероидтармен, Н1- және Н2-гистаминді рецепторлар блокаторларымен, мысалы: - Паклитаксел препаратын ішке енгізерден шамамен 12 және 6 сағат бұрын 20 мг дексаметазон (немесе оның баламасы) немесе - шамамен Паклитаксел препаратын енгізерден 30-60 минут бұрын 20 мг дексаметазонды вена ішіне, Паклитаксел препаратын енгізерден 30-60 минут бұрын 50 мг дифенгидрамин (немесе оның баламасы) және 300 мг циметидин немесе 50 мг ранитидин вена ішіне енгізу керек. Тығыз ісігі бар пациенттерге Паклитаксел препаратымен емнің қайталау курсы нейтрофилдер мөлшері 1500/мкл (ЖИТС-пен шартталған Капоши саркомасы бар пациенттерде 1000/мкл), ал тромбоциттер мөлшері – 100000/мкл жеткеннен кейін ғана тағайындалады. Ауыр нейтропения (нейтрофилдер мөлшері бір аптадан астам уақыт бойына 500/мкл азды құрады) дамыған немесе ауыр шеткері нейропатиясы бар пациенттерде Паклитаксел препаратымен емдеудің кейінгі курстарында дозасын 20 %-ға төмендету керек. Нейроуыттылық және нейтропения дозаға тәуелді болып табылады. Аналық бездер обырын емдеудің бірінші желісі - соңынан платина препаратын енгізетін вена ішіне 3 сағаттық инфузия түріндегі 175 мг/м2-ден 3 аптада 1 рет немесе соңынан платина препаратын енгізетін 24 сағаттық инфузия түріндегі 135 мг/м2-ден 3 аптада 1 рет. Аналық бездер обырын емдеудің (монотерапия) екінші желісі - вена ішіне 3 сағаттық инфузия түріндегі 175 мг/м2-ден 3 аптада 1 рет. Сүт безі обырын адъювантты емдеу - Адьювантты ем стандартты біріктірілген емнен кейін жүргізіледі. Паклитаксел препараты вена ішіне 3 сағаттық инфузия түрінде 175 мг/м2 дозада енізіледі. 3 апталық аралықпен барлығы 4 емдеу курсын жүргізу ұсынылады. Сүт безі обырының бірінші желідегі емі - монотерапия: әр 3 апта сайын вена ішіне 3 сағаттық инфузия түріндегі 175 мг/м2. - трастузумабпен біріктірілген ем: трастузумабтың бірінші дозасын енгізгеннен кейін келесі күні - Паклитаксел препараты вена ішіне 3 сағаттық инфузия түріндегі 175 мг/м2, әр 3 аптада, трастузумаб жағымдылығы жақсы болғанда - трастузумабтың кейінгі дозаларын енгізуден кейін дереу. - доксорубицинмен біріктірілген ем (50 мг/м2): доксорубицин енгізуден кейін 24 сағаттан соң - Паклитаксел препараты әр 3 апта сайын вена ішіне 3 сағаттық инфузия түріндегі 220 мг/м2. Сүт безі обырын емдеудің екінші желісі - 175 мг/м2 әр 3 апта сайын вена ішіне 3 сағаттық инфузия түріндегі. Өкпенің жайылған ұсақ жасушалы емес обыры - біріктірілген ем: вена ішіне 3 сағаттық инфузия түріндегі 175 мг/м2, содан кейін - платина препараты әр 3 апта сайын немесе 24- сағаттық инфузия түріндегі 135 мг/м2, содан кейін - платина препараты әр 3 апта сайын. - монотерапия: 175 мг/м2 - 225 мг/м2 әр 3 апта сайын вена ішіне 3 сағаттық инфузия түріндегі. ЖИТС-пен байланысты Капоши саркомасын емдеудің екінші желісі - 135 мг/м2 вена ішіне 3 сағаттық инфузия түріндегі әр 3 апта сайын немесе 100 мг/м2 вена ішіне тамшылатып 3 сағат бойына, әр 2 апта сайын (аптасына 45-50 мг/м2). Аурылығы өте күрделенген ЖИТС бар пациенттердегі иммуносупрессия деңгейіне қарай, келесі шаралар ұсынылады: - дексаметазонның пероральді дозасын азайту (премедикация құрамындағы) 10 мг дейін; - Паклитаксел препаратын қандағы нейтрофилдер мөлшері тек 1000 жасуша/мкл аз болмағанда ғана қолдану; - ауыр нейтропенияда (апта бойына және одан астам уақыт қандағы 500 жасуша/мкл аз) – емнің келесі курстарында Паклитаксел препаратының дозасын 20 %-ға азайту; - қажет болғанда - гранулоцитарлық колония стимулияциялаушы фактор (Г-КСФ) тағайындау. Бауыр функциясы бұзылуында қолданылуы Бауыр жеткіліксіздігі және соған байланысты уыттылықтың жоғары қаупі бар пациенттерге (атап айтқанда, III-IV дарежедегі миелосупрессия) Паклитаксел препаратының дозасын түзету ұсынылады. Пациенттердің жай-күйіне мұқият бақылау жүргізу керек. 1 кесте: Бауыр функциясы бұзылуы бар пациенттер үшін ұсынылатын доза Бауыр жеткіліксіздігінің дәрежесі «Бауыр» трансаминазаларының белсенділігі — Қан сарысуындағы билирубин концентрациясы — Паклитаксел препаратының дозасы* 24 сағаттық инфузия < 2 х ҚЖШ — және — ≤ 26 мкмоль/л — 135 мг/м2 2-< 10 х ҚЖШ — және — ≤ 26 мкмоль/л — 100 мг/м2 < 10 х ҚЖШ — және — 28-129 мкмоль/л — 50 мг/м2 ≥ 10 х ҚЖШ — немесе — > 129 мкмоль/л — Ұсынылмайды 3 сағаттық инфузия < 10 х ҚЖШ — және — ≤ 22 х ҚЖШ — 175 мг/м2 < 10 х ҚЖШ — және — 22-35 х ҚЖШ — 135 мг/м2 < 10 х ҚЖШ — және — 35-86 х ҚЖШ — 90 мг/м2 ≥ 10 х ҚЖШ — немесе — > 86 х ҚЖШ — Ұсынылмайды * емнің бірінші курсы үшін ұсынылатын доза; кейінгі курстардағы дозаны түзету препараттың жеке жағымдылығына негізделуі тиіс. ҚЖШ – қалыптың жоғарғы шегі. Инфузияға арналған ерітіндіні дайындау Паклитаксел препаратын дайындағанда, сақтағанда және енгізгенде құрамында поливинилхлорид (ПВХ) болмайтын, мысалы, шыныдан, полипропилен немесе полиолефиннен жасалған жабдықты пайдалану керек. Препарат ерітіндісін паклитаксел концентратының ақырғы 0,3-тен 1,2 мг/мл дейінгі концентрациясына дейін сұйылту арқылы дайындайды. Сұйылтатын ерітінді ретінде мыналар пайдаланылуы мүмкін: 0,9% натрий хлориді ерітіндісі, 5% декстроза ерітіндісі, 0,9% натрий хлориді ерітіндісіндегі 5% декстроза ерітіндісі, Рингер ерітіндісіндегі 5% декстроза ерітіндісі. Дәрілік түр құрамында тасымалдағыш-негіз болғандықтан, дайындалған ерітінділер бозаңдануы мүмкін. Препаратты енгізгенде жарғақшалық сүзгісі (саңылаулар өлшемі 0,22 мкм аспайтын) бар жүйе пайдалану керек.

- паклитакселге немесе препаратты құрайтын қосымша заттарға, әсіресе полиоксиэтилденген майсана майына аса жоғары сезімталдық реакциялары; - паклитакселді бастапқы нейтрофил мөлшері 1500/мм3 (Капоши саркомасы бар пациенттер үшін <1000/мм3) пациенттерде қолдануға болмайды; - паклитакселді лактация кезеңінде қолдануға болмайды; - Капоши саркомасы бар пациенттерде күрделі бақыланбайтын инфекциялардың қатарлас болуы. Дәрілік препараттармен өзара әрекеттесуі Цисплатин: бірінші желіде аналық безі обырынның химиотерапиясында цисплатиннен бұрын паклитакселді енгізу ұсынылады, себебі бұл жағдайда паклитакселдің көтерімділік бейіне монотерапияға тән. Цисплатиннен кейін паклитакселді енгізгенде миелосупрессия айқын болады және паклитаксел клиренсі шамамен 20% азаяды. Гинекологиялық карциномалар үшін цисплатинмен монотерапия алған пациенттерге қарағанда паклитаксел және цисплатин алған пациенттерде бүйрек жеткіліксіздігінің қаупі жоғары болуы мүмкін. Доксорубицин: паклитакселді доксорубицинмен біріктіріп қолданғанда доксорубициннің және оның белсенді метаболиттерінің мөлшері төмендеуі мүмкін, сондықтан паклитаксел сүт безінің метастаздық обырын бастапқы емдеу кезінде доксорубицин енгізілгеннен кейін 24 сағаттан соң тағайындалуы тиіс. CYP2C8 және CYP3A4 P450 цитохромы изоферменттерінің субстраттары, индукторлары және тежегіштері: паклитаксел метаболизмі P450 CYP2C8 және CYP3A4 цитохромының изоферменттерімен ішінара катализденеді. Сондықтан, дәрі-дәрмектердің өзара әрекеттесуінің фармакокинетикасы зерттелмеген жағдайда, паклитакселді CYP2C8 немесе CYP3A4 тежейтін препараттармен (мысалы, например, эритромицин, флуоксетин, гемфиброзил, клопидогрел, циметидин, ритонавир, саквинавир, индинавир және нелфинавир) бірге қолданғанда сақ болыңыз, себебі паклитакселдің әсер етуінің жоғарылауына байланысты паклитакселдің уыттылығы жоғарылайды. Паклитакселді CYP2C8 немесе CYP3A4 әсерін күшейтетін дәрілік заттармен (мысалы, рифампицин, карбамазепин, фенитоин, эфавиренз, невирапин) бір мезгілде қолдану ұсынылмайды, себебі паклитакселдің әсер етуінің төмендеуіне байланысты тиімділігі төмендеуі мүмкін. Клиникалық зерттеулер көрсеткендей, CYP2C8-бен паклитакселдің 6а-гидроксипаклитакселге дейінгі метаболизмі адамдардың негізгі метаболизм жолы болып табылады. CYP3A4 белгілі қуатты тежегіші кетоконазолды бір мезгілде енгізу пациенттерде паклитакселдің элиминациясын тежемейді, сондықтан екі дәрілік затты дозаны түзетудің қажеттілігінсіз бірге қабылдауға болады. Циметидин: паклитакселдің клиренсі циметидинмен алдын ала өңдеуге байланысты емес. Протеаза тежегіштері: Капоши саркомасы бар пациенттерге жүргізілген зерттеулер көрсеткендей, паклитакселдің жүйелік клиренсі нельвинавир мен ритонавирдің қатысуымен едәуір төмендеген, бірақ индинавирмен емес. Басқа протеаза тежегіштерімен өзара әрекеттесуі туралы ақпарат жеткіліксіз. Сондықтан паклитакселді протеаза тежегіштерін ілеспе ем ретінде алатын пациенттерге сақтықпен тағайындау керек. Тірі вакциналар: паклитакселмен емделетін пациенттерде тірі вакциналарды қолдану ауыр инфекцияларды тудыруы мүмкін, себебі бұл вакциналарға антиденелердің реакциясы төмендеуі мүмкін. Сондықтан химиялық терапия кезінде тірі вакциналармен вакцинациядан аулақ болу керек. Ем аяқталғаннан кейін және кез келген жағдайда химиотерапияның соңғы дозасынан кейін 3 айдан кейін тірі вакциналармен вакцинациялауды сақтықпен өту ұсынылады.Тірі вакциналарды пайдаланудан аулақ болу керек, сондықтан маманның кеңесіне жүгіну ұсынылады. Тірі вакциналарды бір мезгілде пайдалану, өліммен аяқталатын вакцинадан болатын жүйелі ауру қаупін арттырады. Иммунитеті төмен пациенттерге тірі вакциналар ұсынылмайды.

Аналық без обырын, сүт безінің обырын, өкпенің ұсақ жасушалы емес обыры немесе Капоши саркомасын емдегенде жағымсыз әсерлерінің, әдетте ауырлығы және жиілігі бойынша айырмашылығы болмайды. Жағымсыз реакциялар жасқа анық тәуелді емес. Метастаздық ауруды емдеуде 3 сағаттық венаішілік инфузия түріндегі монотерапия кезіндегі жағымсыз реакциялар: Инфекциялар және инвазиялар: Өте жиі: инфекция (негізінен, несеп шығару жолдарының және жоғарғы тыныс алу жолдарының инфекциялары), өлім жағдайына әкеп соққан Жиі емес: сепсистік шок Сирек: сепсис*, перитонит*, пневмония* Қан және лимфа жүйесі тарапынан: Өте жиі: миелосупрессия, нейтропения, анемия, тромбоцитопения, лейкопения, қызба, қан кету Сирек: фебрильді нейтропения* Өте сирек: жедел миелоидты лейкоз*, миелодисплазиялық синдром* Иммун жүйесі тарапынан: Өте жиі: шамалы аса жоғары сезімталдық реакциялары (негізінен қызару және бөртпе) Жиі емес: емдеуді қажет ететін едәуір аса жоғары сезімталдық реакциялары (мысалы, гипотония, ангионевроздық ісіну, респираторлық дистресс, жайылған есекжем, қалтырау, арқаның ауыруы, кеуденің ауыруы, тахикардия, іштің ауыруы, аяқ-қолдың ауыруы, диафорез және гипертония) Сирек: анафилаксиялық реакциялар* Өте сирек: анафилаксиялық шок* Зат алмасуының және тамақтанудың бұзылуы: Өте сирек: анорексия Белгісіз: ісік лизисі синдромы* Психиатриялық бұзылулар: Өте сирек: сананың шатасуы* Жүйке жүйесі тарапынан: Өте жиі: нейроуыттылық (негізінен шеткері нейропатия) Сирек: қозғалыс нейропатиясы (аяқ-қолдың шамалы әлсіздігіне әкеледі)* Өте сирек: қатты ауру салдарынан тырысу талмалары*, вегетативті жүйенің нейропатиясы (салданған ішек бітелуі және ортостаздық гипотензия көріністерлуі)*, энцефалопатия*, конвульсия*, бас айналуы*, бас ауыруы*, атаксия*. Көру мүшесі тарапынан: Өте сирек: көру жүйкесінің қайтымды зақымдануы және/немесе көру қабылетінің бұзылуы (жыпылықтағыш скотома немесе көз сақинасы) Белгісіз: макулярлы ісіну*, фотопсия*, көз алдының бұлыңғырлануы* Есту мүшелері тарапынан: Өте сирек: есту қабылетін жоғалту*, отоуыттылық*, құлақтағы шуыл*, бас айналу* Жүрек тарапынан: Жиі: брадикардия Жиі емес: миокард инфарктісі, АВ-блокада және талу, кардиомиопатия, симптомсыз қарыншалық тахикардия, бигеминиямен тахикардия Сирек: жүрек жеткіліксіздігі Өте сирек: жүрекше фибрилляциясы*, суправентрикулярлы тахикардия* Тамырлар тарапынан: Өте жиі: гипотония Жиі емес: тромбоз, гипертония, тромбофлебит Өте сирек: шок* Белгісіз: флебит Тыныс алу жүйесі тарапынан: Сирек: тыныс алу жеткіліксіздігі*, өкпе эмболиясы*, өкпе фиброзы*, интерстициялық пневмония*, ентігу*, плевралық эффузия* Өте сирек: жөтел. Асқазан-ішек жолы тарапынан: Өте жиі: диарея, құсу, жүрек айнуы, шырышты қабықтың қабынуы Сирек: ішектің бітелуі*, ішектің перфорациясы*, ишемиялық колит*, панкреатит* Өте сирек: шажырқай артерияларының тромбозы*, жалған жарғақшалы колит*, нейтропениялық колит*, асцит*, эзофагит*, іш қату* Бауыр және өт шығару жолдары тарапынан: Өте сирек: гепатонекроз* (өліммен аяқталатын), бауыр энцефалопатиясы* (өліммен аяқталатын) Тері, тері асты тіндері тарапынан: Өте жиі: алопеция Жиі: тері және тырнақтардың уақытша елеусіз өзгерістері. Сирек: қышыну*, бөртпе*, эритема* Өте сирек: Стивенс-Джонсон синдромы*, эпидермалық некролиз*, мультиформалы эритема*, эксфолиативті дерматит*, есекжем*, онихолизис (терапиядағы пациенттер қол мен аяқтарын күннен қорғауы тиіс)* Белгісіз: склеродермия Қаңқа-бұлшықет жүйесі тарапынан: Өте жиі: артралгия, миалгия Жиілігі белгісіз: жүйелі қызыл жегі* Жергілікті реакциялар: Жиі: инъекция орнындағы реакциялар (оқшау ісіну, ауырсыну, эритема, тығыздану, кейде дәрі-дәрмектің тамырдан ағып шығуы целлюлитке, фиброзға және тері некрозына әкелуі мүмкін) Сирек: гипертермия*, сусыздану*, астения*, ісіну*, әлсіздік * Зертханалық көрсеткіштер тарапынан: Жиі: аспартатаминтрансфераза (АСТ) белсенділігінің едәуір жоғарылауы, сілтілі фосфатаза белсенділігінің жоғарылауы Жиі емес: билирубин концентрациясының едәуір жоғарылауы Сирек: сарысулық креатинин концентрациясының жоғарылауы* * - жанама әсерлер туралы постмаркетингтік деректер. Біріктірілген ем кезіндегі жағымсыз реакциялар Бірінші желідегі аналық бездің обырын емдеу үшін үш сағаттық инфузиялық схемада қолданылатын паклитакселді содан кейін цисплатинді қабылдаған пациенттерде, циклофосфамидті содан кейін цисплатинді қабылдаған пациенттермен салыстырғанда, нейроуыттылық, артралгия/миалгия және жоғары сезімталдық жиірек және елеулірек сипаттармен байқалған. Паклитакселді үш сағат енгізгеннен кейін цисплатинді енгізу, циклофосфамидті содан кейін цисплатинді енгізумен салыстырғанда миелосуппрессияның жиілігі мен маңыздылығы аз байқалған. Бірінші желідегі сүт безінің метастаздық обырының химиотерапиясы кезінде (50 мг/м2) доксорубицин препаратын енгізгеннен кейін 24 сағаттан соң 220 мг/м2 паклитаксел препаратын 3 сағаттық инфузия түрінде енгізгенде нейтропения, анемия, шеткері нейропатия, артралгия/миалгия, астения, қызба және диарея сияқты ауыр реакциялар ФДЦ (5-ФУ 500 мг/м2, доксорубицин 50 мг/м2, циклофосфамид 500 мг/м2) стандартты терапиясымен салыстырғанда жиі хабарланды. Паклитакселмен (220 мг/м2) / доксорубицинмен (50 мг/м2) емдеу кезінде жүрек айнуы және құсу ФДЦ стандартты терапиясымен салыстырғанда төмен жиілікте және ауырлықта тіркелді. Кортикостероидтарды қолдану паклитаксел / доксорубицинмен емдеуде жүрек айнуы мен құсудың жиілігі мен ауырлығының төмендеуіне ықпал етуі мүмкін. Бірінші желідегі сүт безінің метастаздық обырының химиотерапиясы кезінде паклитакселдің монотерапиясымен салыстырғанда, паклитакселді трастузумабпен бірге 3 сағаттық инфузиясы түрінде енгізгенде келесі реакциялар (паклитакселдің трастузумабпен қатынасына қарамастан) жиі тіркелген: жүрек жеткіліксіздігі (1% қарсы 8%), инфекциялар (27% қарсы 46%), қалтырау (4% қарсы 42%), қызба (23% қарсы 47%), жөтел (22% қарсы 42%), бөртпе (18% қарсы 39%), артралгия (21% қарсы 37%), тахикардия (4% қарсы 12%), диарея (30% қарсы 45%), гипертония (3% қарсы 11%), мұрыннан қан кету (4% қарсы 18%), акне (3% қарсы 11%), қарапайым герпес (3% қарсы 12%), кездейсоқ жарақаттар (3% қарсы 13%), ұйқысыздық (13% қарсы 25%), ринит (5% қарсы 22%), синусит (7% қарсы 21%) және инъекция орнындағы реакция (1% қарсы 7%). Кейбір жағдайларда жиіліктің айырмашылықтары паклитаксел монотерапиясымен салыстырғанда паклитаксел/трастузумаб біріктіріп емдеудің саны мен ұзақтығының жоғарылауына байланысты болуы мүмкін. Күрделі жағымсыз реакциялар паклитаксел/трастузумаб және паклитаксел монотерапиясын алған пациенттерде ұқсас пайызбен тіркелді. Сүт безінің метастаздық обырында, жүрек жиырылуының бұзылуы (сол жақ қарыншасының лықсу фракциясының≥ 20% қысқаруы) ФДЦ стандартты емдеудегі пациенттердің 10% салыстырғанда доксорубицинді паклитакселмен біріктіріп енгізгенде пациенттердің 15% байқалды. Іркілісті жүрек жеткіліксіздігі паклитаксел/доксорубицин және ФДЦ стандартты терапиясын алған екі топтағы пациенттердің 1% азында байқалды. Бұрын антрациклин алған пациенттерге трастузумабты паклитакселмен біріктіріп енгізу, паклитаксел монотерапиясын алған пациенттермен салыстырғанда жүрек қызметінің бұзылу жиілігі мен ауырлығының артуына алып келді (NYHA I/II класы 0% - ға қарсы 10%; NYHA III/IV класы 1% - ға қарсы 2%) және өліммен сирек байланысты болды. Осы сирек жағдайлардан басқа барлық жағдайларда, пациенттер тиісті ем алды. Сәулелік пневмония заманауи сәулелік терапиядан өтетін пациенттерде хабарланған. ЖИТС-пен шартталған Капоши саркомасы Гематологиялық және бауырдың жанама әсерлерін қоспағанда, жанама әсерлердің жиілігі мен ауырлығы Капоши саркомасы бар пациенттер үшін және паклитаксел монотерапиясын алған басқа да ауқымды ісіктері бар пациенттер үшін тең. Қан және лимфа жүйесі тарапынан: миелосупрессия дозаға тәуелді ең маңызды уыттылық болып табылады. Нейтропения ең маңызды гематологиялық уыттылық болып табылады. Бірінші емдеу курсы кезінде ауыр нейтропения (<500 жасуша/мм3) пациенттердің 20% пайда болды. Емдеудің барлық кезеңінде ауыр нейтропения пациенттердің 39% байқалды. Нейтропенияның ұзақтығы 41% - дан астам пациенттерде 7 күн көп болды және 8% пациенттерде 30-35 күнге созылды. Барлық пациенттерде 35 күн ішінде шешім байқалды. 7 және одан да көп күнге созылған 4 дәрежедегі нейтропения жиілігі 22% - ды құрады. Паклитакселмен байланысты нейтропениялық қызба пациенттердің 14% және емдеу циклдерінің 1,3% байқалды. Паклитакселді қабылдау кезінде өлімге әкелген 3 сепсистік эпизод (2,8%) болды. Тромбоцитопения пациенттердің 50% байқалды және 9% ауыр болды (<50000 жасуша/мм3). Тек 14% жағдайда ғана емдеу кезінде кемінде бір рет тромбоциттер санының <75 000 жасуша/мм3 төмендеуі байқалды. Паклитакселмен байланысты қан кету эпизодтары пациенттердің 3% азында байқалды, бұл ретте қан кету жағдайлары жергілікті сипатта болды. Анемия (Hb <11 г/дл) пациенттердің 61% байқалды және 10% ауыр болды (Hb <8 г/дл). Эритроциттерді құю пациенттердің 21% қажет болды. Бауыр-өттік бұзылулар: бауырдың қызметі қалыпты пациенттер арасында (протеаза тежегіштерін алған > 50%) бастапқы деңгейде билирубин, сілтілі фосфатаза және АСТ (тиісінше 28%, 43% және 44%) ұлғаюы байқалды. Осы параметрлердің әрқайсысы үшін артуы 1% жағдайда күрделі болды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды ұлттық сараптау орталығы» ШЖҚ РМК http://www.ndda.kz

Симптомдары: Бастапқы күтілетін артық дозалану асқынулары мыналар: сүйек кемігі функциясының бәсеңдеуі, шеткері нейроуыттылық және мукозит. Емі: арнайы антидоты жоқ. Симптоматикалық емдеу.

Арнайы сақтандырулар Паклитаксел препаратын қолдану ісікке қарсы химиотерапиялық препараттармен жұмыс тәжірибесі бар дәрігердің бақылауымен жүзеге асуы тиіс. Препаратқа аса жоғары сезімталдық реакцияларының болуы мүмкін болғандықтан, тиісті терапиялық жабдықтар болуы керек. Экстравазация мүмкіндігін ескере отырып, препаратты қабылдау кезінде инфильтрацияның алдын алу үшін инфузиялық аймақты қатаң бақылауда ұстаған жөн. Пациенттерге кортикостероидтармен, антигистаминдермен және Н2 антагонистерімен алдын-ала премедикация жүргізілуі керек. Егер паклитаксел цисплатинмен бірге қолданылса, алдымен паклитаксел, содан кейін цисплатин енгізу керек. Паклитакселмен өңдегеннен кейін, жүргізілген премедикацияға қарамастан, емдеуді қажет ететін ентігу және гипотензиямен сипатталатын ауыр аса жоғары сезімталдық реакциялары, ангионевроздық ісіну және жайылған есекжем пациенттердің <1% дамыды. Мұндай реакциялар, бәлкім, гистаминмен байланысты болуы мүмкін. Аса жоғары сезімталдық реакциясы туындаған жағдайда паклитакселді дереу тоқтату керек, симптоматикалық терапия тағайындау керек және препарат қайта енгізілмеуі керек. Миелосупрессия (негізінен нейтропения) дозаға тәуелді уыттылық болып табылады. Гематологиялық параметрлердің жиі мониторингі орнатылуы тиіс және нейтрофилдер ≥ 1500/мм3 (≥ 1000/мм3 Капоши саркомасы бар пациенттер үшін) және тромбоциттер ≥ 100 000/мм3 (Капоши саркомасы бар пациенттер үшін≥ 75.000/мм3) мәні қайтып оралғанға дейін емдеу жаңартылмауы тиіс. Капоши саркомасын клиникалық зерттеуде пациенттердің көпшілігінде гранулоциттердің өсу факторы (G-CSF) алынған. Бауыр функциясы бұзылған пациенттерде уыттылық қаупі жоғары болуы мүмкін, әсіресе 3-4 дәрежелі миелосупрессия. Бауыр функциясы жеңіл бұзылған пациенттерге үш сағат ішінде енгізгенде паклитакселдің уыттылығы жоғарыламайтындығы көрсетілген. Паклитаксел баяу инфузия түрінде енгізілгенде, бауырдың функциясы орташа немесе ауыр бұзылған пациенттерде миелосупрессияның жоғарылауы байқалуы мүмкін. Пациенттер ауыр миелосупрессияның дамуына мұқият бақылануы керек. Бауыр функциясы жеңіл және орташа дәрежелі бұзылған пациенттерде дозаны түзетуді ұсынатын мәліметтер жеткіліксіз. Терапияның басында ауыр холестазбен ауыратын науқастар туралы деректер жоқ. Бауыр функциясы ауыр бұзылған пациенттерді паклитакселмен емдеуге болмайды. Жүрек өткізгіштігінің ауыр ауытқулары паклитаксел монотерапиясында сирек хабарланды. Егер олар паклитакселді қабылдау кезінде пайда болса, тиісті терапия тағайындалуы керек және келесі цикл кезінде жүректің тұрақты мониторингі жүргізілуі керек. Гипотония, гипертония және брадикардия паклитакселмен емдеу кезінде байқалды; әдетте симптомсыз өтеді және әдетте емдеуді қажет етпейді. Өмірлік маңызды параметрлер көрсеткіштерін жиі бақылау ұсынылады, әсіресе паклитаксел инфузиясының алғашқы сағатында. Ауыр жүрек-қан тамыр оқиғалары сүт безінің немесе аналық бездің қатерлі ісігі бар пациенттерге қарағанда өкпенің ұсақ жасушалы емес қатерлі ісігі бар пациенттерде жиі байқалды. Капоши саркомасы кезінде ЖИТС-пен байланысты клиникалық зерттеуде паклитакселге байланысты жүрек жеткіліксіздігінің бір ғана оқиғасы байқалды. Сүт безінің метастаздық қатерлі ісігін бастапқы емдеу үшін паклитаксел доксорубицинмен немесе трастузумабпен бірге қолданылған кезде, жүректің жұмысын мұқият бақылау керек. Осы біріктірілімдегі паклитакселмен емделуге үміткер пациенттер ауру тарихы, физикалық тексеру, ЭКГ, эхокардиограмма және/немесе ангиокардиосцинтиграфия (MUGA scan) сияқты жүрек жағдайының бастапқы бағалауынан өтуі керек. Емдеу кезінде жүрек функциясын қосымша бақылау қажет (мысалы, әр үш айда). Тексеру жүрек қызметінің бұзылуымен ауыратын пациенттерді анықтауға көмектеседі және дәрігерлер қарыншалық функцияның жиілігін анықтаған кезде антрациклиннің жалпы дозасын (мг/м2) мұқият бағалауы керек. Деректер жүрек функциясының нашарлауын, оның ішінде симптомсыз жағдайды көрсеткен кезде емдеуші дәрігерлер әлеуетті қайтымсыз зақымдануды қоса алғанда, жүректің зақымдану мүмкіндігіне қарсы кейінгі терапияның клиникалық артықшылықтарын мұқият бағалауы тиіс. Егер одан әрі емдеу жүргізілсе, жүрек функциясын бақылау жиі болуы тиіс (мысалы, әрбір 1-2 цикл). Шеткері невропатия жиі кездесетін жағдай болса да, ауыр белгілердің дамуы сирек кездеседі. Ауыр жағдайларда паклитакселмен емдеудің барлық кейінгі курстарында дозасын 20 % төмендету ұсынылады (Капоши саркомасы бар науқастарда 25%). Бірінші желідегі ем қабылдайтын өкпенің ұсақ жасушалық емес обыры бар пациенттерде және аналық без обыры бар пациенттерде үш сағат ішінде паклитакселді цисплатинмен біріктіріп енгізу, цисплатиннен кейін енгізілетін паклитаксел монотерапиясымен және циклофосфамид монотерапиясымен салыстырғанда ауыр нейроуытты жағдайдың жиілеуіне әкелді. Жергілікті көтерімділігін бағалау үшін жүргізілген жануарларды зерттеу кезінде артерияішілік енгізуден кейін тіндердің ауыр реакциясы байқалды; осыған байланысты паклитакселді осындай тәсілмен қолдануға жол бермеуге ерекше назар аудару керек. Өкпені сәулелік терапия және паклитакселмен біріктіріп емдеу, олардың қолдану реттілігіне қарамастан, интерстициялық пневмонияның дамуына ықпал етуі мүмкін. Паклитаксел құрамында этанол бар болғандықтан, оның орталық жүйке жүйесіне әсерін және басқа да мүмкін әсерін бағалау қажет. Бактерияға қарсы терапияны бір уақытта қабылдамаған пациенттердің жағдайларын қоса алғанда, жалған жарғақшалы колит жағдайлары сирек хабарланған. Бұл реакцияны паклитакселмен емдеген кезде немесе одан кейін бірден пайда болатын ауыр немесе тұрақты диарея жағдайларының дифференциациялық диагностикасы кезінде ескеру қажет. Капоши саркомасы бар пациенттерде ауыр мукозит сирек кездеседі. Егер елеулі реакциялар пайда болса, паклитакселдің дозасын 25% төмендету керек. Жүктілік Паклитакселді жүктілік кезінде қолдану туралы жеткілікті ақпарат жоқ. Паклитакселдің үй қояндарына эмбриоуытты және фетоуытты әсер ететіндігі және егеуқұйрықтардың фертильділігін төмендететіні көрсетілген. Басқа цитоуытты агенттер сияқты, паклитакселді жүкті әйелдерге тағайындаған кезде ұрыққа зиян келтіруі мүмкін, сондықтан оны қажет болмаған жағдайда жүктілік кезінде қолдануға болмайды. Бала туу жасындағы әйелдерге паклитакселмен емдеу кезінде жүкті болмауын, егер бұл жағдай орын алса емдеуші дәрігерді дереу хабардар етуді ұсыну керек. Фертильділік Бала туу жасындағы әйелдер мен ерлер және/немесе олардың жұптастары паклитакселмен емдегеннен кейін кем дегенде 6 ай ішінде контрацепциялық заттарды қолдануы керек. Ер жынысты пациенттер бедеулікке байланысты паклитакселмен емделгенге дейін ұрықты криоконсервациялау туралы білуі тиіс. Лактация кезеңі Паклитакселді лактация кезеңінде қолдануға болмайды. Паклитакселдің емшек сүтімен организмнен шығарылуы белгісіз. Терапия кезінде бала емізуді тоқтату ұсынылады. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Паклитакселдің көлік жүргізу және машиналарды басқару қабілетіне әсері дәлелденген жоқ. Препараттың құрамында этанол барын ескерсек, препарат көлік құралдарын немесе қауіптілігі зор механизмдерді басқару қабілетіне әсер етеді.

Нұсқаулықта көрсетілмеген.

Нұсқаулықта көрсетілмеген.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде 25°С-ден аспайтын температурада сақтау керек. Балалардың қолы жетпейтін жерде сақтау керек!