НуТРИфлекс Липид пери эмульсия

1000 мл эмульсияның құрамында белсенді заттар: — изолейцин, 1.87 г, лейцин, 2.50 г, лизин гидрохлориді (лизинге баламалы), 2.27 г (1.81 г), метионин, 1.57 г, фенилаланин, 2.81 г, треонин, 1.46 г, триптофан, 0.46 г, валин, 2.08 г, аргинин, 2.16 г, гистидин гидрохлориді моногидраты (гистидинге баламалы), 1.35 г (1.00 г), аланин, 3.88 г, аспарагин қышқылы, 1.20 г, глутамин қышқылы, 2.80 г, глицин, 1.32 г, пролин, 2.72 г, серин, 2.40 г, натрий гидроксиді, 0.640 г, натрий хлориді, 0.865 г, натрий ацетаты тригидраты, 0.435 г, калий ацетаты, 2.354 г, магний ацетаты тетрагидраты, 0.515 г, кальций хлориді дигидраты, 0.353 г, глюкоза моногидраты (сусыз глюкозаға баламалы), 70.4 г (64.0 г), натрий дигидрофосфаты дигидраты, 0.936 г, мырыш ацетаты дигидраты, 5.28 мг, соя майы, 20 г, ортаңғы тізбек триглицеридтері 20 г. қосымша заттар: лимон қышқылының моногидраты (рН деңгейін реттеу үшін), жұмыртқа лецитині, глицерин, натрий олеаты, инъекцияға арналған су Электролиттер концентрациясы – натрий 40 ммоль/л, калий 24 ммоль/л, магний 2.4 ммоль/л, кальций 2.4 ммоль/л, мырыш 0.024 ммоль/л, хлоридтер 38 ммоль/л, ацетаттар 32 ммоль/л, фосфаттар 6.0 ммоль/л. амин қышқылдарының мөлшері 32 г, азот мөлшері 4.6 г, көмірсулар мөлшері 64 г, липидтер мөлшері 40 г, липидтердің энергетикалық құндылығы 1590 кДж/ 380 ккал, көмірсулардың энергетикалық құндылығы 1075 кДж/ 255 ккал, амин қышқылдарының энергетикалық құндылығы 535 кДж/ 130 ккал, ақуыздық емес энергетикалық құндылығы 2665 кДж/ 635 ккал, жалпы калориялығы 3200 кдж/ 765 ккал, осмоляльдылығы 950 мОсм/кг, теориялық осмоляльдылығы 840 мОсм/л, рН 5.0-6.0 Сыртқы түрінің иісінің, дәмінің сипаттамасы Амин қышқылдары ерітіндісі және глюкоза ерітіндісі: механикалық қосылыстардан бос, түссізден бозғылт-сары түске дейінгі мөлдір ерітінділер. Майлы эмульсия: «судағы май» гомогенді ақ сүтті эмульсия.

НуТРИфлекс Липид пери құрамында амин қышқылдары, электролиттер және май қышқылдары деп аталатын сұйықтықтар мен заттар бар, олар организмнің өсуі немесе қалпына келтіру үшін қажет. Оның, сондай-ақ құрамында көмірсулар мен майлар түрінде калориялар бар. НуТРИфлекс Липид пери егер Сізде тамақтануда бұзылулар болса, қолданылады. Операциядан, жарақаттан немесе күйіктен кейін қалпына келген кезде немесе асқазанның немесе ішектің сіңіру мүмкіндігі болмаған жағдайда, бұл орын алуы мүмкін көптеген жағдайлар бар. Бұл ерітінді ересектерге, жасөспірімдерге және 2 жастан асқан балаларға қолданылады.

Әсер ету механизмі Парентеральді қоректендіру мақсаты тіндердің өсуі және/немесе регенерациясы үшін, сондай-ақ организмнің барлық функцияларын демеу үшін барлық қажетті қоректік заттар мен энергияны қамтамасыз ету болып табылады. Амин қышқылдарының ерекше маңызы бар, өйткені олардың кейбірі ақуыз синтезі үшін маңызды компоненттер болып табылады. Энергия көздерін бір мезгілде енгізу (көмірсулар/липидтер) тіндер мен анаболизмді регенерациялау, сондай-ақ оларды энергия көзі ретінде пайдалануды болдырмау үшін амин қышқылдарының резерві үшін қажет. Глюкоза организмде метаболизденеді. ОЖЖ, сүйек кемігі, эритроциттер, түтікше тәрізді эпителий сияқты кейбір тіндер мен ағзалар өздерінің энергетикалық қажеттіліктерін тек глюкоза есебінен ғана жабады. Сонымен қатар, глюкоза түрлі жасушалық заттар үшін құрылымдық құрылыс блогы ретінде әсер етеді. Энергияның жоғары тығыздығына байланысты липидтер энергиямен жабдықтаудың тиімді нысаны болып табылады. Ұзын тізбекті триглицеридтер организмді жасушалық компоненттерді синтездеу үшін алмастырылмайтын май қышқылдарымен қамтамасыз етеді. Осы мақсаттар үшін майлы эмульсия құрамында орташа және ұзын тізбекті триглицеридтер бар (соя майынан алынған). Орташа ұзындықтағы тізбекті триглицеридтер жылдам гидролизденеді, айналымнан шығарылады және ұзын тізбекті триглицеридтерге қарағанда толығымен тотығады. Олар, әсіресе ұзын тізбекті триглицеридтердің ыдырауы және/немесе пайдаланылуы бұзылғанда, мысалы, липопротеинлипаза тапшылығы және/немесе липопротеинлипаза кофакторлары тапшылығы болған кезде басым энергетикалық субстрат болып табылады. Ұзын тізбекті триглицеридті фракциядан алынған қанықпаған май қышқылдары, ең алдымен, алмастырылмайтын май қышқылдары тапшылығының алдын алу және емдеу үшін қызмет етеді.

Дозалау режимі Доза пациенттің жеке қажеттіліктеріне сәйкес анықталуы тиіс. Сіздің дәрігер сізге дәрінің қанша мөлшері қажет және қанша уақыт қажет екенін анықтайды. НуТРИфлекс Липид пери препаратын үздіксіз енгізу ұсынылады. Инфузия жылдамдығының бірінші 30 минуттан кейін қажетті жылдамдыққа дейін сатылы ұлғаюы ықтималды асқынуларды болдырмауға мүмкіндік береді. 14 жастан бастап жасөспірімдер және ересектер Ең жоғары тәуліктік дозасы дене салмағына 40 мл/кг. Инфузияның ең жоғары жылдамдығы: сағатына дене салмағына 2.5 мл / кг. Дене салмағы 70 кг пациенттер үшін бұл сағатына 175 мл инфузия жылдамдығына сәйкес келеді. Балалар жасындағы пациенттер НуТРИфлекс Липид пери жаңа туған нәрестелерге, емшек еметін сәбилерге және екі жастан кіші бөбектерге қолдануға болмайды. 2-ден 13 жасқа дейінгі балаларға Пациенттердің осы тобы үшін дозалар орташа қажеттіліктерге негізделген, тек жалпы нұсқаулық үшін ұсынылған. Дәл дозасы жасына, даму деңгейіне және бұрыннан бар ауруларға сәйкес жеке анықталуы тиіс. Дозаны есептеу үшін пациенттің гидратация статусын ескеру қажет. Балалар үшін парентеральді қоректендіруді бастау үшін есептік дозаның жартысын пайдалану қажет болуы мүмкін. Доза метаболизмнің жеке ерекшеліктеріне сәйкес біртіндеп ең жоғары дозаға дейін артуы тиіс. 2-ден 4 жасқа дейінгі балаларға арналған тәуліктік доза: дене салмағына 45 мл/кг. 5-тен 13 жасқа дейінгі балаларға арналған тәуліктік доза: салмаққа 30 мл/кг. Ең жоғары инфузия жылдамдығы: сағатына дене салмағына 2.5 мл/кг. Балалардың жеке қажеттіліктеріне сәйкес НуТРИфлекс Липид пери энергетикалық қажеттіліктерді толық көлемде жаппауы мүмкін. Бұл жағдайларда қосымша көмірсулар және/немесе майлар енгізілуі тиіс. Бүйрек/бауыр функциясы бұзылған пациенттер Бауыр және бүйрек жеткіліксіздігі бар пациенттер үшін доза жеке таңдалуы тиіс. Енгізу әдісі мен жолы Бұл дәрі вена ішіне тамшылатып енгізіледі. Инфузия шеткері және орталық венаға. Емдеу ұзақтығы Белгіленген көрсетілімдер үшін парентеральді қоректену ұзақтығы 7 күннен аспауы тиіс. НуТРИфлекс Липид пери тағайындаған кезде микроэлементтер мен дәрумендердің тиісті мөлшерін қабылдауды қамтамасыз ету қажет. Бір пакет инфузиясының ұзақтығы Парентеральді қоректендіруге арналған пакет үшін инфузияның ұсынылатын ұзақтығы ең көп дегенде 24 сағатты құрайды. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі нұсқаулар Егер Сізде осы дәріні пайдалануға қатысты қандай да бір қосымша сұрақтар туындаса, өзіңіздің емдеуші дәрігеріңізге немесе фармацевтке жүгініңіз.

- егер сізде белсенді заттардың кез келгеніне, жұмыртқаға, жержаңғаққа немесе сояға, немесе осы дәрінің қосымша ингредиенттерінің кез келгеніне аллергия болса. - бұл дәріні екі жастан кіші нәрестелерге, сәбилер мен балаларға беруге болмайды. - егер сіз коллапс немесе шок жағдайында болсаңыз, туындауы мүмкін өмірге қауіп төндіретін қан айналымы мәселелері - жүрек ұстамасы немесе инсульт - қатты бұзылған қан ұю функциясы, қан кету қаупі (коагулопатияның ауыр түрі, өршитін геморрагиялық диатездер) - қан тамырларының қан ұйындыларымен немесе май бөлшектерімен бітелуі (эмболия) - бауырдың ауыр жеткіліксіздігі - өт бөлінуінің бұзылуы (бауыр ішіндегі холестаз) - диализ мүмкіндігі болмағанда ауыр бүйрек жеткіліксіздігі - су-тұз теңгерімінің бұзылуы - организмдегі су тапшылығы немесе артық болуы - өкпедегі сұйықтық (өкпенің ісінуі) - ауыр жүрек жеткіліксіздігі - кейбір мынадай метаболизмдік бұзылулар: - қандағы липидтердің (майлардың) артық болуы; - амин қышқылдары алмасуының туа біткен бұзылуы; - қандағы қанттың жоғары деңгейі, оны бақылау үшін сағатына 6 бірлік инсулин талап етіледі; - операциядан немесе жарақаттан кейін пайда болуы мүмкін зат алмасуының бұзылуы; - шығу тегі белгісіз кома; - организм тіндерінің оттегімен жеткіліксіз қамтылуы; - қандағы қышқылдың аномалиялық жоғары көрсеткіші

Барлық дәрілер сияқты, кейбір адамдарда бұл дәрі жағымсыз әсерлер тудыруы мүмкін. Жекелеген жағдайларға қарағанда жиі кездесетін жағымсыз реакциялар келесі градацияға сәйкес атап көрсетілген: өте жиі (≥1 / 10); жиі (≥1 / 100-ден <1/10 дейін); жиі емес (≥1 / 1000-нан <1/100 дейін); сирек (≥1 /10000-нан <1/1000 дейін); өте сирек (<1/10000), жиілігі белгісіз (қолда бар деректер бойынша реакциялардың пайда болу жиілігін бағалау мүмкін емес). Келесі жағымсыз реакциялар күрделі болуы мүмкін. Егер сізде келесі жағымсыз реакциялар пайда болса, дереу емдеуші дәрігерге хабарлаңыз, бұл дәріні пайдалану тоқтатылады: Жиі - веналардың тітіркенуі немесе қабынуы (флебит, тромбофлебит) Жиі емес - жүрек айнуы, құсу, тәбеттің жоғалуы Сирек - аллергиялық реакциялар, мысалы, тері реакциялары, ентігу, еріннің, ауыздың және тамақтың ісінуі, тыныс алудың қиындауы - қан ұюына жоғары бейімділік (гиперкоагуляция) - терінің көгеруі (цианоз) - ентігу - бас ауыруы - гиперемия - терінің қызаруы (эритема) - терлеу - қалтырау - тоңғақтық жай-күй - дене температурасының жоғарылауы - ұйқышылдық - кеуденің, арқаның, сүйектің немесе бел аумағының ауыруы - артериялық қысымның төмендеуі немесе жоғарылауы Өте сирек - қандағы май немесе қант деңгейінің аномалиялық жоғары мөлшері - қандағы қышқыл заттардың жоғары деңгейі - липидтердің тым көп мөлшері майдың артық жүктемесі синдромына әкелуі мүмкін, бұл туралы қосымша ақпаратты «Артық дозалану» бөлімінен қараңыз. Инфузияны тоқтатқан кезде симптомдар әдетте жоғалады. Белгісіз - лейкоциттер санының төмендеуі (лейкопения) - қандағы тромбоциттер санының төмендеуі (тромбоцитопения) - өт бөлінуінің бұзылуы (холестаз) Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК http://www.ndda.kz

Егер сіз дәрінің тым көп дозасын қабылдаған болсаңыз, сіз "артық жүктеме синдромынан" және келесі симптомдардан зардап шегуіңіз мүмкін: - сұйықтықтың артық мөлшері және электролиттік бұзылыстар - өкпедегі сұйықтық (өкпенің ісінуі) - несеп арқылы амин қышқылдарының жоғалуы және бұзылған амин қышқылы теңгерімі - құсу, жүрек айнуы - қалтырау - қандағы қант деңгейінің жоғарылауы - несептегі глюкоза - сұйықтық тапшылығы - қан қалыпқа қарағанда әлдеқайда концентрацияланған (гиперосмоляльдігі) - қандағы қанттың өте жоғары деңгейі салдарынан сананың бұзылуы немесе жоғалуы - сарғаюмен немесе онсыз (сарғаю) бауыр өлшемінің ұлғаюы (гепатомегалия) - көкбауыр өлшемінің ұлғаюы (спленомегалия) - ішкі ағзаларда майдың жинақталуы - бауыр функциясының бұзылуы - эритроциттер санының төмендеуі (анемия) - лейкоциттер санының төмендеуі (лейкопения) - қандағы тромбоциттер санының төмендеуі (тромбоцитопения ) ) - жетілмеген эритроциттер санының артуы (ретикулоцитоз)) - қандағы эритроциттердің бұзылуы (гемолиз) - қан кету немесе қан кетуге бейімділік - қан ұюының бұзылуы (бұл қан кету уақытының, коагуляция уақытының, протромбин уақытының өзгеруінен және т.б. көрінеді) - қызба - қандағы майдың жоғары деңгейі - санадан айрылу Осы симптомдардың кез келгені пайда болған кезде вена ішіне құюды дереу тоқтату керек.

НуТРИфлекс Липид пери қолданар алдында дәрігермен сөйлесіңіз. Егер: - сізде жүрек, бауыр немесе бүйрек проблемалары болса -сіз диабет, қандағы май мөлшерінің бұзылуы, сондай-ақ су-тұзды, қышқыл-сілтілі теңгерімнің бұзылуы сияқты метаболизмдік бұзылулардың белгілі бір түрлерінен зардап шексеңіз дәрігерге хабарлаңыз. Дәріні қабылдаған кезде, сіз аллергиялық реакцияның ерте белгілерін (қызба, дірілдеу, бөртпе немесе ентігу сияқты) анықтау үшін бақылауда болуыңыз керек. Қан үлгілерінің әртүрлі зерттеулерін қоса, әрі қарай мониторинг жүргізу және талдау жасау сіздің организміңіз енгізілген тамақ өнімдерін дұрыс сіңіретініне көз жеткізу үшін қолданылатын болады. Медбике қызметкерлері сондай-ақ сұйықтық пен электролиттердің сәйкестігін қалып шегінде қамтамасыз ету үшін шаралар қабылдауы мүмкін. НуТРИфлекс Липид периге қосымша сіз сіздің қажеттіліктерін толық қанағаттандыру үшін қосымша қоректік заттарды (азық-түлік) алуыңызға болады. Арнайы ескертулер Педиатрияда қолдану Бұл дәріні жаңа туған нәрестелерге, сәбилерге және екі жастан кіші балаларға тағайындауға болмайды. Препараттың көлік құралын немесе потенциалды қауіпті механизмдерді басқару қабілетіне дәрілік заттың ықпал ету ерекшеліктері НуТРИфлекс Липид пери әдетте ауруханада жатқан және автокөлікті пайдаланбайтын, өз бетімен қозғалуға қабілетсіз пациенттерге тағайындалады. Алайда, дәрінің өзі автокөлікті басқару немесе автокөлікті пайдалану қабілетіне әсер етпейді.

Егер сіз жүктімін деп болжасаңыз немесе жүктілікті жоспарласаңыз, осы дәріні қабылдамас бұрын дәрігерден кеңес алыңыз. Бұл дәрі жүкті әйелдерге, егер дәрігер оны жазылу үшін қажет деп санаса ғана қолданылуы мүмкін. Жүктілік кезінде НуТРИфлекс Липид пери қолдану туралы жеткілікті деректер жоқ. Егер пациент әйел парентеральді қоректенуге мұқтаж болса, емшек сүтімен қоректендіру ұсынылмайды.

Егер сіз қандай да бір басқа да дәрілерді қабылдайтын болсаңыз, жақында қабылдаған болсаңыз немесе қабылдауыңыз мүмкін болса, дәрігеріңізге хабарлаңыз. НуТРИфлекс Липид пери кейбір басқа дәрілік заттармен өзара әрекеттесуі мүмкін. Келесі тізімдегінің кез келгенін қабылдасаңыз, дәрігерге хабарлаңыз: - Инсулин - Гепарин - Варфарин немесе кумариннің басқа да туындылары сияқты жағымсыз қан ұюын болдырмайтын препараттар - Несептің шығуына ықпал ететін препараттар (диуретиктер) - Жоғары артериялық қысымды емдеуге арналған препараттар (АӨФ тежегіштері) - Жоғары қан қысымын немесе жүрек проблемаларын емдеуге арналған препараттар (ангиотензин-II рецепторлары антагонистері) - Циклоспорин және такролимус сияқты ағзаларды трансплантациялау кезінде пайдаланылатын препараттар - Қабынуды емдеуге арналған препараттар (кортикостероидтар) - Сұйықтықтың теңгеріміне әсер ететін гормональді препараттар (адренокортикотропты гормон немесе АКТГ)

Сақтау мерзімі 2 жыл Эмульсия контейнерді ашқаннан кейін бірден пайдаланылуы тиіс. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 250С-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!