Но-шпа® форте таблетки 80 мг

Бір таблетканың құрамында белсенді зат: дротаверин гидрохлориді 80.00 мг қосымша заттар: магний стеараты, тальк, повидон, жүгері крахмалы, лактоза моногидраты Сыртқы түрінің, иісінің, дәмінің сипаттамасы Жасылдау немесе қызыл-сары реңді сары түсті, ұзынша пішінді, екі беті дөңес, бір жағында «NOSPA» бедері бар және екінші жағында – ұзындығы шамамен 13 мм, ені шамамен 6 мм, биіктігі шамамен 3.8 мм сындыру сызығы бар таблеткалар

• өт шығару жолының ауруларымен байланысты тегіс бұлшықеттердің түйілулерінде: холецистолитиаз, холенгиолитиаз, холецистит, перихолицестит, холангит, папиллит • несеп шығару жолдарының тегіс бұлшықеттерінің түйілулерінде: нефролитиаз, уретеролитиаз, пиелит, цистит, қуық тенезмдері Қосымша ем ретінде: • асқазан-ішек жолдары тегіс бұлшықеттерінің түйілуінде: асқазан және он екі елі ішектің ойық жара ауруы, гастрит, кардия мен асқазан қақпасының түйілуі, энтерит, колит, спазмдық іш қатулар немесе метеоризммен тітіркенген ішек синдромы • бастың кернеп ауыруы кезінде • гинекологиялық аурулар кезінде: дисменорея.

Әсер ету механизмі Дротаверин тегіс бұлшықетке тікелей спазмолитикалық әсер көрсететін изохинолин туындысы болып табылады. Фосфодиэстераза ферментінің тежелуі және цАМФ деңгейінің одан әрі жоғарылауы оның әсер ету механизмінде айқындаушы фактор болып табылады және миозин киназасының жеңіл тізбегінің (МКЖТ) белсенділігін жою арқылы тегіс бұлшықеттің босаңсуына әкеледі. Дротаверин ФДЭ III және ФДЭ V изоферменттерін тежемей in vitro фосфодиэстераза (ФДЭ) IV ферментін тежейді. Шамасы, ФДЭ IV тегіс бұлшықеттердің жиырылуын тежеу үшін функционалды түрде өте маңызды; осының негізінде ФДЭ IV селективті тежегіштері гиперкинетикалық ауруларды және асқазан-ішек жолдарының тегіс бұлшықеттерінің спазмымен байланысты әртүрлі ауруларды емдеу кезінде пайдалы болуы мүмкін деп болжауға болады. ФДЭ III изоэнзимі миокард жасушаларында және тамырлардың тегіс бұлшықеттерінде цАМФ гидролиздейді; бұл дротаверин ауыр жүрек-қан тамырлары жағымсыз әсерлерінсіз және күшті жүрек-қантамыр емдік белсенділігінсіз тиімді спазмолитикалық агент болып табылатынын түсіндіреді. Препарат жүйке және бұлшықет этиологиясының тегіс бұлшықеттерінің спазмы үшін тиімді. Вегетативтік иннервация типіне қарамастан, дротаверин асқазан-ішек жолдары, өт шығару, урогенитальді және қантамыр жүйелері тегіс бұлшықеттеріне әсер етеді. Қантамырларын кеңейтетін әсерінің арқасында ол тіндердегі қан айналымын жақсартады. Дротавериннің әсері папаверинге қарағанда күшті, ал сіңуі тезірек және толық, ол қан сарысуындағы ақуыздармен аз байланысады. Оның артықшылығы папаверинді парентеральді енгізгеннен кейін байқалатын тыныс алу жүйесін стимуляциялайтын жағымсыз әсері жоқ.

Дозалау режимі Ересектер: Ұсынылатын тәуліктік доза 120-240 мг (2-3 қабылдауға) Қажет болса, Но-шпа® 40 мг таблеткаларын тиісті бір реттік дозаға қол жеткізу үшін қабылдау керек. 12 жастан асқан балалар үшін: 1-2 қабылдауға бөлінген ең жоғары тәуліктік доза 160 мг құрайды. Енгізу әдісі мен жолы Ішке. Ересектер мен 12 жастан асқан балаларды емдеудің ұзақтығы қолданылатын көрсетілімдерге байланысты. Спазмдық сипаттағы ауыруларда жоғарыда көрсетілген көрсетілімдерге сәйкес препаратты 1-2 күн қолданған жөн, қалған жағдайларда емнің ұзақтығын дәрігер анықтайды. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Осы препаратты қолдануға қатысты қандай да бір сұрақтар туындаған жағдайда емдеуші дәрігермен хабарласыңыз.

- белсенді заттарға немесе кез келген қосымша заттарға жоғары сезімталдық - бүйрек немесе бауырдың ауыр жеткіліксіздігі - жүректің ауыр жеткіліксіздігі (жүректің төмен лықсу синдромы) -12 жастан кіші балалар - сирек тұқым қуалайтын лактоза жақпаушылығы, Лапп лактаза тапшылығы аурулары немесе глюкоза/галактоза сіңірілуінің бұзылу синдромы бар пациенттер

Сирек: - аллергиялық реакция (ангионевроздық ісіну, есекжем, бөртпе, қышыну) - бас ауруы, бас айналу, ұйқысыздық - жүрек қағысының жиілеуі - гипотензия. - жүрек айнуы, іш қату Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: Дротавериннің артық дозасы өліммен аяқталуға соқтыруы мүмкін қарыншааралық блокада мен жүректің тоқтап қалуын қоса, жүрек өткізгіштігінің және ырғағының бұзылуына әкелуі мүмкін. Емі: артық дозалану жағдайында науқас қатаң бақылауда болып, симптоматикалық және демеуші ем қабылдауы тиіс, оның ішінде құсуды индукциялау және/немесе асқазанды шаю керек.

Артериялық қысым төмендеген кезде препаратты аса сақтықпен қолдану қажет болады Арнайы ескертулер Но-шпа® Форте таблеткаларында лактоза моногидраты бар. Галактоза көтере алмаушылығы, лактаза жеткіліксіздігі немесе глюкоза-галактозаның мальабсорбциясы (сіңірілуінің бұзылуы) бар сирек тұқым қуалайтын ауытқулары бар пациенттерге осы дәрілік затты қолдануға болмайды. Педиатрияда қолдану Балалар қатысуымен клиникалық зерттеулер жүргізілмеген. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Пациенттер препаратты қабылдағаннан кейін бас айналу пайда болған кезде көлік құралын немесе басқа механизмдерді басқару сияқты потенциалды қауіпті қызметтен бас тарту ұсынылатыны туралы хабардар болуы тиіс.

Пероральді ретроспективті клиникалық зерттеулер жүктілік кезеңіне, эмбриональді дамуға, босануға немесе постнатальді дамуға тікелей немесе жанама жағымсыз әсер етпеді. Алайда, жүктілік кезінде препаратты қолдану сақ болуды қажет етеді. Бала емізу кезеңінде қолдану ұсынылмайды.

Папаверин сияқты фосфодиэстераза тежегіштері леводопаның паркинсон ауруына қарсы әсерін азайтады. Дротаверинді леводопамен бірге қолданған кезде соңғысының паркинсон ауруына қарсы әсері төмендейді және тремор мен сіресудің күшеюі байқалады.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!