Никсар® таблетки 20 мг

Бір таблетканың құрамында белсенді зат – биластин, 20 мг қосымша заттар: микрокристалды целлюлоза (РН 102 типті), натрий крахмалы гликоляты (А типі), сусыз коллоидты кремнийдің қостотығы, магний стеараты. Сыртқы түрінің, иісінің, дәмінің сипаттамасы Сопақша пішінді, екі беті дөңес, ақ түсті, бөлуге арналған кертігі бар, сызаттары немесе ақаулары жоқ таблеткалар.

Аллергиялық риноконьюнктивитті (маусымдық және жыл бойғы) және есекжемді симптоматикалық емдеу. Никсар® ересектер мен жасөспірімдерде (12 жас және одан асқан) қолдануға арналған. Қолдану басталғанға дейін қажетті мәліметтер тізбесі

Әсер ету механизмі Биластин – бұл шеткері H1-рецепторлармен таңдамалы байланысатын және мускариндік рецепторлармен байланыспайтын, тыныштану әсерін туындатпайтын ұзақ әсер ететін антигистаминдік дәрі. Фармакодинамикалық әсерлері Биластин бір рет қолданылған жағдайда 24 сағат ішінде гистамин туындататын күлдіреуіктермен және эритемамен болатын тері реакцияларын бәсеңдетеді. Клиникалық тиімділігі және қауіпсіздігі Аллергиялық риноконъюнктивиті (маусымдық және жыл бойғы) бар ересектер мен жасөспірімдер қатысқан клиникалық зерттеулерде биластинді 14-28 күн бойы тәулігіне 1 рет 20 мг дозада қолдану аясында түшкіру, мұрыннан бөліністер, мұрынның қышуы, мұрынның бітелуі, көздің қышуы, көз жасының ағуы және көздің қызаруы сияқты ауру симптомдарының жеңілдеуі байқалған. Биластиннің емдік әсері 24 сағат бойы сақталған. Созылмалы идиопатиялық есекжемі бар пациенттер қатысқан клиникалық екі зерттеуде 28 күн бойы тәулігіне 1 рет 20 мг дозада биластин қолдану аясында қышынудың жеңілдеуі және күлдіреуіктер саны мен көлемінің азаюы білінген; одан бөлек, пациенттер есекжемге байланысты жайсыздықты аз сезінген. Пациенттерде ұйқының және хал-ахуалдың жақсаруы байқалды. Биластиннің клиникалық зерттеулерінде QTc аралығының клиникалық мәнді ұзаруы да, жүрек-қантамыр жүйесі тарапынан басқа бұзылулар да – тіпті ол 9 субъектіде 7 күн бойы тәулігіне 200 мг дозада (клиникалық дозадан 10 есе жоғары) қолданылған жағдайда және ол кетоконазол (24 субъект) мен эритромицин (24 субъект) сияқты P-gp тежегіштерімен бір мезгілде қолданылған жағдайда анықталмаған. Бұдан бөлек, 30 еріктіде препараттың QT аралығына ықпалы толық зерттелген зерттеу жүргізілді. Биластин тәулігіне 1 рет ұсынылатын 20 мг дозада қолданылған бақыланатын клиникалық зерттеулерде ОЖЖ қатысты биластин мен плацебоның қауіпсіздік бейіндері ұқсас болды; бұдан бөлек, биластин қолдану аясында ұйқышылдықтың пайда болу жиілігі плацебо қолдану аясындағы осындайдан статистикалық мәнді ерекшеленбеген. Клиникалық зерттеулерде тәулігіне 1 рет 40 мг дейінгі дозаларда қолданылған биластин психомоторлық функцияларға және автокөлікті басқару қабілетіне (көлік жүргізу стандартты тестісінде) әсер етпеген. II және III фаза зерттеулерінде қамтылған егде жастағы пациенттерде (жасы ≥ 65 жас) препараттың тиімділігі мен қауіпсіздігі жасырақ пациенттердегі осындайдан ерекшеленбеген. Егде жастағы 146 пациентпен жүргізілген тіркеуден кейінгі зерттеуде, ересектер тобының басқа мүшелерімен салыстырғанда, оларда қауіпсіздік бейін өзгешеліктері анықталмаған. Балалар Жасөспірімдер (12-17 жас) клиникалық әзірлеу бағдарламасында қамтылған. Клиникалық зерттеулер кезінде (аллергиялық риноконъюнктивиттің 81 салыстырмалы жасырын зерттеуінде) 128 жасөспірім биластин қабылдаған. Басқа 116 жасөспірім белсенді салыстыру препараттарын немесе плацебо қабылдаған топтарда рандомизацияланған. Ересектер мен жасөспірімдер арасындағы тиімділігі мен қауіпсіздігінің айырмашылықтары байқалмаған. Ұсынымдарға сәйкес, ересектер мен жасөспірімдерде дәлелденген тиімділікті балаларға экстраполяциялауға болады, өйткені дене салмағы кемінде 20 кг болатын 6-11 жас аралығындағы балалар 10 мг биластинді қабылдаған кезде байқалатын жүйелік әсер ересектердің 20 мг биластинді қабылдаған кездегі әсеріне сәйкес келеді (қараңыз). 5.2 бөлім). Ересектер мен жасөспірімдерде алынған деректерді экстраполяциялау осы препарат жағдайында негізделген болып саналады, өйткені аллергиялық риноконьюнктивит пен есекжемнің патофизиологиясы барлық жас топтарында бірдей. 2-11 жас аралығындағы балаларды қамтитын 12 апталық бақыланатын клиникалық зерттеуде (барлығы 509 бала, олардың 260 – ы 10 мг биластинді: 58 – 2 жастан < 6 жасқа дейін, 105 – 6 жастан < 9 жасқа дейін және 97-9 жастан < 12 жасқа дейін, ал 249 –ы плацебоны қабылдады: 58 – 2 жастан < 6 жасқа дейін, 95 – 6 жастан < 9 жасқа дейін және 96 – 9 жастан < 12 жасқа дейін) препаратты тәулігіне бір рет 10 мг дозада қабылдаған кезде (доза педиатриялық бейіндегі пациенттерде қолдануға ұсынылады) биластиннің қауіпсіздік бейіні (n = 260) плацебоның қауіпсіздік бейініне ұқсас болды (n = 249); бұл ретте жағымсыз дәрілік реакциялар тиісінше 10 мг биластин және плацебо қабылдаған пациенттердің 5,8% және 8,0% - да байқалды. 10 мг биластинді де, плацебоны да қабылдау ұйқының сапасына (Paediatric Sleep Questionnaire, PSQ) қатысты педиатриялық сауалнаманы бағалау кезінде ұйқышылдық пен седацияның аздап төмендеуіне әкелді, емдеу топтары арасында статистикалық маңызды айырмашылық жоқ. Биластинді тәулігіне 10 мг дозада қабылдаған 2-11 жас аралығындағы бұл балаларда плацебо қабылдаған балалар тобымен салыстырғанда QTc аралығының ұзақтығында айтарлықтай айырмашылық анықталған жоқ. Аллергиялық риноконъюнктивиті немесе созылмалы есекжемі бар балалардың өмір сүру сапасына қатысты арнайы сауалнаманың көмегімен биластин мен плацебо қабылдаған қатысушылар топтары арасында статистикалық маңызды айырмашылықсыз көрсеткіштердің жалпы өсуі байқалды. Зерттеуге барлығы 509 бала, оның ішінде: аллергиялық риноконьюнктивиті бар 479 қатысушы және созылмалы есекжем диагнозы қойылған 30 қатысушы қатысты. Оның ішінде 252 (96,9%) – аллергиялық риноконьюнктивиті және 8 (3,1%) – созылмалы есекжемі бар 260 бала биластин қабылдады. Сол сияқты, 227 (91,2%) – аллергиялық риноконьюнктивиті және 22 (8,8%) – созылмалы есекжемі бар 249 бала плацебо қабылдады: Еуропалық медициналық агенттік педиатриялық бейіндегі бір қосалқы топта аллергиялық риноконъюнктивит пен есекжемді емдеу кезіндегі Никсар зерттеулерінің нәтижелерін беру міндеттемесін кейінге шегерді (педиатрияда қолдану туралы ақпаратты 4.2 бөлімнен қараңыз).

Дозалау режимі Ересектер мен жасөспірімдер (12 жас және одан асқан) Аллергиялық риноконьюнктивит (маусымдық және жыл бойғы) және есекжем симптомдарын жеңілдету үшін тәулігіне 1 рет 20 мг биластин (1 таблетка). Таблетканы тамақ жеуден немесе жеміс шырынын ішуден 1 сағат бұрын немесе одан 2 сағаттан кейін ішке қабылдау керек. Пациенттердің ерекше топтары Егде жастағы пациенттер Егде жастағы пациенттерге дозаны түзету қажет емес. Бүйрек функциясының бұзылуы Бүйрек функциясы бұзылған пациенттерге дозаны түзету талап етілмейді. Бауыр функциясының бұзылуы Биластин метаболизмге ұшырамайтындықтан және негізінен бүйрек арқылы шығарылатындықтан, бауыр функциясының бұзылуы оның жүйелік әсерінің қауіпті деңгейге дейін ұлғаюына әкелмеуі керек. Сондықтан бауыр функциясы бұзылған пациенттерге дозаны түзету талап етілмейді. Педиатриялық бейіндегі пациенттер - Дене салмағы кемінде 20 кг болатын 6 жастан 11 жасқа дейінгі балалар. Пациенттердің бұл тобында биластин, ауыз қуысында ұнтақталатын таблеткалар, 10 мг, сондай-ақ биластин, ішуге арналған ерітінді, 2,5 мг/мл тағайындауға болады. - 6 жасқа дейінгі және дене салмағы 20 кг дейінгі балалар. Қазіргі уақытта қолда бар деректер Қолдану кезіндегі қажетті сақтандыру шаралары, Жағымсыз реакциялардың сипаттамасы бөлімдерінде сипатталған бірақ, дозалау бойынша ұсынымдарды жасау мүмкін емес. Сондықтан биластин препаратын осы жастағы пациенттерге тағайындауға болмайды. Бүйрек немесе бауыр функциясы бұзылған балаларда биластиннің қауіпсіздігі мен тиімділігі анықталмаған. Енгізу әдісі және жолы Ішке қабылдауға арналған. Таблеткаларды сумен ішу керек. Тәуліктік дозаны бір қабылдауда ішу ұсынылады. Таблеткадағы кертік бірдей дозаланған бөліктерге бөлуге емес, оңай жұту үшін сындыруға ғана арналған. Емдеу ұзақтығы Аллергиялық риниті бар пациенттерге препаратты аллергендермен жанасу кезеңінде ғана қолдану керек. Маусымдық аллергиялық риниті бар пациенттерге симптомдары басылған соң емді тоқтатуға және олар қайта басталғанда жаңғыртуға болады. Жыл бойғы аллергиялық риниті бар пациенттерге препаратты аллергенмен жанасу кезеңі бойы үздіксіз қолдануға болады. Есекжемі бар пациенттерде емдеу ұзақтығы симптомдар сипаты мен ұзақтығына, сондай-ақ олардың динамикасына байланысты.

• Әсер етуші затқа немесе қосымша заттардың кез келгеніне аса жоғары сезімталдық.

Аллергиялық риноконьюнктивит немесе созылмалы идиопатиялық есекжем кезінде емдеу үшін 20 мг дозада биластин қабылдаған пациенттерде көбінесе бас ауыруы , ұйқышылдық, бас айналу және қажу сияқты ЖДР байқалды. Жағымсыз реакциялар келесі жиілік санаттары бойынша бөлінеді: Өте жиі (≥ 1/10) Жиі (≥ 1/100-ден < 1/10) Жиі емес (≥ 1/1000-нан < 1/100 дейін) Сирек (≥1/10000 < 1/1000 дейін) Өте сирек (<1/10000) Белгісіз: қолда бар деректер негізінде туындау жиілігін бағалау мүмкін емес. Жиі - ұйқышылдық - бас ауыруы Жиі емес - ауыз қуысының герпесі - тәбеттің жоғарылауы - үрейлі жай-күй - ұйқысыздық - бастың айналуы - құлақтағы шыңыл - вертиго - Гис шоғыры оң жақ тармағының блокадасы - электрокардиограммадағы QT аралығының ұзаруы* - синустық аритмия - ЭКГ-дағы басқа бұзылулар - ентігу - мұрындағы жағымсыз сезімдер - мұрынның құрғауы - іштің жоғарғы бөлігінің ауыруы - іш аймағының ауыруы - жүрек айнуы - іш аймағындағы жайсыздық сезімі - диарея - ауыздың құрғауы - диспепсия - гастрит - қышыну - қажу - шөлдеу - бұрыннан бар аурулардың өршуі - қызба - астения - гамма-глутамилтрансфераза белсенділігінің жоғарылауы - аланинаминотрансфераза деңгейінің жоғарылауы - аспартатаминотрансфераза деңгейінің жоғарылауы - қан креатинині деңгейінің жоғарылауы - қандағы триглицеридтер деңгейінің жоғарылауы - дене салмағының жоғарылауы Жиілігі анықталмаған маркетингтен кейінгі кезеңде байқалды: - жүрек қағуын сезу (пальпитация) - тахикардия - аса жоғары сезімталдық реакциялары (анафилаксия, ангионевроздық ісіну, ентігу, бөртпе, жергілікті/шоғырланған ісіну және эритема сияқты) - құсу. Жекелеген жағымсыз реакциялардың сипаттамасы Көбіне жиі туындайтын екі жағымсыз реакция (ұйқышылдық және бас ауыруы ) және кейде туындайтын екі реакция (бас айналу және қажу) туралы хабарланды. Тіркеуден кейінгі бақылау кезінде алынған ақпарат клиникалық әзірлеу кезінде байқалған қауіпсіздік бейінін растады. Педиатриялық бейіндегі пациенттерде сипатталған жекелей жағымсыз реакциялар Жиі - ринит - бас ауыруы - аллергиялық конъюнктивит - іштің ауыруы / іштің жоғарғы бөлігінің ауыруы Жиі емес - бас айналу - естен тану - көздің тітіркенуі - диарея - жүрек айнуы - еріннің ісінуі - экзема - есекжем - шаршау Педиатриялық бейіндегі пациенттерде сипатталған жекелей жағымсыз реакциялар Бас ауыруы, іштің ауыруы, аллергиялық конъюнктивит және ринит 10 мг дозада биластин немесе плацебо қабылдаған балаларда байқалды. Келесі жиілік туралы хабарламалар алынды: 2,1% және 1,2% - бас ауыруы , 1,0% және 1,2% – іштің ауыруы, 1,4% және 2,0% – аллергиялық конъюнктивит, 1,0% және 1,2% – ринит. Жағымсыз дәрілік реакциялар туындаған кезде медициналық қызметкерге, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі тікелей ақпараттық дерекқорға жүгіну керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Бас айналуы, бас ауыруы және жүрек айнуы. Күрделі жағымсыз әсерлері және QTc аралығының елеулі ұзаруы білінбеген. Емдеу Симптоматикалық және демеуші ем ұсынылады. Биластин үшін арнайы антидот белгісіз.

Педиатриялық бейіндегі пациенттер 2 жасқа дейінгі балаларды емдеуде биластин тиімділігі мен қауіпсіздігі анықталмаған және 2 жастан 5 жасқа дейінгі балаларда клиникалық қолданудың аздаған ғана тәжірибесі бар; сондықтан осы жас топтарындағы пациенттерді емдеуде биластинді қолдануға болмайды. Арнайы ескертулер Бүйрек функциясының орташа немесе ауыр бұзылулары бар пациенттерде биластинді кетоконазол, эритромицин, циклоспорин, ритонавир немесе дилтиазем сияқты P-гликопротеид тежегіштерімен бір мезгілде қолдану плазмадағы биластин концентрациясының жоғарылауына және сол арқылы оны қолдануға байланысты жағымсыз реакциялар қаупінің артуына әкелуі мүмкін. Осы себепті бүйрек функциясының орташа және ауыр дәрежедегі бұзылулары бар пациенттерге биластинді P-гликопротеид тежегіштерімен бір мезгілде қолдануға болмайды. Биластин қабылдаған пациенттерде электрокардиограммада QT аралығының ұзару жағдайлары туралы хабарланды. QT/QTc аралығының ұзаруын тудыратын дәрілік препараттар екі бағытты қарыншалық тахикардия (Torsades de pointes) қаупін арттырады деп болжанады. Сондықтан QT/QTc аралығын ұзарту қаупі жоғары пациенттерге биластинді тағайындағанда сақ болу керек. Оларға анамнезінде жүрек аритмиясы бар пациенттер; гипокалиемия, гипомагниемия, гипокальциемия бар пациенттер; QT аралығының белгілі ұзаруы немесе айтарлықтай брадикардиясы бар пациенттер; бір мезгілде QT/QTc ұзаруымен байланысты басқа препараттарды қабылдайтын пациенттер жатады. Бұл дәрілік препараттың құрамында бір таблеткаға 1 ммоль-ден аз (23 мг) натрий бар, яғни құрамында «натрий жоқ» дерлік. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Биластиннің автокөлікті басқару қабілетіне әсері зерттелген зерттеу деректері бойынша, биластин 20 мг дозада қолдану көлік құралдарын басқару қабілетіне ықпал етпейді. Алайда, дәрілік препаратқа жеке реакция өзгеруі мүмкін болғандықтан, пациенттерге биластинге жеке реакцияның сипаты анықталғанға дейін көлік құралдарын басқарудан және механизмдерге қызмет көрсетуден бас тартуға кеңес ету керек.

Жүктілік Жүкті әйелдерде биластин қолдану жөніндегі деректер шектелген немесе жоқ. Сақтандыру шарасы ретінде Никсар® препаратын жүктілік кезінде қолданудан аулақ болу ұсынылады. Бала емізу Адамда биластиннің сүтпен шығарылуы зерттелмеген. Никсар® препаратымен емдеуді тоқтату/одан бас тарту шешімін сәби үшін емізудің пайдасы мен ана үшін биластинмен емделудің пайдасын ескеріп қабылдау керек. Фертильділік Клиникалық деректер шектеулі немесе жоқ.

Тамақ өнімдерімен өзара әрекеттесуі Ішке қабылдағаннан кейін тамақ биластиннің биожетімділігін 30%-ға төмендетеді. Грейпфрут шырынымен өзара әрекеттесуі Биластинді грейпфрут шырынымен бір мезгілде 20 мг дозада қолданған жағдайда биластиннің биожетімділігі 30%-ға төмендеді. Осындай әсер басқа жеміс шырындары жағдайында да байқалуы мүмкін. Биожетімділіктің төмендеу дәрежесі шырын өндірушісіне және ол алынған жемістерге қарай өзгешеленуі мүмкін. Бұл өзара әрекеттесу биластин субстрат болып табылатын OATP1A2 органикалық аниондарының тасымалдаушы ақуызының тежелуіне байланысты. Плазмадағы биластин концентрациясын OATP1A2 субстраттары немесе тежегіштері болып табылатын дәрілік заттар да (мысалы, ритонавир немесе рифампицин) азайта алады. Кетоконазолмен немесе эритромицинмен өзара әрекеттесуі Биластин кетоконазолмен немесе эритромицинмен бір мезгілде қабылданған жағдайда биластин AUC 2 есеге, ал Cmax–2-3 есеге ұлғайды. Мұндай өзгерістерді биластин P-гликопротеидтің субстраты болғандықтан және метаболизденбейтіндіктен, ішек жасушаларынан шығаруға жауап беретін тасымалдағыш ақуыздар деңгейіндегі өзара әрекеттесулер деп түсіндіруге болады. Бір жағынан биластиннің және екінші жағынан кетоконазол немесе эритромициннің қауіпсіздік бейініне осы әсерлер, сірә, ықпал етпейді. Плазмада биластин концентрациясын P-гликопротеид субстраттары немесе тежегіштері болып табылатын (мысалы, циклоспорин) басқа да дәрілік препараттар жоғарылатуы мүмкін. Дилтиаземмен өзара әрекеттесуі Биластинді 20 мг дозада бір мезгілде 60 мг дозадағы дилтиаземмен қабылдаған жағдайда биластин Cmax 50%-ға ұлғайды. Осындай әсерді ішек жасушаларынан шығарылуға жауап беретін тасымалдаушы-ақуыздар деңгейіндегі өзара әрекеттесулер деп түсіндіруге болады​; биластиннің қауіпсіздік бейініне осы әсер, сірә, ықпал етпейді. Алкогольмен өзара әрекеттесуі Алкоголь мен 20 мг доза биластинді бір мезгілде қолданудан кейін психомоторлық функциялар алкоголь мен плацебоны бір мезгілде қолданудан кейінгідей деңгейде қалды. Лоразепаммен өзара әрекеттесуі 20 мг дозадағы биластинді 3 мг дозадағы лоразепаммен бір мезгілде қолданғанда 8 күн ішінде лоразепамның ОЖЖ-не бәсеңдету әсерінің күшеюі анықталмаған. Педиатриялық бейіндегі пациенттер Басқа дәрілік заттармен өзара әрекеттесулерді зерттеулер тек ересектерде ғана жүргізілді. Балаларда биластинді басқа дәрілік заттармен, тамақпен немесе жеміс шырындарымен бірге қолданудың клиникалық тәжірибесі болмағандықтан, қазіргі уақытта балаларға биластинді тағайындау кезінде ересектерде алынған өзара әрекеттесу зерттеулерінің нәтижелерін ескеру қажет. Биластин AUC және Cmax өзара әрекеттесуіне байланысты балаларда өзгерістер оның қауіпсіздік бейіліне әсер етіп, етпейді деген қорытынды жасауға клиникалық деректер жоқ.

Сақтау мерзімі 5 жыл Жарамдылық мерзімі өткеннен кейін қолдануға болмайды. Сақтау шарттары 30ºС -ден аспайтын температурада сақтау керек. Балалардың қолы жетпейтін жерде сақтау керек!