Натрий тиосульфаты-Дарница раствор 30 %

1 мл ерітіндінің құрамында белсенді зат – натрий тиосульфаты 300 мг қосымша заттар: натрий гидрокарбонаты, динатрий эдетаты, инъекцияға арналған су. Сыртқы түрінің, иісінің, дәмінің сипаттамасы Мөлдір түссіз немесе аздап боялған сұйықтық.

Цианидтермен жедел улануды емдеуде натрий нитритімен бір ізді пайдалану үшін (цианидтермен улану диагнозы анық расталмаған жағдайларда натрий тиосульфатын қолданумен байланысты өмірге қауіп төндіретін қатерлерді, әсіресе пациент жағдайы ауыр болғанда оны қолданудан болатын пайдамен мұқият таразылау керек).

Әсер ету механизмі Цианидтің жоғарғы дозасының әсері жасушалық тыныс алудың бұзылуына ықпал ететін цитохромоксидазаның тежелуі есебінен бірнеше минут ішінде өлімге әкелуі мүмкін. Атап айтқанда, цианид a3 цитохромымен тез байланысады, бұл митохондрийлердегі оксидазалық кешені бар цитохром компоненті. А3 цитохромдарының тежелуі жсаушалардың оттегін пайдалануын болдырмайды және анаэробтық метаболизмге әкеледі, бұл лактаттың түзілуіне, жасушалық гипоксияға және метаболизмдік ацидозға әкеледі. Цианидпен массивті уланған кезде уыттылық механизміне басқа да ферменттік жүйелер кіруі мүмкін. Натрий нитритінің және натрий тиосульфатының біріктірілімімен улануды емдеу нәтижесінде туындайтын синергия, цианидпен уланған кездегі антидоттар ретінде олардың негізгі әсер ету механизмдеріндегі айырмашылықтың нәтижесі болып табылады. Фармакологиялық әсерлер Натрий нитриті Натрий нитриті оттегін тасымалдау қабілеті жоқ, бірақ цианидке қатты ұқсас, гемоглобиннің тотыққан формасы метгемоглобин түзумен гемоглобинмен өзара әрекеттесу жолымен емдік әсер көрсетеді деп есептеледі. Цианид басқаларға қарағанда уытты емес цианометриялық гемолиз түзе отырып, a3 цитохромында метгемоглобинмен байланысады. Метгемоглобин цианидті цитохромоксидазадан ығыстырады, бұл аэробты метаболизмді қайта жаңартуға мүмкіндік береді. Химиялық реакция мынадан шығады: NaNO2 + гемоглобин → Meтгемоглобин HCN + Meтгемоглобин → цианометгемоглобин Вазодилатация да, кемінде, натрий нитритінің емдік әсерінің бір бөлігін түсіндіру үшін келтіріледі. Натрий нитритімен индукцияланған метгемоглобинемия басқа тотықтырғыштар туындатқан метгемоглобинемияның салыстырмалы деңгейлерге қарағанда цианидпен улануға қарсы анағұрлым тиімді болуы мүмкін деген көзқарас бар. Одан өзге, натрий нитриті метгемоглобиннің түзілуі метиленді көкпен тежелетін кезде де біраз тиімділігін сақтайтын сияқты. Натрий тиосульфаты Цианидпен эндогенді детоксикациялаудың бастапқы жолы салыстырмалы түрде уытты емес және несеппен жылдам шығатын тиоцианатқа (SCN-) ферментативті трансфурация. Натрий тиосульфаты роданеза ферменттерімен катализденетін реакцияда күкірттің доноры ретінде қызмет етеді, осылайша келесі химиялық реакцияда цианидтің эндогенді детоксикациясын күшейтеді деп болжанады: Роданеза Na2S2O3 + CN- → SCN- + Na2SO3

Дозалау режимі Енгізу тәсілі. Вена ішіне пайдалануға арналған. Бір рет пайдалануға арналған. Ересектер. 10 мл натрий нитритін (жылдамдығы 2,5-5 мл/мин) вена ішіне енгізу керек, бірден 50 мл натрий тиосульфатын (жылдамдығы 5 мл/мин) енгізу керек. Арнайы популяциялар. Егде жастағы пациенттер. Егде пациенттерде (≥ 65 жаста) дозаны түзету керек емес. Балалар. 0,2 мл/кг (6 мг/кг немесе 6-8 мл/м2 BSA) натрий нитриті (жылдамдығы 2,5-5 мл/мин) 10 мл көлемін асырмай, вена ішіне енгізу керек, бірден дене салмағының 1 мл/кг (250 мг/кг немесе шамамен 30-40 мл/м2 BSA) (жылдамдығы 2,5-5 мл/мин) жалпы дозаның 50 мл натрий тиосульфаты. Ескертпе. Егер улану белгілері қайта пайда болса натрий нитритінің және натрий тиосульфатының бастапқы дозасының жартысын пайдалану арқылы емді қайталау қажет. Ересек және анемиясы анықталған бала науқастарда натрий нитритінің дозасын гемоглобин концентрациясының төмендеуіне пропорциональді пайдалану ұсынылады. Цианидтермен жедел уыттануды кешенді емдеу пациент организмінің өмірлік маңызды функцияларын демеуді талап етеді. Демеуші ем ауыр уыттану белгілері болмаған жағдайда антидоттар қолданусыз цианидтермен улануды емдеу үшін жеткілікті болуы мүмкін. Натрий нитритін, одан кейін натрий тиосульфатын енгізуді тыныс алу жолдарының өткізгіштігін жүзеге асыру, өкпені желдету және адекватты қан айналымын ұстап тұру сияқты демеуші емнің тіисті шараларына қосымша ретінде қарастыру керек. Оттегін енгізуді қоса, демеуші ем қолдану натрий нитритін және натрий тиосульфатын енгізгенге дейін шегерілмеуі тиіс. Натрий нитритінің инъекциясын және натрий тиосульфатының инъекциясын баяу венаішілік инъекция арқылы жүргізеді. Оларды жедел және цианидпен өмірге қауіпті улану диагнозын қойғаннан кейін барынша ерте тағайындау керек. Алдымен натрий нитритін, сосын дереу натрий тиосульфатын енгізу керек. Артериялық қысымды ересектерде де, балаларда да инфузия уақытында бақылау қажет. Инфузия жылдамдығын егер айқын гипотония байқалса төмендету керек. Барлық парентеральді дәрілік заттар қатты бөлшектердің болуына және/немесе енгізуді бастар алдында ерітінді түсінің өзгеруіне қатысты қарап тексерілуі керек. Енгізу әдісі және жолы Вена ішіне пайдалануға арналған. Қабылдау уақыты көрсетілген қолдану жиілігі Дәрілік зат емдеу мекемесі жағдайында қолдану үшін ұсынылады. Әрқашан препаратты қосымша параққа немесе емдеуші дәрігердің ұсынымдарына сәйкес қабылдаңыз. Емдеу ұзақтығы Емдеу курсын – дәрігер анықтайды. Дәрілік препараттың бір немесе бірнеше дозасын өткізіп алған кездегі қажетті шаралар Дәрілік зат емдеу мекемесі жағдайында қолдану үшін ұсынылады. Дәрілік затты қабылдауды өткізіп алсаңыз, жіберілгеннің орнын толтыру үшін екі еселенген дозаны қабылдамаңыз. Препаратты қолдану бойынша сұрақтар болған жағдайда емдеуші дәрігерге хабарласыңыз. Тоқтату симптомы қатерінің болуын көрсету Бұл дәрілік затқа қатысы жоқ. Дәрілік препаратты қолдану тәсілін түсіндіру үшін медициналық қызметкерге кеңес алуға жүгіну керек Әрқашан препаратты қосымша параққа немесе емдеуші дәрігердің ұсынымдарына сәйкес қабылдаңыз

Белсенді компонентке немесе қосымша заттардың кез келгеніне аса жоғары сезімталдық.

Барлық басқа дәрілік препараттар секілді, препарат жағымсыз реакцияларды тудыруы мүмкін, бірақ олар барлығында пайда болмайды Белгісіз: гипотензия, бас айналуы, бағдардан адасу, жүрек айнуы*, құсу*, қан кету уақытының ұзаруы*, ауыздың тұз татуы, дененің ысынуы. *Жекелеген жағымсыз реакциялардың сипаттамасы Жүрек айнуы және құсу Адамдарға концентрацияланған ерітінділерді немесе бірден дайындалмаған ерітінділерді жылдам енгізу, сондай-ақ тиосульфатының үлкен дозаларын енгізу жүрек айнуы мен құсудың анағұрлым жоғары туындау жиілігімен байланысты болды. Алайда 10-15 минут ішінде бір килограммға 15 г дейін 10-15 % ерітіндіде 0,045 г натрий тиосульфатын енгізу, қатарлас уыттанусыз 26 пациенттің 7-інде жүрек айнуымен және құсумен астасқан. Қан кету уақытының ұзаруы 11 адамнан тұратын топта 50 % натрий тиосульфатының тек бір венаішілік 50 мл инфузиясы енгізгеннен кейін 1-3 күннен соң ұю уақытының ұлғаюымен байланысты болды. Қан көрсеткіштерінде басқа елеулі өзгерістер байқалмады. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Адамдарда натрий тиосульфатының үлкен дозаларының ықпалы туралы шектеулі ақпарат бар. Адамдарда 3 г натрий тиосульфатын 1-2 апта бойы күніне пероральді енгізу қанның 75 % дейін оттегімен қанығуының төмендеуіне әкелді, бұл оттегінің гемоглобинмен диссоциациясы қисығының оңға жылжуынан туындаған. Қанның оттегімен қанығу көрсеткіштері натрий тиосульфатын қолдануды тоқтатқаннан кейін 1 аптадан соң бастапқы деңгейіне оралды. 20 мл 10 % натрий тиосульфаты ерітіндісін бір рет вена ішіне енгізу хабарланғандай, қанның оттегімен қанығуын өзгертпейді.

Бұл дәрілік затқа қатысы жоқ. Арнайы ескертулер Натрий тиосульфаты препараты натрий сульфитінің іздік қоспаларын қамтуы мүмкін. Бұл өнімде іздік мөлшерде сульфиттердің болуы тіпті егер пациентте сульфиттік сезімталдық болса да шұғыл жағдайларды емдеу үшін препаратты қабылдауға кедергі болмауы тиіс. Педиатрияда қолдану Ұсынылған дозада препаратты педиатриялық тәжірибеде қолдануға рұқсат етілген. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дәрілік заттың автокөлікті немесе басқа да механизмдерді басқару қабілетіне ықпалы жоқ.

Натрий тиосульфатын жүктілік кезеңінде пайдаланудан аулақ болған жөн. Лактация. Натрий тиосульфатымен емделу кезеңінде емшек емізуді тоқтату керек. Фертильділігі. Деректер жоқ.

Ықтимал өзара әрекеттесу гидроксикобаламинмен орын алуы мүмкін. Натрий тиосульфатын сол инъекциялық жүйеде гидроксокобаламинмен бір мезгілде тағайындауға болмайды.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 °С-ден аспайтын температурада сақтау керек. Мұздатып қатыруға болмайды. Балалардың қолы жетпейтін жерде сақтау керек!