Натрий хлориді раствор 0.9 %

1 мл ерітіндінің құрамында белсенді зат - натрий хлориді 9.0 мг қосымша зат: инъекцияға арналған су Сыртқы түрінің, иісінің, дәмінің сипаттамасы Мөлдір, түссіз сұйықтық, дәмі тұзды.

- сыртқа және парентералдық қолдануға арналған дәрілік заттардың ерітінділерін дайындау - катетерлер мен трансфузияға арналған жүйелерді жуу үшін

Фармакодинамикасы 0,9% натрий хлориді ерітіндісі су-тұзды теңгерімді қалыпқа келтіреді және құрсақ қуысы мүшелеріне, перитонитке операция жасау кезінде үлкен күйіктер мен жарақаттардың ошақтарында жасушадан тыс сұйықтықтың жиналуына байланысты сусыздану кезінде дамитын адам организміндегі сұйықтықтың тапшылығын жояды. Препарат тіндердің перфузиясын жақсартады, жаппай қан жоғалту және шоктың ауыр түрлерінде гемотрансфузиялық шаралардың тиімділігін арттырады. Сондай-ақ сұйықтық көлемінің қысқа мерзімге артуы, қандағы уытты өнімдер концентрациясының төмендеуі, диурездің белсенділік танытуы нәтижесінде уытсыздандырғыш әсерін көрсетеді.

Дозалау режимі Препарат негізгі дәрілік затты парентералдық енгізуге арналған еріткіш ретінде қолданылады. Дәрілік препараттың ерітіндісін дайындау мақсатында натрий хлоридінің мөлшері оны медициналық қолдану жөніндегі нұсқаулықпен немесе емдеуші дәрігермен айқындалады. Енгізу әдісі және жолы Дәрілік заттарды ерітіп немесе сұйылтқаннан кейін тері астына, бұлшықет ішіне, вена ішіне енгізеді. Енгізу жолы және тәсілі еритін немесе сұйылтылатын дәрілік препаратпен анықталады. Стерильді натрий хлоридін пайдалана отырып, дәрілік препараттардың ерітінділерін дайындау асептикалық жағдайларда (ампулаларды ашу, шприцті және дәрілік препараттармен ыдыстарды толтыру) жүзеге асырылады. Емдеу ұзақтығы Емдеу курсын дәрігер анықтайды. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Препаратты қолдану туралы сұрақтар туындаған жағдайда емдеуші дәрігеріңізге қаралыңыз. Препаратты әрқашан қосымша параққа немесе емдеуші дәрігердің ұсыныстарына сәйкес қабылдаңыз.

Әсер етуші немесе қосымша заттардың кез келгеніне аса жоғары сезімталдық. Міндетті түрде басқа еріткіш көрсетілген дәрілік препараттарды еріту және сұйылту үшін қолданылмайды. Препаратты офтальмологиялық операциялар кезінде көзді жуу үшін қолданбайды.

Барлық дәрілік препараттар сияқты, препараттың жағымсыз реакцияларды тудыруы мүмкін, бірақ ол барлық адамдарда бола бермейді. Әдетте препаратты дұрыс қолданғанда байқалмайды. Белгісіз - жоғары сезімталдықтың болуы мүмкін (гипертермия, қалтырау, гипотензия, бөртпе, қышыну) - метаболизмдік ацидоз - гипергидратация - гипокалиемия - енгізу орнындағы эритема. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Дұрыс қолданған кезде артық дозалану жағдайы екіталай. 0,9% натрий хлориді ерітіндісінің көп мөлшерін енгізу гиперхлоремиялық ацидозға және гипергидратацияға, сондай-ақ гипокалиемияға әкелуі мүмкін.

Арнайы сақтандырулар Дәрілік затты ерітер алдында осы дәрілік затты еріту үшін натрий хлориді ерітіндісін қолданудың мүмкіндігін тексеру керек. Ерітіндіні дайындағаннан кейін бірден қолдану керек. Пайдаланылмаған ерітіндінің қалдықтарын жою керек. Натрий хлоридінің 0,9% ерітіндісін қолдана отырып, дәрілік заттардың ерітінділерін дайындау стерильді жағдайда жүзеге асырылады. Көрінетін қоспалары жоқ тек мөлдір ерітіндіні қолдану керек. Ерітіндіні майлы ерітінділермен араластыру орынсыз. Инъекцияға арналған натрий хлориді ерітіндісін іркілген жүрек жеткіліксіздігі, преэклампсия, бүйрек функциясы бұзылған немесе натрий іркілген ісінуі бар пациенттерге сақтықпен тағайындау керек. Электролиттік бұзылулар мен қышқылдық-сілтілік теңгерімді бақылау қажет. Педиатрияда қолдану Препаратты балаларға қолдануға болады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Препаратты жүктілік кезінде немесе емізу кезінде қолдануға болады.

Препарат көптеген дәрілік заттармен үйлесімді, сондықтан ол еріткіш ретінде натрий хлоридімен үйлеспейтін препараттарды қоспағанда, әртүрлі дәрілік заттарды еріту үшін қолданылады. Коллоидты гемодинамикалық қан алмастырғыштармен үйлесімді (әсердің өзара күшеюі). Кортикостероидтармен қолданған кезде гипернатриемия күшейеді. Ерітіндіге басқа препараттарды қосқан кезде үйлесімділікті көзбен бақылап тұру қажет (соған қарамастан, көрінбейтін және емдік үйлесімсіздіктің болуы мүмкін). Басқа натрий тұздарын бір мезгілде қабылдау натрий жүктемесінің жоғарылауына ықпал етуі мүмкін.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары 15 °С-ден 25 °С-ге дейінгі температурада сақтау керек. Балалардың қолы жетпейтін жерде сақтау керек!