МУКАЛТИН®, жөтелге қарсы шәрбат сироп

100 миллилитр препараттың құрамында белсенді зат - жалбызтікен тамыры құрғақ экстрактісі 2.500 г , қосымша заттар: кристалды емес сұйық сорбитол (70 %), сұйық мальтитол (мальтитол ерітіндісі) (76.5 %), калий сорбаты, лимон қышқылы моногидраты, тағамдық қоспа - «Қантты колер I қарапайым E150а» бояғышы, тазартылған су Сыртқы түрінің, иісінің, дәмінің сипаттамасы Сарғыш-қоңырдан қызылдау-қоңыр түске дейінгі, өзіне тән иісі, тәтті дәмі бар қоюлау сұйықтық. Өсімдік субстанцияларға тән шөгінді байқалуы мүмкін.

Жоғарғы және төменгі тыныс алу жолдарының бөлініп түсуі қиын қақырығы бар жөтелмен бірге жүретін ауруларында кешенді ем құрамында • жедел, созылмалы трахеит • жедел, созылмалы трахеобронхит • жедел, созылмалы бронхит • пневмония • бронх демікпесі

Қақырық түсіретін препараттар. Жалбызтікен тамыры. АТХ коды R05CA05 Әсер ету механизмі МУКАЛТИН жөтелге қарсы шәрбат - өсімдік тектес қақырық түсіретін зат. Құрамында өсімдік шырышы (35%-ға дейін), аспарагин, бетаин, пектинді заттар, крахмал бар жалбызтікен тамырының негізіндегі шәрбат. Қақырық түсіретін, жұмсартатын, бүркемелегіш және қабынуға қарсы әсер береді. Өсімдік шырыштары шырышты қабықтарды жұқа қабаттап жабады, бұл оларды тітіркенуден сақтандырады. Нәтижесінде қабыну үдерісі азаяды және тіндердің регенерациясы жеңілдейді.

Дозалау режимі Ересектерге күніне 4-5 рет тамақтан кейін алдын ала ½ стақан жылы суда сұйылтылған 1 ас қасық шәрбаттан. Пациенттердің ерекше топтары Балалар 2 жастан 12 жасқа дейінгі балаларға -тамақтанғаннан кейін күніне 4-5 рет алдын ала ¼ стақан жылы суда сұйылтылған 1 шай қасық шәрбаттан. 12 жастан 18 жасқа дейінгі балаларға арналған дозалау режимі ересектерге арналған дозалау режимінен ерекшеленбейді. Енгізу әдісі және жолы Препарат ас ішкеннен кейін ішуге тағайындалады. Емдеу ұзақтығы Емнің ұзақтығы - 10-15 күн құрайды. Дәрігердің келісімімен емдеудің ұзақтығы ұлғайтылуы және қайталама емдеу курстары жүргізілуі мүмкін. Дәрілік препараттың бір немесе бірнеше дозасын өткізіп алу кезіндегі қажетті шаралар Ұмытып өткізіп алған дозаның орнын толтыру үшін қосарлы дозаны қабылдамаңыз. Тоқтату симптомдары қаупінің болуына нұсқау Қатысты емес Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі ұсыныстар Дәрілік препаратты қолданар алдында кеңес алу үшін дәрігерге немесе фармацевтке жүгініңіз.

• әсер етуші затқа немесе қосымша заттардың кез келгеніне аса жоғары сезімталдық • тұқым қуалайтын фруктоза жақпаушылығы бар адамдарға • 2 жасқа дейінгі балалар жасы • жүктілік және лактация кезеңі

Белгісіз (қолда бар деректер негізінде бағалау мүмкін емес) • аллергиялық реакциялар Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жүрек айнуы, құсу. Емі: препаратты тоқтату, асқазанды жуып-шаю.

Қақырық түсіретін зат ретінде МУКАЛТИН® жөтелге қарсы шәрбатын натрий бикарбонатымен біріктіріп қолдануға болады. Егер препаратты қолданған кезде симптомдар 2 аптадан астам жақсармастан сақталса немесе нашарласа, дәрігерге жүгіну керек. Арнайы сақтандырулар Педиатрияда қолдану МУКАЛТИН® жөтелге қарсы шәрбат балаларға 2 жастан бастап қолданылады. Препараттың құрамында қосымша зат ретінде кристалды емес сұйық сорбитол (70%) және сұйық мальтитол (мальтитол ерітіндісі) (76.5%) бар, сирек кездесетін тұқым қуалайтын фруктоза жақпаушылығы бар пациенттерге бұл препаратты қабылдауға болмайды. Бұл препараттың құрамында 1 ас қасықта (15 мл) 1 ммольден аз (39 мг) калий бар, яғни шың мәнінде «құрамында калий жоқ дерлік». Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді

Егер әйелдің клиникалық жағдайы жалбызтікен тамыры құрғақ экстрактісімен емдеуді қажет етпесе ғана, МУКАЛТИН® жөтелді басатын шәрбатын жүктілік кезінде қолдануға болмайды. Дәрігермен кеңесу қажет. Бала үшін емізудің пайдасын және әйел үшін терапияның пайдасын ескере отырып, емшек сүтімен емізуді тоқтату немесе МУКАЛТИН® жөтелді басатын шәрбаты препаратымен емдеуді тоқтату туралы шешім қабылдау қажет. Дәрігермен кеңесу қажет.

МУКАЛТИН® жөтелге қарсы шәрбатын құрамында кодеин бар препараттармен және басқа да жөтелге қарсы дәрілік заттармен бір мезгілде қолдануға болмайды, өйткені бұл сұйылған қақырықтың жөтелгенде шығуын қиындатады.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 ºС-ден аспайтын температурада Балалардың қолы жетпейтін жерде сақтау керек!