МЕЗАКАР®SR таблетки 400 мг

Бір таблетканың құрамында белсенді зат - 400 мг карбамазепин, қосымша заттар: микрокристалды целлюлоза РН102, гипромеллоза, натрий лаурилсульфаты, повидон (PVP K 30), коллоидты кремнийдің қостотығы, магний стеараты. Сыртқы түрінің, иісінің, дәмінің сипаттамасы Ақ немесе ақ дерлік түсті, дөңгелек, жалпақ цилиндр тәрізді, екі жағында да ойығы бар, бір жағында крест тәрізді сызығы және екінші жағында «С 400» өрнегі бар таблеткалар.

- эпилепсия - жайылған тонусты-клонусты және парциальді эпилепсиялық ұстамалар. Әсер етуі ұзаққа созылатын МЕЗАКАР® SR жақында диагноз қойылған эпилепсиясы бар пациенттерге және бақылау жасалмаған немесе қазіргі құрысуға қарсы емге жақпаушылығы бар пациенттерге көрсетілген. Ескертпе: Карбамазепин әдетте кіші ұстамалар/petit mal, абсанс/ және миоклонусты ұстамалар кезінде тиімсіз. Сонымен қатар, жеке деректер атипиялы абсанстары бар пациенттерде ұстамалардың өршуін айғақтайды. - үш тармақты жүйке невралгиясы кезіндегі ұстама тәрізді ауырсыну - литий еміне сезімтал емес пациенттерде маниакалды- депрессиялық психоздың профилактикасы.

Әсер ету механизмі Карбамазепин қатты қозған нейрондардың жарғақшаларын тұрақтандырады, нейрондардың сериялық разрядтарын бәсеңдетеді және қоздырғыш импульстердің синапстық берілісін төмендетеді. Карбамазепиннің негізгі әсер ету механизмі деполяризацияланған нейрондарда ашық потенциал тәуелді натрий өзектерін бөгеудің есебінен, натрийге тәуелді әсер ету потенциалдарының қайталанып туындауын болдырмау болып табылуы ықтимал. Фармакодинамикалық әсерлері Құрысуға қарсы дәрі, трициклді иминостильбен туындысы. Депрессияға қарсы орташа және нормотемиялық әсері бар. Емдік әсеріне, ең алдымен, қозудың синапстық берілісінің тежелуі және сол арқылы құрысу разрядтарының азаюы түрткі болады. Үш тармақты жүйке невралгиясы кезінде ауырсыну сезімдерін азайтады. Бұл әсеріне үш тармақты жүйкенің жұлындағы ядросына тітіркендірулердің синапстық берілісінің тежелуі түрткі болады.

Дозалау режимі МЕЗАКАР® SR пероральді қолданылады, әдетте МЕЗАКАР® SR әдеттегі дәрілік түрлерімен бірдей жалпы тәуліктік дозада, бірақ әдетте екі бөлінген дозада. Кейбір пациенттерде МЕЗАКАР-дың басқа пероральді дәрілік түрлерінен МЕЗАКАР® SR препаратына ауысқан кезде, әсіресе ол политерапияда пайдаланылған кезде, жалпы тәуліктік дозаны арттыру талап етілуі мүмкін. Монотерапияда МЕЗАКАР® SR препаратымен емді бастағанда, ұсынылатын доза күніне бір немесе екі рет 100-200 мг құрайды. Бұдан кейін ең жоғары жауап реакциясы алынғанға дейін дозаның баяу артуы мүмкін, көбінесе күніне 800-1200 мг. Кейбір жағдайларда күніне 1600 мг немесе тіпті 2000 мг қажет болуы мүмкін. МЕЗАКАР®SR таблеткасын (тұтас немесе жартылай бөлінетін таблетка, жазылғандай) шайнауға болмайды, бірақ оны аз мөлшердегі сұйықтықпен ішіп, тамақтану алдында, кезінде немесе арасында жұту керек. Емдеуді бастамас бұрын, қытай және тай тектес Хан пациенттері мүмкіндігінше HLA-B * 1502 бар-жоғына скринингіден өтуі керек, өйткені бұл аллель карбамазепинмен байланысты Стивенс-Джонсон ауыр синдромының даму қаупін сенімді болжайды. Эпилепсия Карбамазепин дозасы ұстамаларды талапқа сай бақылауды қамтамасыз ету үшін әрбір пациенттің қажеттіліктерін ескере отырып түзетілуі тиіс. Плазмадағы деңгейлерін анықтау оңтайлы дозаны анықтауға көмектеседі. Эпилепсияны емдеу кезінде карбамазепин дозасы әдетте шамамен 4-тен 12 мкг / мл-ге дейін (17-ден 50 мкмоль/л-ге дейін) карбамазепин-плазмасының жалпы концентрациясын талап етеді. Ересектер: МЕЗАКАР® SR препараттарының барлық түрлерін қолданған кезде әр пациенттің қажеттіліктеріне сәйкес түзетілуі керек біртіндеп өсіп келе жатқан дозалау сызбасын қолдану ұсынылады. Егде жастағы адамдар: Дәрілік заттармен ықтимал өзара әрекеттесуіне байланысты МЕЗАКАР® SR препаратының дозасын егде жастағы пациенттерде сақтықпен таңдау керек. Балалар мен жасөспірімдер: МЕЗАКАР® SR препараттарының барлық түрлерін қолданған кезде әр пациенттің қажеттіліктеріне сәйкес түзетілуі керек біртіндеп өсіп келе жатқан дозалау сызбасын қолдану ұсынылады. Әдеттегі доза бірнеше бөлінген дозада күніне дене салмағының әр кг шаққанда 10-20 мг құрайды. Жасы — 6-10 жас: 10-15 жас: >15 жас: — 400-600 мг күн сайын 600-1000 мг 800-ден 1200 мг-ге дейін күн сайын (ересектерге арналған доза ретінде). Ең жоғарғы ұсынылатын доза 6-15 жас: күніне 1000 мг >15 жас: күніне 1200мг. Мүмкіндігінше, МЕЗАКАР® SR эпилепсияға қарсы жалғыз дәрілік зат ретінде қолданған жөн, бірақ политерапияда қолданған кезде осындай біртіндеп артатын дозалау сызбасын пайдалану ұсынылады. Егер МЕЗАКАР® SR қазіргі эпилепсияға қарсы емге қосылса, мұны эпилепсияға қарсы басқа дәрінің дозасын сақтай отырып немесе қажет болған жағдайда бейімдей отырып, біртіндеп жасау керек. Үш тармақты жүйкенің невралгиясы: Ауырсыну болмағанға дейін (әдетте күніне 3-4 рет 200 мг) бастапқы дозаны күн сайын 200-400 мг-ден баяу арттыру қажет. Пациенттердің көпшілігінде күніне 3 немесе 4 рет қабылданатын 200 мг доза ауырсынудың болмау жағдайын ұстап тұру үшін жеткілікті болып табылады. Кейбір жағдайларда 1600 мг МЕЗАКАР® SR дозалары қажет болуы мүмкін. Алайда, ауырсыну ремиссия жағдайында болғанда, дозаны біртіндеп ең төменгі ықтимал демеу деңгейіне дейін азайту керек. Ұсынылатын ең жоғарғы доза күніне 1200 мг құрайды. Ауырсыну жеңілдегенде басқа ұстама пайда болғанша емді біртіндеп тоқтатып көру қажет. Егде жастағы пациенттер (65 жас және одан жоғары) Үш тармақты жүйке невралгиясы кезіндегі дозалау Дәрілік заттармен өзара әрекеттесуі және эпилепсияға қарсы дәрілердің фармакокинетикасы салдарынан МЕЗАКАР® SR препаратының дозасын егде жастағы пациенттерге сақтықпен таңдау керек. Егде жастағы пациенттерге ұсынылатын бастапқы доза күніне екі рет 100 мг құрайды. Күніне екі рет 100 мг бастапқы дозасын күн сайын ауырсынусыз күйге жеткенге дейін баяу көтеру керек (әдетте күніне 3-4 рет 200 мг). Содан кейін дозаны біртіндеп ең төменгі ықтимал демеуші деңгейге дейін азайту керек. Ұсынылатын ең жоғарғы доза күніне 1200 мг құрайды. Ауырсынуды жеңілдетуге қол жеткізген кезде басқа ұстама пайда болғанша емді біртіндеп тоқтатып көру керек. Литий еміне сезімтал емес пациенттерде маниакалды-депрессиялық психоздың профилактикасы үшін. Күн сайын 400 мг бастапқы бастау дозасы бөлінген дозаларда симптомдар бақыланғанға дейін немесе бөлінген дозалар түрінде жалпы 1600 мг-ге жеткенге дейін біртіндеп арттырылады. Дозаның әдеттегі диапазоны бөлінген дозалар түрінде күн сайын 400-600 мг құрайды. Пациенттердің ерекше топтары Бүйрек жеткіліксіздігі /Бауыр жеткіліксіздігі Бауыр немесе бүйрек функциясы бұзылған пациенттерде карбамазепиннің фармакокинетикасы туралы деректер жоқ. Енгізу әдісі мен жолы Препаратты, тамақ ішуге қарамастан, аз мөлшерде сұйықтықпен ішіп, шайнамай, тұтастай жұту керек.

- карбамазепинге немесе құрылымдық байланысты дәрілік заттарға (мысалы, трициклді антидепрессанттарға) немесе қосымша заттардың кез келгеніне аса жоғары сезімталдық - атриовентрикулярлық блокада - анамнезінде сүйек кемігінің тежелу эпизодтарының болуы - бауыр порфириялары (мысалы, жедел алма-кезек порфирия, аралас порфирия, терінің кешеуілдеген порфириясы) - моноаминоксидаза тежегіштерімен (MAOТ) біріктірілімде - 6 жасқа дейінгі балалар

Карбамазепинді бөлек тағайындағанда (монотерапия ретінде), жағымсыз әсерлері эпилепсияға қарсы басқа препараттармен (біріктірілген ем) біріктірілгенге қарағанда сирек байқалды. Көптеген жағымсыз әсерлердің пайда болуы, әсіресе емдеудің басында дозаға байланысты. Негізінен, олар дозаны уақытша төмендеткеннен кейін 8-14 күн өткен соң жоғалады. Сондықтан, МЕЗАКАР® SR бастапқыда соңынан оңтайлы дозаға дейін біртіндеп арттыра отырып, шағын дозаларда тағайындалуы тиіс. Өте жиі -лейкопения - атаксия, бас айналу, ұйқышылдық -құсу, жүрек айну -терінің ауыр аллергиясы болуы мүмкін есекжем -шаршау -гамма-глутамилтрансферазаның жоғарылауы (бауыр ферменттерінің индукциясы салдарынан), әдетте клиникалық маңызы жоқ Жиі - тромбоцитопения, эозинофилия - ісінулер, сұйықтықтың іркілуі, дене салмағының артуы, гипонатриемия және антидиуретикалық гормонның (АДГ) әсеріне ұқсас әсерге байланысты қан осмолярлығының төмендеуі, бұл сирек жағдайларда әлсіздікпен, құсумен, бас ауыруымен, сананың шатасуымен, неврологиялық бұзылыстармен бірге байқалатын су интоксикациясына әкеледі - диплопия, бас ауыруы. - аккомодацияның бұзылуы (мысалы, бұлыңғыр көру) - ауыздың құрғауы, суппозиторийлерді қолданған кезде тік ішектің тітіркенуі мүмкін - қандағы сілтілі фосфатазаның жоғарылауы. Жиі емес - қалыптан тыс еріксіз қозғалыстар (мысалы, тремор, астериксис, дистония, тартылулар), нистагм - диарея, іш қату - эксфолиативті дерматит - трансаминазаның жоғарылауы Сирек - лейкоцитоз, лимфаденопатия - қызбамен, тері бөртпелерімен, васкулитпен, лимфаденопатиямен, буындардың ауырсынғыштығымен (артралгия), лейкоциттер санының өзгеруімен, эозинофилия, бауыр мен көкбауырдың үлкеюімен байқалатын баяу типті аса жоғары сезімталдық реакциялары немесе бауыр сынамаларының қалыптан тыс нәтижелері, сонымен қатар өкпе, бүйрек, ұйқыбез, миокард және жуан ішек сияқты басқа ағзаларды да қамтуы мүмкін. - фолаттардың тапшылығы, тәбеттің төмендеуі - елестеулер (көру немесе есту), депрессия, озбырлық, қозу, мазасыздық, сананың шатасуы. - дискинезия, көз қозғалысының бұзылуы, сөйлеудің бұзылуы (мысалы, дизартрия немесе түсініксіз сөйлеу), хореоатетоз, шеткері нейропатия, парестезия және парез - жүрек өткізгіштігінің бұзылуы - артериялық гипертензия немесе гипотензия - іштің ауыруы - холестаздық, паренхималық (гепатоцеллюлярлық) немесе аралас типті гепатит, өттүтіктердің жойылу синдромы, сарғаю - жүйелі қызылжегі, қышу - бұлшықет әлсіздігі Өте сирек - агранулоцитоз, аплазиялық анемия, панцитопения, сүйек кемігінің аплазиясы, анемия, мегалобластты анемия, ретикулоцитоз, гемолиздік анемия - анафилаксиялық реакция, ангионевроздық ісіну, гипогаммаглобулинемия - галакторея, гинекомастия - жедел порфирия (жедел алма-кезек порфирия және аралас порфирия), жедел емес порфирия (терінің кешеуілдеген порфириясы) - психоз активизациясы - қатерлі нейролептикалық синдром, миоклониямен және шеткері эозинофилиямен көрінетін асептикалық менингит, дисгевзия - көзбұршақтың бұлыңғырлануы, конъюнктивит - естудің бұзылуы, мысалы, құлақтың шуылдауы, гиперакузия, саңыраулық, дыбыс жоғарылығын қабылдаудың өзгеруі - аритмия, естен танумен көрінетін атриовентрикулярлық блокада, брадикардия, жүректің іркілістік жеткіліксіздігі, жүректің ишемиялық ауруының өршуі - тамыр жеткіліксіздігі, эмболия (мысалы, өкпе эмболиясы), тромбофлебит - өкпенің жоғары сезімталдығы, мысалы, қызбамен, ентігумен, пневмониямен немесе пневмониямен сипатталады - панкреатит, глоссит, стоматит бауыр жеткіліксіздігі, бауырдың гранулематозды зақымдануы - Стивенс-Джонсон синдромы*, уытты эпидермалық некролиз, фотосезімталдық реакциясы, мультиформалы эритема, түйінді эритема, пигментацияның бұзылуы, пурпура, акне, гипергидроз, алопеция, гирсутизм - сүйек алмасуының бұзылуы (қандағы кальций плазмасы мен 25-гидрокси-холекальциферол деңгейінің төмендеуі), бұл остеомаляцияға / остеопорозға, артралгияға, миалгияға, бұлшықеттердің түйілуіне әкеледі - тубулоинтерстициялық нефрит, бүйрек жеткіліксіздігі, бүйрек функциясының бұзылуы (мысалы, альбуминурия, гематурия, олигурия, мочевина/ қан азотемиясы), несеп шығудың тежелуі, кіші дәретке жиі шығу - сексуальдық бұзылулар/эрекциялық дисфункция, сперматогенездің бұзылуы (сперматозоидтар санының және/немесе қозғалғыштығының төмендеуі) - көзішілік қысымның жоғарылауы, қандағы холестерин деңгейінің жоғарылауы, тығыздығы жоғары липопротеидтер деңгейінің жоғарылауы, қандағы триглицеридтердің жоғарылауы. Қалқаншабез функциясының бұзылуы: L-тироксин деңгейінің төмендеуі (бос тироксин, тироксин, трийодтиронин) және қандағы тироотропты гормон деңгейінің жоғарылауы, әдетте клиникалық көріністерсіз, қандағы пролактин деңгейінің жоғарылауы Белгісіз - сүйек кемігінің жеткіліксіздігі - эозинофилиямен және жүйелік симптомдармен байқалатын (DRESS – синдром) дәрілік реакция** - адамның VI типті герпес вирусының реактивациясы** - гипераммониемия** - седативті әсер, есте сақтау қабілетінің төмендеуі** - колит** - жедел жайылған экзантематозды пустулез (AGEP)**, лихеноидты кератоз, онихомадезис - сынықтар** - сүйек тығыздығының төмендеуі** - құлау (МЕЗАКАР® SR препаратымен емдеуге байланысты, атаксия, бас айналу, ұйқышылдық, гипотензия, шатасу күйі, седация туындатқан)** * – кейбір азиялық елдерде сирек кездесетін құбылыс ретінде хабарланады. ** – өздігінен келіп түскен хабарламалардан алынған қосымша жағымсыз реакциялар (жиілігі белгісіз). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану әдетте ОЖЖ, жүрек-қантамыр және тыныс алу жүйелері тарапынан болатын симптомдармен көрінеді. Артық дозаланғанда келесі симптомдар мен шағымдар болуы мүмкін: Орталық жүйке жүйесі: ОЖЖ функцияларының тежелуі; сананың бұзылуы, бағдардан адасу, ұйқышылдық, ажитация, елестеулер, кома; бұлыңғыр көру, түсініксіз сөйлеу, дизартрия, нистагм, атаксия, дискинезия, гиперрефлексия (басында), гипорефлексия (кейінірек); құрысулар, психомоторлық бұзылыстар, миоклонус, гипотермия, мидриаз. Тыныс алу жүйесі: тыныс алудың тежелуі, өкпе ісінуі. Жүрек-қантамыр жүйесі: тахикардия, артериялық қысымның жоғарылауы немесе төмендеуі, QRS кешенінің кеңеюімен өткізгіштіктің бұзылуы; жүректің тоқтауы және жүректің тоқтауынан туындаған естен тану. Асқорыту жүйесі: құсу, асқазаннан тамақты эвакуациялаудың тежелуі, жуан ішек моторикасының төмендеуі. Несеп шығару жүйесі: несеп шығудың тежелуі, олигурия немесе анурия; сұйықтықтың іркілуі; антидиуретик гормонның әсеріне ұқсас карбамазепиннің әсеріне байланысты су интоксикациясы (сұйылту гипонатриемиясы). Қаңқа-бұлшықет жүйесі: карбамазепинді қолданумен байланысты рабдомиолиз туралы хабарламалар бар. Зертханалық көрсеткіштер тарапынан өзгерістер: гипонатриемия, метаболизмдік ацидоз, гипергликемия болуы, креатинфосфокиназаның бұлшықеттік фракциясы белсенділігінің жоғарылауы мүмкін. Емі: Спецификалық антидоты жоқ. Бастапқыда емдеу пациенттің клиникалық жағдайына негізделуі керек; ауруханаға жатқызу көрсетілген. Осы дәріден улануды растау және артық дозалану дәрежесін бағалау үшін плазмадағы карбамазепин концентрациясы анықталады. Асқазанның ішіндегісін эвакуациялау, асқазанды шаю, белсендірілген көмірді қолдану жүзеге асырылады. Асқазан ішіндегісінің кешеуілді эвакуациялануы сауығу кезеңінде кешеуілдеген сіңуге және уыттану симптомдарының қайта пайда болуына әкелуі мүмкін. Қарқынды терапия бөлімінде симптоматикалық демеуші ем, жүрек функциясын мониторингілеу, су-электролит теңгерімінің бұзылуын мұқият түзету қолданылады. Көмір сорбенттеріне гемосорбция жүргізу ұсынылады. Гемодиализ карбамазепинмен артық дозаланғандағы емдеудің тиімді әдісі болып табылады. Карбамазепиннің баяу сіңуіне байланысты 2 және 3-күні артық дозалану симптомдарының қайта күшеюі мүмкін. Тоқтату синдромы қаупінің болуына көрсетілім МЕЗАКАР® SR қабылдауды кенеттен тоқтату эпилепсиялық ұстамаларды қоздыруы мүмкін, сондықтан карбамазепинді біртіндеп тоқтату керек. Егер эпилепсиясы бар пациентті МЕЗАКАР® SR препаратымен емдеуді күрт үзуге тура келсе, бұл жағдайда осындай жағдайларда көрсетілген препаратты пайдаланып, эпилепсияға қарсы басқа дәріге көшуді жүзеге асыру қажет.

МЕЗАКАР® SR препаратын қабылдаған кезде агранулоцитоздың және аплазиялық анемияның дамуы мүмкін; алайда, бұл жағдайлар өте сирек туындайтындықтан, МЕЗАКАР® SR препараты үшін олардың қауіптілігінің нақты мәндерін есептеу қиын. Ем алмаған жалпы популяциядағы агранулоцитоздың жиынтық даму қаупі жылына 1 млн. тұрғынға 4,7 жағдайды, ал аплазиялық анемия – жылына 1 млн. тұрғынға 2,0 жағдайды құрайтыны белгілі. Гематологиялық асқынулар МЕЗАКАР® SR препаратын қолдану кезінде тромбоциттер немесе лейкоциттер санының әртүрлі жиілікпен өткінші немесе тұрақты төмендеуі байқалады. Дегенмен, емдеуді бастамас бұрын, сондай-ақ емдеу процесінде мезгіл-мезгіл тромбоциттер мен мүмкін, ретикулоциттер санын санауды, сондай-ақ қан сарысуындағы темір деңгейін анықтауды қоса алғанда, қанның клиникалық талдауын жүргізу керек. Пациенттерге және олардың туыстарына ықтимал гематологиялық бұзылуларға тән уыттылықтың ерте белгілері, сондай-ақ тері жамылғысы мен бауыр тарапынан болатын симптомдар туралы ақпаратты жеткізу қажет. Пациентті қызба, тамақтың ауыруы, бөртпе, ауыз қуысындағы ойық жаралар, гематомалардың себепсіз пайда болуы, петехия немесе пурпура түріндегі геморрагиялар сияқты жағымсыз реакциялар пайда болған жағдайда дереу дәрігерге қаралу қажеттігі туралы хабардар етеді. Емдеу кезінде лейкоциттер немесе тромбоциттер санының төмен деңгейі (немесе олардың төмендеу үрдісі) байқалған жағдайларда пациенттің жағдайын және қанның клиникалық толық талдауының көрсеткіштерін мұқият бақылау керек. Алайда, егер пациентте ауыр, үдемелі немесе клиникалық көріністермен бірге жүретін, мысалы, қызба немесе тамақтың ауыруы сияқты лейкопения дамыса, МЕЗАКАР® SR емдеуді тоқтату керек. Егер сүйек кемігінің айтарлықтай тежелу белгілері анықталса да, МЕЗАКАР® SR тоқтату керек. Бауыр функциясы Емдеу басталғанға дейін және емдеу процесінде бауыр функциясын, әсіресе анамнезінде бауыр ауруы туралы мәліметтері бар пациенттерге, сондай-ақ егде жастағы пациенттерге зерттеу жүргізу қажет. Бауыр функциясының бұрыннан бар бұзылуы күшейген жағдайда немесе бауырдың белсенді ауруы пайда болған кезде препаратты дереу тоқтату керек. Карбамазепин қабылдаған пациенттердегі бауырдың кейбір функциялық тестілері ауытқу нәтижелерін, әсіресе гамма-глутамилтрансферазаларды көрсетуі мүмкін. Бұл бауыр ферменттерінің индукциясымен байланысты болуы мүмкін. Ферменттің индукциясы сілтілі фосфатаза деңгейінің шамалы жоғарылауына әкелуі мүмкін. Бауырдың метаболиздену қабілетінің жоғарылауы карбамазепинді тоқтату үшін көрсетілім болмайды. Карбамазепинге бауырдың ауыр реакциялары өте сирек туындайды. Бауыр функциясы бұзылуының немесе бауырдың белсенді ауруының белгілері мен симптомдары пайда болған кезде нәтижелерді алғанға дейін жедел бағалау жүргізу және МЕЗАКАР® SR емдеуді тоқтата тұру қажет. Суицидтік ойлар/суицидтік мінез-құлық Эпилепсияға қарсы препараттарды бірнеше көрсетілімдер бойынша қабылдаған пациенттерде суицидтік ойлар мен мінез-құлық байқалды. Эпилепсияға қарсы препараттардың рандомизацияланған плацебо-бақыланатын зерттеулерінің мета-талдауы суицидтік ойлар мен мінез-құлық қаупінің шамалы жоғарылағанын көрсетті. Бұл қауіптің механизмі белгісіз және қолда бар деректер карбамазепин үшін жоғары қауіптің мүмкіндігін жоққа шығармайды. Сондықтан пациенттердің жағдайын суицидтік ойлар мен мінез-құлық белгілерінің бар-жоғына бақылау, сондай-ақ тиісті емдеу қажеттілігін қарастыру керек. Пациенттерге (сондай-ақ пациенттерге күтім жасайтын адамдарға) суицидтік ойлар немесе мінез-құлық белгілері пайда болған жағдайда медициналық көмекке жүгіну ұсынылуға тиіс. Терінің күрделі реакциялары Ауыр дерматологиялық реакциялар, соның ішінде уытты эпидермалық некролиз (УЭН: Лайелл синдромы деп те аталады) және Стивенс-Джонсон синдромы (СДС) МЕЗАКАР® SR препаратын қабылдағанда өте сирек байқалды. Күрделі дерматологиялық реакциялары бар пациенттерді ауруханаға жатқызу қажет болуы мүмкін, өйткені бұл жағдайлар өмірге қауіпті болуы және өлімге әкелуі мүмкін. СДС/УЭН жағдайларының көпшілігі МЕЗАКАР® SR препаратымен емдеудің алғашқы бірнеше айында пайда болады. Бұл реакциялар, бағалау бойынша негізінен еуропалық халық орналасқан елдерде дәрілік зат қабылдаған 10 000 жаңа пациентке шаққанда 1-6-да байқалады, бірақ кейбір азиялық елдерде қаупі бағалау бойынша шамамен 10 есе жоғары. Терінің ауыр реакцияларын көрсететін белгілер мен симптомдар (мысалы, СДС, Лайелл синдромы/УЭН) пайда болған кезде МЕЗАКАР® SR препаратын дереу тоқтату және баламалы емді қарастыру керек. Дерматологиялық реакциялар Карбамазепинді қолдану кезінде УЭН және СДС қамтитын ауыр және кейде өлімге әкелетін дерматологиялық реакциялар туралы хабарланды. Бұл реакциялар негізінен еуропеоидтық нәсілді халқы бар елдерде 10000 жаңа пайдаланушыға шаққанда 1-6-да байқалады деп бағаланады, бірақ кейбір азиялық елдерде, бағалау бойынша, бұл жағдайлардың даму қаупі шамамен 10 есе жоғары болуы мүмкін. HLA әртүрлі аллельдерінің пациенттің иммундық жүйемен байланысты жағымсыз реакцияларға бейімділігіне әсері туралы дәлелдер көбейіп келеді. Ухандықтардың, тайлықтардың басқа азиялық популяциялардың HLA-B *1502 аллелі Пациенттердің иммундық жанама реакцияларға бейімділігінде атқаратын әртүрлі HLA аллельдерінің рөлі туралы көбірек дәлелдер бар. Хан және тай тектес адамдарда HLA-B*1502 болуы карбамазепинмен емдеу кезінде Стивенс-Джонсон синдромы (СДС) деп аталатын терінің ауыр реакцияларының даму қаупімен тығыз байланысты екендігі көрсетілді. HLA-B *1502 тасымалдауының таралуы хан және тай популяцияларында шамамен 10%-ды құрайды. Мүмкіндігінше, мұндай пациенттер карбамазепинмен емдеуді бастар алдында осы аллельдің бар-жоғына скринингтен өтуі тиіс. Егер осы тест нәтижелері оң болса, карбамазепинмен емдеуді емнің өзге нұсқалары болмаған жағдайда ғана бастау керек. Пациенттерде HLA-B*1502 бар-жоғына тесті теріс нәтижелер бергенде СДС даму қаупі төмен болып табылады, дегенмен мұндай реакциялар сирек жағдайларда байқалуы мүмкін. Кейбір деректер басқа азиялық популяциялардағы елеулі карбамазепинмен астасқан УЭН/СДС жағдайларының жоғары қаупін көрсетеді. Бұл аллельдің басқа азиялық популяцияларға таралғандығына байланысты (мысалы, Филиппин мен Малайзияда 15%-дан жоғары) HLA-B*1502 бар-жоғына генетикалық қауіпке ұшыраған популяцияларға талдау жүргізу мүмкіндігін қарастыру керек. HLA-B*1502 аллелінің таралғандығы еуропалық, африкалық және латынамерикалық тектес популяциялардағы іріктемелерде, сондай-ақ жапондықтар мен корейлер арасында (<1%) елеусіз. HLA-А * 3101 аллелі - еуропалық және жапондық пациенттердің популяциясы Кейбір деректерде HLA-A*3101 еуропалық және жапон тектес адамдарда карбамазепин туындатқан терінің жағымсыз реакцияларының, соның ішінде СДС, УЭН, эозинофилиямен байқалатын дәрілік бөртпе (DRESS-синдром) немесе онша ауыр емес жедел жайылған экзантематозды пустулез (ЖЖЭП) және макулопапулезді бөртпе қаупінің жоғарылауымен байланысты деп болжанады. HLA-A*3101 аллелінің жиілігі этностық популяциялар арасында айтарлықтай өзгереді. HLA-A*3101 аллелі тасымалдауының таралғандығы еуропалық популяцияларда 2-ден 5% - ға дейінді және жапон популяциясында шамамен 10%-ды құрайды. HLA-A*3101 аллелінің болуы карбамазепинмен индукцияланған тері реакцияларының даму қаупін арттыруы мүмкін (көбінесе ауырлығы аз), еуропалық тектес адамдар арасында жалпы халықтың 5,0% - дан 26,0% - ға дейін, ал оның болмауы қауіпті 5,0% - дан 3,8% - ға дейін төмендетуі мүмкін. Карбамазепинмен емдеуді бастар алдында HLA-A*3101 бар-жоғына скрининг жүргізу туралы нұсқаулардың пайдасына деректер жеткіліксіз. Егер еуропалық немесе жапондық пациенттерде HLA-A*3101 аллелінің бар-жоғын анықтау тест нәтижесі оң екені белгілі болса, карбамазепинді қолдану пайдасы қаупінен асады деп есептелген жағдайда ғана мүмкін болады. Басқа дерматологиялық реакциялар Терінің әлсіз айқындалған реакциялары, мысалы, оқшауланған макулярлық немесе макула-папулезді экзантема, көп жағдайда өткінші және ауыр емес болып табылады. Әдетте емдеуді жалғастырған кезде немесе препарат дозасын төмендеткеннен кейін де бірнеше күн немесе апта ішінде кетіп қалады. Терінің неғұрлым күрделі реакцияларының ерте белгілерін жеңіл өтпелі реакциялардан ажырату қиын, сондықтан егер реакция ұзақ уақыт қолданғанда нашарласа, препаратты дереу тоқтатуды ескере отырып, пациент мұқият бақылауда болуы тиіс. HLA-B * 1502 аллелі карбамазепинге терінің аз ауыр жағымсыз реакцияларының, мысалы, құрысуға қарсы аса жоғары сезімталдық синдромы немесе макулопапулезді бөртпе қаупін болжай алмайтындығы анықталды. Аса жоғары сезімталдық МЕЗАКАР® SR аса жоғары сезімталдық реакцияларын, оның ішінде эозинофилиямен және жүйелі симптомдармен (DRESS-синдром) байқалатын дәрілік бөртпені, DRESS-синдроммен байланысты HHV6 реактивациясын, қызбамен, бөртпемен, васкулитпен, лимфаденопатиямен, жалған-лимфомамен, артралгиямен, лейкопениямен, эозинофилиямен, гепатоспленомегалиямен, бауырдың функциялық тестілерінің бұзылуымен және өт жолдарының жойылу синдромымен көрінетін (бауырішілік өттүтіктердің бұзылуы және жойылуы), олар әртүрлі біріктірілімдерде пайда болуы мүмкін, кешеуілдеген мультиағзалық аса жоғары сезімталдықты тудыруы мүмкін. Басқа ағзалардың зақымдануы мүмкін (мысалы, өкпе, бүйрек, ұйқыбез, миокард, жуан ішек). Әдетте, аса жоғары сезімталдық реакциясын көрсететін белгілер мен симптомдар пайда болған кезде МЕЗАКАР® SR дереу тоқтату керек. Карбамазепинге аса жоғары сезімталдық реакциясы бар пациенттер пациенттердің 25-30% - ында окскарбазепинге (Трилептал) аса жоғары сезімталдық реакциясы болуы мүмкін екендігі туралы хабардар етілуі тиіс. Карбамазепин мен эпилепсияға қарсы хош иісті препараттар (мысалы, фенитоин, примидон және фенобарбитал) арасында айқаспалы аса жоғары сезімталдық болуы мүмкін. МЕЗАКАР® SR типті және атипиялы абсанстарды қамтитын аралас ұстамалары бар пациенттерде сақтықпен қолдану керек. Осы жағдайлардың барлығында МЕЗАКАР®SR ұстамаларды күшейте алады. Ұстамалар өршіген жағдайда МЕЗАКАР®SR қабылдауды тоқтату керек. Ұстамалар жиілігінің артуы пероральді препараттан суппозиторийлерге ауысқан кезде орын алуы мүмкін. Дозаны төмендету және тоқтату әсерлері МЕЗАКАР® SR қабылдауды кенеттен тоқтату эпилепсиялық ұстамаларды қоздыруы мүмкін, сондықтан карбамазепинді біртіндеп тоқтату керек. Егер эпилепсиясы бар пациентті МЕЗАКАР® SR емдеуді күрт үзуге тура келсе, бұл жағдайда осындай жағдайларда көрсетілген препаратты пайдаланып, эпилепсияға қарсы басқа дәріге көшуді жүзеге асыру қажет. Ұрпақ өрбіту жасындағы әйелдер Карбамазепин жүкті әйел қолданған кезде шаранаға зиян тигізуі мүмкін. Карбамазепиннің пренаталдық әсері туа біткен күрделі даму ақауларының және дамудың басқа да жағымсыз салдарының қаупін арттыруы мүмкін. Егер емдеудің баламалы нұсқаларын мұқият қарастырғаннан кейін пайдасы басым деп танылмаса, карбамазепинді ұрпақ өрбіту жасындағы әйелдерге қолдануға болмайды. Ұрпақ өрбіту жасындағы әйелдер жүктілік кезінде карбамазепин қабылдаған жағдайда шарана үшін ықтимал қаупі туралы толық хабардар болуы керек. Карбамазепинмен емдеуді бастамас бұрын, бала туатын жастағы әйелдер жүктілікті анықтау тестін жасау мүмкіндігін қарастыруы керек. Ұрпақ өрбіту жасындағы әйелдер емдеу кезінде және емдеуді тоқтатқаннан кейін екі аптадан соң тиімді контрацепцияны қолдануы керек. Ферменттердің индукциясына байланысты карбамазепин гормондық контрацептивтердің емдік әсерінің бұзылуына әкелуі мүмкін, сондықтан бала туатын жастағы әйелдер контрацепцияның басқа тиімді әдістерін қолдану туралы кеңес алуы керек. Ұрпақ өрбіту жасындағы әйелдер жүктілікті жоспарлай салысымен бала біткенге және контрацепция тоқтатқанға дейін баламалы емдеуге көшуді талқылау үшін дәрігермен кеңесу керек. Ұрпақ өрбіту жасындағы әйелдерге жүкті болса немесе жүкті болуым мүмкін деп ойласа және карбамазепин қабылдаса, дереу дәрігерге қаралуға кеңес беру керек. Эндокринологиялық әсерлер МЕЗАКАР® SR бір мезгілде пероральді контрацептивтер қолданылған жағдайларда әйелдерде етеккір арасындағы кезеңде қан кетулердің пайда болуы туралы хабарламалар белгілі. МЕЗАКАР® SR пероральді контрацепциялық препараттардың емдік әсерін айтарлықтай төмендетуі мүмкін, сондықтан бала көтеруге қабілетті әйелдер МЕЗАКАР® SR емдеу кезеңінде жүктіліктен сақтанудың баламалы әдістерін қолдануы тиіс. МЕЗАКАР® SR қабылдайтын және гормондық контрацепцияға мұқтаж әйел пациенттер құрамында кемінде 50 мкг эстроген бар препаратты қабылдауы тиіс немесе контрацепцияның қандай да бір баламалы гормондық емес әдісін пайдалану мүмкіндігін қарастыру керек. Қан плазмасындағы карбамазепин деңгейіне мониторинг жүргізу Препарат дозасының көлемі және қан плазмасындағы карбамазепин деңгейі, оның клиникалық тиімділігі немесе көтерімділігі арасындағы өзара байланыс аса елеусіз болса да, плазмадағы деңгейін тұрақты түрде анықтау мынадай жағдайларда пайдалы болуы мүмкін: ұстамалар жиілігінің күрт артуы кезінде, пациенттің препаратты тиісті түрде қабылдайтынын тексеру үшін; жүктілік кезінде; балаларды немесе жасөспірімдерді емдеу кезінде; препарат сіңірілуінің бұзылуына күдік болған кезде; егер пациент бірнеше дәрілік заттарды қабылдаған жағдайда уытты реакциялардың дамуына күдік болған кезде. Сақтандыру шаралары Анамнезінде жүрек, бауыр, бүйрек аурулары, басқа дәрілік заттарға жағымсыз гематологиялық реакциялар туралы немесе бұрын жүргізілген МЕЗАКАР® SR препаратымен емнің тоқтатылғаны туралы мәліметтер бар пациенттерге препаратты емдеудің күтілетін әсерінің және емнің ықтимал қаупінің арақатынасын мұқият талдағаннан кейін және мұқият және тұрақты бақылауды қамтамасыз еткеннен кейін ғана тағайындау керек. Несептің жалпы талдауын және қандағы мочевина деңгейін зерттеу ұсынылады. Гипонатриемия Карбамазепинді қабылдаған кезде гипонатриемияның дамуы мүмкін екені белгілі. Карбамазепинмен емдеу басталғанға дейін қан сарысуындағы натрий деңгейін натрийдің аз мөлшерімен байланысты бүйрек аурулары бар пациенттерде немесе натрий деңгейін төмендететін препараттарды бір мезгілде қабылдайтын пациенттерде (мысалы, диуретиктер, АДГ-ның талапқа сай емес секрециясымен байланысты дәрілік заттар) өлшеу керек. Содан кейін қан сарысуындағы натрий деңгейін шамамен екі аптадан кейін және емнің алғашқы үш айында ай сайын немесе клиникалық қажеттілікке сәйкес өлшеу керек. Бұл қауіп факторлары әсіресе егде жастағы пациенттерге қатысты. Клиникалық көрсетілген жағдайларда суды шектеу гипонатриемияның дамуындағы маңызды қарсы шара болып табылады. Гипотиреоз Карбамазепин ферменттерді индукциялау арқылы қан сарысуындағы тиреоидты гормондардың концентрациясын төмендетуі мүмкін, бұл гипотиреозы бар пациенттерде орын басатын тиреоидты емнің дозасын арттыруды талап етеді. Орын басатын тиреоидты емнің дозасын түзету үшін қалқаншабез функциясына мониторинг жүргізу ұсынылады. Антихолинергиялық әсерлер МЕЗАКАР® SR әлсіз антихолинергиялық белсенділікке ие. Сондықтан препаратты көзішілік қысымы жоғары пациенттерде қолданған жағдайда осы көрсеткішті тұрақты бақылау қажет. Психиатриялық әсерлер Жасырын ағымды психоздардың белсену мүмкіндігін, ал егде жастағы пациенттерде бағдардан адасудың немесе қозудың даму мүмкіндігін назарға алу керек. Құлау МЕЗАКАР®SR препаратымен емдеу атаксиямен, бас айналумен, ұйқышылдықпен, гипотониямен, сананың шатасуымен, седациямен байланысты болды, бұл құлауға, демек сынуға немесе басқа жарақаттарға әкелуі мүмкін. Аурулары, жағдайлары бар пациенттер үшін немесе осы әсерлерді нашарлатуы мүмкін препараттарды қолданған кезде, МЕЗАКАР® SR ұзақ уақыт емдеген кезде құлау қаупін толық бағалау жүйелі түрде қаралуы тиіс. МЕЗАКАР® SR құрамында әр таблеткада 1 ммольден аз натрий (23 мг) бар, яғни шын мәнінде «натрийсіз». Арнайы сақтандырулар Жүктілік Эпилепсияға қарсы дәрілік заттарды (ЭДЗ) қолданумен байланысты жалпы қауіп. Эпилепсияға қарсы емді қолданатын ұрпақ өрбіту жасындағы барлық әйелдерге, әсіресе жүктілікті жоспарлайтын әйелдерге және жүкті әйелдерге құрысулар мен эпилепсияға қарсы емдеуден туындаған шарана үшін ықтимал қаупіне қатысты медициналық кеңес беру керек. ЭДЗ емдеуді кенеттен тоқтатудан аулақ болу керек, өйткені бұл әйел мен туылмаған бала үшін ауыр зардаптарға әкелуі мүмкін құрысудың туындауына әкелуі мүмкін. Мүмкін болса, жүктілік кезінде эпилепсияны емдеу үшін монотерапияға артықшылық беріледі, өйткені бірнеше ЭДЗ емі туа біткен даму ақауларының жоғары қаупімен байланысты болуы мүмкін. Карбамазепинмен байланысты қауіптер Карбамазепин плаценталық бөгет арқылы өтеді. Карбамазепиннің пренаталдық әсері туа біткен даму ақауларының және дамудың басқа да жағымсыз салдарының қаупін арттыруы мүмкін. Жүктілік кезінде карбамазепиннің әсері күрделі даму ақауларының жиілігімен байланысты, жалпы популяцияға қарағанда 2-3 есе жоғары, жиілігі 2-3% құрайды. Жүктілік кезінде карбамазепин қолданған анада шарананың жүйке түтігінің ақаулары, бассүйек-бет ақаулары, ерін/таңдай жырығы, жүрек-қантамырдың даму ақаулары, гипоспадия, саусақ гипоплазиясы және шарана организмінің әртүрлі жүйелеріне әсер ететін басқа да ауытқулар сияқты даму ақаулары туралы хабарланды. Дамудың осы кемшіліктерін мамандандырылған антенаталдық бақылау ұсынылады. Жүктілік кезінде карбамазепинді жеке-жеке немесе басқа ЭДЗ-мен біріктіріп қолданған эпилепсиясы бар әйелдерден туған балалар арасында жүйке дамуының бұзылғаны туралы хабарланды. Жүктілік кезінде карбамазепин қабылдаған балалардағы жүйке жүйесінің бұзылудың даму қаупімен байланысты зерттеулер қайшылықты және қаупін жоққа шығаруға болмайды. Егер емдеудің баламалы нұсқаларын мұқият қарастырғаннан кейін пайдасы басым деп танылмаса, карбамазепинді жүктілік кезінде әйелдерге қолдануға болмайды. Әйел толық хабардар етілуі және жүктілік кезінде карбамазепинді қабылдаудың қаупін түсінуі керек. Деректер карбамазепинді қолдану кезінде даму ақауларының пайда болу қаупі дозаға байланысты болуы мүмкін екенін көрсетеді. Егер пайдасын/қаупін мұқият бағалау негізінде және емдеудің баламалы нұсқасы сәйкес келмесе және карбамазепинмен емдеу жалғастырылса, монотерапияны және карбамазепиннің төмен тиімді дозасын қолдану керек және қан плазмасындағы деңгейлерді бақылау ұсынылады. Плазмадағы концентрацияны құрысуды бақылауды қолдаумен емдік диапазонының төменгі бөлігінде 4-тен 12 мкг/мл-ге дейін ұстап тұруға болады. Карбамазепин сияқты кейбір ЭДЗ қан сарысуындағы фолаттар деңгейін төмендететіні хабарланды. Бұл тапшылық эпилепсиямен ауыратын анадағы шарананың туа біткен ақаулары жиілігінің артуына ықпал етеді. Жүктілікке дейін және жүктілік кезінде фолий қышқылын қабылдау ұсынылады. Нәрестедегі қан ұюы бұзылуының алдын алу үшін жүктіліктің соңғы апталарында аналарға, сондай-ақ жаңа туған нәрестелерге К1 дәруменін беру ұсынылады. Егер әйел жүкті болуды жоспарласа, бала біткенге және контрацепцияны тоқтатқанға дейін тиісті баламалы емге көшу үшін барлық күш-жігерді жұмсауы керек. Егер әйел карбамазепинді қабылдау кезінде жүкті болса, оны емдеу әдісін бағалау және баламалы нұсқаларды қарастыру үшін маманға жіберу керек. Ұрпақ өрбіту жасындағы әйелдер Карбамазепинді емдеудің баламалы нұсқаларынан ықтимал пайда/қауіп басым болатын жағдайларды қоспағанда, ұрпақ өрбіту жасындағы әйелдерге қолдануға болмайды. Әйелге толық ақпарат берілуі керек және жүктілік кезінде карбамазепин қабылдаған кезде шарана үшін ықтимал қаупін түсіну керек, сондықтан жүктілікті алдын ала жоспарлау маңызды. Карбамазепинмен емдеуді бастар алдында ұрпақ өрбіту жасындағы әйелдерде жүктілікті анықтау тестін жүргізу мүмкіндігін қарастыру керек. Ұрпақ өрбіту жасындағы әйелдер емдеу кезінде және емді аяқтаған соң екі апта бойы тиімді контрацепцияны қолдануы тиіс. Ферменттердің индукциясына байланысты карбамазепин гормондық контрацептивтердің емдік әсерінің бұзылуына әкелуі мүмкін, сондықтан ұрпақ өрбіту жасындағы әйелдер контрацепцияның басқа тиімді әдістерін қолдану туралы кеңес алуы керек. Ең болмағанда контрацепцияның бір тиімді әдісін (мысалы, жатырішілік) немесе бөгеу әдісін қоса алғанда, контрацепцияның екі қосымша түрін пайдалану керек. Контрацепция әдісін таңдағанда пациентті талқылауға тарта отырып, жеке жағдайларды бағалау керек. Бала емізу Ана сүтіне карбамазепиннің және оның белсенді метаболитінің аз ғана бөлігі түседі (сүттегі/плазмадағы концентрациясы 0,24 – 0,69 құрайды). Сондықтан карбамазепинді лактация кезеңінде тағайындауға болады. Дегенмен, жаңа туған нәрестелерге препараттың ықтимал әсерінің туындауын (салмақ қосу жылдамдығының төмендеуі, седативті әсер) бақылау қажет. Осы әсерлер туындаған кезде баланы емшектен шығару керек. Босанғанған дейін және/немесе бала емізу кезеңінде карбамазепиннің әсеріне ұшыраған нәрестелерде холестаздық гепатит туралы бірнеше хабарлама алынды. Сондықтан карбамазепин алған аналардың емшек еметін балаларын бауыр тарапынан болатын жағымсыз реакциялардың бар-жоғына мұқият бақылау керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Емдеу кезінде автокөлік басқарған және зейін қою мен психомоторлық реакциялардың жылдамдығын қажет ететін, қауіптілігі зор басқа қызмет түрлерімен шұғылданған жағдайда сақтық таныту қажет.

Нұсқаулықта көрсетілмеген.

Р450 3А4 (CYP A4) цитохромы карбамазепин-10, 11-эпоксидтің белсенді метаболитінің түзілуін қамтамасыз ететін негізгі фермент болып табылады. CYP 3A4 тежегіштерін бір мезгілде қолдану қан плазмасындағы карбамазепин концентрациясының жоғарылауына әкелуі мүмкін, бұл өз кезегінде жағымсыз реакциялардың пайда болуына себеп болуы мүмкін. CYP 3A4 индукторларын бір мезгілде қолдану карбамазепин метаболизмінің жеделдеуіне және осылайша қан плазмасындағы карбамазепин концентрациясының ықтимал төмендеуіне және соның салдарынан емдік әсер айқындығының ықтимал төмендеуіне әкелуі мүмкін. Сол сияқты, CYP 3A4 ферментінің индукторларын қолдануды тоқтату карбамазепиннің метаболизм деңгейін төмендетіп, оның қан плазмасындағы концентрациясының жоғарылауына әкелуі мүмкін. Карбамазепин CYP 3A4 және бауырдың бірінші және екінші фазалы ферменттік жүйелерінің күшті индукторы болып табылады және CYP 3A4 метаболизденетін препараттармен бір мезгілде қолданғанда метаболизм индукциясын және олардың плазмадағы концентрациясының төмендеуін туындатуы мүмкін. Карбамазепин-10,11-эпоксидтің карбамазепин-10,11-трансдиолға айналуы гидролаза эпоксидінің микросомалық ферментінің көмегімен жүретіндіктен, карбамазепинді гидролаза эпоксидінің тежегіштерімен бірге қолдану қан плазмасында карбамазепин-10,11-эпоксид концентрациясының жоғарылауына әкелуі мүмкін. Қарсы көрсетілген өзара әрекеттесу Карбамазепинді моноаминоксидаза (МАО) тежегіштерімен бір мезгілде қолдануға болмайды, препаратты қолдануды бастамас бұрын МАО тежегішін қабылдауды тоқтату керек (клиникалық жағдайлар мүмкіндік берсе, кем дегенде екі апта бұрын немесе одан ертерек). Қан плазмасындағы карбамазепин деңгейін жоғарылататын препараттар Қан плазмасындағы карбамазепин деңгейінің жоғарылауы жағымсыз реакцияларға әкелуі мүмкін болғандықтан (мысалы, бас айналу, ұйқышылдық, атаксия, диплопия), карбамазепин дозасын түзету керек және/немесе төмендегі препараттармен бір мезгілде қолданғанда қан плазмасындағы карбамазепин деңгейін үнемі тексеріп отыру керек. Анальгетиктер, қабынуға қарсы препараттар: декстропропоксифен, ибупрофен. Андрогендер: даназол. Антибиотиктер: макролидті антибиотиктер (мысалы, эритромицин, кларитромицин), ципрофлоксацин. Антидепрессанттар: десипрамин, флуоксетин, флувоксамин, пароксетин, тразодон, вилоксазин. Эпилепсияға қарсы препараттар: стирипентол, вигабатрин. Зеңге қарсы препараттар: азолдар (мысалы, итраконазол, кетоконазол, флуконазол, вориконазол). Вориконазалмен немесе интраконазолмен ем алатын пациенттерге эпилепсияға қарсы баламалы дәрілер ұсынылуы мүмкін. Антигистаминдік препараттар: лоратадин, терфенадин. Психозға қарсы препараттар: оланзапин. Туберкулезге қарсы препараттар: изониазид. Вирусқа қарсы препараттар: АИТВ үшін протеаза тежегіштері (мысалы, ритонавир). Карбоангидраза тежегіштері: ацетазоламид. Жүрек-қантамыр препараттары: дилтиазем, верапамил. АІЖ ауруларын емдеуге арналған препараттар: мүмкін циметидин, омепразол. Миорелаксанттар: оксибутинин, дантролен. Антиагреганттық препараттар: тиклопидин. Басқа заттармен өзара әрекеттесу: грейпфрут шырыны, никотинамид (тек жоғары дозаларда). Қан плазмасындағы карбамазепин-10,11-эпоксидтің белсенді метаболит деңгейін жоғарылататын препараттар Қан плазмасындағы карбамазепин-10,11-эпоксидтің белсенді метаболитінің жоғарылауы жағымсыз реакцияларға әкелуі мүмкін (мысалы, бас айналу, ұйқышылдық, атаксия, диплопия), карбамазепин дозасын түзету керек және/немесе келесі препараттармен бір мезгілде қолданғанда қан плазмасындағы карбамазепин деңгейін үнемі тексеріп отыру керек: кветиапин, прогабид, вальпрой қышқылы, вальноктамид, вальпромид, примидон, бриварацетам. Қан плазмасындағы карбамазепин деңгейін төмендететін препараттар Төмендегі препараттармен бір мезгілде қолданғанда карбамазепин дозасын түзету қажет болуы мүмкін. Эпилепсияға қарсы препараттар: окскарбазепин, фенобарбитал, фенитоин (фенитоиннен улануды және карбамазепиннің субтерапиялық концентрациясын болдырмау үшін карбамазепинмен емдеуді бастамас бұрын қан плазмасындағы фенитоин концентрациясын 13 мкг/мл-ге дейін түзету ұсынылады) және фосфенитоин, примидон және деректер ішінара қарама-қайшы болғанымен, мүмкін, клоназепам да. Ісікке қарсы препараттар: цисплатин немесе доксорубицин. Туберкулезге қарсы препараттар: рифампицин. Бронходилататорлар немесе демікпеге қарсы препараттар: теофиллин, аминофиллин. Дерматологиялық препараттар: изотретиноин. Басқа заттармен өзара әрекеттесу: құрамында шайқурай (Hypericum perforatum) бар дәрілік шөптер. Карбамазепиннің қатарлас ем ретінде қолданылатын препараттардың қан плазмасындағы концентрациясына әсері Карбамазепин кейбір препараттардың концентрациясын төмендетіп, әсерін азайтуы немесе тіпті толығымен жоюы мүмкін. Төмендегі препараттардың дозаларын түзету қажет болуы мүмкін. Анальгетиктер, қабынуға қарсы препараттар: бупренорфин, метадон, парацетамол (карбамазепинді парацетамолмен (ацетаминофенмен) ұзақ уақыт қолдану гепатоуыттылықтың дамуына байланысты болуы мүмкін), трамадол. Антибиотиктер: доксициклин, рифабутин. Антикоагулянттар: пероральді антикоагулянттар (мысалы, варфарин, аценокумарол, ривароксабан, дабигатран, апиксабан және эдоксабан). Антидепрессанттар: бупропион, циталопрам, миансерин, сертралин, тразодон, трициклді антидепрессанттар (мысалы, имипрамин, амитриптилин, нортриптилин, кломипрамин). Құсуды басатын дәрілер: апрепитант. Эпилепсияға қарсы препараттар: клобазам, клоназепам, этосукцимид, ламотриджин, окскарбазепин, примидон, тиагабин, топирамат, вальпрой қышқылы, зонисамид. Фенитоиннен улануды және карбамазепиннің субтерапиялық концентрациясын болдырмау үшін карбамазепинмен емдеуді бастамас бұрын қан плазмасындағы фенитоин концентрациясын 13 мкг/мл-ге дейін түзету ұсынылады. Қан плазмасындағы мефенитоин деңгейінің жоғарылауының жалғыз жағдайлары туралы хабарланды. Зеңге қарсы препараттар: итраконазол, вориконазол. Вориконазалмен немесе интраконазолмен ем алатын пациенттерге эпилепсияға қарсы баламалы дәрілер ұсынылуы мүмкін. Антигельминттік препараттар: празиквантел, альбендазол. Ісікке қарсы препараттар: иматиниб, циклофосфамид, лапатиниб, темсиролимус. Нейролептик препараттар: клозапин, галоперидол және бромперидол, оланзапин, кветиапин, рисперидон, арипипразол, палиперидон. Вирусқа қарсы препараттар: АИТВ емдеуге арналған протеаза тежегіштері (мысалы, индинавир, ритонавир, саквинавир). Анксиолитиктер: альпразолам, мидазолам. Бронходилататорлар немесе демікпеге қарсы препараттар: теофиллин. Контрацепциялық препараттар: гормондық контрацептивтер (контрацепцияның баламалы әдістерін қолдануды қарастырған жөн). Жүрек-қантамыр препараттары: кальций өзекшелерінің блокаторлары (дигидропиридин тобы), мысалы, фелодипин, дигоксин, симвастатин, аторвастатин, ловастатин, церивастатин, ивабрадин. Кортикостероидтар: кортикостероидтар (мысалы, преднизолон, дексаметазон). Эрекциялық дисфункцияны емдеу үшін қолданылатын дәрілер: тадалафил. Иммуносупрессанттар: циклоспорин, эверолимус, такролимус, сиролимус. Қалқаншабез ауруларын емдеуге арналған препараттар: левотироксин. Басқа препараттармен өзара әрекеттесуі: құрамында эстрогендер және/немесе прогестерон бар препараттар. Спецификалы қарастыруды қажет ететін біріктірілімдер Карбамазепин мен леветирацетамды біріктіріп қолдану карбамазепин уыттылығының жоғарылауына әкелуі мүмкін. Карбамазепин мен изониазидті бір мезгілде қолдану изониазид туындатқан гепатоуыттылықтың күшеюіне әкелуі мүмкін. Карбамазепин мен литийді біріктіріп қолдану қан плазмасындағы литий деңгейі емдік диапазон шегінде қалса да, нейроуыттылықтың күшеюіне әкелуі мүмкін. Карбамазепинді метоклопрамидпен немесе галоперидол, тиоридазин сияқты негізгі транквилизаторлармен біріктіріп қолдану жағымсыз неврологиялық әсерлердің даму жиілігінің жоғарылауына да әкелуі мүмкін. Кейбір диуретиктермен (гидрохлоротиазид, фуросемид) карбамазепинмен бір мезгілде емдеу симптоматикалық гипонатриемияның туындауына әкелуі мүмкін. Карбамазепин бұлшықеттің деполяризацияланбайтын релаксанттарының әсеріне қарсы тұра алады (мысалы, панкурония). Мұндай біріктірілімді қолданған жағдайда осы препараттардың дозаларын арттыру қажет болуы мүмкін; пациенттердің жағдайын мұқият бақылау керек, өйткені миорелаксанттардың әсерін тоқтату күткеннен тезірек мүмкін болады. Карбамазепин, басқа психотроптық препараттар сияқты, алкоголь жағуын төмендетуі мүмкін, сондықтан пациенттерге алкогольді ішуден тартынуға кеңес беріледі. Карбамазепинді тікелей әсер ететін пероральді антикоагулянттармен (ривароксабан, дабигатран, апиксабан және эдоксабан) бір мезгілде қолдану қан плазмасындағы тікелей әсер ететін пероральді антикоагулянттар концентрациясының төмендеуіне әкелуі мүмкін, бұл тромбоз қаупін тудырады. Сондықтан, егер бір мезгілде қолдану қажет болса, тромбоздың белгілері мен симптомдарын мұқият мониторингілеу ұсынылады. Серологиялық зерттеулерге әсері Карбамазепин перфеназин концентрациясын анықтауға арналған ТЖСХ-талдауының жалған оң нәтижесін бере алады. Карбамазепин мен 10,11-эпоксидтің метаболиті трициклді антидепрессанттардың концентрациясын анықтауға арналған поляризацияланған флуоресценция әдісімен иммунологиялық талдаудың жалған оң нәтижесін бере алады.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында 25ºС-ден аспайтын температурада сақтау керек. Балалардың қолы жетпейтін жерде сақтау керек!