Мериоферт порошок 75 МЕ

Бір құтының ішінде белсенді зат: әр ампуланың ішінде менотропин (адамның тазартылу дәрежесі жоғары менопаузалық гонадотропині, аМГ) бар, бұл 75 ХБ немесе 150 ХБ фолликуластимуляциялайтын гормонға және 75 ХБ немесе 150 ХБ лютеинделген гормонға сәйкес келеді. қосымша заттар: ұнтақ үшін: лактоза моногидраты 10 мг еріткіш үшін: натрий хлориді, инъекцияға арналған су Сыртқы түрінің, иісінің дәмінің сипаттамасы Ақ лиофилизацияланған тығын немесе ұнтақ. Дайын ерітіндінің сипаттамасы: көзге көрінетін механикалық қосылыстарсыз, мөлдір түссіз ерітінді.

Пациенттердің келесі топтарында әйелдер мен ерлердегі бедеулікті емдеу үшін: Кломифен цитратымен емдеуге реакция болмаған әйелдерде аналық бездердің поликистозын (поликистозды аналық бездер синдромы - ПКАБС) қоса, ановуляцияда: - аналық бездердің бақыланатын гиперстимуляциясы жүргізілетін әйелдерде: менотропин қосалқы репродуктивтік технологиялар (ҚРТ), мысалы, экстракорпоральді ұрықтандыру / эмбриондарды тасымалдау (ЭКҰ/ЭТ), гаметаларды фаллопий түтіктеріне тасымалдау (ГФТТ) және сперматозоидтың цитоплазмаішілік инъекциясы (СЦІИ) үшін фолликулдардың көптеп дамуын индукциялауы мүмкін. - ерлердегі гипогонадотропты гипогонадизмде: менотропинді сперматогенезді стимуляциялау үшін адамның хориондық гонадотропинімен (мысалы, Хорагоном) біріктіріп тағайындауға болады. Бастапқы тестикулярлық жеткіліксіздігі бар пациенттерде, әдетте, емге реакция болмайды.

Әсер ету механизмі Менотропин (адамдағы менопаузалық гонадотропин, HMG) постменопауза кезеңіндегі әйелдердің несебінен алынатын гонадотропин болып табылады. Оның белсенділігі лютеинделген гормонның да, фолликуластимуляциялайтын гормонның да 1:1 арақатынасында. Адамның хориондық гонадотропині (АХГ), постменопауза кезеңіндегі несептегі табиғи гормон, менотропинде болады және ЛГ белсенділігіне әсер ететін негізгі фактор болып табылды. Менотропин тікелей аналық бездер мен аталық бездерге әсер етеді. АМГ гаметропты және стероидогенді әсер береді. Аналық бездерде АМГ ФСГ-компоненті жетіліп келе жатқан фолликулдар санының артуын тудырады және олардың дамуын стимуляциялайды. ФСГ тека-жасушаларда ЛГ-компонентінің әсерінен түзілетін андрогендерді хош иістендірудің есебінен түйіршікті жасушаларымен эстрадиол өндірілуін арттырады. ЛГ мүлдем болмаған жағдайда фолликулдардың көбеюін ФСГ стимуляциялауы мүмкін, бірақ түзілген фолликулдар дамуы аномальді және эстрадиол деңгейінің төмендігімен және қалыпты овуляторлық стимулға дейін лютеинденуге қабілетсіздікпен байланысты болады. Стероидогенезді күшейтудегі ЛГ белсенділігінің әсеріне сәйкес, менотропинмен емдеумен байланысты эстрадиол деңгейлері реттелуі төмен ЭКҰ/СЦІИ циклдерінде рекомбинантты ФСГ препараттарымен емдеуге қарағанда жоғары. Бұл мәселені пациенттің реакциясын эстрадиол деңгейінің негізінде мониторингілеу кезінде ескеру керек. Аталық ұрық бездерінде ФСГ ертемерзімдік Сертоли жасушаларының жетілген жасушаға трансформациялануын индукциялайды. Бұл негізінен ұрық өзектерінің жетілуін және сперматозоидтардың дамуын тудырады. Дегенмен, аталық бездердегі андрогендердің жоғары концентрациясы қажет және оған алдын-ала АХГ пайдалана отырып емдеу арқылы қол жеткізуге болады.

Дозалану режимі Мериоферт препаратымен емдеуді тек, тиісінше маманданған және бедеулікті емдеуде тәжірибесі бар дәрігердің бақылауымен жүргізу керек. Бұлшықет ішіне немесе тері астына қолдануға арналған. Төменде сипатталған дозалау режимдері енгізудің екі түрі үшін ұқсас. Аналық бездердің экзогенді гонадотропиндерге реакциясында дербес елеулі айырмашылықтар бар. Бұл бірыңғай дозалау схемасын әзірлеуге мүмкіндік бермейді. Сондықтан, дозасы аналық бездердің реакциясына байланысты жекелей түзетілуі тиіс. Дозалануы мен емдеу ұзақтығы бойынша ұсынымдар нақты емдеу хаттамасына байланысты өзгеріп отыруы мүмкін. Ановуляция (ПКАБС– поликистозды аналық бездер синдромын қоса) Мериоферт препаратын әйелдерде фолликулдардың жетілуін стимуляциялау үшін енгізеді, содан кейін овуляцияны және сары дененің түзілуін стимуляциялау үшін хориондық гонадотропинмен ем жүргізеді. Мериоферт препаратымен емдеуді етеккір оралымының алғашқы 7 күні ішінде бастау керек. Мериоферт препаратының ұсынылатын бастапқы дозасы күніне 75–150 ХБ құрайды, оны кемінде 7 күн бойы жалғастыру керек. Клиникалық мониторингтің (бөлек немесе эстрадиол деңгейін өлшеумен бірге аналық бездердің УДЗ қоса) негізінде, келесі дозасын пациенттің жекелей реакциясына сәйкес түзету керек. Дозасын түзетулерді әр 7 күннен жиі жүргізбеу керек. Дозасының ұсынылатын арттырылуы бір түзетуде 37,5 ХБ құрайды және 75 ХБ аспауы тиіс. Ең жоғары тәуліктік дозасы 225 ХБ аспауы тиіс. Егер 3 апта емдеуден соң пациенттің препаратты қолдануға реакциясы талапқа сай болмаса, бұл циклді тоқтату керек және пациент әйел емделуді үзілген циклдегіге қарағанда жоғарырақ бастапқы дозасынан қайта бастауы керек. Оңтайлы жауап алынған жағдайда, Мериоферт препаратын қабылдау тоқтатылады. Мериоферт препаратының соңғы инъекциясынан кейін 1 күннен соң АХГ 5000 ХБ - 10 000 ХБ дейінгі бір реттік инъекциясы жасалуы тиіс. Пациентке АХГ енгізілген күні және енгізгеннен кейінгі келесі күні жыныстық қатынаста болу ұсынылады. Баламасы ретінде, жатырішілік инсеминация (ЖІИ) жүргізуге болады. Егер Мериоферт препаратын қолдануға шамадан тыс жауап алынса, емдеуді тоқтату және АХГ бас тарту керек, ал пациент әйел контрацепцияның бөгеттік әдісін пайдалануы немесе келесі етеккірлік қан кету басталғанға дейін жыныстық қатынастан бас тартуы керек. Емдеуді келесі емдеу циклінде алдыңғы циклдегіге қарағанда төмен дозада қайта жаңғырту керек. Қосалқы репродуктивтік технологиялар (ҚРТ) шеңберінде фолликулдардың көптеп дамуы үшін аналық бездердің бақыланатын гиперстимуляциясы жүргізілетін әйелдер ГнРГ агонисінің көмегімен төмендетіп реттеу пайдаланылатын хаттамаға сәйкес, Мериоферт препаратымен емдеуді агониспен емдеуді батсағаннан кейін шамамен 2 аптадан соң бастау керек. ГнРГ антагонисінің көмегімен төмендетіп реттеу пайдаланылатын хаттамада менотропинмен емдеуді еттеккір оралымының 2-ші немесе 3-ші күні бастау керек. Менотропиннің ұсынылатын бастапқы дозасы емдеудің кемінде алғашқы 5 күні бойына күніне 150-225 ХБ құрайды. Клиникалық мониторингтің (бөлек немесе эстрадиол деңгейін өлшеумен бірге аналық бездердің УДЗ қоса) негізінде келесі дозасын пациенттің жекелей реакциясына сәйкес түзету керек және бір түзетуде 150 ХБ-дан артық арттырмау керек. Ең жоғары тәуліктік дозасы күніне 450 ХБ аспауы тиіс, және көпшілік жағдайда 20 күннен артық дозалау ұсынылмайды. Фолликулдардың қолайлы саны тиісінше өлшеміне жеткен кезде, ооциттерді шығаруға дайындық шеңберінде фолликулдардың түбегейлі жетілуін тудыру үшін 5000 ХБ - 10 000 ХБ дейінгі АХГ бір реттік инъекциясын жасау керек. Пациент АХГ енгізілгеннен кейін кемінде 2 апта бойы қатаң қадағалауда болуы тиіс. Егер менотропинге шамадан тыс жауап алынса, емдеуді тоқтату, ал АХГ енгізуден бас тарту керек және пациент әйелге контрацепцияның бөгеттік әдістерін пайдалану немесе етеккірі басталғанға дейін жыныстық қатынастан бас тарту ұсынылады. Ерлердегі белсіздік Сперматогенезді хориондық гонадотропинмен (аптасына екі-үш рет 1000–2000 ХБ) стимуляциялайды, содан соң менотропинді аптасына екі-үш рет 75 немесе 150 ХБ ЛГ-мен 75 немесе 150 ХБ ФСГ дозасында енгізеді. Емдеуді кемінде 3 немесе 4 ай бойы жалғастыру керек. Пациенттердің ерекше топтары Балалар Балалар мен 18 жасқа дейінгі жасөспірімдерде қолданылмайды. Егде жастағы пациенттер Менотропин егде жастағы адамдарда қолданылмайды. Бүйрек және/немесе бауыр жеткіліксіздігі бар пациенттерде Бүйрек және/немесе бауыр жеткіліксіздігі бар пациенттерде дозалануы жөнінде клиникалық деректер жоқ. Енгізу әдісі және жолы Мериоферт препараты тері астына немесе бұлшықет ішіне қолдануға арналған. Ұнтақты тікелей енгізер алдында, қоса берілген еріткішті пайдалана отырып ерітеді. Ерітіндіні дайындау Ұнтақты тек қаптамадағы еріткішпен сұйылту керек. Сұйылтуға арналған инені ішіне алдын ала еріткіш толтырылған шприцке жалғаңыз. Еріткішті түгелімен ұнтақ салынған құтыға енгізіңіз. Ұнтақ мөлдір ерітінді алынғанға дейін жылдам еруі тиіс. Керісінше жағдайда, құтыны мөлдір ерітінді алынғанға дейін абайлап айналдырыңыз. Қатты сілкімеу керек. Мөлдір емес ерітіндіні немесе ішінде көзге көрінетін бөлшектер бар ерітіндіні пайдалануға болмайды. Дәрілік препараттың бір немесе бірнеше дозасын өткізіп алған жағдайда қажетті шаралар Егер сіз препаратты дәл уақытында қабылдауды ұмытып кетсеңіз, өткізіп алған дозасының орнын толтыру үшін екі есе дозасын қабылдамаңыз. Өтінеміз, бұл туралы өз дәрігеріңізге хабарлаңыз. Егер сіз ем қабылдауды тоқтататын болсаңыз Мериоферт препаратын қабылдауды, дәрігермен кеңесіп алмай тұрып тоқтатпаңыз; керісінше жағдайда препарат тиісінше әсер етпеуі мүмкін. Дәрілік препаратты қолдану тәсілін түсіну үшін медициналық қызметкерінен кеңес алу жөнінде нұсқаулар Сізде осы дәрілік препаратты қолдану жөнінде қандай-да бір қосымша сұрақтар туындаған жағдайда, өз дәрігеріңізге жүгініңіз. Пациенттердің ерекше топтары Балалар Балалар мен 18 жасқа дейінгі жасөспірімдерде қолданылмайды. Егде жастағы пациенттер Менотропин егде жастағы адамдарда қолданылмайды. Бүйрек және/немесе бауыр жеткіліксіздігі бар пациенттерде Бүйрек және/немесе бауыр жеткіліксіздігі бар пациенттерде дозалануы жөнінде клиникалық деректер жоқ. Енгізу әдісі және жолы Мериоферт препараты тері астына немесе бұлшықет ішіне қолдануға арналған. Ұнтақты тікелей енгізер алдында, қоса берілген еріткішті пайдалана отырып ерітеді. Мериоферт 75/150 ХБ препаратын тері астына өз бетінше енгізу жөніндегі нұсқаулық a) Инъекцияға арналған ерітіндіні дайындау Ерітінді тура енгізер алдында дайындалуы тиіс. Ұнтақты еріту үшін тек жеткізілім жиынтығына кіретін еріткішті ғана пайдалануға болады. Егер сіз Мериоферт препаратын өз бетіңізше пайдаланатын болсаңыз, келесі нұсқауларды мұқият оқып шығыңыз: Қолыңызды жуыңыз. Сіздің қолыңыз бен сіз пайдаланатын заттардың таза болғаны маңызды. Қажеттілердің барлығын дайындаңыз және бүкіл заттарды таза беткейге қойыңыз: • 1 құты Мериоферт (ұнтақ); • 1 ампула еріткішпен. Дайындау рәсімі 1. Ампуланың мойны арнайы түсті нүктенің астынан оңай сынатындай етіп жасалған. Ұшындағы сұйықтықты толығымен төмен түсіру үшін ампуланың жоғарғы бөлігін ақырын түртіңіз. Ампуланы өзіңізден түсті нүктесімен ұстаңыз және суретте көрсетілгендей ампуланың жоғарғы бөлігін сындырыңыз. Ампуланы ұстағанда матаны немесе ампула қысқышты қолдану саусақтарыңызды қорғауға көмектеседі. Ашылған ампуланы тігінен тазартылған бетке абайлап қойыңыз. Иненің қорғағыш қалпақшасын шешіңіз. Ерітуге арналған инені (үлкен ине) шприцке жалғаңыз. Шприцті бір қолмен ұстап, ашылған еріткіші бар ампуланы алып, инені ампулага енгізіңіз де, барлық еріткішті шприцке тартыңыз. Иненің қорғағыш қалпақшасын бекітіңіз. Шприцті таза бетке абайлап қойыңыз. 2. Ұнтағы бар құтыдан түсті пластикалық қақпақты (75 ХБ — ашық жасыл, 150 ХБ — қою жасыл) жоғары қарай абайлап басу арқылы шешіңіз. Резеңке тығынның жоғарғы бөлігін спиртке малынған тампонмен сүртіп дезинфекциялаңыз және толық кебуіне мүмкіндік беріңіз. 3. Шприцті алыңыз, иненің қорғағыш қалпақшасын шешіңіз және еріткішті резеңке тығынның жоғарғы бөлігінің дәл ортасынан ұнтақ құтысына баяу енгізіңіз. Ерітіндінің барлығын ұнтаққа шығару үшін поршеньді қатты басыңыз. СІЛКІМЕҢІЗ, ұнтақ толық ерігенше, көбік түзілмеуін қадағалап, құтыны қолдарыңыздың арасында ақырын домалатыңыз. 4.Ұнтақ ерігеннен кейін (әдетте бұл бірден жүреді), ерітіндіні шприцке баяу тартыңыз: • Инені шығармай, құтыны төңкеріңіз; • Иненің ұшы сұйықтықтың деңгейінен төмен екеніне көз жеткізіңіз; • Ерітіндінің барлығын шприцке жинау үшін поршеньді ақырын тартыңыз; • Қалпына келтірілген ерітіндінің мөлдір және түссіз екеніне көз жеткізіңіз. Егер дәрігер Мериоферттің бірнеше құтысын бір мезгілде енгізуді тағайындаса, инъекциялық ерітіндіні дайындау үшін бірінші құтыдағы ерітілген ерітіндіні келесі құтыға енгізу қажет. Бұл процедура тағайындалған дозаға қол жеткізілгенге дейін қайталанады. Мериоферттің 75 ХБ немесе 150 ХБ ең көбі 3 құтысының ішіндегісін 1 мл еріткіште ерітуге болады. Бір құтының ішіндегісі бір реттік қолдануға арналған. Тері астына енгізу • Шприцте тағайындалған доза болған кезде, иненің қорғағыш қалпақшасын кигізіңіз.Инені шприцтен шешіп алып, оның орнына қорғағыш қалпақшасымен қоса тері астына инъекцияға арналған жіңішке иненіге алмастырыңыз. •Жіңішке инені шприц цилиндріне тығыз кірістіріп, содан кейін оның толық бұралғанына көз жеткізу үшін оны сәл бұраңыз — бұл сенімді тығыздықты қамтамасыз етеді. • Иненің қорғағыш қалпақшасын шешіңіз. Шприцті инесі жоғары қараған күйде ұстаңыз және ауа көпіршіктерін жоғары қарай жылжыту үшін шприцтің қабырғасын абайлап түртіңіз; • Иненің ұшынан сұйықтықтың тамшысы шыққанға дейін поршеньді басыңыз. • Егер онда қандай да бір бөлшектер болса немесе ол бұлдыр болса — қолданбаңыз. Инъекция орны: • Сіздің дәрігеріңіз немесе мейіргер сізге бұл дәріні денеңіздің қай бөлігіне енгізу керектігін түсіндіріп берген. Әдетте инъекция енгізілетін жерлер — сан немесе кіндіктен төмен іш қабырғасының төменгі бөлігі. • Инъекция орнын спиртке малынған тампонмен сүртіңіз. Иненi енгiзу: • Теріні мықтап қысыңыз. Екінші қолыңызбен инені 45° немесе 90° бұрышпен жылдам қозғалыспен енгізіңіз. Ерітіндіні енгізу: • Ерітіндіні тері астына енгізіңіз, сізге көрсетілгендей. Тікелей венаға енгізбеңіз. Ерітіндіні дұрыс енгізу және тері тіндерін зақымдамау үшін поршеньді баяу әрі бірқалыпты басыңыз. Сізге тағайындалған ерітінді көлемін енгізуге қанша уақыт қажет болса, сонша уақыт бөліңіз. Ерітіндіні дайындау үшін бөлімінде сипатталғандай, дәрігеріңіз тағайындаған дозалауға байланысты сіз ерітіндінің бүкіл көлемін пайдаланбауыңыз мүмкін. Иненi шығару: • Шприцті тез шығарып алыңыз және инъекция орнына дезинфекциялайтын заты бар тампонды басыңыз. Инъекция орнын жеңіл уқалау — қысымды сақтай отырып — Мериоферт ерітіндісінің таралуына және кез келген жайсыздықты жоюға көмектеседі. Бұлшықет ішіне енгізу: Бұлшықет ішіне инъекцияларды сіздің емдеуші дәрігеріңіз Мериофертті дайындап, санның бүйір жағына немесе бөксеге енгізеді. Барлық қолданылған компоненттерді жою: Барлық инелерді, құтыларды және шприцтерді инъекциядан кейін бірден арнайы контейнерге тастаңыз.

Мериоферт препаратын әйелдер мен ерлерге келесі жағдайларда қолдануға болмайды: - белсенді затқа немесе қосымша заттардың кез келгеніне аса жоғары сезімталдық - гипофиздің немесе гипоталамустың ісіктері Әйелдерде - аналық бездердің, жатырдың немесе сүт безінің карциномасы - жүктілік және лактация - этиологиясы белгісіз гинекологиялық қан кету - аналық бездердің кисталары немесе аналық бездердің поликистозынан туындамаған аналық бездердің ұлғаюы Келесі жағдайларда емдеудің нәтижесі жағымды болуы екіталай, және сондықтан да Мериоферт препаратын тағайындамау керек: - аналық бездердің бастапқы жеткіліксіздігі - жыныс мүшелерінің жүктілікпен үйлесімсіз деформациясы - жатырдың жүктілікпен үйлесімсіз фибромиомалары - қанағаттанарлық нәтиже күтуге болмайтын құрылымдық аномалиялар, мысалы, жатыр түтіктерінің бітелуі (егер тек ЭКҰ үшін суперовуляцияны стимуляциялау қажет болмаса), аналық бездердің дисгенезиясы, жатырдың болмауы немесе мерзімінен бұрын басталған менопауза. Ерлерде - аталық бездердің ісіктері - простата карциномасы

Мериофертпен клиникалық зерттеулерде препаратқа ең маңызды жағымсыз реакция — бұл (дозаға тәуелді) аналық бездердің гиперстимуляциясы синдромы (АБГС), ол әдетте жеңіл түрде өтеді және аналық бездердің аздап ұлғаюымен, іштің ауыруымен немесе жайсыздықпен сипатталады. АБГС-тың тек бір ғана жағдайы ауыр түрде тіркелген. Мериофертті қабылдау кезінде ең жиі байқалған жағымсыз реакциялар — бас ауруы мен іштің кебуі, сондай-ақ жүрек айну, шаршау, бас айналу және инъекция орнындағы ауырсыну болды. Төмендегі кестеде клиникалық зерттеулерде Мериоферт қабылдаған әйелдерде препаратқа байқалған негізгі жағымсыз реакциялар (>1%) организм жүйесі мен жиілікке байланысты берілген. Әр жиілік тобы ішінде жағымсыз реакциялар ауырлық дәрежесіне қарай кему тәртібімен көрсетілген. Жағымсыз құбылыстардың жиілігін анықтау келесі өлшемдерге сәйкес анықталады: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000 -нан < 1/100 дейін), сирек (≥ 1/10000-нан < 1/1000 дейін)), өте сирек (< 1/10000), белгісіз (қолда бар деректер негізінде бағалау мүмкін емес). Жүйе-ағза класы* — Жиілігі — Жағымсыз реакция Жүйке жүйесі тарапынан бұзылулар — Өте жиі Жиі — Бас ауруы Бас айналу Асқазан-ішек жолы тарапынан бұзылулар — Өте жиі Жиі — Іштің кебуі Іштің жайсыздығы, іштің ауыруы, жүрек айну Қаңқа-бұлшықет жүйесі және дәнекер тіндер тарапынан бұзылулар — Жиі — Қаңқа-бұлшықет ауыруы Ұрпақ өрбіту жүйесі тарапынан бұзылулар — Жиі — Аналық бездердің гиперстимуляциясы синдромы, жамбас ауыруы Жалпы бұзылыстар және енгізу орнының күйі — Жиі — Инъекция орнындағы реакциялар, шаршау, дімкәстік, шөлдеу Қан тамырлары тарапынан бұзылулар — Жиі — Ысыну *Белгілі бір реакцияны сипаттау үшін ең қолайлы MedDRA термині пайдаланылған; синонимдер немесе байланысты жағдайлар көрсетілмеген, бірақ оларды да ескеру қажет. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Мериоферт препаратының артық дозалануының салдарлары белгісіз. Алайда, кей жағдайларда аналық бездердің гиперстимуляциясы синдромы туындауы мүмкін ("Айрықша нұсқауларды" қараңыз). Емі симптоматикалық.

Менотропин – бұл жеңіл және ауыр жағымсыз реакцияларды тудыруға қабілетті гонадотропты дәрі және оны тек, бедеулік проблемаларымен және оларды емдеу әдістерімен жақсы таныс дәрігерлер қолдануы тиіс. Гонадотропинмен емдеу дәрігерлер тарапынан белгілі бір уақыт жұмсауды қажет етеді және аналық бездердің реакциясын ультрадыбыстың (УДЗ) көмегімен, бөлек немесе сарысулық эстрадиол деңгейін өлшеумен бірге жүйелі түрде мониторинг жүргізу талап етіледі. Пациенттер арасында менотропинді қолдануға жауапта елеулі ауытқымалылық, кейбір пациенттерде менотрофинді қолдануға нашар реакциямен болады. Ең төмен тиімді дозасын пайдалану керек. Мериоферт препаратының бірінші инъекциясын дәрігердің тікелей қадағалауымен жүргізу керек. Емдеуді бастар алдында жұбайлардың бедеулігін және жүктіліктің ықтимал қарсы көрсетілімдерін бағалау керек. Атап айтқанда, пациенттерде гипотиреоздың, бүйрек үсті бездері жеткіліксіздігінің, гиперпролактинемияның және гипофиз немесе гипоталамус ісіктерінің бар-жоқтығы тексерілуі, сондай-ақ, тиісінше арнайы ем тағайындалуы тиіс. Фолликулдардың өсуін стимуляциялау жүргізіліп жатқан пациенттер, ановуляторлық бедеулікті емдеу немесе ҚРТ емшаралары шеңберінде, аналық бездердің ұлғаюын немесе гиперстимуляцияның дамуын бастан өткеруі мүмкін. Менотропиннің ұсынылған дозасы мен қолданылу режимін сақтау, сондай-ақ, терапияға мұқият мониторинг жүргізу ондай оқиғалардың жиілігін азайтады. Фолликулдардың дамуы мен жетілуі көрсеткіштерін бағалау тиісінше тестілерді интерпретациялауда тәжірибесі бар дәрігердің қадағалауын талап етеді. Аналық бездердің гиперстимуляциясы синдромы (АБГС) АБГС – аналық бездердің асқынусыз ұлғаюынан өзгеше жай-күй. АБГС өздігінен пайда болатын, ал симптомдарының ауырлығы арта түсуі мүмкін синдром болып табылады. Синдром аналық бездер өлшемдерінің едәуір ұлғаюымен, жыныс стероидты гормондар деңгейінің жоғарылауымен, сондай-ақ, қантамырлардың өткізгіштігінің жоғарылауымен көрініс береді, ол құрсақ, плевра және, бірен-саран жағдайларда – перикард қуысында сұйықтық жинақталуына алып келуі мүмкін. АБГС ауыр жағдайларында келесі симптомдар байқалуы мүмкін: іш ауыруы, іштің кебуі, аналық бездердің едәуір ұлғаюы, дене салмағының артуы, ентігу, олигурия және жүрек айнуы, құсу мен диарея сияқты гастроинтестинальді симптомдар. Клиникалық тексеру кезінде гиповолемияны, электролиттер дисбалансын, асцит, гемоперитонеум, плевра жалқығын, гидроторакс, өкпенің жедел дистресс-синдромын және тромбоэмболия көріністерін анықтауға болады. Егер несептегі эстроген деңгейі 24 сағат ішінде 540 нмольден (150 мкг) артық болса немесе егер плазмадағы 17 бета-эстрадиол деңгейі 3000 пмоль/л (800 пикограмм/мл) артық болса, немесе егер мәндерінің күрт жоғарылауы байқалса, гиперстимуляция қаупі жоғарылайды және менотрофинмен емдеуді дереу тоқтату керек, ал адамның хориондық гонадотропинін енгізбеу керек. Ультрадыбыстық зерттеуден фолликулдардың кез келген шамадан тыс дамуы және байқаусызда орын алған гиперстимуляция анықталады. АБГС ауыр түрі өмірге қауіп төндіруі мүмкін және аналық бездердің үлкен (жарылуға бейім) кисталарымен, іштің қатты ауыруымен, асцитпен, өте жиі гидроторакспен және кейде тромбоэмболиялық құбылыстармен сипатталады. Байқалуы мүмкін басқа симптомдар: іштің кебуін, аналық бездердің қатты ұлғаюын, салмақ жоғарылауын, ентігуді, олигурияны және жүрек айнуын, құсу мен диареяны қоса асқазан-ішек симптомдарын қамтиды. Клиникалық бағалаудан гиповолемия, гемоконцентрация, электролиттердің теңгерімсіздігі, гемоперитонеум, плевралық жалқықтар және өкпенің жедел дистресі анықталуы мүмкін. Егер тек овуляцияны стимуляциялау үшін АХГ енгізілмесе ғана, аналық бездердің гонадотропинмен емдеуге шамадан тыс реакциясы сирек жағдайда АБГС-на алып келеді. Сондықтан, аналық бездердің гиперстимуляциясы жағдайларында АХГ қабылдаудан бас тартқан орынды болады және пациент әйелге кемінде 4 күн бойы жыныстық қатынастан бас тартуға немесе бөгеттік әдістерді пайдалануға кеңес беру керек. АБГС жылдам үдеуі (24 сағатан бірнеше күнге дейінгі аралықта) және ауыр медициналық оқиғаға айналуы мүмкін, сондықтан пациент әйелдер АХГ енгізілгеннен кейін кемінде екі апта бойы қадағалауда болуы тиіс. Менотропиннің ұсынылған дозасын, қабылдау режимін сақтау және терапияны мұқият мониторингілеу аналық бездердің гиперстимуляциясы мен көпұрықтық жүктіліктің жиілігін азайтады. Аналық бездердің бақыланатын гиперстимуляциясы жүргізілетін пациент әйелдер, эстрогендердің шамадан тыс реакциясы мен фолликулдардың көптеп дамуы салдарынан гиперстимуляцияның даму қаупінің жоғарылауына ұшырауы мүмкін. ҚРТ кезінде овуляцияға дейін бүкіл фолликуларды аспирациялау гиперстимуляцияның туындау жиілігін азайтуы мүмкін. Егер жүктілік басталса, АБГС ауырырақ болуы және ұзаққа созылуы мүмкін. АБГС көбінесе, гормондық емді тоқтатқаннан кейін туындайды және емдеуден кейін шамамен жеті-он күннен соң ең жоғары ауырлығына жетеді. Әдетте, АБГС етеккір басталғанда өздігінен басылады. АБГС ауыр түрі туындаған жағдайда, егер гонадотропиндермен емдеу әлі жалғасып жатса, оны тоқтату, пациент әйелді ауруханаға жатқызу және АБГС арнайы емін бастау керек. Синдром көбінесе аналық бездері көп кисталы пациент әйелдерде дамиды. Көпұрықтық жүктілік Көпұрықтық жүктілік, әсіресе, ұрық саны көп болған кезде, перинаталдық кезеңде анасы үшін де, шарана үшін де асқынулардың туынду қаупін төндіреді. Табиғи жолмен ұрықтанудың нәтижесіндегі жүктілікпен салыстырғанда, овуляциясы гонадотропты гормонмен емдеудің нәтижесінде басталатын пациент әйелдерде көпұрықтық жүктілік жағдайлары жиілейді. Көпұрықтылық қаупін азайту үшін, әйелдің аналық бездерінің реакциясын мұқият қадағалау қажет. ҚРТ жүргізілгеннен кейінгі пациент әйелдерде көпұрықтық жүктілік қаупі негізінен, тасымалданған эмбриондар санына, олардың сапасына және пациент әйелдің жас шамасына байланысты. Емдеуді бастағанға дейін пациент әйелдерге, оларда көпұрықтық жүктіліктің туындауы мүмкіндігі туралы ескерту керек. Жүктіліктің тоқтауы Түсіктің немесе аборттың нәтижесінде жүктіліктің тоқтауы пациент әйелдердің әдеттегі популяциясындағыға қарағанда, ҚРТ емшаралары үшін фолликулдардың өсуін стимуляциялау жүргізілетін пациент әйелдерде жоғары. Жатырдан тыс жүктілік Сырқатнамасында жатыр түтіктерінің ауруы болған әйелдер, жүктіліктің өздігінен ұрықтану нәтижесінде немесе бедеулікті емдеудің нәтижесінде басталғандығына байланыссыз, жатырдан тыс жүктілік қаупіне бейім келеді. Хабарланғандай, ЭКҰ-дан кейін жатырдан тыс жүктіліктің көп таралуы жалпы популяциядағы 1-ден 1,5 %-ға дейінгімен салыстырғанда 2-дан 5%-ға дейін құрайды. Ұрпақ өрбіту ағзаларының жаңа түзілімдері Бедеулігіне қатысты бірнеше рет дәрі-дәрмектік ем қабылдаған әйелдерде, аналық бездердің және ұрпақ өрбіту жүйесінің басқа ағзаларының қатерлі және қатерсіз жаңа түзілімдерінің дамығаны туралы хабарланды. Бүгінгі күні бедеуліктен зардап шегіп жүрген әйелдерде гонадотропинді қолданып емдеу мен жаңа түзілімдерге бейімділік арасында байланыстылық әлі де анықталмаған. Туа біткен даму ақаулары ҚРТ жүргізілгеннен кейін әйелдерде туа біткен даму ақауларының таралуы табиғи ұрықтану кезіндегі ақаулар санынан аздап жоғары болуы мүмкін. Бұл ата-аналарының жекелеген ерекшеліктерінің (анасының жасы, шәуһет сипаттамалары және т.б.) және көпұрықтық жүктіліктің нәтижесі болуы мүмкін деп есептеледі. Тромбоэмболиялық бұзылулар Тромбоэмболиялық асқынулардың даму қаупі жоғары әйелдерде, тұқым қуалайтын бейімділігіне, елеулі семіздік (дене салмағының индексі > 30 кг/м2) немесе тромбофилияға қарамастан, веналық немесе артериялық тромбоэмболиялық бұзылулар гонадотропинмен емдеу кезінде де, емдеу аяқталғаннан кейін де дамуы мүмкін. Жүктілік те өз алдына, тромбоэмболиялық асқынулардың қаупін жоғарылататынын айта кету керек. Арнайы ескертулер Лактоза Препараттың құрамында лактоза бар, сондықтан галактоза жақпаушылығының сирек тұқым қуалайтын түрлері, лактаза жеткіліксіздігі немесе глюкоза-галактаза мальабсорбциясы синдромы бар пациенттер оны қолданбауы керек. Педиатрияда қолданылуы Балалар мен 18 жасқа дейінгі жасөспірімдерде қолданылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдары мен механизмдерді басқару қабілетіне әсерін зерттеулер жүргізілген жоқ. Алайда, Мериоферт препаратының пациенттегі автомобиль жүргізу және механизмдермен жұмыс істеу қабілетіне әсер ету ықтималдығы аз.

Мериоферт препаратын жүкті әйелдерге қолдануға болмайды. Менотропиндерді жүкті әйелдердің қолданғаны туралы деректер жоқ немесе шектеулі. Мериоферт препаратын бала емізетін әйелдерге қолдануға болмайды.

Клиникалық тәжірибенің жоқтығына қарамастан, Мериоферт препаратын кломифенмен бір мезгілде қолдану фолликулдардың жетілуі реакциясын күшейтуі мүмкін деп күтіледі. Гипофизді десенсибилизациялау мақсатында гонадотропин-рилизинг фактордың агонистерімен бірге қолданғанда аналық бездер тарапынан қажетті реакцияға қол жеткізу үшін Мериоферттің жоғары дозалары қажет болуы мүмкін. Қазіргі кезге дейін басқа дәрілік препараттармен клиникалық тұрғыдан елеулі өзара әрекеттесулері туралы хабарланбады.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары 25° С-ден аспайтын температурада сақтау керек. Балалардың қолы жетпейтін жерде сақтау керек!