Лира® раствор 1000 мг/4 мл

Бір ампуланың (4 мл) ішінде белсенді зат - натрий цитиколині 100 % затқа шаққанда 500 мг немесе 1000 мг; қосымша заттар: концентрацияланған хлорсутек қышқылы немесе натрий гидроксиді, инъекцияға арналған су. Сыртқы түрінің, иісінің, дәмінің сипаттамасы Мөлдір түссіз немесе сәл сарғыштау ерітінді.

• инсульт, жедел фаза және оның неврологиялық салдары, және асқынулар • мидың жарақаттық зақымдануы (бассүйек-ми жарақаттары) және оның неврологиялық салдары мен асқынулары

Әсер ету механизмі Цитиколин нейрон жарғақшасында құрылымды фосфолипидтердің биосинтезін ынталандырады, ол магнитрезонансты спектроскопия деректерімен расталған. Цитиколин оларды реттемесе жүйке импульстерінің қалыпты жүруі мүмкін болмайтын ионды сорғылар мен рецепторлардың жарғақшалы механизмдердің қызмет етуі жақсаруына ықпал етеді. Жарғақшаға тұрақтандырушы әсерінің арқасында цитиколин ісінуге қарсы қасиеті бар, сондықтан мидың ісінуін азайтады. Зерттеулердің нәтижелері цитиколин кейбір фосфолипазалардың (А1, А2, С және D) қызметін бәсеңдететінін көрсетті, бос радикалдарын соңғы бос шығуына кедергі етеді, жарғақшалық жүйенің зақымдануын ескертеді және қорғаушы антиоксиданты жүйенің сақталуын қамтамасыз етеді. Цитиколин энергияның нейронды қорын сақтайды, апоптозды тежейді, олар холинергиялық берілісті жақсартады. Сонымен қатар цитиколин мидың фокальды ишемиясына профилактикалық нейропротекторлық әсер етеді. Цитиколин ми қан айналымының жедел бұзылуларында, ми тіндерінің ишемиялық зақымдануын азайта отырып пациенттердің жылдам функционалды реабилитациясына ықпал етеді, ол рентгенологиялық зерттеулердің нәтижелерімен расталады. Бассүйек-ми жарақаттарында цитиколин қалпына келтіру кезеңінің ұзақтығын қысқартады және жарақаттан кейінгі синдромның қарқындылығын азайтады. Цитиколин зейінді және сананың күйін жақсартады, амнезия көріністері азаюына ықпал етеді, ми ишемиясында когнитивтік және басқа неврологиялық бұзылыстарда жағдайды жақсартады

Дозалану режимі Ересектерге ұсынылатын доза – тәулігіне 500 мг-ден 2000 мг дейін, науқастың жағдайының ауырлығына қарай. Ең жоғары тәуліктік доза – 2000 мг. Жедел және шұғыл жағдайларда ең жоғары емдік әсеріне препаратты тағайындағаннан кейін алғашқы 24 сағатта жетеді. Егде жастағы пациенттер үшін дозаны түзетудің қажеті жоқ. Қажет болғанда емдеу препараттың пероральді қолдануға арналған ерітіндісі немесе таблетка түрінде жалғастырылады. Енгізу әдісі және жолы Препаратты вена ішіне немесе бұлшықет ішіне енгізу үшін қолдану керек, баяу венаішілік инъекция түрінде вена ішіне (тағайындалған дозаға қарай 3-5 минут ішінде) немесе вена ішіне тамшылатып (минутына 40-60 тамшы) тағайындау керек. Препарат барлық венаішілік изотониялық ерітінділермен, сондай-ақ глюкозаның гипертониялық ерітінділерімен үйлесімді. Осы ерітінді бір рет қолдануға арналған. Ерітіндіні ампуланы ашқаннан кейін бірден енгізу керек. Пайдаланылмаған ерітіндіні жою керек. Емдеудің ұзақтығы Емдеу мерзімі аурудың ағымына байланысты және оны дәрігер анықтайды. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Дәрілік препаратты қолданар алдында дәрігердің немесе фармацевттің кеңесіне жүгініңіз.

• әсер етуші затқа аса жоғары сезімталдық • парасимпатикалық жүйке жүйесінің тонусы жоғары пациенттер (кезбе жүйке)

Өте сирек • елестеулер • бас ауыруы, бас айналу • артериялық гипертензия, артериялық гипотензия • ентігу • жүрек айнуы, құсу, кейде - диарея • гиперемия, есекжем, экзантемалар, пурпура • қалтырау, ісінулер Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: препараттың жағымсыз әсерлерінің күшеюі. Шұғыл емшаралар: симптоматикалық емдеу.

Тұрақты бассүйекішілік қан құйылу жағдайында тәулігіне дозаны 1000 мг-ден асырмау керек және вена ішіне минутына 30 тамшы жылдамдықпен енгізу керек. Арнайы ескертулер Педиатрияда қолданылуы Препараттың тиімділігін және қауіпсіздігін растайтын клиникалық деректер болмауынан 18 жасқа дейінгі балалар мен жасөспірімдерде қолдану ұсынылмайды. Препаратты қолданудан күтілетін пайда ықтимал қауіптен жоғары болатын, аса қажет жағдайда қолданады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Жекелеген жағдайларда орталық жүйке жүйесі тарапынан кейбір жағымсыз реакциялар автокөлік басқару қабілетіне немесе күрделі механизмдерді басқару қабілетіне әсер етуі мүмкін.

Цитиколинді жүкті әйелдерде қолдану туралы жеткілікті деректер жоқ. Цитиколиннің емшек сүтіне бөлінуі және оның ұрыққа әсері туралы деректер жоқ. Сондықтан жүктілік немесе бала емізу кезеңінде препаратты анаға күтілетін пайда ұрыққа әлеуетті қауіптен жоғары болса ғана тағайындайды.

• Препаратты құрамында меклофеноксат бар препараттармен бір мезгілде қолдануға болмайды. Цитиколин L-Dopa әсерін күшейтеді. Үйлесімсіздік «Дозалану режимі» бөлімінде көрсетілмеген ерітінділер қолданбау керек.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары 30 ºС-ден аспайтын температурада сақтау керек. Балалардың қолы жетпейтін жерде сақтау керек!