ЛИНЕКС® форте капсулы

Бір капсуланың құрамында белсенді зат – Probio-Tec AB Blend-64 - 60.0 мг, құрамында: Lactobacillus acidophilus - шамамен 25.741 мг (кемінде 1 х 109 КТБ/капсула), Bifidobacterium animalis subsp. lactis – шамамен 3.061 мг (кемінде 1 х 109 КТБ/капсула). Сүтқышқылды бактериялар жиынтығы кемінде 2 х 109 КТБ/капсула. қосымша заттар: Probio-Tec AB Blend-64 құрамында: мальтодекстрин2, Beneo® Synergy 13, магний стеараты. капсула корпусының құрамы: титанның қостотығы (Е 171), гидроксипропилметилцеллюлоза. капсула қақпағының құрамы: титанның қостотығы (Е 171), темірдің сары тотығы (Е 172), гидроксипропилметилцеллюлоза. 1 - Микробиологиялық өсірінді мөлшері қоспада сериядан серияға дейін аздап өзгереді. Бұл жеке штамдар өндірілгенде ферментация өнімнің ауытқымалылығына байланысты жүреді. 2 Мальтодекстрин толтырғыш ретінде пайдаланылады. Толтырғыштың саны пайдаланылатын микробиологиялық өсірінді санының ауытқуын компенсациялау үшін түзетіледі. Бұл микробиологиялық өсірінді мен мальтодекстриндердің шамалы өзгеруі мүмкін мөлшерін тек типтік мəндер түрінде ғана көрсететілетінін түсіндіреді. 3- Beneo® Synergy 1 құрамында: 90 % - 94 % инулин және 6 % - 10 % олигофруктоза (глюкоза+фруктоза+сахароза) Сыртқы түрінің, иісінің, дәмінің сипаттамасы №2 қатты капсулалар, капсула корпусы ақ түсті, капсула қақпағы сары түсті, ішіндегісі – ашық-ақшыл сарыдан қара дақтары бар ашық-қызғылт түске дейінгі ұнтақ.

- балалар мен ересектердегі асқазан-ішек жолдарының вирустық және бактериялық инфекциялардан туындаған дисбиоз (дисбактериоз), диарея, іш кебуі және басқа да асқазан-ішек бұзулулары кезінде (мысалы, ротавирусты инфекция, «саяхатшылар» диареясы); микробқа қарсы дәрілер (антибиотиктер және басқа да синтетикалық микробқа қарсы дәрілер); құрсақ қуысы мен жамбас мүшелерін сәулемен емдеу профилактикасы және емі үшін қосымша дәрі ретінде.

ATХ коды А07 FA51 ЛИНЕКС форте капсулалары құрамында тіршілікке қабілетті лиофилизацияланған сүт қышқылды бактериялардың 2 штамы Lactobacillus acidophilus (LA-5) және Bifidobacterium animalis subsp. lactis (BB-12) бар, олар ішектің қалыпты микрофлорасының бөлігі болып табылады және ішек микрофлорасы теңгерімі мен функциясын құруға және демеуге қатысады. ЛИНЕКС форте құрамына кіретін бифидо- және лактобактериялар ішек микрофлорасының физиологиялық тепе-теңдігін (микробиоценоз) ұстап тұрады және реттейді әрі ішектің барлық бөліктерінде аш ішектен тік ішекке дейін оның физиологиялық функциясын қамтамасыз етеді (микробқа қарсы, дәрумендік, ас қорытушылық). Лактобактериялар көбіне аш ішекте, ал бифидобактериялар – тоқ ішекте кездеседі. Ішекке түскеннен кейін ЛИНЕКС форте компоненттері ішек микрофлорасына тән қалыпты барлық қызметті орындайды - патогенді бактериялар үшін уытты метаболиттер мен бактериоциндер өндіру жолымен, сондай-ақ қоректік заттар үшін патогенді бактериялармен бәсекелестік жолымен және потенциалды патогенді микроорганизмдердің шоғырына кедергі келтіретін адгезивті рецепторларды бөгеу жолымен патогенді микроорганизмдердің өсіп-өнуіне, тіршілік етуіне қолайсыз жағдайлар тудырады; - В1, В2, В3, РР дәрумендерінің, фолий қышқылының, К және Е дәрумендерінің, аскорбин қышқылының синтезіне қатысады (қалыпты микрофлора адамның В6 және Н (биотин) дәрумендеріне деген қажеттілігін толық қамтамасыз етеді; табиғатта В12 дәрумені тек қана микроорганизмдер арқылы синтезделеді); - сүт қышқылын өндіре және ішек ішіндегісінің рН төмендете отырып, темірдің, кальцийдің, D дәруменінің сіңуі үшін қолайлы жағдай туғызады; - аш ішекте тіршілік ететін сүт қышқылды микроорганизмдер ақуыздардың, майлардың және күрделі көмірсуларының (сонымен қатар балаларда лактазалық жеткіліксіздік барысында) ферментативтік ыдырауын жүзеге асырады, аш ішекте сіңбеген ақуыздар мен көмірсулар анаэробтар арқылы (сонымен қатар бифидобактериялармен) тоқ ішекте едәуір терең ыдырауға ұшырайды; - емшек еметін нәрестелерде ақуыздардың қорытылуын жеңілдететін ферменттерді бөледі (бифидобактериялар фосфопротеин-фосфатазасы сүт казеині метаболизміне қатысады); - өт қышқылдарының метаболизміне қатысады (стеркобилиннің, копростериннің, дезоксихол және литохол қышқылдарының түзілуіне; өт қышқылдарының қайта сіңірілуіне ықпал етеді).

Дозалау режимі 1 жастан 2 жасқа дейінгі балаларға тамақтану кезінде күніне 1 рет 1 капсуладан аздаған мөлшердегі сұйықтықпен қабылдау ұсынылады. Егер бала капсуланы жұта алмаса, онда оны ашып, ішіндегісін қажетті мөлшердегі сұйықтықпен - шаймен, шырынмен, қант қосылған сумен араластыру керек. Бұл препарат құрамына кіретін бактериялардың тіршілік қабілетіне әсер етпейді. 2-ден 12 жасқа дейінгі балаларға тамақтану кезінде 1 капсуладан күніне 1-2 рет аздаған мөлшердегі сұйықтықпен қабылдау ұсынылады. Егер бала бүтін капсуланы жұта алмаса, оны ашып ішіндегіні аздаған мөлшердегі сұйықтықпен араластырып беруге болады. Ересектер мен 12 жастан асқан балаларға тамақтану кезінде 1 капсуладан күніне 1-3 рет аздаған мөлшердегі сұйықтықпен ішу ұсынылады. Емдеу ұзақтығы дисбактериоздың даму себебі мен организмнің жекелей ерекшеліктеріне байланысты. Препаратты симптомдар жойылғанға дейін қабылдауға болады. Егер ЛИНЕКС® фортемен екі күн емдегеннен кейін пациенттің жай-күйі жақсармаса, пациент дәрігерге көріну тиіс. 1 жасқа дейінгі балаларға ЛИНЕКС® фортені қолдану ұсынылмайды. Осы жас тобы үшін препараттың неғұрлым қолайлы шығарылу түрлерінде қабылдау ұсынылады. Қолдану тәсілі ЛИНЕКС® форте тамақтану кезінде қабылдануы керек, бұл оның жоғары тиімділігін қамтамасыз етеді. Басқа бактериялар сияқты сүтқышқыл бактериялар да антибиотиктерге сезімтал. Осы себепті ЛИНЕКС® форте капсулаларын антибиотиктерді қабылдағаннан кейін 3 сағаттан ерте емес қабылдау ұсынылады. Препаратты ыстық сусындармен ішуге және алкогольмен бір мезгілде қабылдауға болмайды. Тұтас капсуланы жұта алмайтын пациенттер капсуланы ашып, оның ішіндегісін қасыққа құйып, алып аздап сұйықтықпен араластырыңыз.

- белсенді затқа немесе сүт өнімдеріне немесе кез-келген қосымша заттарға жоғары сезімталдық (жақпаушылық) - тұқым қуалайтын фруктоза жақпаушылығы, Lapp-лактоза ферментінің тапшылығы, глюкоза-галактоза мальабсорбциясы - 1 жасқа дейінгі балалар

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес) Иммундық жүйе бұзылулары Өте сирек - аллергиялық реакциялар. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Айқындалмаған.

Препаратты ыстық сусындармен ішуге және алкогольмен бір мезгілде қабылдауға болмайды. 6 жастан кіші балалардағы диареяны емдеуді дәрігер бақылауымен жүргізеді. Диареяны емдеу кезінде жоғалтқан сұйықтықтар мен электролиттердің орнын толтыру өте маңызды. Препарат құрамында аллергиялық реакцияларды қоздыруы мүмкін сүт ақуыздарының қалдықтары бар. Пациент төмендегі жағдайларда ем басталар алдында дәрігермен кеңесіп алуы керек: - егер дене температурасы 38 °С-ден жоғары болса - егер нәжісінде қан немесе шырыш болса - егер диарея екі күннен астам уақытқа жалғасса - егер диарея ауыр сипатта болса және дене сусыздануы мен дене салмағын жоғалтумен бірге жүрсе - егер диарея іштің қатты ауыруымен бірге жүрсе Сақ болу керек: - ауыр бұзылыстары бар пациенттерге (мысалы, жүректегі құрылымдық өзгеріс, орталық веналық катетердің болуы) - иммуносупрессивті терапиясы бар пациенттерге - иммун тапшылығы бар пациенттерге (мысалы, АИТВ-инфекциясы) - ішек бөгетінің дисфункциясы бар пациенттерге (мысалы, қысқа ішек синдромы) - созылмалы аурулары бар пациенттерге (мысалы, диабет, жүрек-қантамыр аурулары), өйткені пациенттердің осы тобында сүтқышқыл бактерияларын енгізу қауіпсіздігі жеткілікті түрде тестіленбеген және оларды қолданғаннан кейін ауыр асқынулар туралы бөлек хабарламалар болған. Арнайы сақтандырулар Педиатрияда қолдану 1 жасқа дейінгі балаларда ЛИНЕКС® фортені қолдану ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Жүктілік және бала емізу кезінде ЛИНЕКС® фортені қолданғанда жағымсыз құбылыстар туралы ешқандай хабар түскен жоқ. Жүктілік және бала емізу кезінде жедел диарея жағдайында сұйықтық пен электролиттер тапшылығының немесе шарананың және жүкті әйелдің денсаулығына қауіп төндіруі мүмкін басқа да қолайсыз салдардың дамуын болдырмау үшін сақтық шараларын сақтау керек. Жүктілік және лактация кезеңіндегі ЛИНЕКС® форте препаратын қолданудың қауіпсіздігі туралы деректер жеткіліксіздігіне орай оны көрсетілген кезеңдерде пайдалану ұсынылмайды. Жүктілік және лактация кезеңінде диареяда қолдану дәрігердің бақылауымен жүргізілуі тиіс. Фертильділік Фертильділікке әсер етуі туралы деректер жоқ.

Дәрілермен өзара әрекеттесуіне зерттеулер жүргізілмеген. Басқа бактериялар сияқты, сүтқышқыл бактериялар да антибиотиктерге сезімтал. Осы себепті ЛИНЕКС® форте капсулаларын антибиотиктерді қабылдағаннан кейін 3 сағаттан ерте емес қабылдау ұсынылады.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 25 ºС-ден аспайтын температурада сақтау керек. Түпнұсқалы қаптамасында сақтау керек. Балалардың қолы жетпейтін жерде сақтау керек!