Левозин® раствор 500 мг/100 мл

1 құтыда, миллиграммен алғанда белсенді зат – 512.46 мг левофлоксацин гемигидраты (500.00 мг левофлоксацинге баламалы), қосымша заттар: натрий хлориді, хлорсутек қышқылы (1 М), натрий гидроксиді (1 М), инъекцияға арналған су. Сыртқы түрінің, иісінің, дәмінің сипаттамасы Көзге көрінетін бөлшектер жоқ, сары түсті мөлдір ерітінді.

Ересек пациенттерде келесі инфекцияларды емдеу үшін: • ауруханадан тыс пневмония • терінің және жұмсақ тіндердің инфекциялары Жоғарыда аталған инфекциялар үшін Левозин® препаратын әдетте осы инфекциялардың бастапқы емі ретінде ұсынылатын бактерияларға қарсы дәрілерді пайдалану мүмкін емес болған жағдайларда ғана қолдану керек. • пиелонефрит және несеп шығару жолдарының асқынған инфекциялары • созылмалы бактериялық простатит • сібір ойық жарасының өкпелік түрі: қарым-қатынастан кейінгі профилактика және ем • Бактерияларға қарсы дәрілерді тиісінше қолдану жөніндегі ресми нұсқауларды орындау қажет.

Левофлоксацин офлоксациннің рацемиялық дәрілік затының фторхинолондар және S- энантиомерлер класының синтетикалық бактерияға қарсы дәрісі болып табылады. Әсер ету механизмі Бактерияға қарсы фторхинолон бола отырып, ДНҚ-ДНҚ-гираза мен IV топоизомераза кешеніне әсер етеді. PK / PD қатынасы Левофлоксациннің бактерицидтік белсенділігінің дәрежесі сарысудағы ең жоғары концентрацияға (C max) немесе қисық астындағы ауданға (AUC) және ең төмен тежегіш концентрацияға (ЕТТК) байланысты. Қарсыласу механизмі Левофлоксацинге төзімділікті ІІ типті топоизомеразаларда да, сонымен қатар ДНҚ-гиразада және IV топоизомеразада нысана сайттардың мутацияларымен кезеңдік үдеріс жолымен иеленеді. Ену бөгеттері (Pseudomonas aeruginosa-да жиі кездесетін) және қайту механизмдері сияқты төзімділіктің басқа механизмдері де левофлоксацинге сезімталдыққа ықпалын тигізуі мүмкін. Левофлоксацин және басқа фторхинолондар арасында айқаспалы резистенттілік байқалады. Әсер ету механизміне байланысты, әдеттегідей, левофлоксацин және бактерияларға қарсы дәрілердің басқа кластары арасында айқаспалы резистенттілік жоқ. Бақылау нүктелері Левофлоксацин үшін сезімталдықты аралық сезімтал организмдерден және резистентті организмдерден аралық сезімталдықты ажырататын, ЕТТК ұсынылатын EUCAST бақылау нүктелері төменде ЕТБК (мг/л) тестілеуге арналған кестеде берілген: 10.0, 01.01.2020 нұсқасы бойынша левофлоксацин үшін EUCAST клиникалық бақылау нүктелері Патогендік организм — Сезімтал — Тұрақты Enterobacteriaceae — ≤0,5 мг/л — >1мг/л Pseudomonas spp. — ≤0,001 мг/л — >1мг/л Acinetobacter spp. — ≤0,5 мг/л — >1мг/л Staphylococcus aureus Staphylocoques à coagulase négative — ≤0,001 мг/л — >1мг/л Enterococcus spp.1 — ≤4мг/л — >4мг/л S. pneumoniae — ≤0,001 мг/л — >2мг/л Streptococcus A, B, C, G — ≤0,001 мг/л — >2мг/л H. influenzae — ≤0,06 мг/л — >0,06 мг/л M. catarrhalis — ≤0,125 мг/л — >0,125 мг/л Helicobacter pylori — ≤1мг/л — >1мг/л Aerococcus sanguinicola and urinae2 — ≤2мг/л — >2мг/л Aeromonas spp. — ≤0,5 мг/л — >1мг/л Белгілі бір микроорганизмге спецификалық емес шектік мәндер — ≤0,5 мг/л — >1мг/л 1 тек асқынбаған несеп шығару жолдарының инфекциясы 2 сезімталдықты ципрофлоксацинге сезімталдықпен бағалауға болады. Төзімділіктің таралуы географиялық тұрғыдан және уақыт өте келе жекелеген түрлер үшін өзгеруі мүмкін, сондықтан резистенттілік туралы, әсіресе ауыр инфекцияларды емдеген кезде, жергілікті ақпарат дұрыс. Қажеттілік болса, резистенттіліктің жергілікті таралушылығы ең кемінде инфекциялардың кейбір түрлерінде агенттің пайдалылығы күмән тудыратындағыдай болған кезде, маманнан кеңес алуға бару керек. Әдетте сезімтал микроорганизмдер Аэробты грамоң бактериялар Bacillus anthracis Staphylococcus aureus methicillin-susceptible Staphylococcus saprophyticus Streptococci group C and G Streptococcus agalactiae Streptococcus pneumoniae Streptococcus pyogenes Аэробты грамтеріс бактериялар Eikenella corrodens Haemophilus influenzae Haemophilus para-influenzae Klebsiella oxytoca Moraxella catarrhalis Pasteurella multocida Proteus vulgaris Providencia rettgeri Анаэробты бактериялар Peptostreptococcus Басқалар Chlamydophila pneumoniae Chlamydophila psittaci Chlamydia trachomatis Legionella pneumophila Mycoplasma pneumoniae Mycoplasma hominis Ureaplasma urealyticum Жүре пайда болған төзімділігі бар микроорганизмдер Аэробты грамоң бактериялар Enterococcus faecalis Staphylococcus aureus methicillin-resistant# Coagulase negative Staphylococcus spp. Аэробты грамтеріс бактериялар Acinetobacter baumannii Citrobacter freundii Enterobacter aerogenes Enterobacter cloacae Escherichia coli Klebsiella pneumoniae Morganella morganii Proteus mirabilis Providencia stuartii Pseudomonas aeruginosa Serratia marcescens Анаэробты бактериялар Bacteroides fragilis Табиғи төзімділігі бар штаммдар Аэробты грамоң бактериялар Enterococcus faecium #Метициллинге төзімді S. aureus-тің, левофлоксацинді қоса, фторхинолондарға ко-резистенттілігінің болу ықтималдығының үлесі үлкен.

Енгізу әдісі және жолы Вена ішіне, тамшылатып, баяу. Левозин® 500 мг ерітіндісі үшін құю ұзақтығы 60 минуттан кем болмауы керек. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі ұсынымдар Егер Сізде препаратты қабылдау туралы қосымша сұрақтар туындаса, медициналық қызметкердің кеңесіне жүгініңіз.

- левофлоксацинге немесе басқа хинолондарға, немесе қосымша заттардың кез келгеніне аса жоғары сезімталдық - эпилепсия - бұның алдында фторхинолондарды қолданғанда байқалған сіңірлердің зақымданулары • Жүктілік және бала емізу кезеңі - 18 жасқа дейінгі балалар мен жасөспірімдер

Жиі - ұйқысыздық, - бас ауыру, аздап бас айналу - флебит - диарея, құсу, жүрек айну - бауыр ферменттері (АЛТ/АСТ, сілтілік фосфатаза, ГГТ) деңгейінің жоғарылауы - инъекция орнының реакциялары (ауыру, қызаруы) Жиі емес - зеңді инфекция, Candida инфекциясын қоса, патогенді микроорганизмдердің резистенттілігінің дамуы - лейкопения, эозинофилия - анорексия - үрейлену, сананың шатасуы, күйгелектік - ұйқышылдық, тремор, дисгевзия - вертиго - ентігу - іштің ауыруы, диспепсия, метеоризм, іш қату - қандағы билирубин деңгейінің жоғарылауы - бөртпе, қышыну, есекжем, гипергидроз - артралгия, миалгия - қандағы креатинин деңгейінің жоғарылауы - астения Сирек - тромбоцитопения, нейтропения - ангионевроздық ісіну, аса жоғары сезімталдық реакциялары - гипогликемия, әсіресе диабеті бар пациенттерде - психоздық реакциялар (мысалы, елестеулермен, паранойямен), депрессия, қозу, әдеттен тыс түстер көру, түнгі қорқынышты түстер - құрысулар, парестезия - бұлыңғыр көру сияқты көрудің бұзылуы - тиннитус - тахикардия, жүректің жиі соғуы - гипотензия - эозинофилиямен және жүйелік көріністермен дәрілік бөртпе (DRESS), бекітілген токсидермия - тендинитті қоса сіңір аурулары (мысалы, ахилл сіңірі), миастения грависпен ауыратын пациенттерде ерекше маңызды болуы мүмкін бұлшықет әлсіздігі - жедел бүйрек жеткіліксіздігі (мысалы, интерстициальді нефрит салдарынан) - пирексия Жиілігі белгісіз • Аплазиялық анемия, панцитопения, агранулоцитоз, гемолиздік анемияны қоса, сүйек кемігінің жеткіліксіздігі • анафилаксиялық шок, анафилактоидты шок (анафилаксиялық және анафилактоидты реакциялар препараттың бірінші дозасын енгізгеннен кейін де туындауы мүмкін) • гипергликемия, гипогликемиялық кома • пациенттің өзіне қауіп төндіретін мінез-құлықпен психоздық бұзылыстар, суицидтік ойлауды немесе суицид әрекетін қоса, мания • шеткері сенсорлы нейропатия, шеткері сенсомоторлы нейропатия, аносмияны қоса паросмия, дискинезия, экстрапирамидалық бұзылыс, агевзия, естен тану, қатерсіз бассүйекшілік, гипертензия, миоклонус • уақытша көрмей қалу • естімей қалу, естудің бұзылуы • жүректің тоқтап қалуына әкелуі мүмкін қарыншалық тахикардия, қарыншалық аритмия және "пируэт" типті қарыншалық тахикардия (негізінен QT аралығы ұзаруының қауіп факторлары бар пациенттерде байқалады), ЭКГ-да QT аралығының ұзаруы • бронх түйілуі, аллергиялық пневмонит • геморрагиялық диарея, өте сирек жағдайларда жалған жарғақшалы колитті қоса, энтероколиттің бар екенін көрсетуі мүмкін, панкреатит • сарғаю және бауырдың ауыр зақымдануы, әсіресе, негізгі ауру ағымы ауыр пациенттерде өліммен аяқталатын жедел бауыр жеткіліксіздігі жағдайларын қоса, гепатит • уытты эпидермалық некролиз, Стивенс-Джонсон синдромы, полиморфты эритема, фотосезімталдық реакциялары, лейкоцитокласты васкулит, стоматит, терінің гиперпигментациясы • рабдомиолиз, сіңірлердің (мысалы, ахилл сіңірі) байламдардың үзілуі, бұлшықеттердің жыртылуы, артрит • ауыру (арқаның, кеуденің және аяқ-қолдың ауыруын қоса). Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препараттың аса жоғары емдік дозасын қолданумен клиникаға дейінгі уыттылығына жүргізілген зерттеулер немесе клиникалық фармакологиясына жүргізілген зерттеулерге сәйкес, Левозин® препараты, инфузияға арналған ерітіндісі жедел артық дозалануынан кейін пайда болады деп күтілетін маңыздырақ симптомдарға сананың шатасуы, бас айналу, сананың бұзылуы, құрысулар және QT аралығының ұзаруы сияқты орталық жүйке жүйесі тарапынан болатын симптомдар жатады. Постмаркетингтік бақылаулар барысында сананың шатасу жай-күйі, құрысулар, миоклонус, елестеулер және тремор сияқты ОЖЖ тарапынан болатын әсерлер байқалды. Артық дозаланған жағдайларда симптоматикалық ем жүргізу керек. QT аралығының ұзаруы мүмкін болғандықтан, ЭКГ-мониторингін жүргізу керек. Перитонеальді диализді және ТАПД қоса, гемодиализ левофлоксацинді организмнен шығару үшін тиімсіз. Спецификалық антидоты жоқ.

Резеңке тығынды тескеннен кейін, Левозин®, инфузияға арналған ерітіндіні бактериялық залалданудың алдын алу мақсатында дереу (3 сағат ішінде) пайдалану керек. Инфузия кезінде жарықтан қорғаудың қажеті жоқ. Дәрілік препараттың бұл ерітіндісі тек бір рет пайдалануға арналған. Қолданар алдында ерітіндіні көзбен шолып қарау керек. Ерітіндіні тек мөлдір, сары болса және қосындылары болмаса ғана қолдануға болады. Барлық препараттар сияқты, пайдаланылмаған кез келген дәрілік препарат қоршаған ортаға қатысты жергілікті талаптарға сәйкес утилизациялануы тиіс.

Жүкті әйелдерге және емшек емізетін әйелдерге, клиникалық зерттеу деректерінің жоқ болуымен және өсіп келе жатқан организмнің шеміршек тінінің фторхинолондармен зақымдануының ықтимал қаупімен байланысты, левофлоксацинді қолдануға болмайды. Көлік құралдарын немесе потенциалды қауіпті механизмдерді басқару қабілетіне дәрілік заттың ықпал ету ерекшеліктері Левофлоксациннің, бас айналу немесе мелшию, ұйқышылдық және көрудің бұзылыстары сияқты жағымсыз әсерлері реакция жылдамдығын және зейін қоюды нашарлатуы мүмкін, бұл көлік құралдарын немесе потенциалды қауіпті механизмдерді басқарғанда, машиналармен және механизмдермен қызмет көрсеткенде, орнықсыз жерде жұмыс жасағанда белгілі бір қауіпті туындатады. Қолданылуы жөніндегі нұсқаулар Левозин® инфузияға арналған ерітіндісін тәулігіне 1 немесе 2 рет тек қана баяу венаішілік инфузия түрінде тағайындайды. Дозалануы инфекцияның түрі мен ауырлығына және болжамды қоздырғыштар сезімталдығына байланысты болады. Науқастың жағдайына байланысты бірнеше күн емдеуден кейін, енгізудің екі жолының баламалылығын ескеріп, препаратты ішке сол дозада қабылдауға көшуге болады. Бүйрек функциясы қалыпты (креатинин клиренсі > 50 мл/мин) пациенттерде препаратты дозалау Қолданылуы — Тәуліктік дозасы (аурудың ауырлығына байланысты) — Емдеудің жалпы ұзақтығы 1 (ауырлық дәрежесіне байланысты) Ауруханадан тыс пневмония — 500 мг (100 мл ерітінді) тәулігіне 1-2 рет — 7-14 күн Жедел пиелонефрит — 500 мг (100 мл ерітінді) тәулігіне 1 рет — 7-10 күн Несеп шығару жолдарының асқынған инфекциялары (пиелонефритті қоса) — 500 мг (100 мл ерітінді)¹ тәулігіне 1 рет (ауру барысы ауыр болғанда дозаны арттыру керек) — 7-14 күн Созылмалы бактериялық простатит — 500 мг (100 мл ерітінді) тәулігіне 1 рет — 28 күн Терінің және жұмсақ тіндердің асқынған инфекциялары — 500 мг (100 мл ерітінді) тәулігіне 1 - 2 рет — 7-14 күн Сібір ойық жарасының өкпелік түрі — 500 мг тәулігіне бір рет — 8 апта ¹Емдеу ұзақтығы венаішілік және пероральді емдеуді қамтиды. Венаішіліктен пероральді емдеуге көшу уақыты клиникалық жағдайға байланысты, бірақ әдетте 2-ден 4 күнге дейінді құрайды. Пациенттердің ерекше топтары: Бүйрек функциясы бұзылған (креатинин клиренсі ≤ 50 мл/мин) пациенттерде препаратты дозалау Дозалау тәртібі 250 мг/24 сағ. — 500 мг/24 сағ. — 500 мг/12 сағ. Креатинин клиренсі, мл/мин — алғашқы доза: 250 мг — алғашқы доза: 500 мг — алғашқы доза: 500 мг 50-20 — әрі қарай: 125 мг/24 сағ. — әрі қарай: 250 мг/24 сағ. — әрі қарай: 250 мг/12 сағ. 19-10 — әрі қарай: 125 мг/48 сағ. — әрі қарай: 125 мг/24 сағ. — әрі қарай: 125 мг/12 сағ. <10 (гемодиализді және тұрақты амбулаторлық перитонеальді диализді қоса) — әрі қарай: 125 мг/48 сағ. — әрі қарай: 125 мг/24 сағ. — әрі қарай: 125 мг/24 сағ. Гемодиализден немесе тұрақты амбулаториялық перитонеальді диализден кейін препараттың қосымша дозасына қажеттілік жоқ. Бауыр функциясы бұзылған пациенттер Дозаны түзетудің қажеті жоқ, өйткені левофлоксацин қандай да болсын дәрежеде бауырда метаболизденбейді және негізінен бүйрек арқылы шығарылады. Егде жастағы адамдар Егде жастағы адамдарда, бүйрек функциясын ескеріп түзетуден басқасында, дозаны түзетуді қажет етпейді. 18 жасқа дейінгі балалар мен жасөспірімдер: левофлоксацинді қолдануға болмайды. Инфузияға арналған басқа ерітінділермен араластыру Левозин®, инфузияға арналған ерітіндісі инфузияға арналған келесі ерітінділермен үйлесімді: 0,9% натрий хлориді ерітіндісі; 5% глюкоза инъекциясы; глюкоза қосылған 2,5% Рингер ерітіндісі; парентеральді қореқтендіруге арналған біріктірілген ерітінділер (аминқышқылдары, глюкоза, электролиттер). Үйлесімсіздік Левозин®, инфузияға арналған ерітіндісін гепаринмен немесе сілтілік ерітінділермен (мысалы, натрий карбонатымен) және жоғарыда көрсетілгендерді қоспағанда, басқа дәрілік заттармен араластыруға болмайды.

Теофиллин, фенбуфен немесе басқа қабынуға қарсы стероидты емес дәрілер (ҚҚСД) Хинолондарды теофиллинмен, фенбуфенмен, қабынуға қарсы стероидты емес дәрілермен (ҚҚСД) және құрысу шегін төмендететін басқа препараттармен бір мезгілде қолдану, левофлоксациннің теофиллинмен фармакокинетикалық өзара әрекеттесулерінің жоқтығына қарамастан, церебральді құрысу шегінің айқын төмендеуіне әкелуі мүмкін. Фенбуфеннің қатысуымен левофлоксациннің концентрациясы 13%-ға дерлік өседі. Пробенецид және циметидин Пробенецид және циметидин левофлоксациннің шығарылуына елеулі ықпалын тигізеді, левофлоксациннің бүйректік клиренсін (сәйкесінше, 24%-ға және 34%-ға) төмендетеді, өйткені екі препарат та бүйректе левофлоксациннің өзекшелік секрециясын бөгеуі мүмкін. Бүйректің өзекшелік секрециясына ықпалын тигізетін дәрілік заттарды бір мезгілде қолданғанда левофлоксацинмен емдеуді, әсіресе бүйрек функциясы бұзылғанда, сақтықпен жүргізу керек. Басқа да маңызды ақпарат Левофлоксациннің фармакокинетикасы оны мына препараттармен: кальций карбонатымен, дигоксинмен, глибенкламидпен, ранитидинмен бірге қолданғанда клиникалық тұрғыдан маңызды дәрежеде өзгермейді. Левозин®, инфузияға арналған ерітіндінің, басқа дәрілік препараттарға әсері Циклоспорин Циклоспориннің жартылай шығарылу кезеңі оны левофлоксацинмен бір мезгілде қолданғанда 33%-ға артады. К дәруменінің антагонистері К дәруменінің антагонисімен (мысалы, варфаринмен) біріктірілген левофлоксацинмен емдеу, халықаралық қалыптасқан қатынасты (ХҚҚ) және/немесе күрделі түрге енуі мүмкін қан кетулердің күшеюін ескерер болсақ, коагуляциялық тестілер көрсеткіштерінің (протромбин уақыты (ПУ) артуына әкелуі мүмкін. Демек, К дәруменінің антагонистерін қабылдап жүрген науқастарда коагуляциялық тестілерге мониторинг қажет. QT аралығын ұзартуға қабілетті дәрілік препараттар QT аралығын ұзартуға қабілетті дәрілік препараттарды (мысалы, аритмияға қарсы IA және III класс дәрілері, трициклдік антидепрессанттар, макролидтер) левофлоксацинмен бір мезгілде абайлап қолдану керек. Басқа да маңызды ақпарат Фармакокинетикалық зерттеулерде левофлоксацин теофиллин фармакокинетикасына әсерін тигізбеген (CYP1A2 маркерлік субстраты), бұл левофлоксациннің CYP1A2 тежегіші емес екендігін көрсетеді. Арнайы ескертулер (айрықша нұсқаулар) Метициллинге резистентті алтын түстес стафилококктің де, левофлоксацинді қоса, фторхинолондарға тұрақты болу ықтималдылығы жоғары. Демек, метициллинге резистентті стафилококктен туындаған инфекцияларды емдеген кезде немесе егер зертханалық талдау нәтижелері микроорганизмнің левофлоксацинге сезімталдығын айғақтаған жоқ деген күмән бар болса (сондай-ақ егер әдетте метициллинге резистентті стафилококк әсерінен туындаған инфекцияларды емдегенде тағайындалған бактерияларға қарсы дәрілерді қолдану мақсатқа сәйкес емес деп саналса), левофлоксацинді қолдану ұсынылмайды. E. coli-дің, несеп шығару жолдарының инфекцияларын туындататын өте кең таралған патогеннің, фторхинолондарға резистенттілігі Еуропалық одақ елдерінде өзгеріп отырады. Препаратты тағайындаған кезде E. coli-дің фторхинолондарға резистенттілігінің жергілікті таралуын ескеру ұсынылады. Сібір ойық жарасының өкпелік түрі: Bacillus anthracis сезімталдығы жөнінде деректерге және клиникалық деректер санының шектеулі болуымен қатар, клиникаға дейінгі зерттеу деректеріне негізделген. Емдеуші дәрігерлер сібір ойық жарасына қатысты ұйғарылған ұлттық және/немесе халықаралық құжаттарға назар аударуы керек. Инфузияның ұзақтығы Инфузиялық құюдың ұсынылатын 500 мг (100 мл ерітінді) үшін кем дегенде 60 минутты құрайтын ұзақтығын сақтау керек. Офлоксацин инфузиясы кезінде тахикардия дамуы және артериялық қысым уақытша төмендеуі мүмкін. Сирек жағдайларда, артериялық қысымның күрт төмендеуінің нәтижесінде жедел қантамырлық жеткіліксіздік (циркуляторлық коллапс) болуы мүмкін. Левофлоксацин (офлоксациннің l-изомері) инфузиясы кезінде артериялық қысымның түсіп кету белгілері білінгенде инфузияны дереу тоқтату керек. Натрийдің мөлшері Осы препараттың 100 мл дозасында 15,39 ммоль (354 мг) бар. Натрий диетасы бақыланатын пациенттерде бұл назарға алынуы тиіс. Миоклонус Левофлоксацинмен емделген пациенттерде миоклонус жағдайлары туралы хабарланды. Егер левофлоксацин дозасы креатинин клиренсіне сәйкес реттелмесе, егде жастағы пациенттерде және бүйрек функциясы бұзылған пациенттерде миоклонустың даму қаупі артады. Миоклонус алғаш пайда болған кезде левофлоксацинді қабылдауды дереу тоқтатып, тиісті емдеуді бастау керек. Тендинит және сіңірдің үзілуі Хинолондарды қолдану аясында сирек кездесетін тендинит кейде сіңірлердің, соның ішінде ахилл сіңірінің үзілуіне әкелуі мүмкін. Тендинит және сіңірдің үзілуі кейбір жағдайларда екіжақты, левофлоксацинмен емдеуді бастағаннан кейін 48 сағат ішінде туындауы мүмкін, сондай-ақ емдеуді тоқтатқаннан кейін бірнеше ай ішінде осы патологиялардың туындау жағдайлары туралы хабарланды. 60 жастан асқан егде жастағы пациенттерде, 1000 мг левофлоксациннің тәуліктік дозаларын қабылдайтын пациенттерде, сондай-ақ кортикостероидтарды бір мезгілде қабылдағанда тендиниттің даму қаупі және сіңірлердің үзілуі артады. Егде жастағы пациенттерде тәуліктік дозаны креатинин клиренсі негізінде түзету керек. Осы санаттағы пациенттерге левофлоксацинді тағайындау кезінде мұқият бақылау ұсынылады. Тендиниттің алғашқы симптомдары туындағанда левофлоксацин қабылдауды тоқтатып, баламалы емдеу мүмкіндігін қарастыру керек. Зақымдалған аяқ-қолды тиісті түрде емдеу керек (мысалы, иммобилизацияны қамтамасыз ету). Clostridium difficile тудырған диарея Левофлоксацинмен емдеу кезінде немесе одан кейін (емдеу аяқталғаннан кейін бірнеше аптаны қоса) диарея, әсіресе ауыр, тұрақты және/немесе қан аралас Clostridium difficile астасқан диареяның симптомы болуы мүмкін. Clostridium difficile астасқан диарея ауырлығы жеңілден өмірге қауіп төндіретін жағдайға дейін өзгеруі мүмкін, ал ең ауыр түрі-жалған жарғақшалы колит. Осылайша, егер пациенттерде левофлоксацин қолданумен емдеу кезінде немесе одан кейін ауыр диарея дамыса, осы диагнозды ескеру маңызды. Clostridium difficile астасқан диареяға күдікті немесе расталған диагнозда левофлоксацин қолдануды дереу тоқтату және тиісті емді кідіріссіз бастау керек. Осы клиникалық жағдайда перистальтикаға қарсы препараттарды қолдануға болмайды. Құрысуларға бейімділік Левофлоксацин анамнезінде эпилепсиясы бар науқастарға қолдануға болмайды. Басқа хинолондар жағдайларындағы сияқты, эпилепсиялық ұстамаларға бейім науқастар үшін немесе церебральді құрысу шегін төмендететін теофиллин сияқты препараттармен бір мезгілде емдегенде сақтық таныту керек. Конвульсиялық құрысулар жағдайында левофлоксацинмен емдеуді тоқтату керек. Глюкоза-6-фосфатдегидрогеназа тапшылығы бар науқастар Глюкоза-6-фосфатдегидрогеназаның жасырын немесе манифестациялайтын белсенділігі жеткіліксіз пациенттер хинолондармен емдеген кезде гемолиздік реакцияларға бейім болуы мүмкін, сондықтан левофлоксацинді қолданған кезде сақ болуы керек. Бүйрек функциясы бұзылған науқастар Бүйрек функциясы бұзылған науқастар үшін, левофлоксациннің көбіне бүйрек арқылы шығарылуымен байланысты, дозаға түзету жүргізу керек. Жоғары сезімталдық реакциялары Левофлоксацин жоғары сезімталдықтың күрделі, потенциалды өлімге әкелетін реакцияларын, мысалы, анафилаксиялық шокқа дейін ұласатын ангионевроздық ісінуді кейде алғашқы дозадан кейін туындатуы мүмкін. Науқастар емдеуді дереу тоқтатуы және өзін емдеп жүрген дәрігеріне немесе шұғыл жәрдемнің дәрігеріне қаралуы керек, олар тиісті шұғыл шараларды қолданады. Терінің ауыр жағымсыз реакциялар Левофлоксацинді пайдаланумен байланысты, уытты эпидермалық некролизді (TEN: сондай-ақ Лайелл синдромы ретінде белгілі), Стивенс-Джонсон синдромын (SJS) қоса, терінің ауыр жағымсыз реакциялары туралы хабарланды. Осы реакцияларды көрсететін белгілер және симптомдар пайда болған кезде левофлоксацин қабылдауды дереу тоқтату және өзін емдеп жүрген дәрігеріне қаралуы керек. Дисгликемия Барлық хинолондар жағдайындағы сияқты, көбінесе пероральді гипогликемиялық препараттармен (мысалы, глибенкламидпен) немесе инсулинмен емделіп жүрген, диабет бар пациенттерде, гипо- және гипергликемияны қоса, қандағы глюкоза мөлшерінің бұзылуы туындауы мүмкін. Гипогликемиялық кома жағдайлары туралы хабарланды. Диабетпен ауыратын пациенттерде қандағы глюкоза деңгейін мұқият бақылау ұсынылады. Фотосенсибилизацияның профилактикасы Левофлоксацин қолданған кезде фотосенсибилизацияның пайда болуы туралы хабарланды. Фотосенсибилизацияны болдырмау үшін, емдеу кезінде немесе емдеу аяқталғаннан соң 48 сағат ішінде пациенттерге қажеттіліксіз күшті күн сәулесінің немесе жасанды ультракүлгін сәулеленудің (мысалы, УК шамынан, солярийден) әсерінен аулақ болу ұсынылады. К дәруменінің антагонистерімен емделіп жүрген науқастар К дәрумені антагонисімен (мысалы, варфарин) біріктірілген левофлоксацинмен емделіп жүрген науқастарда коагуляциялық тестілер (протромбин уақыты/ХҚҚ) көрсеткіштерінің артуы және/немесе қан кетулердің күшеюі мүмкін болғандықтан, осы препараттарды бір мезгілде қолданғанда қанның ұю көрсеткіштерін бақылау керек. Психоздық реакциялар Хинолондарды, соның ішінде левофлоксацинді, қолданып жүрген науқастарда психоздық реакциялар тіркелді. Өте сирек жағдайларда, кейде тіпті левофлоксациннің бір ғана дозасынан кейін, олар өзін-өзі өлтіру ойларының және өзіне зақым келтіретін мінез-құлықтың туындауына дейін өршіді. Науқаста психоздық реакциялар дамыған жағдайда левофлоксацин қабылдауды тоқтату және тиісті шараларға кірісу керек. Анамнезінде психозы немесе психикалық ауруы бар пациенттерге левофлоксацинді тағайындағанда сақ болу ұсынылады. QT аралығының ұзаруы QT аралығының ұзару қаупінің келесі белгілі факторлары бар пациенттерде фторхинолондарды, соның ішінде левофлоксацинді, сақтықпен қолдану қажет: - QT аралығының туа біткен ұзару синдромы; - QT аралығының ұзаруын тудыратын дәрілік заттарды қатар қолдану (мысалы, IA және III класты аритмияға қарсы препараттар, трициклді антидепрессанттар, макролидтер, нейролептиктер); - электролиттік теңгерімнің түзетілмеген бұзылулары (мысалы, гипокалиемия, гипомагниемия); - жүрек аурулары (мысалы, жүрек жеткіліксіздігі, миокард инфарктісі, брадикардия). Егде жастағы науқастар мен әйелдер QTс аралығының ұзаруын тудыратын препараттарға аса сезімтал болуы мүмкін. Сондықтан фторхинолондарды, соның ішінде левофлоксацинді пациенттердің осы топтарында сақтықпен қолдану керек. Шеткері невропатия Сенсорлық және сенсомоторлық шеткері невропатия фторхинолондарды, соның ішінде левофлоксацинді қабылдап жүрген пациенттерде тіркелді, мұндайда олардың дамуы тез болды. Невропатия симптомдары пайда болған кезде, қайтымсыз жағдайдың дамуына жол бермеу үшін, левофлоксацин қабылдауды тоқтату керек. Бауырдың және өт шығару жолдарының бұзылулары Бауырдың өмірге қауіп төндіретін жеткіліксіздігіне дейінгі бауыр некрозының жағдайлары, әсіресе негізгі ауыр ауруы, мысалы, сепсисі бар науқастарда левофлоксацинді қолданумен байланысты тіркелді. Бауыр ауруларының, мысалы, анорексия, сарғаю, несептің күңгірттенуі, қышыну, іш аймағының ауыруы сияқты белгілері және симптомдары пайда болған кезде науқастарға емдеуді тоқтатуға және дәрігерге қаралуға кеңес беру керек. Миастения гравистің өршуі Левофлоксацинді қоса, фторхинолондардың нейробұлшықеттерді бөгейтін белсенділігі бар және миастения грависке шалдыққан пациенттерде бұлшықеттің әлсіздігін күшейтуі мүмкін. Постмаркетингтік бақылау кезеңінде туындаған, өлім жағдайларын және өкпенің қосымша жасанды желдетілуінің қажеттілігін қоса, күрделі жағымсыз реакциялар миастения грависке шалдыққан пациенттерде фторхинолондарды қолданумен байланысты болды. Анамнезінде миастения гравис бар пациентте левофлоксацинді қолдану ұсынылмайды. Көрудің бұзылулары Көрудің бұзылулары туындағанда немесе препаратты қабылдаудың көзге ықпалы көрініс бергенде офтальмологқа дереу қаралу керек. Суперинфекция Левофлоксацинді, әсіресе ұзақ уақыт бойы, қолдану сезімтал емес микроорганизмдердің шамадан тыс көбеюіне әкелуі мүмкін. Емделу кезінде суперинфекциялар пайда болғанда тиісті шараларды қабылдау керек. Зертханалық зерттеу нәтижелерінің өзгерулері Левофлоксацин қабылдаған пациенттерде несептегі апиындарды анықтау жалған оң нәтижелер беруі мүмкін. Апиындарға скринингтің оң нәтижелерін айғақтаудың нақтырақ әдісі қажет болуы мүмкін. Левофлоксацин Mycobacterium tuberculosis өсуін басуы мүмкін, демек, туберкулезге бактериологиялық диагностикада жалған теріс нәтижелер беруі мүмкін. Жедел панкреатит Левофлоксацин қабылдаған пациенттерде жедел панкреатит болуы мүмкін. Пациенттерге жедел панкреатитке тән симптомдар туралы хабарлау керек. Жүрек айнуы, дімкәстік, іштің жайсыздығы, іштің қатты ауруы немесе құсу бар пациенттерді дәрігер дереу тексеруі тиіс. Жедел панкреатитке күдік болса, левофлоксацинді қабылдауды тоқтату керек, расталған жағдайда левофлоксацинді қайта қабылдауға болмайды. Анамнезінде панкреатит бар пациенттерге сақтық танытқан жөн. Қан аурулары Левофлоксацинмен емдеу кезінде сүйек кемігінің жеткіліксіздігі дамуы мүмкін, соның ішінде лейкопения, нейтропения, панцитопения, гемолиздік анемия, тромбоцитопения, аплазиялық анемия немесе агранулоцитоз. Егер осы қан ауруларының кез-келгеніне күдік болса, қан көрсеткіштерін бақылау қажет. Нәтижелер қалыптан ауытқыған жағдайда левофлоксацинмен емдеуді тоқтату туралы мәселені қарастыру керек.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Қаптаманы ашқаннан кейін бөлме жарығында 3 күн ішінде пайдалану керек. Тығынды ашқаннан кейін 3 сағат ішінде пайдалану керек. Мұздатып қатыруға болмайды. Балалардың қолы жетпейтін жерде сақтау керек!