Ксифиа таблетки 400 мг

Бір таблетканың құрамында белсенді зат – 447,63 мг цефиксим тригидраты (400 мг цефиксимге баламалы) қосымша заттар: микрокристалды целлюлоза (101 типі), кальций гидрофосфаты дигидраты, желатинделген крахмал, микрокристалды целлюлоза (102 типі), магний стеараты үлбірлі қабығының құрамы: Oпадрай ақ Y-1-7000: гипромелоза, макрогол 400, титанның қостотығы (Е 171) Сыртқы түрінің, иісінің, дәмінің сипаттамасы Ұзынша пішінді, екі беті дөңес, бір жағында сындыруға арналған бөлу сызығы бар, ақтан сәл сарғыш түске дейінгі үлбірлі қабықпен қапталған таблеткалар

Цефиксимге сезімтал микроорганизмдер туғызған инфекцияларды емдеуде: ‒ жоғарғы тыныс жолдарының жедел инфекцияларында (фаринго-тонзиллит, синусит); ‒ ортаңғы құлақтың жедел қабынуында; ‒ төменгі тыныс жолдарының инфекцияларында (жедел бронхит, созылмалы бронхиттің өршуі, трахеобронхит); ‒ несеп шығару жолдарының асқынбаған инфекцияларында (жедел пиелонефритті де қоса) Қолданудың бастағанға дейін қажетті мәліметтер тізбесі

Әсер ету механизмі Ксифиа – әсері кең спектрлі бактерияға қарсы белсенділігі және бета-лактамазалардың гидролизистік белсенділігіне жоғары төзімділігі бар ішке қабылдауға арналған жаңа цефалоспорин. Әсер ету механизмі қоздырғыштың жасушалық жарғақшасының синтезінің бәсеңдетілуіне байланысты. Препарат көптеген бета-лактамазалардың гидролизистік әсеріне төзімді. Нәтижесінде пенициллиндерге және кейбір цефалоспориндерге (бета-лактамазалардың болуына байланысты) төзімді көптеген организмдер цефиксимге сезімтал болуы мүмкін. Streptococcus pneumoniae, Streptococcus pyogenes, Escherichia coli, Proteus mirabilis, Klebsiella species, Haemophilus influenzae (бета-лактамазалар, оң және теріс), Branhamella catarrhalis (бета-лактамазалар, оң және теріс) және Enterobacter species қоса, патогенді микроорганизмдерден көбірек жиілікпен туындайтын инфекцияларды емдеуде клиникалық тиімді. Бета-лактамазалардың қатысуымен жоғары тұрақтылық дәрежесі болады. Энтерококктардың штаммдарының (Streptococcus faecalis, D тобының Streptococci) және Staphylococci (соның ішінде коагулаза-оң, коагулаза-теріс және метициллинге төзімді штаммдарын) көпшілігі цефиксимге төзімді. Сонымен қатар, Pseudomonas, Bacteroides fragilis, Listeria monocytogenes және Clostridia штаммдарының көпшілігі цефиксимге төзімді

Дозалану режимі Препаратты әрдайым өз дәрігеріңіздің немесе фармацевттің нұсқауларына сәйкес қабылдаңыз. Егер Сіз бір нәрсеге сенімсіз болсаңыз, өз дәрігеріңізбен немесе фармацевтпен кеңесіңіз. Қабықпен қапталған Ксифиа препаратын дәрігер тағайындаған дозаға және емдеу ұзақтығына сәйкес қолдану керек. Маңызды! Сіздегі симптомдар немесе Сіздің балаңыздағы симптомдар азайғаннан немесе жоғалғаннан кейін, преапаратты қабылдауды тоқтатпаңыз, препаратты қабылдауды сізге дәрігер жазып берген уақыт бойына жалғастырыңыз. Ересектер және 12 жастан бастап балалар: Бір реттік дозада тәулігіне 400 мг (1 таблетка) немесе күніне екі рет 200 мг (жарты таблетка) әрбір 12 сағат сайын екі дозаға бөлінеді. Балалар мен жасөспірімдерде қолданыңыз 12 жастан асқан балалар мен жасөспірімдерге ересек дозаны беруге болады. 12 жасқа дейінгі балалар үшін цефиксим суспензиясы ұсынылады. Шала туылған нәрестелер мен жаңа туған нәрестелерде цефиксимді (Ксифиа белсенді ингредиенті) қабылдаудың қауіпсіздігі анықталмаған. Егде жастағы пациенттер Егде жастағы адамдарда дозаны түзету қажет емес. Бүйрек жеткіліксіздігі бар пациенттер Егер сізде бүйрек проблемалары болса, дәрігер дозаны азайтуы мүмкін. Енгізу әдісі және жолы Ішке қабылдауға арналған. Препаратты ас ішуге байланыссыз қабылдауға болады. Үлбірлі қабықпен қапталған таблеткаларды көп мөлшердегі сұйықтықпен ішіп, жұту керек. Дәрілік препараттың бір немесе бірнеше дозасын өткізіп алу кезіндегі қажетті шаралар Егер сіз таблетканы қабылдауды ұмытып кетсеңіз, оны есіңізге түскен бойда қабылдаңыз. Алайда, егер келесі дозасын 6 сағаттан соң қабылдау қажет болса, ұмытып кеткен дозаны өткізіп жіберу және өзіңіздің әдеттегі дозалау кестеңізге оралу қажет. Екі есе дозасын қабылдамау керек. Дәрілік препараттың қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Егер препаратты қолдану кезінде сізде қайталанатын немесе ұзаққа созылған қатты диарея немесе аса жоғары сезімталдық реакциясы (аллергия) туындаса, дереу емдеуші дәрігерге жүгініңіз. Аллергиялық реакцияларға тері бөртпелері, есекжем, аяқ-қолдардың, еріннің немесе қабақтардың ісінуі, ауа жетпеу және естен тану жатады. Тері бөртпелерін байқаған бойда дәрігерге жүгініңіз! Бұл терінің ауыр реакциясының белгісі болуы мүмкін. Егер Сізде диарея болса, перистальтиканы (ішектің қозғалуын) азайтатын препараттарды қабылдамаңыз!

‒ цефиксимге немесе қосымша заттардың кез келгеніне аса жоғары сезімталдық; ‒ препаратты цефалоспориндер мен пенициллиндерге сезімталдығы жоғары пациенттерге де қолдануға болмайды; ‒ 12 жасқа дейінгі балаларға

Жиі – диарея, сұйық нәжіс. Жиі емес – бас ауыруы; – іш ауыруы, жүрек айнуы, құсу; – эритема, бөртпе; – қан сарысуындағы бауыр ферменттері (аспартатаминотрансфераза, аланинаминотрансфераза, сілтілік фосфатаза) деңгейінің қайтымды жоғарылауы. Сирек – бас айналуы; – тәбет жоғалуы, метеоризм; – эозинофилия; – қышыну, шырышты қабықтардың қабынуы; – ауырлығы түрлі дәрежедегі аса жоғары сезімталдық реакциялары, анафилаксиялық шок; – мочевина азоты деңгейінің жоғарылауы. Өте сирек – жалғанжарғақшалы колит; – лейкопения, агранулоцитоз, панцитопения немесе тромбоцитопения, қан ұюының бұзылулары, қан сарысуында креатининнің жоғарылауы, гипербилирубинемия; – уақытша гиперактивтілік, құрысу белсенділігінің жоғарылауы; – гепатит, сарғаю, холестаз; – мультиформалы эритема, Лайелл синдромы, сарысу құю ауруы тәрізді реакциялар, Стивенс-Джонсон синдромы, Квинке ісінуі, беттің ісінуі, уытты эпидермалық некролиз; – қандағы креатинин деңгейінің жоғарылауы. Белгісіз (қолда бар деректер негізінде бағалау мүмкін емес) – резистентті қоздырғыштармен суперинфекция; – гранулоцитопения, гемолиздік анемия; – сарысу құю ауруы тәрізді реакциялар; – цефиксимді қоса, бета-лактамдық антибиотиктерді қолданғанда, әсіресе, артық дозаланған кезде немесе бүйрек жеткіліксіздігі кезінде, энцефалопатияның (ол құрысуларды, сананың шатасуын, сана бұзылуын, қимыл-қозғалыстың бұзылуларын қамтуы мүмкін) даму қаупі бар; – ентігу; – диспепсия; – эозинофилиямен және жүйелі симптомдармен жүретін дәрілік реакция (DRESS синдром), есекжем, Стивенс-Джонсон синдромы; – тубулоинтерстициальді нефриттен туындаған бүйрек жеткіліксіздігін қоса, бүйректің жедел жеткіліксіздігі; – қызба, беттің ісінуі; – қандағы билирубин деңгейінің жоғарылауы. Егер тәуліктік дозасы бір реттік пероральді доза түрінде қабылданса, асқазан-ішек жолы тарапынан жағымсыз реакциялар жиірек туындайды. Сирек жағдайда, цификсимді ұзақ және қайталап қолдану резистентті бактериялармен немесе зеңдермен суперинфекцияға алып келуі мүмкін. Аса жоғары сезімталдық реакциялары Цефалоспориндерді пероральді қолданғанда, терінің аллергиялық реакцияларынан өзге, ауырлығы анафилаксиялық шокқа дейінгі түрлі дәрежедегі аса жоғары сезімталдық реакциялары сирек байқалды, бірақ олар парентеральді енгізгендегіге қарағанда айтарлықтай сирегірек. Беттің ісінуі, тілдің ісінуі, тыныс жолдарының тарылуымен көмейдің ісінуі, жүрек қағуы, ентігу, гипотензия және тіпті, дамып келе жатқан шок түріндегі жедел аллергиялық реакциялар көрініс беруі мүмкін. Ондай жағдайларда шұғыл медициналық көмек қажет болады. Сенсибилизацияның нәтижесінде туындаған аллергия да сирек (> 0,01%) жағдайда дәрілік қызбамен және өте сирек (≤ 0,01%) жағдайда сарысу құю ауруы тәрізді реакциялармен, гемолиздік анемиямен және интерстициальді нефритпен көрініс беруі мүмкін. Қан талдауының өте сирек бұзылулары емдеуді тоқтатқаннан кейін өздігінен қалыпқа түскен Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз әсерлерінің күшеюі. Цефиксимді қоса, бета-лактамды антибиотиктерді қолданғанда, әсіресе, артық дозаланған кезде немесе бүйрек жеткіліксіздігі кезінде, энцефалопатияның даму қаупі бар. Емі: асқазанды шаю; қажет болса, симптоматикалық ем. Арнайы антидоты жоқ. Цефиксим қан ағымынан гемодиализдің немесе перитонеалдық диализдің көмегімен мардымсыз мөлшерде шығарылады.

Егер сізде немесе сіздің балаңызда келесі жағдайлар болса, Ксифиа препаратын қабылдамас бұрын емдеуші дәрігермен немесе фармацевтпен сөйлесіңіз: ‒ кейбір препараттарға, соның ішінде пенициллинге аллергия; ‒ бүйрек функциясының бұзылуы; ‒ жүрек айнуы мен құсуды тудыратын ауру; ‒ терінің қабыршықтануы немесе күлбіреуіктер түріндегі бөртпелер. Бұл жағдайда препаратты қабылдауды дереу тоқтатыңыз және дәрігерге жүгініңіз, өйткені ол терінің ауыр жағымсыз реакцияларының белгілері болуы мүмкін; ‒ қан талдауларының, анемия барын көрсететін нәтижелері болса немесе Сіз өзіңізде сарғаю бар деп күдіктенсеңіз; ‒ несеп шығару мөлшері күрт азайса. Бұл бүйректің жедел жеткіліксіздігінің белгісі болуы мүмкін, ол цефиксимді қолданудан туындауы мүмкін. Кейде несеп шығару мүлдем болмай қалуы мүмкін. Организмде сұйықтық іркілуі (ісіну), бел ауыруы, тәбеттің жоғалуы, жүрек айнуы, құсу немесе диарея туындауы мүмкін. Жоғарыда атап келтірілген симптомдардың кез келгені пайда болған жағдайда, препаратты қабылдауды тоқтатыңыз және дереу дәрігерге жүгініңіз; ‒ эпилепсия ұстамасы. Цефиксим (Ксифиа препаратының әсер етуші заты) соған жататын, цефалоспориндер ретінде белгілі топтың препараттары эпилепсия ұстамаларын тудыруы мүмкін. Эпилепсия ұстамасы жағдайында, препаратты қабылдауды дереу тоқтатыңыз және дәрігерге жүгініңіз; ‒ Ксифиа препаратын ұзақ уақыт немесе қайталап қолдану цефиксимге төзімді микроорганизмдермен суперинфекция тудыруы мүмкін. Суперинфекция жағдайында дәрігер оны тиісінше емдеу үшін ем тағайындайды. Арнайы ескертулер Педиатрияда қолдану Ксифиа 400 мг, үлбірлі қабықпен қапталған таблеткалары 12 жасқа толмаған балаларға арналмаған. Бұл жас тобы үшін цефиксимнің басқа дәрілік түрі болып табылатын суспензияны қолдану ұсынылады. Цефиксимді (Ксифиа препаратының әсер етуші заты) шала туған нәрестелер мен жаңа туған балаларда қолданудың қауіпсіздігі анықталмаған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Энцефалопатия сияқты жағымсыз әсерлер (құрысуларды, сананың шатасуын, сана бұзылуын, қимыл-қозғалыс бұзылыстарын қамтуы мүмкін) туындаған жағдайда, пациент механизмдермен жұмыс істемеуі немесе көлік құралын жүргізбеуі керек

Жүктілік кезінде тек, анасы үшін болжамды пайдасы шарана үшін ықтимал қауіптен асып түсетін жағдайда ғана қолдануға болады. Эмбрионға уытты әсері анықталмаса да, сақтық шарасы ретінде, цефиксимді жүктіліктің алғашқы үш айында қолданбаған дұрыс. Препарат плацента арқылы өтеді. Кіндік қанында анасының сарысуындағы концентрациясының 1/6-1/2-і болады. Цефиксимнің емшек сүтімен бөлініп шығатын-шықпайтындығы белгісіз. Бала емізіп жүрген аналарда Ксифиа препаратын тек, егер дәрігер оны қолдануды қажет деп есептесе ғана қолдануға болады. Ксифиа препаратымен емделу кезінде бала емізуді тоқтату керек!

Кумаринді антикоагулянттар Цефиксимді варфарин сияқты антикоагулянттарды қабылдап жүрген пациенттерге сақтықпен тағайындау керек. Цефиксим антикоагулянттардың әсерін күшейтетіндіктен протромбин уақытының ұлғаюы қан кетумен немесе онсыз болуы мүмкін. Өзара әрекеттесуінің басқа түрлері Цефиксим сияқты цефалоспориндерді енгізу Бенедикт, Фелинг және «Клинитест» (бірақ ферменттік әдістермен емес) әдістерінің көмегімен глюкозурия бойынша жалғаноң нәтиже туындатып, кейбір зертханалық тесттердің нәтижелеріне әсер етуі мүмкін. Глюкозооксидазаның ферменттік реакцияларына негізделген глюкоза тесттерін пайдалану ұсынылады. Цефалоспоринмен емдеу кезінде Кумбс тестінің оң нәтижелері (кейде жалған) тіркелген. Егер цефиксим аминогликозидті антибиотикпен, В полимиксинімен, колистинмен біріктірілсе немесе ілмектік диуретиктердің (мысалы, фуросемидпен) жоғары дозаларымен бір мезгілде қолданғанда бүйрек функциясын, әсіресе бұрыннан бүйрек функциясының бұзылуы бар пациенттерде мұқият бақылау керек.

Сақтау мерзімі 3 жыл Жарамдылық мерзімі өткеннен кейін қолдануға болмайды Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!