Корвалтаб Экстра таблетки

Бір таблетканың құрамында белсенді заттар: 100 мг гвайфенезин, 3,5 мг доксиламин гидроген сукцинаты, 8,2 мг α-бромизовалериан қышқылының этил эфирі, қосымша заттар: жалбыз майы, β-циклодекстрин, мальтодекстрин, коповидон, кросповидон, гидрофобты коллоидты кремнийдің қостотығы, сулы коллоидты кремнийдің қостотығы, магний стеараты, Opadry ІІ White қабығының құрамы: полиэтиленгликоль, поливинил спирті, тальк, титанның қостотығы (Е 171). Сыртқы түрінің, иісінің, дәмінің сипаттамасы Өзіне тән иісі бар, дөңгелек пішінді, екі жақ беті дөңес, ақ түсті үлбірлі қабықпен қапталған таблеткалар.

ДП ересектерге 18 жастан бастап қолдануға арналған • коронарлық тамырлардың жеңіл түйілуі • нейроциркуляторлы дистония – кешенді терапияда • қатты ашушаңдықпен невроздарда • қозғыштық ұлғайғанда • ұйқысыздықтың жеңіл түрінде • қышынумен қатар жүретін дерматоздарда

Әсер ету механизмі Қантамырларды кеңейтетін (коронаролитикалық), тыныштандыратын, ұйықтататын дәрі. Жеңіл антиангинальді әсер береді. Орталық жүйке жүйесінің қозғыштығын төмендетуге мүмкіндік жасайды, тыныштандырғыш әсер береді және табиғи ұйқының басталуын жеңілдетеді. Фармакодинамикалық тиімділігі Препараттың құрамына кіретін α-бромизовалериан қышқылының этил эфирі спазмолитикалық, коронаролитикалық және тыныштандыратын әсер береді; үлкен дозаларда да жеңіл ұйықтататын әсер береді. Гвайфенезин анксиолитикалық (үрейленуге қарсы) әсер береді. Доксиламин гидроген сукцинаты седативті және атропин тәрізді әсер көрсететін этаноламиндер класының Н1-гистаминдік рецепторларының блокаторы болып табылады. Ол ұйықтау үшін қажетті уақытты азайтатыны, сондай ақ ұйқының ұзақтығы мен сапасын жақсартатыны тіркелген. Клиникалық тиімділігі мен қауіпсіздігі Деректер жоқ.

Дозалау режимі Ересектерге, әдетте, препараттың 1 таблеткасын тәулігіне 2-3 реттен тамақтануға дейін тағайындайды. Ұйқысыздықтың жеңіл түрінде ұйқыдан 30 минут бұрын 1-2 таблеткадан тағайындайды. Емдеу курсының дозалануы мен ұзақтығын әрбір пациентке дәрігер жеке белгілейді. Енгізу әдісі және жолы Пероральді қолдануға арналған.

• әсер етуші заттарға немесе қосымша заттардың кез келгеніне аса жоғары сезімталдық • антигистаминдік препараттарға аса жоғары сезімталдық • бүйрек және бауыр функциясының ауыр бұзылулары, бауыр порфириясы • пациенттің анамнезінде немесе отбасылық анамнезінде жедел жабық бұрышты глаукома • несеп іркілісінің қаупі бар уретропростатикалық бұзылыстары • жүрек функциясының ауыр жеткіліксіздігі • депрессия және орталық жүйке жүйесі қызметінің бәсеңдеуімен қатар жүретін басқа да бұзылулар • жүктілік және бала емізу кезеңі • 18 жасқа дейінгі балалар және жасөспірімдер

Жекелеген жағдайларда жиілігімен жағымсыз әсерлер байқалуы мүмкін: Белгісіз (қолда бар мәліметтер негізінде бағалау мүмкін емес) • астения, әлсіздік, атаксия, қозғалыстарды үйлестірудің бұзылуы, бас ауруы, ұйқышылдық, жеңіл бас айналуы, сананың шатасуы, парадоксалды қозу, қажу, реакциялардың баяулығы, ұйқысыздық (егде жастағы пациенттерде), зейін қоюдың төмендеуі; • ас қорыту жүйесінде жайсыздық сезімі, асқазанның ауыруы, жүрек айнуы, құсу, диарея, іш қату, ауыздың құрғауы, ұзақ уақыт қолданғанда – бауыр қызметінің бұзылуы; • жұтудың қиындауы, беттің, еріннің, тілдің немесе тамақтың ісінуі, ринит, терінің бөртпесі, қышыну, есекжем, қызба, кома, гранулоцитопения және анафилаксиялық шок сияқты жоғары сезімталдық реакциялары; • анемия, мегалобластты анемия, тромбоцитопения, агранулоцитоз; • тыныс алу қиындауы, бронх түйілуі, ентігу; • уролитиаз, несептің іркілуі, қанда КФК деңгейінің жоғарылауы; • жүрек қағысының артуы, брадикардия, артериялық гипотензия; • конъюнктивит, көз жасының ағуы, нистагм, көру қабілетінің бұзылуы (аккомодацияның бұзылуы, бұлыңғыр көру, елестеулер, көру өрісінің ақауы); • рабдомиолиз. Теріс пайдалану және дәріге тәуелділік жағдайлары туралы хабарланды. Бұдан басқа, H1-антигистаминдік дәрілік заттар седативтік әсерді, когнитивтік бұзылуларды және психомоторлық белсенділіктің бұзылуын тудыратыны белгілі. Көрсетілген құбылыстар дозаны төмендеткенде немесе препарат қабылдауды тоқтатқан кезде қайтады. Препараттың үлкен дозаларын ұзақ уақыт қолданғанда бромизмнің дамуы мүмкін. Жағымсыз дәрілік реакциялар туындағанда медицина қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Ұйқышылдық, әлсіздік, бас айналу, вертиго, асқазан-ішек бұзылыстары, артериялық гипотензия және антихолинергиялық әсерлердің белгілері болуы мүмкін: қозу, қарашықтың ұлғаюы, аккомодациялық салдану, ауыздың құрғауы, бет пен мойынның қызаруы, гипертермия, синустық тахикардия. Делирий, елестеулер және атетоздық қозғалыстар балаларда жиі байқалады, кейде олар құрысулардың ізашары болып табылады - ауыр уланудың немесе тіпті команың сирек асқынулары. Құрысулар болмаса да, доксиламинмен жедел улану, кейде бүйректің жедел жеткіліксіздігімен асқынуы мүмкін рабдомиолизді тудырады. Мұндай бұлшықеттік бұзылу жиі кездеседі және креатинфосфокиназаның (КФК) белсенділігін өлшеу арқылы жүйелі скрининг жүргізуді қажет етеді. Өте жоғары дозалар қозу, сананың шатасуы және тыныстың тарылуы сияқты симптомдарды туындатуы мүмкін. Құрамында бром бар препараттарды ұзақ уақыт қолдану броммен улануға әкелуі мүмкін, ол келесі белгілермен сипатталады: сананың шатасуының жай-күйі, атаксия, апатия, депрессиялық көңіл-күй, конъюнктивит, суық тию, акне немесе пурпура. Егер улануды емдемесе, тамыр жеткіліксіздігінің, тыныс алу салдануының немесе өкпе ісінуінің нәтижесінде өліммен аяқталу болуы мүмкін. Емі Препарат қабылдауды тоқтату, асқазанды шаю және симптоматикалық ем жүргізу, жүрек-қан тамырлары және тыныс алу жүйелерінің функцияларын сақтауға және электролит тепе-теңдігін сақтауға бағытталған. Бром иондарының ағзадан шығарылуын бір мезгілде салуретикалық заттарды енгізе отырып, ас тұзының ерітіндісін едәуір мөлшерде енгізу арқылы жеделдетуге болады. Спецификалық антидоты жоқ.

Қатысы жоқ. Арнайы ескертулер Препаратты қабылдаған кезде спирт ішімдіктерін пайдалануға жол бермеген жөн. Препаратпен емдеу кезінде түнгі апноэ синдромы (тыныс алудың тоқтап қалу санының және ұзақтығының артуы) өршуі мүмкін. Жекелеген жағдайларда несеп түсінің өзгеруі байқалуы мүмкін. Теріс пайдалану және дәріге тәуелділік қаупі төмен. Алайда, теріс пайдалану жағдайлары туралы хабарланды, нәтижесінде дәріге тәуелділік пайда болды. Дәрілік затты артық пайдалану немесе оған тәуелділік белгілерін мұқият бақылау керек сондықтан ұсынылатын емдеу ұзақтығы 5 күннен аспауы тиіс. Анамнезінде психобелсенді заттарды қабылдаудан туындаған бұзылулары бар пациенттерге препаратты қолдану ұсынылмайды. Жинақталу қаупі Доксиламин сукцинаты денеде 5 жартылай шығарылу кезеңінде қалады. Бүйрек немесе бауыр функциясы бұзылған егде жастағы адамдарда жартылай шығарылу кезеңі айтарлықтай ұзағырақ болуы мүмкін. Бірнеше рет қолданған кезде препарат немесе оның метаболиттері тепе-теңдікке әлдеқайда кешірек және жоғары деңгейде жетеді. Дәрілік заттың тиімділігі мен қауіпсіздігін тепе-теңдік күйге жеткенде бағалауға болады. Дозаны түзету қажет болуы мүмкін. Егде жастағы пациенттер Н1-антигистаминдерді егде жастағы пациенттерге когнитивті бұзылулардың, седативті әсердің, баяу реакцияның және/немесе бас айналудың пайда болу қаупіне байланысты сақтықпен қолдану керек, бұл құлау қаупін арттырады (мысалы, адамдар түнде тұрғанда), сондай-ақ, пациенттердің осы санаты үшін жиі ауыр болатын салдармен кезіктіреді. Арнайы қауіпсіздік шаралары Егде жастағы пациенттер, бүйрек немесе бауыр функциясы бұзылған пациенттер Бүйрек немесе бауыр жеткіліксіздігі бар егде жастағы науқастарда қан плазмасында препарат концентрациясының жоғарылауы және клиренстің төмендеуі байқалады. Препараттың дозасын азайту ұсынылады. Күндіз ұйқышылдықты болдырмау үшін препаратты қабылдағаннан кейін ұйқының ұзақтығы кем дегенде 7 сағатты құрайтынын ұмытпаңыз. Препаратты демікпе, темекі шегу, созылмалы бронхит және эмфиземадан туындаған қақырықты жөтелмен және/немесе созылмалы немесе үздіксіз жөтелмен ауыратын пациенттерге сақтықпен қолдану керек. Препаратты демікпе, туберкулез, пневмокониоз кезінде сақтықпен қолдану керек. Педиатрияда қолданылуы Балаларды емдеуге қолдану тәжірибесі жоқ, сондықтан препаратты педиатриялық тәжірибеде қолданбайды. Жүктілік немесе емшек емізу кезеңінде қолданылуы Жүкті әйелдерге және емшек емізу кезеңіндегі әйелдерге препаратты тағайындамайды. Препараттың көлікті немесе қауіптілігі зор механизмдерді басқару қабілетіне ықпал ету ерекшеліктері Емделу кезінде автомобильді басқаруды немесе психомоторлы реакциялардың жылдамдығын қажет ететін басқа механизмдермен жұмыс жасауды тоқтата тұрған жөн. Күндізгі ұйқының қаупі туралы, әсіресе көлік құралдарын басқаратын немесе басқа механизмдермен жұмыс істейтін адамдар есте сақтауы қажет. Егер сіз жеткілікті уақыт ұйықтамасаңыз, реакция жылдамдығының төмендеу қаупі артады.

Нұсқаулықта көрсетілмеген.

Ұсынылмайтын біріктірілімдер Алкоголь Алкоголь Н1-антигистаминдік дәрілердің көпшілігінің седативті әсерін күшейтеді. Қырағылықтың төмендеуі көлік жүргізу мен механизмдерді пайдалануды қауіпті етуі мүмкін. Алкогольді ішімдіктерді ішуден және құрамында этанол бар дәрілік заттарды қабылдаудан аулақ болу керек. Натрий оксибутираты Орталық жүйке жүйесінің қысымының күшеюін ескере отырып, натрий оксибутиратымен бірге қолданудан аулақ болу керек. Реакция жылдамдығының төмендеуі автокөлікті басқару және механизмдермен жұмыс істеу кезінде қауіпті болуы мүмкін. Сақтандырулар бар біріктірілімдер Антихолинэстеразалық дәрілер М-холинорецепторларға антагонистік әсерге байланысты антихолинэстеразалық препараттардың тиімділігін төмендету қаупі. Басқа атропин тәрізді дәрілік заттар Имипраминдік антидепрессанттар, атропин тәрізді Н1-антигистаминдік дәрілердің көпшілігі, антихолинергиялық Паркинсон ауруына қарсы препараттар, атропиндік спазмолитикалық дәрілік заттар, дизопирамидтер, фенотиазиндік нейролептиктер, сондай-ақ клозапин, несептің іркілуі, іш қату, ауыздың құрғауы сияқты жағымсыз әсерлер пайда болуы мүмкін. ОЖЖ әсер ететін басқа антидепрессанттар Морфин туындылары (ауырсынуды басатын дәрілер және жөтелді емдеуге арналған және орын басу терапиясы үшін қолданылатын дәрілер), нейролептиктер; бензодиазепиндерден басқа (мысалы, мепробамат) барбитураттар, бензодиазепиндер, анксиолитиктер; седативті антидепрессанттар (амитриптилин, доксепин, миансерин, миртазапин, тримипрамин); басқа ұйықтататын дәрілер, седативті Н1-антигистаминдік дәрілер; орталық әсер ететін гипертензияға қарсы дәрілер; баклофен, талидомид - орталық жүйке жүйесінің бәсеңдеуі күшеюі мүмкін. Реакция жылдамдығының төмендеуі автокөлікті басқару және механизмдермен жұмыс істеу кезінде қауіпті болуы мүмкін. Басқа ұйықтататын дәрілер ОЖЖ бәсеңдеуін тудырады Морфин тәрізді заттар/апиындар Ауыр іш қатумен тоқ ішек акинезиясының айтарлықтай қаупі. Зертханалық талдау нәтижелеріне әсері Гвайфенезин диагностикалық сынақтардың жалған оң нәтижелерін тудыруы мүмкін, онда 5-гидроксииндолуксус қышқылы (реагент ретінде нитросонафтолды қолданатын фотометриялық әдіс) және несептегі ванилминдал қышқылы анықталады. Осыны ескере отырып, Корвалтаб Экстра препаратымен емді көрсетілген талдау жүргізу үшін несеп жинаудан 48 сағат бұрын тоқтату қажет.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында 25 оС-ден аспайтын температурада сақтау керек. Балалардың қолы жетпейтін жерде сақтау керек!