Кетотифен таблетки 1 мг

Бір таблетканың құрамында белсенді зат - кетотифен фумараты 1,38 мг (1.0 мг кетотифенге шаққанда), қосымша заттар: лактоза моногидраты, микрокристалды целлюлоза, магний стеараты, сусыз коллоидты кремнийдің қостотығы Сыртқы түрінің, иісінің, дәмінің сипаттамасы Ақ түстен ашық сарғыш түске дейінгі, дөңгелек, беті сәл дөңес, бір жағында «G» нақышталған әрпі бар таблеткалар.

Аллергиялық ауруларды симптоматикалық емдеу, оның ішінде мұрынның шырышты қабығының қабынуы және аллергиялық конъюнктивит.

Әсер ету механизмі Кетотифен аллергияға қарсы және демікпеге қарсы әсер етеді, оның механизмі жуан жасушалардың жарғақшаларын тұрақтандыруға және олардан гистамин, серотонин, лейкотриендер, лимфокиндер және басқа биологиялық белсенді заттардың босап шығуын азайтуға байланысты. Тромбоциттердің белсену факторынан туындаған тыныс алу жолдарында эозинофилдердің жинақталуын басады. Н1 - гистаминдік рецепторларды бөгейді. Орталық жүйке жүйесіне седативті әсер етеді (тыныштандыратын әсер). Тыныштандыратын әсер препараттың майда еритін, гематоэнцефалдық бөгеттен жақсы өтетіндігімен және мидың Н1-рецепторларымен байланысатындығымен анықталады.

Дозалау режимі Елеулі тыныштандыратын әсері байқалған пациенттер үшін барлық тәуліктік дозаны кешке қабылдау ұсынылады. Ересектерге емдеу кезінде тәулігіне 2 рет 1-2 мг. Алдын алу үшін тәулігіне 1 рет 1 мг. 3 жастан асқан балаларға – емдеу кезінде тәулігіне 2 рет 1 мг. Алдын алу үшін тәулігіне 1 рет 1 мг. Таблетка түріндегі дәрілік түрін қабылдай алмайтын пациенттерге баламалы дәрілік түрін қарастыру керек. Ересектер үшін ең жоғары тәуліктік доза – 4 мг, балалар үшін - 2 мг. Препаратты тоқтатуды дозаны біртіндеп азайту арқылы жүргізеді. Енгізу әдісі мен жолы Препаратты ішке қабылдайды. Қабылдау уақыты көрсетілген қолдану жиілігі Таңертең және кешке тамақтану кезінде. Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну бойынша ұсынымдар Егер сізде осы препаратты қолдану бойынша қосымша сұрақтар туындаса, дәрігермен кеңесіңіз.

- әсер етуші затқа немесе препараттың қосымша заттарының кез келгеніне аса жоғары сезімталдық - тромбоцитопения -тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға

Жиі -қозу, ашушаңдық, ұйқысыздық, күйгелектік Жиі емес - цистит - бас айналу - ауыздың құрғауы Сирек - салмақтың артуы - седация Өте сирек - көп формалы эритема, Стивенс-Джонсон синдромы, терінің ауыр реакциясы - құрысулар - гепатит, бауыр ферменттерінің жоғарылауы Тыныштандыратын әсер, ауыздың құрғауы және бас айналу емнің басында пайда болуы мүмкін, бірақ әдетте препаратты қабылдауды жалғастырған кезде өздігінен жоғалады. Қозу, ашушаңдық, ұйқысыздық және күйгелектік сияқты ОЖЖ стимуляция симптомдары, әсіресе балаларда байқалды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: ұйқышылдық, сананың шатасуы, нистагм, бағдардан адасу, тахикардия, ентігу, цианоз, артериялық гипотензия, құрысулар, әсіресе балаларда қозғыштықтың жоғарылауы, брадикардия және тыныс алудың бәсеңдеуі. Емі: препаратты тоқтату, құстыру, асқазанды шаю, белсендірілген көмірді, іш жүргізетін препараттарды тағайындау, симптоматикалық ем. Қозу және құрысулар кезінде қысқа әсер ететін барбитураттарды немесе бензодиазепиндерді енгізу. Диализ тиімсіз.

• Кетотифенді қолдану кезінде жанама әсерлердің (құрысулардың) даму мүмкіндігін ескере отырып, пациенттің жағдайына бақылау жүргізген жөн. Кетотифен құрысуға дайындық шегінің төмендеуіне әкелуі мүмкін екенін ескере отырып, оны анамнезінде эпилепсиясы бар науқастарға тағайындаған кезде сақ болу керек. Арнайы сақтандырулар Препарат таблеткаларының құрамында лактоза моногидраты бар. Галактоза жақпаушылықтың, Lapp (ЛАПП)-лактаза ферментінің немесе глюкоза-галактоза мальабсорбциясының сирек тұқым қуалайтын аурулары бар пациенттерге Кетотифен препаратын тағайындауға болмайды. Егде жастағы пациенттер Егде жастағы пациенттерге жас пациенттермен салыстырғанда әртүрлі дозалар қажет екендігі немесе басқа жанама әсерлер байқалатыны туралы ешқандай дәлел жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Кетотифен препаратын қабылдайтын пациенттер аса назар аудару және психомоторлық жылдам реакциялардың қажеттілігімен байланысты ықтимал қауіпті қызмет түрлерімен айналысудан, көлік құралын басқарудан бас тартқаны жөн, өйткені препарат тыныштандыратын әсер етеді және ұйқышылдықты тудырады.

Кетотифен препаратын жүктілік кезінде және лактация кезеңінде қолдану ұсынылмайды

Кетотифен тыныштандыратын, ұйықтататын, антигистаминдік дәрілер мен алкогольдің әсерін күшейтеді. Пероральді гипогликемиялық препараттармен бір мезгілде қолданғанда тромбоцитопенияның даму ықтималдығы артады. Атропинді, атропин тәрізді әсері бар дәрілерді және кетотифенді бірге қолданғанда несептің іркілуі, іш қату, ауыздың құрғауы сияқты жағымсыз дәрілік реакциялардың пайда болу қаупі артады.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 25 °С-ден аспайтын температурада сақтау керек. Балалардың қолы жетпейтін жерде сақтау керек!