Кетальдек гранулы 25 мг

Түйіршіктері бар бір пакеттің ішінде белсенді зат - 36,90 мг декскетопрофен трометамолы (25 мг декскетопрофенге баламалы), қосымша заттар: аммоний глицирризинаты, неогесперидин дигидрохалконы, хинолинді сары (E 104), сахароза, «Лимон» хош иістендіргіші1, кремний қостотығы. 1 Лимон хош иістендіргіші лимонды эфир майының, табиғиға ұқсас дәмдеуіш заттардың, бутилгидроксианизолдың, мальтодекстриннің және гуммиарабиктің қоспасы болып табылады. Сыртқы түрінің, иісінің, дәмінің сипаттамасы Лимон иісі мен дәмі бар сары түйіршіктер мен ұнтақтар қоспасы.

Жеңіл және орташа қарқындылықтағы ауырсыну симптомдарын қысқа мерзімді емдеу, соның ішінде: • тірек-қимыл аппаратының қатты ауырсынуы; • дисменорея; • тіс ауыруы кезінде

Декскетопрофен пропион қышқылының трометаминді тұзы (S)-(+)-2-(3-бензоилфенил) болып табылады. Бұл қабынуға қарсы стероидты емес дәрілер тобына жататын ауыруды басатын, қабынуға қарсы, ыстықты түсіретін дәрілік препарат болып табылады. Әсер ету механизмі Қабынуға қарсы стероидты емес дәрілердің әсері циклооксигеназа белсенділігін басу арқылы простагландиндер синтезінің әлсіреуіне байланысты болады. Атап айтқанда ҚҚСД арахидон қышқылының PGE1, PGE2, PGF2α, PGD2 мен PGI2 простациклин простагландиндерін, сондай-ақ тромбоксандарды (TxA2 and TxB2) түзетін циклді PGG2және PGH2 эндопероксидтеріне айналуын тежейді. Бұдан бөлек простагландиндер синтезінің бәсеңдеуі тек тікелей ғана емес, олар арқылы қосымша әсермен қамтамасыз етіп, басқа қабыну медиаторларына, мысалы кининдерге әсер етуі мүмкін. Фармакодинамикалық әсері Декскетопрофенның циклооксигеназа-1 және циклооксигеназа-2 белсенділігіне қатысты тежеу әсері зертханалық жануарларда және адамдарда көріністелген. Клиникалық тиімділігі және қауіпсіздігі Клиникалық зерттеулер әртекті ауырсыну түрлерінде декскетопрофенның айқын анальгезиялық белсенділігін көрсетті. Декскетопрофеннің ауыруды басатын әсеріпрепаратты қабылдаудан кейін 30 минут өткен соң басталады және 4-6 сағат бойы жалғасады.

Дозалану режимі Препараттың жағымсыз әсерлерін симптомдарды жоюға қажетті ең қысқа уақыт ішінде ең аз ұсынылған дозаларды қолдану арқылы азайтуға болады. Ересектер Ауырудың сипаты мен қарқындылығына байланысты ұсынылатын дозасы 8 сағаттық аралықпен 25 мг (1 пакет) құрайды. Тәуліктік доза 75 мг-ден аспауы керек. Кетальдек препараты қысқа мерзімдік қолдануға ғана арналған, емдеу симптомдардың болу кезеңімен шектелуі керек. Егде жастағы пациенттер Егде жастағы пациенттерде емді төмен дозадан (тәуліктік доза 50 мг) бастау ұсынылады. Дозаны тек жақсы көтерімді болған жағдайда ғана белгіленген дозаға дейін арттыруға болады. Бауыр жеткіліксіздігі кезінде Жеңіл және орташа ауырлықтағы бауыр функциясының бұзылуымен емдеуді ең төмен дозадан (тәуліктік доза 50 мг) және дәрігердің мұқият бақылауымен бастау керек. Препаратты бауыр функциясының ауыр бұзылуы бар пациенттерге қабылдауға болмайды. Бүйрек функциясы бұзылуы кезінде Бастапқы дозаны бүйрек функциясының әлсіз бұзылулары бар пациенттер үшін (креатинин клиренсі 60-89 мл/мин) 50 мг жалпы тәуліктік дозаға дейін төмендету керек. Кетальдек препаратын бүйрек функциясының орташа және ауыр дәрежедегі (креатинин клиренсі <59 мл/мин) бұзылулары бар пациенттерге қабылдауға болмайды. Балалар Балалар мен жасөспірімдерде декскетопрофеннің қауіпсіздігі мен тиімділігі анықталмаған. Осыған байланысты препаратты пациенттердің осы тобында қолдануға болмайды. Қолдану тәсілі Бір пакеттің ішіндегісінің барлығын бір стақан суда ерітіңіз, дұрыс араласу үшін жақсылап араластырыңыз. Бұл ерітіндіні дайындалған соң дереу қабылдау керек. Тамақпен бірге қабылдау препараттың сіңуін баяулатады, сондықтан жедел ауыруларда препаратты асқа дейін кем дегенде 15 минут бұрын қабылдау ұсынылады. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Бүкіл қосымша парақты мұқият оқып шығыңыз. Егер Сізге дәрілік препаратты қолдану тәсілі түсініксіз болса, медицина қызметкерінің кеңесіне жүгінуді ұсынамыз.

• әсер етуші затқа, кез келген басқа да ҚҚСД немесе аталған дәрілік препараттың қосымша компоненттеріне аса жоғары сезімталдықта; • егер әсер етуі ұқсас заттар (мысалы, ацетилсалицил қышқылы және басқа да ҚҚСД) демікпе ұстамасына, бронх түйілуіне, жедел риниттің дамуына түрткі болса немесе мұрын полиптерінің дамуын, есекжемнің пайда болуын немесе ангионевроздық ісінуді туындатса; • егер кетопрофенмен немесе фибраттармен емдеу кезінде белгілі фотоаллергиялық немесе фотоуытты реакциялар дамыған болса; • анамнезінде алдыңғы ҚҚСД емдеумен байланысты асқазан-ішекте қан кетулер немесе тесілу бар болса; • белсенді фазадағы пептидтік ойық жарасы/асқазан-ішекте қан кетуі немесе анамнезде асқазан-ішекте қан кетуі, ойық жаралану немесе тесілуі бар пациенттерге; • созылмалы диспепсия; • белсенді фазадағы басқа да қан кетуде немесе жоғары қанағыштықта; • Крон ауруында немесе спецификалық емес ойық жаралы колитте; • жүректің ауыр жеткіліксіздігінде; • бүйрек функциясының орташа немесе ауыр дәрежедегі бұзылуында (креатинин клиренсі<59 мл/мин); • бауыр функциясының ауыр бұзылуында(Чайлд-Пью шкаласы бойынша 10-15 балл); • геморрагиялық диатезде және қан ұюының басқа да бұзылуларында; • айқын дегидратацияда (құсудың, диареяның немесе сұйықтықты жеткіліксіз қабылдаудың нәтижесінде); • жүктіліктің үшінші триместрінде және лактация кезеңінде; • 18 жасқа дейінгі балалар мен жасөспірімдік кезең.

Жиі - жүрек айну және/немесе құсу, асқазанның ауыруы, диарея, диспепсия Жиі емес - ұйқысыздық, мазасыздық - бас ауыруы, бас айналуы, ұйқышылдық - бас айналу (вертиго) - пальпитация - қан кернеулері - гастрит, іш қату, ауыздың құрғауы, метеоризм - бөртпе - қажу, ауыру, астения, бұлшықеттер сіресуі, нашар хал-ахуал Сирек - тамақтың ісінуі - анорексия - парестезиялар, естен тану - гипертензия - брадипноэ - ойық жара ауруы, қан кету немесе тесілу - бауыр жасушаларының зақымдануы - есекжем, акне, қатты терлеу - арқаның ауыруы - полиурия - бүйректің жедел жеткіліксіздігі - етеккір айналымының бұзылуы, қуық асты безі функциясының бұзылуы - шеткері ісіну - бауыр сынамаларындағы ауытқулар Өте сирек - нейтропения, тромбоцитопения - анафилаксиялық реакциялар, оның ішінде анафилаксиялық шок - бұлыңғыр көру (анық көрмеу) - құлақтағы шуыл, шыңыл - тахикардия - артериялық гипотензия -бронх түйілуі, диспноэ -панкреатит - Стивенс-Джонсон синдромы, уытты эпидермалық некролиз (Лайелл синдромы), ангионевроздық ісінуі, беттің ісінуі, фотосенсибилизация реакциясы, қышыну - нефрит немесе нефроздық синдром Белгісіз - Коунис синдромы деп аталатын әлеуетті қауіпті аллергиялық реакцияның белгісі болуы мүмкін кеуде ауыруы - орныққан дәрілік бөртпе Орныққан дәрілік бөртпе ретінде белгілі терінің аллергиялық реакциясы, ол терінің дөңгелек немесе сопақша пішінді қызаруы мен ісінуін, сулы бөртпелердің пайда болуын және қышуды қамтуы мүмкін. Сондай-ақ, зақымдалған жерлерде терінің қарайғаны байқалуы мүмкін және бұл белгі жазылғаннан кейін де сақталуы ықтимал. Орныққан дәрілік бөртпе, әдетте, дәріні қайта қолданған кезде дәл сол орында (немесе орындарда) қайта пайда болады. Ас қорыту жолы тарапынан жағымсыз реакциялар бәрінен жиірек байқалады. Осылайша, әсіресе, егде жастағы пациенттерде кейде өліммен аяқталатын асқазан-ішектің пептидті ойық жарасы, тесілуі немесе қан кетуі дамуы мүмкін. Қолда бар деректер бойынша препаратты қолдану аясында жүрек айну, құсу, диарея, метеоризм, іш қату, диспепсия құбылыстары, іштің ауыруы, мелена, қан аралас құсу, ойық жаралы стоматит, колиттің және Крон ауруыныңөршуі пайда болуы мүмкін. Гастрит сирек байқалады. ҚҚСП емдеуі аясында ісінулер, артериялық гипертония және жүрек жеткіліксіздігі туралы да мәлімделді. Басқа ҚҚСП жағдайындағы сияқты, келесі жағымсыз реакциялар болуы мүмкін: негізінен жүйелі қызыл жегімен немесе аралас коллагеноздармен науқастарда туындайтын асептикалық менингит және қан тарапынан реакциялар (пурпура, гипоплазиялық және гемолиздік анемия, сирек - агранулоцитоз және сүйек кемігінің гипоплазиясы). Буллезді реакциялар, оның ішінде Стивенс-Джонсон синдромы және уытты эпидермалық некролиз (өте сирек) болуы мүмкін. Кейбір ҚҚСП, әсіресе, жоғары дозаларда және ұзақ уақыт бойы қолдану артериялар тромбозы (мысалы, миокард инфарктісі немесе инсульт) туындататын патологияның даму қаупінің сәл артуымен қатар жүруі мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РММ http://www.ndda.kz.

Артық дозалану симптоматикасы белгісіз. Осыған ұқсас дәрілік препараттар асқазан-ішек жолы (құсу, анорексия, іштің ауырулары) және жүйке жүйесі (ұйқышылдық, бас айналу, бағдардан адасу, бас ауырулары) бұзылуларды тудырады. Кездейсоқ немесе артық дозаланғанда шұғыл түрде пациенттің жағдайына байланысты симптоматикалық емді дереу бастау керек. 5 мг/кг-ден артық қабылдаған ересектерге немесе балаларға бір сағаттың ішінде ішке қабылдауға белсенділендірілген көмір беру қажет. Декскетопрофен организмнен диализдің көмегімен шығарылады.

Арнайы сақтандырулар Декскетопрофенді қолданғанда осы препаратқа тыныс алудың қиындауы, бет пен мойынның ісінуі (ангионевроздық ісіну), кеуде ауыруы сияқты аллергиялық реакция белгілері байқалды. Егер осы белгілердің кез келгенін байқасаңыз, Кетальдек препаратын қабылдауды дереу тоқтатып, дереу дәрігеріңізге немесе жедел медициналық көмек қызметіне жүгініңіз. Анамнезінде аллергиялық реакциялары бар пациенттерде сақтықпен қолдану керек. Кетальдек препаратын басқа ҚҚСД, оның ішінде циклооксигеназа-2 селективті тежегіштерімен біріктіріп қолданудан аулақ болу керек. Жағымсыз әсерлерін жағдайды жақсарту үшін қажетті ең аз уақыт ішінде ең төмен тиімді дозасын қолдану арқылы азайтуға болады. Асқазан-ішек жолы тарапынан бұзылулар Асқазан-ішекте қан кету, ойық жараның түзілуі немесе тесілуі кейбір жағдайларда өліммен аяқталуы, барлық ҚҚСД үшін емдеудің әртүрлі сатысында хабаршы-симптомдардың бар болуына немесе анамнезінде АІЖ тарапынан күрделі патологияның болуына байланыссыз байқалды. Кетальдек препаратын қолдану аясында асқазан-ішекте қан кету дамығанда немесе асқазан-ішекте ойық жара түзілгенде, оны тоқтату керек. Анамнезінде әсіресе қан кетумен немесе тесілумен асқынған, ойық жарасы бар пациенттерде, сондай ақ егде жастағы пациенттерде ҚҚСД дозасын жоғарылатумен асқазан-ішекте қан кету, ойық жараның түзілу немесе тесілу қаупі артады. Егде жастағы пациенттер: егде жастағы пациенттерде, әсіресе асқазан-ішекте қан кету, ойық жараның тесілуі секілді өлімге әкелуі мүмкін қабынуға қарсы стероидты препараттардың жағымсыз әсерлерінің пайда болу жиілігі жоғары. Осы пациенттерді емдеуді мүмкіндігінше ең төмен дозадан бастау керек. Декскетопрофенмен емдеуді бастамас бұрын және анамнезінде эзофагит, гастрит және/немесе ойық жара бар болса, басқа ҚҚСД жағдайларындағыдай, осы аурулардың толық ремиссия сатысында екеніне көз жеткізу керек. Анамнезінде асқазан-ішек аурулары бар және АІЖ патологиясы симптомдары бар пациенттерде асқорыту жолдары тарапынан бұзылыстардың, әсіресе асқазан-ішекте қан кетудің болуына бақылау жүргізу керек. ҚҚСД анамнезінде асқазан-ішек аурулары (спецификалық емес ойық жаралы колит, Крон ауруы) бар пациенттерге сақтықпен тағайындау керек, өйткені аталған аурулардың асқыну қаупі бар. Осы пациенттер үшін, сондай-ақ төмен дозада ацетилсалицил қышқылымен немесе асқазан-ішек жолы тарапынан бұзылыстардың пайда болу қаупін жоғарылататын басқа препараттармен қатар емдеуді қажет ететін пациенттер үшін протектор-препараттармен, мысалы, мизопростол немесе протонды сорғы тежегіштерімен біріктірілген емді қолдану мүмкіндігін қарастыру керек. Пациенттер, әсіресе анамнезінде АІЖ тарапынан жағымсыз әсерлер орын алған егде жастағылар, асқорыту жүйесімен байланысты (оның ішінде асқазан-ішекте қан кетулер туралы) әсіресе емнің бастапқы кезеңдерінде болған барлық әдеттен тыс симптомдар туралы хабарлауы тиіс. Препаратты ойық жара немесе қан кетудің пайда болу қаупін жоғарылатуы мүмкін дәрілермен: ішілетін кортикостероидтар, антикоагулянттар (мысалы, варфарин), серотонинді кері қармаудың селективті тежегіштері немесе мысалы, ацетилсалицил қышқылы секілді антиагреганттармен бір мезгілде қабылдайтын пациенттерге сақтықпен тағайындау керек. Бүйрек тарапынан бұзылулар Бүйрек функциясы бұзылған пациенттерге сақтықпен тағайындау керек, өйткені ҚҚСД қабылдау аясында бүйрек функциясы нашарлауы, организмде сұйықтықтың іркілуі және ісінулер болуы мүмкін. Нефроуыттылық қаупінің жоғарылауына байланысты препаратты диуретиктермен емдеген кезде, сондай-ақ, гиповолемия дамуы мүмкін пациенттерге сақтықпен тағайындау керек. Бүйрекке уытты әсерін күшейтуге әкелуі мүмкін сусыздануды болдырмау үшін емдеу уақытында организм сұйықтықты жеткілікті мөлшерде қабылдауы қажет. Барлық ҚҚСД сияқты, препарат қан плазмасындағы мочевина азоты мен креатининнің концентрациясын арттыруға қабілетті. Простагландиндер синтезінің басқа тежегіштері тәрізді оны қолдану, гломерулонефритке, интерстициялық нефритке, папиллярлы некрозға, нефроздық синдромға және бүйректің жедел жеткіліксіздігіне апаратын бүйрек тарапынан жағымсыз әсерлердің болуымен қатар жүруі мүмкін. Егде жастағы пациенттер бүйрек функциясының бұзылуына көбірек бейім келеді. Бауыр тарапынан бұзылулар Бауыр функциясы бұзылған пациенттерге препаратты сақтықпен тағайындау керек. Басқа да ҚҚСД секілді, препарат бауыр функциясының кейбір көрсеткіштерінің уақытша және болмашы жоғарылауын, сондай-ақ АСТ және АЛТ белсенділігінің айқын жоғарылауын туындатуы мүмкін. Аталған көрсеткіштердің сәйкесінше жоғарылауында емді тоқтату керек. Егде жастағы пациенттер бауыр функциясының бұзылуына көбірек бейім келеді. Жүрек-қантамырлар жүйесі және ми қанайналымы тарапынан бұзылулар Анамнезінде артериялық гипертензиясы және/немесе жеңілден орташа ауырлық дәрежесіне дейінгі жүрек жеткіліксіздігі бар пациенттерге тиісті бақылау және ұсынымдар қажет. Анамнезінде жүрек аурулары бар, атап айтқанда алдында жүрек жеткіліксіздігінің көріністері болған ауруларды емдегенде ерекше сақтық керек, өйткені ҚҚСД емдеу жүрек жеткіліксіздігінің даму қаупін жоғарылатады; ҚҚСД қабылдаумен байланысты сұйықтықтың кідіру жағдайлары және ісінулер туралы сипатталған. Клиникалық зерттеулердің нәтижелеріне және эпидемиологиялық деректерге сәйкес, ҚҚСД әсіресе жоғары дозаларда және ұзақ уақыт бойы қолдану артериялық тромбоздар қаупінің біршама жоғарылауымен (мысалы, миокард инфарктісі немесе инсульт) қатар жүруі мүмкін. Декскетопрофенді қолдану кезінде мұндай қауіпті жоққа шығару үшін деректер жеткіліксіз. Демек, бақыланбайтын артериялық гипертензияда, жүректің іркілісті жеткіліксіздігінде, жүректің ишемиялық ауруында, шеткері артериялар және/немесе ми қантамырлары ауруларында декскетопрофенді тек пациенттің жағдайын мұқият бағалағаннан кейін ғана тағайындау керек. Осындай сұрақтарды жүрек-қантамыр ауруларының қауіп факторлары бар (мысалы, артериялық гипертензия, гиперлипидемия, қант диабеті, шылым шегу) пациенттерді ұзақ емдеуді бастардың алдында шешу қажет. Селективті емес ҚҚСД тромбоциттер агрегациясын әлсіретуге және простагландиндер синтезін басу есебінен қан кету уақытын ұзартуға қабілетті. Сондықтан, декскетопрофенді гемостазға ықпал ететін, мысалы, варфарин немесе басқа да кумариндер немесе гепариндер сияқты препараттарды қабылдайтын пациенттерге тағайындау ұсынылмайды. Егде жастағы пациенттер жүрек-қантамыр жүйесі функциясының бұзылуына көбірек бейім келеді. Тері реакциялары ҚҚСД қабылдаумен байланысты ауыр тері реакцияларының өте сирек жағдайлары, кейде өліммен аяқталатын, мысалы, эксфолиативті дерматит, Стивенс-Джонсон синдромы және уытты эпидермалық некролиз ҚҚСД белгілі. Уытты тері реакцияларының ең жоғарғы даму қаупі емнің бастапқы кезеңінде болатыны байқалады, өйткені тері реакциялары көп жағдайда емдеудің алғашқы айында дамиды. Тері бөртпесінің алғашқы белгілерінде, шырышты қабықтың зақымдануында немесе аса жоғары сезімталдықтың басқа да симптомдарында Кетальдек препаратын тоқтату керек. Басқа да ақпараттар Препаратты келесі пациенттерге тағайындағанда ерекше сақ болу қажет: - порфирин метаболизмінің туа біткен бұзылуы бар (мысалы, ұстамалы жедел порфирия); - сусызданған; - тікелей ірі хирургиялық араласулардан кейін. Егер дәрігер декскетопрофенді ұзақ уақыт қабылдау қажет деп есептесе, бауыр және бүйрек функциясын тұрақты түрде бақылау керек. Өте сирек жағдайларда аса жоғары сезімталдықтың ауыр түрдегі жедел реакциялары (мысалы, анафилаксиялық шок) байқалды. Аса жоғары сезімталдықтың ауыр реакцияларының алғашқы белгілері кезінде Кетальдек препаратын қабылдауды тоқтату қажет және симптомдарына байланысты қажетті емдеу шараларын қабылдау үшін дәрігерге қаралу керек. Созылмалы ринитпен, созылмалы синуситпен және/немесе мұрын полиптерімен біріккен демікпеден зардап шегуші пациенттер басқа тұрғындарға қарағанда ацетисалицил қышқылына және/немесе ҚҚСД аллергияның неғұрлым жоғары қаупіне бейім. Бұл дәрілік затты енгізу әсіресе ацетисалицил қышқылына немесе ҚҚСД аллергиясы бар пациенттерде демікпе немесе бронх түйілуі ұстамаларын тудыруы мүмкін. Ерекше жағдайларда желшешек аясында тері мен жұмсақ тіндер тарапынан ауыр инфекциялық асқынулар дамуы мүмкін. ҚҚСД-ның осыған ұқсас инфекциялық асқынулардың дамуымен өзара байланысты болу ықтималдығын қазіргі күні толықтай жоққа шығару мүмкін емес. Сондықтан желшешек кезінде Кетальдек препаратын қабылдаудан аулақ болған жөн. Кетальдек препараты қан түзілудің бұзылуларында, жүйелі қызыл жегіде немесе дәнекер тіндердің аралас ауруларында сақтықпен қолдану қажет. Басқа да ҚҚСД ұқсас, декскетопрофеннің инфекциялық аурулардың симптомдарын бүркемелеу қабілеті бар. Бұл препараттың құрамында сахароза бар. Осыған байланысты оны фруктоза көтере алмаушылығы, глюкоза-галактоза мальабсорбциясы синдромы немесе сахараза-изомальтаза тапшылығы сияқты тұқым қуалайтын аурулары бар пациенттерге қолдануға болмайды. Мұны қант диабеті бар пациенттерде ескеру керек. Педиатриялық бейіндегі пациенттер Балаларда және жасөспірімдерде препаратты қолдану қауіпсіздігі анықталмаған. Жүктілік Простагландиндер синтезін басу жүктілікке және/немесе эмбрион мен шарананың дамуына теріс әсер етуі мүмкін. Эпидемиологиялық бақылаулардың нәтижелеріне сәйкес, жүктіліктің ерте кезеңдерінде простагландиндердің синтезін басатын препараттарды қолдану түсік тастау, шаранада жүрек ақауының пайда болу және құрсақтың алдыңғы қабырғасының бітпеуі қаупін арттырады. Сонымен, жүрек-қантамыр жүйесі ауытқуларының дамуының абсолютті қаупі < 1% - дан шамамен 1,5% - ға дейін өсті. Дозаның жоғарылауымен және емнің ұзақтығымен қауіп артады деп саналады. Жүктіліктің 20-шы аптасынан бастап декскетопрофенді қолдану шарананың бүйрек функциясының бұзылуы нәтижесінде олигогидрамниозды тудыруы мүмкін. Бұл емдеу басталғаннан кейін көп ұзамай пайда болуы мүмкін және олигогидрамниоз жойылғаннан кейін, бұл әдетте қайтымды болады. Сонымен қатар, екінші триместрде қабылданған емді тоқтатқаннан кейін артериялық түтіктің тарылуы туралы хабарламалар болды, бірақ емделгеннен кейін көпшілігі қалпына келді. Сондықтан, жүктіліктің бірінші және екінші триместрінде декскетопрофенді тағайындауды тек аса қажеттілік болғанда жүргізу тиіс. Жүктілікті жоспарлап жүрген әйел немесе жүктіліктің бірінші немесе екінші триместрінде декскетопрофенді тағайындағанда қысқа емдеу ұзақтығы кезінде ең аз дозаны таңдау керек. Декскетопрофенді жүктіліктің 20-шы аптасынан бастап бірнеше күн бойы қолданғаннан кейін олигогидрамниоздың антенатальді мониторингісі және артериялық түтіктің тарылуы туралы мәселені қарау керек. Егер олигогидрамниоз немесе артериялық түтіктің тарылуы анықталса, декскетопрофенді қабылдауды тоқтату керек. Жүктіліктің үшінші триместрінде простагландиндер синтезі тежегіштерін қолдану аясында ұрықта келесі ауытқулар болуы мүмкін: - жүрек-өкпе уыттылығының көріністері (артериялық түтіктің мерзімінен бұрын тарылуы/жабылуы және өкпе артериясы жүйесіндегі гипертензия); - бүйрек дисфункциясы; Жүктіліктің соңында анада және жаңа туған нәрестеде келесі құбылыстар мүмкін: - қан кету уақытының ұлғаюы-тромбоциттер агрегациясының тежелу әсері, тіпті препаратты өте төмен дозаларда қолданғанда да мүмкін; - босанудың кешеуілдеуіне немесе созылуына әкелетін жатырдың жиырылу белсенділігінің бәсеңдеуі. Бала емізу Декскетопрофеннің ана сүтіне енуі туралы деректер жоқ. Кетальдек бала емізу кезеңінде қолдануға қарсы көрсетілімді. Фертильділік Басқа да ҚҚСП сияқты, декскетопрофен әйелдерде бала туу функциясына теріс ықпалын тигізуі мүмкін; сондықтан препарат жүктілікті жоспарлап жүрген әйелдерге ұсынылмайды. Бала көтеру қабілетінің кінәраттары бар немесе бедеулік бойынша тексеруден өтіп жүрген әйелдерде декскетопрофенді тоқтату мүмкіндігін қарастыру керек. Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері Түйіршік түріндегі Кетальдек препараты есеңгіреу сезімі, көрудің бұзылуы немесе ұйқышылдық сияқты жағымсыз әсерлерді туғызуға қабілетті. Мұндай жағдайларда жылдам реакция білдіру, жол жағдайында бағдарлау және механизмдерге қызмет көрсету қабілетінің төмендеуі мүмкін.

Нұсқаулықта көрсетілмеген.

Ұсынылмайтын біріктірілімдер: • Циклогеназа-2 селективті тежегіштерін және жоғары дозалардағы (3 г/тәулігіне) салицилаттарды қоса, басқада ҚҚСД: бірнеше ҚҚСД бірге қолданғанда осы препараттардың өзара әрекеттесуінің күшеюі салдарынан ойық жара және асқазан-ішекте қан кетудің даму қаупі жоғарылайды. • Антикоагулянттар: ҚҚСД антикоагулянттардың, мысалы, варфариннің әсерін декскетопрофеннің плазма ақуыздарымен жоғары дәрежеде байланысуы салдарынан, сондай-ақ тромбоциттер функциясының басылуын және асқазан мен он екі елі ішектің шырышының зақымдануын күшейтеді. Егер бірге қабылдау қажет болса, онда ол дәрігердің мұқият қадағалауымен және зертханалық көрсеткіштерді бақылаумен жүргізілуі керек. • Гепариндер: қан кету қаупі жоғарылайды (тромбоциттер функциясының басылуы және асқазан мен он екі елі ішектің шырышының зақымдануына байланысты). Егер бірге қабылдау қажет болса онда дәрігердің мұқият қадағалауымен және зертханалық көрсеткіштерді бақылаумен жүргізілуі керек. • Кортикостероидтар: ойық жараның дамуы және асқазан-ішекте қан кету қаупі артады. • Литий (бірнеше ҚҚСД-ға қатысты сипатталған): ҚҚСД қандағы литийдің концентрациясын жоғарылатады, бұл уыттануға алып келуі мүмкін (бүйрекпен литийдің шығарылуы төмендейді). Сондықтан декскетопрофенді қабылдаудың басында, дозасын түзету кезінде және препаратты тоқтатқанда литийдің концентрациясын бақылау қажет. • Метотрексат аптасына 15 мг немесе одан асатын жоғары дозаларда: қабынуға қарсы дәрілерді қабылдау аясында метотрексаттың бүйректік клиренсінің төмендеуі есебінен жалпы алғанда оның қан жүйесіне зиянды әсері күшейеді. • Гидантоин туындылары және сульфонамидтер:осы заттардың уыттылық қасиеттері күшеюі мүмкін. Келесі дәрілерді сақтықпен қабылдау ұсынылады: • Диуретиктер, АӨФ тежегіштері, антибиотиктер-аминогликозидтер, және ангиотензин II рецепторлары антагонистері: декскетопрофен диуретиктердің және гипертензияға қарсы дәрілердің әсерін әлсіретуі мүмкін. Бүйрек функциясы бұзылған кейбір пациенттерде (мысалы, сусызданған кезде немесе бүйрек функциясы бұзылған егде жастағы пациенттерде) циклооксигеназаға бәсеңдететін әсер беретін дәрілерді АӨФ тежегіштерімен, ангиотензин II рецепторлары антагонистерімен немесе антибиотик-аминогликозидтермен бірге қабылдау оның жай-күйін ушықтыруы мүмкін, бұл әдетте қайтымды сипатқа ие. Декскетопрофенді диуретикпен бір мезгілде тағайындағанда пациенттің жеткілікті түрде сұйықтық қабылдап жатқанына сенімді болу өте қажет, сондай-ақ емнің басында және кейіннен мезгіл-мезгіл бүйрек функциясын бақылау керек. Кетальдек препаратын және калий жинақтайтын диуретиктерді бірге енгізу гиперкалиемияға алып келуі мүмкін. Қандағы калий концентрациясын тұрақты түрде бақылау қажет. • Төмен дозалардағы метотрексат, аптасына 15 мг-ден төмен: метотрексаттың бүйректік клиренсінің төмендеуі есебінен қабынуға қарсы дәрілерді қабылдау аясында оның жалпы қан жүйесіне уытты әсері күшейеді. Бірге қолданудың алғашқы апталарында апта сайын қан талдауын жасау қажет.Тіпті бүйрек функциясының елеусіз бұзылуы болса да, сондай-ақ егде жастағы пациенттерге емдеуді дәрігердің қатаң қадағалауымен жүргізу керек. • Пентоксифиллин: қан кету қаупі артады. Бақылауды күшейту қажет, және қан кету уақыты сияқты көрсеткішті жиі тексеріп тұру керек. • Зидовудин: ретикулоциттерге ықпал етуі есебінен, эритроциттерге уытты әсерінің күшею қаупі бар, бұл ҚҚСД қабылдаудың алғашқы аптасынан кейін ауыр анемияға әкеліп соғады. ҚҚСД қабылдауды бастағаннан кейінгі бір-екі аптаның ішінде қанға толық талдау жүргізу және ретикулоциттердің мөлшерін тексеру керек. • Сульфонилмочевина препараттары: ҚҚСД сульфонилмочевинаның гипогликемиялық әсерін оларды плазманың ақуыздары мен қосылысында орын алмастыру есебінен күшейтуге қабілетті. Келесі біріктірілімдерге назар аудару қажет: • Бета-блокаторлар: ҚҚСД простагландиндер синтезін басу есебінен олардың гипотензиялық әсерін әлсір етуге қабілетті. • Циклоспорин және такролимус: ҚҚСД бүйректік простагландиндерге әсер етуі есебінен нефроуыттылығы күшеюі мүмкін. Біріктірілген ем кезінде бүйрек функциясын бақылау керек. • Тромболитикалық дәрілер: қан кету қаупі артады. • Антиагреганттар және серотонинді кері қармаудың селективті тежегіштері (СКҚІТ): асқазан-ішекте қан кету қаупі артады. • Пробенецид: плазмада декскетопрофеннің концентрациясы жоғарылауы мүмкін, бұл өзекшелік сөліністің басылуы мен және препараттың глюкурон қышқылы мен конъюгациялануымен байланысты болуы мүмкін; сонымен бірге декскетопрофен дозасын түзетуді қажет етеді. • Жүрек гликозидтері: ҚҚСД плазмада гликозидтердің концентрациясын арттыруға қабілетті. • Мифепристон: простагландин синтетаза тежегіштерінің әсерінен мифепристон тиімділігінің теориялық тұрғыдан өзгеру қаупі бар. • Шектеулі айғақтар ҚҚСД бір күнде простагландинмен бірге енгізу, мифепристонның немесе простагландиннің жатырмойнының жетілуіне немесе жатырдың жиырылғыштығына әсеріне жағымсыз әсер етпейді, және дәрі-дәрмектік абортқа арналған дәрілердің клиникалық тиімділігін төмендетпейді деп болжауға мүмкіндік береді. • Хинолонды қатардың антибиотиктері: жануарларға зерттеулердің нәтижелері ҚҚСД-мен бірге жоғары дозаларда хинолон туындыларын қолдану құрысулардың даму қаупін арттыратынын көрсетті. • Тенофовир: ҚҚСД-мен бірге қабылдау кезінде қан плазмасында мочевина азотының және креатининнің концентрациясы артуы мүмкін - сондықтан, осы дәрілік заттарды бірлесіп қолданудың ықтимал әсерін бағалау үшін бүйрек функциясын бақылау қажет. • Деферасирокс: ҚҚСД-мен бірге қабылдау кезінде асқазан-ішек жолына уытты әсер ету қаупі артуы мүмкін. Осы препаратты деферасирокспен бірге қолданғанда, пациентті мұқият бақылау қажет. • Пеметрексед: ҚҚСД-мен бірге қабылдау кезінде пеметрекседтің шығарылуын азайтуға болады; сондықтан ҚҚСД жоғары дозада қолдану кезінде ерекше назар аудару керек. Жеңіл және орташа дәрежелі бүйрек жеткіліксіздігі бар пациенттерде (креатинин клиренсі минутына 45-тен 79 мл-ге дейін) пеметрекседті қабылдағанға дейін екі күн және қабылдағаннан кейін екі күн бойы пеметрекседті және ҚҚСД-ді бір мезгілде қабылдаудан аулақ болу керек.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде 25ºС-ден аспайтын температурада сақтау керек. Балалардың қолы жетпейтін жерде сақтау керек!