Катаксол капли 0,015%

1 мл препараттың құрамында: белсенді зат - 0.15 мг натрий азапентацен полисульфонаты, қосымша заттар: бор қышқылы, динатрий тетраборат декагидраты, калий хлориді, тиомерсал, метилпарагидроксибензоат, пропилпарагидроксибензоат, натрий гидроксиді, инъекцияға арналған су. Сыртқы түрінің, иісінің, дәмінің сипаттамасы Қою қызыл түсті мөлдір ерітінді.

- қарттық катаракта - жарақаттық катаракта - туа біткен катаракта - салдарлы катаракта.

Катаракта патогенезінің «хиноид теориясына» сәйкес, көз бұршағында болатын еритін ақуыздардың сульфгидрил топтары (SH-топтары) триптофан және тирозин сияқты хош иісті амин қышқылдарының бұзылған метаболизмі нәтижесінде пайда болатын хиноидты қосылыстардың әсерінен ыдырайды және тотығады. Катаксолдың құрамына кіретін белсенді зат - натрий азапентацен полисульфонаты көз бұршағында болатын еритін ақуыздардың сульфгидрил топтарына ұқсастығы жоғары және олардың хиноидты қосылыстармен өзара әрекеттесуіне жол бермейді. Сондай-ақ, дәрілік препараттың көздің алдыңғы камерасы сулы сұйықтығындағы протеолитикалық ферменттерді белсендіретіні анықталды. Препарат катарактаның дамуына жол бермейді және көз бұршағының дегенерация процесін баяулатуы мүмкін деп болжанады. Егеуқұйрықтарға жүргізілген зерттеулерде дәрілік затты көзге тамызатын дәрі түрінде қолданған кезде жануарларда галактозалық катарактаның (оның ішінде ядролық катаракта) даму процесі баяулағаны анықталды.

Дозалау режимі Ұсынылған доза тәулігіне 3-5 рет зақымданған көздің конъюнктивалық қабына 2 тамшы ерітіндіні құрайды. Катаксолды жергілікті қолдануға арналған басқа офтальмологиялық препараттармен біріктіріп пайдалану қажет болған жағдайда инстилляциялар арасындағы аралық кезекті тамызулар арасында 10-нан 15 минутқа дейін болуы керек. Көз жақпамайларын ең соңында пайдаланған жөн. Пациенттердің ерекше топтары Бауыр және бүйрек жеткіліксіздігі бар пациенттер Бүйрек және бауыр жеткіліксіздігі бар пациенттерде Катаксол көзге тамызатын дәрісін қолданғанда дозаны түзету талап етілмейді. Енгізу әдісі мен жолы Препарат офтальмологияда тек жергілікті қолдануға арналған. Құты мен тамшылатқыш ішіндегісінің микроорганизмдермен контаминациясын болдырмау үшін тамшылатқыш ұштығының көзге және қоршаған тіндерге, сондай-ақ басқа беткейлермен жанасуын болдырмау керек. Препараттың жүйелік сіңірілуін төмендету және жүйелік әсерінің даму қаупін азайту мақсатында ерітіндіні тамызғаннан кейін қабақты жауып, көздің ішкі бұрышындағы көз жасы қалтасын саусақпен басу ұсынылады. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Дәрілік препаратты қолдану бойынша сұрақтар туындаған жағдайда дәрігермен немесе фармацевтпен кеңесу керек.

- белсенді затқа немесе препараттың қосымша заттарының кез келгеніне аса жоғары сезімталдық - 18 жасқа дейінгі балалар мен жасөспірімдер

Осы жағымсыз реакциялардың туындау жиілігін қолда бар деректер бойынша бағалау мүмкін емес. Көру мүшесі тарапынан: - көру айқындығының бұзылуы, көздің ауыруы, көздің тітіркенуі, көзден жас ағудың күшеюі, көздің гиперемиясы. Катаксол құрамында қосымша заттар (тиомерсал, метилпарагидроксибензоат және пропилпарагидроксибензоат) бар, олар - аллергиялық реакциялардың дамуын туындатуы мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратты жергілікті қолданғанда артық дозалану жағдайында екі көзді (көзді) жылы сумен шаю керек.

Жанаспалы линзалар пайдаланатын пациенттер препаратты қолданар алдында жанаспалы линзаларды көзден алу керек және инстилляциядан кейін оларды киер алдында кемінде 15 минут күту керек. Арнайы ескертулер Катаксол ұзақ мерзімді емге арналған, жай-күйі тез жақсарған жағдайда да емдеуді тоқтатпау ұсынылады. Қосымша заттар Катаксол құрамында метилпарагидроксибензоат және пропилпарагидроксибензоат бар, олардың әрқайсысы аллергиялық реакцияларды, оның ішінде кешеуілдегендерін тудыруы мүмкін. Катаксол құрамында аллергиялық реакциялар тудыруы мүмкін тиомерсал бар. Катаксол құрамында 1 мл ерітіндіде 6,3 мг бор қышқылы болады, бұл 1,1 мг борға сәйкес келеді.

Жүктілік кезінде әйелдерге азапентаценді көзге тамызатын дәрі түрінде қолдану туралы деректер жоқ немесе шектеулі. Дәрілік затты көзге тамызатын дәрі түрінде қолданған кезде азапентацен немесе оның метаболиттері емшек сүтімен бөлінетін-бөлінбейтіні белгісіз. Емшектегі балаға ықтимал қаупін жоққа шығаруға болмайды. Жүктілік және лактация кезеңінде әйелдерде Катаксолды қолдану бойынша бақыланатын клиникалық зерттеулер жүргізілген жоқ, сондықтан препаратты пациенттердің осы санатында пайдаланған кезде сақ болу керек. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Катаксол автокөлікті жүргізу және механизмдерді басқару қабілетіне әсер етпейді немесе елеусіз ғана әсер етеді. Препаратты қолданған кезде көру айқындығының уақытша бұзылуы немесе автокөлік жүргізу мен механизмдерді басқару қабілетіне әсер етуі ықтимал басқа да көру бұзылыстары туындауы мүмкін; мұндай жағдайларда пациенттер көру толық қалпына келгенше автокөлік жүргізбеуі және механизмдерді басқармауы керек.

Дәрілік өзара әрекеттесуіне зерттеу жүргізілмеген.

Сақтау мерзімі 3 жыл. Құтыны ашқаннан кейін препаратты 28 күн ішінде пайдалану керек. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!