Кандесартан-Гетц Фарма таблетки 8 мг

Бір таблетканың құрамында белсенді зат - 8 мг, 16 мг кандесартан цилексетилі, қосымша заттар (8 мг дозасы): лактоза моногидраты (лактоза регулар), фармакоат 606 (НРМС), полисорбат 80, кальций карбоксиметилцеллюлозасы, магний стеараты, темірдің сары тотығы (Е172) қосымша заттар (16 мг дозасы): лактоза моногидраты (лактоза регулар), фармакоат 606 (НРМС), полисорбат 80, кальций карбоксиметилцеллюлозасы, магний стеараты. Сыртқы түрінің иісінің, дәмінің сипаттамасы Сарғыш түсті, шаршы пішінді және жиектері доғал, екі беті дөңес, бір жағында сызығы бар және екінші жағы тегіс таблеткалар (8 мг дозасы үшін). Ақ түсті, шаршы пішінді және жиектері доғал, екі беті дөңес, бір жағында сызығы бар және екінші жағы тегіс таблеткалар (16 мг дозасы үшін).

• ересектердегі эссенциальді артериялық гипертензия • 6 жастан 18 жасқа дейінгі балалар мен жасөспірімдерде артериялық гипертензияны емдеу • жүрек жеткіліксіздігі және сол жақ қарыншаның систолалық функциясының бұзылуы бар ересек пациенттерді емдеу (сол жақ қарыншаның лықсу фракциясы < 40%): • ангиотензин-өзгертуші фермент (АӨФ) тежегіштері тобының дәрілік заттары жақпаған кезде немесе • оңтайлы ем жүргізілуіне қарамастан, жүрек жеткіліксіздігі симптомдары бар пациенттерде минералокортикоидты рецепторлардың антагонистерін көтере алмау жағдайында АӨФ тежегіштері тобының дәрілік заттарымен емдеуге қосымша ем ретінде

Әсер ету механизмі Ангиотензин II – РААЖ негізгі вазоактивті гормон және артериялық гипертензияның, жүрек жеткіліксіздігінің және басқа жүрек-қантамыр ауруларының патофизиологиясында маңызды рөл атқарады. Ангиотензин II гипертрофияның және нысана-ағзалар зақымдалуының патогенезінде да маңызды рөл атқарады. Тамырдың тарылуы, альдостерон секрециясының стимуляциясы, тұз және су гомеостазының регуляциясы, жасуша өсуінің стимуляциясы сияқты ангиотензин II негізгі физиологиялық әсерлері 1 типті рецепторларға әсер ету арқылы байланысты болады (AT1). Фармакодинамикалық әсерлері Кандесартан цилексетилі ішуге арналған ізашар дәрі болып табылады. Зат тез арада эфир гидролизі арқылы фармакологиялық белсенді кандесартан затына айналады, ол асқазан-ішек жолының саңылауынан сіңу кезінде пайда болады. Кандесартан АРБ II-ге, селективті АТ1-рецепторларға жатады, олармен зат тығыз байланысады және байланыстан баяу диссоцияланады. Кандесартан рецепторларға стимуляциялаушы әсер етпейді. Кандесартан ангиотензин I-ді ангиотензин II-ге айналдыратын және брадикининді ыдырататын АӨФ тежемейді. Кандесартанда АӨФ-ке және брадикинин мен Р затын потенциалдануына әсері жоқ. Кандесартан мен АӨФ тежегіштерінің әсерін салыстырған бақыланатын клиникалық зерттеулерде кандесартан цилексетилін қабылдаған пациенттерде жөтелдің пайда болу жағдайлары аз болды. Кандесартан жүрек-қантамыр жүйесінің қызметін реттеуде маңызды рөл атқаратын басқа гормондарға немесе иондық каналдарға рецепторларды байланыстырмайды немесе бөгемейді. Ангиотензин II (AT1) рецепторларына қатысты бөгеуші әсері қан плазмасындағы ренин деңгейінің, ангиотензин I және ангиотензин II деңгейлерінің дозаға тәуелді жоғарылауына, сондай-ақ қан плазмасындағы альдостерон концентрациясының төмендеуіне әкеледі. Клиникалық тиімділік және қауіпсіздік Артериялық гипертензия Артериялық гипертензияны емдегенде кандесартан цилексетилін АҚ дозаға тәуелді және ұзақ уақыт төмендеуді туындатады. Гипертензяға қарсы әсер жүрек қағуы жиілігінің рефлекторлық жоғарылауынсыз жалпы шеткері кедергінің төмендеуіне қарай орын алады. Кандесартан цилексетилін қолданғанда бірінші дозаны қабылдағаннан кейін күрделі немесе айқын артериялық гипотензия туындамайды, сондай-ақ оны тоқтатқаннан кейін «рикошет әсері» байқалмайды. Кандесартан цилексетилінің бір реттік дозасын қабылдағаннан кейін гипертензияға қарсы әсердің басталуы әдетте 2 сағат ішінде басталады. Дәрілік затты тұрақты қолданған кезде гипертензияға қарсы әсердің басым бөлігі 4 апта бойы байқалады және емдеудің барлық кезеңі бойы сақталады. Жүргізілген мета-талдауға сәйкес дозаны тәулігіне 1 рет 16 мг-ден тәулігіне 1 рет 32 мг-ге дейін ұлғайтқан кезде гипертензияға қарсы жиынтық әсері аз болып шықты. Дербесішілік ауытқушылықты ескере отырып, кейбір пациенттерде орташа популяцияға қарағанда анағұрлым айқын жауап байқалуы мүмкін. Кандесартан цилексетилін тәулігіне бір рет қолдану дозалау аралығындағы ең жоғары және ең аз әсерлер арасындағы ең аз айырмашылықпен 24 сағаттан кейін АҚ тиімді және баяу төмендеуін қамтамасыз етеді. Кандесартан цилексетилі мен лозартанды қолдану кезіндегі гипертензияға қарсы әсер мен жағымдылық ауырлық дәрежесі жеңіл және орташа артериялық гипертензиясы бар 1268 пациенттің қатысуымен салыстырмалы жасырын рандомизацияланған 2 зерттеуде салыстырылды. АҚ минималды төмендеуі кандесартан цилексетилін тәулігіне 1 рет 32 мг дозада қабылдағанда 13,1/10,5 мм с.б. (тиісінше САҚ/ДАҚ) және калий лозартанын тәулігіне 1 рет 100 мг дозада қабылдағанда 10,0/8,7 мг с.б. құрады (қысым төмендеуінің айырмашылығы 3,1/1,8 мм с.б., р <0,0001/р <0,0001). Кандесартан цилексетилін гидрохлоротиазидпен бірге қабылдаған кезде АҚ төмендеу әсері жинақталды. Гипертензияға қарсы әсердің күшеюі кандесартан цилексетилін амлодипинмен және фелодипинмен бірге қолданғанда да байқалды. РААЖ блокаторлары, оның ішінде кандесартан цилексетилі, басқа нәсілді пациенттермен салыстырғанда қандағы рениннің төмен деңгейі болып табылатын негроидтық нәсілді пациенттерде айқындығы төмен гипертензияға қарсы әсер етеді. Бұл факт ашық клиникалық зерттеуде дәлелденді, онда диастолалық артериялық гипертензиясы бар 5156 пациент қатысқан, нәтижесінде АҚ төмендеуі басқа нәсілді пациенттермен салыстырғанда негроид нәсілді пациенттерде қарқындылығы төмен екені анықталды (19,0 / 12,7 мм с.б. қарсы 14,4 / 10,3 мм с.б., р<0,0001/p<0,0001). Кандесартан цилексетилі ауқымды қан ағымын күшейтеді және ШСЖ-на әсер етпейді, не бүйректегі тамырлардың кедергісін және фильтрациялық фракцияны бір мезгілде азайта отырып, ШСЖ ұлғайтады. Артериялық гипертензиясы және 2 типті қант диабеті және микроальбуминуриясы бар пациенттер қатысқан ұзақтығы 3 ай клиникалық зерттеуде кандесартан цилексетилімен гипертензияға қарсы емдеу микроальбуминурия деңгейін төмендетті (альбумин/креатинин арақатынасы, орта есеппен 30%, 95% сенімді аралық 15-42%). Қазіргі уақытта кандесартан цилексетилінің диабеттік нефропатияның өршуіне әсері туралы деректер жоқ. Орташа алғанда соңғы 3,7 жыл бойы созылған жеңіл және орташа ауырлықтағы артериялық гипертензиясы бар 4937 егде жастағы пациенттердің (70-89 жас, оның 21%-ы 80 және одан жоғары жастағы) қатысуымен рандомизацияланған клиникалық зерттеуде кандесартан цилексетилінің жүрек-қантамыр ауруларына және тәулігіне 1 рет қабылдау кезіндегі өлімге 8-16 мг (орташа доза 12 мг) дозалардағы әсері бағаланды. Пациенттер кандесартан цилексетилін немесе плацебоны басқа да гипертензияға қарсы дәрілік заттармен бірге қабылдады, олар қажет болғанда емдеу сызбасына енгізілді. АҚ кандесартан цилексетилі тобында 166/90-нан 145/80 мм с.б. дейін және бақылау тобында 167/90-нан 149/82 мм с.б. дейін төмендеді. Бастапқы соңғы нүктелерде, үлкен кардиоваскулярлық оқиғаларда (жүрек-қантамыр себебінен өлім, сондай-ақ өлім жағдайынсыз инсульт пен миокард инфарктісі) статистикалық маңызды айырмашылық анықталған жоқ. Кандесартан цилексетилі тобында тиісінше 1000 адам-жылға 26,7 жүрек-қантамыр оқиғалары және бақылау тобында 1000 жылға 30,0 байқалды (салыстырмалы қауіп 0,89, 95% СА 0,75–1,06, p = 0,19). Екі үлкен рандомизацияланған зерттеуде (ONTARGET және VA NEPHRON-D) АӨФ және АРБ II тежегіштерінің біріктірілімін қолдану зерттелді: ONTARGET зерттеуіне кардиоваскулярлық немесе цереброваскулярлық аурулары, 2 типті қант диабеті бар, нысана-ағзалардың зақымдануымен асқынған пациенттер қатысты. Va NEPHRON-D зерттеуіне қант диабеті және диабеттік нефропатиясы бар пациенттер қатысты. Осы зерттеулердің нәтижелері бүйрек жағдайына және/немесе жүрек-қантамыр нәтижелеріне қатысты PAAЖ тежегіштеріне жататын әр түрлі топтардағы дәрілік заттардың комбинациясын пайдаланудың айтарлықтай артықшылығын көрсеткен жоқ. Алайда, осы біріктірілімді қолдану монотерапиямен салыстырғанда гиперкалиемия, бүйректің жедел зақымдануы және/немесе гипотензия қаупінің артуына алып келді. Ұқсас фармакодинамикалық қасиеттерін ескере отырып, осы нәтижелер АӨФ және АРБ II басқа тежегіштері үшін де сәйкес келеді. Осылайша, диабеттік нефропатиясы бар пациенттерде АӨФ және АРБ II тежегішінің дәрілік заттарын бірге қолдануға жол берілмейді. ALTITUDE зерттеуінде 2 типті қант диабеті, созылмалы бүйрек аурулары және/немесе жүрек-қантамыр аурулары бар пациенттерде алискиренді АӨФ немесе АРБ II тежегіштерімен стандартты емге қосу кезіндегі басымдықтары бағаланды. Зерттеу жағымсыз нәтижелер қаупінің артуына байланысты мерзімінен бұрын аяқталды. Алискирен тобындағы жүрек-қантамыр себебінен өлімі мен инсульт жиілігі плацебо тобына қарағанда едәуір жоғары болды. Сондай-ақ, гиперкалиемия, гипотензия және бүйрек функциясының бұзылуы сияқты басқа да жағымсыз реакциялар плацебоға қарағанда алискирен тобында жиі пайда болды. Балалар Кандесартан цилексетилінің гипертензияға қарсы әсері артериялық гипертензиясы бар 1 жастан <6 жасқа дейін және 6 жастан <17 жасқа дейін балаларда 4 апта бойы кандесартан цилексетилінің дозалары бойынша градациямен 2 рандомизацияланған, мультиорталықты, салыстырмалы жасырын зерттеуде бағаланды. Артериялық гипертензиясы бар 1 жастан 6 жасқа дейінгі 93 бала дозаларға байланысты рандомизацияланды. Балалар күніне 1 рет 0,05 мг/кг, 0,20 мг/кг және 0,40 мг/кг дозаларда суспензия түрінде кандесартан цилексетилін қабылдады. САҚ пен ДАҚ дозаға байланысты бастапқы деңгейден 6,0/5,2-ден 12,0/11,1 мм с.б. дейін азайды. Алайда, зерттеуде плацебо тобы болмағанын ескере отырып, АҚ мәндерінің шынайы ауытқуы анықталмай қалды, бұл осы жас тобындағы «пайда-қауіп» арақатынасын түпкілікті бағалауды қиындатады. 6 жастан <17 жасқа дейінгі 240 бала 1:2:2:2 арақатынасында кандесартан цилексетилінің төмен, орташа және жоғары дозаларымен плацебо топтарына рандомизацияланды. Дене салмағы <50 кг балалар үшін кандесартан цилексетилінің дозасы тәулігіне 1 рет 2, 8 немесе 16 мг болды. Дене салмағы 350 кг балаларда кандесартан цилексетилінің дозасы тәулігіне 1 рет 4, 16 немесе 32 мг болды. Біріктірілген бағалау нәтижелері бойынша бастапқы мәндермен салыстырғанда САҚ 10,2 мм с.б., ДАҚ 6,6 мм с.б. төмендеді. Плацебо қабылдаудың айтарлықтай әсеріне қарамастан, кандесартан цилексетилі дозаларының әрқайсысы (барлық дозаларды қабылдаудағы біріктірілген нәтиже сияқты) плацебоға қарағанда едәуір жоғары болды. Дене салмағы 50 кг төмен және одан жоғары балалардағы АҚ төмендеуіндегі максималды жауапқа 8 мг және 16 мг дозалар қабылданған кезде қол жеткізілді. Зерттеуге қатысқан барлық балалардың 47%-ы негроидтық нәсілге және 29%-ы әйел жынысына жатты. Орташа жасы 12,9 +/- 2,6 жылды құрады. 6 жастан <17 жасқа дейінгі балаларда басқа нәсілді балалармен салыстырғанда негроидтық нәсілге жататын балаларда гипертензияға қарсы әсердің төмендеуі байқалды. Жүрек жеткіліксіздігі Кандесартан цилексетилімен емдеу өлім жағдайын азайтты, жүрек жеткіліксіздігінің нашарлауына байланысты ауруханаға жатқызу жиілігін азайтты және CHARM бағдарламасында анықталған сол жақ қарыншаның систолалық функциясы бұзылған пациенттердегі симптомдарды жақсартты (жүрек жеткіліксіздігіндегі кандесартан - өлім мен аурудың төмендеуін бағалау). Бұл бағдарлама NYHA функционалды класы II-ден IV-ге дейінгі созылмалы жүрек жеткіліксіздігі бар пациенттердің қатысуымен плацебо-бақыланатын, салыстырмалы жасырын болды. Бағдарлама 3 зерттеуден тұрды: -бірінші зерттеуге (CHARM-Altemative) жүрек жеткіліксіздігі бар пациенттер (n—2028) қатысты, оларда сол жақ қарыншаның лықсу фракциясы (СҚЛФ) <40%. Осы пациенттерді емдеуге олардың көтере алмауына байланысты (негізінен жөтел себепті) АӨФ тежегіштері кіргізілмеді; - екінші зерттеуге (CHARM-Added) жүрек жеткіліксіздігі бар пациенттер (n—2548) қатысты, оларда СҚЛФ 40%. Бұл пациенттер АӨФ тежегіштерімен ем қабылдады; - үшінші зерттеуге (CHARM-Preserved) СҚЛФ >40% жүрек жеткіліксіздігі бар пациенттер (n-3023) қатысты. Пациенттер не кандесартан цилексетилін (дозасы тәулігіне 1 рет 4 мг-ден немесе тәулігіне 8 мг-ден немесе ең жоғары көтере алатын дозаға дейін титрленді; орташа дозасы 24 мг болды), не шамамен 37,7 ай бойы бақылаумен жалғасатын плацебо алған топтарға рандомизацияланды. 6 айлық емдеуден кейін кандесартан цилексетилін (89%) қабылдауды жалғастырған пациенттердің 63%-ы 32 мг мақсатты дозаға жетті. CHARM-Alternative зерттеуінде плацебо топтарымен салыстырғанда кандесартан цилексетилі топтарында біріктірілген соңғы нүкте (кардиоваскулярлық өлім, созылмалы жүрек жеткіліксіздігіне байланысты алғашқы ауруханаға жатқызу) айтарлықтай төмендеді. Біріктірілген соңғы нүктеге жататын оқиғалардың туындауына қатысты 7% - дағы абсолютті айырмашылық кандесартан цилексетилі тобында (33%) және плацебо тобында (40%) анықталды. 14 пациентте зерттеу жүргізу кезінде қосымша емдеу қажеттілігі туындады: 1 пациентте өлімнің алдын алу мақсатында және қалғандарында жүрек жеткіліксіздігі ағымының нашарлауына байланысты ем жүргізу. Біріктірілген соңғы нүктеге жататын оқиғалардың туындауына қатысты 6%-дағы абсолютті айырмашылық кандесартан цилексетилі тобында (36,6%) және плацебо тобында (42,7%) анықталды. Біріктірілген соңғы нүктенің екі компоненті (жүрек жеткіліксіздігінің нашарлауына байланысты өлім және ауруханаға жатқызу) плацебо тобымен салыстырғанда кандесартан цилексетилінің тиімділігі туралы дәлелдерге ықпал етті. Одан өзге, кандесартан цилексетилімен емдеу NYHA (p = 0,008) жіктемесі бойынша функционалды класстың жақсаруына әкелді. CHARM-Added зерттеуінде біріктірілген соңғы нүкте кардиоваскулярлық өлімнен немесе жүрек жеткіліксіздігінің нашарлауы себебінен алғашқы ауруханаға жатқызудан тұрды. Кандесартан цилексетилімен емдеу плацебомен салыстырғанда осы оқиғалардың айтарлықтай төмендеуіне әкелді. Біріктірілген соңғы нүктеге жататын оқиғалардың туындауына қатысты 4,4%-дағы абсолютті айырмашылық кандесартан цилексетилі тобында (37,9%) және плацебо тобында (42,3%) анықталды. 23 пациентте зерттеу жүргізу кезінде қосымша емдеу қажеттілігі туындады: 1 пациентте өлімнің алдын алу мақсатында және қалғандарында жүрек жеткіліксіздігі ағымының нашарлауына байланысты ем жүргізу. Кез келген себептен болатын өлімнен немесе жүрек жеткіліксіздігі ағымының нашаралауы себепті бірінші госпитализациядан тұратын біріктірілген соңғы нүкте де плацебомен салыстырғанда кандесартан цилексетилі тобында кем болды. Біріктірілген соңғы нүктеге жататын оқиғалардың туындауына қатысты 3,9%-дағы абсолютті айырмашылық кандесартан цилексетилі тобында (42,2%) және плацебо тобында (46,1%) анықталды. Біріктірілген соңғы нүктенің екі компоненті (жүрек жеткіліксіздігінің нашарлауына байланысты өлім және ауруханаға жатқызу) плацебо тобымен салыстырғанда кандесартан цилексетилінің тиімділігі туралы дәлелдерге ықпал етті. Сондай-ақ, кандесартан цилексетилімен емдеу NYHA (p = 0,020) жіктемесі бойынша функционалды класстың жақсаруына әкелді. CHARM-Preserved зерттеуінде HR 0,89 (95% СА 0,77–1,03, p = 0,118) өлімнің немесе жүрек жеткіліксіздігі ағымының нашарлауы себепті бірінші госпитализацияның азаюында статистикалық маңызды айырмашылық анықталған жоқ. Жалпы өлім жағдайы үш бөлек CHARM зерттеулерінде оны жеке бағалау кезінде статистикалық маңызды болған жоқ. Алайда, жалпы өлім жағдайы біріктірілген популяцияларда, CHARM-Alternative және CHARM–Added, HR 0,88 (95% ДИ 0,79–0,98, p = 0,018) және HR 0,91 барлық үш зерттеуінде бағаланды (95% СА 0,83-1,00, p = 0,055). Кандесартан цилексетилінің оң әсері жасына, жынысына және қатарлас терапияға байланысты болмады. Кандесартан цилексетилі бета-адреноблокаторлар мен АӨФ тежегіштерін бір мезгілде қабылдаған пациенттерде де тиімді болды және пациенттер АӨФ тежегішінің ұсынылған дозасын қабылдағанына немесе қабылдамағанына қарамастан, оң әсер алынды. Жүрек жеткіліксіздігі және сол жақ қарыншаның функциясы төмендеген пациенттерде (сол жақ қарыншаның лықсу фракциясы ≥40%) кандесартан цилексетилі жүйелі тамыр кедергісін және өкпе капиллярындағы бітелу қысымын, ренин белсенділігін және қан плазмасындағы ангиотензин II концентрациясын азайтты, сондай-ақ альдостерон деңгейін төмендетті.

Дозалау режимі Артериялық гипертензия Ересектер Кандесартанның ұсынылған бастапқы дозасы және стандартты демеуші дозасы — тәулігіне 1 рет 8 мг. Негізінен артериялық қысымның (АҚ) төмендеу әсеріне емдеу басталғаннан кейін 4 апта ішінде қол жеткізіледі. АҚ талапқа сай бақылауға қол жеткізе алмаған пациенттерде доза тәулігіне 1 рет 16 мг-ға дейін немесе тәулігіне 1 рет 32 мг-ға дейін (32 мг — ең жоғары тәуліктік доза) ұлғайтылуы мүмкін. Терапияны АҚ реакциясына сәйкес түзету қажет. Кандесартан препараты басқа гипертензияға қарсы дәрілермен бірге тағайындалуы мүмкін. Гидрохлоротиазидті кандесартанмен біріктіріп қолданғанда АҚ қосымша төмендететіні дәлелденген. Егде жастағы пациенттерде қолдану Егде жастағы пациенттерде бастапқы дозаны түзету талап етілмейді. Айналымдағы қан көлемі (АҚК) төмендеген пациенттерде қолдану Артериялық гипотензия қаупі бар гиповолемияға шалдыққан пациенттерде бастапқы дозаны 4 мг-да қарастырған жөн. Бүйрек функциясы бұзылған пациенттерде қолдану Бүйрек функциясы бұзылған пациенттер үшін, оның ішінде гемодиализдегі пациенттер үшін кандесартан цилексетилінің бастапқы дозасы 4 мг құрайды. Доза емге жауабына байланысты түзетілуі тиіс. Кандесартанды бүйрек функциясының өте ауыр бұзылған және бүйрек функциясының бұзылуы терминалдық сатыдағы пациенттерде қолдану тәжірибесі шектелген (креатинин клиренсі 15 мл/мин-ден аз). Бауыр функциясы бұзылған пациенттерде қолдану Кандесартанның 4 мг бастапқы дозасы бауыр функциясы жеңіл немесе орташа бұзылған пациенттер үшін ұсынылады. Емге жауабына байланысты доза түзетілуі тиіс. Бауыр функциясы ауыр бұзылған және/немесе холестазы бар пациенттерде дәрілік препаратты қолдануға болмайды. Қара нәсілді пациенттерде қолдану Кандесартанның гипертензияға қарсы әсері басқа нәсілді пациенттерге қарағанда қара нәсілді пациенттердегі айқындығы төмен. Сондықтан пациенттердің осы санатында АҚ оңтайлы бақылауға қол жеткізу үшін Кандесартан дозасын ұлғайту және қатарлас ем тағайындау жиі қажет болуы мүмкін. Балалар Ұсынылатын бастапқы доза – тәулігіне бір рет 4 мг. - дене салмағы <50 кг балалар мен жасөспірімдер үшін: егер артериялық гипертензияға талапқа сай бақылауға қол жеткізілмесе, доза тәулігіне 1 рет барынша 8 мг-ға дейін ұлғайтылуы мүмкін (8 мг — пациенттердің осы тобы үшін ең жоғары тәуліктік доза); - дене салмағы ≥50 кг балалар мен жасөспірімдер үшін: егер артериялық гипертензияға талапқа сай бақылауға қол жеткізілмесе, доза тәулігіне 1 рет 8 мг-ға дейін, содан кейін қажет болғанда тәулігіне 1 рет 16 мг-ға дейін ұлғайтылуы мүмкін. Кандесартанды балалар популяциясында 32 мг астам дозада қолдану зерттелген жоқ. Ең үлкен гипертензияға қарсы әсерге емдеу басталғаннан бастап 4 апта ішінде қол жеткізіледі. АҚК төмендеуі ықтимал балалар үшін (мысалы, диуретиктер қабылдайтын, әсіресе бүйрек жеткіліксіздігі бар пациенттер) кандесартанмен емдеуді мұқият медициналық қадағалаумен бастаған жөн және басында жоғарыдағыларға қарағанда анағұрлым төмен дозаны тағайындау мүмкіндігін қараған жөн. Шумақтық сүзіліс жылдамдығы (ШСЖ) 30 мл/мин/1,73 м2 балаларда кандесартанды қолдану зерттелмеген. Қара нәсілді балалар Гипертензияға қарсы әсер басқа нәсілді балаларға қарағанда аз дәрежеде байқалады. 1 жастан 6 жасқа дейінгі балалар Кандесартанның 6 жасқа дейінгі балалардағы тиімділігі мен қауіпсіздігі зерттелмеген. Қазіргі уақытта қолжетімді деректер төменде баяндалған, алайда осы жас тобындағы балаларда кандесартанды дозалау бойынша қандай да бір нұсқаулар берілмейді. Кандесартанды 1 жасқа дейінгі балаларда қолдануға болмайды. Жүрек жеткіліксіздігі Кандесартан препаратының жүрек жеткіліксіздігі кезіндегі әдеттегі ұсынылатын бастапқы доза тәулігіне бір рет 4 мг құрайды. Қажет болғанда дозаны тәулігіне бір рет 32 мг нысаналы дозаға дейін (ең жоғары тәуліктік доза) немесе ең жоғары жағымды дозаға дейін арттыруды ағымдағы дозаны 2 аптада бір реттен жиі емес екі еселеу жолымен жүргізу қажет. Жүрек жеткіліксіздігі бар пациенттердің жағдайын бағалау бүйрек функциясын, оның ішінде сарысулық креатинин мен калий деңгейін бағалауды қамтуы тиіс. Кандесартан АӨФ тежегіштерін, бета-блокаторларды, диуретиктерді және оймақгүл (дигиталис) препараттарын, сондай-ақ осы дәрілік заттардың біріктірілімдерін қоса, жүрек жеткіліксіздігін емдеуге арналған басқа дәрілік заттармен біріктірілімде қолданылуы мүмкін. Кандесартан минералокортикоидты рецепторлар антагонистерінің жағымсыздығы кезінде оңтайлы стандартты ем жүргізілуіне қарамастан, жүрек жеткіліксіздігі симптомдары көрініс табатын пациенттерде АӨФ тежегіштері тобындағы дәрілік заттармен бірге қолданылуы мүмкін. АӨФ тежегіштері, калий жинақтаушы диуретиктер (мысалы, спиронолактон) және кандесартан цилексетил тобынан дәрілік заттардың үштік біріктірілімін қолдану ұсынылмайды және потенциалды пайда мен қауіпті мұқият бағалағаннан кейін ғана қаралуы тиіс. Пациенттердің ерекше топтары Егде жастағы пациенттерде, гиповолемиясы бар пациенттерде, бүйрек функциясы бұзылған пациенттерде немесе бауырдың жеңіл немесе орташа жеткіліксіздігі бар пациенттерде бастапқы дозаны түзетудің қажеті жоқ. Балалар Кандесартан цилексетилдің балалар мен жасөспірімдерде (18 жасқа толмаған) жүрек жеткіліксіздігін емдеудегі тиімділігі мен қауіпсіздігі анықталған жоқ. Қолжетімді деректер жоқ. Енгізу әдісі және жолы Ішке қабылдау үшін. Препаратты тамақтануға қарамастан тәулігіне 1 рет қабылдау керек. Тамақтану кандесартанның биожетімділігіне әсер етпейді. Дәрілік препараттың қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Сізде осы дәрілік препаратты қолдану жөнінде қандай-да бір қосымша сұрақтар туындаған жағдайда, өз дәрігеріңізге немесе фармацевтке жүгініңіз.

- кандесартан цилексетиліне немесе қосымша заттарының кез келгеніне аса жоғары сезімталдық • жүктіліктің екінші және үшінші триместрлері • бауырдың ауыр жеткіліксіздігі және/немесе холестаз • 1 жасқа дейінгі балалар • кандесартанды және құрамында алискирен бар дәрілік заттарды қатар қолдану қант диабеті бар немесе бүйрек функциясы бұзылған пациенттерге қарсы көрсетілген (ШСЖ < 60 мл/мин/1.73 м2) • тұқым қуалайтын галактоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы бар адамдар

Артериялық гипертензияны емдеу Артериялық гипертензияны емдеу кезінде бақыланатын клиникалық зерттеулерде пайда болған жағымсыз реакциялардың ауырлық дәрежесі өтпелі және жеңіл болды. Жағымсыз реакциялардың жалпы жиілігі пациенттің жасына және қабылданатын дозаға байланысты емес. Жағымсыз реакциялардың дамуы себебінен зерттеулерден алып тастау жиілігі кандесартан цилексетилі (3,1%) және плацебо (3,2%) топтарында шамамен бірдей болды. Артериялық гипертензиясы бар пациенттердің қатысуымен клиникалық зерттеулерде алынған деректерді жалпылама талдауда кандесартан цилексетилін қолдану аясында туындаған жағымсыз реакциялар плацебо тобына қарағанда кемінде 1% жоғары болды. Ең жиі кездесетін жағымсыз реакциялар бас айналуы, бас ауыруы және респираторлық инфекция болды. Төменде 1-кестеде артериялық гипертензия себебінен кандесартан цилексетилі қолданылған клиникалық зерттеулер жүргізу кезінде және постмаркетингтік кезеңде туындаған жағымсыз реакциялар көрсетілген. Артериялық гипертензияны және жүрек жеткіліксіздігін емдеу кезінде жағымсыз реакциялардың туындау жиілігі мынадай жіктеме бойынша бағаланады: өте жиі (≥1/10), жиі (≥ 1/100-ден <1/10-ға дейін), жиі емес (≥ 1/1000-нан <1/100-ге дейін), сирек (≥1/10000-нан <1/1000-ға дейін), өте сирек (≥1/10000-нан < 1/1000-ға дейін), белгісіз (қолда бар деректер негізінде бағалау мүмкін емес) 1-кесте. Артериялық гипертензиясы бар пациенттерде кандесартан цилексетилін қолдану кезіндегі жағымсыз реакциялар Жүйелік-ағзалық класс — Жиілік — Жағымсыз реакциялар Инфекциялық және паразиттік аурулар — Жиі — Респираторлық инфекциялар Қан және лимфа жүйесі тарапынан бұзылулар — Өте сирек — Лейкопения, нейтропения және агранулоцитоз Зат алмасу және тамақтану тарапынан бұзылыстар — Өте сирек — Гиперкалиемия, гипонатриемия Жүйке жүйесі тарапынан бұзылулар — Жиі — Бас айналуы, бас ауыруы Тыныс алу жүйесі, көкірек қуысы ағзалары және көкірек ортасы тарапынан бұзылулар — Өте сирек — Жөтел Асқазан-ішек жолы тарапынан бұзылулар — Өте сирек — Ішектің ангионевроздық ісінуі, жүрек айнуы Жиілік белгісіз — Диарея Бауыр және өт шығару жолдары тарапынан бұзылулар — Өте сирек — Бауыр ферменттері деңгейінің жоғарылауы, бауыр функциясының бұзылуы немесе гепатит Тері және тері асты тіндері тарапынан бұзылулар — Өте сирек — Квинке ісінуі, бөртпе, есекжем, қышыну Қаңқа-бұлшықет және дәнекер тін тарапынан бұзылулар — Өте сирек — Арқаның ауыруы, артралгия, миалгия Бүйрек және несеп шығару жолдары тарапынан бұзылулар — Өте сирек — Бейім пациенттерде бүйрек жеткіліксіздігін қоса, бүйрек функциясының бұзылуы. Зертханалық мәндер Жалпы, кандесартанның зертханалық көрсеткіштерге клиникалық маңызды әсері байқалмайды. РААЖ басқа тежегіштері сияқты гемоглобиннің аздап төмендеуі байқалды. Кандесартан қабылдаған пациенттерге әдетте зертханалық көрсеткіштердің рутиндік мониторингі қажет емес. Алайда, бүйрек жеткіліксіздігі бар пациенттерге қан сарысуындағы калий мен креатинин деңгейін мерзімді бақылау ұсынылады. Балалар Кандесартан цилексетилінің қауіпсіздігі артериялық гипертензиясы бар 6 жастан 18 жасқа дейінгі 255 бала мен жасөспірімде кандесартан цилексетилінің тиімділігі бойынша 4 аптаға созылған зерттеуде және 1 жылға созылған ашық зерттеуде анықталды. Іс жүзінде барлық жүйелік-ағзалық кластарда балаларда кандесартан цилексетилін қолдану кезінде жағымсыз реакциялардың кездесу жиілігі «жиі еместен» «жиіге» дейінгі диапазонда ауытқиды. Балаларда туындайтын жағымсыз реакциялар ересектердегі жағымсыз реакциялардың шығу тегі мен ауырлығына ұқсас болғанымен, олардың жиілігі едәуір жоғары, атап айтқанда: • бас ауыруы, бас айналуы, жоғарғы тыныс жолдарының инфекциясы: балаларда «өте жиі» (10 адамның 1-ден көбінде) және ересектерде «жиі» (10 адамның 1-інде ғана) кездеседі; • жөтел: «өте жиі» (10 адамның 1-ден көбінде) - балаларда, «өте сирек» (1000 адамның 1-інде ғана) - ересектерде; • бөртпе: «жиі» (10 адамның 1-ден көбінде) - балаларда, «өте сирек» (1000 адамның 1-інде ғана) - ересектерде; • гиперкалиемия, гипонатриемия және бауыр функциясының бұзылуы: «жиі емес» (100 адамның 1-інде ғана) – балаларда, «өте сирек» (10000 адамның 1-інде ғана) - ересектерде; • синустық аритмия, назофарингит, қызба: «жиі» (10 адамның 1-інде ғана); ауызжұтқыншақтың ауыруы: «өте жиі» (10 адамның 1-ден көбінде) - балаларда. Ересектерде мұндай жағымсыз реакциялар туралы хабарламалар болған жоқ. Сонымен қатар, бұл реакциялар уақытша сипатқа ие және балаларда кең таралған. Жалпы, балалардағы кандесартан цилексетилінің қауіпсіздік бейіні ересектердегі қауіпсіздік бейінінен айтарлықтай ерекшеленбейді. Жүрек жеткіліксіздігін емдеу Жүрек жеткіліксіздігі бар пациенттерде кандесартан цилексетилін қолдану кезіндегі жағымсыз реакциялар бейіні кандесартан цилексетилінің фармакологиясына және пациенттердің денсаулық жағдайына сәйкес келеді. CHARM клиникалық бағдарламасында 32 мг дозада кандесартан цилексетилін (п = 3803) және плацебо (п = 3796) салыстыру жүргізілді. Кандесартан цилексетилі тобындағы пациенттердің 21,0%-ы және плацебо тобындағы пациенттердің 16,1%-ы жағымсыз реакциялардың туындауына байланысты бағдарламадан алынып тасталды. Ең жиі жағымсыз реакциялар гиперкалиемия, гипотензия және бүйрек жеткіліксіздігі болды. Бұл реакциялар көбінесе 70 жастан асқан, диабетке шалдыққан пациенттерде немесе PAAЖ әсер ететін басқа да дәрілік заттарды, атап айтқанда АӨФ тежегіштерін немесе спиронолактон қабылдаған субъектілерде өте жиі туындады. Төменде 2-кестеде жүрек жеткіліксіздігі себебінен кандесартан цилексетилі қолданылған клиникалық зерттеулер жүргізу кезінде және постмаркетингтік кезеңде туындаған жағымсыз реакциялар көрсетілген. 2-кесте. Жүрек жеткіліксіздігі бар пациенттерде қолдану кезіндегі жағымсыз реакциялар Жүйелік-ағзалық класс — Жиілік — Жағымсыз реакциялар Қан және лимфа жүйесі тарапынан бұзылулар — Өте сирек — Лейкопения, нейтропения және агранулоцитоз Зат алмасу және тамақтану тарапынан бұзылулар — Жиі — Гиперкалиемия Өте сирек — Гипонатриемия Жүйке жүйесі тарапынан бұзылулар — Өте сирек — Бас айналуы, бас ауыруы Қантамыр тарапынан бұзылулар — Жиі — Гипотензия Тыныс алу жүйесі, көкірек қуысы ағзалары және көкірек ортасы тарапынан бұзылулар — Өте сирек — Жөтел Асқазан-ішек жолы тарапынан бұзылулар — Өте сирек — Ішектің ангионевроздық ісінуі, жүрек айнуы Бауыр мен өт шығару жолдары тарапынан бұзылулар — Өте сирек — Бауыр ферменттері деңгейінің жоғарылауы, бауыр функциясының бұзылуы немесе гепатит Тері және тері асты тіндері тарапынан бұзылулар — Өте сирек — Квинке ісінуі, бөртпе, есекжем, қышыну Қаңқа-бұлшықет және дәнекер тін тарапынан бұзылулар — Өте сирек — Арқаның ауыруы, артралгия, миалгия Бүйрек және несеп шығару жолының тарапынан бұзылулар — Жиі — Бүйрек функциясының бұзылуы, оның ішінде бейім пациенттердегі бүйрек жеткіліксіздігі Зертханалық мәндер Гиперкалиемия және бүйрек жеткіліксіздігі жүрек жеткіліксіздігінің көрсеткіштері бойынша кандесартан қабылдаған пациенттерде жиі кездеседі. Сарысулық креатинин мен калий деңгейін үнемі бақылап отыру ұсынылады. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Кандесартан цилексетилінің фармакологиялық қасиеттерін ескере отырып, кандесартан цилексетилімен артық дозаланудың негізгі симптомдары бас айналуы симптомдармен көрінетін гипотензия деп болжануы мүмкін. Жекелеген жағдайларда артық дозалану туралы хабарланды (672 мг кандесартан цилексетиліне дейін ішке қабылдау), бұл ретте сауығу асқынусыз орын алады. Емі Кандесартан цилексетилінің артық дозалануы кезінде гипотензия пайда болған кезде симптоматикалық ем басталуы және өмірлік маңызды функциялардың көрсеткіштерін бақылау жүзеге асырылуы тиіс. Бірінші кезекте пациенттің аяғын аздап көтеріп, шалқасынан жатқызу қажет. Егер бұл жеткіліксіз болса, изотониялық ерітіндінің венаішілік инфузиясы көмегімен айналымдағы қан плазмасының көлемін ұлғайту қажет. Егер аталған шаралар тиісті әсер көрсетпеген болса, симпатомиметикалық әсері бар дәрілік заттар қолданылуы мүмкін. Кандесартан цилексетилі гемодиализ көмегімен шығарылмайды.

Ренин-ангиотензин-альдостерон жүйесінің қосарлы блокадасы (РААЖ) АӨФ тежегіштері, ангиотензин II (АРБ II) немесе алискирен рецепторларының блокаторлары топтарынан дәрілік заттарды бірге қолдану гипотензияның, гиперкалиемияның даму және бүйрек функциясының төмендеу қаупін арттыратыны (оның ішінде жедел бүйрек жеткіліксіздігінің дамуына әкелуі мүмкін) көрсетілген. Сондықтан АӨФ, АРБ II немесе алискирен тежегіштерін бірлесіп тағайындау арқылы РААЖ қосарлы блокадасы ұсынылмайды. Абсолютті көрсетілімдер кезінде PAAЖ қосарлы блокадасы арқылы терапия маманның бақылауымен және бүйрек функциясын, электролиттік тепе-теңдікті және АҚ мұқият бақылау арқылы жүргізілуі тиіс. АРБ II және АӨФ тежегіштері диабеттік нефропатиясы бар пациенттерге бір мезгілде тағайындалмауы тиіс. Бүйрек жеткіліксіздігі PAAЖ бәсеңдететін басқа препараттарды қолдану сияқты, тиісті бейімділігі бар пациенттерде кандесартан қабылдаған кезде бүйрек функциясы өзгеруі мүмкін. Бүйрек функциясы бұзылған артериялық гипертензиясы бар пациенттерде кандесартанды қолданған кезде қан сарысуындағы калий және креатинин деңгейлеріне мерзімді мониторинг жүргізу ұсынылады. Ауыр дәрежедегі бүйрек функциясы бұзылған немесе терминал сатысында бүйрек функциясы бұзылған пациенттерде кандесартанды қолдану тәжірибесі (креатинин клиренсі <15 мл/мин) шектеулі. Мұндай пациенттерде препарат сақтықпен қолданылуы тиіс, дозаны титрлеу АҚ мұқият мониторингілеумен жүргізілуі тиіс. Жүрек жеткіліксіздігі бар пациенттердің жағдайын бағалау бүйрек функциясының мерзімді мониторингін, әсіресе 75 жастағы егде жастағы пациенттерде және бүйрек функциясы бұзылған пациенттерде қамтуы керек. Дәрілік заттың дозасын титрлеу кезінде сарысулық креатинин мен калий деңгейіне бақылау жүргізу ұсынылады. Клиникалық сынақтарға қан сарысуында креатинин деңгейі >265 мкмоль/л (>>3 мг/дл) болған жүрек жеткіліксіздігі бар пациенттер енгізілмеген. Бүйрек функциясы бұзылған балаларда қолдану Шумақтық сүзіліс жылдамдығы 30 мл/мин/1,73м2 төмен балаларда кандесартанды қолдану зерттелмеген. Жүрек жеткіліксіздігі кезіндегі АӨФ тежегішімен қатарлас терапия Кандесартан мен АӨФ тежегіштерін бірге қолданғанда, әсіресе гипотензия, гиперкалиемия және бүйрек функциясының нашарлауы сияқты жағымсыз реакциялардың даму қаупі жедел бүйрек жеткіліксіздігінің дамуына дейін артуы мүмкін. АӨФ тежегіштерін, минералокортикоидты рецепторлардың антагонистін және кандесартанды қамтитын үштік біріктірілім де ұсынылмайды. Осы біріктірілімдерді қолданған кезде маманның бақылауы және бүйрек функциясының, электролиттік теңгерімнің және АҚ мұқият мониторингі қажет. АРБ II және АӨФ тежегіштері диабеттік нефропатиясы бар пациенттерге бір мезгілде тағайындалмауы тиіс. Гемодиализ Диализ кезінде АҚ плазма көлемінің азаюы және РААЖ активациясының нәтижесінде AT1-рецепторларының блокадасына анағұрлым сезімтал болуы мүмкін. Сондықтан кандесартан дозасын гемодиализдегі пациенттерде АҚ мұқият мониторингілеумен абайлап титрлеу қажет. Бүйрек артериясының стенозы Бүйрек артериясының екі жақты стенозы немесе жалғыз бүйрек артериясының стенозы бар пациенттерде РААЖ әсер ететін препараттар, соның ішінде АРБ II, қан сарысуындағы мочевина мен креатинин деңгейін жоғарылатуы мүмкін. Бүйрек трансплантациясы Жақында бүйрек трансплантациясын жасаған пациенттерде кандесартанды қолдану тәжірибесі шектеулі. Гипотензия Кандесартанмен емдеу кезінде жүрек жеткіліксіздігі бар пациенттерде гипотензия пайда болуы мүмкін. Сондай-ақ, айналымдағы қан көлемі төмендеген пациенттерде, мысалы, диуретиктердің жоғары дозаларын қабылдаған кезде мұндай қауіп бар. Кандесартанмен емдеудің басында сақтық танытуы тиіс және гиповолемияны жоюға әрекет жасауы тиіс. Айналымдағы қан көлемінің төмендеуі мүмкін балаларда (мысалы, диуретиктермен емдеу кезінде, әсіресе бүйрек функциясының бұзылуымен), кандесартанмен емдеу мұқият медициналық бақылаумен ең аз бастапқы дозадан басталуы тиіс. Анестезия және хирургиялық араласулар Гипотензия РААЖ блокадасының салдарынан АРБ II тобының дәрілік заттарымен ем алатын пациенттерде анестезия және хирургиялық араласу жүргізу кезінде туындауы мүмкін. Өте сирек жағдайларда гипотензия сұйықтықтарды немесе тамыр тарылтатын дәрілік заттарды вена ішіне енгізу қажет болуы мүмкін дәрежеде ауыр болуы мүмкін. Аортальді және митральді клапанның стенозы (обструктивті гипертрофиялық кардиомиопатия) Вазодилатациялаушы әсері бар басқа дәрілерді қолданғандағыдай, кандесартанды қолданған кезде аортаның, митральді клапанның гемодинамикалық маңызды стенозы бар немесе обструкциялық гипертрофиялық кардиомиопатиясы бар пациенттерде ерекше сақ болу қажет. Бастапқы гиперальдостеронизм Бастапқы гиперальдостеронизмі бар пациенттер, әдетте, РААЖ тежеу арқылы әсер ететін препараттармен емдеуге жауап бермейді. Кандесартанды пациенттердің осы тобында қолдану ұсынылмайды. Гиперкалиемия Артериялық гипертензиясы бар пациенттерді емдеу кезінде кандесартанды калий жинақтаушы диуретиктермен, калий қоспаларымен, құрамында калий бар тұз алмастырушылармен немесе қан сарысуындағы калий деңгейін жоғарылататын басқа да препараттармен (мысалы, гепарин және триметоприм / сульфаметоксазол комбинациясы) бір мезгілде қолдану қан сарысуындағы калий деңгейінің жоғарылауына әкелуі мүмкін. Қан сарысуындағы калий деңгейіне тиісті түрде мониторинг жүргізген жөн. Жүрек жеткіліксіздігі бар пациенттерде кандесартанды қолданғанда гиперкалиемия пайда болуы мүмкін. Қан сарысуындағы калий деңгейіне үнемі мониторинг жүргізу ұсынылады. АӨФ тежегіштерінен, калий жинақтаушы диуретиктерден (мысалы, спиронолактон) және кандесартаннан тұратын үштік біріктірілімді қолдануға болмайды. Дәрілік заттардың мұндай біріктірілімі потенциалды пайда мен қауіптерді мұқият бағалау кезінде ғана мүмкін болады. Ішектің ангионевроздық ісінуі Ішектің ангионевроздық ісінуі ангиотензин II рецепторларының антагонистерін [оның ішінде кандесартан цилексетилді] қабылдаған науқастарда байқалды. Науқастарда іш ауыруы, жүрек айну, құсу және диарея сияқты белгілер байқалды. Бұл симптомдар ангиотензин II рецепторларының антагонистерін тоқтатқаннан кейін жойылды. Ішектің ангионевроздық ісінуі диагнозы қойылған жағдайда, кандесартан цилексетилді қабылдауды дереу тоқтатып, симптомдар толық жойылғанға дейін тиісті бақылау жүргізу қажет. Жалпы Тамыр тонусы және бүйрек функциясы негізінен PAAЖ белсенділігіне тәуелді пациенттерде (мысалы, жүректің ауыр іркілісті жеткіліксіздігі немесе бүйрек аурулары, соның ішінде бүйрек артериясының стенозы бар пациенттерде) PAAЖ әсер ететін басқа дәрілік заттармен емдеу гипотензияның, азотемияның, олигурияның немесе сирек жағдайларда бүйректің жедел жеткіліксіздігінің дамуымен қатар жүрді. Мұндай әсерлердің даму мүмкіндігі АРБ II емдеу кезінде жоққа шығарылмайды. Гипертензияға қарсы кез келген дәрілік заттармен емдеу кезінде ишемиялық кардиомиопатия немесе ишемиялық цереброваскулярлық аурулары бар пациенттерде АҚ шамадан тыс төмендеуі миокард инфарктісінің немесе инсульттің дамуына әкелуі мүмкін. Кандесартан цилексетилінің гипертензияға қарсы әсері олар тағайындалған көрсетілімдерге қарамастан, гипертензияға қарсы әсері бар дәрілік заттарды қатар қолданғанда күшеюі мүмкін. Кандесартан-Гетц Фарма препаратының құрамында лактоза бар. Галактоза жақпаушылығы, лактаза жеткіліксіздігі немесе глюкоза-галактоза мальабсорбциясы сияқты сирек тұқым қуалайтын бұзылулары бар пациенттерге Кандесартан-Гетц Фарма дәрілік затын қабылдауға болмайды. Жүктілік жағдайындағы ескертулер Жүктілік кезінде АРБ II емдеуді бастамау керек. Жүктілікті жоспарлайтын пациенттерге АРБ II қолдануды жалғастыру өте қажет деп саналатын жағдайларды қоспағанда, жүктілік кезінде оларды пайдалану кезінде қауіпсіздік бейіні дәлелденген гипертензияға қарсы баламалы ем тағайындау қажет. Жүктілік анықталған кезде АРБ II емдеуді дереу тоқтату және қажет болса баламалы емді бастау қажет. Бала туу потенциалы бар пациенттерде жүктіліктің басталу мүмкіндігі үнемі бағалануы тиіс. Жүктілік кезінде кандесартанның қолайсыз әсер ету қаупін болдырмау үшін пациентке тиісті ақпарат ұсыну және жүктілік кезінде кандесартанды қолданудың алдын алу бойынша басқа да ықтимал шараларды қабылдау қажет. Арнайы ескертулер Жүктілік Жүктіліктің бірінші триместрінде АРБ II тобына жататын дәрілік заттарды пайдалану ұсынылмайды. Жүктіліктің II және III триместрлері кезінде АРБ II қолдануға болмайды. Эпидемиологиялық зерттеу деректері жүктіліктің I триместрінде АӨФ тежегіштерінің экспозициясы кезінде тератогенділік қаупінің шамалы ұлғаюын жоққа шығармайды, дегенмен түпкілікті қорытынды жасауға мүмкіндік бермейді. АРБ II қолдану кезінде тератогенділік қаупіне қатысты бақыланатын эпидемиологиялық деректер жоқ, сондықтан дәрілік заттардың осы класы үшін де осындай қауіптер болуы мүмкін. Жүктілікті жоспарлаған пациенттерді, АРБ II қолданумен ем өте қажет болатын жағдайларды қоспағанда, жүктілік кезінде қолданғанда қауіпсіздік бейіні белгіленген гипертензияға қарсы баламалы емге ауыстыру қажет. Жүктілік анықталған кезде АРБ II емдеу дереу тоқтатылуы және қажет болса баламалы емдеу басталуы тиіс. Жүктіліктің II және III триместрлері кезінде АРБ II әсер етуі шаранада уытты әсерлерді (бүйрек функциясының төмендеуі, олигогидрамнион, бассүйек сүйектенуінің кідіруі) және неонаталдық кезеңдегі уыттылықты (бүйрек жеткіліксіздігі, гипотензия, гиперкалиемия) туындатуы мүмкін. Егер жүктіліктің екінші триместрінен бастап АРБ II қабылдау қажет болса, бүйрек пен бассүйек сүйектеріне ультрадыбыстық зерттеу жүргізу ұсынылады. Аналары АРБ II қабылдаған нәрестелер артериялық гипотензияның ықтимал дамуын болдырмау үшін мұқият бақылауда болуы тиіс. Лактация Лактация кезінде кандесартанды қолдануға қатысты қолжетімді ақпарат жоқ, сондықтан Кандесартан препаратын емізу кезінде қолдану ұсынылмайды. Қажет болған кезде нәрестелерді, оның ішінде шала туған балаларды емізу кезеңінде қолданғанда қауіпсіздік бейіні белгіленген гипертензияға қарсы баламалы дәрілік заттарды пайдаланған дұрыс. Фертильділік Деректер жоқ Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Кандесартанның көлік құралдарын немесе басқа қозғалмалы механизмдерді басқару қабілетіне әсері зерттелмеген. Кандесартанмен емдеу аясында бас айналуы немесе әлсіздік болу мүмкіндігін ескеру қажет.

Нұсқаулықта көрсетілмеген.

Кандесартан фармакокинетикасы бойынша зерттеулерде гидрохлоротиазидпен, варфаринмен, дигоксинмен, пероральді контрацептивтермен (мысалы, этинилэстрадиол / левоноргестрел), глибенкламидпен, нифедипинмен және эналаприлмен өзара әрекеттесудің клиникалық маңызды формалары анықталған жоқ. Калий жинақтаушы диуретиктерді, калий қоспаларын, құрамында калий бар тұз алмастырушыларды, құрамында калий бар дәрілік заттарды немесе басқа дәрілік препараттарды (мысалы, гепарин) бір мезгілде қолдану қан сарысуындағы калий деңгейін арттыруы мүмкін. Мұндай жағдайларда калий деңгейін дұрыс бақылау қажет. Литий негізіндегі дәрілік заттармен АӨФ тежегіштерін бір мезгілде қолдану кезінде қан сарысуындағы литий деңгейінің қайтымды ұлғаюы туралы хабарланды. Осындай әсер АРБ II тобына жататын дәрілік заттарды қабылдаған жағдайда да туындауы мүмкін. Кандесартанды литиймен бірге қолдану ұсынылмайды. Екі дәрілік затты қолдануға абсолюттік көрсетілімдер болған жағдайда қан сарысуындағы литий деңгейіне мұқият мониторинг жүргізу ұсынылады. Кандесартанды және қабынуға қарсы стероидты емес препараттарды (ҚҚСЕП, мысалы, ЦОГ-2 селективті тежегіштері, ацетилсалицил қышқылы (> 3 г/тәулік) және селективті емес ҚҚСЕП) қатар қолданғанда гипертензияға қарсы әсердің бәсеңдеуі байқалуы мүмкін. АӨФ тежегіштеріндегідей, АРБ II және ҚҚСЕЗ қатар қолдану жедел бүйрек жеткіліксіздігінің ықтимал дамуын қоса, бүйрек функциясының нашарлау қаупінің ұлғаюына, әсіресе бүйрек функциясы бұрыннан төмендеген пациенттерде қан сарысуындағы калий деңгейінің ұлғаюына әкелуі мүмкін. Дәрілік заттардың мұндай біріктірілімдері, әсіресе егде пациенттерде сақтықпен қабылдануы тиіс. Қатарлас ем басталғаннан кейін пациенттер сұйықтықтың жеткілікті мөлшерін алуы тиіс, сондай-ақ бүйрек функциясын мониторингілеу қажеттілігін ескеру керек. Клиникалық зерттеулер деректері АӨФ және АРБ II тежегіштерін немесе алискиренді (ренин тежегіші) қатар қолданғанда PAAЖ блокадасының қандай да бір топтағы PAAЖ тежегішімен емдеумен салыстырғанда гипотензия, гиперкалиемия және бүйрек функциясының төмендеуі (жедел бүйрек жеткіліксіздігінің дамуын қоса) сияқты жағымсыз реакциялар туындауының анағұрлым жоғары жиілігімен астасқандығын көрсетті. Балалар Дәрілік өзара әрекеттесу бойынша зерттеулер ересек еріктілердің/пациенттердің қатысуымен ғана жүргізілді.

Сақтау мерзімі Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ және жарықтан қорғалған жерде, 15°С-ден 30°С-ге дейінгі температурада сақтау керек. Балалардың қолы жетпейтін жерде сақтау керек!