Кальций-Д3 STADA таблетки

Бір таблетканың құрамында белсенді заттар: 1250 мг кальций карбонаты (500 мг элементарлы кальцийге баламалы), 2,20 мг холекальциферол концентраты* түріндегі 5,5 мкг холекальциферол (Д3 дәруменінің 200 ХБ), *холекальциферол концентраты құрамында 10 % артығын қоса алғанда: 0,00550 мг холекальциферол, 0,0220 мг DL-α-токоферол, 0,0660 мг орташа ұзындық тізбегінің триглицеридтері, 1,61 мг модификацияланған жүгері крахмалы, 0,385 мг сахароза, 0,0880 мг натрий аскорбаты, 0,0264 мг кремнийдің қостотығы бар. қосымша заттар: ксилитол, апельсин хош иістендіргішінің түйіршіктері (құрамында изомальт, апельсиннің дәмдік заты**, май қышқылдарының моно- және диглицеридтері бар), повидон, магний стеараты, сукралоза. ** Апельсин хош иістендіргіші синтетикалық апельсин хош иістендіргішінен тұрады. Бұл апельсин хош иістендіргішінің сандық құрамы хош иісті заттардың қоспасы болып табылады, олардың құрамында: Лимонен, Аце - тальдегид, 1,6-Октадиен-3-ол, 3,7-Диметил-; 2,6-Октидиеналь, 3,7-Диметил-; 6-Октен-1-ол, 3,7-Диметил-, Ацетат; 1-Циклогексен-1-Карбоксальдегид, 4-(1-Метилэтенил)-; 2,6-Октадиен-1-ол, 3,7-Диметил-, Ацетат, (Е)-; 6-Октен-1-ол, 3,7-Диметил-; Бутилгидроксианизол (БГА), E 320; Альфа-токоферол, E 307 Сыртқы түрінің, иісінің, дәмінің сипаттамасы Ақ түсті қабығы жоқ, апельсиннің хош иісі бар екі беті дөңес дөңгелек таблеткалар. Аздап теңбілденуі және шеттері тегіс болмауы мүмкін.

• кальций және Д дәрумені тапшылығын емдеуде және профилактикасында; • кальций мен Д дәруменінің тапшылық қаупі бар пациенттерді остеопороздан емдеу кезінде қосымша ем ретінде кальций мен Д дәруменін қабылдау.

Фармакодинамикалық әсерлері Организмдегі кальций мен фосфор алмасуын реттейтін біріктірілген препарат. Резорбцияны (сіңірілуін) азайтады және сүйек қаңқасы мен тістердің тығыздығын арттырады, организмде кальций мен Д дәруменінің тапшылығының орнын толтырады. Кальций жүйке өткізгіштігін, бұлшықет жиырылуын реттеуге қатысады және қанның ұю жүйесінің құрамдас бөлігі болып табылады. Д3 дәрумені кальцийдің ішекте сіңуін арттырады. Кальций мен Д3 дәруменін қабылдау кальций тапшылығынан туындаған және кальцийдің сүйектен шайылуын арттыратын паратиреоид гормон (ПТГ) деңгейінің жоғарылауына кедергі келтіреді.

Дозалау режимі Кальций және Д дәрумені тапшылығының профилактикасы және емдеуде. Ересектер мен 12 жастан асқан балалар – күніне 2 рет 1 таблеткадан немесе күніне бір рет 2 таблеткадан. 5-тен 12 жасқа дейінгі балалар – күніне 1-2 таблеткадан. 3-тен 5 жасқа дейінгі балалар – дәрігердің нұсқауларына сәйкес доза. Кальций мен Д дәруменінің тапшылық қаупі бар пациенттерде остеопорозды емдеуде қосымша ем ретінде Ересектер – күніне 2-3 рет 1 таблеткадан. Енгізу әдісі мен жолы Таблетканы шайнауға немесе соруға болады. Дәрілік препараттың бір немесе бірнеше дозасын өткізіп алу кезіндегі қажетті шаралар Препараттың өткізіп алған қабылдауының орнын толтыру үшін қосарлы дозаны қабылдамаңыз. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну жөніндегі нұсқаулар Препаратты әрдайым осы қосымша параққа және емдеуші дәрігердің немесе дәріхана қызметкерінің нұсқауларына сәйкес қабылдаңыз. Егер күмән туындаса, емдеуші дәрігермен немесе дәріхана қызметкерімен кеңесіңіз.

• әсер етуші заттарға немесе қосымша заттардың кез келгеніне аса жоғары сезімталдық • бүйректің ауыр жеткіліксіздігі (шумақтық сүзілу жылдамдығы <30 мл/мин / 1,73 м2) • гиперкальциемияның және/немесе гиперкальциурияның дамуына себепші болатын аурулар және/немесе жағдайлар • бүйрек-тас ауруы (нефролитиаз) • Д дәруменінің гипервитаминозы • тұқым қуалайтын фруктоза жақпаушылығы, глюкоза-галактоза сіңуінің бұзылуы, сахараза-изомальтаза жеткіліксіздігі

Барлық дәрі-дәрмектер сияқты, Кальций-Д3 STADA кейбір пациенттерде жағымсыз реакциялар тудыруы мүмкін. Жиі емес жағымсыз реакциялар (100 адамның ішінде 1 адамнан артық емес адамда туындауы мүмкін) Қандағы кальцийдің артық мөлшері (гиперкальциемия) және несепте (гиперкальциурия) жоғары дозаларды қолданғанда пайда болуы мүмкін. Сирек жағымсыз реакциялар (1000 адамның ішінде 1 адамнан артық емес адамда туындауы мүмкін) Іш қату, диспепсия, метеоризм, жүрек айну, іштің ауыруы және диарея. Өте сирек жағымсыз реакциялар (10000 адамның ішінде 1 адамнан артық емес адамда туындауы мүмкін) Қышыну, бөртпе және есекжем. Сүтті-сілтілік синдром (несеп шығарудың жиілеуі; бастың ұзаққа созылған ауыруы; тәбеттің ұзақ уақытқа жоғалуы; жүрек айну немесе құсу; шаршау немесе әлсіздік; гиперкальциемия, алкалоз және бүйрек жеткіліксіздігі). Әдетте, артық дозаланғанда байқалады. Жиілігі белгісіз жағымсыз реакциялар (қолда бар деректер негізінде баға беру мүмкін емес) Квинке ісінуі немесе көмейдің ісінуі сияқты аса жоғары сезімталдық реакциялары. Егер Сіз келесі симптомдарды сезінсеңіз: беттің, тілдің, еріннің немесе тамақтың ісінуі, дереу дәрігерге қаралуыңыз керек! Бүйрек жеткіліксіздігі бар пациенттерде қандағы фосфаттар деңгейі жоғарылауының (гиперфосфатемия), бүйрек тастары пайда болуының (нефролитиаз) және бүйректегі кальций мөлшері артуының (нефрокальциноз) әлеуетті қаупі бар. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Егер Сіз Кальций-Д3 STADA қажет болғаннан көп қабылдаған болсаңыз, дереу емдеуші дәрігермен кеңесіңіз.

Кальций-Д3 STADAны қабылдамас бұрын емдеуші дәрігеріңізбен немесе дәріхана қызметкерімен кеңесіңіз: • Егер Сіз ұзақ емделіп жатсаңыз, әсіресе егер Сіз диуретиктерді (қан қысымын және сұйықтықтың іркілісін емдеуге арналған дәрілік заттар) немесе жүрек гликозидтерін (жүрек ауруларын емдеуге арналған оймақгүл препараттары) қабылдап жүрсеңіз; • Егер Сізде бүйрек функциясының бұзылу белгілері болса немесе тастардың пайда болуына аса бейімділік болса; • Егер Сізде саркоидоз болса (организмдегі Д дәруменінің деңгейін жоғарылататын иммундық жүйенің ауруы); • Егер Сізде остеопороз болса және сол уақытта қозғала алмасаңыз; • Егер Сіз құрамында Д дәрумені бар басқа дәрі-дәрмектерді қабылдап жүрсеңіз. Кальций мен Д дәруменінің қосымша дозаларын дәрігер мұқият бақылауы керек. Арнайы сақтандырулар Ұзақ емдегенде қан сарысуындағы кальций деңгейін бақылау және қан сарысуындағы креатинин деңгейін өлшеу арқылы бүйрек функциясын бақылау керек. Бақылау әсіресе егде жастағы пациенттерде жүрек гликозидтерімен және диуретиктермен қатар емдегенде және тастардың түзілуіне бейімділігі жоғары пациенттерде өте маңызды. Гиперкальциемия немесе бүйрек функциясының бұзылу белгілері жағдайларында дозаны азайту немесе емдеуді тоқтату керек. Гиперкальциемиясы немесе бүйрек функциясының бұзылу белгілері бар пациенттерге холекальциферолы бар кальций карбонатын сақтықпен тағайындау керек, қандағы және несептегі кальций мен фосфаттар деңгейін бақылау қажет. Жұмсақ тіндерді кальцификациялау қаупін ескеру қажет. Д дәруменінің басқа көздерін және/немесе құрамында кальций бар дәрілік препараттарды немесе қоректік заттарды бір мезгілде қабылдағанда гиперкальциемия және кейіннен бүйрек функциясының бұзылуымен байқалатын сүтті-сілтілік синдромы қаупі бар. Мұндай науқастарда кальцийдің сарысулық деңгейі және бүйрек функциясы бақылануы тиіс. Кальций-Д3 STADA Д дәруменінің белсенді түрге айналу қаупіне байланысты саркоидозбен ауыратын науқастарға сақтықпен тағайындау керек. Мұндай пациенттерде қан сарысуындағы және несептегі кальций деңгейі бақылануы тиіс. Кальций-Д3 STADA гиперкальциемияның даму қаупіне байланысты остеопорозы бар иммобилизацияланған науқастарға сақтықпен тағайындалуы тиіс. Кальций-Д3 STADA препараты құрамында сахароза бар, ол тіске зиянды болуы мүмкін. Таблеткалардың құрамында изомальт (E953) бар. Сирек кездесетін тұқым қуалайтын фруктоза жақпаушылығы, глюкоза-галактоза сіңуінің бұзылуы немесе сахараза-изомальтаза жеткіліксіздігі аурулары бар пациенттерге бұл препаратты қолдануға болмайды. Кальций-Д3 STADA бір таблеткасында 23 мг-ден аз натрий бар, яғни құрамында натрий жоқ дерлік. Бауыр жеткіліксіздігінде дозаны түзету қажет емес. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Кальций-Д3 STADA көлік құралдары мен механизмдерді басқару қабілетіне әсер етпейді.

Жүктілік Кальций-Д3 STADAны жүктілік кезінде кальций мен Д дәрумені тапшылығы жағдайында әйелдер қолдана алады. Жүктілік кезінде тәуліктік дозада кальций 2500 мг-нан және Д дәрумені 4000 ХБ-ден аспауы тиіс. Бірақ жүкті әйелдерде кальций мен Д дәруменінің артық дозалануын болдырмау керек, өйткені тұрақты гиперкальциемия дамып келе жатқан шаранаға теріс әсер етеді. Д дәрумені емдік дозаларда тератогендік әсерге ие емес. Бала емізу Кальций-Д3 STADA бала емізу кезінде қолданылуы мүмкін. Кальций мен Д3 дәрумені емшек сүтіне енеді. Мұны балаға Д дәрумені қосымша тағайындалған жағдайда ескеру керек.

Тиазидті диуретиктер несеппен кальцийдің шығарылуын тежеуі мүмкін. Қандағы кальций мөлшерінің арту қаупінің жоғарылауына байланысты Кальций-Д3 STADAмен тиазидті диуретиктерді бір мезгілде қабылдағанда, сарысудағы кальций деңгейін ұдайы бақылау қажет. Қандағы кальций мөлшері жоғарылағанда жүрек гликозидтері олардың уытты әсерін арттыруы мүмкін. Кальций-Д3 STADAмен жүрек гликозидтерін бір мезгілде қабылдағанда қан сарысуындағы кальций деңгейін және электрокардиография (ЭКГ) көрсеткіштерін бақылау қажет. Кальций карбонаты тетрациклин қатарындағы антибиотиктердің сіңуіне әсер етуі мүмкін. Сондықтан тетрациклиндерді Кальций-Д3 STADA қабылдағаннан кейін кемінде екі сағат бұрын немесе төрт-алты сағаттан соң қабылдау керек. Хинолонды антибиотиктердің әсері кальциймен бір мезгілде қабылдағанда төмендеуі мүмкін. Хинолонды антибиотиктерді Кальций-Д3 STADA қабылдаудан екі сағат бұрын немесе алты сағаттан кейін қабылдау керек. Құрамында бисфосфонаттар бар препараттарды (остеопорозға қарсы дәрілік заттар) Кальций-Д3 STADA қабылдаудан кемінде бір сағат бұрын қабылдау қажет. Левотироксиннің тиімділігі левотироксин сіңуінің төмендеуіне байланысты кальцийді бір мезгілде қолданғанда төмендеуі мүмкін. Кальций-Д3 STADAмен левотироксинді қабылдау арасында кемінде төрт сағат өтуі тиіс. Кальций тұздары темір, мырыш және стронций ранелатының сіңуін төмендетуі мүмкін. Демек, темір, мырыш немесе стронций ранелаты препараттарын Кальций-Д3 STADA қабылдаудан кем дегенде екі сағат бұрын қабылдау керек. Орлистатпен емдеу майда еритін дәрумендердің (мысалы, Д3 дәруменінің) сіңуін бұзуы ықтимал.

Сақтау мерзімі 30 ай Жарамдылық мерзімі өткеннен кейін қолдануға болмайды. Сақтау шарттары Құрғақ жерде, тығыздалып жабылған құтыда, 25 С-ден аспайтын температурада сақтау керек. Балалардың қолы жетпейтін жерде сақтау керек!