Ирелми раствор 45 мг

Бір шприц-қалам (көлемі 0.8 мл) ішінде әсер етуші зат - эплонтерсен, 45 мг (47 мг натрий эплонтерсенге баламалы), қосымша заттар: натрий дигидрофосфат дигидраты, динатрий фосфаты, натрий хлориді, концентрацияланған хлорсутек қышқылы, натрий гидроксиді, инъекцияға арналған су. Сыртқы түрінің, иісінің, дәмінің сипаттамасы Көрінетін бөлшектерден бос, түссізден сары түске дейінгі мөлдір ерітінді.

Ирелми препараты 1 немесе 2 сатыдағы полинейропатия бар ересек пациенттерде тұқым қуалайтын транстиретинмен байланысты амилоидозды (ATTRv) емдеу үшін көрсетілген.

Әсер ету механизмі Эплонтерсен фосфоротиондалған және фосфодиэфирленген нуклеотидтер арасындағы байланыстардан алынған аралас негіздегі Nацетилгалактозаминмен (GalNAc) конъюгацияланған 2′-O2-метоксиэтил-модификацияланған химерлік гапмерлі антисенстік олигонуклеотид (ASO) түрінде болады. GalNAc конъюгаты гепатоциттерге бағытталып ASO жеткізілуін қамтамасыз етеді. Эплонтерсеннің гепатоциттерде транстиретиннің матрицалық РНҚ-мен (мРНК TTR) селективті байланысуы мутантты да, қалыпты да (жабайы типті) мРНҚ TTR ыдырауына алып келеді. Бұл бауырдағы TTR ақуызының синтезін бөгейді, ол бауыр арқылы қан ағымына секрецияланатын TTR мутантты ақуызы мен TTR жабайы типті ақуызы деңгейінің едәуір төмендеуіне әкеледі. Фармакодинамикалық әсерлері Клиникалық зерттеуде эплонтерсен қабылдаған ATTRv-PN бар пациенттерде қан сарысуында TTR концентрациясының төмендеуі бірінші бағалаудың өзінде (5 апта) орын алды, ал TTR концентрациясының төмендеуі 35ші аптаға дейін жалғасты. TTR концентрациясының тұрақтанған төмендеуі бүкіл емдеу кезеңінің барысында (85 апта) білінді. Эплонтерсенмен емделгенде қан сарысуындағы TTR деңгейінің пайыздық төмендеуінің орташа мәні (стандартты ауытқуы (СА)), бастапқы деңгеймен салыстырғанда, 35ші аптада 82.1% (11.7), 65ші аптада 83.0% (10.4) және 85ші аптада 81.8% (13.4) құрады. Қан сарысуында TTR концентрациясының ұқсас төмендеуі, бастапқы деңгеймен салыстырғанда, жынысына, нәсіліне, жасына, өңіріне, дене салмағына, емдеудің алдындағы кардиомиопатия статусына, Val30Met мутациясының статусына және аурудың сатысына және отбасылық амилоидты кардиомиопатияның клиникалық диагнозының бастапқыда бар-жоғына қарамастан орын алды. TTR – А дәруменінің (ретинол) негізгі тасымалдаушысы болып табылатын ретинол- байланыстырушы 4 ақуызды тасымалдайтын ақуыз. Осылайша, қан плазмасында TTR концентрациясының төмендеуі қан плазмасындағы ретинол концентрациясының қалыптың төменгі шегінен төмен деңгейіне дейін төмендеуіне әкеледі. Клиникалық тиімділігі және қауіпсіздігі Эплонтерсен тиімділігі мен қауіпсіздігі, жалпы жиынтығы, ATTRv-PN бар 168 ересек пациент қосылған рандомизацияланған көп орталықтық ашық зерттеуде (NEUROTTRansform) бағаланды. Пациенттер референтті топ ретінде әр төрт аптада тері астына 45 мг дозада эплонтерсен (N=144) немесе аптасына бір рет 284 мг дозада инотерсен (N=24) алу үшін 6:1 арақатынасында рандомизацияланды. Эплонтерсен қабылдау үшін рандомизацияланған 144 пациенттен 140 (97.2%) пациент емделуді 35ші аптаға дейін, ал 135-і (93.8%) 65-ші аптаға дейін жалғастырды. Сыртқы плацебо тобы инотерсеннің негізгі зерттеуінде (NEURO-TTR): ATTRv-PN бар ересек пациенттің қатысуымен рандомизацияланған салыстырмалы жасырын плацебо-бақыланатын көп орталықтық клиникалық зерттеуде плацебо алған пациенттер қауымынан құралды. Бұл қауым аптасына бір рет тері астына плацебо инъекцияларын алды. Екі зерттеуде де пациенттерді зерттеуге қосудың сәйкес критерийлері пайдаланылды. Эплонтерсен тобы мен сыртқы плацебо тобының сипаттамалары, әдетте, ұқсас болды, ал негізгі бастапқы сипаттамаларындағы (Val30Met мутация статусы, ауру сатысы және алдыңғы емдеу) ықтималды ұқсас бұзылулары алдын ала белгіленген статистикалық талдауда ескерілді. Эплонтерсен тобына рандомизацияланған 144 пациентте бастапқы деңгейдегі пациенттердің жас медианасы 51.5 жас құрады (диапазон: 24-тен 82 жасқа дейін); пациенттердің 30.6%-ы ≥ 65 жас шамасында болды; пациенттердің 69.4%-ы ер жынысты болды. TTR мутацияларының әртүрлі 20 нұсқасы анықталды: Val30Met (59.0%), Phe64Leu (3.5%), Leu58His (2.8%), Thr60Ala (2.8%), Val122Ile (2.8%), Ser77Tyr (2.1%), Ser50Arg (1.4%), Thr49Ala (0.7%), Glu89Gln (0.7%) және басқаларын (24.3%), Ala97Ser (15%) қоса). Бастапқы деңгейде пациенттердің 79.9%-ы аурудың 1 сатысында болды (өз бетінше жүріп-тұруға қабілеттілікті сақтау; аяқтың жеңіл дәрежедегі сенсорлық, моторлық және вегетативті нейропатиясы); пациенттердің 20.1%-да аурудың 2 сатысы болды (демеумен жүріп-тұруға қабілеттілік; аяқ, қол және бүкіл дене функциясының орташа дәрежеде бұзылуы), осы орайда аурудың 3 сатысындағы пациенттер болмады. Пациенттердің 69.4%-ы бұрын тафамидис немесе дифлунисалмен ем қабылдаған. 66-ші аптада жасалған талдауда біріктірілген соңғы нүктелер эплонтерсенді қолдану кезінде, плацебомен салыстырғанда, қан сарысуындағы TTR концентрациясының 65-ші аптаға дейін бастапқы деңгеймен салыстырмалы пайыздық өзгеруін; нейропатия +7 (mNIS+7) бұзылуларының модификацияланған шкаласы бойынша біріктірілген бағалауының бастапқы деңгеймен салыстырмалы өзгеруін және Норфолк QOL-DN бойынша жиынтық баллының 66-ші аптада бастапқы деңгеймен салыстырмалы өзгеруін қамтыды. mNIS+7 бойынша біріктірілген бағалау нейропатияның объективті бағасы болады және өзінде NIS және Modified +7 бойынша біріктірілген бағаларды қамтиды. Зерттеуде пайдаланылған mNIS+7 бойынша біріктірілген бағалау нұсқасында NIS шкаласы бойынша бассүйек-ми жүйкелері функцияларының, бұлшықет күшінің, рефлекстер мен түйсіктердің бұзылуы объективті өлшенеді, ал Modified +7 бойынша жүректің жиырылуы тарапынан терең тыныс алуға жауап, сандық сенсорлы тест өткізу (жанасу-қысым және жылу-ауыру), сондай-ақ шеткері жүйкелердің электрофизиологиясы бағаланады. Зерттеуде пайдаланылған mNIS+7 бойынша біріктірілген бағалаудың валидацияланған нұсқасының талданған аумағы -22.3-тен 346.3 баллға дейін құрады, осы орайда өте жоғары балл аурудың ауқымды дәрежедегі ауырлығы көрінісін берді. Норфолк QoL-DN шкаласы пациенттің келесі салалардағы нейропатиядан бастап субъективті түйсіктерді: физикалық қызмет атқару/ірі талшықтар нейропатиясын, күнделікті қызмет, симптомдар, шағын талшықтар нейропатиясын және вегетативті нейропатияны бағалауы түрінде болады. Зерттеуде пайдаланылған Норфолк QoL-DN шкаласы бойынша жалпы бағалау нұсқасы 4-тен 136 баллға дейінгі диапазонда болды, осы орайда, ал өте жоғары балл аса айқын бұзылуларының көрінісін берді. Басқа екіншілік соңғы нүктелер 66-шы аптада иерархиялық тест өткізілгенде бейресми бағаланды және симптомдардың жиынтық баллының бастапқы деңгеймен салыстырмалы өзгеруін және нейропатия өзгерістерін; 36 тармақтан тұратын денсаулық жағдайының қысқаша сауалнамасының (2 нұсқа) физикалық компонентінің жиынтық балл өзгерісін; полинейропатия кезінде мүгедектену көрсеткішінің өзгеруін және нутритивтік статус (дене салмағының модификацияланған индексі) өзгерісін қамтыды. NEURO-TTRansform зерттеуінде эплонтерсенді қолдану кезінде, сыртқы плацебо тобымен салыстырғанда (барлық p мәндері < 0.0001), 35-ші аптада да, 66-шы аптада да барлық соңғы нүктелер бойынша статистикалық маңызды жақсаруы көріністелді (2 кестені қараңыз). 2 кесте. NEURO-TTRansform зерттеуіндегі клиникалық тиімділікті бағалау қорытындыларына шолу Талдау/соңғы нүкте — Орташа мәні (СА) — Орташа ЕК өзгеруі / бастапқы деңгеймен салыстырмалы пайыздық өзгеруі (есептік СҚЖ) [95% СА] — Эплонтерсен –плацебо* Орташа ЕК айырмасы [95% СА] — P мәні Плацебо* — Эплонтерсен — Плацебо* — Эплонтерсен Қауіпсіздігін бағалау үшін іріктеу — N = 60 — N = 144 — N = 60 — N = 144 Қан сарысуындағы TTR концентрациясы, г/л1 Бастапқы деңгей — 0.15 (0.04) — 0.23 (0.08) 35-ші апта — -14.7% (2.2) [-18.96, -10.44] — -81.3% (1.8) [-84.83, -77.71] — -66.6% [-71.61, -61.53] — p<0.0001 65-ші апта — 0.14 (0.04) — 0.04 (0.02) — -10.2% (2.2) [-14.43, -5.87] — -80.2% (1.8) [-83.75, -76.72] — -70.1% [-75.02, -65.15] — p<0.0001 mNIS+7 бойынша біріктірілген балл1 Бастапқы деңгей — 74.1 (39.0) — 79.8 (42.3) 35-ші апта — 9.9 (1.9) [6.29, 13.56] — 1.1 (1.8) [-2.47, 4.77] — -8.8 [-13.21, -4.34] — p=0.0001 66-шы апта — 96.6 (50.2) — 79.7 (44.9) — 26.3 (2.6) [21.32, 31.38] — 3.2 (2.5) [-1.75, 8.18] — -23.1 [-29.26, -17.01] — p<0.0001 Норфолк QoL-DN бойынша жиынтық балл1 Бастапқы деңгей — 48.6 (27.0) — 43.3 (26.2) 35-ші апта — 8.4 (2.1) [4.30, 12.58] — -2.8 (2.1) [-6.87, 1.19] — -11.3 [-16.26, -6.30] — p<0.0001 66-шы апта — 58.9 (32.0) — 35.6 (26.3) — 13.7 (2.4) [8.92, 18.50] — -5.5 (2.4) [-10.19, -0.91] — -19.3 [-24.99, -13.53] — p<0.0001 Талдау үшін толық іріктеу — N = 59 — N = 141 — N = 59 — N = 141 Нейропатия симптомдары мен өзгерістерінің жиынтық баллы, 66-шы апта2 — 8.2 [6.24, 10.12] — -0.0 [-1.92, 1.86] — -8.2 [-10.65, -5.76] — p<0.0001 36 тармақтан тұратын денсаулық жағдайының қысқаша сауалнамасының (2 нұсқа) физикалық компонентінің жиынтық баллы, 65-ші апта2 — -4.46 [-6.139, -2.770] — 0.85 [-0.711, 2.412] — 5.31 [3.195, 7.416] — p<0.0001 Дене салмағының модификацияланған индексі, 65-ші апта 2 — -90.8 [112.84, 68.69] — -8.1 [-28.55, 12.42] — 82.7 [54.64, 110.76] — p<0.0001 * Басқа рандомизацияланған бақыланатын зерттеуден сыртқы плацебо тобы (NEURO TTR). 1 Емдеу үшін бекітілген санаттық әсерлерімен бейімделу, уақыт, емдеу мен уақыт арасындағы өзара байланыс, ауру сатылары, Val30Met мутациялары, осының алдындағы емдеу және бастапқы деңгей үшін бекітілген ковариаталар және бастапқы деңгей мен уақыт арасындағы өзара байланыс көрсеткіштерінің көмегімен түзетілген өткізіп алған деректерді қалпына келтіру моделі негізіндегі көптеген ауыстырып қою әдісі бойынша ANCOVA негізінде. Қалпына келтіру моделі негізіндегі көптеген алмастыру әдісін пайдаланғанда ем жүргізу кезіндегі плацебо тобында және эплонтерсен тобында өткізіп алған деректер деректердің кездейсоқ болмауын өткізіп алғанда емдеу топтары шеңберіне қатысатын мәндері бойынша ауыстырып қою арқылы алмастырылады. 2 Емдеу үшін бекітілген санаттық әсерлерімен бейімделу, уақыт, емдеу мен уақыт арасындағы өзара байланыс, ауру сатылары, Val30Met мутациялары, осының алдындағы емдеу және бастапқы деңгей үшін бекітілген ковариаталар және бастапқы деңгей мен уақыт арасындағы өзара байланыс көрсеткіштерінің көмегімен түзетілген MMRM негізінде. ANCOVA — ковариация талдауы; СА — сенім аралығы; орташа ЕК – ең аз квадраттар әдісі бойынша есептелген орташа мәні; MMRM — қайталап өлшеулерімен аралас әсерлерінің моделі; mNIS+7 — нейропатия бұзылуларының модификацияланған шкаласы + 7 балл; N — топқа қатысушылар саны; Норфолк QoL-DN — Норфолк диабеттік нейропатия кезіндегі өмір сүру сапасының сауалнамасы; СА — стандартты ауытқу; СҚЖ — стандартты қате жіберу; TTR — транстиретин. Екінші соңғы нүкте – полинейропатия кезіндегі мүгедектену көрсеткішінің 65-ші аптада бастапқы деңгеймен салыстырмалы өзгеруі эплонтерсен қолдану пайдасына статистикалық маңызды болды (p = 0.02). Полинейропатия кезіндегі мүгедектену көрсеткішінің бастапқы деңгеймен салыстырмалы жақсаруы, сыртқы плацебо тобымен салыстырғанда, эплонтерсен тобындағы пациенттердің көп санында (5.7% vs 3.4%), ал көрсеткішінің бастапқы деңгеймен салыстырмалы нашарлауы, сыртқы плацебомен салыстырғанда, эплонтерсен тобындағы пациенттердің аз санында (12.8% vs 22.0%) байқалды. Эплонтерсен қабылдаған пациенттерде, плацебомен салыстырғанда, жасын, жынысын, нәсілін, өңірін, Val30Met мутациясының статусын, кардиомиопатия статусын, отбасылық амилоидты кардиомиопатияның бастапқы клиникалық диагнозын және аурудың сатысын қоса, қосалқы топтардың бәрінде қан сарысуындағы TTR концентрациясы төмендеуіне қатысты ұқсас жақсаруы, mNIS+7 бойынша біріктірілген балл мен Норфолк QoL DN бойынша жиынтық балл жақсарулары байқалды. Эплонтерсенмен емдеудің соңына дейін 85-ші аптада ТТР концентрациясының төмендеуі және mNIS+7 бойынша біріктірілген баллға қатысты байқалатын әсері сақталды, ал Норфолк QoL-DN бойынша орташа жиынтық балл тұрақты күйде қалды. Иммуногенділік Клиникалық зерттеуде ATTRv-PN бар пациенттерде 84апталық емдеу кезеңінен кейін (емдеу ұзақтығының медианасы 561 күн (80 апта), диапазон: 57-ден 582 күнге дейін) 58 пациентте (40.3%) препаратты қолданумен байланысты дәрілік препаратқа антиденелер анықталды. Эплонтерсенге антиденелер қалыптасуының кешірек басталуымен (дамудың басталу медианасы - 223 күн) және төмен титрімен (антиденелердің жоғары шыңдық титр медианасы - 200) төзімділікке бейімделуі көріністелді. Эплонтерсенге антиденелері бар пациенттерде эплонтерсеннің тиімділігіне, қауіпсіздігіне, фармакокинетикасына және фармакодинамикасына клиникалық мәнді әсері анықталмады.

Емдеу тұқым қуалайтын транстиретинмен байланысты амилоидозды емдеу тәжірибесі бар дәрігердің бақылауымен басталуы және жүргізілуі тиіс. Дозалау режимі Ұсынылатын эплонтерсен дозасы айына бір рет 45 мг құрайды. Ирелми препаратын қабылдап жүрген пациенттерге А дәруменін қоспа ретінде 2500- 3000 ХБ мөлшерінен аспайтын тәуліктік дозада қолдануға кеңес беріледі. Емдеуді симптомдардың дамуынан кейін мүмкіндігінше ертерек бастау керек. Полинейропатия 3 сатыға дейін үдеп кеткен пациенттерде емді жалғастыру шешімін дәрігер жалпы «пайда — қауіп» бағалауы негізінде қабылдайды. Пациенттердің ерекше топтары Егде жастағы пациенттер Егде жастағы (≥ 65 жас шамасындағы) пациенттерде дозаны түзету қажет емес. Бүйрек функциясының бұзылуы Бүйрек функциясының бұзылуы жеңіл және орташа дәрежедегі (есептік шумақтық сүзілу жылдамдығы [еШСЖ] ≥ 45-тен < 90 мл/мин/1.73 м2 дейін) пациенттерде дозаны түзету қажет емес. Эплонтерсенді еШСЖ < 45 мл/мин/1.73 м2 немесе бүйрек жеткіліксіздігінің терминалдық сатысындағы пациенттерде қолдану зерттелмеген; осындай пациенттерде, егер тек күтілетін клиникалық пайдасы ықтималды қауіптен артық болған жағдайда ғана, препаратты қолдану керек. Бауыр функциясының бұзылуы Бауыр функциясының бұзылуы жеңіл дәрежедегі пациенттерде дозаны түзету қажет емес. Эплонтерсенді бауыр функциясының бұзылуы орташа немесе ауыр дәрежедегі пациенттерде қолдану зерттелмеген; осындай пациенттерде, егер тек күтілетін клиникалық пайдасы ықтималды қауіптен артық болған жағдайда ғана, препаратты қолдану керек. Бауыр трансплантациясы жасалған пациенттер Ирелми препаратының қауіпсіздігі мен тиімділігі бауыр трансплантациясы жасалған пациенттерде зерттелмеген. Деректер жоқ. Балалар Ирелми препаратының қауіпсіздігі мен тиімділігі балалар мен 18 жасқа дейінгі жасөспірімдерде анықталмаған. Деректер жоқ. Енгізу әдісі және жолы Ирелми препараты тері астына қолдануға арналған. Ирелми препараты тек бір реттік қолдануға арналған шприц-қалам түрінде болады. Пациент немесе пациентке күтім жасайтын тұлға орындайтын алғашқы инъекцияны тиісті біліктілігі бар медициналық қызметкердің жетекшілігімен жүргізген жөн. Пациенттерді және/немесе оларға күтім жасайтын тұлғаларды Ирелми препаратын тері астына енгізуге үйрету керек. Шприц-қаламды препаратты енгізуге дейін 30 минуттан кем емес уақыт бұрын тоңазытқыштан алып шығып, оны инъекция алдында бөлме температурасына дейін жылытып алу керек. Басқа қыздыру әдістерін пайдалануға болмайды. Қолданар алдында ерітіндіні көзбен шолып бағалаңыз. Ерітінді түссізден сары түске дейін мөлдір болуы тиіс. Егер енгізер алдында ерітіндінің бұлыңғырлануы, көрінетін бөлшектері немесе түсінің өзгеруі білінсе, қолдануға болмайды. Өз бетінше қолданғанда Ирелми препараты іш аумағына немесе жамбастың жоғарғы бөлігіне енгізіледі. Инъекцияны пациентке күтім жасайтын тұлға орындағанда препаратты иықтың артқы беткейіне де енгізуге болады. Препаратты зақымданған, ауырсындыратын, қызарып немесе қатайып кеткен теріге, сондай-ақ тыртықтарға немесе зақымданған теріге; кіндік маңы аумағына енгізуге болмайды. Шприц-қаламды қолдану жөніндегі толық ұсынымдар «Қолдану жөніндегі нұсқауларында» берілген. Дәрілік препараттың бір немесе бірнеше дозасын өткізіп алу кезіндегі қажетті шаралар Егер Ирелми препаратының дозасын өткізіп алса, оны мүмкіндігінше тезірек енгізу қажет. Одан кейін препаратты қолдануды соңғы доза енгізілген күннен бастап, бір айлық аралықтармен жаңғыртқан жөн; препараттың екі еселенген дозасын енгізуге болмайды. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Ирелми препаратын қолдану тәсіліне қатысты қандай да бір сұрақтар пайда болған жағдайларда пациентке аталған дәрілік препаратты қолдану тәсілін түсіндіру үшін медицина қызметкерден кеңес алу ұсынылады.

• әсер етуші затқа немесе қосымша заттардың кез келгеніне аса жоғары сезімталдық

Өте жиі • А дәрумені деңгейінің төмендеуі Жиі • құсу • инъекция орнындағы эритема, инъекция орнының ауыруы • инъекция орнының қышынуы Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Эплонтерсен артық дозаланғанда жүргізілетін спецификалық емдеу жоқ. Артық дозалану жағдайында симптоматикалық ем жүргізу қажет.

Ирелми препаратын қолданар алдында емдеуші дәрігермен кеңесіңіз. • Ирелми препаратымен емдеу қан сарысуында А дәрумені мөлшерін төмендетеді. Емдеуді бастар алдында емдеуші дәрігер қан сарысуындағы А дәруменінің деңгейін анықтау үшін талдау тағайындайды. Ирелми препаратымен емдеу кезінде емдеуші дәрігер А дәруменін қоспа ретінде күнделікті қабылдауды тағайындайды. Қан сарысуындағы А дәруменінің төмен деңгейінің белгілері нашар көру, әсіресе, түнгі уақытта, көздің құрғауы, анық көрмеу немесе көз алдының тұмандануын сезіну немесе көздің қабынуы (қызару, ауыру, көз жасының шұбырып ағуы немесе көздің басқа бөліністері немесе көзде бөгде денені сезіну/көзге қиқым түсіп кетуі) болуы мүмкін. • Егер Ирелми препаратымен емдеу кезінде көру кінәраттары немесе көз тарапынан басқа бұзылулар туындаса, емдеуші дәрігерге қаралу керек. Қажет болса, емдеуші дәрігер офтальмологқа тексеруге жіберуі мүмкін. • Ирелми препаратымен емдеуді бастар алдында жүктілік жоққа шығарылу керек. Қан сарысуындағы А дәруменінің тым жоғары да, тым төмен де деңгейі келешек сәбидің дамуына зиян тигізуі мүмкін. Сондықтан Ирелми препаратымен емдеу басталар сәтте бала туу жасындағы әйелдер контрацепцияның сенімді әдістерін пайдалануы тиіс («Жүктілік немесе лактация кезінде» бөлімін қараңыз). • Ирелми препаратының соңғы дозасын қабылдаудан кейін 15 аптадан аса уақыт бойы қан сарысуындағы А дәруменінің деңгейі төмен күйде қалуы мүмкін. • Егер жүктілікті жоспарлап жүрсеңіз, емдеуші дәрігерге мәлімдеңіз. Емдеуші дәрігер Ирелми препаратымен емдеуді және А дәруменін қоспа ретінде қабылдауды қалай тоқтату керектігі туралы кеңес береді. Емдеуші дәрігер қан сарысуындағы А дәруменінің жүктілікті жоспарлау алдында қалыпты мәндерге оралғанына көз жеткізуі тиіс. • Егер ем кезінде жоспарланбаған жүктілік басталса, емдеуші дәрігерге мәлімдеңіз. Емдеуші дәрігер Ирелми препаратымен емдеуді қалай тоқтату керектігі туралы кеңес береді. Жүктіліктің алғашқы 3 айында емдеуші дәрігер А дәруменін қоспа ретінде қабылдауды қалай тоқтату туралы кеңес беруі мүмкін. Егер жүктіліктің соңғы 3 айы ішінде А дәрумені тапшылығының жоғары даму қаупі салдарынан қан сарысуында А дәруменінің деңгейі қалыпты мәндеріне оралмаған болса, емдеуші дәрігер жүктіліктің соңғы 6 айы ішінде А дәруменін қоспа ретінде қабылдауды жаңғыртуға кеңес бере алады. • Емдеуші дәрігерді басқа дәрілік препараттардың қолданылуынан (ағымдағы сәтте, бұрын немесе жоспарланған қолдану туралы) хабардар ету керек. Арнайы сақтандырулар А дәруменінің тапшылығы Әсер ету механизмі негізінде Ирелми препараты қан сарысуындағы А дәруменінің (ретинол) деңгейін қалыпты мәндерден төмен түсіріп жіберетіні күтіледі. Қан сарысуындағы А дәруменінің қалыптың төменгі шегінен де төмен деңгейін түзету керек; Ирелми препаратымен емдеуді бастар алдында А дәруменінің тапшылығымен байланысты көру мүшесі тарапынан болатын кез келген симптомдарды немесе белгілерді бағалау керек. Ирелми препаратын қабылдап жүрген пациенттер А дәруменінің тапшылығы себебінен көру мүшесі тарапынан симптомдардың ықтималды даму қаупін азайту үшін қоспа ретінде А дәруменін 2500 ХБ (әйелдерге) - 3000 ХБ (ерлерге) мөлшерінен көп емес тәуліктік дозада пероральді қабылдау керек. Түнгі көрудің нашарлауын немесе түнгі соқырлық, көздің үнемі құрғап кетуін, көздің қабынуын, мөлдір қабықтың қабынуын немесе ойық жаралануын, мөлдір қабықтың қалыңдауын немесе мөлдір қабықтың тесілуін қоса, А дәруменінің тапшылығына сәйкес келетін көру мүшесі тарапынан симптомдар дамыса, пациенттерді офтальмологиялық тексеруге жіберген жөн. Жүктіліктің алғашқы 60 күні ішінде А дәруменінің тым жоғары деңгейі де, тым төмен деңгейі де шарананың даму ақауларының жоғары даму қаупімен байланысты болуы мүмкін. Сондықтан емнің басталуына дейін жүктілікті жоққа шығару қажет, ал бала тууға қабілетті әйелдерге тиімді контрацепция әдістерін пайдалану керек. Егер әйел жүктілікті жоспарласа, Ирелми препаратын қолдануды және А дәруменін қоспа ретінде қабылдауды тоқтату керек, ал ұрықтану әрекетінің алдында оның қалыпқа түскеніне көз жеткізу үшін қан сарысуындағы А дәруменінің деңгейін бақылап отыру қажет. Жоспарланбаған жүктілік басталған жағдайда Ирелми препаратын қабылдауды тоқтату керек. Эплонтерсеннің жартылай шығарылу кезеңінің ұзаққа созылуына орай, А дәруменінің тапшылығы тіпті емдеуді тоқтатудан кейін де дамуы мүмкін. Жоспарланбаған жүктіліктің бірінші триместрінің ішінде А дәруменін қоспа ретінде қабылдауды жалғастыру немесе тоқтатуға қатысты нұсқаулар беру мүмкін емес. Егер А дәруменін қоспа ретінде қабылдау жалғасса, жоғарырақ дозаларда қолдану қажеттілігін растайтын деректердің болмауына орай, тәуліктік доза 3000 ХБ мөлшерінен аспауы тиіс. Егер кейіннен қан сарысуындағы А дәруменінің деңгейі қалыпты мәндерге оралмаса, үшінші триместрде А дәрумені тапшылығының жоғары даму қаупіне орай, екінші және үшінші триместрлерде А дәруменін қоспа ретінде қабылдауды 2500-3000 ХБ тәуліктік дозада жаңғыртқан жөн. Егер жүкті әйел Ирелми препаратын қабылдауды жалғастырса, жүктілік кезінде А дәруменінің тәуліктік дозасын 3000 ХБ мөлшерінен жоғары қоспа ретінде қабылдау А дәрумені тапшылығының профилактикасы үшін жеткілікті болу-болмауы белгісіз. Алайда, жүктілік кезінде А дәруменінің тәуліктік дозасын 3000 ХБ мөлшерінен жоғары деңгейге дейін арттыру эплонтерсеннің әсер ету механизмімен байланысты қан сарысуында ретинол деңгейін түзетуге әкелу-әкелмеуі екіталай және ана мен шаранаға зиянды болуы мүмкін. Қосымша заттар Натрий Аталған дәрілік препарат құрамында 0.8 мл дозасына 1 ммольден аз (23 мг) натрий бар, яғни құрамында натрий жоқ дерлік. Педиатрияда қолдану Ирелми препаратының қауіпсіздігі мен тиімділігі балалар мен 18 жасқа дейінгі жасөспірімдерде анықталмаған. Деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Эплонтерсен көлік құралдарын басқару және механизмдермен жұмыс істеу қабілетіне әсер етпейді немесе мардымсыз әсер етеді.

Бала тууға қабілетті әйелдер Ирелми препаратын қолдану шарананың қалыпты дамуы үшін маңызды А дәруменінің деңгейін қан плазмасында төмендетеді. А дәруменін қоспа ретінде қабылдау шаранаға төнетін қауіпті төмендетуге жеткілікті болу-болмауы белгісіз. Сондықтан Ирелми препаратымен емнің басталуына дейін жүктілікті жоққа шығару қажет, ал бала тууға қабілетті әйелдер тиімді контрацепция әдістерін пайдалану керек. Егер әйел жүктілікті жоспарласа, Ирелми препаратын қолдануды және А дәруменін қоспа ретінде қабылдауды тоқтату керек, ал ұрықтану әрекетінің алдында оның қалыпқа түскеніне көз жеткізу үшін қан сарысуындағы А дәруменінің деңгейін бақылап отыру қажет. Қан сарысуындағы А дәруменінің деңгейі емнің соңғы дозасын қабылдаудан кейін 15 аптадан аса уақыт бойы төмен күйде қалуы мүмкін. Жүктілік Жүкті әйелдерде эплонтерсен қолдану деректері жоқ. Ұрпақ өрбіту қабілетіне уыттылық зерттеулерінің деректері жеткіліксіз. Ирелми препаратын жүктілік кезінде және контрацепцияны пайдаланбайтын бала тууға қабілетті әйелдерде қолдануға болмайды. Жүкті болып қалған жағдайда, әсіресе, бірінші триместрде шарананың жай-күйіне және А дәруменінің деңгейіне мұқият қадағалау жүргізу қажет. Бала емізу Эплонтерсен немесе оның метаболиттерінің емшек сүтіне секрециялануы белгісіз. Ана сүтімен қоректеніп жүрген нәрестелер үшін қаупін жоққа шығаруға болмайды. Бала емізуді тоқтату немесе Ирелми препаратымен емдеуді тоқтата тұру/тоқтату шешімін сәби үшін ана сүтімен қоректенудің пайдасын және әйел үшін емнің пайдасын ескере отырып, қабылдау керек. Фертильділік Эплонтерсеннің адам фертильділігіне ықпал етуі туралы ақпарат жоқ.

Дәрілік препараттармен өзара әрекеттесуіне зерттеулер жүргізілмеген. Іn vitro зерттеулерінде эплонтерсеннің субстрат немесе тасымалдағыштардың тежегіші емес екені, қан плазмасы ақуыздарымен белсенді байланысатын дәрілік препараттармен өзара әрекеттесетіні, CYP ферменттерінің тежегіші немесе индукторы еместігі анықталды.

Сақтау мерзімі 3 жыл Ирелми препаратын түпнұсқалық картон қаптамасында 30 °C-ден аспайтын бөлме температурасында 6 аптадан асырмай сақтауға болады. Егер препарат алты апта ішінде пайдаланылмаса, оны утилизациялау керек. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, жарықтан қорғалған жерде, тоңазытқышта, 2 °С-ден 8 °С-ге дейінгі температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!