Ингалипт-Н спрей

Сыртқы түрінің, иісінің, дәмінің сипаттамасы Өзіне тән иісі бар, ашық-сарыдан күңгірт-сары түске дейінгі мөлдір сұйықтық.

- ауыз қуысының, көмейдің және мұрынжұтқыншақтың жедел және созылмалы инфекциялық-қабынбалы ауруларында: тонзиллитте, фарингитте, афтоздық және ойық жаралы стоматитте.

Фармакодинамикалық әсерлері Ингалипт – Н бактерияларға қарсы және қабынуға қарсы әсер етеді, сондай-ақ, салқындататын және аулақтатқыш әсері бар. Сульфаниламидтер тобының белсенді заттары бактерияға қарсы әсер береді. Олардың әсері микробтардың өздерінің дамуы үшін қажетті, молекуласына пара-аминобензой қышқылы кіретін фолий және дигидрофолий қышқылдарының көбеюі факторларын түзуін бұзатындығымен байланысты. Сульфаниламидтер химиялық құрамы жағынан пара-аминобензой қышқылына жақын, оларды пара-аминобензой қышқылының орнына микроб жасушасы қармап алады және сол арқылы ондағы алмасу үдерістерінің ағымын бұзады. Қосымша заттар антисептикалық, салқындататын және аулақтатқыш әсер береді. Аталған фармакологиялық қасиеттерінің біріктірілімі жоғарғы тыныс жолдарының және ауыз қуысының шырышты қабығының қабыну ауруларының кешенді патогенетикалық емімен қамтамасыз етеді. Ингалипт-Н организмге ульцерогенді және жалпы уытты әсер бермейді. Клиникалық тиімділігі және қауіпсіздігі Ақпарат жоқ. Балалар 6 жастан асқан балаларға сақтықпен, алдын ала дәрігермен кеңесіп алып қолдану керек.

Дозалану режимі Ересектер мен 6 жастан асқан балаларға ауыз қуысының шырышты қабығын бүркіп сулау үшін жергілікті тағайындайды. ДП алғаш қолданар алдында бүріккішін дисперстік ағын пайда болғанға дейін бірнеше рет басу керек. Пайдаланар алдында құтының сақтандырғыш қалпақшасын алып тастайды және клапанының стерженіне қоса берілген бүріккішті кигізеді. Бүріккіштің бос ұшын ауыз қуысына кіргізеді және бастиегін 1-2 секунд басады. Препаратты пайдаланғаннан кейін мойнындағы бүріккішін штоктан шешіп алу және оны жылы сумен жуып-шаю керек. Пайдалану кезінде баллонды қатаң түрде тігінен ұстау керек. Қабылдау уақытын көрсете отырып қолдану жиілігі Бүркіп сулауды тәулігіне 3-4 рет, тамақтан кейін 2-3 сағаттан соң немесе ас ішулер арасындағы үзілістерде жүргізеді. Емдеу ұзақтығы Емдеу курсы 7 күннен аспайды. Дәрілік препараттың бір немесе бірнеше дозасын өткізіп алған жағдайда қажетті шаралар ДП қолдану режимінің бұзылуы емнің сәтті аяқталуына қауіп төндіруі мүмкін. Тоқтату симптомдары қаупінің бар-жоқтығы жөніндегі нұсқау Бұл ДП қолданғанда тоқтату симптомдары болмайды. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Препаратты әрдайым осы қосымша-параққа немесе емдеуші дәрігер мен дәріхана қызметкерінің нұсқауларына толық сәйкестікпен қабылдаңыз. Күмән пайда болған жағдайда, емдеуші дәрігермен немесе дәріхана қызметкерімен кеңесіңіз.

- сульфаниламидтерге немесе қосымша заттардың кез келгеніне аса жоғары сезімталдық - жүктілік және бала емізу кезеңі - 6 жасқа дейінгі балаларға

Барлық дәрілік препараттар сияқты, бұл ДП жағымсыз реакцияларды тудыруы мүмкін, бірақ олар барлығында бірдей туындай бермейді. Жиілігі белгісіз (қолда бар деректердің негізінде бағалау мүмкін емес) - аллергиялық реакциялар (тері бөртпелері, қышыну, препаратпен жанасқан орындардың ісінуі) - дімкәстану сезімі - бас ауыруы - жүрек айнуы және құсу - диарея - балаларда рефлекторлық бронх түйілуі дамуы мүмкін - қысқамерзімді шымылдатып ашыту немесе жыбырлату Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: терідегі бөртпе, қышыну, препаратпен жанасқан жердің ісінуі түрінде аллергиялық реакциялар. Препараттің бір бөлігін жұтып қойған жағдайда жүрек айнуы, құсу болуы мүмкін. Емі: препаратты қолдануды тоқтату және дәрігерге қаралу керек, симптоматикалық ем, арнайы антидоты жоқ.

Аллергияға бейім адамдар үшін қолданар алдында дәрігердің кеңесі қажет. Қан түзу жүйесінің аурулары, нефроздар, нефриттер, базедов ауруы, препараттың компоненттеріне жоғары сезімталдық кезінде қолдану ұсынылмайды. Арнайы ескертулер Ингалипт-Н қолданар алдында ауыз қуысын қайнаған жылы сумен шаю қажет; ауыз қуысының зақымданған бөліктерінен некроздық өңездерді стерильді тампонмен сүртіп тазарту ұсынылады. Препараттың құрамында этанол бар болғандықтан, оны бауыр ауруы бар пациенттерге сақтықпен тағайындау керек. Препараттың құрамында сахароза болады, мұны қант диабеті бар пациенттер ескеруі керек. Препараттың құрамында қосымша заттар ретінде эвкалипт майы мен бұрыш жалбызы майының болуы шырышты қабықтардың тітіркенуіне ықпал етуі және балаларда бронх түйілуін тудыруы мүмкін. Балаларды емдеуді ересектердің қадағалауымен жүргізу керек. Педиатрияда қолданылуы 6 жастан асқан балаларға қолдану керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат автокөлікті немесе қауіптілігі зор механизмдерді басқару кезінде реакция жылдамдығына әсер етпейді.

Жүктілік Ингалипт-Н препаратын жүктілік кезінде және бала емізу кезеңінде қолдануға болмайды. Препараттың құрамына сульфаниламидтер кіреді, олар плацента арқылы өтеді және шарананың қанында анықталады. Бала емізу Препаратты бала емізу кезеңінде пайдалану қажет болса, бала емізуді тоқтату қажет, өйткені сульфаниламидтер емшек сүтіне өтеді және жаңа туған нәрестелерде ядролық сарғаюды тудыруы мүмкін.

Ингалипт-Н препаратын парааминобензой қышқылының туындылары препараттарымен (новокаин, анестезин, дикаин) бірге қолданғанда сульфаниламидтердің бактерияға қарсы белсенділігі жойылады. Әсер ету спектрін кеңейту және тиімділігін арттыру мақсатында, микробқа қарсы басқа жергілікті дәрілермен бір мезгілде қолдануға болады.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары 25 ˚С-ден аспайтын температурада сақтау керек. Балалардың қолы жетпейтін жерде сақтау керек!