Хлорофиллипт раствор 10 мг/мл

1 мл ерітіндінің құрамында белсенді зат - хлорофиллипт қою экстрактісі (100% шаққанда құрғақ зат бар) 10 мг; қосымша заттар - 96 % этил спирті. Сыртқы түрінің, иісінің, дәмінің сипаттамасы Жасыл түсті мөлдір сұйықтық.

Антибиотикке төзімді стафилококктардан туындаған ауруларды кешенді ем құрамында емдеу: • күйіктер, трофикалық ойық жаралар • жатыр мойнының эрозиясы • асқазан-ішек жолдарының инфекциялық аурулары (ішекте стафилококктар бар болғанда)

Препараттың құрамында эвкалипт жапырақтарында болатын хлорофилдер қоспасы бар. Хлорофиллипт антибиотикке төзімді және антибиотикке тәуелді стафилококктарға қатысты бактерияға қарсы (бактерицидті және бактериостатикалық) және этиотроптық әсер көрсетеді. Бактерияға қарсы және қабынуға қарсы белсенділікке ие, иммундық жүйені стимуляциялайды. Жергілікті қолданған кезде зақымданған тіндердің регенерациясына ықпал етеді. Хлорофиллипттің бактериялық инфекцияның түрлі қоздырғыштарының антибиотиктерге төзімділік плазмидтерін элиминациялау қабілеті бар, тіндердегі оттегі мөлшерін арттырады, айқын детоксикациялайтын әсер көрсетеді, сондықтан препарат тін гипоксиясымен күресу құралы ретінде және бактерияға қарсы препараттар тиімділігін арттыру үшін организмнің табиғи қорғағыш қасиеті төмендеген жағдайда қолданылады.

Дозалау режимі Ішекте стафилококктар бар болған кезде ішке қолданыңыз. Ересектер күнделікті тамақтануға дейін 40 минут бұрын тәулігіне 3 рет 30 мл сумен сұйылтылған 5 мл 1 % спирт ерітіндісінен қабылдайды. Емнің ұзақтығы емдеу тиімділігі мен ауру ауырлығына байланысты жекелей анықталады. Сондай-ақ ішекте стафилококктар бар болған жағдайда клизмада (20 мл 1 % спирт ерітіндісін 1 л суда сұйылтады – бұл доза бір клизмаға арналған) тағайындайды. Емшараны тәулігіне 1 рет жүргізу керек. Препаратпен клизманы әр 2 күн сайын қою керек. Емдеу курсы 10 емшарадан тұрады. Жергілікті қолдану үшін (күйіктер мен трофикалық ойық жараларды емдеу) 1 % спирт ерітіндісін 1:5 пропорцияда 0,25 % новокаин ерітіндісімен сұйылтады. Жатыр мойны эрозиясын емдеу кезде қынаптың шырышты қабығының барлық қатпарларын және жатыр мойнының қынаптық бөліктерін алдын ала тампонмен құрғату керек және жатыр мойны өзегін майлау қажет. Қынапты бүркіп шаю үшін 15 мл 1% спирт ерітіндісін 1 л суға сұйылтады. Емдеу курсының ұзақтығы ауру ағымына байланысты және дәрігермен жекелей анықталады. Енгізу әдісі мен жолы Препарат ішке, жергілікті және клизмаларда тағайындалады. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Егер препаратты қабылдау бойынша сұрақтар туындаса, емдеуші дәрігеріңізге жүгініңіз.

• әсер етуші затқа немесе қосымша заттардың кез келгеніне аса жоғары сезімталдық • алкогольге немесе есірткіге тәуелділіктің дамуына бейімділік, алкоголизм • эпилепсия • бауыр аурулары немесе бауыр функциясының айқын бұзылулары бар науқастар • қант диабеті • жүктілік және лактация кезеңі • 18 жасқа дейінгі балалар мен жасөспірімдер

• еріннің, мұрын қуысының шырышты қабығының, аңқаның ісінуі • тері бөртпелері, қышыну • бас айналу, бас ауырулары Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті "Дәрілік заттар мен медициналық бұйымдарды сараптау ұлттық орталығы" ШЖҚ РМК http://www.ndda.kz

Симптомдары: жағымсыз әсерлері күшеюі мүмкін. Емі: симптоматикалық.

Арнайы ескертулер Емді бастар алдында таңдалған қолдану тәсіліне қарамастан, хлорофиллиптке сезімталдықты анықтайды, ол үшін науқас 1 ас қасық суға сұйылтылған препараттың 25 тамшысын ішеді. 6-8 сағаттан соң аллергия белгілері (еріннің, аңқа шырышының ісінуі және т.б.) болмаса, препаратты қолдануға болады. Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Препарат құрамында этил спирті болғандықтан, ем кезінде жоғары зейін шоғырландыруды қажет ететін қауіптілігі зор қызмет түрлерінен бас тарту керек.

Нұсқаулықта көрсетілмеген.

Антисептикалық препараттар мен антибиотиктердің әсерін күшейтеді. Препарат құрамында 96% этил спирті бар, сондықтан бір мезгілде қабылдаған кезде психотропты, миорелаксациялайтын дәрілер мен алкогольдің әсерін күшейтуі мүмкін. Жарада сутегі асқын тотығының қалдығы қалған кезде хлорофиллипт тұнбаға түседі, сондықтан жараны сутегі асқын тотығымен жуғаннан кейін оның қалдығын натрий хлоридінің стерильді изотониялық ерітіндісімен кетіру қажет.

Сақтау мерзімі 5 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, 25 °С-ден аспайтын температурада сақтау керек. Балалардың қолы жетпейтін жерде сақтау керек!