Глицериндік суппозиторийлер, 0,75 г және 1,5 г суппозитории 0.75 г

Бір суппозиторийдің құрамында: белсенді зат - Глицерин + тазартылған су (немесе 85 % глицерин), (сусыз глицеринге баламалы) 902 мг, 1804 мг қосымша заттар: натрий карбонаты, стеарин қышқылы. Сыртқы түрінің, иісінің, дәмінің сипаттамасы Ақ немесе ақ дерлік түсті, жартылай мөлдір, гигроскопиялық суппозиторийлер.

Глицериндік суппозиторийлер (0,75 г): • 3 жастан асқан балалардағы іш қатуды емдеу үшін Глицериндік суппозиторийлер (1,5 г): • ересектер мен 12 жастан асқан балаларда іш қатуды емдеу. Қолдану басталғанға дейін қажетті мәліметтер тізбесі

Глицерол негізінен осмостық іш жүргізетін зат ретінде жіктеледі, гигроскопиялық және майлау қасиеттері бар, нәжісті жұмсартатын осмостық дегидратациялаушы болып табылады. Глицерол тітіркендіргіш әсерінің жұмсақтығына байланысты ішектің төменгі бөліктерінің қозғалғыштығын және босатылуын стимуляциялайды. Глицерині бар суппозиторийлер әдетте 15-30 минут ішінде әсер етеді.

Дозалау режимі 3 жастан бастап 12 жасқа дейінгі балалар үшін ректальді суппозиторийлердің дозалануы 0,75 г Іш қатудың әдеттегі дозасы баланың жағдайына байланысты тәулігіне 1 суппозиторийді құрайды, қажет болған жағдайда дозаны тәулігіне 2 суппозиторийге дейін арттыруға болады. Ересектер мен 12 жастан асқан балаларда ректальді суппозиторийлердің дозалануы 1,5 г Іш қатудың әдеттегі дозасы пациенттің жағдайына байланысты тәулігіне 1 суппозиторийді құрайды, қажет болған жағдайда дозаны тәулігіне 2 суппозиторийге дейін арттыруға болады. Енгізу әдісі және жолы Ректальді қолданылады (тік ішекке енгізеді). Ішке қабылдауға (жұтуға) болмайды. Суппозиторийді енгізгенге дейін және одан кейін қолды сабынмен мұқият жуу керек. Препаратты анус аймағында гигиеналық ем-шаралардан кейін қолдану керек: анусты сумен абайлап жуып және құрғатып сүрту керек. Енгізу алдында, суппозиторийдің қатты екеніне көз жеткізіңіз, өйткені жұмсақ күйде суппозиторийді енгізу қиын болады. Егер суппозиторий қаптаманы ашпай тұрғанда жұмсақ болса, оны тоңазытқышқа 30 минутқа қоюға болады (мұздатып қатырмаңыз). Суппозиторий өткір ұшымен алға қарай енгізіледі. Енгізуді жеңілдету үшін суппозиторийдің ұшын салқын сумен ылғалдауға болады. Енгізгеннен кейін іш жүргізетін әсері шамамен 15 - 30 минуттан кейін басталады. Емдеу ұзақтығы Препарат қысқа мерзімде қолдануға арналған. Препараттың диареяны тудыру мүмкіндігіне байланысты ұзақ қабылдау ұсынылмайды. Егер үш күннен кейін пациентте әлі де іш қату болса, дәрігерге қаралу керек. Емдеу курсының ұзақтығын дәрігер анықтайды. Дәрілік препараттың бір немесе бірнеше дозасын өткізіп алу кезіндегі қажетті шаралар Қабылданбай қалған дозаның орнын толтыру үшін екі есе дозаны қабылдамаңыз. Тоқтату синдромы қаупінің болуына көрсетілім Қатысы жоқ. Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар Дәрілік препаратты қолданар алдында фармацевтке немесе дәрігерге кеңес алу үшін жүгініңіз.

• әсер етуші затқа немесе қосымша заттардың кез келгеніне аса жоғары сезімталдық • тік ішектің ауруы (геморрой (өршу фазасы), проктит, парапроктит артқы өтістің жарылуы, қабыну аурулары және тік ішектің ісіктері) • ішек бітелісі • этиологиясы анықталмаған іш аумағының ауырсынуы • 3 жасқа дейінгі балаларға (0,75 г доза суппозиторий үшін) • 12 жасқа дейінгі балаларға (1,5 г доза суппозиторий үшін)

Сирек - енгізу орнында туындауы мүмкін жалпы бұзылыстар мен жай-күйлер: препарат компоненттеріне жоғары сезімталдықтан туындаған тік ішектің шырышты қабығының тітіркенуі. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz Қосымша ақпарат

Ректальді енгізуде артық дозаланудың пайда болу ықтималдығы аз. Суппозиторийдің көп мөлшері кездейсоқ жұтылса, келесі симптомдар пайда болуы мүмкін: бас ауыруы, жүрек айнуы мен құсу, сиректеу диарея, шөл байқалады. Емі: үй жағдайында, «медициналық жедел жәрдем» келгенге дейін мүмкіндігінше шұғыл түрде құстыру керек. Құстыру үшін пациент суық су (жылы емес!) ішіп және асқазанды шаюына болады, содан кейін стационар жағдайында симптоматикалық ем жүргізеді.

Препарат іш қатуды емдеуде іш жүргізуді стимуляциялайтын дәрі ретінде қысқа мерзімді қолдануға арналған. Глицериндік суппозиторийлерін қолдану кешенді гигиеналық және диеталық емдеудің қосымша құралы болып табылады. Препаратты балалардың қолы жетпейтін жерде ұстау керек. Арнайы сақтандырулар Глицериндік суппозиторийлерді қолданғанда қант диабеті бар пациенттерде глюкоза деңгейін бақылау бұзылуы мүмкін. Егер симптомдар сақталса пациент дәрігерге қаралуы тиіс. Педиатрияда қолдану Глицериндік суппозиторийлер 0,75 г доза үшін: 3 жасқа дейінгі балаларда қолдану үшін дәрігермен кеңесу керек. Глицериндік суппозиторийлер 1,5 г доза үшін: 12 жасқа дейінгі балаларға қолдануға қарсы көрсетілімде. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Жүктілік Препаратты жүктілік кезінде тек дәрігердің тағайындауы бойынша ғана қолдану керек. Жүктілік кезінде препараттың зиянды әсері туралы деректер болмаса да, жүктіліктің бірінші триместрінде қолданудан аулақ болған дұрыс. Лактация Препаратты баланы емізу кезінде қолдануға болады. Препаратты қолдануды бастамас бұрын дәрігерге кеңес алу үшін қаралып, тек дәрігердің тағайындауы бойынша ем алу керек.

Глицериндік суппозиторийлер ректальді пайдаланылатын басқа дәрілік заттардың белсенділігін төмендетуі мүмкін. Суппозиторийді енгізгеннен кейін бірнеше сағат ішінде ректальді енгізілетін кез келген басқа препараттарды қолданудан аулақ болыңыз.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!