Гибрис суппозитории

Бір суппозиторийдің құрамында белсенді заттар: 750 мг метронидазол, 200 мг миконазол нитраты, 100 мг лидокаин қосымша заттар: макрогол цетостеарил эфирі, витепсол S55. Сыртқы түрінің, иісінің, дәмінің сипаттамасы Сарғыштау-ақ түсті торпеда тәрізді суппозиторийлер.

Candida albicans туындатқан кандидозды вульвовагинитті, бактериялық вагиноздарды және Gardnerella vaginalis және анаэробты бактериялар туындатқан аралас қынаптық инфекцияларды емдеу.

Жалпы қасиеттері Гибрис құрамында зеңге қарсы әсері бар миконазол нитраты, бактерияға қарсы және трихомонадаға қарсы әсері бар метронидазол және жергілікті ауырсынуды басатын әсер беретін лидокаин бар. Миконазол нитраты - бұл имидазол туындылары тобының синтетикалық зеңге қарсы әсер ететін дәрісі болып табылады, әсер ету ауқымы кең және зең инфекцияларының қоздырғыштарына қарсы, соның ішінде Candida albicans қоса, белсенді. Сонымен қатар, миконазол нитраты грам-оң бактерияларға қарсы белсенді. Миконазол нитраты цитоплазмалық жарғақшадағы эргостерол синтезін бұзады. Миконазол нитраты Candida түріндегі зеңдік жасуша қабырғасының өткізгіштігін бұзады және in vitro глюкозаны утилизациялау процесін тежейді. Метронидазол, 5-нитроимидазол туындысы, протозойға қарсы және бактерияға қарсы; анаэробты бактериялар мен қарапайымдылар тудыратын инфекциялар қатысатын көптеген инфекцияларға қарсы тиімді. Метронидазол Trichomonas vaginalis және Gardnerella vaginalis қоса, анаэробты бактерияларға, сондай-ақ анаэробты стрептококктарға қарсы тиімді. Лидокаин импульстардың пайда болуы мен өтуіне қажетті иондық ағындарды тежеу арқылы нейрондық жарғақшаны тұрақтандырады және сол арқылы жергілікті ауырсынуды басатын әсер иеленген. Миконазол, метронидазол және лидокаин синергиялық немесе антагонистік әсерге ие емес. Вагинитпен ауыратын 35 пациенттің тиімділігі мен қауіпсіздігін зерттеуде микробиологиялық емнің көрсеткіштері 8-ші күні (2-ші қаралу) және 3-ші аптада (3-ші қаралу) сәйкесінше 84% және 92% құрады, клиникалық емнің көрсеткіштері сол күндері 88% құрады.

Дозалау режимі Қайталанатын вагиниттер немесе емдеудің басқа түрлеріне резистентті вагиниттер кезінде Гибрис препаратын 14 күн бойы қолдану керек. Қолдану тәсілі Препаратты 7 күн бойы түнде қынап ішіне 1 суппозиторийден салады. Суппозиторийлерді қаптамасындағы бір реттік саусақ қаптарының көмегімен жатып қынапқа терең енгізу керек. Суппозиторийлерді ішке қабылдамаған немесе басқа тәсілдермен қолданбаған жөн. Препаратты етеккір кезеңінде қолдану ұсынылмайды, өйткені оның тиімділігі төмендеуі мүмкін. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Препаратты қолданар алдында дәрігермен кеңесуді ұмытпаңыз.

- белсенді заттарға, имидазол туындылары сияқты олардың туындыларына немесе препараттың қосымша заттарының кез келгеніне аса жоғары сезімталдық; - емдеу кезінде немесе ем аяқталғаннан кейін 48 сағат ішінде алкогольді тұтыну; -емдеу кезінде немесе ем аяқталғаннан кейін 2 апта ішінде дисульфирамды пайдалану; - жүктіліктің I триместрі; - порфирия; - эпилепсия; - бауыр функциясының ауыр бұзылулары - 18 жасқа дейінгі балалар мен жасөспірімдер.

Метронидазолды қынап ішіне енгізу кезінде жүйелік жағымсыз реакциялар өте сирек пайда болады, дәрілік заттың қан плазмасындағы концентрациясы төмен (пероральді қолданған кезде соның 2-12% құрайды). Миконазол нитраты қынап ішіне (2-6%) енгізілетін имидазол туындылары тобынан барлық басқа зеңге қарсы дәрілер сияқты қынаптың тітіркенуін (күйдіріп ашу, қышыну) туындатуы мүмкін. Жоғарыда атап көрсетілген симптомдардың пайда болуын жергілікті анестетик лидокаинді қолданумен алдын алуға болады. Вагинит кезінде қынаптың шырышты қабығының қабынуы байқалуы мүмкін болғандықтан, суппозиторийді бірінші рет енгізгенде немесе емдеудің үшінші күнінде қынаптың шырышты қабығының күйдіріп ашуы, қышынуы және тітіркенуі сияқты симптомдар пайда болуы мүмкін. Бұл симптомдар емді жалғастырған кезде тез азаяды және жоғалады. Айқын тітіркену жағдайында емдеуді тоқтату керек. Препаратты қолданған кезде лидокаиннің сіңірілу дәрежесі өте төмен. Жергілікті анестетиктерді қолданған кезде 1000 пациентке 1-ден аз жағымсыз реакциялар тіркеледі. Төменде препарат құрамындағы белсенді заттарды жүйелі қолдану кезінде байқалуы мүмкін жағымсыз реакциялар атап көрсетілген. өте жиі - қынаптық бөліністер жиі - вагинит, вульвовагинальді тітіркену, кіші жамбас аймағындағы жайсыздық жиі емес - шөлдеу сезімі сирек - анафилаксия - қынаптағы күйдіріп ашу, қышыну және тітіркену, іштің ауыруы, тері бөртпесі, аллергиялық реакциялар (анафилаксиялық шок) өте сирек - агранулоцитоз, нейтропения, тромбоцитопения, панцитопения - көңіл – күйдің өзгеруі, сананың шатасуы және елестеулерді қоса, психоздық бұзылыстар - энцефалопатия (сананың шатасуы, қызба, бас ауыруы, елестеулер, салдану, жарыққа сезімталдық, қозғалыс бұзылысы, шүйде бұлшықеттерінің сіресуі) және жеделге жуық мишық синдромы (атаксия, дизартрия, жүрістің бұзылуы, нистагм және тремор), олар препаратты қабылдауды тоқтатқаннан кейін жоғалып кетуі мүмкін, бас айналу, құрысулар, ұйқысыздық, бас ауыруы - диплопия және миопия сияқты көрудің бұзылулары, негізінен өтпелі - бауыр ферменттерінің белсенділігінің жоғарылауы (АСТ, АЛТ, сілтілі фосфатаза), холестаздық гепатит немесе аралас гепатит және бауырдың гепатоцеллюлярлық зақымдануы, препаратты тоқтатқан кезде қайтымды сарғаю және панкреатит. Метронидазолды басқа антибиотиктермен біріктірілімде қабылдаған пациенттерде бауыр трансплантациясын қажет ететін бауыр жеткіліксіздігі жағдайлары туралы хабарланды - тері бөртпесі, пустулезді бөртпе, жедел жайылған экзантематозды пустулез, қышыну, гиперемия - миалгия, артралгия - несептің қараюы (метронидазол метаболитіне байланысты) жиілігі белгісіз - лейкопения, метгемоглобинемия - ангионевроздық ісіну, есекжем, қызба - анорексия - депрессиялық көңіл-күй - метронидазолмен қарқынды және/немесе ұзақ емдеу кезінде шеткері сенсорлық нейропатия немесе өтпелі эпилепсия түріндегі ұстамалар (көптеген жағдайларда емдеуді тоқтатқаннан немесе дозаны төмендеткеннен кейін нейропатия жоғалды), шаршау, әлсіздік, бозару, шаншу, сезімталдықтың жоғалуы, парестезия, бағдардан адасу, ажитация, психоз, құрысулар, сөйлеудің бұзылуы, гиперестезия, гипестезия, сылбырлық, елестеулер, ысыну сезімі, күйгелектік, мазасыздық, эйфория, ұйқышылдық, көру айқындығының бұзылуы немесе көзге қос көріну, қалтырау, тремор, естен тану, кома (сирек), үрей, ұйқысыздық, асептикалық менингит - көру жүйкесінің нейропатиясы/невриті - естудің бұзылуы, естімей қалу (соның ішінде нейросенсорлық), құлақтағы шуыл - дәм сезудің өзгеруі, ауыз қуысының мукозиті, ауызда металл дәмі, жүрек айну, құсу, эпигастрийдегі ауыру және диарея, ауыздың құрғауы, анорексия, іштің ауыруы немесе түйілулер сияқты асқазан-ішек бұзылыстары - мультиформалы эритема, Стивенс-Джонсон синдромы, уытты эпидермалық некролиз, тұрақты дәрілік бөртпе - жергілікті тітіркену және жоғары сезімталдық, жанаспалы дерматит. Қынап ішіне енгізу кезінде жағымсыз реакциялар әлдеқайда сирек кездеседі, өйткені қандағы метронидазол мен лидокаин деңгейі жүйелі қолданумен салыстырғанда едәуір төмен. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Бір мезгілде бірнеше суппозиторийлерді қынап ішіне енгізу кезінде метронидазолдың жүйелік әсерлері дамуы мүмкін, бірақ өмірге қауіп төндіретін жағымсыз реакциялардың пайда болуы күтілмейді. Метронидазолдың спецификалық антидоты жоқ, симптоматикалық және демеуші емдеу ұсынылады. 12 г метронидазолды пероральді әдейі қолдану туралы хабарланды, бұл ретте симптомдар құсу, атаксия және жеңіл бағдардан адасумен шектелді. Метронидазолдың артық дозалануы кезінде жүрек айнуы, құсу, іштің ауыруы, диарея, қышыну, ауыздың темір татуы, атаксия, вертиго, парестезия, құрысулар, лейкопения, несептің қараюы сияқты симтомдар пайда болады. Миконазол нитратының артық дозалануы кезінде ауыз қуысы мен тамақтың күйдіріп ашуы, анорексия, жүрек айну, құсу, бас ауруы, диарея сияқты симптомдар байқалады. Лидокаиннің артық дозалануы кезінде жүрек ырғағының бұзылуы, тыныс алудың бәсеңдеуі пайда болуы мүмкін, бұл комаға, соның ішінде өліммен аяқталуы мүмкін, атап айтқанда, дәрілік затты терінің кең аймақтарына және әсіресе жоғары дозаларда қолданған кезде.

Тек қынап ішіне қолдануға арналған. Гибрис препаратын 10 күннен артық қолданған кезде жүйелі клиникалық және зертханалық бақылау (әсіресе лейкоциттер саны), сондай-ақ пациенттерді шеткері немесе орталық нейропатия (парестезия, атаксия, бас айналу, құрысулық ұстамалар) сияқты жағымсыз реакцияларды анықтау мәніне бақылау ұсынылады. Жүйелі қолдануға арналған метронидазолды шеткері және орталық жүйке жүйесінің жедел немесе созылмалы ауыр аурулары бар пациенттерде олардың нашарлау қаупіне байланысты сақтықпен қолдану керек. Метронидазолды қолдану кезінде Стивенс-Джонсон синдромы, уытты эпидермалық некролиз немесе жедел жайылған экзантематозды пустулез сияқты күрделі буллезді тері реакцияларының жағдайлары туралы хабарланды. Көрсетілген реакциялардың симптомдары немесе белгілері болса, препаратты қабылдауды дереу тоқтату керек. Адамда мутагенділік қаупі туралы деректер жеткіліксіз болғандықтан, препаратты қажетінен ұзағырақ қолдану мәселесін мұқият қарастырған жөн. Дисульфирам тәрізді реакциялардың даму қаупіне байланысты емдеу кезінде және емдеу курсы аяқталғаннан кейін 48 сағат ішінде алкогольді тұтынудан аулақ болу керек. Жоғары дозаларды пайдалану және метронидазолды ұзақ уақыт жүйелі қолдану шеткері нейропатия мен құрысуларды туындатуы мүмкін. Жүйелі қолдануға арналған метронидазол мен дисульфирамды бір мезгілде қабылдаған пациенттерде психоздық реакциялар туралы хабарланды. Препаратты жыныстық жетілмеген қыздар мен жыныстық қатынаста болмаған қыздарда пайдалану ұсынылмайды. Суппозиторийдің негізі контрацептивті диафрагмалар мен мүшеқаптар жасалатын резеңкемен немесе латекспен жағымсыз түрде өзара әрекеттесуі мүмкін, сондықтан оларды суппозиторийлермен бір мезгілде қолдану ұсынылмайды. Препаратпен емдеу кезінде басқа қынаптық дәрілерді (мысалы, тампондар, шаюға арналған ерітінділер және спермицидтер) бір мезгілде пайдаланбаған жөн. Трихомонадалық вагинит кезінде пациенттердің жыныстық серіктестерін бір мезгілде емдеу жүргізу қажет. Арнайы ескертулер Бүйрек жеткіліксіздігі бар пациенттер Метронидазолдың жартылай шығарылу кезеңі бүйрек жеткіліксіздігі кезінде өзгермейді. Сондықтан метронидазол дозасын төмендетудің қажеті жоқ. Алайда, мұндай пациенттерде қанында метронидазол метаболиттері жиналуы мүмкін. Қазіргі уақытта оның клиникалық маңызы белгісіз. Сонымен қатар, гемодиализ емшарасын жүргізуді қажет ететін ауыр жағдайларда дозаны түзету қажет. Гемодиализдегі пациенттерде метронидазол және оның метаболиттері 8 сағаттық диализ сессиясы барысында тиімді түрде жойылады. Сондықтан метронидазолды гемодиализден кейін бірден қайта енгізу керек. Интермиттерлеуші перитонеальді диализде немесе тұрақты амбулаториялық перитонеальді диализде жүрген бүйрек жеткіліксіздігі бар пациенттерде препараттың дозасын түзету талап етілмейді. Пациенттерге несептің ықтимал қараюы туралы ескерту керек. Бауыр жеткіліксіздігі бар пациенттер Бауырдың ауыр жеткіліксіздігінде метронидазол клиренсі төмендейді. Метронидазолды бауыр энцефалопатиясы бар пациенттерде сақтықпен қолдану керек, өйткені энцефалопатия симптомдарын күшейте отырып, қан плазмасындағы метронидазол концентрациясын жоғарылатуы мүмкін. Бауыр энцефалопатиясы бар пациенттерде ішке қабылдауға арналған метронидазолдың тәуліктік дозасы 1/3 дейін төмендетіліп, бір рет қабылдануы тиіс. Бауыр функциясының ауыр бұзылулары бар пациенттерде лидокаиннің жартылай шығарылу кезеңі 2 немесе одан да көп есе артуы мүмкін. Бүйрек функциясының бұзылулары бар пациенттерде лидокаиннің фармакокинетикасы өзгермейді, алайда организмде дәрілік зат метаболиттерінің жинақталуы байқалуы мүмкін. Бұл препаратты бауыр және/немесе бүйрек функциясының бұзылулары бар пациенттерде қолданған кезде ескеру қажет. Коккейн синдромы бар пациенттерді жүйелі қолдануға арналған құрамында метронидазол бар препараттармен емдеуді бастағаннан кейін өте тез дамитын ауыр гепатоуыттылық/бауырдың жедел жеткіліксіздігі жағдайлары, соның ішінде өліммен аяқталатын жағдайлар туралы хабарланды. Сондықтан, осы топтың пациенттерінде метронидазолды пайда-қауіпті мұқият бағалағаннан кейін және баламалы ем болмаған жағдайда ғана пайдалану керек. Бауыр функциясының диагностикасы емдеу басталғанға дейін, емдеу кезінде және аяқталғаннан кейін бауыр функциясының көрсеткіштері қалыпты немесе бастапқы мәндерге жеткенше жүргізілуі тиіс. Егер емдеу кезінде бауыр функциясының көрсеткіштері елеулі жоғарыласа, онда препаратты қабылдауды тоқтату керек. Коккейн синдромы бар пациенттерге бауыр функциясының бұзылуының кез келген симптомдары туралы дереу дәрігерге хабарлау керек және метронидазолды қабылдауды тоқтату керек. Қосымша заттар Препарат құрамында макрогол цетостеарил эфирі бар, ол жергілікті тері реакцияларын (мысалы, жанаспалы дерматит) туындатуы мүмкін. Балалар Препаратты 18 жасқа дейінгі балалар мен жасөспірімдерде қолдануға болмайды. Егде жастағы пациенттер 65 жастан асқан егде жастағы пациенттер үшін дозалау режимін түзету қажет емес. Арнайы ескертулер Жүктілік Препараттың құрамына кіретін белсенді заттардың шарананың өсуіне және жаңа туған нәрестенің дамуына әсері толық зерттелмеген, сондықтан бұл препаратты қолдануды қажет ететін әйелдер жүктіліктің тиімді ұрықтануға қарсы әдістерінің көмегімен алдын алуы керек. Жүктіліктің I триместрінде әйелдерде препаратты қолдану туралы деректер жеткіліксіз, препаратты жүктіліктің I триместрінде пайдаланбаған жөн. Жүктіліктің II және III триместрлерінде пайда мен қауіптің арақатынасын дәрігер бағалауы тиіс, препаратты жүктілік кезінде нақты қажеттіліксіз қолданбаған жөн. Лактация кезеңі Препаратпен емдеу кезінде бала емізуді тоқтату керек, өйткені метронидазол емшек сүтімен бөлініп шығады. Бала емізуді ем аяқталғаннан кейін 24-48 сағаттан кейін қайта бастауға болады. Лидокаиннің емшек сүтіне енетіні белгісіз болғандықтан, емізетін әйелдерге оны сақтықпен қолдану ұсынылады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат автокөлік жүргізу мен механизмдерді басқару қабілетіне әсер етпейді.

Нұсқаулықта көрсетілмеген.

Метронидазолдың абсорбциясы нәтижесінде төмендегі препараттармен бір мезгілде қолданған кезде келесі дәрілік өзара әрекеттесулер байқалуы мүмкін. Алкоголь Пациенттерге метронидазолмен емдеу кезінде және дисульфирам тәрізді реакциялар (антабус әсері) қаупіне байланысты емдеуді тоқтатқаннан кейін кем дегенде 48 сағат ішінде алкогольді тұтынудан аулақ болуды ұсыну керек. Дисульфирам Метронидазолды бір мезгілде қабылдаған пациенттерде психоздық реакциялар туралы хабарланды. Варфарин қатарының пероральді антикоагулянттары Жүйелі қолдануға арналған метронидазолмен бірге қолданған кезде пероральді антикоагулянттардың дозасын төмендету қажет болуы мүмкін, өйткені антикоагулянтты әсерінің күшеюі мүмкін. Мұндай жағдайларда протромбин деңгейін мезгіл-мезгіл бақылау керек. Метронидазол гепаринмен өзара әрекеттеспейді. Литий Метронидазолды пероральді қолданған кезде бүйректің зақымдану белгілері бар пациенттерде литийдің іркілуі туралы хабарланды. Метронидазолды енгізер алдында литий дозасын біртіндеп азайту немесе қабылдауды тоқтату керек. Литий препараттарымен емдеуді метронидазолмен бір мезгілде қабылдайтын пациенттерде плазмадағы литий концентрациясын, креатинин мен электролиттерді бақылау керек. Фенобарбитал, фенитоин Метронидазолдың жартылай шығарылу кезеңін 3 сағатқа дейін қысқарта отырып, шығарылуын күшейтеді. 5-фторурацил Метронидазол 5-фторурацилдің клиренсін төмендетеді және оның уыттылығын арттыруы мүмкін. Циклоспорин Метронидазолмен бірге қолданған кезде сарысудағы циклоспорин деңгейі жоғарылауы мүмкін. Мұндай жағдайларда сарысудағы циклоспорин мен креатинин деңгейін мұқият бақылау керек. Бусульфан Метронидазол плазмадағы бусульфан концентрациясы салдарынан оның уыттылығын арттыруы мүмкін. Амиодарон Метронидазол кардиоуытты әсердің даму қаупінің жоғарылауын туындата отырып, (QTc аралығының ұзаруы, «пируэт» типті тахикардия, жүректің тоқтауы) амиодарон метаболизмін тежейді. Астемизол және терфенадин Метронидазолмен бірге қолдану ұсынылмайды. Карбамазепин Өзара әрекеттесу механизмі белгісіз. Метронидазол карбамазепиннің метаболизмін тежеуі мүмкін. Векуроний (деполяризияламайтын миорелаксант) Метронидазол векуронийдің әсерін күшейтеді. Холестирамин Метронидазолдың сіңірілуінің төмендеуіне, демек, әсердің төмендеуіне әкелуі мүмкін. Қастауыш алкалоидтары Метронидазол цитохром Р450 3А4 ферменттерінің жүйесін тежейді, осылайша қастауыш туындыларының метаболизмін төмендетеді. Эрготизмнің (жүрек айну, құсу, вазоспазмдық ишемия) даму қаупі артады. Метронидазол трепонемаларды иммобилизациялайды, сондықтан Treponema pallidum иммобилизация тестінде жалған оң нәтиже береді. Метронидазол ультракүлгін сәулеленуді сіңіру әдісін пайдаланумен өлшеген кезде аспартатаминотрансфераза (АСТ), аланинаминотрансфераза (АЛТ), лактатдегидрогеназа, триглицеридтер немесе глюкоза көрсеткіштерінің өзгеруін туындатуы мүмкін. Миконазол нитратының сіңірілу нәтижесінде төменде көрсетілген препараттармен бір мезгілде қолданғанда келесі дәрілік өзара әрекеттесулер байқалуы мүмкін. Аценокумарол, анизиндион, дикумарол, фениндион, фенпрокумон, варфарин Қан кетудің даму қаупінің жоғарылауы. Астемизол, цизаприд және терфенадин Миконазол көрсетілген препараттардың плазмадағы концентрациясын арттыра отырып, метаболизмін тежейді. Фенитоин және фосфенитоин Фенитоиннің уытты әсерінің даму қаупін арттыру (атаксия, гиперрефлексия, нистагм, тремор). Фентанил Апиындардың әсерін күшейту немесе ұзарту (орталық жүйке жүйесі мен тыныс алудың бәсеңдеуі). Глимепирид Гипогликемия. Карбамазепин Карбамазепин метаболизмінің төмендеуі. Оксибутинин Оның метаболизмінің тежелуі салдарынан қан плазмасындағы оксибутининнің жүйелік әсері мен концентрациясының жоғарылауы (ауыздың құрғауы, іш қату, бас ауруы). Оксикодон Қан плазмасындағы оксикодон концентрациясының жоғарылауы және оның клиренсінің төмендеуі. Пимозид Кардиоуытты әсердің даму қаупінің жоғарылауы (QT аралығының ұзаруы, «пируэт» типті тахикардия, жүректің тоқтауы). Циклоспорин Циклоспориннің уытты әсерінің даму қаупін арттыру (бүйрек функциясының бұзылуы, холестаз, парестезия). Толтеродин Цитохром P450 жүйесінің 2D6 изоферментінің белсенділігі төмендеген пациенттерде толтеродиннің биожетімділігінің артуы. Триметрексат Триметрексаттың уытты әсерінің күшеюі (сүйек кемігі функциясының бәсеңдеуі, бүйрек және бауыр функциясының бұзылуы, асқазан-ішек жолында ойық жаралардың түзілуі). Лидокаиннің абсорбциясы нәтижесінде төменде көрсетілген препараттармен бір мезгілде қолданғанда келесі дәрілік өзара әрекеттесулер байқалуы мүмкін. Аритмияға қарсы дәрілер Лидокаиннің уытты әсерінің күшеюі. Фенитоин немесе барбитураттар Қан плазмасындағы лидокаин концентрациясының төмендеуі. Пропранолол Лидокаиннің плазмалық клиренсінің төмендеуі. Циметидин Лидокаиннің плазмалық клиренсінің төмендеуі.

Сақтау мерзімі 5 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!