Гербион® шырмауық таблетки 35 мг

Соруға арналған бір таблетканың құрамында: белсенді зат - 35,0 мг шырмауық жапырақтары құрғақ экстрактісі (Hedera helix L., Araliaceae, folium) (5-7,5:1) Экстракцияға арналған еріткіш: этанол 30% (м/м). қосымша заттар: изомальт (М типі) (E953), лимон қышқылы (E330), сукралоза (E955), карамель хош иістендіргіші (табиғи хош иістендіргіш субстанция, хош иістендіргіш, пропиленгликоль (E1520), су), цитрус хош иістендіргіші (табиғи хош иістендіргіш субстанция, хош иістендіргіш, бутилгидроксианизол (Е320)), бұрыш жалбызы майы Сыртқы түрінің, иісінің, дәмінің сипаттамасы Дөңгелек, шеттері қиғашталған және беткейі бұдыр, ашық-қоңырдан қоңыр түске дейінгі, соруға арналған таблеткалар. Сарыдан қоңыр түске дейінгі бөлшектер, ұсақ дақтар, ауа көпіршіктері болуы және шеттері аздап тегіс болмауы мүмкін.

Симптоматикалық дәрі ретінде өкпе және жоғарғы тыныс жолдарының қабыну ауруларын кешенді емдеуде.

Әсер ету механизмі Гербион шырмауық жапырақтары құрғақ экстрактісінің құрамында секретолитикалық және бронхоспазмолитикалық дәрі ретінде әсер ететін шырмауық жапырақтары құрғақ экстрактісі бар. Шырмауық жапырақтары құрғақ экстрактісінің негізгі ингредиенттері тритерпен сапониндері, негізінен С гедеракозидтері және альфа-гедерин болып табылады. Альфа-гедерин бета2-адренорецепторлардың эндоцитозын тежейді, бұл бронх бұлшықеті жасушаларының және өкпе эпителийінің бета2-адренорецепторлары белсенділігін арттырады. Бұл бронх бұлшықеттерінде кальцийдің жасушаішілік деңгейінің төмендеуіне әкеледі, бұл бронхтың босаңсуына әкеледі. Бета2-адренорецепторларды стимуляциялау есебінен ІІ типті альвеолярлы эпителиялық жасушалар сурфактантты көбірек өндіреді, бұл шырыштың тұтқырлығының төмендеуіне әкеледі. Осылайша қақырық түсіру де, жөтел де жеңілдейді.

Дозалау режимі Ересектерге, егде жастағыларға және 12 жастан асқан және одан үлкен жасөспірімдерге арналған әдеттегі доза күніне үш рет соруға арналған 1 таблетканы құрайды. 6-дан 11 жасқа дейінгі балаларға арналған әдеттегі доза күніне екі рет соруға арналған 1 таблетканы құрайды. Енгізу әдісі және жолы Таблетканы ауызда сору керек. Препаратты тамақтану алдында немесе ас қабылдау кезінде қолдануға болмайды. Гербион® шырмауық соруға арналған таблеткаларын судың немесе кофеинсіз басқа жылы сусындардың үлкен мөлшерімен ішу керек. Емдеу ұзақтығы Жеңіл жағдайларда емдеу ұзақтығы 1 аптаны құрайды. Егер пациенттің жағдайы жақсармаса, әрі қарай емдеуге қатысты дәрігерден кеңес алу қажет. Күрделі жағдайларда емдеу ұзақтығын дәрігер әр адамға жеке анықтайды. Дәрілік препараттың бір немесе бірнеше дозасын жіберіп алғанда қажетті шаралар Жіберіп алған дозаның орнын толтыру үшін қосарлы дозасын қабылдамаңыз. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Препаратты қолдану бойынша қандай да бір сұрақтар пайда болған кезде емдеуші дәрігерге немесе фармацевтке жүгіну керек.

- әсер етуші затқа, Аралия тұқымдас өсімдіктерге немесе препараттың қосымша заттарының кез келгеніне аса жоғары сезімталдық • тұқым қуалайтын фруктоза жақпаушылығы • жүктілік және бала емізу кезеңі • 6 жасқа дейінгі балалар

Өте сирек - жүрек айнуы, құсу, диарея - есекжеммен (есекжем), тері бөртпесімен және тыныс алудың қиындауымен (ентігу) білінетін аллергиялық реакция - ауыздың, тілдің, беттің және / немесе тамақтың ісінуі, тыныс алудың немесе жұтудың қиындауымен (кеуденің қысылуы немесе енгіту) білінетін ауыр аллергиялық реакция (анафилаксиялық реакция). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ұсынылған дозадан асырып қабылдамаңыз. Ұсынылғаннан жоғары дозаны (тәуліктік дозадан екі есе жоғары) қабылдау жүрек айнуын, құсуды, диареяны және қозуды туындатуы мүмкін. Емі симптоматикалық.

Арнайы сақтандырулар Егер ауру симптомдары сақталса немесе ентігу, дене температурасының жоғарылауы, сондай-ақ жөтелген кезде іріңді немесе қанды қақырық пайда болса, дереу дәрігерден кеңес алу керек. Препаратты дәрігердің кеңесінсіз кодеин немесе декстрометорфан сияқты жөтелге қарсы дәрілермен бірге қабылдау ұсынылмайды. Препаратты гастрит және асқазанның ойық жаралы ауруы бар пациенттерде сақтықпен қолдану керек. Педиатрияда қолданылуы Гербион® шырмауық соруға арналған таблеткаларын 6 жасқа дейінгі балаларда қолдану ұсынылмайды, себебі бұл дәрілік түр дозаны таңдауды дұрыс жүргізуге мүмкіндік бермейді. Бұл жастағы топқа препаратты шәрбат түрінде қолдану ұсынылады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты қабылдау көлік құралын және қауіптілігі зор механизмдерді басқару қабілетіне әсер етпейді.

Гербион® шырмауық соруға арналған таблеткалар препаратын жүкті және бала емізетін әйелдерде шырмауық жапырақтарының құрғақ экстрактісін қолдануда деректердің жеткіліксіздігіне байланысты жүктілік және бала емізу кезінде ұсынылмайды. Қосымша заттарға қатысты айрықша нұсқаулар Гербион® шырмауық препаратының құрамында изомальт (M типі) (E953) және бутилгидроксианизол (E320) бар. Егер сіздің дәрігеріңіз сізге кейбір қанттардың жақпаушылығы бар деп айтса, осы дәрілік препаратты қабылдамас бұрын дәрігерге хабарласыңыз. Бутилгидроксианизол (E320) жергілікті тері реакцияларын (мысалы, жанаспалы дерматит) немесе көздің және шырышты қабықтың тітіркенуін туындатуы мүмкін.

Шырмауық жапырақтарының құрғақ экстрактісі басқа дәрілік препараттардың әсеріне ықпал етпейтіні хабарланған.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 °С-ден аспайтын температурада сақтау керек. Балалардың қолы жетпейтін жерде сақтау керек!