Френаг Гель гель 1 %

1 г препараттың құрамында белсенді зат – нимесулид 0.010 г, қосымша заттар: макрогол 400, карбомер 940, пропиленгликоль, этанол 96 %, тазартылған су. Сыртқы түрінің сипаттамасы Сары түсті тұтқыр гель.

- байламдардың созылуы, шығып кету, соғылу немесе спорттық жарақаттар сияқты жазатайым оқиғалардан туындаған ауырсыну, қабыну және ісіну - тендовагинит, бурсит, рефлекторлық симпатикалық дистрофия және периартропатия сияқты жұмсақ тіндер ревматизмінің жергілікті түрлері - жергілікті ревматизмдік аурулар (мысалы, шеткері буындар мен омыртқаның остеоартрозы).

ATХ коды М02АА26 Әсер ету механизмі Нимесулид қабынуға қарсы стероидты емес препарат (ҚҚСП) болып табылады. Нимесулид басқа ҚҚСП-ден оның құрамында функционалды сульфонанилид тобының болуымен ерекшеленеді. Нимесулидтің ыстықты түсіретін, ауыруды басатын және қабынуға қарсы әсері бар.

Дозалау режимі Егер дәрігер басқаша ұсынбаса, гельді зақымдалған аймаққа және ауыратын аумақтың үстіне тәулігіне 3-4 рет ысқыламай біркелкі жұқа қабатпен жағу керек. Гель мөлшері мен қолдану жиілігі (тәулігіне 4 реттен асырмай) зақымдалған аймақтың көлеміне және емдеуге реакциясына байланысты өзгеруі мүмкін. Емдеу ұзақтығы 7-15 күн Пациенттердің ерекше топтары Балалар 12 жасқа дейінгі балаларда дозасы немесе қолданылуы бойынша ұсынымдар белгіленбеген, сондықтан препаратты қолдануға болмайды. Егде жастағы пациенттер Арнайы қолдану жоқ Бауыр жеткіліксіздігі бар пациенттер Бауыр жеткіліксіздігі бар пациенттерге сақтықпен пайдалану керек Бүйрек жеткіліксіздігі бар пациенттер Бүйрек жеткіліксіздігі бар пациенттерге сақтықпен пайдалану керек Қолдану тәсілі Препарат тек сыртқа қолдануға арналған. Бинтті қолдануға немесе жабуға (окклюзия жасауға) болмайды. Терінің зақымдалған аймағына қолданған кезде гельді қатты ысқылауға болмайды. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Препаратты қолдану дәрігердің бақылауымен жүргізілуі керек.

- препараттың белсенді затына немесе қосымша заттардың кез келгеніне аса жоғары сезімталдық - ацетилсалицил қышқылына және бронх түйілуі, ринит, ангионевроздық ісіну, мұрын полиптері немесе есекжем сияқты аллергиялық реакцияларды тудыратын және простагландин синтезін тежейтін басқа қабынуға қарсы стероидты емес препараттарға сезімтал пациенттерге - инфекция бар және жарылған немесе зақымдалған терінің бетіне жағу керек - жергілікті қолдану үшін басқа препараттармен бір мезгілде пайдалану керек - жүктіліктің үшінші триместрі, бала емізу кезеңі - 12 жасқа дейінгі балалар.

Сыртқа қолданумен байланысты ықтимал жағымсыз әсерлер туралы сирек хабарланған. Клиникалық зерттеулерде жағымсыз әсерлердің көпшілігіне жеңіл немесе орташа жергілікті тітіркену, эритема, тері бөртпесі, қабыршақтану, қышыну кірді. Гельді қолдану кезінде киімге бояудың жұғуы байқалды. Жиі - қышыну, эритема Белгісіз - қабыршақтану, қышыну, тері бөртпесі, жеңіл немесе орташа жергілікті тітіркену. Нимесулидті жергілікті қолданғанда жүйелік жағымсыз реакциялардың жиілігі нимесулидті пероральді қабылдағанға қарағанда едәуір төмен. Екінші жағынан, препарат терінің үлкен аймағына және қажет болғаннан ұзақ уақытқа қолданылғанда, жүйелік жағымсыз реакциялардың пайда болуын елемеуге болмайды. Жағымсыз дәрілік реакциялар туындаған кезде медициналық қызметкерге, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Сыртқа қолдану кезінде препараттың артық дозалану жағдайлары сипатталған жоқ.

Жергілікті тітіркену пайда болған кезде, гельді пайдалануын тоқтатып, тиісті емдеуді бастау керек. Жаққаннан кейін окклюзиялық таңғышты қолдануға болмайды. Гельді көзге және басқа шырышты қабаттарға немесе терінің ашық зақымдануларына, дерматоздарға немесе терінің инфекция жұқтырған аймақтарына жағуға болмайды. Гель терінің шырышты қабықтарына немесе сезімтал аймақтарға кездейсоқ жағылған кезде, бұл аймақтарды көп мөлшерде сумен шайып тастау керек. Препаратты сыртқа қолдану керек, оны ішке қабылдауға болмайды. Қолданғаннан кейін қолды жуу керек. Егер гельді қолдану орнында тітіркену, қызару немесе қышыну пайда болса, емдеуді тоқтатып, дәрігерге жүгіну керек. 12 жасқа дейінгі балаларға қолдану ұсынылмайды. Жағымсыз реакциялар қаупін қысқа уақыт ішінде ең төмен дозаны қолдану арқылы азайтуға болады. Препаратты асқазан-ішектен қан кету, белсенді немесе потенциалды ойық жара ауруы, бүйректің немесе бауырдың ауыр жеткіліксіздігі, қан ұюдың ауыр бұзылулары немесе жүректің ауыр/бақыланбайтын аурулары бар пациенттерге сақтықпен қолдану керек. Препаратты басқа ҚҚСП-ге аса жоғары сезімталдығы бар пациенттерді емдеу үшін қолданған кезде ерекше сақтық шараларын қолдану қажет. Емдеу кезінде сезімталдықтың пайда болу ықтималдығы жоққа шығарылмайды. Препаратты және басқа да жергілікті ҚҚСП-ны бір мезгілде қолданғанда емдеу кезінде ашытып күйдіру сезімі және ерекше жағдайларда фотодерматоз пайда болуы мүмкін. Фотосезімталдық реакцияларын болдырмау үшін пациенттер ұзақ уақыт бойы тікелей күн сәулесінің әсерінен аулақ болу керек. Егер симптомдар сақталса немесе нашарласа, дәрігерге жүгіну керек. Қосымша заттар бойынша ақпарат Препараттың құрамына кіретін пропиленгликоль терінің тітіркенуін тудыруы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың автокөлікті және қауіптілігі зор механизмдерді басқару қабілетіне әсерін зерттеу жүргізілген жоқ.

Нимесулидтің пероральді түрлері құрсақтағы балаға жағымсыз әсер етуі мүмкін. Теріге қолданған кезде препарат үшін бірдей қауіп бар-жоғы белгісіз. Егер сіз жүкті болсаңыз немесе емізетін болсаңыз, жүкті болуыңыз мүмкін деп ойласаңыз немесе балалы болуды жоспарласаңыз, препаратты қабылдамас бұрын өзіңіздің дәрігеріңізбен немесе фармацевтпен кеңесіңіз. Егер сіз жүктіліктің соңғы 3 айында болсаңыз, нимесулидті қолданбаңыз. Нимесулидті жүктіліктің алғашқы 6 айында нақты қажеттілік болмаса және дәрігеріңіздің ұсыныстарынсыз қолдануға болмайды. Егер сізге осы кезеңде емдеу қажет болса, ең төменгі дозаны мүмкіндігінше қысқа уақыт ішінде пайдалану керек.

Жергілікті қолдану кезінде ещқандай клиникалық маңызды өзара әрекеттесу тіркелген жоқ.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада тығыз жабылған түпнұсқалық қаптамада сақтау керек. Балалардың қолы жетпейтін жерде сақтау керек!