Фелисанс капли 10 мг/г + 40 мг/г

1 г препараттың құрамында белсенді заттар: феназон 40,0 мг, лидокаин гидрохлориді 10,0 мг қосымша заттар: натрий тиосульфаты, этанол, глицерол, тазартылған су Сыртқы түрінің, иісінің, дәмінің сипаттамасы Спирт иісі бар мөлдір, түссіз немесе сарғыштау ерітінді.

Туғаннан бастап балалар мен ересектерде дабыл жарғақшасының бүтіндігі бұзылмаған ортаңғы отит кезінде жергілікті симптоматикалық емдеу және ауыруды басу, оның ішінде: - жедел экссудативтік ортаңғы отит - тұмаудан кейінгі асқыну сияқты отит, экссудативтік вирус-индуцирленген отит - барожарақаттық отит.

ATX коды S02DA30 Әсер ету механизмі Феназон – циклооксигеназаны бөгейді және простагландиндер синтезін бәсеңдетеді. Лидокаин – жүйке талшықтары жарғақшасының натрий және кальцийімен антагонизмі есебінен ауырсыну импульсінің жүріп өтуін бұзады. Екі белсенді заттың сәтті біріктірілімі ауыруды тез басатын әсерге ықпал етеді, оның қарқындылығы мен ұзақтығын арттырады. Препарат шырыштың сұйылуын және оның евстахий түтігі мен дабыл жарғақшасы арқылы ортаңғы құлақ қуысынан шығуын стимуляциялайды. Фармакодинамикалық әсерлері Фармакодинамикасы Феназон, қабынуға қарсы және анальгетикалық әсерге иеленген қабынуға қарсы стероидты емес дәрі. Лидокаин, жергілікті жансыздандыратын әсерге иеленген. Бұл біріктірілген препарат жергілікті жансыздандыратын және қабынуға қарсы әсерге иеленген.

Дозалау режимі Ересектерге: сыртқы есту жолына тәулігіне 2-3 рет 4 тамшыдан тамызу керек. Балаларға 1 айдан бастап және одан үлкен жастағы: сыртқы есту жолына тәулігіне 2 рет 1-2 тамшыдан тамызу керек. Емдеу курсы 10 күннен аспауы тиіс. Енгізу әдісі мен жолы Сыртқа қолдануға арналған. Құлақта суық ерітіндінің жағымсыз сезімін болдырмас үшін құтыны қолыңызда жылытыңыз. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Препаратты әрқашан қосымша параққа немесе емдеуші дәрігердің ұсынымдарына сәйкес қабылдаңыз. Егер күмән туындаса, емдеуші дәрігермен немесе дәріхана қызметкерімен кеңесіңіз.

– әсер етуші заттарға немесе қосымша заттардың кез келгеніне аса жоғары сезімталдық – дабыл жарғақшасының инфекциялық немесе жарақаттық зақымдануы. – 1 айға дейінгі балалар

Жергілікті аллергиялық реакциялар, есту жолында тітіркену және гиперемия дамуының қаупі бар. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қолдану тәсілі сақталған жағдайда артық дозалануы мүмкін емес.

Препаратты қолдануды бастамас бұрын дабыл жарғағының бүтіндігіне көз жеткізу қажет. Препаратты тесілген дабыл жарғақшасы кезінде қолданған жағдайда препарат ортаңғы құлақ құрылымдарымен жанасуы және асқынулардың туындауына әкелуі мүмкін. Фелисанс препаратын қолданар алдында асқынулардың профилактикасы мақсатында дабыл жарғақшасының тесілуін жоққа шығару үшін дәрігер-оториноларингологпен кеңесу ұсынылады. Егер аурудың симптомдары нашарласа немесе жақсару болмаса, емнің 2-3 күнінен кейін дәрігермен қайта кеңесу қажет. Препаратты алғаш қолданған кезде немесе емді қайта бастаған кезде ерекше әрекеттер талап етілмейді. Препараттың бір немесе бірнеше дозасын өткізіп алған кезде, сондай-ақ оны тоқтатқан кезде қосымша немесе ерекше әрекеттер көзделмеген. Спортшылар Фелисанс препаратының құрамында допинг-бақылау кезінде оң нәтиже беретін әсер етуші зат бар екенін ескеру қажет. Пайдаланылмаған дәрілік препараттарды жою кезінде арнайы сақтық шаралары талап етілмейді. Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Әсер етпейді

Дабыл жарғақшасы бүтін кезінде организмге ену ықтималдығы аз. Қазіргі уақытта препаратты жүктілік және лактация кезіндегі қолданылуына қатысты қарсы көрсетілімдер жайлы деректер жоқ, потенциалды қаупі мен пайдасын саралағаннан кейін жүкті немесе бала емізетін әйелдерге тағайындалуы мүмкін.

Басқа дәрілік препараттармен және (немесе) тамақ өнімдерімен клиникалық маңызды өзара әрекеттесуі туралы мәліметтер жоқ.

Сақтау мерзімі 2 жыл Құтыны ашқаннан кейін препаратты бір ай ішінде пайдалану керек. Жарамдылық мерзімі өткеннен кейін қолдануға болмайды. Сақтау шарттары 25°С-ден аспайтын температурада. Балалардың қолы жетпейтін жерде сақтау керек.