Энбрел Май Клик раствор 50 мг

Энбрел Май Клик алдын-ала толтырылған бір шприц-қалам ішінде белсенді зат - 47.0 мг этанерцепт, қосымша заттар: L-аргинин гидрохлориді, натрий хлориді, сахароза, натрий гидрофосфат дигидраты, натрий дигидрофосфат дигидраты, инъекцияға арналған су Сыртқы түрінің, иісінің, дәмінің сипаттамасы Мөлдір немесе бозаңданатын түссізден сары немесе ақшыл--қоңыр түске дейінгі сұйықтық; жартылай мөлдірден ақ түске дейінгі аморфты қосындылардың болуына жол беріледі.

Ересектер - ревматоидтық артрит Метотрексатпен біріктірілген Энбрел Май Клик препараты ересек пациенттерде (18 жастан асқан), метотрексатты қоса, ауруды-модификациялайтын ревматизмге қарсы базистік препараттарға (АМРҚБП) жауап жеткіліксіз болған (қарсы көрсетілімдері болмаған) жағдайда, ревматоидтық артриттің орташа және ауыр дәрежелі белсенді түрін емдеу үшін қолданылады. Метотрексат жақпайтын, немесе метотрексатпен емдеуді жалғастыру талапқа сай болмаған жағдайда, монотерапия түрінде Энбрел Май Клик препаратын тағайындауға болады Энбрел Май Клик препараты бұрын метотрексатпен ем қабылдамаған ересектерде ауыр, белсенді және үдемелі ревматоидтық артритті емдеу үшін қолданылады. Монотерапия түріндегі немесе метотрексатпен біріктірілген Энбрел Май Клик препараты, рентгенография көмегімен анықталған буын зақымдануының үдеу жылдамдығын төмендетеді және функциялық статусты жақсартады. Аксиальдік спондилоартрит - шорбуынданатын спондилит (ШС) Ауыр белсенді шорбуынданатын спондилиті бар, дәстүрлі емге жауаптың жеткіліксіздігі байқалған ересектерді емдеу үшін. - рентгенологиялық емес аксиальдік спондилоартрит С-реактивті ақуызды (CРА) деңгейінің жоғарылығынан және/немесе магнитті-резонанстық томография (МРТ) деректерінен білінетін қабынудың объективті белгілерімен рентгенологиялық емес ауыр аксиальдік спондилоартриті (ре-АкСпА) бар, қабынуға қарсы стероидты емес препараттардың (ҚҚСП) тиімділігі жеткіліксіз болып шыққан ересек пациенттерді емдеу үшін. - псориаздық артрит Ересектерде ауруды модификациялайтын, ревматизмге қарсы базистік препараттармен (АМРҚБП) емге жауап жеткіліксіз болған жағдайда, белсенді және үдемелі псориаздық артритті емдеу үшін. Энбрел Май Клик препараты псориаздық артриті бар пациенттерде функциялық статусты жақсартады және рентгенография деректері бойынша буындардың симметриялы зақымдануымен аурудың полиартикулярлық қосалқы типтері бар пациенттерде шеткері буындардың зақымдануының үдеу жылдамдығын төмендетеді. - түйіндақты псориаз Орташа немесе ауыр түйіндақты псориазы бар, циклоспорин, метотрексат немесе псорален және ұзынтолқынды ультракүлгін A сәулесін (ПУВА-ем) қоса, жүйелі емнің басқа түрлеріне жауап бермеген немесе оған қарсы көрсетілімдері немесе жақпаушылығы болған ересектерді емдеу үшін. Балалар - 2 жастан асқан балалардағы ювенильді идиопатиялық артрит (ЮИА) Метотрексат жеткілікті әсер бермеген немесе жағымдылығы нашар болған, 2 жастан асқан балалар мен жасөспірімдерде полиартритті (ревматоидтық факторға талдауы оң немесе теріс) және таралған олигоартритті емдеу үшін. Метотрексат жеткілікті әсер бермеген немесе жағымдылығы нашар болған 12 жастағы жасөспірімдерде псориаздық артритті емдеу үшін. 12 жастан бастап, дәстүрлі ем жеткілікті әсер бермеген немесе жағымдылығы нашар болған жасөспірімдерде энтезитпен байланысты артритті емдеу үшін. - балалардағы түйіндақты псориаз Жағдайлары жеткіліксіз бақыланатын немесе басқа бір жүйелі емнің немесе фототерапияның жағымсыздығы байқалған 6 жастан асқан балалар мен жасөспірімдерде созылмалы ауыр түйіндақты псориазды емдеу үшін.

Ісік некрозы факторы-альфа (ІНФ-ɑ) ревматоидтық артрит кезіндегі қабыну үдерісін демеп тұратын негізгі цитокин болып табылады. Псориаздық артриті бар науқастарда синовиальді қабықтар мен псориаздық түйіндақтарда, сондай-ақ, шорбуынданатын спондилиті бар науқастарда плазма мен синовиальді тіндерде ІНФ-ɑ деңгейінің жоғарылауы да анықталған. Түйіндақты псориаз кезінде қабынған жасушалармен, соның ішінде T-жасушалармен инфильтрация терінің зақымданбаған бөліктерімен салыстырғанда, псориаздық түйіндақтарда ІНФ-ɑ деңгейінің жоғарылауына түрткі болады. Этанерцепт ІНФ-ɑ тері беткейіндегі рецепторлармен байланысуының бәсекелес тежегіші болып табылады, және сол арқылы, ІНФ-ɑ биологиялық белсенділігін тежейді. ІНФ-ɑ мен лимфотоксин қабынуға ізашар цитокиндер болып табылады, олар жасуша беткейіндегі ісік некрозы факторы-ɑ (ІНФрц) екі түрлі рецепторымен байланысады: 55 кДа (р55) және 75 кДа (р75). ІНФрц екеуі де организмде табиғи түрде, жарғақшамен байланысқан және еритін түрлерінде болады. Еритін ІНФрц ІНФ-ɑ биологиялық белсенділігін реттейді. ІНФ-ɑ мен лимфотоксин көбінесе гомотримерлер түрінде келеді, және олардың биологиялық белсенділіктері жасуша беткейіндегі ІНФрц айқаспалы бірігуіне тәуелді. Этанерцепт сияқты еритін димерлік рецепторлардың ІНФ-ɑ-ға тектестігі мономерлік рецепторларға қарағанда жоғарырақ, және сондықтан да, ІНФ-ɑ жасушалық рецепторларымен байланысуының бәсекелестігі күштірек тежегіштері болып табылады. Бұдан өзге, димерлік рецептор құрылымында байланыстыру элементі ретінде иммуноглобулиннің Fc-аймағының пайдаланылуы сарысудан жартылай шығарылу кезеңін ұзартады. Әсер ету механизмі Ревматоидтық артрит пен шорбуынданатын спондилит кезінде буындардағы патологиялық өзгерістердің, сондай-ақ, түйіндақты псориаз кезіндегі терінің патологиялық өзгерістерінің елеулі бөлігі ІНФ-ɑ бақылап отыратын қабынуға ізашар молекулалар әсерінің нәтижесінде туындайды. Этанерцепттің әсер ету механизмі ІНФ-ɑ жасуша беткейіндегі, жасушаның ІНФ-ɑ түрткі болатын иммундық жауабының туындауына кедергі келтіретін ІНФрц-мен байланысуын бәсекелес тежеуінен тұрады, ол ІНФ-ɑ организмдегі белсенділігінің биологиялық тұрғыдан жойылуына ықпал етеді деп шамаланады. Сонымен қатар этанерцепт қосымша молекулалардың бақылауындағы, ІНФ-ɑ (мысалы, цитокиндер, адгезия молекулалары немесе протеиназалар) индукциялайтын немесе реттеп отыратын биологиялық жауаптарды модуляциялауы мүмкін. Фармакодинамикалық әсерлері Клиникалық тиімділігі мен қауіпсіздігі Бұл бөлімде ревматоидтық артриті бар ересек пациенттерде рандомизацияланған, бақыланатын төрт зерттеу, псориаздық артриті бар ересек пациенттердегі бір зерттеу, шорбуынданатын спондилиті бар ересек пациенттердегі бір зерттеу, рентгенологиялық емес аксиальді спондилоартриті бар ересек пациенттердегі екі зерттеу, түйіндақты псориазы бар ересек пациенттердегі төрт зерттеу, ювенильді идиопатиялық артриті бар пациенттердегі үш зерттеу және балалар жасындағы, түйіндақты псориазы бар пациенттердегі бір зерттеу барысында алынған деректер берілген. Ревматоидтық артриті бар ересек пациенттер Этанерцепттің тиімділігі рандомизацияланған, салыстырмалы жасырын, плацебо-бақыланатын зерттеуде бағаланды. Зерттеуде ревматоидтық артриттің белсенді түрі бар, АМРҚБП кемінде бір, бірақ төрттен көп емесі тиімсіз болған 234 ересек пациент бағаланды. 10 мг немесе 25 мг дозалардағы этанерцепт немесе плацебо 6 ай қатарынан аптасына екі рет тері астына енгізілді. Бұл бақыланатын сынақтың нәтижелері Американың ревматологтары коллегиясының (American College of Rheumatology (ACR)) критерийлерін пайдалана отырып ревматоидтық артриттің пайыздық жақсаруымен көрсетілді. ACR 20 және 50 жауап плацебо қабылдаған пациенттердегіге қарағанда, этанерцептпен 3 және 6 ай ем қабылдаған пациенттерде жоғары болды (ACR 20: 3 және 6 айдан соң сәйкесінше: этанерцепт үшін 62% және 59%, плацебо үшін 23% және 11%; ACR 50: ACR критерийлері бойынша этанерцепт үшін сәйкесінше 3 және 6 айдан соң 41% және 40% жауап, плацебо үшін 8% және 5%; p < 0,01 плацебомен салыстырғанда этанерцепт үшін барлық уақытша нүктелерінде ACR 20 және 50 жауап үшін). Этанерцептті қабылдаған пациенттердің шамамен 15 %-ы плацебо тобындағы 5 %-дан аз пациентпен салыстырғанда, 3-інші және 6-ыншы айларда ACR критерийлері бойынша 70 % жауапқа қол жеткізді. Этанерцептті қабылдаған пациенттерде, клиникалық жауап әдетте, емдеуді бастағаннан кейін 1–2 аптадан соң көрініс берді және үнемі дерлік 3 айдан соң туындап отырған. Әсерінің дозасына тәуелділігі байқалды; препаратты 10 мг дозада қолданғанда алынған нәтижелер плацебо мен дозасы 25 мг арасындағы аралық мәндер болды. Этанерцепт ревматоидтық артрит белсенділігінің таңертеңгі сіресу сияқты ACR жауап критерийлеріне кірістірілмеген басқа көрсеткіштері кезіндегідей, ACR критерийлерінің барлық компоненттерінде плацебодан едәуір асып түсті. Еңбекке қабілетсіздікті, тіршілік тонусын, ақыл-ой саулығын, жалпы денсаулық жағдайын және артритпен байланысты денсаулық жағдайын бағалауға арналған қосалқы бөлімдерден тұратын Денсаулық жағдайын бағалауға арналған сауалнаманы (Health Assessment Questionnaire HAQ) толтыру сынақ барысында әр 3 ай сайын жүргізілді. Денсаулық жағдайын бағалауға арналған сауалнаманың (HAQ) барлық қосалқы бөлімдері бойынша этанерцептті қабылдаған пациенттерде 3-інші және 6-ншы айлардағы бақылау мәндерімен салыстырғанда жақсару тіркелді. Этанерцептпен емдеу аяқталғаннан кейін артрит симптомдары, әдетте, бір ай ішінде қайта басталған. Ашық зерттеулердің нәтижелеріне орай, этанерцептпен емдеуді 24 айға дейінгі мерзімге тоқтатқаннан кейін оны қайта бастау этанерцептпен емдеуді үзілісіз ем ретінде қабылдаған пациенттердегідей шамадағы жауапқа алып келді. Ұзаққа созылған тұрақты жауап пациенттер этанерцептті үзіліссіз қабылдаған кеңейтілген ашық зерттеулерде 10 жылға дейінгі мерзім ішінде байқалды. Этанерцепттің тиімділігі белсенді ревматоидтық артриті бар (<3 жылға созылған), бұрын ешқашан метотрексатпен ем қабылдамаған 632 пациентте бастапқы ақырғы нүкте ретінде белсенді бақыланатын және салыстырмалы режимде рентгенографиялық бағалаумен рандомизацияланған зерттеуде метотрексаттың тиімділігімен салыстырылды. Этанерцептті 10 мг немесе 25 мг дозаларда немесе плацебоны 24 айға дейінгі кезең бойы аптасына екі рет т/а енгізді. Метотрексаттың дозалары сынақтың алғашқы 8 аптасы ішінде аптасына 7,5 мг-ден ең жоғарғы, аптасына 20 мг дейін арттырылды, және емдеу 24 айға дейінгі мерзім бойына жалғастырылды. Этанерцепт 25 мг дозада қолданылған 2 апта ішінде әсер ете бастауын қоса клиникалық жақсару, алдыңғы зерттеулерде байқалғандарға ұқсас болды, 24 айға дейінгі мерзім бойына сақталды. Бастапқы деңгейде пациенттерде HAQ сауалнамасы бойынша 1,4-тен 1,5-ке дейінгі орташа бағаларымен еңбекке қабілетсіздіктің орташа дәрежесі байқалды. 25 мг дозадағы этанерцептпен емдеу 12 айдан соң елеулі жақсаруға алып келді, және шамамен 44% пациент HAQ сауалнамасы бойынша қалыпты (0,5-тен аз) балдарға қол жеткізді. Бұл пайдасы осы зерттеудің 2 жылы бойына сақталды. Бұл зерттеуде рентгенологиялық буындардың құрылымдық зақымдануын бағалау жүргізілді, ол Шарптың жалпы индексі (TSS) және оның компоненттері шкаласы бойынша бағасының, эрозияны және буын саңылауының тарылуын бағалаудың өзгерісі түрінде көрсетілді. Бастапқы деңгейде, сондай-ақ, 6, 12 және 24 айларда қол басына/білекке рентгенография жүргізілді. Этанерцептті 10 мг дозада енгізу 25 мг дозасындағыға қарағанда, құрылымдық бұзылуларға айтарлықтай аз әсер етті. Этанерцепт 25 мг дозада қолданылғанда эрозия көрсеткіштері бойынша 12 айдан кейін де, 24 айдан кейін де метотрексаттан едәуір асып түсті. TSS және буын саңылауының тарылуын бойынша метотрексат пен 25 мг дозадағы этанерцептті қолдану арасындағы айырмашылықтар статистикалық тұрғыдан елеулі болды. Ол нәтижелер төмендегі суретте көрсетілген. Рентгенологиялық критерийлер бойынша үдеуі: <3 жылға созылған РА бар пациенттерде метотрексатпен салыстырғанда этанерцептті қолдану Буын саңылауының тарылуыБуын саңылауының тарылуыБуын саңылауының тарылуыБуын саңылауының тарылуыTSS Эрозия СМЩTSS Эрозия МТТЭтанерцепт 25 мгЭнбрел в дозе 25 мг*p < 0,0524 ай.12 ай.1,30,4*2,2Бастапқы деңгейге қатысты өзгеру0,6*0,80,90,40,40,60,91,31,2TSS Эрозия СМЩTSS Эрозия МТТЭтанерцепт 25 мгЭнбрел в дозе 25 мг*p < 0,0524 ай.12 ай.1,30,4*2,2Бастапқы деңгейге қатысты өзгеру0,6*0,80,90,40,40,60,91,31,2 Басқа бір салыстырмалы жасырын, рандомизацияланған, белсенді бақыланатын зерттеуде метотрексаттан басқа, кемінде 1 АМРҚБП жеткіліктіден аз жауап байқалған 682 ересек пациентте 6 айдан 20 жылға дейін (орташа алғанда 5 жылға) созылған ревматоидтық артриттің белсенді түрімен бір мезгілде бастағанда, этанерцептті монотерапия түрінде (аптасына екі рет 25 мг), метотрексатты монотерапия түрінде (аптасына 7,5-тен 20 мг дейін, орташа дозасы 20 мг) және этанерцепт пен метотрексат біріктірілімін қолданғанда рентгенологиялық критерийлер бойынша клиникалық тиімділігі, қауіпсіздігі және РА үдеуі салыстырылды. Метотрексатпен біріктірілген этанерцептпен емдеу тобындағы пациенттерде АСR 20, 50 және 70 екі монотерапия тобындағы пациенттердегіге қарағанда едәуір жоғары жауап және 24 және 52 апталарда DAS және HAQ көрсеткіштері бойынша жақсару байқалды (нәтижелері келесі кестеде келтірілген). 24 айдан соң да, этанерцепт пен метотрексатты монотерапия түрінде қолданумен салыстырғанда этанерцептті метотрексатпен біріктіріп қолданудың айтарлықтай артықшылықтары байқалды. 12 ай ішіндегі клиникалық тиімділігін бағалау нәтижелері: 6 айдан 20 жылға дейін созылған РА бар пациенттерде этанерцепт пен метотрексат біріктірілімін этанерцептпен монотерапиямен және метотрексатпен монотерапиямен салыстыру Ақырғы нүкте — Метотрексат(n = 228) — Этанерцепт(n = 223) — Этанерцепт +Метотрексат(n = 231) ACR критерийлері бойынша емге жауапа ACR 20 — 58,8 % — 65,5% — 74,5 % †, ACR 50 — 36,4% — 43,0% — 63,2% †, ACR 70 — 16,7% — 22,0% — 39,8% †, DAS Бастапқы балыб — 5,5 — 5,7 — 5,5 52 аптадағы балыб — 3,0 — 3,0 — 2,3†, Ремиссияв — 14% — 18% — 37 %†, HAQ Бастапқы деңгейі — 1,7 — 1,7 — 1,8 52-апта — 1,1 — 1,0 — 0,8†, а: Зерттеуге қатысудың 12 айлық кезеңін аяқтамаған пациенттер, емге жауап бермеген пациенттер ретінде қарастырылды. б: Ауру белсенділігі индексінің көрсеткіштері (DAS) орташа мәндер түрінде берілген. C: Ремиссиясы DAS <1,6 мәні ретінде анықталады. p-мәндерін жұптап салыстыру: этанерцепт пен метотрексаттың біріктірілімін метотрексатпен салыстыру үшін † = p <0,05 және этанерцепт пен метотрексаттың біріктірілімін этанерцептпен салыстыру үшін = p <0,05. Рентгенологиялық критерийлер бойынша үдеуі 12 айда метотрексат тобындағыға қарағанда, этанерцепт тобында едәуір аз болды, ал препараттардың біріктірілімін қолдану рентгенологиялық критерийлер бойынша үдеуінің баяулауына қатысты препараттардың кез келгенмен монотерапияға қарағанда едәуір жақсырақ болды (төмендегі суретті қараңыз). Рентгенологиялық критерийлер бойынша үдеуі: РА бар пациенттерде этанерцептті қолдануды метотрексатпен, этанерцептті метотрексатпен біріктіріп қолданумен салыстыру 6 айдан 20 жылға дейін (12 айдан кейінгі нәтижелер) ЭрозияларМетотрексатЭтанерцептЭтанерцепт+ МетотрексатБастапқы деңгейге қатысты өзгеру Буын саңылауының тарылуыЭрозияларМетотрексатЭтанерцептЭтанерцепт+ МетотрексатБастапқы деңгейге қатысты өзгеру Буын саңылауының тарылуы p-мәндерін жұптап салыстыру: этанерцепт пен метотрексатты салыстыру үшін *= p <0,05, этанерцепт пен метотрексаттың біріктірілімін метотрексатпен салыстыру үшін † = p <0,05, сондай-ақ, этанерцепт пен метотрексаттың біріктірілімін этанерцептпен салыстыру үшін = p <0,05. 24 айдан соң да, этанерцепт пен метотрексатты монотерапия түрінде қолданумен салыстырғанда этанерцептті метотрексатпен біріктіріп қолданудың едәуір артықшылықтары байқалды. Осы сияқты, 24 ай емдеуден соң метотрексатпен монотерапиямен салыстырғанда этанерцептпен монотерапияның елеулі артықшылығы да байқалды. Зерттеуге қатысуды кез келген себептен тоқтатқан пациенттердің барлығы прогресті пациенттер ретінде қарастырылған талдауда, 24 айдан кейін прогрессіз пациенттердің пайыздық үлесі (Шарптың жалпы индексінің өзгерісі [TSS] ≤ 0,5) этанерцептпен және метотрексатпен монотерапия топтарымен салыстырғанда, метотрексатпен біріктірілген этанерцепт қолданылған топта көбірек болды (сәйкесінше 62%, 50% және 36%; p < 0,05). Этанерцепт пен метотрексатты монотерапия түрінде қолдану арасындағы айырмашылық та елеулі болды (p < 0,05). Зерттеудегі 24 айлық емдеу курсынан толықтай өткен пациенттер арасында, аурудың үдеуінің болмау жиілігі сәйкесінше 78%, 70% және 61% құрады. Аптасына бір рет 50 мг дозадағы (25 мг-ден т/а екі инъекциясы) этанерцептті қолданудың қауіпсіздігі мен тиімділігі белсенді РА бар 420 пациенттегі салыстырмалы жасырын, плацебо-бақыланатын зерттеуде бағаланды. Бұл зерттеуде 53 пациент плацебо қабылдады, 214 пациент этанерцептті аптасына бір рет 50 мг дозада қабылдады және 153 пациент этанерцептті аптасына екі рет 25 мг дозада қабылдады. Этанерцептпен емдеудің екі режимінің қауіпсіздігі мен тиімділігінің бейіндері 8 аптада РА белгілері мен симптомдарына әсерлері жағынан салыстырымды болды; 16 аптадағы деректер емдеудің екі кестесі арасында салыстырымдылықты (тиімділігі аз еместігін) көрсетпеді. Этанерцептті 50 мг/мл дозада бір рет енгізу препаратты 25 мг/мл дозада бір мезгілде екі енгізудің биобаламалы екені анықталды. Псориаздық артриті бар ересек пациенттер Этанерцепттің тиімділігі, псориаздық артриті бар 205 пациенттегі рандомизацияланған салыстырмалы жасырын, плацебо-бақыланатын зерттеуде бағаланды. Пациенттер 18-ден 70-ке дейінгі жаста болды және белсенді псориаздық артриттің (ісінген буындар 3 және буындар пальпациясы кезінде ауырсыну 3) келесі түрлерінің кемінде біреуінен зардап шегіп жүрген: (1) дистальді бунақ аралық (ДБА) буындардың қамтылуы, (2) полиартикулярлық артрит (ревматоидтық түйіндердің болмауы және псориаздың болуы), (3) деформациялайтын артрит, (4) асимметриялық псориаздық артрит немесе (5) шорбуынданатынға ұқсас спондилоартрит. Сонымен қатар пациенттерде диаметрі 2 см мақсатты зақымдану ошағының критерийлерін қанағаттандыратын түйіндақты псориаз байқалды. Пациенттер бұрын ҚҚСП-мен (86%), АМРҚБП (80%) және кортикостероидтармен (24%) ем қабылдаған. Зерттеу басталған сәтте метотрексатпен ем қабылдаған (2 ай бойы тұрақты емделген) пациенттерде метотрексатты қабылдауды тұрақты, аптасына 25 мг дозада жалғастыруына мүмкіндік болды. 25 мг дозадағы этанерцепт (ревматоидтық артриті бар пациенттердегі дозалары ауқымын анықтау мақсатындағы зерттеулер нәтиижелерінің негізінде) немесе плацебо 6 ай бойы аптасына екі рет т/а енгізілді. Салыстырмалы жасырын зерттеудің соңында пациенттердің жалпы ұзақтығы 2 жылға дейінгі ұзақмерзімді ашық, кеңейтілген зерттеуге кіруіне мүмкіндігі болды. Клиникалық жауаптар АСR 20, 50 және 70 жауапқа қол жеткізген пациенттердің пайызы және псориаздық артриттің еміне жауап критерийлері бойынша жақсаруының пайыздық көрсеткіштері (PsARC - Psoriatic Arthritis Response Criteria) түрінде көрсетілді. Нәтижелері төмендегі кестеде берілген. Плацебо-бақыланатын зерттеуде псориаздық артриті бар пациенттердегі емге жауаптары Пациенттердің пайызы Плацебо — Этанерцептa Псориаздық артрит кезіндегі жауап — n = 104 — n = 101 ACR 20 3 ай — 15 — 59б 6 ай — 13 — 50б ACR 50 3 ай — 4 — 38б 6 ай — 4 — 37б ACR 70 3 ай — 0 — 11б 6 ай — 1 — 9в PsARC 3 ай — 31 — 72б 6 ай — 23 — 70б а) Этанерцепт 25 мг дозада т/а аптасына екі рет б) p < 0,001, Этанерцепт плацебомен салыстырғанда в) p < 0,01, Этанерцепт плацебомен салыстырғанда Псориаздық артриті бар, этанерцептті қабылдаған пациенттер арасында клиникалық жауап бірінші қабылдау кезінде (4 апта) байқалды және емдеудің 6 айы бойына сақталды. Этанерцепт ауру белсенділігінің барлық көрсеткіштері бойынша плацебодан едәуір асып түсті (p < 0,001), және метотрексатпен қатарлас немесе онсыз емдегенде жауап бірдей болды. Псориаздық артриті бар пациенттердің өмір сапасы әрбір уақыт нүктесінде, Денсаулық жағдайын бағалауға арналған сауалнама (HAQ) бойынша мүгедектік индексін пайдалана отырып бағаланды. Псориаздық артриті бар, этанерцептпен ем қабылдаған пациенттерде мүгедектік индексі плацебомен салыстырғанда әрбір уақыт нүктесінде едәуір жақсарған (p < 0,001). Псориаздық артрит кезіндегі зерттеуде рентгенологиялық өзгерістері бағаланды. Бастапқы деңгейде, сондай-ақ 6, 12 және 24 айларда қол басы мен білектерге рентгенография жүргізілді. 12 айдан кейінгі Шарптың модификацияланған жалпы индексі (TSS) көрсеткіштері төмендегі кестеде берілген. Зерттеуге қатысуды кез келген себептен тоқтатқан пациенттердің барлығы ауруы үдегендер деп қарастырылған талдауда, үдеусіз пациенттердің пайыздық үлесі (Шарптың жалпы индексінің өзгерісі [TSS] ≤ 0,5) 12 айда плацебо тобымен салыстырғанда, этанерцептті қолданған топта көбірек болды (47%-бен салыстырғанда сәйкесінше 73%; p ≤ 0,001). Емді екінші жыл бойына жалғастырған пациенттерде аурудың рентгенологиялық критерийлер бойынша үдеуіне этанерцепттің ықпалы сақталды. Полиартикулярлық симметриялық артриті бар пациенттерде шеткері буындар зақымдануының үдеуі баяулағаны байқалды. Жалпы Шарп индексінің бастапқы шамасына қатысты орташа жылдық өзгерісі (СҚ) Плацебо — Этанерцепт Уақыт — (n = 104) — (n = 101) 12 ай — 1,00 (0,29) — 0,03 (0,09)a СҚ — стандартты қателік. a. p. = 0,0001. Этанерцептпен емдеу салыстырмалы жасырын кезең барысында функциялық статустың жақсаруына алып келді, және препаратты қабылдаудың бұл пайдасы 2 жылға дейінгі әсерінің ұзағырақ кезеңі бойына байқалды. Зерттеуге қатысқан пациенттер санының көп болмауы себепті, шорбуынданатынға ұқсас спондилиті және псориаздық артропатияның мутиляцияланатын түрі бар пациенттерде этанерцепттің тиімділігін көрсететін деректер көлемі жеткіліксіз алынды. Псориаздық артриті бар пациенттерде аптасына бір рет 50 мг дозалау режимімен зерттеулер жүргізілген жоқ. Пациенттердің бұл популяциясында препаратты аптасына бір рет дозалау режимінде қолданудың тиімділігінің дәлелдері шорбуынданатын спондилиті бар пациенттердегі зерттеуден алынған деректерге негізделді. Шорбуынданатын спондилиті бар ересек пациенттер Этанерцепттің шорбуынданатын спондилит кезіндегі тиімділігі рандомизацияланған, салыстырмалы жасырын 3 зерттеудің барысында бағаланды, оларда аптасына екі рет 25 мг дозадағы этанерцепттің қолданылуы плацебомен салыстырылды. Зерттеулерге барлығы 401 пациент кірістіріліп, олардың ішінен 203 пациент этанерцептпен ем қабылдады. Ол зерттеулердің көпшілігі (n=277) 18 жас пен 70 жас аралығындағы, ВАШ бойынша таңертеңгі сіресудің орташа ұзақтығы мен қарқындылығы үшін визуалды аналогтық шкала (ВАШ) бойынша 30 балл ретінде анықталған, плюс келесі 3 параметрдің кемінде 2-еуі: пациенттің жағдайының жалпы бағасы; түнде арқаның ауыруы мен жалпы алғандағы арқа ауыруының ВАШ бойынша балдарының орташа мәні; шорбуынданатын спондилит үшін Бат функциялық индексі (BASFI) бойынша 10 сауал үшін орташа балы 30 балл болған белсенді шорбуынданатын спондилиті бар пациенттерді қамтыды. АМРҚБП, ҚҚСП немесе кортикостероидтарды қабылдаған пациенттердің, оларды тұрақты дозаларында қабылдауды жалғастыра беруіне мүмкіндігі болды. Омыртқа бағанының толық шорбуындауымен пациенттер бұл зерттеуге кірістірілмеді. 25 мг дозадағы этанерцепт (ревматоидтық артриті бар пациенттердегі дозаларының ауқымын анықтау мақсатындағы зерттеулер нәтижелерінің негізінде) немесе плацебо 138 пациентке 6 ай бойы аптасына екі рет тері астына енгізілді. Тиімділігінің негізгі көрсеткіші (ASAS 20) Шорбуынданатын спондилитті бағалау шкаласының (ASAS) 4 бөлімінің кемінде 3-еуі бойынша 20% жақсару (пациенттің ауруды жалпы бағалауы, арқаның ауыруы, BASFI индексі және қабыну) және шкаланың қалған домендері бойынша нашарлаудың болмауы болды. ASAS 50 және 70 жауаптары да сол — сәйкесінше 50% немесе 70% жақсару критерийлері бойынша анықталды. Плацебомен салыстырғанда, этанерцептпен емдеу ем басталғаннан кейін 2 аптадан соң-ақ ASAS 20, ASAS 50 жән ASAS 70 көрсеткіштері бойынша елеулі жақсаруларға алып келді. Плацебо-бақыланатын зерттеудегі шорбуынданатын спондилиті бар пациенттердегі жауап Пациенттер пайызы Шорбуынданатын спондилит кезіндегі жауап — Плацебо N = 139 — Этанерцепт N = 138 ASAS 20 2 апта. — 22 — 46а 3 ай — 27 — 60а 6 ай — 23 — 58а ASAS 50 2 апта. — 7 — 24а 3 ай — 13 — 45а 6 ай — 10 — 42а ASAS 70: 2 апта. — 2 — 12б 3 ай — 7 — 29б 6 ай — 5 — 28б a) p < 0,001, этанерцепт плацебомен салыстырғанда б) p = 0,002, этанерцепт плацебомен салыстырғанда Шорбуынданатын спондилиті бар, этанерцептті қабылдаған пациенттер арасында, клиникалық жауап алғашқы қабылдау кезінде (2 аптада) байқалды және 6 ай емдеу бойына сақталды. Жауаптар бастапқы деңгейде қатарлас дәрілік препараттарды қабылдаған немесе қабылдамаған пациенттерде ұқсас болды. Осыған ұқсас нәтижелер шорбуынданатын спондилиті бар пациенттердегі шағын 2 зерттеуде алынды. Белсенді шорбуынданатын спондилиті бар 356 пациент қатысқан салыстырмалы жасырын, плацебо-бақыланатын зерттеуде этанерцептті аптасына екі рет 25 мг дозада қолданумен салыстырғанда, төртінші зерттеуде аптасына бір рет 50 мг дозадағы (25 мг-ден екі т/а инъекциясы) этанерцептті қолданудың қауіпсіздігі мен тиімділігі бағаланды. Аптасына бір рет 50 мг және аптасына екі рет 25 мг дозада қолданғанда препараттың қауіпсіздігі мен тиімділігінің бейіндері ұқсас болды. Рентгенологиялық емес аксиальдік спондилоартриті бар ересек пациенттер 1 зерттеу Рентгенологиялық емес аксиальдік спондилоартриті бар пациенттерде этанерцепттің тиімділігі 12 аптаға созылған рандомизацияланған, салыстырмалы жасырын, плацебо-бақыланатын зерттеудің аясында бағаланды. Зерттеуде белсенді ре-АкСпА бар (18 жастан 49 жасқа дейінгі), аксиальдік спондилоартрит үшін ASAS бойынша жіктеме критерийлеріне сәйкес келетін, бірақ АС үшін Нью-Йорктың модификацияланған критерийлеріне сәйкес келмейтін пациенттер ретінде анықталған 215 ересек пациент (барлық пациенттердің тағайындалған емге байланысты модификацияланған популяциясы (ITT)) тексеруден өтті. Сонымен қатар, пациенттерде екі немесе одан көп ҚҚСП-мен емге жауап жеткіліксіз немесе олардың жақпаушылығы болуы тиіс болды. Салыстырмалы жасырын кезең ішінде пациенттер этанерцептті 12 апта бойы апта сайын 50 мг дозада немесе плацебо қабылдады. Тиімділігінің негізгі көрсеткіші (ASAS 40) ASAS шкаласының төрт доменінің кемінде үшеуі бойынша 40%-дық жақсару және шкаланың қалған домендері бойынша нашарлаудың болмауы болды. Салыстырмалы жасырын кезеңнен кейін, пациенттердің барлығы этанерцептті 92 аптаға дейін созылатын қосымша кезең бойына апта сайын 50 мг дозада қабылдайтын ашық кезең жүргізілді. Бастапқы деңгейде және 12 және 104 апталарда қабынуды бағалау үшін сегізкөз-жамбас буыны мен омыртқаға МРТ жүргізілді. Плацебомен салыстырғанда, этанерцептпен емдеу ASAS 40, ASAS 20 және ASAS 5/6 көрсеткіштері бойынша статистикалық тұрғыдан елеулі жақсаруға алып келді. Елеулі жақсаруы ASAS шкаласы бойынша ішінара ремиссия үшін және BASDAI 50 индексі үшін де байқалды. 12-нші аптадағы жағдай бойынша алынған нәтижелер төмендегі кестеде келтірілген. ре-АкСпА плацебо-бақыланатын зерттеуінде тиімділігін бағалау нәтижелері: ақырғы нүктелерге қол жеткізген пациенттердің пайыздық үлесі Салыстырмалы жасырын клиникалық зерттеу, 12-аптадағы жауаптар — Плацебо N = 106-дан 109 дейін* — Этанерцепт N = 103-тен 105 дейін* ASAS** 40 — 15,7 — 32,4б ASAS 20 — 36,1 — 52,4в ASAS 5/6 — 10,4 — 33,0а ASAS бойынша ішінара ремиссия — 11,9 — 24,8в BASDAI***50 — 23,9 — 43,8б * Кейбір пациенттерде әрбір ақырғы нүкте үшін толық деректер алынған жоқ. ** ASAS — Спондилоартриттер жөніндегі Халықаралық қоғамның критерийлеріне сәйкес бағалануы. *** Шорбуынданатын спондилит белсенділігінің Бат индексі. a: p < 0,001; б) < 0,01 және в) < 0,05 сәйкесінше этанерцепті қолдану тобында плацебомен салыстырғанда. 12 аптада этанерцептті қабылдаған пациенттерде SPARCC (Канаданың спондилоартритті зерттеу жөніндегі ғылыми-зерттеушілік консорциумы) шкаласы бойынша бағасының сегізкөз-жамбас буыны үшін (МРТ деректері бойынша) статистикалық тұрғыдан елеулі жақсаруы байқалды. Бастапқы деңгейіне қатысты түзетілген орташа өзгерісі этанерцептті қабылдаған пациенттерде 3,8 құрады (n=95), плацебо қабылдаған пациенттердегі 0,8-ге қарсы (n = 105) (p < 0,001). 104 аптада МРТ деректері бойынша этанерцептті қабылдаған барлық пациенттер үшін SPARCC шкаласы бойынша бастапқы деңгейіне қатысты орташа өзгерісі сегізкөз-жамбас буыны (n = 153) мен 1,40 омыртқа (n = 154) үшін 4,64 құрады. 12 апта қолданудан соң, өмір сапасына ықпал ететін денсаулық көрсеткіштерінің көпшілігіне, және BASFI (шорбуынданатын спондилиттің Бат функциялық индексін), Денсаулық жағдайын жалпы бағалауды EuroQol 5D және Физикалық саулықты бағалауға арналған сауалдар блогын SF-36 қоса, пациенттердің функционалдық статусын бағалау нәтижелеріне қатысты плацебомен салыстырғанда, этанерцепт тобында бастапқы деңгейімен салыстырғанда статистикалық тұрғыдан елеулі артықшылығына қол жеткізілгені көрсетілді. Этанерцептті қабылдаған, ре-АкСпА бар пациенттерде, клиникалық жауап алғашқы қабылдау кезінде (2 аптада) байқалды және 2 жыл емдеу бойына сақталды. Денсаулықпен байланысты өмір сапасының және сондай-ақ, функционалдық статустың жақсарулары 2 жыл емдеу бойына сақталды. 2 жыл бойы жинақталған деректерді талдаудың негізінде, қауіпсіздігімен байланысты қандай-да бір бұзылулар анықталмады. 104 аптада 8 пациентте омыртқаға жүргізілген рентген тексеруі кезінде Нью-Йорктың модификацияланған рентгенологиялық критерийлері бойынша аурудың екіжақты 2 сатыға дейін үдегені байқалды, ол аксиальдік спондилоартропатияның белгісі болып табылады. 2 зерттеу 4 фазадағы, 3 кезеңнен тұратын бұл көпорталықтық ашық зерттеуде белсенді ре-АкСпА бар, емге тиісінше жауапқа (шорбуынданатын спондилиттің белсенділік көрсеткіші ретінде анықталатын белсенді емес ауру (ASDAS — Ankylosing Spondylitis Disease Activity Score), 24 апта емдеуден соң CРА деңгейі бойынша есептеп шығарылған, 1,3-тен аз) қол жеткізілген пациенттерде этанерцептпен емдеудің тоқтатылуы мен қайта жаңғыртылуы бағаланды. Спондилоартриттер жөніндегі Халықаралық қоғамның (ASAS) аксиальдік спондилоартритті жіктеу критерийлеріне сай келетін (ШС үшін Нью-Йорк модификацияланған критерийлеріне сай келмейтін) пациенттер ретінде анықталған, МРТ нәтижелері бойынша ауру белгілері (МРТ деректері бойынша белсенді қабыну, СпА-мен байланысты сакроилеиттің болуы болжамының ықтималдылығы жоғарырақ болуына мүмкіндік беретін) және/немесе сжCРА талдауының (сезімталдығы жоғары C-реактивті ақуыз (сжCРА) деңгейі > 3 мг/л ретінде анықталады) нәтижесі оң және скринингілік қабылдауда ASDAS-CРА ≥ 2,1 көрсеткіші ретінде анықталатын ауру белсенділігінің белгілері болған, белсенді ре-АкСпА бар (18 жастан 49 жасқа дейінгі) 209 ересек пациент ашық режимде этанерцептті апта сайын 50 мг дозада, сондай-ақ, тұрақты фондық ҚҚСП емін 1 кезең барысында 24 апта бойы, қабынуға қарсы әсерді қамтамасыз ететін оңтайлы жағымды дозада қабылдаған. Сонымен қатар пациенттерде екі немесе одан көп ҚҚСП еміне жауап жеткіліксіз болуы немесе олардың жақпаушылығы болуы тиіс болды. 24 аптада 119 (57 %) пациентте аурудың белсенділігі тіркелмеді, белсенді болмады және олар 2 фазадағы, 40 аптаға созылатын, препаратты тоқтату кезеңге кірісті, кезең барысында олар этанерцептті қабылдауды тоқтатты, бірақ фондық ҚҚСП емін қабылдауды жалғастыра берді. Тиімділігін бағалаудың негізгі көреткіші ауру белсенділігінің көрініс беруі (этанерцептпен емдеу тоқтатылғаннан кейінгі 40 апта ішінде эритроциттердің шөгу жылдамдығы (ЭШЖ) ≥ 2,1 бойынша есептеп шығарылған ASDAS көрсеткіші ретінде анықталады) болды. Ауру белсенділігі артқан пациенттерде 12 апта бойы күнделікті 50 мг дозада этанерцептпен емдеу қайта жаңғыртылған (3 кезең). 2 кезең барысында ауру белсенділігі ≥ 1 жоғарылауы байқалған пациенттердің үлесі 4 аптадағы 22 %-дан (25/112) 40 аптадағы 67 %-ға (77/115) дейін артқан. Жалпы алғанда 75 % (86/115) пациентте этанерцептпен емдеу тоқтатылғаннан кейін 40 апта ішінде кез келген уақыт нүктесінде өршу туындаған. 2 зерттеудің негізгі екінші мақсаты этанерцептпен емдеу тоқтатылғаннан кейін ауру үдегенге дейінгі уақытты бағалау, сондай-ақ, 1 зерттеудегі ауру үдегенге дейінгі уақытты, 2 зерттеудің емді тоқтату фазасына сәйкес келген және этанерцептпен ем қабылдауды жалғастырған пациенттердегі осындаймен салыстыру болды. Этанерцептпен емдеу тоқтатылғаннан кейін ауру үдегенге дейінгі уақыт медианасы 16 аптаны құрады (95 % СА: 13 – 24 апта). 1 зерттеуде препаратпен емдеу тоқтатылмаған 25 %-дан аз пациентте, 2 зерттеудің 2 кезеңіндегі осындайға ұқсас, 40 аптаға созылған кезең ішінде аурудың өршуі туындаған. Ауру үдегенге дейінгі уақыттың ұзақтығы этанерцептпен емделуді жалғастырған (1 зерттеу) пациенттердегіге қарағанда, этанерцептпен емдеу тоқтатылған (2 зерттеудегі) пациенттерде статистикалық тұрғыдан едәуір аз болды, p < 0,0001. 3 кезеңге қатысуды бастаған, этанерцептпен 12 апта бойы апта сайын 50 мг дозада емдеу қайта жаңғыртылған 87 пациенттің ішінен, 62 %-ында (54/87), аурудың белсенділігі жойылған, сонымен қатар олардың 50 %-ында 5 апта ішінде аурудың белсенділігі жойылды (95 % СА: 4–8 апта). Түйіндақты псориазы бар ересек пациенттер Энбрел Май Клик препаратын пациенттерде 4.1 бөлімде көрсетілгендей қолдану ұсынылады. Мақсатты популяцияда «емдеуге жауап бермеген», сондай-ақ жүйелі препараттардың кем дегенде үш негізгі түрінің бірімен жауапқа баға беру үшін жеткілікті ұзақ кезең бойы тиісті ем алған пациенттер жеткіліксіз жауаппен (псориаздың таралуы мен ауырлығы дәрежесінің ең төменгі индексі) (PASI < 50 немесе PGA (Physician Global Assessment - жаһандық дәрігердің бағалауы) «жақсыдан» төмен) немесе ем алу барысында аурудың өршуімен сипатталады. Орташа немесе ауыр псориазы бар (жүйелі емнің басқа алуан түрлеріне реакция берген) пациенттерде жүйелі емнің басқа алуан түрлерімен салыстырғанда, этанерцепттің тиімділігі этанерцепт жүйелі емнің басқа түрлерімен тікелей салыстырылған зерттеулерде бағаланбады. Оның орнына, этанерцепттің тиімділігі мен қауіпсіздігі рандомизацияланған, салыстырмалы жасырын, плацебо-бақыланатын төрт зерттеуде бағаланды. Төрт зерттеудің барлығында тиімділігін бағалаудың бастапқы ақырғы нүктесі 12 аптада PASI 75 көрсеткішіне қол жеткізген (яғни, псориаздың таралу индексі мен ауырлық дәрежесінің, бастапқы деңгейіне қатысты кемінде 75% жақсаруы) әрбір емдеу тобындағы пациенттердің үлесі болды. 1 зерттеу 18 жас шамасындағы, белсенді, бірақ клиникалық тұрғыдан тұрақты, дене беткейі ауданының 10%-ын зақымдайтын түйіндақты псориазы бар пациенттердегі 2 фазадағы зерттеу болды. Жүз он екі (112) пациент 24 апта бойы аптасына екі рет 25 мг дозадағы этанерцепт (n=57) немесе плацебо (n=55) қабылдау үшін рандомизацияланды. 2 зерттеуде созылмалы түйіндақты псориазы бар 652 пациент, зерттеуге кірістірудің тура 1 зерттеудегідей критерийлерін пайдалана отырып, скрининг кезінде 10-ға тең болатын ең төменгі PASI қосумен бағаланды. Этанерцепт 6 ай қатарынан аптасына бір рет 25 мг, аптасына екі рет 25 мг немесе аптасына екі рет 50 мг дозаларда қолданылды. Салыстырмалы жасырын режимдегі алғашқы 12 апталық кезең ішінде пациенттер плацебо немесе этанерцепттің жоғарыда көрсетілген үш дозасының біреуін қабылдады. 12 апта емдеуден соң плацебо тобындағы пациенттер этанерцептпен жасырын режимде (аптасына екі рет 25 мг дозада) емделе бастады; белсенді емдеу топтарындағы пациенттер бастапқыда рандомизацияланған дозасында ем қабылдауды 24 аптаға дейін жалғастыра берді. 3 зерттеуде 583 пациент бағаланды және зерттеуге кірістірудің тура 2 зерттеудегідей критерийлері пайдаланылды. Бұл зерттеуде пациенттер этанерцептті 12 апта бойы аптасына екі рет 25 мг немесе 50 мг дозада, не болмаса плацебо қабылдап, содан соң пациенттердің барлығы қосымша 24 апта бойы этанерцептті ашық режимде аптасына екі рет 25 мг дозада қабылдады. 4 зерттеуде 142 пациент бағаланды және зерттеуге кірістірудің, 2 және 3 зерттеулердегіге ұқсас критерийлері пайдаланылды. Бұл зерттеуде пациенттер этанерцептті 12 апта бойы аптасына бір рет 50 мг дозада немесе плацебо қабылдады, содан соң пациенттердің барлығы қосымша 12 апта бойы этанерцептті ашық режимде аптасына бір рет 50 мг дозада қабылдады. 1 зерттеуде плацебо тобымен (2 %) салыстырғанда, этанерцептпен емделген топта 12 аптада PASI 75 жауабы болған пациенттердің едәуір көп үлесі (30%) тіркелді (p <0,0001). 24 аптада плацебо тобындағы 5% пациентпен салыстырғанда, этанерцептпен емделген топтағы 56% пациент PASI 75 жауабына қол жеткізді. 2, 3 және 4 зерттеулердің негізгі нәтижелері төменде берілген. 2, 3 және 4 зерттеулердегі псориазы бар пациенттердегі емге жауаптары Жауап (%) — ------------ 2 зерттеуі --------------- — ------------ 3 зерттеуі ------------- — ------------ 4 зерттеуі ------------- Плацебо — ----------Этанерцепт--------- — Плацебо — --------Этанерцепт------- — Плацебо — -------Этанерцепт------ 25 мг апт. 2 рет — 50 мг апт. 2 рет — 25 мг апт. 2 рет — 50 мг апт. 2 рет — 50 мг апт. 1 рет — 50 мг апт. 1 рет n = 166 12 Апт. — n = 162 Апт. 12 — n = 162 Апт. 24a — n = 164 Апт. 12 — n = 164 Апт. 24a — n = 193 Апт. 12 — n = 196 Апт. 12 — n = 196 Апт. 12 — n = 46 Апт. 12 — n = 96 Апт. 12 — n = 90 Апт. 24a PASI 50 — 14 — 58* — 70 — 74* — 77 — 9 — 64* — 77* — 9 — 69* — 83 PASI 75 — 4 — 34* — 44 — 49* — 59 — 3 — 34* — 49* — 2 — 38* — 71 DSGA б, зақымдануларсыз немесе зақымдануларсыз дерліктей — 5 — 34* — 39 — 49* — 55 — 4 — 39* — 57* — 4 — 39* — 64 *p 0,0001 плацебомен салыстырғанда a) 2 және 4 зерттеулерде 24 аптада плацебомен статистикалық салыстырулар жүргізілмеді, өйткені бастапқыда плацебо тобында болған пациенттер 13 аптадан 24 аптаға дейін этанерцептті аптасына 2 рет 25 мг немесе аптасына бір рет 50 мг дозада қабылдай бастады. б) Дерматологтың статистикалық жаһандық бағалау шкаласы. Зақымдануларсыз немесе зақымдануларсыз дерлік 0-ден 5-ке дейінгі шкала бойынша 0 немесе 1 деп анықталды. Түйіндақты псориазы бар, этанерцептті қабылдаған пациенттер арасында, алғашқы қабылдау сәтінде (2 аптада) плацебомен салыстырғанда елеулі жауаптар байқалды және емдеудің 24 аптасы бойына сақталды. 2 зерттеуде де зерттеудегі препаратты тоқтату кезеңі болды, ол кезде 24 аптада PASI көрсеткіші бойынша кемінде 50% жақсаруға қол жеткізген пациенттер емделуді тоқтатты. Пациенттер емдеусіз, симптомдарының қайта басталуына қатысты (PASI бастапқы деңгейінен 150%) және аурудың қайталануына дейінгі уақытты (бастапқы деңгей мен 24 апта аралығындағы кезеңде қол жеткізген жақсаруының кемінде жартысының жоғалтылуы ретінде анықталды) анықтау үшін қадағалауда болды. Препаратты тоқтату кезеңі барысында псориаз симптомдары біртіндеп қайта оралды, және аурудың қайталануына дейінгі уақыт медианасы 3 айды құрады. Аурудың кенеттен қайта өршуі мен псориазбен байланысты ауыр жағымсыз құбылыстар жағдайлары тіркелген жоқ. Бастапқыда емге жауап берген пациенттерді этанерцептпен қайта емдеудің пайдалылығын көрсететін кейбір дәлелдер алынды. 3 зерттеуде бастапқыда препаратты аптасына екі рет 50 мг дозада қабылдау үшін рандомизацияланған, және олар үшін этанерцепттің дозасы 12 аптада аптасына екі рет 25 мг дейін төмендетілген пациенттердің көпшілігінде (77%) PASI 75 жауабы қоса алғанда 36 апта бойына сақталды. Зерттеу барысында препаратты аптасына екі рет 25 мг дозада қабылдаған пациенттерде 12 аптадан 36 аптаға дейінгі мерзім ішінде PASI 75 жауабы жақсаруын жалғастырды. 4 зерттеуде плацебо тобымен (2%) салыстырғанда, этанерцептпен емделген топта 12 аптада PASI 75 жауабы болған пациенттердің үлесі көп (38%) тіркелді (p<0,0001). Зерттеу барысында препаратты аптасына бір рет 50 мг дозада қабылдаған пациенттерде жауаптардың тиімділігі арта түсті, және 24 аптада 71% пациент PASI 75 жауабына қол жеткізді. Этанерцепт үзіліссіз қолданылған ұзақмерзімді (34 айға дейінгі) ашық зерттеулерде, клиникалық жауаптары тұрақты болды, ал қауіпсіздігі қысқамерзімді зерттеулердегі осындаймен салыстырымды болды. Клиникалық зерттеу деректерін талдаудан аурудың, клиницистерге анағұрлым қолайлы дозалау режимін (үзіліспен немесе үзіліссіз) таңдауда көмектесуі мүмкін қандай-да бір бастапқы сипаттамалары анықталған жоқ. Сәйкесінше, үзіліспен емдеуді немесе үзіліссіз емдеуді таңдау дәрігердің шешіміне қалдырылуы және пациенттің жекелей қажеттіліктеріне негізделуі тиіс. Этанерцептке антиденелер Этанерцептпен ем қабылдаған кейбір пациенттердің сарысуында этанерцептке антиденелер анықталды. Ол антиденелердің барлығы бейтараптандырғыштар болды, және әдетте, уақытша құбылыс болды. Шамасы, антиденелердің өндірілуі мен клиникалық жауап немесе жағымсыз құбылыстар арасында өзара байланыстылық жоқ. Клиникалық зерттеулерде 12 айға дейінгі мерзім бойына этанерцепттің бекітілген дозаларымен ем қабылдаған пациенттерде этанерцептке қарсы антиденелердің түзілуінің жиынтық жиілігі ревматоидтық артриті бар пациенттерде шамамен 6%, псориаздық артриті бар пациенттерде 7,5%, шорбуынданатын спондилиті бар пациенттерде 2%, псориазы бар пациенттерде 7%, педиатриялық псориазы бар пациенттерде 9,7% және ювенильді идиопатиялық артриті бар пациенттерде 4,8% құрады. Ұзақмерзімді (3,5 жылға дейін созылған) зерттеулерде этанерцептке антиденелер түзілген пациенттердің үлесі, күтілгеніндей, уақыт өткен сайын арта түсті. Дегенмен, бұл құбылыстың сипаты уақытша екендігін байланысты, әр бағалау нүктесінде антиденелердіың анықталу жиілігі, әдетте, ревматоидтық артриті бар пациенттер мен псориазы бар пациенттерде 7%-дан аз болды. Пациенттер препаратты 96 апта бойы аптасына екі рет 50 мг дозада қабылдаған, псориаздың ұзақмерзімді зерттеуінде, антиденелер түзілуінің әр бағалау нүктесінде байқалған жиілігі шамамен 9%-ға дейін құрады. Балалар Балалар жасындағы, ювенильді идиопатиялық артриті бар пациенттер Этанерцепттің қауіпсіздігі мен тиімділігі, ювенильді идиопатиялық артриттің полиартикулярлық нұсқасы бар, ювенильді идиопатиялық артриттің басталуының типтері әр түрлі (полиартрит, пауциартрит және жүйелі басталуы) болған 69 баладағы екі бөліктен тұратын зерттеуде бағаланды. Зерттеуге 4 жас пен 17 жас аралығындағы, орташа немесе ауыр, ювенильді идиопатиялық артриттің емделуі қиын белсенді полиартикулярлық нұсқасымен, немесе метотрексат жақпайтын пациенттер кірістірілді; пациенттер қабынуға қарсы стероидты емес препараттың біреуінің және/немесе преднизонның тұрақты дозасын (тәулігіне <0,2 мг/кг немесе ең көбі 10 мг) қабылдауды жалғастыра берді. 1 бөлігінде пациенттердің барлығы этанерцептті аптасына екі рет 0,4 мг/кг дозада (бір дозасында ең көбі 25 мг) тері астына қабылдады. 2 бөлігінде, 90 күні клиникалық жауабы болған пациенттер этанерцептті қабылдауды жалғастыру үшін рандомизацияланды немесе төрт ай бойы плацебо қабылдауды бастады, содан соң оларда аурудың өршуі бағаланды. Жауаптар белсенді буындар санын, қимыл-қозғалыстың шектелуін, дәрігердің және пациенттің/ата-аналардың жаһандық бағалауын, функциялық бағасын және эритроциттердің шөгу жылдамдығын (ЭШЖ) қоса, ЮРА бағалаудың негізгі критерийлерінің алтауының кемінде үшеуі бойынша 30%-дық жақсару және алтауының ең көбі біреуінде ғана 30-дық жақсару ретінде анықталатын ACR Pedi 30 көрсеткішінің көмегімен өлшенді. Аурудың үдеуі ЮРА бағалаудың негізгі алты критерийінің үшеуі бойынша 30%-дық нашарлау және ЮРА бағалаудың негізгі алты критерийінің ең көбі біреуі және белсенді буындардың кемінде екеуі бойынша 30%-дық жақсару ретінде анықталды. Зерттеудің 1 бөлімінде 69 (74%) пациенттің 51-інде клиникалық жауап көрініс берді және 2 бөлімге кірістірілді. Зерттеудің 2 бөлімінде 26 (77%) плацебо қабылдаған пациенттің 20-сымен салыстырғанда, этанерцептті қабылдауды жалғастырған 25 (24%) пациенттің 6-ауында, аурудың өршуі тіркелді (p=0,007). 2 бөлім басталғаннан өршуге дейінгі уақыт медианасы этанерцептті қабылдаған пациенттер үшін 116 күнді, және плацебо қабылдаған пациенттер үшін 28 күнді құрады. 90 күннен соң клиникалық жауап танытқан және зерттеудің 2-нші бөліміне кірістірілген пациенттердің ішінен, кейбіреулері ары қарай да этанерцептті қабылдай берді және 3 айдан 7 айға дейінгі мерзім ішінде жақсаруды көрсете берді, ал плацебо қабылдаған пациенттерде жақсару болмады. Қауіпсіздігіне жүргізілген, кеңейтілген ашық зерттеуде жоғарыда аталған зерттеудегі, балалар жасындағы (зерттеуге кірістірілген сәтте 4 жастан асқан) 58 пациент этанерцептті қабылдауды 10 жылға дейін жалғастыра берді. Ұзақ уақыт әсерінен ауыр жағымсыз құбылыстар мен ауыр инфекциялар жиілігінің көрсеткіші жоғарыламады. Этанерцептпен монотерапияның (n=103), этанерцептпен және метотрексатпен емдеудің (n=294) немесе метотрексатпен монотерапияның (n=197) ұзақ мерзімді қауіпсіздігі 2 жастан 18 жасқа дейінгі, ювенильді идиопатиялық артриті бар, 39-ы 2 жас пен 3 аралығында болған 594 баладан тұратын тізілімде 3 жылға дейінгі кезең ішінде бағаланды. Жалпы алғанда, метотрексатпен монотерапиямен салыстырғанда, этанерцептпен ем қабылдаған пациенттерде инфекциялар жиірек тіркелді, (2%-бен салыстырғанда 3,8%), және этанерцептті қолданумен байланысты инфекциялардың сипаты ауырырақ болды. Таралған олигоартриті бар 60 пациенттен (2 жастан 4 жасқа дейінгі 15 пациент, 5 жастан 11 жасқа дейінгі 23 пациент және 12 жастан 17 жасқа дейінгі 22 пациент), тұратын бір топпен жүргізілген басқа бір ашық зерттеуде, энтезиттік артриті бар (12 жастан 17 жасқа дейінгі) 38 пациент және псориаздық артриті бар (12 жастан 17 жасқа дейінгі) 29 пациент 12 апта бойы аптасына бір рет 0,8 мг/кг дозадағы этанерцептпен (ең жоғарғы бір реттік 50 мг дозасынан асырмай) ем қабылдады. ЮИА қосалқы типтерінің әрқайсысы кезінде пациенттердің көпшілігі балаларға арналған АCR 30 критерийлеріне сәйкес келді және мысалы, пальпация кезінде ауырсынатын буындар саны және дәрігердің жалпы бағалауы сияқты екінші ақырғы нүктелер бойынша клиникалық жақсаруды көрсетті. Қауіпсіздік бейіні ЮИА бар пациенттердегі басқа зерттеулердегі қауіпсіздік бейініне сәйкес келді. Бастапқы зерттеудегі 127 пациенттен 109 пациент ашық кеңейтілген зерттеуге қатысты, және оларды қосымша 8 жыл бойы бақылады, бұл арада бақылаудың жалпы ұзақтығы 10 жыл болды. Осы кеңейтілген зерттеудің соңында 84/109 (77 %) пациент зерттеуге қатысуды аяқтады, 27 (25 %) пациент этанерцептпен белсенді ем қабылдады, 7 (6 %) пациентте белсенділіктің төмендігі немесе аурудың белсенді болмауы себебінен емдеу тоқтатылды, 5 (5 %) пациент алдыңғы тоқтатудан кейін этанерцептпен емді қайта жаңғыртты, 45 (41 %) пациент этанерцептпен емделуді тоқтатты (бірақ бақылауда болды) және 25/109 (23 %) пациент зерттеуден толық шығарылды. Бастапқы зерттеуде қол жеткізілген клиникалық статустың жақсаруы келесі бақылаудың бүкіл кезеңі барысында тиімділікті бағалаудың барлық ақырғы нүктелері үшін тұтас алғанда сақталды. Этанерцепт қабылдаған пациенттер кеңейтілген зерттеу кезінде клиникалық жауаптың негізінде зерттеушінің шешімі бойынша емді тоқтатудың міндетті емес кезеңіне бір рет ауысып, кейіннен оны қайта жаңғырта алды. Отыз пациент препаратты тоқтату кезеңіне көшті. 17 пациентте аурудың өршуі тіркелді (кем дегенде 2 белсенді буында, ACR Pedi қалған 6 компоненттің 1-ден азы бойынша ≥ 30%-дық жақсарумен, 6 компонентінің ең кемі 3-уі бойынша ≥ 30%-дық нашарлау ретінде), бұл ретте этанерцепт тоқтатылғаннан кейін өршуіне дейінгі орташа уақыты 190 күнді құрады. 13 пациентте емдеу қайта жаңғыртылды, және емді тоқтатқаннан кейін оны қайта жаңғыртқанға дейінгі есептік уақыт медианасы 274 күнді құрады. Деректерді жинау нүктелерінің саны аз болуына байланысты бұл нәтижелерді сақтықпен түсіндіру керек. Қауіпсіздік бейіні бастапқы зерттеудегі қауіпсіздік бейініне сәйкес келді. Ювенильді идиопатиялық артриті бар пациенттерде этанерцептпен емді бастағаннан кейінгі 3 айдың ішінде жауап байқалмаған пациенттердегі этанерцептпен ұзақ емдеудің әсерін бағалау үшін зерттеулер жүргізілген жоқ. Бұдан өзге, этанерцептті ЮИА бар пациенттерде ұзақ уақыт қолданғаннан кейін оның ұсынылған дозасын төмендетудің тиімділігін бағалау бойынша зерттеулер жүргізілмеді. Түйіндақты псориазы бар бала жастағы пациенттер Этанерцепттің тиімділігіне рандомизацияланған, салыстырмалы жасырын, плацебо-бақыланатын зерттеуде орташа немесе ауыр түйіндақты псориазы бар 4-тен 17 жасқа дейінгі 211 бала пациентте баға берілді (мұны ≥ 10 % ППТ және PASI ≥ 12 қоса, sPGA ≥ 3 баллы бойынша анықтады). Сай келетін пациенттердің анамнезінде фототерапиядан немесе жүйелі емнен өткені, немесе жергілікті емнің әсеріне жеткілікісіз жауап бергені туралы жазба болды. Пациенттер этанерцептті 0,8 мг/кг (50 мг дейін) дозада немесе плацебоны аптасына бір рет 12 апта бойы алды. 12 аптада плацебоны алу үшін рандомизацияланғандарға қарағанда этанерцепті алу үшін рандомизацияланған пациенттердің көпшілігінің арасында жауаптардың оң тиімділігі байқалды (мысалы, PASI 75). 12 апта емнен кейін балалардағы түйіндақты псориаздың нәтижелері Этанерцепт аптасына бір рет 0,8 мг/кг (N = 106) — Плацебо (N = 105) PASI 75, n (%) — 60 (57%)a — 12 (11 %) PASI 50, n (%) — 79 (75%)a — 24 (23%) sPGA «зақымдануларсыз» немесе «зақымданулары өте аз», n (%) — 56 (53 %)a — 14 (13%) Қысқарту: sPGA — дәрігердің статистикалық жаһандық бағалауы. a)p <0,0001 плацебомен салыстарғанда. 12 апталық салыстырмалы жасырын емдеу кезеңінен кейін пациенттердің барлығы этанерцептті қосымша 24 апта бойы аптасына бір рет 0,8 мг/кг (50 мг дейінгі) дозада қабылдады. Ашық кезең ішінде байқалған жауаптар салыстырмалы жасырын кезең ішінде байқалғандарға ұқсас болды. Рандомизацияланған тоқтату кезеңі барысында этанерцептпен емдеу тобына қайта рандомизацияланған пациенттермен салыстырғанда, плацебо қабылдау үшін қайта рандомизацияланған пациенттердің едәуір көп санында, аурудың қайталануы (PASI 75 жауабының жоғалтылуы) тіркелді. Емдеуді жалғастырғанда жауаптары 48 аптаға дейінгі кезең бойына сақталды. Этанерцептті аптасына бір рет 0,8 мг/кг (50 мг дейінгі) дозада ұзақмерзімді қолданудың қауіпсіздігі мен тиімділігі балалар жасындағы, түйіндақты псориазы бар 181 пациентте жоғарыда сипатталған 48 апта зерттеуден кейін басталған клиникалық зерттеудің 2 жылға дейінгі мерзім ішіндегі ашық кезеңдегі жалғасында бағаланды. Этанерцептті ұзақ қолдану тәжірибесі әдетте, бастапқы 48 апталық зерттеуде алынған осындаймен салыстырымды болды, және қауіпсіздігі жөніндегі қандай-да бір жаңа мәліметтер анықталған жоқ.

Энбрел Май Клик препаратымен емдеуді ревматоидтық артритті, ювенильді идиопатиялық артритті, псориаздық артритті, шорбуынданатын спондилитті, рентгенологиялық емес аксиальдік спондилоартритті, түйіндақты псориаз немесе балалардағы түйіндақты псориазды диагностикалау және емдеуде тәжірибесі бар дәрігер тағайындауы және бақылап отыруы тиіс. Энбрел Май Клик препаратымен ем қабылдап жүрген пациенттер дәрілік препаратты медициналық қолдану жөніндегі осы нұсқаулыққа (қосымша парақ) «Қолдану жөніндегі нұсқаулық» 1-Қосымшамен мұқият танысып шығуы керек. Энбрел Май Клик препараты ересек пациенттер мен дене салмағы 62,5 кг кем емес балаларда қолдану үшін көрсетілген. Дене салмағы 62,5 кг аз пациенттер, этанерцепттің тіркелген басқа түрлерін – Энбрел 25 мг, тері астына енгізуге арналған ерітіндісін және Энбрел Лио, 25 мг инъекция үшін ерітінді дайындауға арналған лиофилизацияланған ұнтақ, 1 мл еріткішімен жиынтықта (инъекцияға арналған су) мг/кг дене салмағына есебінен дозалауға болатын жиынтықта пайдалануы тиіс. Егер қажетті дозасы бір енгізуде 50 мг аз құраса, этанерцепттің тіркелген басқа түрлерін (Энбрел 25 мг, тері астына енгізуге арналған ерітіндісін және Энбрел Лио, 25 мг инъекция үшін ерітінді дайындауға арналған лиофилизацияланған ұнтақ, 1 мл еріткішімен жиынтықта (инъекцияға арналған су) мг/кг дене салмағына есебінен дозалауға болатын жиынтықтағы сияқты) пайдалану қажет. Энбрел Май Клик препараты 50 мг дозада шығарылады. Дозалау режимі Ересектер (18 жастағы және одан асқан) Ревматоидтық артрит Энбрел Май Клик препаратының ересек пациенттерге ұсынылатын дозасы аптасына бір рет 50 мг құрайды. Шорбуынданатын спондилит, рентгенологиялық емес аксиальдік спондилоартрит және псориаздық артрит Энбрел Май Клик препаратының ұсынылатын дозасы аптасына бір рет 50 мг құрайды. Барлық жоғарыда көрсетілген көрсетілімдер үшін клиникалық жауапқа әдетте емдеудің 12 аптасына дейінгі кезең ішінде қол жеткізіледі. Осы кезең ішінде емдеуге жауап бермеген пациенттер үшін, емдеуді жалғастыру мәселесін мұқият қарастыру керек. Түйіндақты псориаз Энбрел Май Клик препаратының ұсынылатын дозасы аптасына бір рет 50 мг құрайды. Препаратты 12 аптаға дейін аптасына екі рет 50 мг дозада, содан кейін емдеуші дәрігердің ұсынуымен, аптасына бір рет 50 мг дозада қолдануға болатын емдеу сызбасына рұқсат етіледі. Энбрел Май Клик препаратын ремиссияға жеткенше (24 аптаға дейін) қолдану керек. Кейбір ересек пациенттерде препаратты қолдануды 24 апта өткеннен кейін де жалғастыруға болады. Жағдайы препаратты 12 апта бойына қабылдағаннан кейін жақсармаған пациенттер үшін, Энбрел Май Клик препаратымен емдеуді тоқтату керек. Энбрел Май Клик препаратымен емдеуді қайталау көрсетілген жағдайларда, емдеу ұзақтығын жоғарыда көрсетілген ұсынымдарға сәйкес анықтау керек. Препаратты аптасына бір рет 50 мг дозада қолдану керек. Пациенттердің ерекше топтары Бүйрек/бауыр функциясының бұзылуы бар пациенттер Препараттың дозасын түзету қажет емес. Егде жастағы пациенттер Препараттың дозасын түзету қажет емес. Дозалау режимі мен қолдану тәсілі 18–64 жас шамасындағы ересек пациенттердегідей. Балалар Бала жастағы пациенттер үшін Энбрел Май Клик препаратының дозасын таңдау дене салмағына байланысты болып келеді. Дене салмағы 62,5 кг аз пациенттерде препарат дозасын инъекция үшін ерітінді дайындауға арналған ұнтақты және еріткішті немесе инъекция үшін ерітінді дайындауға арналған ұнтақты пайдалана отырып, мг/кг есебінде дәл дозалау керек (нақты көрсетілімдер үшін дозалауды төменде қараңыз). Дене салмағы 62,5 кг және одан жоғары пациенттерде дозаны алдын ала толтырылған бекітілген дозалы шприц немесе алдын ала толтырылған шприц-қалам көмегімен енгізуге болады. Энбрел Май Клик препараты дене салмағы 62,5 кг кем емес балаларда қолдану үшін көрсетілген. Энбрел Май Клик препаратының 2 жасқа толмаған балалардағы қауіпсіздігі мен тиімділігі анықталмаған. Деректер жоқ. 2 жастан асқан балалардағы ювенильді идиопатиялық артрит Препараттың ұсынылатын дозасы аптасына екі рет теріастылық инъекция түрінде, келесі инъекцияларының аралығы 3–4 күн болатын 0,4 мг/кг (ең жоғары бір реттік 25 мг дозасына дейін), немесе аптасына бір рет 0,8 мг/кг (ең жоғары бір реттік теріастылық инъекция түріндегі 50 мг дозасына дейін) құрайды. 4 ай өткеннен кейін ешқандай жауап байқалмаған пациенттерде, емді тоқтату мүмкіндігін қарастыру керек. Пациенттер тізілімінен алынған қауіпсіздігі жөніндегі шектеулі мәліметтер, 2 жастан 3 жасқа дейінгі балалардағы қауіпсіздік бейіні ересектер мен 4 жас және одан үлкен балалардағы апта сайын тері астына 0,8 мг/кг дозада қолданғандағы бейініне ұқсас екенін айғақтайды. Энбрел Май Клик препаратын 2 жасқа толмаған балалардағы «ювенильді идиопатиялық артрит» көрсетілімі бойынша қолдануға болмайды. Балалардағы (6 жастағы және одан асқан, дене салмағы 62,5 кг аз емес) түйіндақты псориаз Ұсынылатын дозасы аптасына бір рет 0,8 мг/кг (ең жоғары бір реттік 50 мг дозасына дейін) құрайды, ұзақтығы 24 аптаға дейін созылады. 12 апта өткеннен кейін ешқандай жауап болмаған пациенттерде, емдеуді тоқтату керек. Энбрел Май Клик препаратымен емдеуді қайта жаңғырту көрсетілген жағдайларда, емдеу ұзақтығын жоғарыда көрсетілген ұсынымдардың негізінде анықтаған дұрыс. Препараттың дозасы аптасына бір рет 0,8 мг/кг (ең жоғары бір реттік 50 мг дозасына дейін) құрауы тиіс. Әдетте, Энбрел Май Клик препаратын 6 жасқа толмаған балалардағы «түйіндақты псориаз» көрсетілімі бойынша пайдалануға болмайды. Енгізу әдісі және жолы Энбрел Май Клик препараты теріастылық инъекция жолымен енгізіледі. Энбрел Май Клик препаратының инъекциясын енгізу техникасы «Қолдану жөніндегі нұсқаулық» 1- Қосымшасында келтірілген. Энбрел Май Клик препаратын тағаммен және сусындармен немесе оларсыз қолдануға болады. Энбрел Май Клик препаратының ерітіндісі қандай да бір басқа препараттармен араластырмаңыз. • Энбрел Май Клик препараты қолданылатын аптаның күнін (күндерін) еске түсіру ретінде күнделік жүргізуге болады. Дәрілік препараттың бір немесе бірнеше дозасын өткізіп алу кезіндегі қажетті шаралар Егер Сіз препаратты уақытында енгізуді ұмытып кетсеңіз, Сізге оны есіңізге түсе салысымен енгізу керек. Егер келесі доза кестеде келесі күнге тағайындалған болса, жасалмаған инъекцияны аттап кетуге болады. Препарат инъекциясын әдеттегі кестеге сәйкес жалғастырыңыз. Егер Сіз келесі инъекцияны қашан жасау керектігін ұмытсаңыз, өткізіп алғанның орнын толтыру мақсатында екі есе дозаны (екі дозаны бір күнде) енгізбеңіз. Тоқтату симптомы қаупінің бар екенін көрсету Емді тоқтатқан жағдайда симптомдар қайта пайда болуы мүмкін. Егер Сізде бұл препаратты қолдану жөнінде қосымша сұрақтар туындаса, емдеуші дәрігеріңіздің кеңесіне жүгініңіз.

• этанерцептке немесе «Қосымша мәліметтер» бөлімінде атап көрсетілген қосымша заттарының кез келгеніне жоғары сезімталдық • сепсис немесе сепсистің даму қаупі • созылмалы немесе орныққан инфекцияларды қоса, белсенді инфекция

Кез келген басқа да дәрілік заттар сияқты, бұл препарат жағымсыз құбылыстардың дамуын туғызуы мүмкін, бірақ барлық пациенттерде емес. Аллергиялық реакциялар Егер Сіз төменде аталған симптомдардың қандай да біреуінің пайда болғанын байқасаңыз, Энбрел Май Клик препаратын енгізуді тоқтату және бұл туралы өзіңіздің емдеуші дәрігеріңізге хабарлау немесе жақын жердегі ауруханадағы шұғыл медициналық көмек бөлімшесіне жүгіну керек. • Тыныс алудың немесе жұтудың қиындауы. • Беттің, тамақтың, қолдың немесе аяқтың ісінуі. • Күйгелектікті немесе мазасыздықты, қобалжуды сезіну, терінің кенеттен қызаруы және/немесе ыстықты сезіну. • Күшті бөртпе, қышыну немесе есекжем (теріде үлкен қызыл немесе ақ теңбіл таңдақтардың пайда болуы, көбінесе қышынумен бірге). Күрделі аллергиялық реакциялар сирек дамыды. Дегенмен, жоғарыда аталған симптомдардың кез келгені Энбрел Май Клик препаратына аллергиялық реакциялардың дамуын айғақтауы мүмкін, сондықтан олар пайда болған жағдайда Сіз дереу медициналық көмекке жүгінуіңіз керек. Күрделі жағымсыз реакциялар Егер Сіз төменде көрсетілген симптомдардың қандай да біреуінің пайда болғанын байқасаңыз, Сізге немесе Сіздің балаңызға шұғыл медициналық көмек қажет болуы мүмкін. • Күрделі инфекциялардың симптомдары: дене температурасының қатты жоғарылауы, ол жөтелмен, ентігумен, қалтыраумен, әлсіздікпен немесе теріде немесе буындарда ыстық, қызыл, ауыратын ошақтардың пайда болуымен қатар жүруі мүмкін. • Қан тарапынан бұзылулардың симптомдары: қан кету, көгерулердің түзілуі немесе терінің бозаруы. • Жүйке жүйесі тарапынан бұзылулардың симптомдары: ұю немесе құлақтағы шуыл, көру қабілетінің бұзылуы, көздің ауыруы, қолда немесе аяқта әлсіздіктің пайда болуы. • Жүрек жеткіліксіздігінің симптомдары немесе жүрек жеткіліксіздігінің нашарлауы: дене жүктемесі кезіндегі қажығыштық және ентігу, тобық аумағының ісінуі, мойын немесе іш аумағындағы ауырлық сезімі, түнгі мезгілдегі енгігу немесе жөтел, тырнақтардың немесе еріндердің көгеруі. • Обырдың симптомдары: Обыр теріні және қанды қоса, дененің кез келген бөлігін зақымдауы мүмкін, және бұл аурудың симптомдары оның түріне және орналасуына байланысты болады және салмақтың азаюын, қызбаны, ісінуді (ауырсыну сезімімен немесе онсыз), басылмайтын жөтелді, теріде домбығудың немесе өсінділердің пайда болуын қамтуы мүмкін. • Аутоиммундық реакциялардың (мұндайда организмде түзілетін антиденелер қалыпты тіндерді зақымдайды) симптомдары: ауыру, қышыну, әлсіздік, тыныс алудың, ойлаудың, қабылдаудың немесе көру қабілетінің бұзылуы. • Жегінің немесе жегі тәрізді синдромның симптомдары: дене салмағының өзгеруі, тұрақты бөртпе, қызба, бұлшықеттердің немесе буындардың ауыруы немесе қатты шаршағыштық. • Қантамырлар қабынуының симптомдары: ауыру, температураның жоғарылауы, терінің қызаруы немесе ыстықты сезіну, сондай-ақ қышыну. Көрсетілген жағымсыз реакциялардың дамуы сирек немесе жиі емес, бірақ өте күрделі болып табылады (олардың кейбіреулері сирек жағдайларда өлімге әкелуі мүмкін). Аталған симптомдар пайда болғанда емдеуші дәрігеріңізге дереу мәлімдеу немесе жақын ауруханадағы шұғыл медициналық көмек бөлімшесіне жүгіну керек. Энбрел Май Клик препаратының белгілі жағымсыз құбылыстары төменде келтірілген. Жағымсыз реакциялар келесі жиілік санаттары бойынша жіктелген (реакция туындайтын пациенттердің болжамды саны): өте жиі (10 адамның 1-інен астамында болуы мүмкін); жиі (10 адамның 1-іне дейін болуы мүмкін); жиі емес (100 адамның 1-іне дейін болуы мүмкін); сирек (1000 адамның 1-іне дейін болуы мүмкін); өте сирек (10000 адамның 1-іне дейін болуы мүмкін) және белгісіз (қолда бар деректер бойынша анықтау мүмкін емес). Өте жиі • инфекция (жоғарғы тыныс жолдарының инфекциясын, бронхит, цистит және тері инфекциясын қоса)* • инъекция орнындағы реакциялар (қан кетуді, көгерген жерлердің пайда болуын, эритеманы, қышыну, ауыру мен домбығуды қоса)* (препаратты бір ай қолданғаннан кейін оны енгізген жердегі реакциялар онша жиі дамымайды; кейбір пациенттерде препаратты таяуда енгізген жерде реакциялардың дамығаны байқалған) • бас ауыруы. Жиі • аллергиялық реакциялар • қышыну, бөртпелер • пирексия • аутоантиденелердің өндірілуі*. Жиі емес • күрделі инфекциялар (пневмонияны, теріасты шелмайының қабынуын, бактериялық артрит, сепсис және паразиттік инфекцияларды қоса)* • терінің меланомалық емес обыры (ТМЕО)* («Қолдану кезіндегі қажетті сақтандыру шаралары» бөлімін қараңыз) • тромбоцитопения • анемия • лейкопения • нейтропения • васкулит (нейтрофилдерге қарсы цитоплазмалық антиденелердің түзілуімен жүретін васкулиттерді қоса) • увеит • склерит • созылмалы жүрек жеткіліксіздігі симптомдарының нашарлауы, бауыр ферменттері деңгейінің жоғарылауы («Арнайы сақтандырулар» бөлімін қараңыз) • ангионевроздық ісіну • псориаз (алғаш пайда болғанын немесе бұрыннан барының нашарлауын, сондай-ақ, көбінесе алақан мен табанның зақымдануымен жүретін пустулезді псориазды қоса) • есекжем • псориаз тәрізді бөртпе • ішектің қабыну аурулары (іштің түйілулері және ауыруы, диарея, салмақтың азаюы немесе нәжістегі қан, ішекте проблемалардың бар екенінің белгісі). Сирек • туберкулез, оппортунистік инфекциялар (инвазиялық зең, протозойлық, бактериялық, атипиялық микобактериялық, вирустық инфекцияларды және Legionella текті бактериялардан туындаған инфекцияларды қоса)* • қатерлі меланома («Қолдану кезіндегі қажетті сақтандыру шаралары» бөлімін қараңыз) • лимфома • лейкоз • панцитопения* • күрделі аллергиялық/анафилаксиялық реакциялар (ангионевроздық ісінуді, бронх түйілуін қоса) • саркоидоз • жайылған склерозды немесе көру жүйкесінің невриті мен көлденең миелит сияқты жергілікті демиелиндеуші ауруды көрсететін ОЖЖ демиелиндеуші патологиялық үдеріс құбылыстары («Қолдану кезіндегі қажетті сақтандыру шаралары» бөлімін қараңыз), Гийен-Барре синдромын, созылмалы қабынбалы демиелиндеуші полинейропатияны, демиелиндеуші нейропатия мен мультифокальді моторлық нейропатияны қоса шеткері демиелиндеуші аурулар («Қолдану кезіндегі қажетті сақтандыру шаралары» бөлімін қараңыз) • құрысу ұстамалары • алғашқы анықталған жүректің созылмалы жеткіліксіздігі (ЖСЖ) («Арнайы сақтандырулар» бөлімін қараңыз) • өкпенің интерстициялық ауруы (пневмония мен өкпе фиброзын қоса)* • аутоиммундық гепатит* • Стивенс-Джонсон синдромы • тері васкулиті (лейкоцитокласттық васкулитті қоса) • көп формалы эритема • лихеноидты реакциялар • тері қызыл жегісі • жеделге жуық тері қызыл жегісі • қызыл жегі тәрізді синдром • гломерулонефрит (бүйректегі микроскопиялық сүзгілердің зақымдануы, бүйрек функциясының бұзылуына әкеледі). Өте сирек • аплазиялық анемия (сүйек кемігінің қанның негізгі жасушаларын өндіруге қабілетсіздігі)* • уытты эпидермалық некролиз. Белгісіз • В гепатиті вирусының реактивациясы (бауырдың инфекциялық ауруы) • листериоз • Меркель карциномасы (тері обырының түрі) («Қолдану кезіндегі қажетті сақтандыру шаралары» бөлімін қараңыз) • Капоши саркомасы (8 типті адамның герпес вирусы инфекциясын жұқтыруына байланысты сирек кездесетін обыр түрі. Капоши саркомасы көбінесе терідегі күлгін зақымданулар түрінде көрінеді) • қабынуға байланысты лейкоциттердің гиперактивациясы (макрофагтар белсенуінің синдромы*) • дерматомиозит симптомдарының күшеюі (терінің бөртпесі бар бұлшықеттің қабынуы және әлсіздігі). Балалар мен жасөспірімдердегі қосымша жағымсыз әсерлер Балалар мен жасөспірімдердегі жағымсыз әсерлердің жиілігі мен түрлері жоғарыда көрсетілгендерге ұқсас. * Төмендегі «Жекелеген жағымсыз реакциялардың сипаттамасы» бөлімін қараңыз. Жекелеген жағымсыз реакциялардың сипаттамасы Қатерлі және лимфопролиферациялық аурулар Ревматоидтық артриті, псориаздық артриті, шорбуынданатын спондилиті және псориазы бар пациенттерде түрлі қатерлі жаңа түзілімдер туындаған жағдайлар байқалды. Инъекция орнындағы реакциялар Ревматизм аурулары бар, этанерцепт қабылдаған пациенттерде, инъекция орнындағы реакциялар плацебомен салыстырғанда жиірек туындап отырды. Инъекция орнындағы реакциялар әдетте, препаратты қолданудың алғашқы айында туындады. Орташа ұзақтығы шамамен 3 күннен 5 күнге дейін құрады. Көпшілік жағдайларда этанерцепт қабылдаған пациенттерде инъекция орнында реакциялар туындаған жағдайда, ем жүргізілген жоқ, және пациенттердің көпшілігі кортикостероидтар сияқты жергілікті қолдануға арналған дәрілерді немесе пероральді гистаминге қарсы препараттарды пайдаланды. Бұдан өзге, кейбір пациенттерде инъекция орнындағы реакциялар қайтадан туындаған, оларға алдыңғы инъекция орындарында реакциялардың пайда болуымен бір мезгілде соңғы инъекция орнындағы тері реакциясы тән болды. Ол реакциялар, әдетте, қысқа мерзімді болды және емдеу кезінде қайтадан туындаған жоқ. Күрделі инфекциялар Күрделі инфекциялардың (өлімге соқтыратын, өмірге қауіп төндіретін немесе ауруханаға жатқызуды немесе вена ішіне антибиотиктерді қолдануды қажет ететін) жиілігі артқаны байқалған жоқ. Ревматоидтық артриті бар, этанерцепт қабылдаған пациенттерде тіркелген күрделі инфекцияларға абсцесс (орналасуы әртүрлі), бактериемия, бронхит, бурсит, теріасты шелмайының қабынуы, холецистит, диарея, дивертикулит, эндокардит (болжамды), гастроэнтерит, гепатит B, зостер герпесін, аяқтағы ойық жара, ауыз қуысының инфекциясы, остеомиелит, отит, перитонит, пневмония, пиелонефрит, сепсис, сепсистік артрит, синусит, тері инфекциясы, терінің ойық жарасы, несеп шығару жолдарының инфекциясы, васкулит және жара инфекциясы кірді. Этанерцептпен монотерапияны, метотрексатпен монотерапияны немесе этанерцептті метотрексатпен біріктіріп қолданғанда, күрделі инфекциялардың жиілігі түрлі емдеу топтарында ұқсас болды. Дегенмен, этанерцепті метотрексатпен біріктіріп қолдану инфекциялар жиілігінің артуымен қатар жүруі мүмкін екенін жоққа шығаруға болмайды. Түйіндақты псориазы бар, этанерцептпен ем қабылдаған пациенттерде тіркелген күрделі инфекцияларға теріасты шелмайының қабынуы, гастроэнтерит, пневмония, холецистит, остеомиелит, гастрит, аппендицит, стрептококтық фасциит, миозит, сепсистік шок, дивертикулит және абсцесс кірді. Сонымен қатар, этанерцепті қолданғанда күрделі инфекция (пневмония) тіркелді. Этанерцептті қолданғанда, бактериялардан, микобактериялардан (соның ішінде, туберкулез), вирустар мен зеңдерден туындаған күрделі және өлімге соқтыратын инфекциялар тіркелді. Кейбіреулері, ревматоидтық артриттен өзге негізгі бейім аурулары (мысалы, қант диабеті, жүректің созылмалы жеткіліксіздігі, анамнезіндегі белсенді немесе созылмалы инфекциялары) бар пациенттерде этанерцептпен емдеу басталғаннан кейінгі бірнеше апта ішінде тіркелді. Энбрел Май Клик препаратымен емдеу сепсис диагнозы қойылған пациенттердегі өлім жағдайларын арттыруы мүмкін. Этанерцептті қолданумен байланысты оппортунистік инфекциялар, соның ішінде инвазиялық зеңдік, паразиттік (протозойлық түрлерін қоса), вирустық (зостер герпесін қоса) және бактериялық (Listeria мен Legionella қоса), сондай-ақ атипиялық микобактериялық инфекциялар жағдайлары тіркелді. Препаратты қолдану кезінде әлемдегі оппортунистік инфекциялардың барлық клиникалық жағдайларының шамамен жартысы инвазиялық зең инфекцияларымен байланысты болған. Инвазиялық зең инфекциялары көбінесе Candida, Pneumocystis, Aspergillus және Histoplasma-дан туындаған. Инвазиялық зең инфекциялары, оппортунистік инфекциялар дамыған пациенттер арасындағы өлім жағдайларының жартысынан көбіне себеп болды. Өлімге соқтырған жағдайлардың көпшілігі Pneumocystis-тен туындаған пневмониясы, анықталмаған жүйелі зең инфекциясы және аспергиллезі бар пациенттерде тіркелді. АутоантиденелерЕресек пациенттердің қан сарысуының үлгілері аутоантиденелерді анықтау мақсатында бірнеше уақыт нүктелерінде талданды. Ревматоидтық артриті бар, антинуклеарлық антиденелерге (АНА) талдау жүргізілетін пациенттер арасында, жаңа АНА (≥ 1 : 40), плацебо қабылдағандарға қарағанда (5 %), этанерцепт қабылдағандарда жиірек (11%) анықталып отырған. Екі тізбекті ДНҚ-ға жаңа антиденелер пайда болған пациенттердің пайыздық үлесі радиоиммунологиялық талдаудың көмегімен бағалау кезінде де (плацебо қабылдаған 4 % пациентпен салыстырғанда этанерцептпен ем қабылдаған 15 % пациент) және Crithidia luciliae жасушаларында иммунофлуоресценттік талдаудың көмегімен бағалау кезінде де жоғары болды (плацебо қабылдаған пациенттерде екі тізбекті ДНҚ-ға антиденелердің болмауымен салыстырғанда, этанерцептпен ем қабылдаған 3% пациент). Плацебо қабылдаған пациенттермен салыстырғанда, этанерцептпен ем қабылдаған, кардиолипинге қарсы антиденелер түзілген пациенттердің үлесі де осы сияқты артты. Этанерцептпен ұзақ уақыт емдеудің аутоиммундық аурулардың дамуына әсері белгісіз. Ревматоидтық факторға талдау нәтижесі оң болған, пациенттерді қоса, қызыл жегі тәрізді синдромның немесе бөртпелердің туындауымен бір мезгілде басқа аутоантиденелер түзілген пациенттерде сирек жағдайлары тіркелді, бұл клиникалық көріністері мен биопсия бойынша терінің жеделге жуық қызыл жегісіне немесе дискоидтық қызыл жегіге сәйкес келеді. Панцитопения және аплазиялық анемия Этанерцептті қолданғанда панцитопения және аплазиялық анемия жағдайлары тіркелді, олардың кейбіреулері өлімге соқтырған. Өкпенің интерстициялық ауруы Этанерцептті қолданғанда өкпенің интерстициялық ауруы (пневмония мен өкпе фиброзын қоса) жағдайы тіркелді, олардың кейбіреулері өлімге соқтырған. Анакинрамен қатарластыра емдеу Этанерцептпен және анакинрамен қатараластыра ем қабылдаған ересек пациенттерде этанерцептті монотерапия түрінде қолданумен салыстырғанда, күрделі инфекциялардың жиілігі жоғарырақ болғаны байқалды, және пациенттердің 2 %-ында нейтропения (нейтрофилдердің абсолюттік саны  1000/мм3) дамыды. Нейтропения кезінде бір пациентте теріасты шелмайының қабынуы дамыды, ол ауруханаға жатқызғаннан кейін басылған. Бауыр ферменттері деңгейінің жоғарылауы Барлық көрсетілімдер кезінде метотрексатпен қатарлас емдеусіз этанерцептті қабылдап жүрген пациенттерде бауыр ферменттері деңгейлерінің жоғарылауы түріндегі жағымсыз құбылыстардың туындау жиілігі (ауруға шалдығу үлесі) 0,54 % құрады (туындау жиілігінің санаты «жиі емес»). Этанерцептпен және метотрексатпен қатарлас емдегенде бауыр ферменттері деңгейлерінің жоғарылауы түріндегі жағымсыз құбылыстардың туындау жиілігі (ауруға шалдығу үлесі) 4,18 % құрады (туындау жиілігінің санаты «жиі»). Аутоиммундық гепатит Этанерцептті метотрексатпен қатарлас емдеусіз қабылдап жүрген пациенттерде аутоиммундық гепатиттің туындау жиілігі (ауруға шалдығу үлесі) 0,02 % құрады (туындау жиілігінің санаты «сирек»). Этанерцептпен және метотрексатпен қатарлас емдегенде аутоиммундық гепатиттің туындау жиілігі (ауруға шалдығу үлесі) 0,24 % құрады (туындау жиілігінің санаты «жиі емес»). Балалардағы жағымсыз реакциялар Ювенильді идиопатиялық полиартриті бар балалардағы жағымсыз реакциялардың жиілігі мен түрлері ревматоидтық артриті бар ересек пациенттерде байқалғандармен ұқсас болды. ЮИА бар пациенттерде байқалған инфекция типтерінің ауырлық дәрежесі жеңіл және орташа болды, және әдетте, амбулаториялық науқастардың арасында кездесетіндермен ұқсас болды. Ауыр жағымсыз құбылыстар туралы хабарламаларға асқынуларсыз басылған асептикалық менингит симптомдарымен жүретін желшешек, аппендицит, гастроэнтерит, депрессия/тұлға бұзылыстары, терінің ойық жаралары, эзофагит/гастрит, А тобының стрептококтарынан туындаған сепсистік шок, I типті қант диабеті және жұмсақ тіндердің инфекциялары мен операциядан кейінгі жара инфекциясы кірді. Ювенильді идиопатиялық артриті бар пациенттердегі жағымсыз құбылыстардың типтері мен үлестері ревматоидтық артриті бар ересек пациенттерде этанерцептті зерттеулердегі осындайлармен ұқсас болды, сонымен қатар көпшілігінің ауырлық дәрежесі орташа болды. Бірнеше жағымсыз құбылыс ревматоидтық артриті бар 349 ересек пациентпен салыстырғанда, ювенильді идиопатиялық артриті бар, этанерцептті 3 ай бойы қабылдаған 69 пациентте жиірек тіркелді. Ол құбылыстар бас ауыруын (19 % пациент, пациент-жыл үшін 1,7 құбылыс), жүрек айнуын (9 %, пациент-жыл үшін 1,0 құбылыс), іш ауыруын (19 %, пациент-жыл үшін 0,74 құбылыс) және құсуды (13 %, пациент-жыл үшін 0,74 құбылыс) қамтыды. Ювенильді идиопатиялық артриті бар пациенттерде макрофагтардың белсенділену синдромының 4 жағдайы тіркелді. Түйіндақты псориазы бар бала жастағы пациенттердегі жағымсыз әсерлері 4 жас пен 17 жас аралығындағы, түйіндақты псориазы бар балаларда тіркелген жағымсыз құбылыстар түйіндақты псориазы бар ересектердегі осындайлармен ұқсас болды. Жағымсыз дәрілік реакциялар пайда болғанда, дәрілік препараттардың тиімсіздігі туралы хабарлауларды қоса, медицина қызметкеріне, фармацевтикалық қызметкерге немесе осындай хабарламаның әртүрлі жолдарын көрсететін тікелей дәрілік препараттарға жағымсыз реакциялар (әсерлер) жөніндегі ақпараттық деректер базасына жүгініңіз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Егер Сіз Энбрел Май Клик препаратын қажеттісінен артық пайдалансаңыз (бір рет өте көп мөлшерде енгізген жағдайдағы немесе қажеттісінен де жиірек енгізген жағдайдағы сияқты), емдеуші дәрігерге дереу қаралу керек. Препараты бар картон қорапты, егер ол тіпті бос болса да, әрқашанда өзіңізбен бірге алып жүріңіз.

Биологиялық дәрілік препараттардың қадағалануын жақсарту мақсатында, енгізілетін препараттың саудалық атауы мен серия нөмірі пациенттің медициналық картасына анық жазып қойылуы (немесе көрсетілуі) тиіс. Инфекциялар Этанерцепттің жартылай шығарылуының орташа кезеңі шамамен 70 сағатты (7 сағаттан 300 сағатқа дейін) құрайтынын ескере отырып, Энбрел Май Клик препаратымен емдеудің алдында, емдеу кезінде және емдеуден кейін, пациенттерде инфекциялардың бар-жоқтығын тексеру керек. Этанерцептті қолданғанда күрделі инфекциялар, сепсис, туберкулез және инвазиялық зеңдік инфекциялары, листериоз бен легионеллезді қоса, оппортунистік инфекциялар анықталды. Бұл инфекциялар бактериялардан, микобактериялардан, зеңдерден, вирустар мен паразиттерден (қарапайымдарды қоса) туындаған. Кей жағдайларда белгілі бір зеңдік немесе басқа оппортунистік инфекциялар дұрыс анықталмай, сәйкесінше емді дер кезінде бастауға мүмкіндік бермеді, ал кейде өліммен аяқталуына алып келді. Пациенттерде инфекциялардың бар-жоқтығын бағалаған кезде пациентте оппортунистік инфекциялардың даму қаупін (мысалы, эндемиялық микоздарды жұқтыру көздерімен жанасу) ескеру керек. Энбрел Май Клик препаратымен емделу кезінде жаңа инфекциялар дамыған пациенттерді мұқият қадағалау керек. Егер пациентте күрделі инфекция дами бастаса, Энбрел Май Клик препаратын қолдану тоқтатылуы тиіс. Энбрел Май Клик препаратының созылмалы инфекциялары бар пациенттерде қолданылуының қауіпсіздігі мен тиімділігіне баға берілмеген. Дәрігерлер Энбрел Май Клик препаратын анамнезінде қайталанған немесе созылмалы инфекциялар немесе асқынып кеткен немесе бақылануы нашар диабет сияқты инфекцияға бейім негізгі аурулары бар пациенттерге қолдану мәселесін қарастырғанда сақтық танытуы тиіс. Туберкулез Милиарлық туберкулез бен өкпеден тыс орныққан туберкулезді қоса, этанерцептпен ем қабылдаған пациенттердегі белсенді туберкулез жағдайлары туралы хабарланған. Энбрел Май Клик препаратымен емдеуді бастар алдында барлық пациенттер белсенді немесе белсенді емес (жасырын) туберкулездің бар-жоқтығына тексеруден өтуі тиіс. Бұл тексеруге жеке басының туберкулезбен ауыру тарихымен медициналық егжей-тегжейлі анамнез жинақтау немесе туберкулезбен ауыратын науқастармен болуы мүмкін қарым-қатынас және бұрын жүргізілген және/немесе қазіргі кезде жүргізіліп жатқан иммуносупрессивтік ем туралы мәліметтер кіруі тиіс. Пациенттердің барлығында қолайлы скринингілік тестілер, яғни туберкулиндік тері сынамасы мен кеуде қуысы ағзаларының рентгенографиясын жүргізу керек (жергілікті ұсынымдарды пайдалануға болады). Пациентке арналған жадынамада бұл талдаулардың жүргізілгендігі туралы жазба түсіру ұсынылады. Препаратты тағайындаған медицина қызметкерлеріне, ауыр науқасқа шалдыққан пациенттер немесе иммунитеті әлсіз пациенттерде туберкулиндік тері сынамасының жалған негативті нәтижелер қаупі туралы ескертіледі. Белсенді туберкулез диагнозы қойылған жағдайда препарат тағайындалмауы тиіс. Егер белсенді емес (жасырын) туберкулез диагнозы қойылса, Энбрел Май Клик препаратын қолдануды бастағанға дейін туберкулезге қарсы препаратпен, және жергілікті талаптарға сәйкес жасырын туберкулезді емдеуден бастау қажет. Бұл жағдайда Энбрел Май Клик препаратымен емдеудің пайдасы мен қаупінің арақатынасын өте мұқият талқылау керек. Барлық пациенттер Энбрел Май Клик препаратымен емдеу кезінде немесе емдеуден кейін, туберкулезді растайтын белгілер/симптомдар (мысалы, үнемі жөтелу, әлсіздік/салмақ жоғалту және аздаған температура жоғарылауы) пайда болған жағдайда медициналық жәрдемге жүгіну қажеттілігі туралы хабардар болуы тиіс. B гепатитінің реактивациясы Созылмалы вирус тасымалдаушылары болып табылатын және этанерцептті қоса, ІНФ (ісік некрозы факторы) антагонистерін қабылдаған пациенттерде B вирустық гепатитінің (ВВГ) реактивациясы жағдайлары туралы хабарланды. Бұған HBc-ге антиденелер тестісінің нәтижесі оң, бірақ HBsAg антигеніне тест нәтижесі теріс болған пациенттердегі B гепатитінің реактивациясы туралы хабарламалар да жатады. Энбрел Май Клик препаратымен ем тағайындар алдында пациенттерде ВВГ инфекциясының бар-жоқтығына талдау жүргізу қажет. B гепатиті вирусына жүргізілген тест нәтижесі оң болған пациенттерге, осы ауруды емдеуде тәжірибесі бар дәрігерден кеңес алу ұсынылады. Бұрын ВВГ инфекциясы болған пациенттерде, Энбрел Май Клик препаратымен емдеуді сақтықпен жүргізу керек. Ондай пациенттерге, белсенді ВВГ инфекциясының белгілері мен симптомдарын анықтау мақсатында барлық емдеу кезеңі бойына және емдеу аяқталғаннан кейін бірнеше апта бойы қадағалау жүргізу керек. ВВГ инфекциясы бар пациенттерді вирусқа қарсы препараттармен ІНФ антагонистерімен біріктіре отырып емдеу жөніндегі деректер жеткіліксіз. ВВГ инфекциясы бар пациенттерге Энбрел Май Клик препаратын қабылдауды тоқтату және сәйкесінше демеуші еммен бірге вирусқа қарсы тиімді емді бастау керек. C гепатитінің өршуі Этанерцептпен ем қабылдаған пациенттерде C гепатиті өршіген жағдайлар тіркелген. Энбрел Май Клик препаратын анамнезінде C гепатиті бар пациенттерде сақтықпен қолдану керек. Анакинрамен қатарлас емдеу Этанерцепт пен анакинраны бір мезгілде қолдану этанерцепт монотерапиясымен салыстырғанда, күрделі инфекциялар мен нейтропения қаупінің жоғарылауымен қатар жүрді. Бұл біріктірілімін қолдану клиникалық пайдасының артқанын көрсеткен жоқ, сондықтан Энбрел Май Клик препаратын анакинрамен біріктіріп қолдану ұсынылмайды. Абатацептпен қатарлас емдеу Абатацепт пен этанерцепті бір мезгілде қолдану күрделі жағымсыз құбылыстар жиілігінің артуына алып келді. Бұл біріктірілімін қолдану клиникалық пайдасының артқанын көрсеткен жоқ, және, сондықтан да ұсынылмайды. Аллергиялық реакциялар Этанерцептті қолданумен байланысты аллергиялық реакциялар жағдайлары жиі тіркелген. Аллергиялық реакцияларға ангионевроздық ісіну мен есекжем кірген; күрделі реакциялар туралы да хабарлар болған. Күрделі аллергиялық немесе анафилаксиялық реакциялар туындаған жағдайда, Энбрел Май Клик препаратымен емдеуді дереу тоқтату және сәйкесінше емдеуді бастау қажет. Шприц-қаламның инесінің қорғауыш қалпақшасының құрамында латекс (құрғақ табиғи каучук) бар, ол манипуляция жүргізу немесе этанерцептті латекске сезімталдығы белгілі немесе болуы мүмкін пациентке енгізу кезінде аса жоғары сезімталдық реакциясын туғызуы мүмкін. Иммуносупрессия Этанерцептті қоса, ІНФ антагонистері организмнің инфекциялар мен қатерлі жаңа түзілімдерге қарсы қорғаныс күштеріне ықпал ету ықтималдығы бар, өйткені ІНФ қабынуға түрткі болады және жасушаның иммундық жауабын модуляциялайды. Ревматоидтық артриті бар, этанерцептпен ем қабылдаған ересек пациенттерде аса жоғары сезімталдықтың баяу типті төмендеуі, иммуноглобулиндер деңгейлерінің төмендеуі мен әсерлік жасушалар популяцияларының жалпы санының өзгергендігінің дәлелдері анықталған жоқ. Ювенильді идиопатиялық артриті бар екі пациентте желшешек инфекциясы, сондай-ақ асептикалық менингитті білдіретін белгілер мен симптомдар дамыған, олар асқынуларсыз басылған. Желшешек вирусының әсер ету деңгейі айтарлықтай пациенттерге Энбрел Май Клик препаратымен емдеуді уақытша тоқтата тұру және желшешекке қарсы иммуноглобулинмен ем жүргізу мәселесін қарастыру керек. Этанерцепттің иммуносупрессиясы бар пациенттерде қолданылуының қауіпсіздігі мен тиімділігін бағалау жүргізілмеген. Қатерлі және лимфопролиферативтік аурулар Тығыз және гемопоэздік қатерлі ісіктер (тері обырынан басқа) Этанерцептті тіркеуден кейінгі қолдану кезеңінде алуан түрлі қатерлі жаңа түзілімдер жағдайлары тіркелген (сүт безі мен өкпе обырын, сондай-ақ лимфоманы қоса). ІНФ антагонистерін қабылдаған пациенттерде лимфома дамуының сирек жағдайлары байқалған. Препараттың тіркеуден кейінгі қолданылу кезеңінде ІНФ антагонистерімен ем қабылдаған пациенттерде лейкемия жағдайлары тіркелген. Ұзаққа созылған, белсенділігі жоғары қабыну ауруымен ревматоидтық артриті бар пациенттерде лимфома мен лейкемияның фондық даму қаупі жоғары, бұл қаупіне баға беруді қиындатады. Осы ақпаратқа байланысты, ІНФ антагонистерімен ем қабылдаған пациенттерде лимфомалардың, лейкемиялардың немесе басқа гемопоэздік немесе тығыз ісіктердің болуы мүмкін даму қаупін жоққа шығаруға болмайды. Анамнезінде қатерлі ісік болған пациенттерде немесе қатерлі ісік дамыған пациенттерде емдеуді жалғастыру мүмкіндігін қарастырған кезде, ІНФ антагонистерімен емдеу мүмкіндігін қарастырғанда сақтық таныту керек. Препаратты тіркеуден кейін қолдану кезінде этанерцептті қоса, ІНФ антагонистерімен ем қабылдаған (≤ 18 жаста емдеуді бастау) бала жастағы пациенттерде, жасөспірімдер мен жастау ересектерде (22 жасқа дейінгі), қатерлі жаңа түзілімдер тіркелген, олардың кейбірі өліммен аяқталған. Бұл жағдайлардың жартысына жуығында лимфомалар болған. Басқа жағдайларға, әдетте иммунодепрессиямен байланысты алуан түрлі қатерлі жаңа түзілімдер мен сирек кездесетін қатерлі жаңа түзілімдер кірген. ІНФ антагонистерімен ем қабылдаған балалар мен жасөспірімдерде қатерлі жаңа түзілімдердің даму қаупін жоққа шығаруға болмайды. Тері обыры Меланома және терінің меланомалық емес обыры (ТМЕО) жағдайлары, этанерцептті қоса, ІНФ антагонистерімен ем қабылдаған пациенттерде тіркелген. Препараттың тіркеуден кейінгі қолданылуы барысында этанерцептпен ем қабылдаған пациенттерде Меркель карциномасының аса сирек жағдайлары тіркелген. Пациенттерге, әсіресе тері обырының туындау қаупінің факторлары бар пациенттерге, мезгіл-мезгіл теріні тексеру жүргізіп тұру ұсынылады. Этанерцепт қабылдаған, әсіресе псориазы бар пациенттерде ТМЕО жағдайлары байқалған. Вакцинация Тірі вакциналарды Энбрел Май Клик препаратымен бір мезгілде қолдануға болмайды. Энбрел Май Клик препаратымен ем қабылдаған пациенттерге тірі вакциналардан екіншілік инфекция жұққандығы туралы мәліметтер жоқ. Псориаздық артриті бар ересек пациенттер 4 аптасында поливалентті полисахаридті пневмококк вакцинасын қабылдаған. Псориаздық артриті бар, этанерцепт қабылдаған пациенттердің көпшілігінде пневмококтық полисахаридті вакцинаға тиімді B-жасушалы иммундық жауап дамуы мүмкін болған, бірақ титрлері жалпы алғанда орташа төмен болған, ал кейбір пациенттерде этанерцепт қабылдамаған пациенттермен салыстырғанда, титрлерінің екі есе артқаны тіркелген. Бұл құбылыстың клиникалық маңыздылығы белгісіз. Аутоантиденелердің түзілуі Энбрел Май Клик препаратымен емдеу аутоиммундық антиденелердің түзілуіне алып келуі мүмкін. Гематологиялық реакциялар Этанерцептпен ем қабылдаған пациенттерде, панцитопения және аплазиялық анемияның өте сирек жағдайлары тіркеліп, кейбіреулері өліммен аяқталған. Анамнезінде қанның жасушалық құрамының патологиялық өзгерістері бар пациенттерді этанерцептпен емдеу кезінде сақтық таныту керек. Егер Энбрел Май Клик препаратымен емдеу кезінде пациентте қанның жасушалық құрамының патологиялық өзгерістерін немесе инфекцияны білдіретін белгілер мен симптомдар (мысалы, үнемі температура жоғарылауы, тамақтың ауыруы, қанталаулардың пайда болуы, қан кету және бозару) туындаса, барлық пациенттермен ата-аналарға/қамқоршыларға дереу дәрігерге қаралуды ұсыну керек. Ондай пациенттерді, жалпы қан талдауын жүргізуді қоса, дереу тексеруден өткізу керек. Егер қанның жасушалық құрылымының патологиялық өзгерісі расталса, Энбрел Май Клик препаратын тоқтату керек. Неврологиялық бұзылулар Этанерцептпен ем қабылдаған пациенттерде ОЖЖ демиелиндеуші ауруларының сирек жағдайлары тіркелген. Бұдан өзге, шеткері демиелиндеуші полинейропатияның (Гийен-Барре синдромын, созылмалы қабынбалы демиелиндеуші полинейропатияны, демиелиндеуші полинейропатияны және мультифокальді қимыл-қозғалыс нейропатиясын қоса) өте сирек жағдайлары да тіркелген. Жайылған склерозы бар пациенттерде ІНФ басқа антагонистерін қолданғанда ауру белсенділігінің артқаны байқалды. Энбрел Май Клик препаратын бұрыннан бар немесе жуырда басталған демиелиндеуші ауруы бар немесе демиелиндеуші ауру қаупі жоғары топқа жатқызылатын пациенттерге тағайындаған кезде, неврологиялық тексеруді қоса, тағайындаудың пайдасы мен қаупінің арақатынасына мұқият баға беру ұсынылады. Біріктірілген ем Ревматоидтық артриті бар пациенттерде этанерцепттің метотрексатпен біріктіріп қолданғандағы қауіпсіздік бейіні этанерцепт пен метотрексатты монотерапия түрінде қолданғанда анықталған бейіндеріне ұқсас болған. Этанерцептті ауруды-модификациялайтын ревматизмге қарсы базистік басқа препараттармен (АМРҚБП) біріктіріп қолданудың ұзақ мерзімді қауіпсіздігі анықталмаған. Этанерцептті псориазды емдеуге арналған жүйелі емдеудің немесе фототерапияның басқа түрлерімен біріктіріп қолдану зерттелмеген. Арнайы сақтандырулар Бүйрек және бауыр функциясының бұзылуы Бүйрек немесе бауыр функциясының бұзылуы бар пациенттерге препараттың дозасын түзету қажет емес; ондай пациенттерде препаратты қолданудың клиникалық тәжірибесі шектеулі. Жүректің созылмалы жеткіліксіздігі (жүректің іркілісті жеткіліксіздігі) Дәрігерлер Энбрел Май Клик препаратын жүректің созылмалы жеткіліксіздігі (ЖСЖ) бар пациенттерде қолдану кезінде сақ болуы керек. Тіркеуден кейінгі кезеңде этанерцепт қабылдаған пациенттерде ЖСЖ нашарлаған жағдайлар байқалған, және олардың кейбірінде ЖСЖ тудырған факторлар анықталған, ал басқаларында – анықталмаған. Сонымен қатар, анамнезінде жүрек-қантамыр аурулары болмаған пациенттердегі ЖСЖ қоса, ЖСЖ туындағаны туралы аздаған көлемде (< 0,1 %) хабарламалар болды. Ол пациенттердің кейбіреулері 50 жасқа толмағандар болған. Этанерцепт тағайындалған пациенттерде, ЖСЖ барысы нашарлауына бейімділік болуы мүмкін. Алкогольдік гепатит Энбрел Май Клик препаратын алкогольдік гепатиттен емделіп жүрген пациенттерде қолданбаған дұрыс. Дәрігерлер орташа немесе ауыр алкогольдік гепатиттен де зардап шегіп жүрген пациенттерге Энбрел Май Клик препаратын қолдану кезінде сақтық танытуы керек. Вегенер гранулематозы Энбрел Май Клик препаратын Вегенер гранулематозын емдеу үшін қолдану ұсынылмайды. Қант диабетіне қатысты емдеуден өткен пациенттердегі гипогликемия Қант диабетіне қарсы дәрілік препаратты қабылдаған пациенттерде этанерцептпен емдеуді бастағаннан кейінгі гипогликемия жағдайлары тіркелген, бұл пациенттердің кейбірінде диабетке қарсы препараттың дозасын төмендету қажет болған. Энбрел Май Клик препаратының құрамында натрий бар Бұл дәрілік препараттың құрамында дозасына 1 ммольден аз натрий бар (23 мг), яғни іс жүзінде «натрий жоқ». Пациенттердің ерекше топтары Егде жастағы пациенттер Ревматоидтық артрит, псориаздық артрит және шорбуынданатын спондилит кезінде, жастау пациенттермен салыстырғанда этанерцепт қабылдаған 65 жастағы немесе одан үлкен пациенттерде, жағымсыз құбылыстарда, күрделі жағымсыз құбылыстар мен күрделі инфекцияларда жалпы алғанда өзгешеліктер байқалмаған. Алайда, егде жастағы пациенттерді емдеу кезінде сақтық таныту, және әсіресе инфекциялар жағдайларына көңіл бөлу керек. Бала жасындағы пациенттер Вакцинация Иммунизациялау жөніндегі қолданыстағы Ұлттық ұсынымдарға сәйкес, Энбрел Май Клик препаратымен емдеу басталғанға дейін, бала жастағы пациенттерге егер мүмкіндік болса, барлық қажетті екпелерді жасау ұсынылады. Полиомиелиттің оральді вакцинасы сияқты кейбір вакциналарды Энбрел Май Клик препаратын қолдану кезінде енгізбеу керек. Педиатрияда қолдану Энбрел Май Клик препаратын полиартриті немесе таралған олигоартриті бар 2 жасқа толмаған балаларға, энтезиттік немесе псориаздық артриті бар 12 жасқа толмаған балаларға, сондай-ақ түйіндақты псориазы бар 6 жасқа толмаған балаларға қолдану мақұлданбайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Энбрел Май Клик препараты көлік құралдарын басқару және механизмдермен жұмыс істеу қабілетіне әсер етпейді немесе оған елеусіз дәрежеде әсер етеді.

Бала туатын жастағы әйелдер Бала туатын жастағы әйелдер Энбрел Май Клик препаратымен емделу кезінде және емдеу аяқталғаннан кейін үш апта бойы жүкті болудан сақтану үшін контрацепцияның сәйкесінше тәсілін пайдалануды қарастырғаны дұрыс. Жүктілік Энбрел Май Клик препараты жүктілік кезінде тек айқын қажеттілігі болған жағдайда ғана қолдану керек. Этанерцепт плацента арқылы өтеді және жүктілігі кезінде этанерцептті қабылдаған пациент әйелдерден туған нәрестелердің қан сарысуында анықталады. Бұл құбылыстың клиникалық тұрғыдан маңыздылығы белгісіз, алайда, ондай сәбилерде инфекция қаупі жоғарылауы мүмкін. Әдетте, сәбилерге анасы Энбрел Май Клик препаратының соңғы дозасын қабылдағаннан кейін 16 апта ішінде тірі вакциналарды енгізу ұсынылмайды. Бала емізу Жарияланған әдебиеттерден алынған шектеулі ақпарат этанерцепт емшек сүтінде аздаған мөлшерде анықталғанын көрсетеді. Баланы емшек сүтімен емізу кезінде этанерцепт қолдану нәресте үшін емшек сүтін емудің пайдасы мен әйел үшін емнің пайдасын ескере отырып, қарастырылуы мүмкін. Емшек сүтімен қоректенетін нәрестелердегі жүйелік әсер аз болады деп күтілсе де, этанерцепт асқазан-ішек жолында елеулі дәрежеде ыдырайтындықтан емізудегі нәрестелердегі жүйелік әсер туралы деректер шектеулі. Осылайша, анасы этанерцепт қабылдаған кезде емізулі болған нәрестеге тірі вакциналарды (мысалы, БЦЖ) енгізуді емшек емізуді тоқтатқаннан кейін 16 аптадан соң қарастыруға болады (немесе ертерек, егер сәбидің қан сарысуындағы этанерцепт деңгейі анықталмаса). Фертильділік Этанерцепттің перинаталдық және постнаталдық уыттылығы және этанерцепттің фертильділікке және жалпы ұрпақ өрбіту қабілетіне әсері жөнінде клиникаға дейінгі деректер жоқ.

Анакинрамен қатарлас емдеу Этанерцептпен және анакинрамен ем қабылдаған ересек пациенттерде, этанерцептпен немесе анакинрамен монотерапия түрінде ем қабылдаған пациенттермен салыстырғанда, күрделі инфекциялардың жиілігі жоғарырақ болғандығы байқалды (ретроспективтік деректер). Метотрексатпен фондық ем қабылдаған ересек пациенттерде, этанерцепт пен анакинраны қабылдаған пациенттерде, этанерцептпен ем қабылдаған пациенттерге қарағанда, күрделі инфекциялар мен нейтропенияның жиілігі жоғарырақ болғандығы байқалды. Этанерцепт пен анакинраны біріктіріп қолдану клиникалық пайдасының артуын көрсеткен жоқ, және сондықтан да ұсынылмайды. Абатацептпен қатарлас емдеу Абатацепт пен этанерцептті бір мезгілде қолдану күрделі жағымсыз құбылыстар жиілігінің артуына алып келді. Бұл біріктірілімін қолдану клиникалық пайдасының артуын көрсеткен жоқ, сондықтан да ұсынылмайды («Қолдану кезіндегі қажетті сақтандыру шаралары» бөлімін қараңыз). Сульфасалазинмен қатарлас емдеу Сульфасалазиннің белгіленген дозаларына этанерцептті қосып қабылдаған ересек пациенттерде, препараттарды біріктіріп қолданған пациенттерде этанерцептпен немесе сульфасалазинмен монотерапия түрінде ем қабылдаған пациенттерге қарағанда, лейкоциттер орташа санының статистикалық маңызды төмендеуі байқалған. Бұл өзара әрекеттесуінің клиникалық маңызы белгісіз. Дәрігерлер сульфасалазинмен біріктіріп емдеу мүмкіндігін қарастырғанда сақтық танытуы тиіс. Өзара әрекеттесулердің болмауы Этанерцептті глюкокортикоидтармен, салицилаттармен (сульфасалазиннен басқа), қабынуға қарсы стероидты емес препараттармен (ҚҚСП), ауырғанды бәсеңдететін дәрілермен немесе метотрексатпен бірге қолданғанда өзара әрекеттесулер байқалған жоқ. Этанерцептті метотрексатпен, дигоксинмен және варфаринмен бір мезгілде қолданғанда клиникалық елеулі фармакокинетикалық дәрілік өзара әрекеттесулер байқалмады.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 2 °С-ден 8 °С-ге дейінгі температурада сақтау керек. Мұздатып қатыруға болмайды.