Элениум таблетки 10 мг

Қабықпен қапталған бір таблетка құрамында: белсенді зат -хлордиазепоксид, 10 мг, қосымша заттар: картоп крахмалы, натрий крахмалгликоляты (А типі), желатин, полисорбат 80, тальк, магний стеараты, лактоза моногидраты, қабығы: поливинил спирті, тальк, мальтодекстрин, сахароза, жасыл лак*, титанның қостотығы (Е171), опаглос 6000. * - хинолинді сары (E104) + индигокармин (E132) Сыртқы түрінің, иісінің, дәмінің сипаттамасы Дөңгелек пішінді, екі беті дөңес, жасыл түсті қабықпен қапталған, ақ түстен ақсары түске дейін сынығында дағы, ақаулары мен жарықтары жоқ таблеткалар.

Шұғыл жағдайларда және қысқа уақытта симптоматикалық емдеу кезінде: • шығу тегі әртүрлі үрей бұзылыстарында (психоорганикалық синдромдармен, психоздық симптомдармен қатар дамитын). • ұйқының бұзылуымен бірге байқалатын мазасыздық бұзылыстарында. • жедел абстиненттік алкогольдік синдромда. • этиологиясы әртүрлі бұлшықет тонусының жоғарылауында. Күнделікті өмірдегі проблемаларға байланысты жүйке күштенуі мен мазасыздық жай-күйі дәрілік препаратты қолдануға көрсетілім болып табылмайды. Асқынулардың алдын алу үшін препаратты дәрігердің тағайындауы бойынша қатаң қабылдау керек.

ATХ коды N05BA02 Әсер ету механизмі Хлордиазепоксид бензодиазепин туындыларына жатады. Барлық бензодиазепиндер сияқты, ол ми қыртысының, таламустың және гипоталамустың ГАМК-ергиялық нейрондарының тежегіш әсерін күшейтеді. ГАМҚ-А рецепторынан және хлорлы каналдан тұратын кешенмен байланысы бар жасушалық жарғақшаның ақуыздық құрылымы болып табылатын, бензодиазепиндер үшін спецификалы байланысу аймақтары анықталды. Хлордиазепоксидтің әсері тежегіш эндогендік нейромедиатор болып табылатын гамма-аминомайлы қышқылға (ГАМҚ) рецепторлардың ұқсастығын арттыратын ГАМҚ- рецепторлар сезімталдығының модуляциясына байланысты. Бензодиазепин рецепторын немесе ГАМҚ-А белсендірудің салдары хлорлы канал арқылы нейрон ішіне хлор иондарын тасымалдауды арттыру болып табылады. Бұл жасушалық жарғақшаның гиперполяризациясын туындатады, нәтижесінде нейронның белсенділігі тежеледі. Клиникалық тұрғыдан алғанда, хордиазепоксидтің ансиолитикалық, седативті және ұйықтататын орташа айқын әсері бар, сонымен қатар қаңқа бұлшықеттерінің тонусын төмендетеді және құрысуға қарсы әсері бар. Фармакодинамикалық әсерлері Препарат орталық жүйке жүйесінің көптеген құрылымдарына, ең алдымен лимбиялық жүйе мен гипоталамусқа, яғни эмоциялық қызметті реттеуге байланысты құрылымдарға әсер етеді.

Дозалау режимі Элениум препаратын дәрігердің нұсқауларына сәйкес қатаң қолдану керек. Емдеу дозасы мен ұзақтығы әрбір пациент үшін жеке таңдалады. Емдеуді үрей симптомдарын тоқтатуға, ал қажет болған жағдайда дозаны біртіндеп арттыруға мүмкіндік беретін ең аз тиімді дозадан бастау керек. Препаратты қабылдау біртіндеп тоқтатылуы керек. Бұл әсіресе ұзақ уақыт бойы бензодиазепин туындыларын қабылдайтын пациенттерге қатысты. Хлордиазепоксид қабылдауды күрт тоқтату ұйқы және көңіл-күй, зейін қою бұзылысын туындатуы мүмкін. Хлордиазепоксидтің ұзақ әсер ететін бензодиазепин екенін ескере отырып, қажет болған жағдайда дозаны азайту немесе жинақталу салдарынан артық дозаланудың алдын алу үшін қабылдау жиілігін өзгерту үшін емнің басында пациентті үнемі бақылап отыру керек. Ересектер - Үрейлі жағдайларды емдегенде хлордиазепоксид әдетте әр 6-8 сағат сайын бөлінген дозада тәулігіне 30 мг-ге дейін қабылданады. Ерекше жағдайларда жеке қажеттіліктерге байланысты ең жоғары дозаларды қабылдауға болады. 100 мг ең жоғары тәуліктік дозадан аспауы керек. - Қатарлас ұйқысыздықпен байқалатын үрейлі жағдайларды емдеу кезінде: ұйықтар алдында бір дозада 10 мг-ден 30 мг-ге дейін. - Жедел абстиненттік алкогольдік синдром аясында қозу жағдайлары кезінде: 30 мг-ден 100 мг-ге дейін. Қажет болған жағдайда дозаны тәулігіне 200 мг-ден аспайтын 2-4 сағаттан кейін қайталауға болады. Содан кейін дозаны қозу симптомдарын басу үшін жеткілікті ең аз демеуші дозаға дейін азайтады. - Бұлшықет тонусы жоғарылаған жағдайларда: бөлінген дозаларда тәулігіне 10 мг-ден 30 мг-ге дейін. Егер препаратты қолдану кезінде пациентке препараттың әсері тым айқын немесе әлсіз болып көрінетін болса, дәрігерге қаралу қажет. Пациенттердің ерекше топтары Егде жастағы пациенттер Егде жастағы пациенттер орталық жүйке жүйесіне әсер ететін препараттарға аса сезімтал болып келеді. Элениум препаратын осы пациенттерге қолданғанда, мүмкіндігінше тиімділігі азырақ дозаны тағайындау ұсынылады. Қолданылатын дозалар ересек пациенттерге тағайындалатын дозаның жартысынан аспауы тиіс. Бауыр және (немесе) бүйрек функциясының жеткіліксіздігі бар пациенттер Бүйрек және (немесе) бауыр функциясының жеткіліксіздігі бар пациенттерге дозаны осы ағза жеткіліксіздігінің дәрежесіне байланысты әрбір пациент үшін дәрігер жекелей анықтайды. Енгізу әдісі мен жолы Элениум дәрілік препаратының таблеткаларын ішке қабылдау керек. Таблеткаларды тамаққа дейін немесе тамақпен бірге сумен ішу арқылы қабылдауға болады. Емдеу ұзақтығын әрдайым дәрігер анықтайды Препарат әдетте үрейді симптоматикалық емдеу үшін қысқа уақыт қолданылады. Препаратты ұзақ уақыт қолдану (4 аптадан артық) дәрілік тәуелділік симптомдарын дамытуы мүмкін. Препаратты ұзақ уақыт қолдану ұсынылмайды. Дәрілік препараттың бір немесе бірнеше дозасын өткізіп алу кезіндегі қажетті шаралар Егер препарат нақты белгіленген уақытта қабылданбаса, оны мүмкіндігінше тезірек (егер препаратты кезекті қабылдауға дейінгі уақыт әлі көп болса) қабылдау немесе препаратты тұрақты қабылдауды жалғастыру қажет. Тоқтату синдромы қаупінің болуына көрсетілім Дәрілік тәуелділік дамыған жағдайда препаратты қолдануды күрт тоқтату тоқтату синдромын туындатуы мүмкін. Тоқтату синдромына тән көріністер бас ауыру, бұлшықет ауыруы, жоғары мазасыздық, қозу және эмоциялық күштену, қимылды мазасыздық, сананың шатасуы, бағдарсыздық, ашушаңдық, ұйқысыздық болып табылады. Ауыр жағдайларда пайда болуы мүмкін: қоршаған бүкіл әлемді жалған деп күйзеліп сезіну (дереализация), тұлғаның бұзылуы, жанасып кетуге аса сезімталдық, есту және көру тітіркендіргіштеріне жоғары сезімталдық (жарыққа, шуылға), тұла бойдың шымылдау сезімі және аяқ-қолдың ұюы, елестеулер немесе құрысу ұстамалары. Қысқа әсерлі бензодиазепиндер жағдайында тоқтату синдромы препаратты қабылдау арасында, әсіресе үлкен дозаларды қолданған жағдайда пайда болуы мүмкін. Ұзақ әсер ететін бензодиазепиндер жағдайында, қысқа әсер ететін препараттарға көшер алдында, тоқтату симптомдарының пайда болу мүмкіндігі туралы пациентті ескерту керек Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Элениум препаратын пайдаланар алдында препаратты қолдану тәсілін түсіндіру үшін медицина қызметкерінен кеңес алу ұсынылады.

• әсері етуіш затқа хлордиазепоксидке немесе 6.1 тармағында аталған қосымша заттардың кез келгеніне аса жоғары сезімталдық • миастения гравис • өкпе функциясының ауыр жеткіліксіздігі • тыныс алу функциясының тежелуі • бауыр функциясының ауыр жеткіліксіздігі • ұйқы кезіндегі апноэ синдромы • фобиялық немесе обсессивті бұзылыстар • созылмалы психоз • жұлын немесе церебральдық атаксия • жүктілік және бала емізу кезеңі • балалар мен 18 жасқа дейінгі жасөспірімдер

Жағымсыз әсерлердің саны мен айқындылығы пациенттің жеке сезімталдығына және дозасына байланысты болады. Жиі • седативті әсер • бас айналу • тұрақсыздық • ұйқышылдық • атаксия • тепе-теңдіктің бұзылуы • сананың шатасу жағдайлары • қалжырау Сирек • сүйек кемігі функциясының тежелуі (мысалы, тромбоцитопения, лейкопения, агранулоцитоз, панцитопения) • тері реакциясы (мысалы, бөртпе) • бас ауыру, бас айналу • диплопияны қоса алғанда, көрудің бұзылуы • гипотензия • асқазан-ішек жолының бұзылысы • несептің іркілуі, несепті ұстай алмау • либидоның бұзылуы, эрекциялық дисфункция, етеккір оралымының бұзылуы Өте сирек • анафилаксиялық реакциялар • ангионевроздық ісіну Белгісіз • аса жоғары сезімталдық • тәбеттің жоғарылауы • амнезия • елестеулер • тәуелділік • депрессия • мазасыздық • үрейлі қозу • ашушаңдық • сананың тежелуі • озбырлық, сандырақ • қорқынышты түстер көру • психоздық бұзылыстар • әдеттен тыс мінез-құлық • эмоциялық бұзылыстар • препаратқа парадокстық реакция (мысалы, мазасыздық, ұйқының бұзылуы, ұйқысыздық, суицид әрекеті, суицидтік ойлар) • дизартрия, жүрістің бұзылуы, экстрапирамидалық бұзылыс (мысалы, тремор, дискинезия) • тыныстың тежелуі • брадикардия, кеуденің ауыруы • сарғаю • қандағы билирубин деңгейінің жоғарылауы • трансаминазалар деңгейінің жоғарылауы • қандағы сілтілі фосфатаза деңгейінің жоғарылауы • бұлшықет әлсіздігі • сілекей ағудың өзгеруі Амнезия Антероградтық амнезия емдік дозаларда, ең жоғары дозаларда қаупі жоғарылаған кезде пайда болуы мүмкін. Бұл әдеттен тыс мінез-құлықпен бірге жүруі мүмкін. Депрессия Бензодиазепиндер бұрыннан бар депрессияның дамуына әкелуі мүмкін. Психиатриялық және парадокстық реакциялар Бензодиазепинге ұқсас дәрілерді қолдану кезінде мазасыздық, қозушылық, ашуланшақтық, озбырлық, сандырақ, ашулану ұстамасы, қорқынышты түстер көру, елестеулер, психоздар, қалыптас тыс мінез-құлық және басқа да жағымсыз мінез-құлықтық әсерлер сияқты реакциялар болу мүмкін екендігі белгілі. Бұл препаратпен олар өте күштірек болуы мүмкін. Олардың пайда болуы балалар мен егде жастағы адамдарда ықтималдырақ. Тәуелділік Қабылдау (тіпті емдік дозаларда да) физикалық тәуелділіктің дамуына әкелуі мүмкін: емдеуді үзу тоқтату синдромына немесе ребаунд құбылысына әкелуі мүмкін. Психологиялық тәуелділік дамуы мүмкін. Бензодиазепиндерді шамадан көп пайдалану туралы хабарланды. Кейбір пациенттерде Элениум препаратын қолдану кезінде басқа да жағымсыз әсерлер туындауы мүмкін. Кез келген жоғарыда аталған немесе осы нұсқаулықта аталмаған басқа да жағымсыз құбылыстар пайда болған жағдайда, дәрігерге бұл жөнінде хабарлау қажет. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: ұйқышылдық, сананың шатасуы, бұлшықеттер күшінің әлсіреуі. Артық дозалану жағдайында кома дамуы мүмкін, бұл артериялық қысымның төмендеуімен және рефлекстердің жоғалуымен байқалатын коллапспен бірге білінуі мүмкін. Шұғыл емшаралар: пульсті, артериялық қысымды бақылау, тыныс алу жолдарының өткізгіштігін және тыныс алу тиімділігін қамтамасыз ету, сондай-ақ симптоматикалық ем жүргізу қажет: асқазанды шаю, қажет болған жағдайда - вена ішіне сұйықтық құю. Спецификалы антидоты шұғыл жағдайда вена ішіне енгізуге болатын флумазенил (бензодиазепин рецепторларының антагонисі) болып табылады. Флумазенил хлордиазепоксидке қарағанда өте қысқа уақыт әсер етеді, сондықтан бұл препаратты қолдану қажет болған жағдайда препараттың келесі дозасын енгізу үшін науқастың пульсі мен тыныс алуын бақылаудан босатпайды. Пациентте, тіпті, қозу пайда болса да, седативті препараттарды қолдануға болмайды. Препаратты ұсынылғаннан артық дозада қабылдаған жағдайда дереу дәрігерге хабарласу керек.

Емдеуді үрей симптомдарын тоқтатуға, ал қажет болған жағдайда дозаны біртіндеп арттыруға мүмкіндік беретін ең аз тиімді дозадан бастау керек. Препаратты қабылдау біртіндеп тоқтатылуы керек. Бұл әсіресе ұзақ уақыт бойы бензодиазепин туындыларын қабылдайтын пациенттерге қатысты. Хлордиазепоксид қабылдауды күрт тоқтату ұйқы және көңіл-күй, зейін қою бұзылысын туындатуы мүмкін. Элениум препаратымен емдеу кезінде және оны аяқтағаннан кейін 3 күн ішінде ешқандай спиртті сусындарды қолдануға болмайды. Арнайы сақтандырулар Егер 7-10 емделу күнінен кейін пациент жақсаруды байқамаса, дәрігерге қаралу керек. Бензодиазепиндермен және басқа да ұйықтататын препараттармен емдеу кезінде байқалған әсерлерге қатысты жалпы ақпарат: Төзімділік Бензодиазепиндерді немесе осыған ұқсас әсер ететін препараттарды, оның ішінде Элениум препаратын бірнеше апта бойы тұрақты қолдану олардың әсер ету тиімділігін азайтуы мүмкін. Дәрілік тәуелділік Бензодиазепиндерді немесе осыған ұқсас әсер ететін препараттарды ұзақ қолдану психикалық және физикалық дәрілік тәуелділіктің дамуын туындатуы мүмкін. Дәрілік тәуелділіктің даму қаупі дозамен және емдеу ұзақтығымен бірге артады және анамнезінде алкогольге, есірткіге немесе дәрілік препараттарға тәуелділігі бар пациенттер немесе тұлғалық бұзылыстары бар пациенттерде де артады. Ондай пациенттерді тұрақты бақылау, дәрілік препараттарды жоспарлы түрде қайта тағайындауды болдырмау және дозаны біртіндеп азайту өте маңызды болып табылады. Тоқтату симптомдары Дәрілік тәуелділік дамыған жағдайда препаратты қолдануды күрт тоқтату тоқтату синдромын туындатуы мүмкін. Тоқтату синдромына тән көріністер бас ауыру, бұлшықет ауыруы, жоғары мазасыздық, қозу және эмоциялық күштену, қимылды мазасыздық, сананың шатасуы, бағдарсыздық, ашушаңдық, ұйқысыздық болып табылады. Ауыр жағдайларда пайда болуы мүмкін: қоршаған бүкіл әлемді жалған деп күйзеліп сезіну (дереализация), тұлғаның бұзылуы, жанасып кетуге аса сезімталдық, есту және көру тітіркендіргіштеріне жоғары сезімталдық (жарыққа, шуылға), тұла бойдың шымылдау сезімі және аяқ-қолдың ұюы, елестеулер немесе құрысу ұстамалары. Қысқа әсерлі бензодиазепиндер жағдайында тоқтату синдромы препаратты қабылдау арасында, әсіресе үлкен дозаларды қолданған жағдайда пайда болуы мүмкін. Ұзақ әсер ететін бензодиазепиндер жағдайында, қысқа әсер ететін препараттарға көшер алдында, тоқтату симптомдарының пайда болу мүмкіндігі туралы пациентті ескерту керек. «Рикошет» синдромы және алаңдаушылық Хлордиазепоксидпен емдеуді тоқтатқан кезде «рикошет» синдромы уақытша пайда болуы мүмкін – бензодиазепиндерді қолдануға себеп болған симптомдардың күшеюі. Ол көңіл-күйдің өзгеруі, алаңдаушылық, ұйқының бұзылуы және ұйқысыздық болуы мүмкін. Бұл құбылыс дәрілік препаратты қолдануды күрт тоқтатуға байланысты, сондықтан препарат дозасын біртіндеп азайту ұсынылады. Емдеудің басында пациентке емдеу ұзаққа созылмайтынын және дозаны біртіндеп азайту қажеттілігін түсіндіру керек. Пациенттің емдеуді тоқтатқан кезде осындай симптомдардың пайда болуына байланысты алаңдаушылықты азайту үшін «рикошет» синдромының пайда болу ықтималдылығын түсінгені маңызды. Қысқа әсерлі бензодиазепиндер жағдайында тоқтату синдромы препаратты қабылдау арасында, әсіресе үлкен дозаларды қолданған жағдайда пайда болуы мүмкін. Ұзақ әсер ететін бензодиазепиндер жағдайында, қысқа әсер ететін препараттарға көшер алдында, тоқтату симптомдарының пайда болу мүмкіндігі туралы пациентті ескерту керек Антероградтық амнезия Бензодиазепиндер тіпті емдік дозаларды қолданғанда пайда болуы ықтимал антероградтық амнезияны туындатуы мүмкін, ал жоғары дозаларда оның пайда болу қаупі артады. Амнезия симптомдары мінез-құлық жағдайы үшін талапқа сай емес байқалуы мүмкін. Антероградтық амнезия көбінесе дәрілік препаратты қабылдағаннан кейін бірнеше сағаттан кейін пайда болады, сондықтан оның пайда болу қаупін азайту үшін пациентке 7-8 сағаттық үздіксіз ұйқысын қамтамасыз етуі керек. Психикалық және парадокстық реакциялар Элениум препараты бензодиазепиндер және соған ұқсас препараттар сияқты қимылды мазасыздық, қозу, ашушаңдық, озбырлық, дұшпандық, сандырақ, қорқынышты түстер көру, елестеулер, психоздар, сомнамбулизм, тұлғаның бұзылуы, айқын ұйқысыздық сияқты парадокстық реакциялар және мінез-құлыққа байланысты басқа да жағымсыз реакциялар туындатуы мүмкін. Бұл реакциялар егде жастағы пациенттерде немесе алкогольдік тәуелділігі бар адамдарда айтарлықтай жиірек кездеседі. Ондай симптомдар пайда болған жағдайда дәрігермен кеңесіп, емдеуді тоқтату керек. Апиынды препараттарды бір мезгілде қабылдаумен байланысты қауіп Элениум дәрілік препаратын және апиындарды бір мезгілде қолдану седацияға, тынысты тежеуге, комаға және тіпті өлімге әкелуі мүмкін. Жоғарыда аталған қауіпке байланысты бензодиазепиндер немесе олардың туындылары сияқты седативтерді, мысалы, апиындармен Элениум препаратын бір мезгілде қолдану емдеудің баламалы әдістерін қолдану мүмкін болмайтын пациенттер үшін кейінге сақталуы тиіс. Егер Элениум препаратын апиындармен бір мезгілде тағайындау туралы шешім қабылданса, ең төменгі тиімді дозаны пайдалану керек, ал емдеу ұзақтығы мүмкіндігінше қысқа болуы тиіс. Пациенттердің арнайы топтары Егде жастағы пациенттер Егде жастағы пациенттерде хлордиазепоксидтің аз дозаларын ("Қолдану жөніндегі нұсқаулар" бөлімін қараңыз), осы жас тобында жағымсыз әсерлердің, негізінен бағдардың және қозғалыс үйлесімінің (құлау, жарақаттар) бұзылыстарының күшеюіне байланысты қолдану керек. Бауыр функциясының жеткіліксіздігі Энцефалопатияның даму қаупіне байланысты, бауыр функциясының ауыр жеткіліксіздігі бар пациенттерге бензодиазепиндерді қолдануға болмайды. Педиатрияда қолданылуы Балалар мен 18 жасқа дейінгі жасөспірімдерге дәрілік препаратты қолданудың қауіпсіздігі мен тиімділігі анықталмаған, сондықтан дәрілік препаратты осы жас тобында қолдану ұсынылмайды. Созылмалы тыныс алу жеткіліксіздігі Хлордиазепоксидті созылмалы тыныс алу жеткіліксіздігі бар пациенттер тыныс алуға тигізетін ықтимал тежеуші әсеріне байланысты сақтықпен қолданған жөн. Препаратты азырақ мөлшерде қолдану қажет болуы мүмкін. Бүйрек функциясының жеткіліксіздігі Бүйрек функциясы бұзылған пациенттерге стандартты сақтық шараларын қабылдау керек. Басқа да жай-күйлер Бензодиазепиндерді анамнезінде алкогольге, есірткіге немесе дәріге тәуелділігі бар пациенттерге үлкен сақтықпен қолдану керек. Ондай пациенттер хлордиазепоксидпен емдеу кезінде қатаң бақылауда болуы тиіс, өйткені дағдылану мен психикалық тәуелділіктің даму қаупі тобына кіреді. Сондықтан пациенттер Элениум препаратын қолданар алдында дәрігерге осы зиянды әдеттері туралы хабарлауы керек. Бензодиазепиндер фобияның психоздық бұзылыстарын немесе обсессивті-компульсивті ауруларды емдеуде көрсетілмеген. Тұлғалық бұзылыстары бар пациенттерге бензодиазепиндерді тағайындау кезінде өте сақ болу керек. Депрессия кезінде қолдану Дәрігерге барлық психикалық аурулары туралы хабарлау керек. Эндогендік депрессия немесе депрессиямен байланысты үрей симптомдары бар пациенттерді емдеу үшін дәрігер бір уақытта бірнеше дәрі тағайындауы керек. Депрессияға шалдыққан пациенттерде тек Элениум препаратын қолдану депрессия симптомдарының, соның ішінде суицидтік ойлардың күшеюіне әкелуі мүмкін. Жақын адамы жоғалған немесе қайтыс болған жағдайда бензодиазепиндер психологиялық реабилитацияны тежеуі мүмкін. Бұлшықет босаңсыту әсерін ескере отырып, егде жастағы адамдарда құлап қалу және тиісінше сыну қаупі бар. Элениум препаратын порфирияға шалдыққан пациенттерге қолдану осы аурудың симптомдарын күшейтуі мүмкін. Порфириямен ауыратын пациенттер Элениум препаратымен емдеуді бастамас бұрын бұл ауру туралы дәрігерге хабарлауы тиіс. Глаукомасы бар, әсіресе жабықбұрышты түрі бар пациенттер Элениум препаратымен емдеуді бастамас бұрын окулистпен кеңесуі тиіс. Мишық және жұлын атаксиясы, сондай-ақ миастениясы бар пациенттер Элениум препаратымен емдеуді бастамас бұрын бұл аурулар туралы дәрігерге хабарлауы тиіс. Элениум препаратының кейбір компоненттері туралы маңызды ақпарат Элениум препараты, қабықпен қапталған таблеткаларының құрамында сахароза бар. Дәрілік препарат фруктоза жақпаушылығымен, глюкоза-галактозаның нашар сіңу синдромымен немесе сахараза-изомальтаза тапшылығымен байланысты тұқым қуалайтын сирек кездесетін бұзылулары бар пациенттерде қолданылмауы тиіс. Элениум препараты, қабықпен қапталған таблеткаларының құрамында лактоза моногидраты бар. Дәрілік препарат сирек кездесетін тұқым қуалайтын галактоза жақпаушылығы, лопарь лактаза жеткіліксіздігі немесе глюкоза-галактозаның нашар сіңу синдромы бар пациенттерде қолданылмауы тиіс. Егер пациентте қандай да бір қантқа жақпаушылығы болса, онда препаратты қабылдағанға дейін пациент дәрігермен кеңесу керек. Элениум препаратының 10 мг дозасында жасыл лак [хинолинді сары Е (104) + индигокармин (E 132)] бар, ол аллергиялық реакцияларды туындатуы мүмкін. Жоғарыда айтылған ескертулер бұрын байқалған жағдайларға қатысты болса да, дәрігермен кеңесу керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Хлордиазепоксид, бензодиазепиндер тобындағы барлық дәрілік препараттар сияқты, дозаға, енгізу жолына және жеке сезімталдыққа байланысты реакция жылдамдығына әсер етуі мүмкін. Реакцияның баяулауы, зейін қоюдың бұзылуы, жадының бұзылуы көлікті басқару және механикалық құрылғыларға қызмет көрсету қабілетіне теріс әсер етуі мүмкін. Хлородиазепоксидті қолдану кезінде, сондай-ақ қабылдау тоқтатылғаннан кейін 2-3 күн ішінде автокөлікті басқаруға және қозғалатын механикалық құрылғыларға қызмет көрсетуге болмайды.

Жүкті және бала емізетін әйелдерге дәрілік препаратты қолдануға болмайды.

Соңғы уақытта қабылдап жүрген барлық дәрілік препараттар, тіпті рецептсіз босатылатын препараттар жөнінде дәрігерге хабарлау қажет. Орталық жүйке жүйесіне әсер ететін препараттар, яғни жалпы анестезия үшін қолданылатын дәрілер, ауырсынуды басатын апиынды препараттар, неролептиктер, антидепрессанттар, ұйықтататын препараттар, тыныштандыратын әсері бар антигистаминді препараттар, миорелаксанттар, Паркинсон ауруы кезінде қолданылатын, хлородиазепоксидпен бір мезгілде қолданылатын препараттар оның орталық седативті әсерін күшейтеді. Есірткілік анальгетиктерді хлородиазепоксидпен қолдану эйфория мен психикалық тәуелділіктің күшеюіне әкелуі мүмкін. Әсіресе мұқият бақылауды егде жастағы пациенттер қажет етеді. Элениум препараты 4-гидроксибутан қышқылымен (натрий оксибатымен) бірге тыныстың тежелуін күшейтуі мүмкін. Бензодиазепиндер натрий оксибатының әсерін күшейтеді. Бір мезгілде қабылдаудан аулақ болу керек. Алкогольмен бір мезгілде қабылдаудан аулақ болу керек. Препаратты алкогольмен қабылдаған кезде седативті әсері күшеюі мүмкін. Бұл көлік құралдары мен механизмдерді басқару қабілетіне теріс әсер етеді. Транквилизаторлармен бір мезгілде емдеу бұлшықеттердің босаңсуына байланысты әсерді күшейте алады –Элениумның жоғары дозаларын (құлау қаупі жоғары) қабылдайтын егде жастағы пациенттерге ерекше мұқият бақылау қажет. Хлордиазепоксидпен бір мезгілде қолданылатын эпилепсияға қарсы препараттар препараттың жағымсыз әсерлері мен уыттылығын күшейтуі мүмкін. Осы препараттарды бір мезгілде қолдану қажет болған жағдайда ерекше сақ болу керек. Бензодиазепиндер сияқты седативті препараттарды апиынды препараттармен бір мезгілде қабылдау ОЖЖ-ға аддитивті бәсеңдету әсерінен седация, тыныстың тежелу, кома және өлім қаупін арттырады. Бір мезгілде қабылдаудың дозасы мен ұзақтығы шектелуі тиіс. Бауыр ферменттерінің белгілі тежегіштері (мысалы, циметидин, флувоксамин, флуоксетин, омепразол, кетоконазол) макролидті антибиотиктер (эритромицин) және дисульфрам бензодиазепиндердің клиренсін азайтып, олардың әсерін күшейте алатындығы дәлелденді. Бұл контрацептивтік дәрілерді пайдалануға да қатысты. Бауыр ферменттерінің белгілі стимуляторлары, мысалы, рифампицин, фенитоин, карбамазепин) хлородиазепоксидтің және басқа бензодиазепиндердің биотрансформациясын тездетеді және олардың әсерін әлсіретуі мүмкін. Басқа препараттармен (мысалы, орталыққа әсер ететін гипотензиялық дәрілер, бета-рецепторлардың блокаторлары, антикоагулянттар және жүрек-қантамырға әсер ететін гликозидтер) ұзақ уақыт емделетін пациенттерде өзара әрекеттесу сипаты мен ауқымын қауіпсіз болжау мүмкін емес. Бензодиазепиндер леводопа әсерінің антагонистері болуы мүмкін. Бензодиазепиндерді моксонидинмен қабылдаған кезде седативті әсері күшеюі мүмкін. Бензодиазепиндердің әсері теофиллинмен әлсіреуі мүмкін. Элениуммен емдеу кезінде және оны аяқтағаннан кейін тағы 3 күн алкогольді ішуге болмайды.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 25 °C-ден аспайтын температурада, ылғал мен жарықтан қорғалған жерде сақтау керек. Балалардың қолы жетпейтін жерде сақтау керек!