Эквираб (жылқы антирабиялық сарысуы) раствор

1 құтының құрамы (5 мл) белсенді зат - антирабиялық иммуноглобулин, 1000 ХБ-дан аз емес, қосымша заттар: крезол - 0,25% артық емес, натрий хлориді - 9 мг/мл, глицин, инъекцияға арналған су. Сыртқы түрінің, иісінің, дәмінің сипаттамасы Мөлдір түссіз немесе ақшыл-сары түсті, бұлыңғырланбаған және көзге көрінетін жүзінді бөлшектерсіз сұйықтық.

- құтыруға қарсы шұғыл пассивті иммунизациялау үшін. Жануардың құтырғандығы жөнінде болжам болса немесе инфекция жұқтырған жануармен қарым-қатынаста болған пациенттерде құтырудың профилактикасы үшін қолданылады. Эквираб өз алдына дербес антирабиялық дәрілік зат емес және құтыруға қарсы вакцинамен біріктіріп қолданылуы тиіс.

Әсер ету механизмі Эквираб құтыруға қарсы пассивті иммунитет танытады. Әсеріне ұшырағаннан кейін бірден енгізілген жағдайда, Эквираб адамда құтырудың алдын алу үшін тиімді екендігі белгілі. Эквираб тістелген орындағы вирусты бейтараптандырады және ОЖЖ-ға үдеуін болдырмайды. Препарат 7 - 10 күн мерзімге жедел қорғанысты қамтамасыз етеді, аталған мерзім ішінде құтыруға қарсы белсенді иммунитет дамуы және, сол арқылы адамды қорғауы мүмкін. Оны әсер ету уақыты және вакцинамен емдеуді бастау арасындағы уақыт аралығына байланыссыз енгізуге болады.

Дозалау режимі Алғашқы көмек Ауру немесе құтыруға шалдыққандығына күдік бар жануар тістегеннен немесе сілекейі жұққаннан кейін жараларды жергілікті өңдеу тістегеннен немесе зақымданғаннан кейін дереу немесе барынша ертерек басталуы тиіс. Жараны мол сабынды сумен немесе басқа жуғыш құралмен (детергентпен) жуып-шаю қажет немесе сабын немесе детергент болмаған жағдайда, зақымданған орын ағынды сумен бірнеше минут (15 минутқа дейін) жуылып шайылады. Содан соң жараның шеттерін 70% спиртпен немесе 5% сулы-спиртті йод ерітіндісімен сүртеді. Сарысуды профилактикалық шаралардан кейін барынша қысқа мерзім ішінде енгізу қажет. Зақымдану санаты — Ауру немесе ауруға күдікті, қадағалауға мүмкіндік жоқ жануармен жанасудың түрі — Ұсынылатын емі 1 — Жануарлармен жанасу немесе тамақ беру, жарақаттанбаған теріні жалауы — Анамнезі нақты анықталған жағдайда - жүргізілмейді 2 — Жарақаттанбаған теріге сілекейінің жұғуы, сыдырылулар, тырнап алған жерлер, кеудені, аяқ-қолдың (бас, бет, мойын, қол басы, қол мен аяқтың саусақтарынан басқа) беткі жағын тістеуі — Дереу вакцинациялау. Егер жануар 10 күн ішінде сау күйінде қала берсе, немесе өлтірілсе, және жүргізілген талдаулардың нәтижесі теріс болып шықса, емдеуді тоқтату керек 3 — Кез келген шырышты қабықтарға сілекей жұғуы, басты, бетті, мойынды, қол басын, аяқ-қолдың саусақтарын, гениталийді кез келген дәрежеде тістеп алуы; жалғыз немесе көптеген терең, жырымдалған жаралар — Дереу вакцинациялау және иммундық сарысуды енгізу. Егер жануар 10 күн ішінде сау күйінде қала берсе, немесе өлтірілсе, және жүргізілген талдаулардың нәтижесі теріс болып шықса, емдеуді тоқтату керек Құтырудың профилактикасы үшін, иммундық сарысумен және вакцинамен біріктіріп емдеу ұсынылады, әйтсе де тәжірибелерден, кішігірім жұқтыру жаралары (2 санат) кезінде вакцинаның бір өзі-ақ жеткілікті болуы мүмкін екендігін көрсетеді. Егер біріктіріп емдеуге көрсетілім бар болған жағдайда (3 санат), онда алдымен антирабиялық сарысу енгізіледі және одан кейін 30 минуттан аспайтын уақыттан соң антирабиялық вакцина, бірақ дененің түрлі бөліктеріне енгізіледі. Ұсынылатын дозасы Иммундық сарысу жараланғаннан кейін барынша ерте мерзім ішінде - тістегеннен кейін 3 тәуліктен кешіктірмей тағайындалады. Егер алғашқы вакцинациялау кезінде сарысу қолда болмаса, оны 7 күн ішінде тағайындауға болады. Эквираб бірліктік дозасында – кг дене салмағына 40 ХБ тағайындалады. Балалар мен ересектер антирабиялық сарысудың бірдей – кг дене салмағына 40 ХБ дозасын қабылдайды. Сарысудың дозасын ешбір жағдайда арттыруға болмайды, өйткені ол адамның өзінің антиденелерінің өндірілуінің ішінара бәсеңдеуіне алып келуі мүмкін. Қолдануға көрсетілім болған жағдайда, сіреспенің емін бастау және инфекцияларды емдеу үшін микробқа қарсы препараттарды тағайындау қажет. Сарысудың жергілікті енгізілетіндігіне кепілдік беру үшін, жараны тікпей қоя тұру керек. Антирабиялық иммундық сарысудың есептеп шығарылған дозасының барынша көп бөлігі, тіпті егер, жара жазыла бастаса да жара айналасындағы тінге және жараның түбіне инфильтрациялануы тиіс. Егер зақымданған жердің анатомиялық орналасымы (саусақтардың ұштары және т.б.) антирабиялық сарысудың дозасын жара айналасындағы тінге түгел енгізуге мүмкіндік бермесе, онда қалдығын б/і (бөксе бұлшықетіне, санның, иықтың жоғарғы бөлігіне) енгізеді. Сарысу енгізілетін орын вакцина енгізілген орыннан басқа жерде болуы тиіс.Егер сарысудың есептеп шығарылған дозасы жаралардың барлығын инфильтрациялау үшін жеткіліксіз болса, жараларды мұқият инфильтрациялау мақсатында сарысуды 2 немесе 3 есе сұйылту үшін физиологиялық ерітіндіні пайдалануға болады. Сезімталдық сынамасы Антирабиялық сарысуды енгізер алдында пациенттің жылқы ақуызына жекелей сезімталдығын тексеру қажет. 1:10 арақатынаста сұйылтылған (натрий хлоридінің 0,9% ерітіндісімен сұйылтылады) 0,1 мл сарысу сол жақ иыққа, диаметрі 3 мм қабыршық түзілетіндей қылып тері ішіне енгізіледі. Бақылау үшін оң жақ иыққа 0,1 мл физиологиялық ерітінді енгізіледі. Пациент 15 минут бойы қадағалауда болады. Егер эритема (>6 мм), жергілікті ісіну немесе жүйелі реакция байқалса, тест оң болып есептеледі, бұл жағдайда бақылау инъекциясы тері реакциясын көрсетпейді. Жылқының тазартылған иммуноглобулині (иммундық сарысудың белсенді компоненті) адам иммуноглобулинінің қауіпсіз баламасы болып табылады. Оң нәтиже серотерапияны пайдалану үшін ресми түрдегі қарсы көрсетілім болып табылмайды, бірақ оны ескерту ретінде қарастыру керек. Ондай жағдайларда, сарысу тек, анафилаксиялық шок дамыған кезде көмек көрсетуге арналған барлық дәрілерді дайындап алғаннан кейін ғана тағайындалады. Тест нәтижесінің теріс болуы анафилаксиялық реакция дамуын жоққа шығару үшін түбегейлі кепілдік болып табылмайды. Реакциялардың көпшілігі комплемент жүйесінің белсенуі нәтижесінде туындайды және теріге жасалатын тест арқылы болжап білу мүмкін емес.

Емдік-профилактикалық иммунизацияға қарсы көрсетілімдер жоқ, өйткені иммунизациялау өмірлік маңызы бар көрсетілімдер бойынша жүргізіледі.

- артериялық гипертензиямен, ентігумен, аллергиялық бөртпемен жүретін дереу типті (анафилаксия) және баяу типті аллергиялық реакциялар - артериялық гипотензия - ентігу - қызба, бөртпе, қышыну, есекжем, қабыну реакциясы - аденопатия (аймақтық лимфа түйіндерінің ұлғаюы) - артралгия - инъекция орнының болар-болмас ісінуі, қызаруы, ауыруы Жағымсыз реакцияар туралы хабарлау Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық мақсаттағы бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Арнайы медициналық мекемелер үшін. Анамнезінде аллергиялық реакциялары немесе жылқы сарысуының компоненттеріне аса жоғары сезімталдығы бар пациенттерге ерекше сақтықпен тағайындау керек. Сарысудың тазартылу дәрежесінің жоғары екендігіне қарамастан, қолданар алдында міндетті түрде теріге жасалатын тест жүргізу ұсынылады. Жалпы және аллергиялық реакциялар дамыған жағдайда, симптоматикалық ем, гипосенсибилизациялайтын және антигистаминдік препараттар тағайындалады. Екпе жасалатын орындар шокқа қарсы емге арналған құралдармен және жабдықтармен жасақталуы тиіс. Анафилаксиялық шок басталған жағдайдағы шұғыл шаралар Дереу адреналинді қолдану ұсынылады, оны тері астына немесе бұлшықет ішіне ересектерге 0,1% ерітіндіні 0,5 мл-ден (1:1000, 1 мг/мл) және балаларға кг дене салмағына 0,01 мл-ден енгізеді. Қолданар алдында артериялық қысымды, тамыр соғысын өлшеу қажет. Тахикардияның даму қаупіне байланысты, инъекцияны баяу жүзеге асыру керек. Ары қарай глюкокортикостероидтық препараттарды вена ішіне (мысалы, 0,25 г-ден 1 г дейінгі метилпреднизолонды) қолданады. Ол дозалары ересектер үшін қолданылады. Содан кейін айналымдағы қан көлемін арттыру үшін, электролит ерітіндісін немесе плазманы енгізеді. Пациентті инъекциядан кейін 1 сағат бойы қадағалау қажет. Медициналық қолдану жөніндегі нұсқаулықта көрсетілетін қосымша заттар туралы ақпарат Крезол: аллергиялық реакциялар пайда болуы мүмкін Натрий хлориді: тұзсыз диетадағы адамдарға қолданғанда сақ болу керек. Арнайы ескертулер Педиатрияда қолданылуы Балалар құтыруға шалдығу қаупі жоғары топқа жатады, өйткені олар жануарлармен жиі қарым-қатынаста болады және тістеп алғаны туралы ересектерге әрдайым айта бермейді. Балаларға сарысу ересектермен бірдей – кг дене салмағына 40 ХБ дозада тағайындалады.

Клиникалық зерттеулерде Эквираб препаратын жүктілік кезінде пайдаланудың қауіпсіздігі адамдардың қатысуымен анықталмаған. Құтырумен байланысты өлім қаупін ескерсек, жүктілік және лактация кезеңі сарысуды тағайындау үшін қарсы көрсетілім болып табылмайды. Дәрілік заттың көлік құралын немесе қауіптілігі зор механизмдерді басқару қабілетіне әсер етуі ерекшеліктері Әсер етпейді.

Құтыруға шалдығудың алдын алу үшін, жараланып жұқтырудан кейін иммундық сарысу мен вакцинаны бір мезгілде тағайындау қажет. Вакцина дененің басқа бөліктеріне, егер мүмкін болса – контрлатеральді енгізіледі. Сарысу вакцинамен бір шприцте тағайындалмайды. Емдік-профилактикалық вакцинациялау курсын жүргізу кезінде басқа препараттармен вакцинация жүргізуге тыйым салынады. Құтыруға қарсы вакцинациялау аяқталғаннан кейін басқа вакциналармен екпе жасауға, кемінде 2 айдан соң рұқсат беріледі.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 2 °С-ден 8 °С-ге дейінгі температурада сақтау керек. Мұздатып қатыруға болмайды! • Балалардың қолы жетпейтін жерде сақтау керек!