Дутабит капсулы 0.5 мг

Бір капсуланың құрамында белсенді зат – 0.50 мг дутастерид; қосымша заттар: глицерин монокаприлокапраты (І типі), бутилгидрокситолуол, желатин, глицерин, титанның қостотығы (Е171), темірдің тотығы (Е172) (NFDC Темірдің сары тотығы 2190). Сыртқы түрінің, иісінің, дәмінің сипаттамасы Күңгірт-сары, мөлдір емес, өлшемі 6, ұзынша пішінді, ішінде мөлдір, түссізден бозғылт-сары түске дейінгі тұтқыр май бар жұмсақ желатинді капсулалар.

- қуықасты бездерінің қатерсіз гиперплазиясының (ҚБҚГ) орташа және ауыр дәрежедегі симптомдарын емдеу - қуықасты бездерінің қатерсіз гиперплазиясының орташа және ауыр дәрежедегі симптомдары бар науқастарда несептің жедел іркілісінің (НЖІ) туындау және хирургиялық араласым қаупін төмендету.

Әсер ету механизмі Дутастерид дигидротестостеронның (ДГТ) деңгейін тестостеронның ДГТ-ға айналуына жауапты 5-альфа-редуктаза изоферменттерінің 1-типін де, сонымен қатар 2-типін де тежеу жолымен төмендетеді. Фармакодинамикалық әсерлері ДУТАБИТ ПРЕПАРАТЫМЕН МОНОТЕРАПИЯ ДГТ-ға/ тестостеронға ықпалы: Дутабитті қабылдау аясында дигидротестостерон деңгейінің ең жоғары төмендеуі дозаға байланысты және алғашқы 1–2 аптада білінеді (сәйкесінше, 85% және 90%). Тәулігіне 0,5 мг дутастерид қабылдаған, қуықасты безінің қатерсіз гиперплазиясы бар науқастарда дигидротестостерон деңгейінің орташа төмендеуі емдеудің 1 жылынан соң 94% және 2 жылынан соң 93% құрады, тестостеронның орташа деңгейі 1 және 2 жылдан соң 19%-ға артты. Қуықасты безінің көлеміне ықпалы Қуықасты безі көлемінің едәуір азаюы емдеуді бастағаннан кейін 1 айдан соң байқалады және 24 ай бойы жалғасады (p <0.001). Емдеудің 12-ші айында Дутабит препаратын қолдану қуықасты безі көлемінің 23.6%-ға орташа қысқаруына әкеледі (бастапқы деңгейдегі 54.9 мл-ден 42.1 мл-ге дейін), плацебо тобында көлемінің орташа қысқаруы 0.5% құрады (54.0 мл-ден 53.7 мл-ге дейін). Бір ай емдегеннен кейін-ақ қуықасты безінің аралық аймағында да елеулі (p <0.001) азаю орын алды, ол 24 ай бойы жалғасты; 12 айдан кейін Дутабит препаратымен емдеу тобында қуықасты безінің аралық аймағында көлемінің орташа қысқаруы 17.8% (бастапқы деңгейдегі 26.8 мл-ден бастап 21.4 мл-ге дейін), сонымен қатар плацебо тобында көлемінің орта есеппен 7.9%-ға ұлғаюы орын алды (26.8 мл-ден бастап 27.5 мл-ге дейін). Салыстырмалы жасырын емдеудің алғашқы 2 жылы ішінде байқалған қуықасты безі көлемінің қысқаруы кеңейтілген ашық зеттеулер барысында емдеудің қосымша 2 жылы ішінде сақталды. Қуықасты безі өлшемінің азаюы симптомдардың жеңілдеуіне және ҚБДГ-мен байланысты несептің жедел іркілуі (НЖІ) және хирургиялық араласымдар қаупінің төмендеуіне әкеледі. Клиникалық тиімділігі және қауіпсіздігі Клиникалық тиімділігінің өте маңызды параметрлері Америкалық урологиялық ассоциацияның симптомдар индексі (AUA-SI), несеп шығарудың ең жоғары жылдамдығы (Qmax) және ПЖДГ байланысты несептің жедел іркілуінің туындау және хирургиялық араласым жиілігі болды. AUA-SI – бұл ең жоғары балл 35 болатын ҚЖДГ-мен байланысты симптомдар жөніндегі жеті тармақтан тұратын сұрақ-жауап. Бастапқы деңгейде орташа көрсеткіш шамамен 17 құрады. Емдеуден кейін алты ай, бір және екі жыл ішінде плацебо тобында орташа жақсару 2.5, 2.5 және 2.3 балл болды, ал дутастерид тобында жақсару, сәйкесінше, 3.2, 3.8 және 4.5 балл болғанын көрсетті. Топтар арасындағы айырмашылықтар статистикалық тұрғыдан маңызды болды. Несеп шығарудың ең жоғары жылдамдығы (Qmax) Зерттеулерде Qmax орташа бастапқы деңгейі шамамен 10 мл/сек құрады (Qmax қалыпты көрсеткіші >15 мл/сек). Емдеудің бір және екі жылы өткеннен кейін несеп шығару жылдамдығының көрсеткіші плацебо тобында секундына 0.8 және 0.9 мл-ге және дутастерид тобында, сәйкесінше, секундына 1.7 және 2.0 мл-ге артты. Топтар арасындағы айырмашылық 1 айдан 24 айға дейін статистикалық тұрғыдан маңызды болды. Салыстырмалы жасырын режимде емдеудің алғашқы екі жылы ішінде байқалған несеп шығарудың ең жоғары жылдамдығындағы көрсеткіштің артуы ашық қосымша зерттеудің қосымша 2 жылы ішінде сақталды. Несептің жедел кідіруі және хирургиялық араласым Емдеудің екі жылы өткеннен кейін НЖІ туындау жиілігі плацебо тобында 4,2%, ал дутастерид тобында 1,8% болды (қауіп 57%-ға төмендеді). Бұл айырмашылық статистикалық тұрғыдан маңызды және несептің жедел іркілісінің бір жағдайына жол бермеу үшін екі жыл ішінде 42 пациенттің (95% СА 30-73) емдеуден өтуі тиіс екенін көрсетті. ҚБДГ-мен байланысты хирургиялық араласым қажеттілігінің туындау жиілігі екі жылдан соң плацебо тобында 4,1% және дутастерид тобында 2,2% құрады (қауіп 48%-ға төмендеді). Бұл айырмашылық статистикалық тұрғыдан маңызды және несептің жедел іркілісінің хирургиялық араласымның бір жағдайына жол бермеу үшін екі жыл ішінде 51 пациенттің (95% СА 33-109) емдеуден өтуі тиіс екенін көрсетеді. Түк жабынының таралуы III фазада клиникалық зерттеу бағдарламасын іске асыру аясында дутастеридтің түк жабынының таралуына ықпалы ресми зерттелген жоқ; сонымен бірге 5-альфа-редуктаза тежегіштерін қолдану шаштың түсіп жоғалуын азайтуы және еркек типтіге тән таздану (еркектің андрогендік алопециясы) орын алған пациенттерде олардың өсуіне жағдай жасауы мүмкін. Қалқанша без функциясы Дені сау еркектердің қатысуымен жүргізілген бір жылдық клиникалық зерттеулер барысында қалқанша без функциясына ықпал етуі зерттелді. Дутастеридпен бір жыл емдегеннен кейін байланыспаған тироксин деңгейінің көрсеткіштері өзгерген жоқ, ал плацебомен салыстырғанда, тиреостимуляциялаушы гормон (ТСГ) деңгейі едәуір (0,4 мкХБ/мл-ге) артты. Сонымен бірге ТСГ деңгейлерінің көрсеткіштері өзгеріп отырғандықтан, ТСГ деңгейінің медианалық мәндерінің ауқымы (1,4-1,9 мкХБ/мл) қалыпты (0,5-4,0 мкХБ/мл) шегінде, ал тироксин концентрациясының көрсеткіштері қалыпты шегінде тұрақты және плацебо мен дутастеридті қолданған кезде ұқсас болғандықтан, ТСГ деңгейінің көрсетілген өзгерістеріне клиникалық тұрғыдан маңызды емес деп баға берілді. Барлық клиникалық зерттеу нәтижелері қалқанша бездің функциясына дутастеридің теріс ықпалының жоқтығын айғақтайды. Сүт бездерінің обыры Еркектерде сүт бездерінің обырының туындауы мен дутастеридті ұзақ мерзімдік қабылдау арасында себеп-салдарлық байланыс анықталған жоқ. Еркектің фертильділігіне ықпалы: Еркектің фертильділігінің төмендеуі мүмкін екенін жоққа шығаруға болмайды. ДУТАБИТТІҢ ТАМСУЛОЗИН АЛЬФА-АДРЕНОБЛОКАТОРЫМЕН БІРІКТІРІЛІМІ Дутастерид препаратының тобы мен тамсулозин тобын салыстырғанда, біріктірілген ем тобынан алынған IPSS қатысты нәтижелер, сәйкесінше, 3-ші айдан және 9-шы айдан бастап маңызды болды. Qmax біріктірілген ем тобында, дутастерид және тамсулозин дәрілік заттары тобымен салыстырғанда, 6-шы айдан бастап маңызды болды. Дутастерид препаратымен монотерапия тобымен салыстырғанда, біріктірілген ем тобында ҚБДГ-мен байланысты НЖІ және хирургиялық араласым жағдайлары 19.6%-ға төмендеді (p=0.18 [95% СА 10.9% - 41.7%]). ҚБДГ-мен байланысты НЖІ және хирургиялық араласым жағдайларының 4 жыл ішіндегі жиілік көрсеткіштері біріктірілген ем және дутастерид дәрілік затының тобында, сәйкесінше, 4.2% және 5.2% құрады. ЖҮРЕК-ҚАНТАМЫР ЖҮЙЕСІНЕ ЖАҒЫМСЫЗ РЕАКЦИЯЛАР Дутастеридті және α-адренорецепторлардың блокаторларын (12/1152, 1.0%) бір мезгілде қабылдаған пациенттерде «жүрек жеткіліксіздігі» деп біріктірілген термин ретінде сипатталатын жағдайлар жиілігі, дутастеридті монотерапия режимінде (18/2953, 0.6%), плацебо және α-адренорецепторлардың блокаторлары (1/1399, <0.1%) немесе тек плацебо (15/2727, 0.6%) қабылдаған пациенттерге қарағанда, жоғары болды. Жүрек жеткіліксіздігі (СҚ 1,05, 95% СА 0,71, 1,57), жедел миокард инфарктісі (СҚ 1,00, 95% СА 0,77, 1,30) немесе инсульт (СҚ 1,20, 95% СА 0,88, 1,64) қаупінің статистикалық тұрғыдан маңызды бірізді артуы орын алған жоқ. ҚУЫҚАСТЫ БЕЗІНІҢ ОБЫРЫ ЖӘНЕ ГРАДАЦИЯСЫ ЖОҒАРЫ ДӘРЕЖЕДЕГІ ІСІКТЕР Емдеудің екі тобында да қуықасты безі обырының биопсиясы жолымен анықталған көптеген жағдайлар қатерлілігі төмен ісік жағдайлары болды (Глисон шкаласы бойынша балл қосындысы 5-6, 70%). Глисон шкаласы бойынша қосындысы 8-10 балл болатын қуықасты безінің обыры жағдайларының жиілігі дутастерид препараты тобында (n=29, 0.9%) плацебо тобына қарағанда (n=19, 0.6%) (p=0.15), жоғары болды. Қуықасты безі обырының даму қаупі бар пациенттерде дутастерид препаратын 4 жыл бойы қолданудың нәтижелері жөнінде деректер жоқ. Глисон шкаласы бойынша қосындысы 8-10 балл болатын қуықасты безінің обыры диагностикаланған пациенттердің пайызы зерттеудің бүкіл кезеңі бойы (1-2 жыл, 3-4 жыл) дутастерид препаратының тобында (әрбір кезеңде 0.5%) тұрақты болды, сонымен бірге плацебо тобында Глисон шкаласы бойынша балл қосындысы 8-10 болатын, қуықасты безінің обыры диагностикаланған пациенттердің пайызы 3-ші және 4-ші жылы, 1-ші және 2-ші жылға қарағанда, төмен болды (сәйкесінше, <0.1% және 0.5%). Глисон шкаласы бойынша балл қосындысы 7-10 (p=0.81) болатын жағдайлар жиілігінің көрсеткіштерінде айырмашылықтар жоқ. REDUCE зерттеулерін бақылай отырып жүргізілген қосымша екі жылдық зерттеуде қуықасты безі обырының (Глисон шкаласы бойынша 8–10 балл) жаңа жағдайлары байқалған жоқ. Биопсия жүргізу хаттамамен анықталмаған, ал қуықасты безі обырының барлық диагноздары көрсетілімдері бойынша биопсияға негізделген, ҚБДГ бар пациенттердің қатысуымен жүргізілген 4 жылдық зерттеулерде (CombAT зерттеу) берілген баға Глисон шкаласы бойынша 8-10 балл болған обыр жиілігі мыналар болды: дутастерид препаратының тобы - n=8, 0.5%, тамсулозин тобы - n=11, 0.7% және біріктірілген ем тобы - n=5, 0.3%. 5-альфа-редуктаза тежегіштерін қолдану қуықасты безінің жоғары қатерлі обырының, сондай-ақ қуықасты безі обырының немесе жалпы өлімнің пайда болуымен байланысты емес. Дутастерид препаратын қолдану мен қуықасты безінің жоғары қатерлі обыры арасында байланыс айқын емес. Сексуалдық функцияға ықпалы: Дутастерид-тамсулозин біріктірілімі және дутастеридпен монотерапия сексуалдық функцияның жағымсыз реакцияларын туындататыны белгілі. Сексуалдық функциямен байланысты жағымсыз реакциялар жиілігі емдеуді жалғастырғанда уақыт өте келе азаяды.

Дозалау режимі Ересек еркектер (егде жастағыларды қоса) Монотерапияда Дутабитті тәулігіне бір рет бір капсуладан (0,5 мг) ішке қолдану ұсынылады. Біріктірілген емде 0,5 мг Дутабитті тамсулозинмен 0,4 мг дозада тәулігіне бір рет біріктіріп қабылдау ұсынылады. Жай-күйдің едәуір жылдам жақсару мүмкіндігіне қарамастан, емді препарат әсерін объективті бағалау үшін кемінде 6 ай жалғастыру керек. Бүйрек функциясы бұзылған пациенттер Тәулігіне 0,5 мг қабылдағанда несеппен дозаның 0,1%-дан азы шығарылады, және сондықтан бүйрек функциясы бұзылған пациенттерде доза төмендету қажеттігі жоқ. Бауыр функциясы бұзылған пациенттер Дутабит қарқынды метаболизмге ұшырайды, ал оның жартылай шығарылу кезеңі 3-5 аптаны құрайды және сондықтан бауыр функциясы бұзылған пациенттерді емдегенде сақтық таныту қажет. Енгізу әдісі және жолы Капсуланы тұтастай, шайнамай және ашпай қабылдау керек, өйткені шырыштардың капсула ішіндегісімен жанасуы ауыз қуысы мен жұтқыншақтың тітіркенуін туындатуы мүмкін. Дутабитті тамақ ішуге қарамай қабылдайды. Егер Сіз Дутабит қабылдауды ұмытып кетсеңіз Өткізіп алғанның орнын толтыру үшін қосымша доза қабылдамаңыз. Жай ғана препараттың келесі дозасын сіз үшін әдеттегі уақытында қабылдаңыз.

– дутастеридке немесе препараттың кез келген компонентіне белгілі аса жоғары сезімталдық, сонымен қатар 5α-редуктаза тежегіштері тобының препараттарына белгілі аса жоғары сезімталдық – әйелдер, балалар және 18 жасқа дейінгі жасөспірімдер – бауырдың ауыр жеткіліксіздігі

ДУТАБИТ ПРЕПАРАТЫМЕН МОНОТЕРАПИЯ Келесі кестеде жағымсыз әсерлер жөніндегі деректер бар. Зерттеушілердің анықтауы бойынша, клиникалық зерттеулерде препаратты қолданумен байланысты байқалған аталған жағымсыз құбылыстардың туындау жиілігі (туындау жиілігі ≥1%) емдеудің алғашқы жылы ішінде дутастеринмен емделген пациенттерде, плацебо қабылдаған пациенттермен салыстырғанда, жоғары болды. Тіркеуден кейін қолдану тәжірибесіндегі жағымсыз құбылыстар тіркеуден кейінгі өздігінен келген есеп берулер арқылы анықталды; сондықтан олардың туындауының нақты жиілігі белгісіз: Өте жиі (> 1/10); Жиі (> 1/100, <1/10); Жиі емес (> 1/1,000, <1/100); Сирек (>1/10,000, <1/1,000); Өте сирек (<1/10,000); белгісіз (қолда бар деректер арқылы баға беру мүмкін емес). Ағзалар жүйесі — Жағымсыз реакция — Клиникалық зерттеу деректерінен туындау жиілігі Емдеудің 1 жылы ішінде туындау жиілігі (n=2167) — Емдеудің 2 жылы ішінде туындау жиілігі (n=1744) Ұрпақ өрбіту жүйесі және сүт бездері бұзылулары — Импотенция* — 6.0% — 1,7% Либидоның өзгеруі (төмендеуі)* — 3.7% — 0,6% Эякуляция бұзылуы*^ — 1,8% — 0,5% Сүт безінің бұзылуы + — 1,3% — 1,3% Иммундық жүйенің бұзылуы — Аллергиялық реакциялар, бөртпені, қышынуды, есекжемді, жергілікті ісінуді және ангионевроздық ісінуді қоса — Тіркеуден кейінгі деректерге сәйкес туындау жиілігі Белгісіз Психикалық бұзылыстар — Депрессия — Белгісіз Тері және теріасты тіндері тарапынан бұзылулар — Алопеция (көбінесе денедегі түктердің жойылуы), гипертрихоз. — Сирек Ұрпақ өрбіту жүйесі және сүт бездері бұзылулары — Аталық бездің ауыруы және ісінуі — Белгісіз * Сексуалдық функцияның бұзылуымен байланысты жағымсыз реакциялар дутастеридпен емдеумен астасады (монотерапияны және тамсулозинмен біріктірілімін қоса). Осы жағымсыз реакциялар емдеуді тоқтатқаннан кейін де жалғасуы мүмкін. Олардың ұзақтығына дутастеридтің ықпалы белгісіз. ^ эякулят көлемінің төмендеуін қоса + сүт безінің аурушаңдығын және оның гипертрофиясын қоса. ДУТАБИТ ТАМСУЛОЗИН АЛЬФА-АДРЕНОБЛОКАТОРЫМЕН БІРІКТІРІЛІМДЕ Төрт жылдық клиникалық CombAT зерттеулерінің деректеріне сәйкес (препараттарды салыстыру: тәулігіне 1 рет дутастерид 0,5 мг (n=1623); тамсулозин 0,4 мг (n=1611); және олардың біріктірілімімен емдеу), зерттеушілердің анықтауы бойынша, клиникалық зерттеулерде емдеудің алғашқы, екінші, үшінші және төртінші жылдары ішінде препаратты қолданумен байланысты байқалған кез келген жағымсыз құбылыстардың жиілігі дуастеридті / тамсулозинді біріктіріп емдегенде, сәйкесінше, 22%, 6%, 4% және 2%; дутастеридпен монотерапияда 15%, 6%, 3% және 2%; тамсулозинмен монотерапияда 13 %, 5%, 2% және 2% құрады. Емдеудің алғашқы жылында біріктірілген ем тобындағы жағымсыз реакциялардың өте жоғары жиілігі ұрпақ өрбіту жүйесі тарапынан бұзылудың, атап айтқанда, эякуляцияның осы топта байқалған бұзылуларының өте жоғары жиілігімен байланысты болды. Зерттеушілердің анықтауы бойынша, CombAT зерттеулерінде емдеудің алғашқы жылы ішінде препаратты қолданумен байланысты келесі жағымсыз реакциялар (туындау жиілігі 1%-дан асатын немесе оған тең) жөнінде мәлімделді; емдеудің төрт жылы ішінде туындау жиілігі төмендегі кестеде көрсетілген: Ағзалар жүйесі бойынша жіктеу — Жағымсыз реакция — Емдеу барысындағы туындау жиілігі 1 жыл — 2 жыл — 3 жыл — 4 жыл Біріктірілімa (n) — (n=1610) — (n=1428) — (n=1283) — (n=1200) Дутастерид — (n=1623) — (n=1464) — (n=1325) — (n=1200) Тамсулозин — (n=1611) — (n=1468) — (n=1281) — (n=1112) Орталық жүйке жүйесінің бұзылулары — Бас айналу Біріктірілімa — 1,4% — 0,1% — <0,1% — 0,2% Дутастерид — 0,7% — 0,1% — <0,1% — <0,1% Тамсулозин — 1,3% — 0,4% — <0,1% — 0% Жүрек-қантамыр жүйесінің бұзылуы — Жүрек жеткіліксіздігі (Біріктірілген түсінікb) Біріктірілімa — 0,2% — 0,4% — 0,2% — 0,2% Дутастерид — <0,1% — 0,1% — <0,1% — 0% Тамсулозин — 0,1% — <0,1% — 0,4% — 0,2% Ұрпақ өрбіту жүйесі және сүт бездері бұзылулары — Белсіздік c Біріктірілімa — 6,3% — 1,8% — 0,9% — 0,4% Дутастерид — 5,1% — 1,6% — 0,6% — 0,3% Тамсулозин — 3,3% — 1,0% — 0,6% — 1,1% Либидоның өзгеруі (төмендеуі) c Біріктірілімa — 5,3% — 0,8% — 0,2% — 0% Дутастерид — 3,8% — 1,0% — 0,2% — 0% Тамсулозин — 2,5% — 0,7% — 0,2% — <0,1% Экуляцияның бұзылулары c ^ Біріктірілімa — 9,0% — 1,0% — 0,5% — <0,1% Дутастерид — 1,5% — 0,5% — 0,2% — 0,3% Тамсулозин — 2,7% — 0,5% — 0,2% — 0,3% Сүт безінің бұзылуыd Біріктірілімa — 2,1% — 0,8% — 0,9% — 0,6% Дутастерид — 1,7% — 1,2% — 0,5% — 0,7% Тамсулозин — 0,8% — 0,4% — 0,2% — 0% a Біріктірілім — тәулігіне 1 рет 0,5 мг дутастерид плюс тәулігіне 1 рет 0,4 мг тамсулозин. b «Жүрек жекіліксіздігі» термині жүректің іркілген жеткіліксіздігін, сол жақ қарынша жеткіліксіздігін, сол жақ қарыншаның жедел жеткіліксіздігін, кардиогендік шокты, оң жақ қарынша жеткіліксіздігін, оң жақ қарыншаның жедел жеткіліксіздігін, қарыншалар жеткіліксіздігін, жүрек-өкпе жеткіліксіздігін, іркілген кардиомиопатияны қамтиды. c Сексуалдық функцияның бұзылуымен байланысты жағымсыз реакциялар, дутастеридпен емдеумен (монотерапияны және тамсулозинмен біріктірілімін қоса) астасады. Осы жағымсыз реакциялар емдеуді тоқтатқаннан кейін де жалғасуы мүмкін. Олардың ұзақтығына дутастеридтің ықпалы белгісіз. d Сүт бездерінің аурушаңдығын және оның гипертрофиясын қоса. ^ Эякулят көлемінің азаюын қоса. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: артық дозаланғанда жағымсыз әсерлері анықталмады. Емі: спецификалық антидоты жоқ және сондықтан артық дозаланғанына күдік болғанда симптоматикалық және демеуші ем қажет.

Арнайы сақтандырулар Дутабит тері арқылы сіңеді, және сондықтан әйелдер, балалар және жасөспірімдер зақымданған капсулаларға тиюден аулақ болуы тиіс. Зақымданған капсулаларға жанасу болған жағдайда терінің тиісті бөлігін сабынды сумен дереу жуу керек. Дутастерид фармакокинетикасына бауыр жеткіліксіздігінің әсері зерттелмеген, бірақ оның қарқынды метаболизденуіне және 3-тен 5 аптаға дейінгі жартылай шығарылу кезеңіне байланысты бауыр аурулары бар пациенттерде Дутабит қолданғанда сақ болу керек. Тамсулозин гидрохлоридімен біріктірілген ем және жүрек жеткіліксіздігінің дамуы Зерттеулерде жүрек жеткіліксіздігінің даму жиілігі (белгіленген оқиғалардың композиттік термині, негізінен, жүрек жеткіліксіздігі және іркілісті жүрек жеткіліксіздігі) біріктірілген ем қабылдаған пациенттерге қарағанда дутастерид пен α1-блокатор біріктірілімін, негізінен, тамсулозин гидрохлоридін қабылдаған пациенттерде жоғары болды. Зерттеулерде жүрек жеткіліксіздігінің даму жиілігі төмен (≤ 1%) болып қалды және зерттеулер арасында өзгеріп отырды. Бірақ, жалпы жүрек-қантамыр жүйесі тарапынан жағымсыз әсерлер жиілігі көрсеткіштерінің айырмашылығы байқалмады. Дутастеридпен (бір өзі ғана немесе α1-блокаторымен біріктірілімдегі) емдеу мен жүрек жеткіліксіздігі арасындағы салдарлы байланыс анықталған жоқ. Простаталық-спецификалық антигенді (ПСА) және қуықасты безінің обырын анықтауға ықпалы ҚБҚГ бар пациенттерде Дутабит препаратымен емді бастағанға дейін саусақпен ректальді зерттеу және қуықасты безін зерттеудің басқа да тәсілдерін жүргізу және қуықасты безі обырының дамуын жоққа шығару үшін емдеу үдерісінде бұл зерттеулерді тұрақты қайталап отыру қажет. ПСА сарысулық концентрациясын анықтау қуықасты безінің обырын анықтауға бағытталған скрининг үдерісінің маңызды компоненті болып табылады. 6 айлық емнен кейін дутастерид қуық асты безінің қатерсіз гиперплазиясы бар пациенттердегі ПСА сарысулық деңгейлерін шамамен 50% төмендетеді. Дутабит препаратын қабылдайтын пациенттерге 6 ай емнен кейін ПСА жаңа базалық деңгейі анықталуға тиіс. Дутабит препаратымен емделу кезіндегі ең төменгі мәніне қатысты ПСА деңгейінің кез келген тұрақты жоғарылауы қуықасты безі обырының (атап айтқанда, Глисон шкаласы бойынша сәйкестендірудің жоғары дәрежесімен қуықасты безінің обыры) дамуы немесе Дутабит препаратымен емдеу режимінің сақталмағанын айғақтауы мүмкін және ПСА бұл деңгейлері 5α-редуктаза тежегіштерін қабылдамайтын пациенттерде қалыпты мәндерінің шегінде қалса да мұқият бағалануға тиіс. Жалпы ПСА деңгейі дутастеридті қолдануды тоқтатқаннан кейін 6 ай ішінде бастапқы мәніне оралады. Бос ПСА мөлшерінің жалпыға арақатынасы тіпті дутастеридпен емдеу аясында да тұрақты болып қалады. Аталған арақатынасты дутастерид қабылдап жүрген еркектерде қуықасты безінің обырын анықтауға арналған үлестерде көрсету, бұл шаманы түзетуді талап етпейді. Сүт безі обырының даму қаупі ҚБҚГ емдеу барысында дутастерид қолданатын пациенттерде сүт безі обыры дамуының 2 жағдайы анықталған. Бірінші жағдай ем басталғаннан кейін 10 аптадан соң, екіншісі – 11 аптадан кейін дамыған. Емдеуші дәрігер пациентке емізік тіндерінің тығыздалуы және сыртқы түрінің өзгеруі сияқты кеуде безі аумағының қандай да бір өзгерістері анықталған жағдайда дереу хабарлау қажеттілігін анық түсіндіруі қажет. Дутастеридті ұзақ мерзімді қабылдау мен сүт безі обырының даму қаупі арасында байланыс бар-жоғы белгісіз. Простата обыры Биопсияның алдын ала теріс нәтижесі және ПСА деңгейі 2.5-10 нг/мл ерлерде простата обыры диагностикаланғаны туралы клиникалық деректер бар. Плацебо қабылдайтын топпен (n=29, 0.9%) салыстырғанда дутастерид тобының пациенттерінде (n=29, 0.9%) обырдың даму жиілігі әлдеқайда жоғары байқалды. Дутастерид қабылдау мен простата обырының дәрежесі арасындағы өзара әрекеттесу анықталмады. Дутастерид қабылдайтын еркектер ПСА тест жүргізуді қоса простата обырының туындау қаупіне қатысты тұрақты тексеріліп отыруға тиіс. Дутастерид қабылдайтын ерлердің бала туғызу қабілеті Дутабит препаратын қабылдау сперматозоидтардың мөлшері, көлемі және қозғалғыштығы азаюымен қатар жүруі мүмкін, алайда ұрықтану қабілетіне әсері түсініксіз қалып отыр. Педиатрияда қолданылуы Препараттың балалардағы қауіпсіздігі мен тиімділігі анықталмаған. Демек, препаратты балаларға тағайындамау керек. Жүктілік кезінде Жүкті әйелдер және жүктілікке күмәнді әйелдер препараттың зақымданған капсуласын пайдаланудан аулақ болуға тиіс. Дутастеридтің тері арқылы сіңу мүмкіндігі бар және ер жынысты шарананың қалыпты дамуына теріс әсер етуі мүмкін. Әсіресе жүктіліктің алғашқы 16 аптасының кезеңі қауіпті. Дутастерид пайдалану әйелдерде зерттелмеген, өйткені клиникаға дейінгі деректер айналымдағы ДГТ деңгейінің бәсеңдеуі ер жынысты шаранада сыртқы гениталийдің қалыптасуын бұзуы мүмкіндігін болжайды. Жыныстық қатынас кезінде мүшеқап пайдаланыңыз, өйткені дутастерид Дутабит қабылдайтын ерлердің шәуһетіне өтеді. Егер сіздің жұптасыңыз жүкті болса немесе жүктілігіне күдік болса оның шәуһетпен жанасуына жол бермеу керек, өйткені дутастерид ер жынысты шарананың қалыпты дамуына әсер етуі мүмкін. Егер жүкті әйел Дутабит капсуласының ішіндегісімен жанасқан болса, өз дәрігеріңізбен ақылдасыңыз. Лактация кезеңі Дутастеридтің емшек сүтіне бөлінуі туралы деректер жоқ. Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері Дутабитті қабылдау автокөлік жүргізуге және механизмдермен жұмыс жасауға ықпал етпейді.

Нұсқаулықта көрсетілмеген.

Дутабит Р450 цитохромының ферментті жүйесінің CYP3A4 изоферментімен метаболизденеді. CYP3A4 тежегіштері болғанда Дутабиттің қандағы концентрациялары өсуі мүмкін. CYP3A4 тежегіштері верапамилмен және дилтиаземмен бір уақытта қолданғанда клиренстің төмендеуі ( тиісінше 37% және 44%) байқалады. Сонымен бірге, амлодипин, кальций өзекшелерінің басқа блокаторы Дутабит клиренсін азайтпайды. Дутабит және CYP3A4 тежегіштерін бір мезгілде қолданғанда клиренсі азаюы және соңынан қандағы оның концентрациясының жоғарылауы қауіпсіздік шегінің ауқымы кең болуы салдарынан елеулі болмайды және сондықтан оның дозасын төмендету қажеттігі жоқ. Дутабит адамның Р450 цитохром жүйесінің келесі изоферменттерімен: CYP1А2, CYР2А6, CYP2Е1, CYP2С8, CYP2С9, CYP2С19, CYP2В6 немесе CYP2D6 метаболизденбейді. Дутабит дәрілік препараттардың метаболизміне қатысатын адамның Р450 цитохром жүйесінің ферменттерін тежемейді. Дутабит варфарин, аценокумарол, фенпрокумон, диазепам және фенитоинді оларды плазма ақуыздарымен байланысу бөлігінен ығыстырмайды, ал бұл препараттар өз кезегінде оны ығыстырмайды. Сондай-ақ Дутабитпен тамсулозин, теразозин, варфарин, дигоксин және холестирамин препараттары өзара әрекеттеспейді. Дутабитті гиполипидемиялық препараттармен, АӨФ тежегіштерімен, бета-блокаторлармен, кальций өзекшелерінің блокаторларымен, кортикостероидтармен, диуретиктермен, қабынуға қарсы стероидты емес препараттармен, V типті фосфодиэстераза тежегіштерімен және хинолонды антибиотиктермен бір мезгілде қолданғанда қандай да бір елеулі дәрілік өзара әрекеттесулер анықталмады.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары 25 ºС-ден аспайтын температурада сақтау керек. Балалардың қолы жетпейтін жерде сақтау керек!