Дроплекс капли

1 мл препараттың құрамында белсенді заттар: 45,52 мг феназон, 11,38 мг лидокаин гидрохлориді, қосымша заттар: натрий тиосульфаты, 96 % этанол, тазартылған су, натрий гидроксидінің 1 М ерітіндісі, глицерин. Сыртқы түрінің, иісінің, дәмінің сипаттамасы Мөлдір, түссіз немесе сәл сарғыш түсті ерітінді.

Жергілікті симптоматикалық емдеу және дабыл жарғақшасы зақымданбаған ортаңғы отит кезінде ауыруды басу, оның ішінде: - жедел экссудативті ортаңғы отит; - ортаңғы отит тұмаудан кейінгі асқыну ретінде; - барожарақаттық отит. Препарат ересектерді, жасөспірімдерді және 1 айдан асқан балаларды емдеуге арналған.

Дроплекс – бұл жергілікті қолдануға арналған біріктірілген препарат. Жергілікті жансыздандыратын және қабынуға қарсы әсер көрсетеді. Препараттың әсері құрамына кіретін белсенді компоненттермен – феназон мен лидокаин гидрохлоридімен байланысты. Феназон - қабынуға қарсы және анальгетикалық әсері бар анальгетик-антипиретик. Лидокаин гидрохлориді - жергілікті анестетик.

Тек жергілікті қолдануға арналған. Суық ерітіндінің құлақ қалқанымен жанасуын болдырмас үшін қолданар алдында құтыны алақанда жылытып алу керек. Ересектерге: сыртқы есту жолына тәулігіне 2-3 рет 4 тамшыдан тамызу керек. Балаларға 1 айдан бастап және одан жоғары: сыртқы есту жолына тәулігіне 2 рет 1-2 тамшыдан тамызу керек. Дроплексті қолдану ұзақтығы 10 күннен аспауы тиіс. Ауырған құлаққа тамызатын ең жоғары тәуліктік доза күніне 12 тамшыдан аспауы тиіс. Бауыр немесе бүйрек жеткіліксіздігі Бауыр немесе бүйрек жеткіліксіздігі бар пациенттер үшін дозаға шектеу жоқ.

- белсенді компонентке немесе препараттың кез келген қосымша компоненттеріне жоғары сезімталдық - дабыл жарғағының перфорациясы Жаңа туған нәрестелерге арналмаған (1 айдан кіші).

Сирек: - аллергия, тітіркену және есту жолының ісінуі түріндегі жергілікті реакциялар. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ұсынылған дозаларда қолданған кезде артық дозалану байқалмайды. Пероральді қолданғанда феназон 0,5-тен 1,0 г-ға дейінгі диапазонда уытты болып табылады, бұл жоғары сезімтал балалар мен адамдар үшін осындай мәннен төмен болып табылады. Пероральді дозаның мөлшеріне байланысты асқазан-ішек жолының шырышты қабығының тітіркенуі, құсу, құрысулар, тері реакцияларын тудыруы мүмкін орталық жүйке жүйесінің тітіркенуі. Арнайы антидоты жоқ. Препаратты пероральді қолданған жағдайда симптоматикалық ем тағайындалады, бұл тыныс алу мен қан айналымды бақылауды және ықтимал құрысуларды емдеу қамтиды.

Арнайы ескертулер Препаратты қолдануды бастамас бұрын дабыл жарғағының бүтіндігіне көз жеткізу қажет. Препаратты дабыл жарғағы перфорацияланған кезде қолданған жағдайда белсенді заттар ішкі құлаққа енуі мүмкін, бұл тітіркенуді және бас айналуын, кейіннен қайтымсыз кереңдіктің дамуымен асептикалық немесе сепсистік ішкі отитті туындатуы мүмкін. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дроплекс автокөлік жүргізу және жоғары жылдамдықтағы психомоторлық реакцияларды талап ететін жұмыстарды орындау қабілетіне әсер етпейді немесе елеусіз әсер етеді.

Жүкті әйелдерде ешқандай бақыланатын зерттеулер жүргізілген жоқ. Сондықтан Дроплексті жүкті әйелдерде ана үшін потенциалды пайдасы шарана үшін потенциалды қауіптен асып түскен кезде ғана қолдану керек. Лактация кезінде препарат сақтықпен қолданылады.

Өзара әрекеттесуге зерттеулер жүргізілген жоқ.

Сақтау мерзімі 5 жыл Құтыны ашқаннан кейін препаратты 6 ай ішінде пайдалану керек. Жарамдылық мерзімі өткеннен кейін қолдануға болмайды! Сақтау шарттары 25 ºС-ден аспайтын температурада сақтау керек. Балалардың қолы жетпейтін жерде сақтау керек!