Дексалгин® сашет гранулы 25 мг

Бір пакеттің ішінде белсенді зат – 36.9 мг декскетопрофен трометамолы (25 мг декскетопрофенге баламалы), қосымша заттар: аммоний глицирризинаты, неогесперидин дигидрохалкон, хинолинді сары (E 104), лимон хош иістендіргіші1, сахароза 1 Лимон хош иістендіргіші лимонды эфир майының, табиғиға ұқсас дәмдеуіш заттардың, бутилгидроксианизолдың, мальтодекстриннің және гуммиарабиктің қоспасы болып табылады. Сыртқы түрінің, иісінің, дәмінің сипаттамасы Лимон иісі және дәмі бар сары түйіршіктер

Бұлшықет-қаңқа ауыруы, дисменорея, тіс ауыруы сияқты қарқындылығы жеңіл және орташа ауыруды симптоматикалық емдеу.

Декскетопрофен трометамолы - пропион қышқылының трометамин тұзы S-(+)-2-(3-бензоилфенил) болып табылады. Ол ауыруды басатын, қабынуға қарсы және ыстықты түсіретін әсерге ие, қабынуға қарсы стероидты емес дәрілер (ҚҚСП) тобына жатады. Әсер ету механизмі Препараттың әсер ету механизмі циклооксигеназаларды тежеу есебінен простагландиндер синтезін төмендетуге негізделген. Атап айтқанда, арахидон қышқылының PGG2 және PGH2 циклдік эндопероксидтеріне айналуы баяулайды, олардан PGE1, PGE2, PGF2α және PGD2 простагландиндері, сондай-ақ PGI2 простациклині және ТхА2 және ТхВ2 тромбоксандары түзіледі. Сонымен қатар, простагландиндер синтезінің бәсеңдеуі, басқа қабыну медиаторларына, мысалы кининдерге әсер етіп, тек тікелей ғана емес, қатыссыз әсерін де қамтамасыз етуі мүмкін. Фармакодинамикалық әсері Декскетопрофеннің циклооксигеназа-1 мен циклооксигеназа-2 белсенділігіне қатысты тежегіштік әсері зертхана жануарлары мен адамдарда көрініс берді. Клиникалық тиімділігі мен қауіпсіздігі Ауырудың алуан түрлері жағдайларындағы клиникалық зерттеулер, декскетопрофен трометамолы айқын анальгетиктік белсенділікке ие екендігін көрсетті. Декскетопрофеннің ауыруды басатын әсері препаратты қабылдағаннан кейін 30 минуттан соң басталады және ұзақтығы 4-6 сағатты құрайды.

Дозалау режимі Препараттың жағымсыз әсерлерін симптомдарды жоюға қажетті ең қысқа уақыт кезеңі ішінде ұсынылған ең төмен дозаларын қолдану арқылы барынша азайтуға болады. Ересектер Ауырудың түрі мен қарқындылығына байланысты ұсынылатын доза әр 8 сағат сайын 25 мг (1 пакет) құрайды. Тәуліктік доза 75 мг-ден аспауы тиіс. Дексалгин® сашет препараты тек қысқа мерзімді қолдануға арналған; емдеу симптомдар болатын кезеңмен шектелуі тиіс. Пациенттердің ерекше топтары Егде жастағы пациенттер Емдеуді ең төмен дозалардан (тәуліктік доза 50 мг) бастау ұсынылады. Препарат жағымдылығы жақсы болса, дозаны әдеттегі мөлшеріне дейін арттыруға болады. Бауыр жеткіліксіздігі бар пациенттер Бауыр функциясының ауырлығы жеңіл және орташа дәрежедегі бұзылуларында емдеуді ең төмен дозалардан (тәуліктік доза 50 мг) және дәрігердің қатаң қадағалауымен бастау керек. Препаратты бауырдың ауыр жеткіліксіздігі бар пациенттерде пайдалануға болмайды. Бүйрек жеткіліксіздігі бар пациенттер Бастапқы дозаны бүйрек функциясының әлсіз бұзылуы бар (креатинин клиренсі 60-89 мл/мин) пациенттерде 50 мг жалпы тәуліктік дозасына дейін төмендету керек. Дексалгин® сашет препаратын бүйрек функциясының орташа немесе ауыр бұзылуы бар (креатинин клиренсі ≤ 59 мл/мин) пациенттерде пайдалануға болмайды. Балалар Балалар және жасөспірімдерде декскетопрофен қауіпсіздігі мен тиімділігі анықталмады. Осыған байланысты препаратты пациенттердің осы тобында пайдалануға болмайды. Енгізу әдісі және жолы Ішке қабылдау үшін. Бір пакеттің ішіндегісін түгел бір стақан суда ерітіңіз, әбден еріп кету үшін жақсылап шайқаңыз/араластырыңыз. Бұл ерітіндіні дайындалған соң бірден қабылдау керек. Ас ішумен бірге қабылдау препараттың сіңуін баяулатады, сондықтан жедел ауыруларда препаратты тамақтанудан, кем дегенде, 15 минут бұрын қабылдау ұсынылады.

Дексалгин® сашет препаратын келесі жағдайларда қолдануға болмайды: • әсер етуші затқа, кез келген басқа ҚҚСП немесе қосымша заттардың кез келгеніне аса жоғары сезімталдығы бар пациенттер • әсер етуі ұқсас заттар (мысалы, ацетилсалицил қышқылы және басқа ҚҚСП) демікпе, бронх түйілуі, жедел ринит ұстамаларының дамуына түрткі болатын немесе мұрын полиптерінің дамуын, есекжем немесе ангионевроздық ісінудің пайда болуын туындататын пациенттер • кетопрофен немесе фибраттармен емдеу кезінде фотоаллергиялық немесе фотоуытты реакциялардың дамуы белгілі пациенттер • осының алдындағы ҚҚСП емімен байланысты асқазан-ішектен қан кету немесе тесілу (перфорация) анамнезінде болған пациенттер • белсенді пептидті ойық жарасы/асқазан-ішектен қан кетуі бар немесе анамнезінде асқазан-ішек қан кетуі, ойық жаралануы немесе тесілуі болған пациенттер • созылмалы диспепсия бар пациенттер • белсенді фазадағы қан кетулері немесе жоғары қанағыштығы бар пациенттер • Крон ауруы, спецификалық емес ойық жаралы колит бар пациенттер • жүректің ауыр жеткіліксіздігі бар пациенттер • бүйрек функциясының орташа немесе ауыр дәрежедегі бұзылуы (креатинин клиренсі ≤ 59 мл/мин) бар пациенттер • бауыр функциясының ауыр бұзылуы (Чайлд-Пью шкаласы бойынша 10-15 балл) бар пациенттер • геморрагиялық диатез немесе қан ұюының басқа бұзылулары бар пациенттер • айқын дегидратация бар пациенттер (құсу, диарея немесе сұйықтықты жеткіліксіз ішу нәтижесінде) • жүктіліктің III-ші триместрі және лактация кезеңі • балалар және 18 жасқа дейінгі жасөспірімдер

Клиникалық сынақтар деректері бойынша декскетопрофенмен (дәрілік түрі – таблетка) байланысы, ең болмаса, болуы мүмкін деп танылған жағымсыз реакциялар, сонымен қатар Дексалгин® сашет түйіршіктері препаратының нарыққа шығарылуынан кейін хабарламалары алынған жағымсыз әсерлер. Жиі: - жүрек айну, құсу, іштің ауыруы, диарея, диспепсия; Жиі емес: - ұйқысыздық, мазасыздық - бас ауыру, бас айналу, ұйқышылдық - вертиго - пальпитация - қан кернеулері - гастрит, іш қату, ауыз кеберсуі, метеоризм - бөртпе - шаршау, ауыру, астения, қалтырау, дімкәстану Сирек: - көмей ісінуі - анорексия - парестезия, естен тану - гипертензия - брадипноэ - пептидті ойық жара, қан кету немесе пептидті ойық жараның тесілуі - гепатоцеллюлярлы зақымдану - есекжем, безеулі бөртпе, қатты терлеу - арқаның ауыруы - бүйректің жедел жеткіліксіздігі, полиурия - етеккір бұзылыстары, қуық асты безінің бұзылыстары - шеткері ісінулер - қалыптан тыс бауыр сынамалары Өте сирек: - нейтропения, тромбоцитопения - анафилаксиялық реакциялар, анафилаксиялық шокты қоса - анық көрмеу - құлақтағы шуыл - тахикардия - гипотензия - бронх түйілуі, ентігу - панкреатит - Стивенс-Джонсон синдромы, уытты эпидермалық некролиз (Лайелл синдромы), ангионевроздық ісіну, беттің ісінуі, фотосезімталдық реакциялары, қышыну - нефрит немесе нефроздық синдром Белгісіз (қолда бар деректер негізінде жиілігін бағалау мүмкін емес): - Коунис синдромы деп аталатын ықтимал ауыр аллергиялық реакцияның белгісі болуы мүмкін кеудедегі ауырсыну - тұрақты дәрілік бөртпе. Тұрақты дәрілік бөртпе деп аталатын тері аллергиялық реакциясына теріде дөңгелек немесе сопақша аймақтың қызаруы мен ісінуі, күлдіреуіктің пайда болуы және қышуы кіруі мүмкін. Зақымдалған аймақта терінің қараюы да пайда болуы мүмкін, ол жазылғаннан кейін де сақталуы мүмкін. Тұрақты дәрілік бөртпе әдетте сол аймақта (жерлерде) қайталанады, егер дәрі бірнеше рет қабылданса. Ас қорыту жолы тарапынан жағымсыз реакциялар бәрінен жиірек байқалады. Осылайша, ас қорыту жолында, әсіресе, егде жастағы тұлғаларда кейде өліммен аяқталатын пептидті ойық жара, тесілу немесе қан кету дамуы мүмкін. Қолда бар деректер бойынша препаратты қолдану аясында жүрек айну, құсу, диарея, метеоризм, іш қату, диспепсия, іштің ауыруы, мелена, қан аралас құсу, ойық жаралы стоматит, колиттің өршуі, Крон ауруы пайда болуы мүмкін. Гастрит сирек білінеді. ҚҚСП қолдану аясында ісінулер, гипертензия және жүрек жеткіліксіздігі болуы да мүмкін. Басқа ҚҚСП қолдану жағдайындағы сияқты, ең алдымен, жүйелі қызыл жегісі немесе дәнекер тіннің аралас аурулары бар пациенттерде туындайтын асептикалық менингит және гематологиялық реакциялар (пурпура, аплазиялық және гемолиздік анемия, сирек - агранулоцитоз және сүйек кемігінің гипоплазиясы) дамуы мүмкін. Буллезді реакциялар, оның ішінде Стивенс-Джонсон синдромы және уытты эпидермалық некролиз (өте сирек) болуы мүмкін. Клиникалық зерттеулер мен эпидемиологиялық деректер нәтижелеріне сай, әсіресе, жоғары дозаларда және ұзақ уақыт бойы кейбір ҚҚСП қолдану артериялардың тромбозы (мысалы, миокард инфарктісі немесе инсульт) туындататын патологияның даму қаупінің сәл артуымен қатар жүруі мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша тікелей ақпараттық дерекқорға хабарласу қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану кезіндегі симптоматика белгісіз. Ұқсас дәрілік заттар асқазан-ішек жолы (құсу, тәбет жоғалту, іштің ауыруы) және жүйке жүйесі (ұйқышылдық, бас айналу, бағдардан жаңылу, бас ауыру) тарапынан бұзылуларды туындатады. Кездейсоқ артық дозалану кезінде пациенттің клиникалық жағдайына сәйкес симптоматикалық емді дереу бастау керек. Егер ересек пациент немесе бала 1 сағат ішінде дене салмағына > 5 мг/кг доза қабылдаса, белсендірілген көмір қабылдау керек. Декскетопрофен трометамолын шығару үшін гемодиализді пайдалануға болады.

Арнайы сақтандырулар Дексалгин® сашет анамнезінде аллергиялық реакциялар бар пациенттерде сақтықпен қолданылады. Препаратты басқа ҚҚСП, оның ішінде ЦОГ-2 селективті тежегіштерімен бір мезгілде қолданудан аулақ болу керек. Препараттың жағымсыз құбылыстарын симптомдарды бақылауға қажетті мүмкіндігінше қысқа кезең ішінде ең төмен дозаларда қолдану жолымен барынша азайтуға болады. Асқазан-ішек жолына қатысты қауіпсіздігі Емдеу барысында кез келген сәтте барлық ҚҚСП-ны қолданғанда өліммен аяқталуы мүмкін асқазан-ішек қан кетуі, ойық жарасы немесе тесілуі анамнезінде күрделі асқазан-ішек құбылыстарынан сақтандыру симптомдары мен нұсқаулары болған немесе болмаған кезде байқалды. Асқазан-ішек қан кетуі, ойық жарасы немесе тесілуінің туындау қаупі анамнезінде ойық жарасы бар, әсіресе, ол қан кетумен немесе тесілумен асқынған пациенттерде және егде жастағы адамдарда ҚҚСП дозаларын арттырғанда жоғарылайды. Егде жастағы пациенттерде ҚҚСП жағымсыз реакцияларының, әсіресе, өліммен аяқталуы мүмкін асқазан-ішектен қан кету мен тесілудің туындау жиілігі артады. Осындай пациенттерді емдеу болжамды ең төмен дозадан басталу керек. Барлық ҚҚСП жағдайындағы сияқты, декскетопрофен трометамолымен емдеуді бастар алдында олардың жазылғанына толық көз жеткізу үшін эзофагит, гастрит және/немесе пептидті ойық жара туралы кез келген көрсетілімдер тұрғысынан анамнезді зерттеу қажет. Асқазан-ішек жолы тарапынан симптомдары немесе асқазан-ішек жолының созылмалы аурулары бар пациенттерге ас қорыту бұзылуларын, әсіресе, асқазан-ішектен қан кетуді бақылау керек. Асқазан-ішек жолының аурулары (ойық жаралы колит, Крон ауруы) бар пациенттер, олардың жай-күйінің өршуі мүмкін екендіктен, сақтықпен ҚҚСП қабылдау керек. Осындай пациенттерге асқазан-ішек жолын қорғау әсерін көрсететін препараттармен (мизопростол, протонды помпа тежегіштері) біріктірілген ем тағайындауға болады. Бұл ацетилсалицил қышқылын төмен дозаларда немесе асқазан-ішек жолы тарапынан асқынулардың даму қаупін арттыратын басқа дәрілерді біріктіріп қолдану керек болатын пациенттерге де қатысты. Анамнезінде асқазан-ішек жолының уыттануы бар, атап айтқанда, егде жастағы пациенттер, әсіресе, емдеудің бастапқы сатыларында кез келген әдеттен тыс абдоминальді симптомдар (әсіресе, асқазан-ішектен қан кету) туралы хабарлауы тиіс. Оральді кортикостероидтар, варфарин сияқты антикоагулянттар, серотонинді кері қармайтын селективті тежегіштер немесе ацетилсалицил қышқылы сияқты антитромбоциттік препараттар сияқты ойық жаралану немесе қан кету қаупін арттыруы мүмкін қатарлас препараттарды қабылдап жүрген пациенттерде сақ болу керек. Бүйрекке қатысты қолдану қауіпсіздігі Бүйрек функциясының бұзылуы бар пациенттерге препарат сақтықпен тағайындалу керек, өйткені осындай пациенттерде ҚҚСП қолдану бүйрек функциясының нашарлауын, организмде сұйықтық іркілісін, ісінулердің пайда болуын тудыруы мүмкін. Дексалгин® сашет диуретиктер қабылдап жүрген пациенттерге және гиповолемияның даму қаупі бар пациенттерге, нефроуыттылықтың даму қаупі жоғары болатындықтан, сақтықпен тағайындалады. Сусызданудың және, болжамды түрде, онымен байланысты жоғары нефроуыттылықтың алдын алу үшін емдеу кезінде талапқа сай сұйықтық ішу қамтамасыз етілуі тиіс. Декскетопрофен, басқа ҚҚСП сияқты, қан плазмасында мочевина азоты мен креатинин деңгейін арттыра алады. Простагландиндер синтезінің басқа тежегіштері сияқты, декскетопрофенді қолдану гломерулонефрит, интерстициальді нефрит, папулалық некроз, нефроздық синдром және бүйректің жедел жеткіліксіздігіне әкелуі мүмкін бүйрек тарапынан жағымсыз реакциялармен қатар жүруі мүмкін Егде жастағы тұлғалар өздерінде бүйрек функциясы бұзылуларының дамуына бейімірек. Бауырға қатысты қолдану қауіпсіздігі Дексалгин® сашет бауыр функциясының бұзылуы бар пациенттерге сақтықпен тағайындалу керек. Декскетопрофен бауырдың кейбір параметрлерінің қысқа мерзімді болымсыз артуын, сондай-ақ едәуір АсАТ және АлАТ ұлғаюын тудыруы мүмкін. Осы көрсеткіштердің тиісінше артуы жағдайында емдеу тоқтатылуы тиіс. Егде жастағы тұлғалар өздерінде бауыр функциясы бұзылуының дамуына бейімірек. Жүрек-қантамыр жүйесіне әсері қатысты қолдану қауіпсіздігі Анамнезінде гипертензия және/немесе жеңілден орташа дәрежеге дейінгі жүрек жеткіліксіздігі бар пациенттер үшін тиісті мониторинг қажет. Анамнезінде жүрек аурулары, әсіресе, жүрек жеткіліксіздігінің көріністері бар пациенттерге, жүрек жеткіліксіздігінің жоғары пайда болу қаупі және ҚҚСП емдеуімен байланысты сұйықтық іркілісі және ісінулер мәлімделгендіктен, препаратты тағайындау кезінде ерекше сақ болу қажет. Клиникалық зерттеулер мен эпидемиологиялық деректер кейбір ҚҚСП қолданудың (әсіресе, жоғары дозаларда және ұзақ уақыт емдеу кезінде) кейбір артериялық тромбоз асқынулары (мысалы, миокард инфарктісі немесе инсульт) қаупінің сәл артуымен байланысты болуы мүмкін екенін айғақтайды. Декскетопрофен үшін осындай қауіпті жоққа шығару үшін жеткілікті ақпарат жоқ. Бақыланбайтын гипертензия, жүректің іркілісті жеткіліксіздігі, жүректің ишемиялық ауруы, шеткері артериялар зақымдануы және/немесе цереброваскулярлы бұзылулары бар пациенттерге декскетопрофен пайда мен қауіп арақатынасын мұқият бағалаудан кейін ғана тағайындалады. Дәл осы қағида бойынша гиперлипидемия, гипертензия, қант диабеті сияқты жүрек-қантамыр ауруларының қауіп факторлары бар пациенттерде және егер пациент шылым шегетін жағдайда декскетопрофенмен ұзақ уақыт емдеуді тағайындаудың мақсатқа сай болуы бағаланады. Декскетопрофен қабылдайтын пациенттерде Коунис синдромының дамуы хабарланған. Коунис синдромы коронарлық артериялардың тарылуымен байланысты аллергиялық немесе жоғары сезімталдық реакциясынан туындаған және ықтимал миокард инфарктісіне әкеп соқтыратын жүрек-қантамыр симптомдарының жиынтығы ретінде анықталады. Барлық селективті емес ҚҚСП тромбоциттер агрегациясын тежеуі және простагландиндер синтезін тежеу жолымен қан кету уақытын ұзартуы мүмкін. Осылайша, варфарин немесе басқа кумариндер немесе гепариндер сияқты гемостазға ықпал ететін препараттармен ем алып жүрген пациенттерде декскетопрофен қолдану ұсынылмайды. Егде жастағы тұлғалар өздерінде жүрек-қантамыр жүйесінің функциясы бұзылуларының дамуына бейімірек болады. Тері реакциялары ҚҚСП қолданумен байланысты эксфолиативті дерматит, Стивенс-Джонсон синдромы және уытты эпидермалық некролизді қоса, тері реакциялары (кейбірі өліммен аяқталған) туралы өте сирек хабарланды. Бәрінен жиірек жағымсыз реакциялар емдеудің басында; көпшілік жағдайларда – емдеудің алғашқы айында дамиды. Тері бөртпесінің алғашқы көріністерінде, шырышты қабық зақымдануында немесе аса жоғары сезімталдықтың басқа көріністерінде Дексалгин® сашет дереу тоқтатылу керек. Негізгі инфекциялар симптомдарының бүркемеленуі Декскетопрофен инфекция симптомдарын бүркемелеуі мүмкін, бұл тиісті емдеудің басталу кідірісіне әкелуі және инфекция нәтижесін нашарлатуы мүмкін. Бұл ауруханадан тыс бактериялық пневмонияда және желшешектің бактериялық асқынуларында байқалды. Препарат инфекциямен байланысты ауырсынуды жеңілдету үшін қолданғанда инфекция ағымын мониторингтеу ұсынылады. Стационармен байланыссыз жағдайларда, егер симптомдар сақталса немесе нашарлап кетсе, пациент дәрігерге қаралуы тиіс. Қосымша ақпарат Препарат: - порфирин метаболизмінің туа біткен бұзылуы (мысалы, жедел ұстамалы порфирия) бар; - сусыздануы бар; - тікелей ауқымды операциялық араласулардан кейінгі пациенттерге тағайындалғанда айрықша сақтандыру шаралары қажет болады. Ұзақ мерзімді емдеу қажет болса, қан көрінісіне, бауыр және бүйрек функциясына бақылау жүргізілуі тиіс. Аса жоғары сезімталдықтың ауыр жедел реакциялары (мысалы, анафилаксиялық шок) өте сирек жағдайларда байқалды. Декскетопрофенді қабылдаудан кейін аса жоғары сезімталдықтың ауыр реакцияларының бірінші белгілерінде емдеу тоқтатылуы тиіс. Симптомдарға байланысты барлық медициналық емшараларды дәрігер-мамандар жүргізуі тиіс. Созылмалы ринитпен, созылмалы синуситпен және/немесе мұрын полиптерімен біріккен демікпеден зардап шегіп жүрген пациенттерде ацетилсалицил қышқылына және/немесе ҚҚСП аллергиясының даму қаупі өте жоғары болады. Декскетопрофенді қабылдау, әсіресе, ацетилсалицил қышқылына немесе ҚҚСП аллергиясы бар пациенттерде демікпе немесе бронх түйілуі ұстамаларын тудыруы мүмкін. Айрықша жағдайларда, желшешек терінің және жұмсақ тіндер инфекцияларының күрделі асқынуларына себеп болуы мүмкін. Қазіргі уақытта осы атап көрсетілген инфекциялар ағымының нашарлауында ҚҚСП рөлін жоққа шығаруға болмайды. Сол себепті, желшешек жағдайында Дексалгин® сашет препаратын қолданбауға кеңес беріледі. Дексалгин® сашет гемопоэз бұзылулары, жүйелі қызыл жегі немесе дәнекер тіннің аралас аурулары бар пациенттерге сақтықпен тағайындалу керек. Бұл препараттың құрамында сахароза бар. Осыған байланысты оны фруктоза жақпаушылығы, глюкоза-галактоза мальабсорбциясы синдромы немесе сахараза-изомальтаза тапшылығы сияқты сирек тұқым қуалайтын аурулары бар пациенттерге қолдануға болмайды. Мұны қант диабеті бар пациенттерде ескеру керек. Балаларда қолдану Балалар мен жасөспірімдерде қолдану қауіпсіздігі анықталмаған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дексалгин® сашет препаратын қабылдау кезінде бас айналу, көру бұзылулары немесе ұйқышылдық сияқты жағымсыз әсерлер пайда болуы мүмкін, сондықтан ол ұйқышылдық пен бас айналудың пайда болу мүмкіндігіне орай, реакцияға және көлік құралдарын басқару мен механизмдер қызметін көрсету қабілетіне әлсіз немесе орташа әсер етеді.

Жүктілік Простагландиндер синтезін басу жүктілікке және / немесе эмбрион мен шарананың дамуына теріс әсер етуі мүмкін. Эпидемиологиялық бақылаулардың нәтижелеріне сәйкес, жүктіліктің ерте кезеңдерінде простагландиндердің синтезін басатын препараттарды қолдану түсік тастау, шаранада жүрек ақауының пайда болу және құрсақтың алдыңғы қабырғасының бітпеуі қаупін арттырады. Сонымен, жүрек-қантамыр жүйесі ауытқуларының дамуының абсолютті қаупі < 1% - дан шамамен 1,5% - ға дейін өсті. Дозаның жоғарылауымен және емнің ұзақтығымен қауіп артады деп саналады. Жүктіліктің 20-шы аптасынан бастап декскетопрофенді қолдану шарананың бүйрек функциясының бұзылуы нәтижесінде олигогидрамниозды тудыруы мүмкін. Бұл емдеу басталғаннан кейін көп ұзамай пайда болуы мүмкін және олигогидрамниоз жойылғаннан кейін, бұл әдетте қайтымды болады. Сонымен қатар, екінші триместрде қабылданған емді тоқтатқаннан кейін артериялық түтіктің тарылуы туралы хабарламалар болды, бірақ емделгеннен кейін көпшілігі қалпына келді. Сондықтан, жүктіліктің бірінші және екінші триместрінде декскетопрофенді тағайындауды тек аса қажеттілік болғанда жүргізу тиіс. Жүктілікті жоспарлап жүрген әйел немесе жүктіліктің бірінші немесе екінші триместрінде декскетопрофенді тағайындағанда қысқа емдеу ұзақтығы кезінде ең аз дозаны таңдау керек. Декскетопрофенді жүктіліктің 20-шы аптасынан бастап бірнеше күн бойы қолданғаннан кейін олигогидрамниоздың антенатальді мониторингісі және артериялық түтіктің тарылуы туралы мәселені қарау керек. Егер олигогидрамниоз немесе артериялық түтіктің тарылуы анықталса, декскетопрофенді қабылдауды тоқтату керек. Жүктіліктің үшінші триместрінде простагландиндер синтезі тежегіштерін қолдану аясында ұрықта келесі ауытқулар болуы мүмкін: - жүрек-өкпе уыттылығының көріністері (артериялық түтіктің мерзімінен бұрын тарылуы/жабылуы және өкпе артериясы жүйесіндегі гипертензия); - бүйрек дисфункциясы (жоғарыдан қараңыз). Жүктіліктің соңында анада және жаңа туған нәрестеде келесі құбылыстар мүмкін: - қан кету уақытының ұлғаюы-тромбоциттер агрегациясының тежелу әсері, тіпті препаратты өте төмен дозаларда қолданғанда да мүмкін; - босанудың кешеуілдеуіне немесе созылуына әкелетін жатырдың жиырылу белсенділігінің бәсеңдеуі. Бала емізу Декскетопрофеннің ана сүтіне енуі туралы деректер жоқ. Дексалгин® сашет лактация кезеңінде қолдануға қарсы көрсетілімді. Фертильділік Басқа да ҚҚСП сияқты, декскетопрофен әйелдерде бала туу функциясына теріс ықпалын тигізуі мүмкін; сондықтан препарат жүктілікті жоспарлап жүрген әйелдерге ұсынылмайды. Бала көтеру қабілетінің кінәраттары бар немесе бедеулік бойынша тексеруден өтіп жүрген әйелдерде декскетопрофенді тоқтату мүмкіндігін қарастыру керек.

Ұсынылмайтын біріктірілімдер Басқа ҚҚСП (циклооксигеназа-2 селективті тежегіштерін қоса) және жоғары дозалардағы салицилаттар (≥ 3 г/тәулік): синергиялық әсер ету есебінен асқазан-ішек жолының ойық жаралары мен қан кетулерінің туындау қаупі артады. Антикоагулянттар: ҚҚСП декскетопрофеннің плазма ақуыздарымен жоғары байланысу деңгейіне, тромбоциттер функциясының тежелуіне және гастродуоденальді шырышты қабық зақымдануына байланысты варфарин сияқты антикоагулянттар әсерін күшейтуі мүмкін. Егер осындай біріктірілімді қолданбау мүмкін болмаса, зертханалық көрсеткіштерді тиісті бақылаумен пациенттің жай-күйін мұқият бақылау қажет. Гепариндер: қан кету қаупі артады (тромбоциттер функциясының тежелуіне және гастродуоденальді шырышты қабықтың зақымдануына байланысты). Егер осындай біріктірілімді қолданбау мүмкін болмаса, зертханалық көрсеткіштерді тиісті бақылаумен пациенттің жай-күйін мұқият бақылау қажет.Кортикостероидтар: асқазан-ішек жолында ойық жаралар мен қан кетулердің туындау қаупі артады. Литий: ҚҚСП бүйрекпен бөлінуін азайту есебінен уытты мәндерге жетуі мүмкін қандағы литий деңгейін арттырады. Қандағы литий деңгейін декскетопрофенмен емнің басында, дозасын түзету және емдеуді тоқтату кезінде бақылап отыру қажет. Метотрексат жоғары дозаларда (аптасына 15 мг және одан жоғары): метотрексаттың гематологиялық уыттылығы ҚҚСП қолдану аясында оның бүйрек клиренсінің азаюы есебінен артады. Гидантоиндер және сульфонамидтер: бұл заттардың уытты қасиеттері күшеюі мүмкін. Қолдану кезінде сақтандыруды талап ететін біріктірілімдер Диуретиктер, ангиотензин өзгертуші фермент (АӨФ) тежегіштері, аминогликозидтер тобының антибиотиктері және ангиотензин II рецепторларының антагонистері: декскетопрофен диуретиктер мен гипертензияға қарсы басқа дәрілердің әсерін әлсіретуі мүмкін. Бүйрек функциясының бұзылуы бар кейбір пациенттерде (мысалы, сусыздану кезінде немесе бүйрек функциясының бұзылуы бар егде жастағы тұлғаларда) АӨФ тежегіштерімен, ангиотензин II рецепторларының антагонистерімен және аминогликозидтер тобының антибиотиктерімен ЦОГ әсерін бәсеңдететін дәрілерді бір мезгілде қолдану кезінде олардың жай-күйі нашарлауы мүмкін. Әдетте, бұл нашарлау қайтымды сипатта болады. Декскетопрофенді кез келген диуретик дәрімен бір мезгілде қолданғанда пациенттің талапқа сай гидратацияланғанына сенімді болу және емдеудің басында бүйрек функциясына бақылау жүргізу қажет. Метотрексат төмен дозаларда (аптасына 15 мг-ден кем): метотрексаттың гематологиялық уыттылығының ҚҚСП қолдану аясында оның бүйрек клиренсінің төмендеуіне байланысты жоғарылауы. Алғашқы емдеу апталарында, әсіресе, тіпті бүйрек функциясының шамалы төмендеуі болғанда, сондай-ақ егде жастағы тұлғаларда қан көрінісін апта сайын бақылау қажет. Пентоксифиллин: қан кету қаупі артады, клиникалық қадағалау және қан кету уақытын бақылау қажет. Зидовудин: ҚҚСП тағайындаудан кейін бір аптадан соң ауыр анемияның дамуымен ретикулоциттерге әсері себеп болатын эритроциттерге уытты әсер ету қаупінің артуы. Қанның барлық жасушалық элементтерін, оның ішінде ретикулоциттерді ҚҚСП емінің басталуынан кейін 1-2 аптадан соң бақылау қажет. Сульфонилмочевина: ҚҚСП қан ақуыздарымен байланыстардан ығыстыру есебінен сульфонилмочевинаның гипогликемиялық әсерін күшейте алады. Ерекше назар аударуды талап ететін біріктірілімдер β-блокаторлар: ҚҚСП емдеуі простагландиндер синтезін бәсеңдету есебінен олардың гипертензияға қарсы әсерін төмендетуі мүмкін. Циклоспорин және такролимус: ҚҚСП бүйрек простагландиндерінің әсері себеп болатын нефроуыттылықты күшейтуі мүмкін. Біріктірілген ем жүргізу кезінде бүйрек функциясын бақылап отыру қажет. Тромболитиктер: қан кетулердің даму қаупі артады. Тромбоциттер агрегациясының тежегіштері және серотонинді кері қармайтын селективті тежегіштер: асқазан-ішектен қан кетудің туындау қаупі артады. Пробенецид: плазмадағы декскетопрофен концентрациялары жоғарылауы мүмкін, бұл өзекшелік секрецияның тежелу және глюкурон қышқылымен конъюгациялану себебінен болуы мүмкін. Бұл декскетопрофен дозасын түзетуді талап етеді. Жүрек гликозидтері: қан плазмасында олардың концентрациясы жоғарылауы мүмкін. Мифепристон: простагландин-синтетаза тежегіштері мифепристон тиімділігін өзгерте алады деген теориялық қауіп бар. Шектеулі деректер простагландиндерді қабылдаған күні бір мезгілде ҚҚСП қолданудың жатыр мойнының жетілуіне немесе жиырылу қабілетіне қатысты мифепристон немесе простагландин әсерлеріне теріс әсер етпейтінін және жүктілікті дәрі-дәрмекпен тоқтатудың клиникалық тиімділігін төмендетпейтінін көрсетеді. Хинолонды антибиотиктер: жануарлардан алынған деректер ҚҚСП-мен біріктіріп жоғары дозаларда қолдану құрысулардың даму қаупін арттыруы мүмкін екенін көрсетеді. Тенофовир: ҚҚСП-мен бір мезгілде қолдану қан плазмасындағы мочевина азоты мен креатинин деңгейлерін арттыруға қабілетті; бүйрек функциясына ықтималды синергиялық әсерін бақылау үшін бүйрек функциясына мониторинг өткізу қажет. Деферазирокс: ҚҚСП-мен бір мезгілде қолдану асқазан-ішек уыттануының қаупін арттыруға қабілетті. Деферазироксты осы заттармен біріктірілімде қолданғанда мұқият клиникалық мониторинг өткізу ұсынылады. Пеметрексед: ҚҚСП-мен бір мезгілде қолдану пеметрексед шығарылуын төмендетуге қабілетті, сондықтан ҚҚСП жоғарырақ дозаларын қабылдау кезінде сақ болу керек. Бүйректің әлсіз немесе орташа жеткіліксіздігі (креатинин клиренсі 45-тен 79 мл/мин дейін) бар пациенттерде пеметрекседті қабылдауға дейін 2 күн ішінде және одан кейін 2 күн бұрын ҚҚСП дозаларымен пеметрекседті бір мезгілде қолданбаған дұрыс.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!