БИОВЕН раствор 10%

1 мл препараттың құрамында Белсенді зат - адамның қалыпты иммуноглобулині 0.1 г, Қосымша заттар: глицин, инъекцияға арналған су. Сыртқы түрінің, иісінің, дәмінің сипаттамасы Мөлдір немесе сәл бозаңданатын, түссіз немесе сәл сарғыш сұйықтық.

Ересектерде орын басу емі - антиденелер өндірілуінің бұзылуымен бастапқы иммун тапшылығы синдромы - созылмалы лимфалық лейкемиясы бар пациенттердегі гипогаммаглобулинемия және қайталамалы бактериялық инфекцияларда, антибиотиктермен профилактикалық емдеу нәтиже бермегенде - пневмококктарға қарсы иммунизацияға жауап бермейтін, плато сатысындағы миелома ауруы бар пациенттердегі гипогаммаглобулинемия және қайталамалы бактериялық инфекциялар - гемопоэздік дің жасушаларының аллогенді трансплантациясы (ГДЖТ) жасалған пациенттердегі гипогаммаглобулинемия - қайталамалы бактериялық инфекциялармен бірге туа біткен ЖИТС Ересектерде иммундық модуляциялау емі - бастапқы идиопатиялық тромбоцитопениялық пурпурада (ИТП), қан кету қаупі жоғары пациенттерде жасалатын операция алдында тромбоциттер санын түзету үшін - Гийен-Барре синдромы - Кавасаки ауруы - созылмалы қабынумен болатын демиелинизациялаушы полинейропатия (СҚДП). COVID-19/SARS-CoV-2 коронавирустық инфекциясынан туындаған ауыр пневмониясы бар ересек пациенттерді кешенді емдеу құрамында қолдану

Препарат иммунологиялық белсенді ақуыз фракциясы болып табылады (препараттағы иммуноглобулин G қосалқы кластарының таралуы: IgG1: 65.6 %; IgG2: 22.1 %; IgG3: 10.8 %; IgG4: 1.5 %. Иммуноглобулин А шектік мөлшері 50 мкг/мл құрайды. Препараттың әсер етуші компоненті аурулардың, вирустар мен бактериялардың, оның ішінде А және В гепатиті, герпес, желшешек, тұмау, қызылша, паротит, полиомиелит, қызамық, көкжөтел, стафилококк, ішек таяқшасы, пневмококктың әртүрлі қоздырғыштарына қарсы спецификалық белсенділігі бар антидене болып табылады. Ол сондай-ақ организмнің резистенттілігін арттыруда көрініс табатын, спецификалық емес белсенділікке ие. Төмен кездейсоқ антикомплементарлы белсенділікке ие. Препарат табиғи иммуноглобулин G болып табылады, барлық биологиялық қасиеттерін: комплементті белсендіру, эффекторлық және опсоно-фагоцитарлық функцияларды сақтайды. Препараттың тиімді дозалары иммуноглобулин G төмен деңгейін оның қалыпты мәніне дейін қалпына келтіре алады. Орын басу емінен басқа көрсеткіштердегі әсер ету механизмі толығымен түсініксіз, бірақ иммуномодуляциялайтын әсерлерді қамтиды. Препарат инфекция қоздырғыштарының пациенттерге берілуін болдырмауға бағытталған стандартты шараларды қолдана отырып, адамның қан плазмасынан бөлінген иммунологиялық белсенді ақуыз фракциясы болып табылады. Оларға мыналар жатады: донорларды мұқият іріктеу, инфекциялық агенттердің маркерлері бар плазманың жеке бөліктері мен пулдарын тексеру, вирустарды белсенділігінен айыру/жою үшін тиімді өндірістік қадамдарды енгізу. БИОВЕН дәрілік препаратын COVID-19 / SARS-CoV-2 коронавирустық инфекциясынан туындаған ауыр пневмониясы бар пациенттерге кешенді ем құрамында қолданудың клиникалық тиімділігі оның иммуномодуляциялық әсер ету қасиетімен қамтамасыз етіледі. Нәтижесінде жедел респираторлық дистресс синдромының айқындылығы төмендейді және нәтижесінде тыныс алу жеткіліксіздігінің деңгейі төмендейді. Клиникалық тиімділіктің болуы «COVID-19 / SARS-CoV-2 (зерттеу коды - 2020 BV-BP) коронавирустық инфекциясынан туындаған пневмониямен ауыратын пациенттерді кешенді емдеуде «Биофарма Плазма» ЖШС өндірген, БИОВЕН препаратының тиімділігін бағалау бойынша ашық көп орталықты рандомизацияланған зерттеу» клиникалық зерттеу аясында расталды. Зерттеуге барлық критерийлер бойынша расталған диагнозы бар 76 пациент қатысты. Скринингтен өткен және жоққа шығару критерийлері жоқ 66 пациент 2 топқа рандомизацияланды (зерттелетін топ-БИОВЕН + негізгі ем және бақылау тобы - тек негізгі ем). Пациенттерде тыныс алу жүйесі жұмысының көрсеткіштері, жалпы жағдайы, қарқынды емге қажеттіліктің ұзақтығы, өкпені жасанды желдету (ӨЖЖ) қажеттілігі, емдеудің жалпы мерзімі анықталды. Сондай-ақ, 28 күндік бақылау кезеңінде өмір сүру деңгейі, зертханалық қан көрсеткіштері (жалпы талдау және биохимиялық), цитокиндердің деңгейі, қабыну факторлары және иммундық жүйенің басқа да көрсеткіштері бағаланды. Зерттеу нәтижелері бойынша негізгі айнымалы бойынша жоғары тиімділік дәлелденді. Жай-күйдің жақсаруы тезірек болады: зерттелетін топ - 5 күнге (тоқсанаралық аралық - 3,50-7,25 күн), бақылау тобы - 9 күнге (тоқсанаралық аралық - 6,00-14,75 күн), р = 0, 0073. Зерттелетін топтағы пациенттердің жағдайын тұрақтандыруға қол жеткізу ықтималдығы бақылау тобындағы пациенттерге қарағанда 2,27 есе жоғары (95% сенімді аралық (СА) - 1,26-4,11, р = 0,006). Басым тиімділік екіншілік айнымалылармен де расталады. Емдеу схемасында БИОВЕНДІ қолданған кезде COVID-19 - дан болған өлім - жітім расталған түрде едәуір төмен болып табылады: зерттелетін топта-6,25% (32 қатысушыдан 2 жағдай), бақылау тобында-23,63% (34 қатысушыдан 8 жағдай), р = 0,039. Лимфопенияның ұзақтығы да расталған түрде азаяды. Зерттелетін топта лимфоциттер деңгейіне жету медианасы 1000 кл/мм3 және одан жоғары - 4-ші күнге (квартиль аралық интервал - 3,00-5,00 күн), бақылау тобында - 7-ші күнге (квартиль аралық интервал-3,00-7,50 күн), р = 0,0097.

Дозалау режимі Орын басу емі иммундық тапшылықты емдеу тәжірибесі бар дәрігердің қадағалауымен жүргізілуі тиіс. Доза және дозалау режимі көрсетілімдерге байланысты. Орын басу емінде, фармакокинетикалық көрсеткіштерді және қол жеткізілген клиникалық әсерін ескере отырып, дозасы әр пациент үшін әркімге жеке таңдалуы тиіс. Бастапқы иммундық тапшылық синдромы кезіндегі орын басу емі: Бастапқы иммундық тапшылық синдромы кезіндегі алмастырушы терапия: • Бастапқы иммундық тапшылықтар тұсындағы орын басу емінің мақсаты плазмадағы IgG кем дегенде 5-6 г/л деңгейін қамтамасыз ету болып табылады (әр келесі инфузияның алдында анықтау жүргізген жөн). Тепе-тең күйді анықтау үшін 3-тен 6 айға дейін қажет болады. Ұсынылатын бастапқы доза 0,4-0,8 г/кг құрап, әр 3-4 апта сайын 0,2 г/кг енгізуге ұласады. • Ең төмен 5-6 г/л деңгейіне жетуге қажетті доза айына 0,2-0,8 г/кг құрайды. • Тұрақты деңгейіне жеткенде енгізулер арасындағы аралық 3-4 аптаны құрайды. Ең төмен деңгейін инфекциялардың туындау жиілігіне байланысты өлшеу және бағалау қажет. Инфекциялардың даму жиілігін төмендету үшін дозасын арттыру және ең төмен жоғарырақ деңгейі қажет болуы мүмкін. Созылмалы лимфалық лейкемиясы бар пациенттердегі гипогаммаглобулинемия және қайталамалы бактериялық инфекциялар, антибиотиктермен профилактикалық емдеу нәтиже бермегенде; пневмококктарға қарсы иммунизацияға жауап бермейтін плато сатысындағы миелома ауруы бар пациенттердегі гипогаммаглобулинемия және қайталамалы бактериялық инфекциялар; қайталамалы бактериялық инфекциялармен туа біткен ЖИТС: • Ұсынылатын доза әр 3-4 апта сайын 0,2-0,4 г/кг құрайды. Гемопоэздік дің жасушаларының аллогенді трансплантациясы (ГДЖТ) жасалған пациенттердегі гипогаммаглобулинемия: • Ұсынылатын доза әр 3-4 апта сайын 0,2-0,4 г/кг құрайды. 5 г/л-ден жоғары ең жоғары деңгейін сақтау керек. • Бастапқы идиопатиялық тромбоцитопениялық пурпура (ИТП): Екі баламалы емдеу сызбасы ұсынылады: • күніне 1 рет 0,8-1 г/кг, қажет болған жағдайда – 3-ші күні қайталап енгізу • 2-5 тәулік ішінде 0,4 г/кг. • Емдеуді көрініс қайталанған жағдайда да қайталауға болады. • Гийен-Барре синдромы: • күніне 0,4 г/кг 5 тәулік бойы. • Кавасаки ауруы: 2-5 тәулікке бөлінген дозалармен 1,6-2,0 г/кг немесе 2,0 г/кг дозамен енгізеді. Пациенттерге ацетилсалицил қышқылын бір мезгілде қабылдау керек. Созылмалы қабынумен болатын демиелинизациялаушы полинейропатия (СҚДП): • 2 г (20 мл)/кг) бірдей бөліктерге бөлінеді және әр 4 апта қатарынан 5 күнге дейін бастапқы доза ретінде енгізіледі. • Демеуші доза (доза және дозалау аралықтары) әрбір жекелеген клиникалық жағдайға қарай таңдалуы тиіс. Егер алғашқы 3 ай ішінде жақсару байқалмаған жағдайда емдеуді тоқтату керек. • COVID-19/SARS-CoV-2 коронавирустық инфекциясынан туындаған ауыр пневмониясы бар ересек пациенттерді кешенді емдеу құрамында қолдану • Ұсынылатын доза 2 тәулік ішінде тәулігіне дене салмағына шаққанда 0,8-1,0 г/кг (курстық доза дене салмағына 1,6-2,0 г/кг) құрайды. • Инъекция жиілігін және енгізу жылдамдығын пациенттің жағдайына байланысты дәрігер анықтайды. Тәуліктік доза инфузиялық емнің ең жоғары рұқсат етілген тәуліктік көлемінен аспау себептері бойынша түзетілуі мүмкін. Қанның ұю жүйесі мен диурездің жағдайын, әсіресе артық салмақпен ауыратын пациенттерде бақылау міндетті болып табылады. Дозалау бойынша ұсынымдар келесі кестеде берілген: Көрсетілімі — Дозасы — Енгізу жиілігі Бастапқы иммундық тапшылық кезіндегі орын басу емі — бастапқы доза: 0,4-0,8 г/кг одан кейін: 0,2-0,8 г/кг — кем дегенде 5-6 г/л IgG ең төмен деңгейін алу үшін әр 3-4 апта сайын. Екіншілік иммундық тапшылық кезіндегі орын басу емі — 0,2-0,4 г/кг — кем дегенде 5-6 г/л IgG ең төмен деңгейін алу үшін әр 3-4 апта сайын Туа біткен ЖИТС — 0,2-0,4 г/кг — әр 3-4 апта сайын Гемопоэздік дің жасушаларының аллогенді трансплантациясы жасалған пациенттердегі гипогаммаглобулинемия (< 4г/л): — 0,2-0,4 г/кг — 5 г / л-ден жоғары минималды IgG деңгейіне жету үшін әр 3-4 апта сайын Иммуномодуляция: Бастапқы идиопатиялық тромбоцитопениялық пурпура — 0,8-1,0 г / кг немесе тәулігіне 0,4 г/кг — бірінші күні, 3 күн ішінде бір рет қайталауға болады 2-5 тәулік ішінде Гийен-Барре синдромы — тәулігіне 0,4 г/кг — 5 тәулік ішінде Кавасаки синдромы — 1,6-2 г/кг немесе 2 г/кг — ацетилсалицил қышқылымыен бірге 2-5 күн бойы бөлінген доза ацетилсалицил қышқылымен бірге бір реттік доза Созылмалы қабынумен болатын демиелинизациялаушы полинейропатия (СҚДП) — бастапқы доза: 2 г/кг демеуші доза — әр 4 аптада 5 күн бойы бөлінген доза. Доза аралығы және дозалау жеке клиникалық реакцияға қарай икемделуі тиіс Кешенді ем COVID-19/SARS-CoV-2 коронавирустық инфекциясынан туындаған ауыр пневмониямен ауыратын ересек пациенттер — ұсынылатын доза: күніне 0,8-1,0 г / кг курстық доза: дене салмағының 1,6-2,0 г/кг). — 2 тәулік ішінде Пациенттердің ерекше топтары Балалар Препаратты педиатриялық практикада қолдану тәжірибесі жоқ. Енгізу әдісі мен жолы Вена ішіне енгізуге арналған. БИОВЕН 10% (100 мг/мл) 30 минут ішінде дене салмағының минутына 0,01 мл/кг жылдамдықпен вена ішіне енгізу керек. Жақсы жағымдылық жағдайында енгізу жылдамдығы минутына 0,12 мл/кг дене салмағының максимумына дейін біртіндеп ұлғайтылуы мүмкін.

Препарат компоненттерінің кез келгеніне аса жоғары сезімталдық. Гомологиялық иммуноглобулиндерге аса жоғары сезімталдық, әсіресе өте сирек жағдайда IgA тапшылығының, пациентте IgA антиденелері болған кезде. Иммуноглобулинді енгізу адам қанының ақуыз препараттарын енгізуге анамнезінде ауыр аллергиялық реакциялары бар адамдарға қарсы көрсетілімді. Аллергиялық ауруларға шалдыққан немесе аллергиялық реакцияларға бейімді адамдарға иммуноглобулин енгізу кезінде және келесі 8 тәулікте антигистаминді дәрілер ұсынылады. Иммунопатологиялық жүйелік аурулардан (қанның иммундық аурулары, коллагеноз, нефрит) зардап шегетін адамдарға препаратты тиісті маманмен кеңесуден кейін тағайындау керек. Аллергиялық процестің өршуі кезінде препаратты өмірлік көрсеткіштері бойынша аллергологтың қорытындысынан кейін енгізу керек. Қолдану үшін қажетті сақтық шаралары Препаратты асептика ережелерін сақтай отырып, стационар жағдайында ғана қолдану керек. Пайдаланар алдында препаратты (20±2) °С температурада кемінде 2 сағат ұстау керек. Ерітінді мөлдір немесе сәл бозаңданатын, түссіз немесе сәл сарғыш түсті болуы тиіс. Бұлыңғыр болып табылатын, құрамында қосындылары немесе тұнбасы бар ерітінділер пайдаланылмауы тиіс. Препаратты енгізу үшін жеке инфузиялық жүйені қолдану қажет.

Қауіпсіздік бейінінің түйіндемесі Адамның қалыпты иммуноглобулиндерінен туындаған жағымсыз реакциялар (жиіліктің төмендеу ретімен) келесі көріністерге ие болуы мүмкін («Арнайы ескертулер» бөлімін қараңыз): • қалтырау, бас ауыруы, бас айналу, қызба, құсу, аллергиялық реакциялар, жүрек айну, артралгия, артериялық қысымның төмендеуі және белдің орташа ауыруы; • қайтымды гемолиздік реакциялар; әсіресе А, В және АВ қан топтары бар және (сирек) қан құюды қажет ететін гемолиздік анемиясы бар пациенттерде; • (сирек) артериялық қысымның кенеттен төмендеуі және (жекелеген жағдайларда) анафилаксиялық шок, тіпті егер пациент алдын-ала енгізген кезде аса жоғары сезімталдықты көрсетпесе де; • (сирек) транзиторлы тері реакциялары (пайда болу жиілігі белгісіз терінің қызыл жегін қоса); • (өте сирек) миокард инфарктісі, инсульт, өкпе артериясының эмболиясы, терең веналар тромбозы сияқты тромбоэмболиялық реакциялар; • қайтымды асептикалық менингит жағдайлары; • қан сарысуындағы креатинин деңгейінің жоғарылауы және/немесе жедел бүйрек жеткіліксіздігінің пайда болу жағдайлары; • қан құюға байланысты өкпенің жедел зақымдану жағдайлары (ӨЖТЗС). Кесте түріндегі жағымсыз реакциялар тізімі Төмендегі кесте ағза жүйелерінің MedDRA жіктемесіне сәйкес жасалған (артықшылықты пайдалану терминдерін қолдана отырып). Жиілік келесі параметрлерге сәйкес бағаланды: өте жиі (≥1/10); жиі (≥1/100 < 1/10 дейін); жиі емес (≥1/1000 < 1/100 дейін); сирек (≥1/10000 < 1/1000 дейін); өте сирек (<1/10 000), белгісіз (қолда бар деректер бойынша бағалау мүмкін емес). Препараттың қауіпсіздік дерекқорының көзі - клиникалық сынақтар мен өздігінен келіп түскен хабарламалардың деректері. 2-кесте MedDRA жіктемесі бойынша ағзалар жүйесінің класы — Жағымсыз реакция — Пациентке жиілік — Инфузияға жиілік Инфекциялар мен инвазиялар — Жоғарғы тыныс алу жолдарының инфекциясы, бронхит — Белгісіз — Белгісіз Бүйрек және несеп шығару жолдарының инфекциясы — Белгісіз — Белгісіз Зеңдік инфекция — Белгісіз — Белгісіз Қан мен лимфа жүйесі тарапынан бұзылулар — Гемолиз, гемолиздік анемия — Белгісіз — Белгісіз Анемия — Белгісіз — Өте сирек Лейкопения, нейтропения — Белгісіз — Белгісіз Лимфаденопатия — Белгісіз — Белгісіз Иммундық жүйе тарапынан бұзылулар — Аса жоғары сезімталдық — Белгісіз — Өте сирек Анафилаксиялық реакция, анафилаксиялық шок — Белгісіз — Өте сирек Анафилактоидты реакция — Белгісіз — Белгісіз Ангиоісіну — Белгісіз — Белгісіз Бет ісінуі — Белгісіз — Өте сирек Эндокриндік бұзылулар — Қалқанша безі тарапынан бұзылу — Белгісіз — Белгісіз Психикалық бұзылыстар — Ажитация, үрейлену сезімі, ұйқысыздық — Белгісіз — Белгісіз Жүйке жүйесі тарапынан бұзылулар — Бас ауруы, бас сақинасы — Белгісіз — Өте сирек Бас айналу, тепе-теңдікті демеудің бұзылуы — Белгісіз — Белгісіз Асептикалық менингит — Белгісіз — Өте сирек Ми қан айналымының бұзылуы, транзиторлы ишемиялық шабуыл — Белгісіз — Белгісіз Парестезия, гипестезия, күйдіріп-ашу сезімі — Белгісіз — Өте сирек Тремор — Белгісіз — Өте сирек Амнезия, дизартрия, дисгевзия — Белгісіз — Белгісіз Көру мүшесі тарапынан бұзылулар — Конъюнктивит — Белгісіз — Белгісіз Көздің ауыруы — Белгісіз — Белгісіз Көздің ісінуі — Белгісіз — Белгісіз Есту мүшесі мен лабиринт тарапынан бұзылулар — Ортаңғы құлақта экссудаттың жиналуы — Белгісіз — Белгісіз Вертиго — Белгісіз — Белгісіз Жүрек тарапынан бұзылулар — Миокард инфарктісі — Белгісіз — Белгісіз Тахикардия, жүрек соғысы — Белгісіз — Өте сирек Тамырлар тарапынан бұзылулар — Гипотензия — Белгісіз — Белгісіз Гипертензия — Белгісіз — Өте сирек Тромбоэмболиялық реакциялар, терең веналар тромбозы — Белгісіз — Өте сирек Флебит — Белгісіз — Белгісіз Аяқ-қолдардың суық шеткері бөліктері, шеткері тамырлардың жеткіліксіздігі, цианоз — Белгісіз — Белгісіз Тыныс алу жүйесі, кеуде қуысы және көкірек ортасы ағзалары тарапынан бұзылулар — Өкпе эмболиясы — Белгісіз — Белгісіз Тыныс алу жеткіліксіздігі — Белгісіз — Белгісіз Ентігу, тыныс алудың жиілеуі — Белгісіз — Белгісіз Жөтел — Белгісіз — Өте сирек Өкпе ісінуі — Белгісіз — Белгісіз Бронх түйілуі, демікпе — Белгісіз — Белгісіз Асқазан-ішек бұзылулары — Жүрек айнуы, құсу, диарея — Белгісіз — Өте сирек Іштің ауыруы — Белгісіз — Өте сирек Тері мен тері асты шелі тарапынан бұзылулар — Бөртпе, эритематозды бөртпе, қышыну, есекжем, экзема, дерматит, алопеция, фотосезімталдық реакциясы — Белгісіз — Өте сирек Транзиторлы тері реакциялары (терінің қызыл жегін қоса) — Белгісіз — Белгісіз Гипергидроз — Белгісіз — Белгісіз Бұлшықет, қаңқа және дәнекер тіндер тарапынан бұзылулар — Арқа тарапынан ауыру, аяқ-қолды ауыруы — Белгісіз — Белгісіз Артралгия — Белгісіз — Өте сирек Миалгия, бұлшықет түйілуі, бұлшықеттің жиырылуы — Белгісіз — Өте сирек Бүйрек және несеп шығару жолы тарапынан — Бүйректің жедел зақымдануы — Белгісіз — Белгісіз Протеинурия — Белгісіз — Белгісіз Жалпы бұзылулар және енгізу орнындағы реакциялар — Пирексия — Белгісіз — Сирек Қалтырау — Белгісіз — Сирек Астения, шаршау — Белгісіз — Өте сирек Гиперемия — Белгісіз — Өте сирек Суық тер, түнгі тершеңдік — Белгісіз — Белгісіз Дімкәстік, ысыну сезімі, мұрынның бітелуі, көмейдің ауыруы, ауыз-жұтқыншақтың ісінуі, ринореяны қоса, тұмауға ұқсас симптомдар — Белгісіз — Сирек Кеудедегі жайсыздық сезімі, кеуде қуысыны ауыруы — Белгісіз — Өте сирек Шеткері ісіну — Белгісіз — Белгісіз Ауыру, инфузия орнындағы аса жоғары сезімталдық, гиперемия, ісіну, флебит, қышынуды қоса, енгізу орнындағы реакциялар — Белгісіз — Өте сирек Зертханалық және аспаптық деректер — Қандағы креатинин деңгейінің жоғарылауы — Белгісіз — Өте сирек Бауыр ферменттері деңгейінің жоғарылауы — Белгісіз — Өте сирек Кумбстың оң сынағы — Белгісіз — Өте сирек Қандағы мочевина деңгейінің жоғарылауы — Белгісіз — Белгісіз Гематокрит көрсеткішінің төмендеуі — Белгісіз — Белгісіз Эритроциттер санының төмендеуі — Белгісіз — Белгісіз Оттегімен қанығудың төмендеуі — Белгісіз — Белгісіз Қандағы холестерин деңгейінің жоғарылауы — Белгісіз — Белгісіз Жарақаттар, уыттану және емшаралардың асқынуы — Өкпенің жедел трансфузиядан кейінгі зақымдану синдромы (ӨЖТЗС) — Белгісіз — Белгісіз Балалар Препараттың клиникалық зерттеулерінде балалардағы жағымсыз реакциялардың көпшілігі жеңіл, тез өздігінен өтетіне немесе қарапайым шараларға (вена ішіне енгізу жылдамдығын төмендету немесе оны уақытша тоқтату) жауап ретінде бағаланды. Балалардағы жағымсыз реакциялардың жиілігі, түрі және ауырлығы ересектердегідей болады деп күтілуде. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану организмдегі сұйықтықтың іркілуіне және қан тұтқырлығының жоғарылауына, әсіресе қауіп тобындағы пациенттерде, оның ішінде егде жастағы пациенттерде немесе жүрек немесе бүйрек функциясы бұзылған пациенттерде әкелуі мүмкін. Емі: симптоматикалық. Дәрілік затты қолдану тәсілін түсіндіру үшін медициналық қызметкерден кеңес алу бойынша ұсыныстар Препаратты енгізу дәрі-дәрмекпен емдеу тәжірибесі бар дәрігердің бақылауымен жүзеге асырылады.

Арнайы ескертулер Қадағалау Биологиялық дәрілік препараттардың қадағалануын жақсарту үшін бастапқы медициналық құжаттамаға енгізілген препараттың атауы мен партия нөмірін нақты жазу керек. Қолдану кезіндегі ескерту Потенциалды асқынуларды болдырмауға болады, егер пациенттер төмендегіге көз жеткізсе: - препаратты баяу бастапқы енгізу кезінде қалыпты адамның иммуноглобулиніне сезімтал емес (0,5-1,0 мл/кг/сағ); - инфузия кезеңінде кез-келген симптомдардың пайда болуы туралы мұқият бақылауда болуы. Атап айтқанда, потенциалды жағымсыз реакцияның ықтимал белгілерін анықтау үшін бірінші инфузия кезінде және одан кейінгі бірінші сағат ішінде пациенттердің жағдайын мұқият бақылау қажет, егер адамның қалыпты иммуноглобулині алғаш енгізілсе немесе вена ішіне енгізу үшін басқа баламалы иммуноглобулиндермен (ВІИГ) ауыстырылған жағдайда немесе алдын ала инфузиядан кейін ұзақ үзіліс болған жағдайда. Басқа пациенттердің жағдайын осы дәрілік препаратты енгізгеннен кейін кемінде 20 минут бойы бақылау қажет. Барлық пациенттер үшін ВІИГ енгізу кезінде: - инфузияны бастамас бұрын талапқа сай гидратацияны жүргізу; - диурезді бақылау; - қан сарысуындағы креатинин деңгейін бақылау; - ілмекті диуретиктерді қатарлас қолданудан аулақ болу («Басқа дәрілік препараттармен өзара әрекеттесуі» бөлімін қараңыз). Жағымсыз реакция пайда болған жағдайда инфузия жылдамдығын төмендету немесе инфузияны тоқтату қажет. Қажетті емдеу жағымсыз реакцияның сипаты мен ауырлығына байланысты. Инфузияға байланысты реакция Кейбір жағымсыз реакциялар (мысалы, бас ауыруы, ысыну, қалтырау, миалгия, сырылдар, тахикардия, бел ауыруы, жүрек айнуы және артериялық гипотензия) инфузия жылдамдығымен байланысты болуы мүмкін. Инфузияның ұсынылған жылдамдығын қатаң сақтау қажет. Пациенттер препаратты енгізудің барлық кезеңінде оларда кез келген симптомдардың пайда болуы себебінен мұқият бақылауда болуы тиіс. Кейбір жағымсыз реакциялар жиі пайда болуы мүмкін: - адамның қалыпты иммуноглобулині пациентке алғаш рет енгізілгенде немесе сирек жағдайларда адамның қалыпты иммуноглобулинінің бір препаратын басқа осындай препаратқа ауыстыру жүргізілгенде немесе алдын ала инфузиядан кейін ұзақ үзіліс болған жағдайда; - белсенді инфекциясы немесе негізгі созылмалы қабынуы бар пациенттерде. Аса жоғары сезімталдық Аса жоғары сезімталдық реакциялары сирек байқалады. Анафилаксия төмендегі пациенттерде дамуы мүмкін: - IgA антиденелері бар белгісіз IgA бар; - адамның қалыпты иммуноглобулинімен алдын ала емделгендер. Шок пайда болған кезде, шокты стандартты медициналық емдеуді қолдану керек. Тромбоэмболия ВІИГ енгізу мен миокард инфарктісі, ми қан айналымының жедел бұзылуы (инсультті қоса), өкпе артериясының эмболиясы және терең веналар тромбозы сияқты тромбоэмболиялық асқынулардың дамуы арасындағы байланыстың клиникалық дәлелдері бар, бұл қауіп тобындағы пациенттерде иммуноглобулиннің елеулі мөлшерінің түсуі салдарынан қан тұтқырлығының салыстырмалы жоғарылауымен байланысты деп болжануда. Дене салмағы артық пациенттерге және тромбоздық құбылыстардың (егде жас, артериялық гипертензия, қант диабеті, анамнезінде қантамыр аурулары немесе тромбоздық эпизодтар, жүре пайда болған немесе тұқым қуалайтын тромбофилиялық бұзылыстар, ұзақ иммобилизация кезеңі, ауыр гиповолемия, қанның тұтқырлығын арттыратын аурулар сияқты) пайда болу қаупі факторлары бар пациенттерге ВІИГ инфузиясын тағайындау және жүргізу кезінде сақ болу керек. Жағымсыз тромбоэмболиялық реакциялар қаупі бар пациенттерге ВІИГ препараттарын ең төменгі ықтимал жылдамдықпен және ең аз дозада енгізу қажет. Жедел бүйрек жеткіліксіздігі ВІИГ ем қабылдаған пациенттерде жедел бүйрек жеткіліксіздігі жағдайлары туралы хабарланды. Көп жағдайда бүйрек жеткіліксіздігі, қант диабеті, гиповолемия, артық салмақ, нефроуытты дәрілік препараттарды қатарлас қабылдау немесе 65 жастан асу сияқты қауіп факторлары анықталды. Бүйрек параметрлерін, әсіресе жедел бүйрек жеткіліксіздігінің даму қаупі потенциалды жоғары пациенттерде және тиісті уақыт аралығында қайта ВІИГ инфузиясының алдында бағалау керек. Жедел бүйрек жеткіліксіздігінің даму қаупі бар пациенттерге ВІИГ препараттарын инфузияның ең төменгі ықтимал жылдамдығымен және дозасымен енгізу керек. Бүйрек функциясы бұзылған жағдайда ВІИГ қолдануды тоқтату туралы мәселені қарастыру керек. Бүйрек дисфункциясы және жедел бүйрек жеткіліксіздігі туралы хабарламалар тұрақтандырғыш ретінде құрамында сахароза бар сахароза, глюкоза және мальтоза сияқты әртүрлі қосымша заттары бар көптеген лицензияланған ВІИГ препараттарын пайдаланумен байланысты болғанымен, жалпы мөлшердің пропорционалды емес үлесін құрады. Қауіп тобындағы пациенттер құрамында осы қосымша заттар жоқ ВІИГ препараттарын пайдалануды қарастыруы мүмкін. Препарат құрамында сахароза, мальтоза және глюкоза жоқ. Асептикалық менингит синдромы ВІИГ қолданумен байланысты асептикалық менингит синдромының (АМС) даму жағдайлары туралы хабарланды. АМС әдетте ВІИГ енгізгеннен кейін бірнеше сағаттан 2 күнге дейін басталады. Жұлын сұйықтығын (ликворды) зерттеу жиі оң болып табылады, плеоцитоздың көрсеткіші 1 мм3 бірнеше мың жасушаға дейін, негізінен гранулоциттер қатарында және ақуыз деңгейі бірнеше жүз мг/дл-ге дейін жоғарылайды. АМС жоғары дозада (2,0 г/кг) ВІИГ емдеуге байланысты жиі пайда болуы мүмкін. Көрсетілген белгілер мен симптомдар анықталған пациенттер менингиттің басқа себептерін жоққа шығару үшін, жұлын сұйықтығын зерттеуді қоса, мұқият неврологиялық тексеруде өтуі керек. ВІИГ емдеуді тоқтату салдарсыз бірнеше күн ішінде АМС ремиссияға әкелді. Гемолиздік анемия ВІИГ өнімдерінде оң тікелей антиглобулин реакциясын (Кумбс тесті) және сирек гемолизді туындата отырып, гемолизиндер ретінде әрекет ететін және эритроциттерді иммуноглобулинмен in vivo жабуды индукциялауға қабілетті қан тобының антиденелері болуы мүмкін. Гемолиздік анемия эритроциттердің секвестрациясының күшеюіне байланысты ВІИГ емнен кейін дамуы мүмкін. Иммуноглобулиндермен ем қабылдайтын пациенттер гемолиздің клиникалық симптомдарының болуын бақылауы керек. Нейтропения/лейкопения Венаішілік иммуноглобулиндермен (ВІИГ) емдеуден кейін нейтрофилдер санының уақытша төмендеуі және/немесе кейде ауыр нейтропения эпизодтары туралы хабарламалар келіп түсті. Бұл әдетте ВІИГ кейін бірнеше сағат немесе күн ішінде болады және 7-14 күн ішінде өздігінен жоғалады. Өкпенің жедел трансфузиядан кейінгі зақымдану синдромы (ӨЖТЗС) ВІИГ қабылдаған пациенттерде жедел кардиогенді емес өкпе ісінуі [Өкпенің жедел трансфузиядан кейінгі зақымдану синдромы (ӨЖТЗС)] жағдайлары туралы хабарламалар болды. ӨЖТЗС ауыр гипоксиямен, ентігумен, тахипноэмен, цианозбен, қызбамен және гипотензиямен сипатталады. ӨЖТЗС симптомдары әдетте препаратты енгізу кезінде немесе одан кейін 6 сағат ішінде, жиі 1-2 сағат ішінде дамиды. Сондықтан пациенттердің жағдайын енгізу кезінде байқап, өкпе тарапынан жағымсыз реакциялар пайда болған жағдайда ВІИГ инфузиясын дереу тоқтату керек. ӨЖТЗС өмір үшін потенциалды қауіпті, қарқынды ем бөлімшесінде шұғыл емді қажет ететін жай-күй болып табылады. Серологиялық көрсеткіштердің өзгеруі Иммуноглобулинді енгізгеннен кейін пациенттің қанындағы әртүрлі пассивті берілетін антиденелердің уақытша жоғарылауы серологиялық зерттеудің жалған оң нәтижелеріне әкелуі мүмкін. Эритроциттік антигендерге, мысалы, A, B, D антиденелердің пассивті берілуі эритроциттерге антиденелердің кейбір серологиялық тесттеріне әсер етуі мүмкін, мысалы, тікелей антиглобулин тесті (тікелей Кумбс тесті). Трансмиссивті қоздырғыштар Адамның қанынан немесе плазмасынан жасалған дәрілік препараттарды қолданудан туындаған инфекциялардың алдын алудың стандартты шараларына донорларды іріктеу, инфекцияның спецификалық маркерлеріне жеке донациялар мен плазма пулдарын скринингтеу және вирустардың белсенділігін жою/жою үшін тиімді өндірістік қадамдарды қосу жатады. Осыған қарамастан, адамның қанынан немесе плазмасынан жасалған дәрілік препараттарды енгізу кезінде инфекциялық агенттердің берілу мүмкіндігін толығымен жоққа шығаруға болмайды. Бұл сондай-ақ белгісіз немесе жаңа вирустар мен басқа қоздырғыштарға жатады. Қабылданған шаралар адамның иммун тапшылығы вирусы (АИТВ), В гепатиті вирусы (HBV) және С гепатиті вирусы (HCV) сияқты қабықшалық вирустар үшін, сондай-ақ А гепатиті вирусы (HAV) және В19 парвовирусы сияқты қабықсыз вирустар үшін тиімді болып саналады. А гепатитінің немесе В19 парвовирусының иммуноглобулиндермен берілуінің болмауына қатысты үміт беретін клиникалық тәжірибе бар, сонымен қатар антиденелердің құрамы вирустық қауіпсіздікке маңызды үлес қосады деп болжануда. Балалар Қандай да бір жоғарыда аталған жағымсыз реакциялардың пайда болу қаупі педиатриялық пациенттерге тән емес. Нәресте жасындағы пациенттер шамадан тыс жүктеменің дамуына едәуір осал болуы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдарын және механизмдерді басқару қабілеті БИОВЕН препаратымен (100мг/мл) байланысты кейбір жағымсыз реакциялардың туындауы нәтижесінде төмендеуі мүмкін. Емдеу кезінде жағымсыз реакциялары бар пациенттер көлік құралын басқару немесе механизмдерді пайдалану басталғанға дейін олардың жойылуын күтуі тиіс.

Препаратты жүктілік кезінде қолдану қауіпсіздігі бақыланатын клиникалық сынақтар барысында зерттелмеген, сондықтан оны жүктілік кезінде және бала емізу кезеңінде сақтықпен қолданған жөн. ИГВВ препараттары плацентарлы бөгет арқылы көбінесе III триместрде өтеді. Иммуноглобулиндерді қолданудың клиникалық тәжірибесі мұндай препараттардың жүктілік ағымына, шаранаға және жаңа туған нәрестеге теріс әсерінің жоқтығын көрсетеді. Иммуноглобулиндер емшек сүтімен шығарылады, бұл нәрестені шырышты қабықтар арқылы организмге енетін қоздырғыштардан қорғауға көмектеседі.

Тірі әлсіретілген вирустық вакциналар Иммуноглобулиндерді енгізу қызылша, қызамық, эпидемиялық паротитке және желшешекке қарсы тірі әлсіретілген (аттенуирленген) вирустық вакциналардың тиімділігін 6 аптадан бастап және 3 айға дейінгі кезең ішінде төмендетуі мүмкін. Әлсіретілген тірі вирустық вакциналармен вакцинация жасау алдында осы препаратты енгізуден кейін 3 ай өтуі тиіс. Қызылшаға қарсы вакцинация жағдайында вакцина тиімділігінің бұл әлсіреуі 1 жылға дейін жалғасуы мүмкін. Сондықтан қызылшаға қарсы вакцина енгізілетін пациенттерде антидене статусын тексеру керек. Бұл инфекцияларға қарсы вакцинациядан кейін препаратты 2 апта өткен соң барып енгізу керек; БИОВЕН препаратын осы мерзімнен бұрын қолдану қажет болған жағдайда, қызылшаға немесе эпидемиялық паротитке қарсы вакцинацияны қайталау керек. Басқа инфекцияларға қарсы екпелерді препаратты енгізуге дейін немесе одан кейін кез келген мерзімде жасауға болады. Фармацевтикалық өзара әрекеттесу БИОВЕНДІ басқа дәрілік препараттармен араластыруға болмайды.

Сақтау мерзімі 3 жыл 25 °С-ден аспайтын температурада сақтау жағдайындағы жарамдылық мерзімі - 6 ай. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 2 ºС-ден 8 ºС-ге дейінгі температурада сақтау керек. Мұздатып қатыруға болмайды. 25 °С-ден аспайтын температурада сақтау жағдайындағы жарамдылық мерзімі - 6 ай. Сақтау мерзімі өткеннен кейін дәрілік препаратты тоңазытқышқа салуға болмайды, оны утилизациялау керек. Балалардың қолы жетпейтін жерде сақтау керек!